_{കുവൈറ്റ് സിറ്റി : ഇന്ത്യൻ എംബസി ഗൾഫ് യൂണിവേഴ്സിറ്റി ഫോർ സയൻസ് ആൻഡ് ടെക്നോളജി (ജി യു എസ് ടി), ഇൻസ്റ്റിറ്റ്യൂട്ട് ഓഫ് ചാർട്ടേഡ് അക്കൗണ്ടൻ്റ്സ് ഓഫ് ഇന്ത്യ (ഐ സി എ ഐ )-കുവൈറ്റ് ചാപ്റ്റർ എന്നിവയുടെ സഹകരണത്തോടെ ഇന്ത്യ-കുവൈത്ത് സ്റ്റാർട്ടപ്പ് സിനർജീസ് കോൺഫറൻസ് സംഘടിപ്പിച്ചു. ഡിസംബർ 8 ന് പ്രശസ്തമായ GUST യൂണിവേഴ്സിറ്റിയിലാണ് കോൺഫറൻസ് നടന്നത്. ഇന്ത്യൻ അംബാസഡർ ബഹു. ഡോ. ആദർശ് സ്വൈക സ്വാഗത പ്രസംഗത്തിൽ, ഇന്ത്യയും കുവൈത്തും തമ്മിലുള്ള വ്യാപാര ബന്ധങ്ങളെ പരാമർശിക്കുകയും പരസ്പര ബന്ധം ശക്തിപ്പെടുത്തുന്നതിനുള്ള എംബസിയുടെ തുടർച്ചയായ ശ്രമങ്ങൾഊന്നിപ്പറയുകയും ചെയ്തു. 2023ലും 2024ലും എംബസി സംഘടിപ്പിച്ച ഇന്ത്യ-കുവൈത്ത് ഇൻവെസ്റ്റ്‌മെൻ്റ് കോൺഫറൻസിൻ്റെ രണ്ട് പതിപ്പുകളിൽ ഇൻവെസ്റ്റ് ഇന്ത്യ, നാഷണൽ ഇൻവെസ്റ്റ്‌മെൻ്റ് ആൻഡ് ഇൻഫ്രാസ്ട്രക്ചർ ഫണ്ട് (എൻഐഐഎഫ്), കോൺഫെഡ റേഷൻ ഓഫ് ഇന്ത്യൻ ഇൻഡസ്ട്രി (സിഐഐ), ഫെഡറേഷൻ ഓഫ് ഇന്ത്യൻ ചേമ്പേഴ്‌സ് ഓഫ് കൊമേഴ്‌സ് എന്നിവിടങ്ങളിൽ നിന്നുള്ള പ്രതിനിധികൾ പങ്കെടുത്തു. (എഫ് ഐ സി സി ഐ കൂടാതെ ഇൻ്റർനാഷണൽ ഫിനാൻഷ്യൽ സർവീസസ് സെൻ്റർ അതോറിറ്റിയും (ഐ എഫ് എസ് സി എ ) – ജി ഐ എഫ് ടി സിറ്റിഎന്നീ സ്ഥാപനങ്ങൾ നിക്ഷേപ വ്യവസ്ഥയെക്കുറിച്ച് വ്യക്തമായ വിവരങ്ങൾ നൽകുകയുണ്ടായി. 1,40,000-ലധികം രജിസ്റ്റർ ചെയ്ത സ്റ്റാർട്ടപ്പുകളുള്ള ലോകത്തിലെ മൂന്നാമത്തെ വലിയ സ്റ്റാർട്ടപ്പ് ഇക്കോസിസ്റ്റത്തിൽ ഇന്ത്യ ഉയർന്നുവന്നതായി അദ്ദേഹം പറഞ്ഞു. 