Featured
ചെലവ് 10 ലക്ഷം…!; മുഖ്യമന്ത്രിയുടേയും മന്ത്രിമാരുടേയും ഈ മാസത്തെ അത്താഴ വിരുന്ന് റവന്യു മന്ത്രി കെ. രാജന്റെ ഔദ്യോഗിക വസതിയിൽ
മുഖ്യമന്ത്രിയുടെയും മന്ത്രിമാരുടേയും ഈ മാസത്തെ അത്താഴ വിരുന്ന് ഇന്ന് റവന്യു മന്ത്രി കെ. രാജന്റെ ഔദ്യോഗിക വസതിയിൽ. കന്റോൺമെന്റ് ഹൗസിന് സമീപമുള്ള ഗ്രേസ് ആണ് കെ. രാജന്റെ ഔദ്യോഗിക വസതി. അത്താഴ വിരുന്നിന്റെ ഭാഗമായി മന്ത്രി മന്ദിരത്തിൽ ആഡംബര പന്തൽ രണ്ട് ദിവസം മുമ്പേ ഉയർന്നു. അലങ്കാര ലൈറ്റുകൾ സ്ഥാപിക്കുന്നതിന്റെ തിരക്കിലാണ് ഉദ്യോഗസ്ഥർ. നഗരത്തിലെ മുന്തിയ ഹോട്ടലിലാണ് ഭക്ഷണം ഏർപ്പാട് ചെയ്തിരിക്കുന്നത്. മുഖ്യമന്ത്രിയും മന്ത്രിമാരും അവരുടെ കുടുംബങ്ങളും പേഴ്സണൽ സ്റ്റാഫും അത്താഴ വിരുന്നിൽ പങ്കെടുക്കും. മന്ത്രി കെ. രാജൻ അദ്ദേഹത്തിന്റെ വീട്ടിൽ നിന്ന് കൊണ്ട് വരുന്ന പണം കൊണ്ടാണ് അത്താഴ വിരുന്ന് സംഘടിപ്പിക്കുന്നത് എന്ന് ആരും തെറ്റിദ്ധരിക്കരുത്.എല്ലാ ചെലവും സർക്കാർ ഖജനാവിൽ നിന്നാണ്. പന്തല് , അലങ്കാര ലൈറ്റ്, ഭക്ഷണം ഉൾപ്പെടെ ചെലവ് 10 ലക്ഷം . മന്ത്രിസഭയുടെ ഐക്യം ഊട്ടിയുറപ്പിക്കാനാണ് അത്താഴ വിരുന്ന് എന്ന ആശയം അവതരിപ്പിച്ചത്. ആദ്യ അത്താഴ വിരുന്ന് പിണറായിയുടെ ഔദ്യോഗിക വസതിയായ ക്ലിഫ് ഹൗസിൽ ആയിരുന്നു. എല്ലാ മാസവും ആദ്യ ബുധനാഴ്ചയിലെ മന്ത്രിസഭ യോഗം കഴിഞ്ഞ് രാത്രിയിൽ അത്താഴ വിരുന്ന് സംഘടിപ്പിക്കും. പിണറായി അമേരിക്കയിൽ ലോക കേരള സഭയ്ക്ക് പോകുന്നതിനാൽ ചൊവ്വാഴ്ചയാണ് ഈ മാസത്തെ ആദ്യ മന്ത്രിസഭ യോഗം . അതിനു ശേഷം രാത്രിയിൽ കെ. രാജന്റെ അത്താഴ വിരുന്നിൽ പിണറായിയും ഭാര്യ കമലയും പങ്കെടുക്കും. ബുധനാഴ്ച വെളുപ്പിനെ പിണറായിയും കമലയും അമേരിക്കയിലേക്ക് തിരിക്കും. ധനമന്ത്രി ബാല ഗോപാലും സ്പീക്കർ ഷംസിറും പിണറായിയോടൊത്ത് അമേരിക്കയിലേക്ക് പറക്കും. കെ. രാജന്റെ അത്താഴ വിരുന്നിന് ശേഷം മന്ത്രിമാർ പിണറായിക്ക് യാത്ര മംഗളങ്ങൾ നേരും. അത്താഴ വിരുന്ന് കൊണ്ട് ജനങ്ങൾക്ക് എന്തെങ്കിലും പ്രയോജനമുണ്ടോ എന്ന് ചോദിക്കരുത്. ജനത്തിന്റെ നികുതി പണത്തിൽ നിന്ന് മുഖ്യമന്ത്രിയും മന്ത്രിമാരും കുടുംബങ്ങളും കുശാലായി ഭക്ഷണം കഴിക്കുക എന്ന കർമ്മം മാത്രമാണ് അത്താഴ വിരുന്ന്. സാമ്പത്തിക പ്രതിസന്ധിയൊന്നും അത്താഴ വിരുന്നിന് ബാധകമല്ല. മുഖ്യമന്ത്രിക്കും മന്ത്രിമാർക്കും ഒന്നും ബാധകമല്ല. 5000 കോടിയുടെ അധിക നികുതി ജനങ്ങളിൽ അടിച്ചേൽപിച്ചതു കൊണ്ട് അത്താഴ വിരുന്ന് കുശാലായി നടത്താം. എ.