Connect with us
48 birthday
top banner (1)

Kerala

ഹൈക്കോടതി ഉത്തരവ് ലംഘിച്ച് നവകേരള സദസ്സിന് ആളെ എത്തിക്കാൻ സ്കൂൾ ബസുകൾ

Avatar

Published

on

മലപ്പുറം: നവകേരള സദസിൽ ഹൈക്കോടതി
ഉത്തരവിന് പുല്ലുവില. നവകേരള സദസിന് ആളെ എത്തിക്കാൻ സ്കൂൾ ബസുകൾ
ഉപയോഗിക്കരുതെന്ന ഇടക്കാല ഉത്തരവ്
ലംഘിക്കപ്പെട്ടു. കോഴിക്കോട് തിരുവമ്പാടി,
ബാലുശ്ശേരി, കുന്നമംഗലം മണ്ഡലങ്ങളിലെ
നവ കേരള സദസ്സുകളിലേക്കാണ് സ്കൂൾ
ബസുകളിൽ ആളെ എത്തിച്ചത്. സംഘാടകർ
ആവശ്യപ്പെട്ടാൽ സ്കൂൾ ബസുകൾ വിട്ടു
നൽകണമെന്നായിരുന്നു പൊതുവിദ്യാഭ്യാസ
ഡയറക്ടറുടെ ഉത്തരവ്. എന്നാൽ
കാസർകോട് സ്വദേശി നൽകിയ ഹർജിയിൽ
അന്തിമ തീരുമാനം എടുക്കും വരെ ഉത്തരവ്
നടപ്പാക്കരുതെന്നാണ് കോടതി പറഞ്ഞത്.
ഇടക്കാല ഉത്തരവ് ഇങ്ങനെയാണെങ്കിലും
പുറത്തു നടക്കുന്നത് നേർവിപരീതമാണ്. നവ
കേരള സദസ്സുകളിലേക്ക് യഥേഷ്ടം
ആളുകളെ എത്തിച്ചത് സ്കൂൾ ബസുകളിൽ
ആയിരുന്നു. തിരുവമ്പാടി മണ്ഡലത്തിലെ നവ
കേരള സദസ്സ് നടന്ന മുക്കത്താണ്
ഏറ്റവുമധികം സ്കൂൾ ബസുകൾ എത്തിയത്.
കുന്നമംഗലത്തെ നവ കേരള സദസ്സിനും കണ്ടു സ്കൂൾ ബസ്സുകൾ . ഇന്നലെ ഞായറാഴ്ച ആയതിനാലാണ് നവകേരള സദസ്സിന് ആളെ എത്തിക്കാൻ സ്കൂൾ ബസുകൾ ഉപയോഗിച്ചത്. എന്നാൽ ബാലുശേരിയിൽ ശനിയാഴ്ചയായിരുന്നു സ്കൂൾ ബസുകളിൽ ആളുകളെ കൊണ്ടുവന്നത്. ഞായറാഴ്ച സ്കൂളുകൾ പ്രവൃത്തി ദിവസം അല്ലാത്തതിനാൽ ബസുകൾ ഉപയോഗിച്ചാൽ കുഴപ്പമില്ലെന്ന് വാദിച്ചാലും നടക്കില്ല. കോടതി ഉത്തരവിൽ അങ്ങനെ ഒരു ഇളവില്ല. കേസ് ഹൈക്കോടതി ഇന്ന് വീണ്ടും പരിഗണിക്കുന്നുണ്ട്.