2024 ഒക്ടോബറിലെ കണക്കനു സരിച്ച് ഇന്ത്യയിൽ 118 യൂണികോണുകൾ രേഖപ്പെടുത്തിയിട്ടുണ്ട്, അവയുടെ മൊത്തത്തിലുള്ള മൂല്യം 350 ബില്യൺ ഡോളറാണ്. ഈ സ്റ്റാർട്ടപ്പുകൾ 1.55 ദശലക്ഷത്തിലധികം നേരിട്ടുള്ള തൊഴിലവ സരങ്ങൾ സൃഷ്ടിക്കുക വഴി ജിഡിപിയുടെ 15% നേട്ടമെന്നതാണ്. ഐടി വ്യവസായം, ഹെൽത്ത് കെയർ & ലൈഫ് സയൻസസ്, വിദ്യാഭ്യാസം. യുവജനങ്ങൾക്ക് വലിയ ധനസഹായ അവസരങ്ങളും സർക്കാർ പിന്തുണയും കൊണ്ട് അഭിവൃദ്ധി പ്രാപിക്കുന്ന, മിഡിൽ ഈസ്റ്റ് മേഖലയ്ക്ക് സാധ്യതയുള്ള നവീകരണ കേന്ദ്രമായി വളർന്നിരിക്കുന്ന കുവൈറ്റിലെ സംരംഭകത്വ സാധ്യതകളെ കുറിച്ച് അംബാസഡർ സൂചിപ്പിച്ചു.}

_{കോൺഫറൻസ് ഇന്ത്യയിലെയും കുവൈത്തിലെയും സ്റ്റാർട്ടപ്പ് ഇക്കോസിസ്റ്റമുകളിൽ നിന്നുള്ള പ്രമുഖ സ്പീക്കർമാരെയും നേതാക്കളെയും ഒരുമിച്ച് കൊണ്ടുവരുന്നതിനുള്ള വേദിയായി. കോടിക്കണക്കിന് ഡോളറിൻ്റെ ഇ-കൊമേഴ്‌സ് പ്ലാറ്റ്‌ഫോമായ സ്വിഗ്ഗിയുടെ സിഎഫ്ഒ ശ്രീ രാഹുൽ ബോത്ര, സീ ബിസിനസ് മാനേജിംഗ് എഡിറ്റർ അനിൽ സിംഗ്വി, ഇൻഫ്ലക്ഷൻ പോയിൻ്റിലെ സഹസ്ഥാപകനും സിഇഒയുമായ ശ്രീ വിനയ് ബൻസാൽ എന്നിവരായിരുന്നു ഇന്ത്യയിൽ നിന്നുള്ള പ്രസംഗകർ.ഈ ദിശയിലുള്ള കുവൈറ്റ് ൻറെ വീക്ഷണം നൽകിയത് കുവൈറ്റ് ഡിജിറ്റൽ സ്റ്റാർട്ടപ്പ് കാമ്പസ്, യൂത്ത് പബ്ലിക് അതോറിറ്റി കൺസൾട്ടൻ്റായ എഞ്ചി. അബ്ദുൾ വഹാബ് അൽ സൈദാൻ, വികസന കൺസൾട്ടൻസി സേവന ദാതാവായ കുവൈറ്റ് ഹോളിസ്റ്റിക് സ്ഥാപകനും മാനേജിംഗ് പാർട്ണറുമായ ശ്രീ അബ്ദുൾറഹ്മാൻ അൽദുഐജ് എന്നിവരാണ്. ഇന്ത്യയിലെയും കുവൈറ്റിലെയും സമീപകാല സ്റ്റാർട്ടപ്പുകൾ അവരുടെ തനതായ മേഖലകളിൽ ട്രെയിൽ ബ്ലേസർമാരായി മാറിയതിൻ്റെ ഉദാഹരണങ്ങളും പഠനങ്ങളും സ്പീക്കർമാർ എടുത്തുപറഞ്ഞു. ചോദ്യോ ത്തര സെഷനിൽ സ്പീക്കറുമായി സംവദിക്കാൻ അതിഥികൾക്ക് അവസരം നൽകി. കോൺഫറൻസിൽ പ്രമുഖ പ്രൊഫഷണലുകളും ബിസിനസുകാരും, ജി യു എസ് ടി യിലെ എം ബി എ വിദ്യാർത്ഥികളും, കമ്പനികളിലെ ഉന്നത ഉദ്യോഗസ്ഥരും പ്രൊഫഷണലുകളും പങ്കെടുത്തു. കുവൈറ്റിലെയും ഇന്ത്യയി ലെയും ബിസിനസ്, പ്രൊഫഷണൽ കമ്മ്യൂണിറ്റികളെ രണ്ട് സൗഹൃദ രാജ്യങ്ങൾ തമ്മിലുള്ള വ്യാപാര നിക്ഷേപ ബന്ധങ്ങളുടെ സമ്പുഷ്ടീകരണത്തിനായി പ്രയോജനപ്പെടു ത്താനുള്ള എംബസ്സിയുടെ നിതാന്ത ശ്രമങ്ങളുടെ ഫലമാണ് ഇത്തരം കോൺഫറൻസുകൾ.}

_{കുവൈറ്റ് സിറ്റി: കോഴിക്കോട് ജില്ലാ എൻ.ആർ.ഐ അസോസിയേഷൻ (കെ.ഡി.എൻ.എ) അംഗങ്ങളുടെ കുട്ടികളിൽ ഈ വര്ഷത്തെ പത്ത്‌ – പന്ത്രണ്ട് പരീക്ഷകളിൽ ഉയർന്ന മാർക്ക് നേടിയ വിദ്യാർത്ഥികൾ ക്കുള്ള ഉപഹാരവും ക്യാഷ് അവാർഡുകളുംവിതരണം ചെയ്തു. സിബിഎസ്ഇ പത്തിൽ ഏറ്റവും ഉയർന്ന വിജയം നേടിയ നസൽ മോഹിദ് നാസിർ, കേരള എസ്.എസ്. എൽ.സി വിഭാഗത്തിൽ വേദ സന്തോഷ്, ബാസിമ എ.സി, അയ്ഷ നഷ്വ, കേരള ഹയർ സെക്കണ്ടറി വിഭാഗത്തിൽ ഇഫ്‌ന അസീസ്, സിബിഎസ്ഇ പ്ലസ് ടു വിഭാഗത്തിൽ റിത്തുൻ തോട്ടക്കരയുമാണ്‌ അവാർഡ് ജേതാക്കളായത്. കുട്ടികളുടെ അസാന്നി ധ്യത്തിൽ മാതാപിതാക്കൾ അവാർഡ് ഏറ്റുവാങ്ങി. കെ.ഡി.എൻ.എ അഡ്വൈസറി ബോർഡ് മെമ്പർ ബഷീർ ബാത്ത, ആക്ടിങ് പ്രസിഡന്റ് ഷിജിത് കുമാർ ചിറക്കൽ, ജനറൽ സെക്രട്ടറി ഫിറോസ് നാലകത്ത്, ട്രഷറർ മൻസൂർ ആലക്കൽ, മുൻ പ്രസിഡന്റ് ഇലിയാസ് തോട്ടത്തിൽ എന്നിവർ അവാർഡുകൾ വിതരണം ചെയ്തു.}

_{കുവൈറ്റ് സിറ്റി : പാലക്കാട് പ്രവാസി അസോസിയേഷൻ ഓഫ് കുവൈറ്റി (പൽപക്) ന്റെ പതിനാറാമത് വാർഷികത്തോടനുബന്ധിച്ച് സംഘടിപ്പിച്ച പൽപ്പഗം – 24 ജനപങ്കാളിത്തം കൊണ്ടും സംഘാടക മികവുകൊണ്ടുംപ്രവാസി ചരിത്ര ത്തിൻറെ ഭാഗമായി മാറി. മൈതാൻ ഹവല്ലി അമേരിക്കൻ ഇൻ്റർനാഷണൽ സ്കൂളിൽ സംഘടിപ്പിച്ച ആഘോഷ പരിപാടികളുടെ ഔദ്യോഗിക ഉദ്ഘാടനം ഫിനിക്സ് ഗ്രൂപ്പ് ഓഫ് കമ്പനീസ് ചെയർമാൻ സുനിൽ പരകപ്പാടത്ത് നിർവഹിച്ചു. പൽപ്പക് പ്രസിഡണ്ട് സക്കീർ പുതുനഗരം അധ്യക്ഷത വഹിച്ച യോഗത്തിൽ പ്രോഗ്രാം കൺവീനറും പല്പക് ജനറൽ സെക്രട്ടറിയുമായ പ്രേംരാജ് സ്വാഗതവും ട്രഷറർ രാജേഷ് കുമാർ നന്ദിയും പറഞ്ഞു. വിശിഷ്ട അതിഥികൾക്കുള്ള ഉപഹാരങ്ങൾ ഹരീഷ് ശിവരാമകൃഷ്ണൻ വിതരണം ചെയ്തു. ആശംസകൾ അർപ്പിച്ചുകൊണ്ട് മെട്രോ ഗ്രൂപ്പ് ഓഫ് കമ്പനീസ് ചെയർമാൻ ഹംസ പയ്യന്നൂർ സംസാരിച്ചു. പതിനാറാം വാർഷികത്തോടനുബന്ധിച്ച് പുറത്തിറക്കിയ സ്മരണികയുടെ പ്രകാശനം പൽപക് വൈസ് പ്രസിഡൻറ് രാജേഷ് പരിയാരത്തിന് ആദ്യം കോപ്പി നൽകിക്കൊണ്ട് സുനിൽ പരകപ്പാടത്ത് നിർവഹിച്ചു. ചടങ്ങുകൾക്ക് ശിവദാസ് വാഴയിൽ, പി എൻ കുമാർ, സുരേഷ് പുളിക്കൽ, സുരേഷ് മാധവൻ, അരവിന്ദാക്ഷൻ, വേണു കുമാർ, ജിജു മാത്യു, ഹരീഷ്, സി പി ബിജു, സുഷമ , രാജി ജയരാജ് എന്നിവർ നേതൃത്വം നൽകി.}

_{സംഗീതത്തിൻറെ അകമറിഞ്ഞ ലോക പ്രശസ്തി നേടിയ ഹരീഷ് ശിവരമകൃഷ്ണൻറെ നേതൃത്വത്തിൽ കുവൈറ്റിൽ ആദ്യമായി എത്തിച്ചേർന്ന് അഗം ഫുൾ ബാൻഡ് സംഗീത നിശ തിങ്ങി നിറഞ്ഞ ആയിരക്കണക്കിന് ആസ്വാദകരിൽ ആവേശത്തിന്റെ കൊടുങ്കാറ്റ് ഉയർത്തി. കുവൈറ്റിലെ വേദികളിൽ പരിചിതമായ ഓർക്കസ്ട്ര കളിൽ നിന്ന് വേറിട്ട അനുഭൂതിയായി ആസ്വാദക ഹൃദയം കീഴടക്കി അഗംബ്രാൻഡ് സംഗീതത്തിന് ചലിക്കാനാവുന്ന വ്യത്യസ്ത സരണികളെ അനുഭവ വേദ്യമാക്കി. സംഘാടകരുടെ കണക്കുകളും തെറ്റിച്ചുകൊണ്ട് പരിപാടി തുടങ്ങുന്നതിന് മണിക്കൂറുകൾക്കു മുമ്പേ കാണികൾ വേദിയിലേയ്ക്ക് ഒഴുകി എത്തി. കാലവും പ്രായവും കടന്നു സഞ്ചരിക്കുവാൻ സംഗീതത്തിന് സാധിക്കുമെന്ന് തെളിയിക്കുന്ന തരത്തിൽ യുവതലമുറയെയും പഴയതലമുറയെയും ഒരുപോലെ കുളിരണിയിക്കുന്നതായി മാറി പൽപ്പഗം 24 ൻ്റെ സംഗീത സന്ധ്യ.}