ഐ ക്യാമറ പിഴയും ലഭിക്കും. ജനത്തിന്റെ പോക്കറ്റ് കാലിയാവും. ഖജനാവ് നിറയും. ബാലഗോപാൽ ചിരിക്കും. ഓരോ മാസവും നടക്കുന്ന അത്താഴ വിരുന്നിന്റെ എണ്ണം കൂടും.വകുപ്പുകളുടെ ഏകോപനമില്ലായ്മയാണ് എല്ലാ മന്ത്രിസഭയെക്കുറിച്ചും ഉയരാറുള്ള പതിവ് പരാതി. ഈ പ്രശ്നം പരിഹരിക്കാന്‍ മുഖ്യമന്ത്രി പിണറായി വിജയന്‍ കണ്ടെത്തിയ പോംവഴിയാണ് അത്താഴ വിരുന്ന്.എല്ലാ മാസവും ആദ്യ ബുധനാഴ്ച മന്ത്രിമാരും കുടുംബാംഗങ്ങളും ഉദ്യോഗസ്ഥരും ഒന്നിച്ചിരിക്കും. അത്താഴ വിരുന്നിനൊപ്പം ചർച്ചകളും നടക്കും. മന്ത്രിമാർക്കിടയിലെ ഐക്യം ശക്തിപ്പെടുത്താനും ആശയവിനിമയം എളുപ്പമാക്കാനും ഒത്തുകൂടല്‍ വഴിയൊരുക്കുമെന്നാണ് മുഖ്യമന്ത്രിയുടെ പ്രതീക്ഷ. ഖജനാവ് കാലിയാകുന്നതും മുഖ്യമന്ത്രിയുടേയും മന്ത്രിമാരുടേയും വയറ് ജനങ്ങളുടെ ചെലവിൽ നിറയുന്നതും അല്ലാതെ അത്താഴ വിരുന്ന് കൊണ്ട് യാതൊരു പ്രയോജനവും ജനങ്ങൾക്കില്ലെന്ന് ചരിത്രം
സിംഗപ്പൂർ: ലോക ചെസ് ചാമ്പ്യനായി ഇന്ത്യയുടെ ഡി. ഗുകേഷ്. ചെെനീസ് ഗ്രാൻഡ് മാസ്റ്റർ ഡിങ് ലിറനെ തോൽപ്പിച്ചാണ്‌ ഗുകേഷിന്റെ നേട്ടം. പതിനാലാം റൗണ്ടിൽ ഏഴര പോയിന്റോടെയാണ്‌ ഗുകേഷ് ലോകചാമ്പ്യനായത്‌. ചാമ്പ്യനാവുന്ന ഏറ്റവും പ്രായം കുറഞ്ഞ താരം കൂടിയാണ്‌ 18കാരനായ ഗുകേഷ്. ഇരുപത്തിരണ്ടാം വയസ്സിൽ ചാമ്പ്യനായ റഷ്യൻ താരം ഗാരി കാസ്‌പറോവിന്റെ റെക്കോർഡ് ആണ് ഗുകേഷ് തകർത്തത്.
ആറര പോയിന്റോടെയായിരുന്നു ഇരുവരും പതിമൂന്നാം ഗെയിമിനെത്തിയത്. പതിമൂന്നാം ഗെയിമിൽ ലോകചാമ്പ്യന്റെ കളി കെട്ടഴിച്ച ഡിങ് ആക്രമണത്തേക്കാൾ മൂർച്ചയുള്ള പ്രതിരോധവുമായി ഗുകേഷിനെ പിടിച്ചുകെട്ടി. സമയസമ്മർദത്തിലും കൃത്യതയുള്ള നീക്കങ്ങളായിരുന്നു ഡിങിന്റേത്. 3 ഗെയിമിൽ ഇരുവരും രണ്ട് കളിവീതം ജയിച്ചു. ബാക്കി ഒമ്പതും സമനിലയായിരുന്നു. എന്നാൽ പതിനാലാം ഗെയിമിൽ ഗുകേഷ് ജയം പിടിക്കുകയായിരുന്നു.
