Alappuzha
സിപിഎം ബ്രാഞ്ച് സമ്മേളനങ്ങളില്‍ വിഭാഗീയത രൂക്ഷം: മിനിറ്റ്‌സ് ബുക്കുമായി വനിത സെക്രട്ടറി ഇറങ്ങിപ്പോയി
ചാരുംമൂട്: ബ്രാഞ്ച് സമ്മേളനങ്ങളില്‍ വിഭാഗീയത രൂക്ഷമാക്കിയത് സി.പി.എം നേതൃത്വത്തെ പ്രതിരോധത്തിലാക്കുന്നു. ചാരുംമൂട് ഏരിയ കമ്മിറ്റിക്ക് കീഴിലുള്ള ബ്രാഞ്ച് സമ്മേളനങ്ങളില്‍ പാര്‍ട്ടി അംഗങ്ങള്‍ സമ്മേളനം ബഹിഷ്‌കരിക്കുന്നത് നിത്യസംഭവമായി. പലയിടത്തും സമ്മേളനം വഴിപാടായി മാറി. ചില ബ്രാഞ്ചുകളിലെ സമ്മേളനങ്ങള്‍ നിരവധി തവണ മാറ്റിവെച്ചു.
കഴിഞ്ഞ ദിവസം നടന്ന പള്ളിക്കല്‍ വടക്ക് ബ്രാഞ്ച് സമ്മേളനം പൂര്‍ത്തീകരിക്കാതെ മിനിറ്റ്‌സ് ബുക്കുമായി വനിത ബ്രാഞ്ച് സെക്രട്ടറി ഇറങ്ങിപ്പോയി. ലോക്കല്‍ കമ്മിറ്റി സെക്രട്ടറിയാണ് സമ്മേളനം ഉദ്ഘാടനം ചെയ്തത്. സംസ്ഥാന കമ്മിറ്റി നല്‍കിയ മാര്‍ഗരേഖക്ക് വിരുദ്ധമായി ഉദ്ഘാടകന്‍ ജില്ല സെക്രട്ടറിയേറ്റ് അംഗത്തെ വ്യക്തിപരമായി ആക്ഷേപിച്ചത് പ്രതിനിധികള്‍ തമ്മില്‍ വാക്കേറ്റത്തിന് കാരണമായി. ബ്രാഞ്ച് സെക്രട്ടറി സ്ഥാനത്തേക്ക് സര്‍ക്കാര്‍ ജീവനക്കാരന്റെ പേര് ഉയര്‍ന്നുവന്നതും പ്രശ്‌നത്തിനിടയാക്കി.
സര്‍ക്കാര്‍ ജോലിക്കാര്‍ ബ്രാഞ്ച് സെക്രട്ടറിയാവാന്‍ പാടില്ലെന്ന് പ്രതിനിധികള്‍ വാദിച്ചു. ആര്‍ക്കും മത്സരിക്കാമെന്ന നിര്‍ദേശമാണ് ലോക്കല്‍ സെക്രട്ടറി നല്‍കിയത്. സമ്മേളനം ചൂടേറിയ വാഗ്വാദത്തിലേക്ക് കടന്നപ്പോള്‍ നാലു പേരുകള്‍ ലോക്കല്‍ സെക്രട്ടറി ഏകപക്ഷീയമായി പ്രഖ്യാപിച്ചു. ഇത് സംഘടന രീതിയല്ലെന്ന് ചൂണ്ടിക്കാണിച്ച് ബ്രാഞ്ച് സെക്രട്ടറി മിനിറ്റ്‌സ് ബുക്കും മറ്റ് രേഖകളുമായി സമ്മേളനം അവസാനിപ്പിക്കാതെ ഇറങ്ങി പോവുകയായിരുന്നു.
പയ്യനല്ലൂര്‍ ബ്രാഞ്ച് സമ്മേളനത്തില്‍ സെക്രട്ടറി സ്ഥാനത്തേക്ക് മത്സരം വന്നതിനെത്തുടര്‍ന്ന് സമ്മേളനം നിര്‍ത്തിവെക്കേണ്ടിവന്നു. പാലമേല്‍ തെക്ക് ലോക്കല്‍ കമ്മിറ്റിയുടെ കീഴില്‍ നടന്ന ബ്രാഞ്ച് സമ്മേളനങ്ങള്‍ സംഘടന രീതിയിലല്ല നടക്കുന്നതെന്ന് കാണിച്ച് നിരവധി പരാതികള്‍ ജില്ല കമ്മിറ്റിക്ക് നല്‍കിയിട്ടുണ്ട്. എല്‍.സി സെക്രട്ടറിയും ഏരിയ കമ്മിറ്റി അംഗവും ചേര്‍ന്ന് അവരുടെ ബിസിനസ് താല്‍പര്യങ്ങള്‍ സംരക്ഷിക്കുന്ന രീതിയില്‍ സമ്മേളനം നടത്തുകയാണെന്നും അംഗങ്ങള്‍ക്കിടയില്‍ പരക്കെ ആക്ഷേപമുണ്ട്. ഇവര്‍ക്കെതിരെ ഉയരുന്ന ആരോപണങ്ങളും ചര്‍ച്ചകള്‍ക്ക് ഇടയാകുന്നുണ്ട്.