Thiruvananthapuram

മുഖ്യമന്ത്രിയുടെ വിശ്വസ്തന് ക്യാബിനറ്റ് പദവി: തീരുമാനം മന്ത്രിസഭ യോഗത്തില്‍

Published

on

തിരുവനന്തപുരം: മുഖ്യമന്ത്രിയുടെ ചീഫ് പ്രിന്‍സിപ്പല്‍ സെക്രട്ടറി കെ എം എബ്രഹാമിന് കാബിനറ്റ് റാങ്ക്. മന്ത്രിസഭ യോഗത്തിലാണ് എബ്രഹാമിന് കാബിനറ്റ് റാങ്ക് നല്‍കാന്‍ തീരുമാനിച്ചത്. കിഫ്ബിയുടെ മസാല ബോണ്ട് ക്രമക്കേടില്‍ മുന്‍ ധനമന്ത്രി തോമസ് ഐസക്കും കെ എം എബ്രഹാമും അറസ്റ്റ് ഭീതിയിലാണ്. ഇഡിയുടെ ചോദ്യം ചെയ്യലിന് ഹാജരാകാതിരിക്കാന്‍ ഹൈക്കോടതിയില്‍ കേസ് കൊടുത്തിരിക്കുകയാണ് ഇരുവരും. ഹൈക്കോടതി തള്ളിയാല്‍ സുപ്രീം കോടതിയില്‍ പോകാനാണ് ഇരുവരുടെയും നീക്കം. കാബിനറ്റ് റാങ്കുള്ളവരെ ചോദ്യംചെയ്യുന്നതിന് സര്‍ക്കാരിന്റെ അനുമതിയും അറസ്റ്റ് ചെയ്യുന്നതിന് ഗവര്‍ണറുടെ അനുമതിയും വേണം. എബ്രഹാമിന് കാബിനറ്റ് റാങ്ക് നല്‍കുന്നത് വഴി മൂന്ന് കോടിയുടെ അധിക ബാധ്യതയാണ് ഖജനാവിന് ഉണ്ടാകുന്നത്. പ്രൈവറ്റ് സെക്രട്ടറി ഉള്‍പ്പെടെ 25 പേഴ്‌സണല്‍ സ്റ്റാഫുകള്‍, 12 താല്‍ക്കാലിക ജീവനക്കാര്‍ എന്നിവരെ എബ്രഹാമിന് നിയമിക്കാം.

Continue Reading

Kerala

താപനില ഉയരും; ജാഗ്രത വേണം

Published

on

തിരുവനന്തപുരം: സംസ്ഥാനത്ത് നാളെ എട്ടു ജില്ലകളിൽ താപനില ഉയരാൻ സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. കൊല്ലം, കോട്ടയം, പാലക്കാട്  ജില്ലകളിൽ  ഉയർന്ന താപനില 37 ഡിഗ്രി സെൽഷ്യസ് വരെയും ആലപ്പുഴ, എറണാകുളം, തൃശൂർ, കോഴിക്കോട്, കണ്ണൂർ ജില്ലകളിൽ ഉയർന്ന താപനില 36 ഡിഗ്രി സെൽഷ്യസ് വരെയും ഉയരാൻ സാധ്യതയെന്നാണു കേന്ദ്ര കാലാവസ്ഥാ വകുപ്പ് അറിയിച്ചത്. സാധാരണയേക്കാൾ 2 – 3  ഡിഗ്രി സെൽഷ്യസ് കൂടുതലാണിത്.

Continue Reading

Kerala

മുഖ്യമന്ത്രിയുടെ പ്രിൻസിപ്പൽ സെക്രട്ടറിക്ക് കാബിനറ്റ് പദവി; തീരുമാനം മന്ത്രിസഭാ യോഗത്തിൽ

