Connect with us
48 birthday
top banner (1)

Global

സിപിഎം നേതാവ് സരോജിനി ബാലാനന്ദൻ അന്തരിച്ചു

Avatar

Published

on

കൊച്ചി: മുതിർന്ന സിപിഎം നേതാവ് സരോജിനി ബാലാനന്ദൻ അന്തരിച്ചു. 86 വയസായിരുന്നു. ആലുവയിൽ മകളുടെ വസതിയിൽ ഇന്നലെ രാത്രി ആയിരുന്നു അന്ത്യം. മൃതദേഹം പറവൂർ ഡോൺ ബോസ്കൊ ആശുപത്രി മോർച്ചറിയിൽ. സംസ്കാരം പിന്നീട്. ജനാധിപത്യ മഹിളാ അസോസിയേഷൻ നേതാവും സിപിഐ എം മുൻ സംസ്ഥാന കമ്മിറ്റി അംഗവുമായിരുന്നു. സിപിഎം സംസ്ഥാന കമ്മിറ്റിയിൽ നിന്ന് തരംതാഴ്ത്തി അവരെ മഹിളാ അസോസിയേഷനിലേക്കു മാറ്റിയപ്പോൾ പൊട്ടിക്കരഞ്ഞത് അന്നു വലിയ വാർത്തയായിരുന്നു.
സിപിഐ എം പൊളിറ്റ്‌ ബ്യൂറോ അംഗമായിരുന്ന അന്തരിച്ച ഇ ബാലാനന്ദന്റെ ഭാര്യയാണ്‌. മക്കൾ സുലേഖ, സുനിൽ, സരള, പരേതയായ സുശീല. സംസ്കാരം വിദേശത്തുള്ള മകൻ സുനിൽ വന്നതിന് ശേഷം.

സരോജിനിയും ഭർത്താവ് ബാലാനന്ദനും


പറവൂരിൽ മകൾ സുലേഖയുടെ വീട്ടിൽ ചൊവ്വ രാത്രി എട്ടരയോടെ ആയിരുന്നു അന്ത്യം. കോവിഡിനെ തുടർന്നുണ്ടായ ശാരീരിക അസ്വസ്ഥതകൾ കാരണം കളമശേരിയിലെ വീട്ടിൽ നിന്നും മകളുടെ വീട്ടിലേക്ക് താമസം മാറുകയായിരുന്നു. ജനാധിപത്യ മഹിള അസോസിയേഷൻ അഖിലേന്ത്യാ വൈസ് പ്രസിഡന്റ്‌, സംസ്ഥാന പ്രസിഡന്റ്‌, സെക്രട്ടറി ചുമതലകൾ വഹിച്ചിട്ടുണ്ട്. 1980-85 കാലത്ത് കളമശേരി പഞ്ചായത്ത് പ്രസിഡന്റായിരുന്നു.1996 ൽ ആലുവയിൽ നിന്ന്‌ നിയമസഭയിലേക്ക്‌ മത്സരിച്ചെങ്കിലും കോൺ​ഗ്രസിന്റെ കെ. മുഹമ്മദാലിയോടു തോറ്റു. ട്രേഡ്‌ യൂണിയനുകളുടെ നേതൃത്വത്തിലും പ്രവർത്തിച്ചു. കൊല്ലം ശക്തികുളങ്ങര സ്വദേശിയാണ്. കൊല്ലം എസ്എൻ വനിതാ കോളെജിൽ പ്രീഡി​ഗ്രിക്കു പഠിക്കുമ്പോഴാണ് ബാലാനന്ദനുമായി വിവാഹം നടന്നത്.
വനിതാ രംഗത്ത് ശ്രദ്ധേയമായ പ്രവർത്തനങ്ങളാണ് സരോജിനി ബാലാനന്ദൻ നടത്തിയത്. സ്ത്രീകൾ നേരിടുന്ന വിവിധ പ്രശ്നങ്ങൾ, സ്ത്രീകൾ തൊഴിൽ രംഗത്ത് നേരിടുന്ന ചൂഷണങ്ങൾ എന്നിവക്കെതിരെ പരാതിക്കാരോടൊപ്പം നിന്ന് അവർ പോരാടി. നീതി ലഭ്യമാക്കാനുള്ള ശക്തമായ ഇടപെടലുകൾ നടത്തി.സരോജിനി ബാലാനന്ദന്റെ നിര്യാണത്തിൽ മുഖ്യമന്ത്രി പിണറായി വിജയൻ അനുശോചിച്ചു.

Advertisement
inner ad

Kuwait

എബി അത്തിക്കയം, റിജോകോശി, സിനു ജോണ്‍ : പത്തനം തിട്ട ഒഐസിസി കമ്മിറ്റിക്കു ഉർജ്ജസ്വല മുഖം

Published

on

കുവൈറ്റ് സിറ്റി: പുതിയ മെമ്പർഷിപ്പിന്റ അടിസ്ഥാനത്തിൽ തിരെഞ്ഞെടക്കപ്പെട്ട ഒ.ഐ.സി.സി കുവൈറ്റ് പത്തനംത്തിട്ട ജില്ലാ കമ്മറ്റി ഭാരവാഹികളായി പ്രസിഡന്റ് എബി അത്തിക്കയം, ജനറൽ സെക്രട്ടറി റിജോകോശി, ട്രഷറർ സിനു ജോണ്‍ എന്നിവരെ കുവൈറ്റ്‌ ഒഐസിസിയുടെ ചുമതലയുള്ള കെപിസിസി ജനൽ സെക്രട്ടറി അഡ്വ. ബി. എ. അബ്ദുൾ മുത്തലീഫ് ഒഐസിസി കുവൈറ്റ്‌ നാഷണൽ കമ്മിറ്റി പ്രസിഡന്റ് വർഗീസ് പുതു കുളങ്ങരയുടെയും, സഹ ഭാരവാഹികളുടെയും സാന്നിധ്യത്തിൽ പ്രഖ്യാപിച്ചു. നാഷണൽ കമ്മിറ്റി പ്രധിനിധികളായി എബി വാരിക്കാട്, വറുഗീസ് ജോസഫ്‌ മാരാമണ്‍, റെജി കൊരൂത്, ഉമ്മന്‍ മാത്യൂസ്‌ എന്നിവരെയുംതെരഞ്ഞെടുത്തിട്ടുണ്ട്. വൈസ് പ്രസിഡന്റ്മാരായി ചാള്‍സ് പി ജോര്‍ജ്ജ്, വര്‍ഗീസ്‌ മാത്യു, സെക്രട്ടറിമാരായി മാത്യു ഫിലിപ്പ് (റിനു), അനില്‍കുമാര്‍, ജേക്കബ്‌ ചെറിയാന്‍, ബിജു മാത്യു,എന്നിവരെയും ഷിജോ തോമസ് (സ്പോർട്സ് സെക്രട്ടറി), അനൂപ്‌ പി രാജന്‍ (വെൽഫെയർ സെക്രട്ടറി ) എന്നിവരെയും തെരെഞ്ഞെടുത്തിട്ടുണ്ട്. ഇവരോടൊപ്പം14 അംഗഎക്സിക്യൂട്ടിവ് മെമ്പർമാരും ഉൾപ്പെടുന്ന പുതിയ ജില്ലാ കമ്മിറ്റിയാണ് നിലവിൽ വന്നത്.

Continue Reading

Kuwait

ഒഐസിസി കുവൈറ്റ്‌ കൊല്ലം ജില്ലാ കമ്മറ്റിക്ക്‌ പുതിയ നേതൃത്വം

Published

on

കുവൈറ്റ് സിറ്റി : പുതിയ മെമ്പർഷിപ്പിന്റ അടിസ്ഥാനത്തിൽ തിരെഞ്ഞെടക്കപ്പെട്ട ഒ.ഐ.സി.സി. കുവൈറ്റ് കൊല്ലം ജില്ലാ കമ്മറ്റി ഭാരവാഹികളായി പ്രസിഡന്റ് റോയി ഏബ്രഹാം, ജനറൽ സെക്രട്ടറി അൽ-അമീൻ മീരസാഹിബ്, ട്രഷറർ ദിലീഷ് ജഗന്നാഥ് എന്നിവരെ കുവൈറ്റ്‌ ഒഐസിസിയുടെ ചുമതലയുള്ള കെപിസിസി ജനൽ സെക്രട്ടറി അഡ്വ. ബി. എ. അബ്ദുൾ മുത്തലീഫ് ഒഐസിസി കുവൈറ്റ്‌ നാഷണൽ കമ്മിറ്റി പ്രസിഡന്റ് വർഗീസ് പുതുക്കുളങ്ങരയുടെയും, സഹ ഭാരവാഹികളുടെയും സാന്നിധ്യത്തിൽ പ്രഖ്യാപിച്ചു നാഷണൽ കമ്മിറ്റി പ്രധിനിധികളായി ജോയ് കരവാളൂർ, അനിൽ കെ ജോൺ എന്നിവരെയും, വൈസ് പ്രസിഡന്റ്മാരായി മാത്യൂ യോഹന്നാൻ, ജോസ് റോബർട്ട്, സെക്രട്ടറിമാരായി ജോർജി ജോർജ്ജ്, ബോണി സാം മാത്യു, ഷംനാസ്, വർഗീസ്, ജിബിൻ ലൂക്കോസ് പണിക്കർ (സ്പോർട്സ് ), ഷഹീദ് ലബ്ബ(വെൽഫെയർ) എന്നിവരെയും തെരഞ്ഞെടുത്തിട്ടുണ്ട്.