ചര്‍ച്ചകളിലേക്ക് കടക്കാതെ അഭിപ്രായങ്ങള്‍ മിനിറ്റ്‌സില്‍ രേഖപ്പെടുത്തി വേഗത്തില്‍ സമ്മേളനം അവസാനിപ്പിക്കുന്ന രീതിയാണ് പലയിടത്തും നടക്കുന്നതെന്നും ആക്ഷേപമുണ്ട്. പാലമേല്‍ തെക്ക് ലോക്കല്‍ കമ്മിറ്റിയിലെ ബ്രാഞ്ച് സമ്മേളനങ്ങളുമായി ബന്ധപ്പെട്ട് ഉയര്‍ന്നുവന്ന പരാതികളും വ്യാജ മെമ്പര്‍ഷിപ്പിനെ കുറിച്ച ആരോപണവും പരിശോധിക്കാന്‍ ജില്ല കമ്മിറ്റി തീരുമാനിച്ചിട്ടുണ്ട്.
ആലപ്പുഴ: വിസ തട്ടിപ്പിനിരയായി തലവടി സ്വദേശി തൂങ്ങിമരിച്ച സംഭവത്തില്‍ പ്രതിയായ ബിജോയെ കണ്ടെത്താനായി ഫോണ്‍ കോളുകള്‍ കേന്ദ്രീകരിച്ച് അന്വേഷണം പുരോഗമിക്കുന്നു. സൈബര്‍ സെല്ലിന്റെ സഹായത്തോടെ
ഫോണ്‍ കോളുകള്‍ കേന്ദ്രീകരിച്ചാണ് അന്വേഷണം നടക്കുന്നത്. അമ്പലപ്പുഴ ഡിവൈ.എസ്.പി കെ. എന്‍. രാജേഷ്, എടത്വാ എസ്.ഐ എന്‍. രാജേഷ് എന്നിവരുടെ നേതൃത്വത്തിലുള്ള ടീമാണ് അന്വേഷണം നടത്തുന്നത്. യുവതിയുടെ ആത്മഹത്യാ കുറിപ്പില്‍ നിന്നാണ് ഏജന്‍സിയെ കുറിച്ചും പ്രതിയെ കുറിച്ചും വിവരം ലഭിച്ചത് ഇതിനെ കേന്ദ്രീകരിച്ച് അന്വേഷണം ആരംഭിച്ചത്. വിസ തട്ടിപ്പിന് ഇരയായ തലവടി മാളിയേക്കല്‍ ശരണ്യ (34) ആണ് കഴിഞ്ഞ ശനിയാഴ്ച തൂങ്ങി മരിച്ചത്. ആത്മഹത്യാ കുറിപ്പില്‍ നിന്നും നിരവധി ആളുകളുടെ കൈയ്യില്‍ നിന്ന് പണം വാങ്ങി ഏജന്‍സിക്ക് കൈമാറിയതായി സൂചന ലഭിച്ചിരുന്നു. ഇതേ തുടര്‍ന്ന് ശരണ്യയുടെ അക്കൗണ്ട് പരിശോധിച്ചപ്പോള്‍ നീരേറ്റുപുറത്തുള്ള രണ്ട് ബാങ്കുകളുടെ അക്കൗണ്ടില്‍ നിന്ന് അരക്കോടിയിലേറെ രൂപ ഏജന്‍സിക്ക് കൈമാറിയതായി തെളിവ് ലഭിച്ചിട്ടുണ്ട്. കൂടാതെ ശരണ്യയുടെ കൂട്ടുകാരിയുടെ അക്കൗണ്ടില്‍ നിന്നും ആറ് ലക്ഷം രൂപയോളം ഈ എജന്‍സിക്ക് കൈമാറിയിട്ടുണ്ട്. വിദേശ ജോലി സ്വപ്‌നം കണ്ട നിരവധി ആളുകളുടെ പണമാണ് ഏജന്‍സി കൈക്കലാക്കിയത്. ശരണ്യയുടെ വിശ്വാസിയതയില്‍ പണം കൈമാറിയ മറ്റ് തൊഴിലന്വേഷികള്‍ വിസ തട്ടിപ്പെന്ന് മനസ്സിലാക്കിയതോടെ പണം തിരികെ ആവശ്യപ്പെട്ടിരുന്നു. വിദേശത്തേയ്ക്ക് പോകാനുള്ള തയ്യാറെടുപ്പ് നടക്കുന്നതിനിടെയാണ് വിസ തട്ടിപ്പ് വിവരം ശരണ്യക്ക് മനസ്സിലായത്. ഇതില്‍ മനം നൊന്താണ് ശരണ്യ തൂങ്ങി മരിച്ചത്. ശരണ്യയുടെ മരണവിവരം അറിഞ്ഞ ഭര്‍ത്താവും തൂങ്ങി മരിക്കാന്‍ ശ്രമിച്ചെങ്കിലും നാട്ടുകാരുടെയും പോലീസിന്റെയും സമയോജിതമായ ഇടപെടാലില്‍ ജീവന്‍ തിരിച്ചു കിട്ടിയിരുന്നു.