Featured
ജനാധിപത്യ – ഭരണഘടന വിരുദ്ധവുമായ നയങ്ങളാണ് മോദി സർക്കാർ രാജ്യത്ത് നടപ്പിലാക്കുന്നത്: വി.കെ അറിവഴഗൻ
രാജ്യത്ത് മോദി സർക്കാർ നടപ്പിലാക്കുന്നത് ജനാധിപത്യ വിരുദ്ധവും ഭരണഘടന വിരുദ്ധവുമായ നയങ്ങളാണ്. ഇതിനെ എതിർക്കുന്ന രാഹുൽഗാന്ധിയുടെ നേതൃത്വത്തിലുള്ള പ്രതിപക്ഷ ശബ്ദത്തെ അടിച്ചമർത്തുവാനുള്ള ശ്രമം രാജ്യത്ത് വില പോകില്ലെന്നും എഐസിസി സെക്രട്ടറി ഡോ.വി.കെ അറിവഴഗൻ പറഞ്ഞു. കേരളത്തിൽ പിണറായി സർക്കാരിന് എതിരെ ശക്തമായ ഭരണ വിരുദ്ധ വികാരം ഉണ്ടെന്നും അദ്ദേഹം പറഞ്ഞു. തദ്ദേശ സ്വയംഭരണ സ്ഥാപനങ്ങളിലേക്ക് നടന്ന ഉപതിരഞ്ഞെടുപ്പുകളിലും, അസംബ്ലി ഉപതിരഞ്ഞെടുപ്പുകളിലും യു ഡി എഫിനുണ്ടായ മികച്ച വിജയം ജനവികാരത്തിന്റെ തെളിവാണെന്നും അറിവഴഗൻ പറഞ്ഞു.
മിഷൻ – 2025 ഭാഗമായി ഡി സി സി യിൽ ചേർന്ന ജില്ലാ കോൺഗ്രസ് കമ്മിറ്റി നേതൃയോഗം ഉദ്ഘാടനം ചെയ്യുകയായിരുന്നു എ ഐ സി സി സെക്രട്ടറി. വാർഡ് കോൺഗ്രസ് കമ്മിറ്റികൾ ഡിസംബർ 20നകം പൂർത്തീകരിക്കുവാനും വൈദ്യുതി ചാർ്ജജ് വർദ്ധനവിന് എതിരെ ബ്ലോക്ക് കോൺഗ്രസ് കമ്മിറ്റികളുടെ നേതൃത്വത്തിൽ വൈദ്യുതി ഭവനുകളിലേക്ക് പ്രതിഷേധ മാർച്ചും ധർണ്ണയും 17ന് നടത്തുവാനും യോഗം തീരുമാനിച്ചു. കെ. കരുണാകരന്റെ ചരമ ദിനമായ ഡിസംബർ 23ന് ലീഡർ സ്മാരക നിർമ്മാണ ഫണ്ടിലേക്ക് ജില്ലയിലെ മുഴുവൻ ബൂത്തുകളിലും ഭവന സന്ദർശനം നടത്തി ഫണ്ട് സമാഹരണം നടത്തും. 26ന് മഹാത്മാഗാന്ധിജി ഇന്ത്യൻ നാഷണൽ കോൺഗ്രസ് അധ്യക്ഷനായതിന്റെ 100-ാം വാർഷികത്തോടനുബന്ധിച്ച് ചിന്നക്കടയിൽ പൊതു സമ്മേളനം സംഘടിപ്പിക്കും. 28ന് ഇന്ത്യൻ നാഷണൽ കോൺഗ്രസിന്റെ 136-ാമത് ജന്മദിനത്തോടനുബന്ധിച്ച് ബൂത്ത് – വാർ്ഡ് – മണ്ഡലം – ബ്ലോക്ക് തലങ്ങളിൽ വിവിധ പരിപാടികൾ നടത്തും. കോർപ്പറേഷനിലെ അഴിമതി ഭരണത്തിനും വികസനം ഇല്ലായ്മയ്ക്കും എതിരെ നടത്തി വരുന്ന പ്രക്ഷോഭ പരിപാടികളുടെ രണ്ടാംഘട്ടമായി 19 മുതൽ 23 വരെ വിവിധ സോണൽ ഓഫീസുകളിലേക്ക് പ്രതിഷേധ മാർ്ച്ച് നടത്തുവാനും നേതൃയോഗം തീരുമാനിച്ചു.