ഇത് സംബന്ധിച്ച് യുണൈറ്റഡ് ഇന്ത്യൻ സ്‌കൂളിൽ നടന്ന കൂടിയാലോചന യോഗങ്ങളിൽ വെച്ച് എക്സിക്യൂട്ടിവ് മെമ്പർമാരായി സൈമൺ ബേബി, ടിറ്റോ ജോർജ്, നജുമുദ്ദീൻ ഇസ്മായിൽ, സിബി ജോസഫ്, രതീഷ് രാജകുമാർ, നവാസ് എം.ആർ, റമീസ്, ബിന്ദു ലാൽ, അബ്രാഹം പൊന്നച്ചൻ എന്നിവരും ഉൾപ്പെടുന്ന പുതിയ ജില്ലാ കമ്മിറ്റിയാണ് നിലവിൽ വന്നത്. പ്രവാസി സമൂഹത്തിനു പ്രയോജനപ്രദമായ കർമ്മ പരിപാടികൾ ആവിഷ്കരിക്കുമെന്നു പുതിയ ഭാരവാഹികൾ അറിയിച്ചു.

Advertisement
inner ad
Continue Reading

Kuwait

കെകെഐസി അബ്ബാസിയ മദ്രസ്സ സർഗ്ഗവസന്തം സംഘടിപ്പിച്ചു

Published

on

കുവൈറ്റ് സിറ്റി : കുവൈറ്റ് കേരള ഇസ്ലാഹി സെന്റർ അബ്ബാസിയ മദ്രസ പിടിഎ എംടിഎ കമ്മിറ്റി യുടെ നേതൃത്വത്തിൽ വിദ്യാര്‍ത്ഥികളിലെ സര്‍ഗശേഷി പരിപോഷിപ്പിക്കുകയെന്ന ലക്ഷ്യത്തോടെ ഫെബ്രുവരി 7 ന് വൈകീട്ട് ഖുർതുബ ഇഹ്യാഹ് തൂറാസ് ഹാളിൽ സർഗ്ഗ വസന്തം സംഘടിപ്പിച്ചു. പിടിഎ പ്രസിഡന്റ് ജംഷീർ നിലമ്പൂർ,അധ്യക്ഷത വഹിച്ചു. കെകെഐസി കേന്ദ്ര വിദ്യാഭാസ സെക്രട്ടറി അബ്‍ദുല്‍ അസീസ് നരക്കോട് ഉദ്ഘാടനംചെയ്തു. പ്രധാന അദ്ധ്യാപകൻ ശമീർ മദനി കൊച്ചി ഉൽബോധനം നിർവഹിച്ചു.

പ്രസംഗം, ഇസ്ലാമിക ഗാനം, മാപ്പിളപ്പാട്ട്, പവർ പോയിന്റ് പ്രസന്റെഷൻ, വീഡിയൊ മേക്കിങ്, കഥ പറയൽ, ഖുര്‍ആന്‍ പാരായണം, ആംഗ്യപ്പാട്ട്, രണ്ടു വേദികളിലായി സംഘടിപ്പിച്ചു. മദ്രസ അദ്ധ്യാപകരായ യാസിർ അൻസാരി, അസ്‌ലം ആലപ്പുഴ, ആമിർ ഉസ്താദ്, നൗഫൽ സ്വലാഹി, സനിയ്യ ടീച്ചർ, സജീന ടീച്ചർ, സൈനബ ടീച്ചർ, അഫീന ടീച്ചർ, സഫിയ്യ ടീച്ചർ എന്നിവർ നേതൃത്വംനൽകി. മത്സരങ്ങളിൽ വിജയികളായവർക്ക് കെകെഐസി കേന്ദ്ര ഭാരവാഹികളും പിടിഎ ഭാരവാഹികളും മെഡലുകള്‍ നൽകി ആദരിച്ചു. കൂടാതെ വിജയികളെ കുവൈറ്റിലെ അഞ്ചു ഇസ്ലാഹി മദ്രസകളിൽ നിന്ന് വിജയികളായവർക്ക് വേണ്ടി കേന്ദ്രതലത്തിൽ ഫെബ്രുവരി 21 ഖൈത്താനിൽ വെച്ചു നടക്കുന്ന സർഗ്ഗ വസന്തം പ്രോഗ്രാമിൽ പങ്കെടുപ്പിക്കും. പ്രോഗ്രാമിൽ അർദ്ധ വാർഷിക പരീക്ഷയിൽ ഉയർന്ന മാർക്ക് നേടിയവർക്കും അവാർഡുകള്‍ നൽകി ആദരിച്ചു.
മദ്രസ അസിസറ്റന്റ പ്രധാന അദ്ധ്യാപകൻ യാസിർ അൻസാരി സ്വഗതവും നൗഫൽ സ്വലാഹി നന്ദിയും പറഞ്ഞു.

Advertisement
inner ad
Continue Reading

Featured