മാവേലിക്കര: ജര്‍മ്മനിയില്‍ മരണപ്പെട്ട ആദം ജോസഫിന്റെ മൃതദേഹം 13ന് ജര്‍മനിയില്‍ നിന്ന് നാട്ടിലെത്തിക്കുമെന്ന് കൊടിക്കുന്നില്‍ സുരേഷ് എം പി അറിയിച്ചു. ഇത് സംബന്ധിച്ചുള്ള അറിയിപ്പ് ജര്‍മ്മനിയിലെ ഇന്ത്യന്‍ എംബസിയില്‍ നിന്നും ലഭിച്ചതായി അദ്ദേഹം പറഞ്ഞു പരേതന്റെ മൃതദേഹം അടിയന്തരമായി നാട്ടിലെത്തിക്കുന്നതിനായുള്ള നടപടികള്‍ ഉറപ്പുവരുത്തുന്നതിന് വിദേശകാര്യ മന്ത്രാലയവും ജര്‍മ്മനിയിലെ ഇന്ത്യന്‍ എംബസിയുമായി നിരന്തരം ബന്ധപ്പെട്ടതിന്റെ ഫലമായിട്ടാണ് ജര്‍മ്മനി പോലുള്ള ക്രിമിനല്‍ നടപടിക്രമങ്ങള്‍ ശക്തമായ ഒരു രാജ്യത്ത് നിന്നും ഇത്രയും വേഗം നാട്ടില്‍ എത്തിക്കാന്‍ കഴിഞ്ഞതെന്ന് എംപി അറിയിച്ചു. ജര്‍മ്മനിയില്‍ നിന്നും വിമാന മാര്‍ഗ്ഗം ഡല്‍ഹിയില്‍ എത്തിക്കുന്ന മൃതദേഹം നെടുമ്പാശ്ശേരി വിമാനത്താവളത്തില്‍ എത്തിച്ചാണ് ബന്ധുക്കള്‍ക്ക് കൈമാറുന്നത്.
ആലപ്പുഴ: കൊല്ലപ്പെട്ട ഡോ. വന്ദനാ ദാസിന്റെ ഓര്‍മയ്ക്കായി നിര്‍മ്മിച്ച ഡോ. വന്ദനാദാസ് മെമ്മോറിയല്‍ ക്ലിനിക് ആലപ്പുഴ തൃക്കുന്നപ്പുഴയില്‍ ഇന്ന് പ്രവര്‍ത്തനം ആരംഭിക്കും. ക്ലിനിക്കിലെ പ്രാര്‍ത്ഥന ഹാള്‍ കേന്ദ്രമന്ത്രി സുരേഷ് ഗോപി ഉദ്ഘാടനം ചെയ്തു. മകളുടെ സ്വപ്‌നമാണ് സഫലമായതെന്ന് വന്ദനയുടെ അമ്മ പറഞ്ഞു. വന്ദനയുടെ പേരില്‍ ഒരു ക്ലിനിക് എന്നത്തെയും ആഗ്രഹമായിരുന്നു. മകള്‍ ജീവിച്ചിരിക്കുമ്പോള്‍ ക്ലിനിക് തുടങ്ങണം എന്നായിരുന്നു ആഗ്രഹം. വന്ദനയുടെ ഓര്‍മ്മയ്ക്കായി ക്ലിനിക് തുടങ്ങേണ്ടിവരുമെന്ന് കരുതിയില്ലെന്നും നിറകണ്ണുകളോടെ അമ്മ പറഞ്ഞു.
മകളുടെ ഓര്‍മ്മയ്ക്കായി വന്ദനയുടെ മാതാപിതാക്കളാണ് പല്ലനയാറിന്റെ തീരത്ത് ക്ലിനിക് പണിതത്. അമ്മ വീടിനടുത്ത് ഒരു ആശുപത്രി വന്ദനയുടെ സ്വപ്‌നമായിരുന്നുവെന്ന് സുഹൃത്തുകളും പറയുന്നു. ഗവര്‍ണര്‍ ആരിഫ് മുഹമ്മദ് ഖാന്‍ ഇന്ന് വൈകിട്ട് ആശുപത്രി ഉദ്ഘാടനം ചെയ്യും. ക്ലിനികിന്റെ ഉദ്ഘാടനത്തോടനുബന്ധിച്ച് മെഡിക്കല്‍ ക്യാമ്പും സംഘടിപ്പിച്ചിട്ടുണ്ട്. ക്ലിനിക് പ്രവര്‍ത്തനം ആരംഭിക്കുന്നതോടെ സ്ഥിരമായി രണ്ട് ഡോക്ടര്‍മാരുടെ സേവനം ഉണ്ടാകും. വന്ദനയുടെ സുഹൃത്തുക്കള്‍ ഉള്‍പ്പടെയുള്ളവര്‍ ക്ലിനിക്കില്‍ സേവനം നല്‍കാമെന്ന് ഉറപ്പ് നല്‍കിയിട്ടുണ്ട്.
2023 മെയ് പത്തിന് കൊട്ടാരക്കര താലൂക്ക് ആശുപത്രിയില്‍ വൈദ്യപരിശോധനയ്ക്കായി പൊലീസ് എത്തിച്ച കുടവട്ടൂര്‍ സ്വദേശി സന്ദീപിന്റെ അക്രമണത്തിലാണ് ഹൗസ് സര്‍ജന്‍സി വിദ്യാര്‍ഥിയായിരുന്ന വന്ദന കൊല്ലപ്പെട്ടത്. സന്ദീപിന് പരമാവധി ശിക്ഷ ലഭിക്കുന്നതും കാത്തിരിക്കുകയാണ് ഈ മാതാപിതാക്കള്‍. മകള്‍ക്ക് നീതി ഉറപ്പാക്കുന്നതിനൊപ്പം അവളുടെ സ്വപ്‌നങ്ങളും നെഞ്ചോട് ചേര്‍ക്കുകയാണവര്‍.
-
Featured2 months agoപാലിയേക്കര ടോള്: കരാര് കമ്പനിക്ക് 2128.72 കോടി രൂപ പിഴ ചുമത്തി ദേശീയപാത അതോറിറ്റി
-
News2 months agoജീവനക്കാരുടെ അവകാശങ്ങൾക്ക് തടസ്സം നിൽക്കുമെന്ന് സർക്കാർ
-
Education1 month agoമഹാരാജാസിന് ഓട്ടോണമസ് പദവി നഷ്ടപ്പെട്ടിട്ട് നാലുവര്ഷം: കോളേജ് നടത്തുന്ന പരീക്ഷകള് അസാധുവാകും
-
Business2 months agoസംസ്ഥാനത്ത് കോഴി വില കുത്തനെ കുറഞ്ഞു
-
Ernakulam2 months agoശനിയാഴ്ച പ്രവൃത്തിദിനം ഹൈക്കോടതിവിധി സർക്കാരിന് കനത്ത തിരിച്ചടി: കെ പി എസ് ടി എ
-
News2 months agoസംഭാവന എല്ലാവരിൽ നിന്നും സ്വീകരിക്കാനുള്ള ഭേദഗതി ഉത്തരവിൽ വരുത്തണം: സെറ്റോ
-
News2 months ago
സർക്കാർ നിർദ്ദേശങ്ങൾ ശമ്പള സംഭാവന നിർബന്ധമാക്കുന്നത്: സെക്രട്ടേറിയറ്റ് ആക്ഷൻ കൗൺസിൽ
-
Education2 months agoരാജ്യത്തെ ഏറ്റവും മികച്ച കോളേജുകളുടെ പട്ടികയില് ഇടം പിടിച്ച് ദേവമാതാ കോളേജ്
You must be logged in to post a comment Login