ഡി സി സി പ്രസിഡന്റ് പി. രാജേന്ദ്രപ്രസാദ് അധ്യക്ഷത വഹിച്ചു. കെ പി സി സി ജന. സെക്രട്ടറിമാരായ എം. ലിജു, പഴകുളം മധു, എം. എം നസീർ, രാഷ്ട്രീയകാര്യ സമിതി അംഗങ്ങളായ ബിന്ദുകൃഷ്ണ, ശൂരനാട് രാജശേഖരൻ, യു ഡി എഫ് ജില്ലാ ചെയർമാൻ കെ. സി. രാജൻ, കെ പി സി സി നിർവാഹക സമിതി അംഗം എ. ഷാനവാസ്ഖാൻ, എഴുകോൺ നാരായണൻ, ആർ. ചന്ദ്രശേഖരൻ തുടങ്ങിയവർ പ്രസംഗിച്ചു.
കാബൂൾ: അഫ്‌ഗാനിസ്ഥാന്റെ തലസ്ഥാനമായ കാബൂളിൽ ചാവേറാക്രമണം. സ്ഫോടനത്തിൽ താലിബാന്റെ അഭയാർഥികാര്യ മന്ത്രി ഖലീൽ ഹഖാനി കൊല്ലപ്പെട്ടു. അഭയാർഥികാര്യ മന്ത്രാലയത്തിനുള്ളിലായിരുന്നു സ്ഫോടനം നടന്നത്. മന്ത്രാലയത്തിലെത്തിയ ഒരു അഭയാർഥി ചാവേറായി പൊട്ടിത്തെറിക്കുകയായിരുന്നു എന്നാണ് അന്താരാഷ്ട്ര മാധ്യമങ്ങൾ റിപ്പോർട്ട് ചെയ്യുന്നത്. ഇന്ന് ഉച്ചയ്ക്ക് ശേഷമാണ് ചാവേറാക്രമണം നടന്നത്.
താലിബാൻ അധികാരം പിടിച്ചെടുത്ത ശേഷം കൊല്ലപ്പെടുന്ന ആദ്യ പ്രമുഖ നേതാവാണ് ഖലീൽ ഹഖാനി. അഫ്ഗാൻ തലസ്ഥാനത്ത് നടന്ന ചാവേർ സ്ഫോടനത്തിൽ അഭയാർഥി മന്ത്രി കൊല്ലപ്പെട്ടതായി ആഭ്യന്തര മന്ത്രാലയ ഉദ്യോഗസ്ഥർ സ്ഥിരീകരിച്ചിട്ടുണ്ട്. ഖലീൽ ഹഖാനിയുടെ അംഗരക്ഷകനും മറ്റൊരാളും ആക്രമണത്തിൽ കൊല്ലപ്പെട്ടതായും റിപ്പോർട്ടുണ്ട്. ചാവേർ സ്ഫോടനത്തിൽ നിരവധി പേർക്ക് ഗുരുതരമായി പരിക്കേറ്റതായും വി വരമുണ്ട്. അതേസമയം സ്ഫോടനത്തിന്റെ ഉത്തരവാദിത്തം ഇതുവരെയും ആരും ഏറ്റെടുത്തിട്ടില്ല.
-
Kerala2 weeks agoജീവനക്കാരുടെ ശമ്പളബില്ല്
കേന്ദ്രീകൃതമാക്കാനുള്ള നീക്കം,
ശമ്പളം കവര്ന്നെടുക്കാനുള്ള ആസൂത്രിത ശ്രമമാണെന്ന് ; ചവറ ജയകുമാര് -
News4 weeks agoക്ഷാമ ബത്ത കേസിൽ ഇടക്കാല ഉത്തരവ്
-
Featured2 months agoഡി എ: പ്രഖ്യാപനം നിരാശാജനകമെന്ന് സെക്രട്ടേറിയറ്റ് അസോസിയേഷൻ
-
Kerala2 months agoക്ഷാമബത്ത: കുടിശ്ശിക നിഷേധിച്ചാൽ നിയമപരമായി നേരിടും; ചവറ ജയകുമാർ
-
News4 weeks ago
ജീവനക്കാരെ രണ്ടു തട്ടിലാക്കുന്ന നടപടി സർക്കാർ അവസാനിപ്പിക്കണം
-
News11 hours agoക്ഷാമബത്ത കേസില് ഇടക്കാല ഉത്തരവ്
-
Education3 months agoമഹാരാജാസിന് ഓട്ടോണമസ് പദവി നഷ്ടപ്പെട്ടിട്ട് നാലുവര്ഷം: കോളേജ് നടത്തുന്ന പരീക്ഷകള് അസാധുവാകും
-
Travel2 months agoനീല വസന്തം; ചതുരംഗപാറ മലനിരകളിൽ പൂത്തുലഞ്ഞ് കുറിഞ്ഞി
You must be logged in to post a comment Login