Published

on

തിരുവനന്തപുരം: മുഖ്യമന്ത്രിയുടെ ചീഫ് പ്രിൻസിപ്പൽ സെക്രട്ടറി ഡോ. കെ.എം എബ്രഹാമിന് കാബിനറ്റ് പദവി നൽകാൻ മന്ത്രിസഭാ യോഗത്തിൽ തീരുമാനം. പിണറായിയുടെ വിശ്വസ്തനെന്ന് അറിയപ്പെടുന്ന കെഎം എബ്രഹാമിനെ നേരത്തെ ചീഫ് സെക്രട്ടറിയായി വിരമിച്ചതിന് ശേഷം വൻ ശമ്പളം നൽകി കിഫ്ബി സിഇഒയായി നിയമിച്ചത് വൻ വിവാദമായിരുന്നു. ചീഫ് സെക്രട്ടറിയായിരിക്കെ വാങ്ങിയതിനേക്കാള്‍ കൂടിയ ശമ്പളത്തിലായിരുന്നു നിയമനം. ചട്ടവിരുദ്ധമായി ഓരോ മാസവും കെ.എം എബ്രഹാം കൈപറ്റുന്നത് ഒരു ലക്ഷത്തിലധികം രൂപയാണെന്ന വാർത്തകളും പുറത്തുവന്നിരുന്നു.
സർക്കാർ സർവീസിൽ നിന്ന് പെൻഷൻ പറ്റിയവർ അവസാനം വാങ്ങിയ ശമ്പളത്തിൽ നിന്ന് നിലവിലെ പെൻഷൻ കുറച്ച് വരുന്ന തുക മാത്രമേ പുനർനിയമനത്തിലെ വേതനമായി വാങ്ങാവൂ എന്ന ചട്ടമാണ് കെ.എം എബ്രഹാമിന്റെ കാര്യത്തിൽ ലംഘിച്ചത്. 2016ൽ അന്നത്തെ അഡീഷണൽ ചീഫ് സെക്രട്ടറിയായിരിക്കെ കെ.എം എബ്രഹാം പുറപ്പെടുവിച്ച ഉത്തരവ് തന്നെ ലംഘിച്ചായിരുന്നു ശമ്പള വർധന. കെ.എം എബ്രഹാമിന് അവസാനം ലഭിച്ച ശമ്പളം 2.25 ലക്ഷം രൂപയായിരുന്നു. ഇതിൽ നിന്ന് ഇപ്പോൾ ലഭിക്കുന്ന പെൻഷൻ കുറച്ച ശേഷമുള്ള തുകമാത്രമേ വേതനമായി കൈപറ്റാൻ അർഹതയുണ്ടായിരുന്നുള്ളൂ. എന്നാൽ രണ്ടേമുക്കാൽ ലക്ഷം രൂപയാണ് കിഫ്ബിയുടെ സിഇഒ ആയിരിക്കെ കെ.എം എബ്രഹാം കൈപ്പറ്റിയത്.
പൊലീസ് വകുപ്പിൽ 190 കോൺസ്‌റ്റബിൾ–ഡ്രൈവർ തസ്‌തികകൾ സൃഷ്ടിക്കാനും മന്ത്രിസഭാ യോഗം തീരുമാനിച്ചു. സംസ്ഥാന ശാസ്‌ത്ര സാങ്കേതിക പരിസ്ഥിതി കൗൺസിലിലേയും അനുബന്ധ ഗവേഷണ സ്ഥാപനങ്ങളിലേയും ജീവനക്കാർക്ക് 11–ാം ശമ്പള പരിഷ്‌‌ക്കരണം നടപ്പാക്കുന്നതിന് അംഗീകാരം നൽകി. ലോക്സഭാ തെരഞ്ഞെടുപ്പ് മുന്നിൽക്കണ്ട് കാസർകോട്, വയനാട് വികസന പാക്കേജുകളിലാണ് വിവിധ പദ്ധതികൾക്ക് ഭരണാനുമതി നൽകി. കേരള ബാങ്കിലെ ചീഫ് എക്‌സിക്യൂട്ടീവ് ഓഫീസറായി ജോർട്ടി എം. ചാക്കോയെ നിയമിക്കാൻ തീരുമാനമായി. ചീഫ് സെക്രട്ടറിയുടെ നേതൃത്വത്തിലുള്ള തിരഞ്ഞെടുപ്പ് കമ്മിറ്റിയുടെ ശുപാർശപ്രകാരമാണ് നിയമനം. കേരള സ്റ്റേറ്റ് ഐടി മിഷനിൽ ഹെഡ് ഇന്നവേഷന്‍ ആന്‍ഡ് റിസര്‍ച്ച് തസ്തികയിലേക്ക് എസ്. സനോപിനെ ഒരു വര്‍ഷത്തേക്ക് നിയമിക്കും. അന്യത്രസേവന വ്യവസ്ഥയിലാണിത്.

Continue Reading

Featured