Kuwait

വിപണിവിപുലീകരണലക്ഷ്യത്തോടെ ഇന്ത്യൻ പ്രതിനിധി സംഘ സന്ദർശനം സാർത്ഥകം !

Published

6 months ago

Sep 10, 2024

_{കുവൈറ്റ് സിറ്റി : ഇന്ത്യയും കുവൈത്തും തമ്മിലുള്ള ഭക്ഷ്യ മേഖലയിൽ സഹകരണം വർദ്ധിപ്പിക്കുന്നതിനായി വ്യാപാര പ്രമോഷൻ പരമ്പര കുവൈത്ത് ഇന്ത്യൻ എംബസിയുടെ നേതൃത്വത്തിൽ കഴിഞ്ഞ മൂന്നു ദിവസങ്ങളിലായി സംഘടിപ്പിച്ചു.ഫുഡ് ആൻഡ് ബിവറേജസ് (എഫ് ആൻഡ് ബി) മേഖലയിലെ ബയർ സെല്ലർ മീറ്റ് ട്രേഡ് പ്രൊമോഷൻ കൗൺസിൽ ഓഫ് ഇന്ത്യയുമായി (ടിപിസിഐ) സഹകരിച്ച് 2024 സെപ്റ്റംബർ 8-ന് കുവൈറ്റിലെ ഗ്രാൻഡ് മജസ്റ്റിക് ഹോട്ടലിൽ സംഘടിപ്പിച്ചതായി വീക്ഷണം ഓൺലൈൻ കഴിഞ്ഞ ദിവസം റിപ്പോർട്ട് ചെയ്തിരുന്നു. ഫെഡറേഷൻ ഓഫ് ഇന്ത്യൻ എക്‌സ്‌പോർട്ട് ഓർഗനൈസേഷൻസ് (എഫ്ഐഇഒ), കുവൈറ്റ് ചേംബർ ഓഫ് കൊമേഴ്‌സ് ആൻഡ് ഇൻഡസ്ട്രി (കെസിസിഐ) എന്നിവയുമായി ചേർന്ന് ഇന്ത്യൻ എംബസ്സിയുടെ നേതൃത്വത്തിൽ സെപ്തംബർ 9-ന് ഭക്ഷ്യ-കാർഷിക ഉൽപന്നങ്ങളുടെ ഒരു ബയർ-സെല്ലർ മീറ്റ് സംഘടിപ്പിക്കുകയുണ്ടായി. കുവൈറ്റ് ചേംബർ ഓഫ് കോമേഴ്‌സ് ആൻഡ് ഇൻഡസ്ടറി എക്സിബിഷൻ ഹാളിൽ 30 പ്രമുഖ ഇന്ത്യൻ കമ്പനികളുടെ പ്രതിനിധി സംഘം ഭക്ഷ്യ-കാർഷിക ഉൽപ്പന്നങ്ങളുടെ വിപുലമായ ശ്രേണി പ്രദർശിപ്പിച്ചു.}

inner ad

_{ഇന്ത്യൻ ഭക്ഷ്യ-കാർഷിക സംസ്‌കരണ വ്യവസായങ്ങളുടെ അത്യാധുനിക സാങ്കേതികവിദ്യകൾ പ്രകടമാക്കുന്ന ഓഫറുകൾ ക്കു പുറമെ മില്ലറ്റിൽ നിന്ന് ഉരുത്തിരിഞ്ഞ മൂല്യവർധിത ഉൽപ്പന്നങ്ങൾ, ഭക്ഷ്യ സംസ്‌കരണത്തിലും സുസ്ഥിര പാക്കേജിംഗിലും ഏറ്റവും പുതിയ കണ്ടുപിടുത്തങ്ങൾ, ജൈവകൃഷി, ഇന്ത്യൻ സുഗന്ധവ്യഞ്ജനങ്ങൾ, ശീതീകരിച്ച ഭക്ഷ്യവസ്തുക്കൾ എന്നിവയും എക്‌സ്‌പോയിൽ ഉൾപ്പെട്ടിരുന്നു . ആഗോള ഭക്ഷ്യ വ്യവസായത്തിൽ ഇന്ത്യയുടെ വർദ്ധിച്ചുവരുന്ന സ്വാധീനവും പ്രകടമാവുന്നതായിരുന്നു ഈ പ്രദർശനം. ഇന്ത്യ – കുവൈറ്റ് സഹകരണങ്ങളുടെ പ്രാധാന്യം സൂചിപ്പിക്കുന്ന രണ്ട് പരിപാടികളും കുവൈറ്റിലെ ബഹു. ഇന്ത്യൻ അംബാസഡർ ഡോ. ആദർശ് സ്വൈക ഉദ്ഘാടനം ചെയ്തു. കെ സി സി ഐ യിലെ ഉദ്ഘാടന ചടങ്ങിൽ കെസിസിഐ അസി. ഡയറക്ടർ ജനറൽ ഇമാദ് അൽ സായിദ്, പബ്ലിക് അതോറിറ്റി ഫോർ ഫുഡ് ആൻഡ് ന്യൂട്രീഷൻ (പിഎഎഫ്എൻ) ഡയറക്ടർ ജനറൽ ഡോ റീം അൽഫുലൈജ് എന്നിവർ പങ്കെടുത്തു. പബ്ലിക് അതോറിറ്റി ഓഫ് അഗ്രികൾച്ചർ അഫയേഴ്സ് ആൻഡ് ഫിഷ് റിസോഴ്സസ്, വാണിജ്യ ബാങ്കുകൾ, പത്ര, ഇലക്ട്രോണിക് മാധ്യമപ്രതിനിധികളും സന്നിഹിതരായിരുന്നു.}

_{കുവൈറ്റിൽ നിന്നുള്ള പ്രമുഖ ഇറക്കുമതിക്കാർ, ഹൈപ്പർമാർക്കറ്റുകൾ, നിർമ്മാണ വ്യവസായങ്ങൾ എന്നിവയുമായി സന്ദർശക പ്രതിനിധികൾ ഉൽപ്പാദനക്ഷമമായ ഇടപാടുകാരുമായി മീറ്റിംഗുകളിൽ ഏർപ്പെട്ടു. ഇന്ത്യൻ ബിസിനസ് പ്രൊഫഷണൽസ് കൗൺസിൽ (ഐ ബി പി സി ) ഇന്ത്യൻ എംബസിയുമായി സഹകരിച്ച് 2024 സെപ്റ്റംബർ 9 ന് കുവൈറ്റിലെ ഹോട്ടൽ ക്രൗൺ പ്ലാസയിൽ ഒരു ബിസിനസ് നെറ്റ്‌വർക്കിംഗ് സെഷനും സംഘടിപ്പി ച്ചിരുന്നു. ഇത് ഇന്ത്യൻ കമ്പനികൾക്ക് ഇടപാടുകാരുമായി മീറ്റിംഗുകൾ നടത്താൻ കൂടുതൽ പ്രയോജനകരമായി. സുഗന്ധവ്യഞ്ജനങ്ങൾ, പാൽ, പയർവർഗ്ഗങ്ങൾ, തേയില, കരിമ്പ്, ഗോതമ്പ്, പഴങ്ങൾ, പച്ചക്കറികൾ എന്നിവയുടെ ഏറ്റവും വലിയ രണ്ടാമത്തെ ഉത്പാദകരാണ് ഇന്ത്യ. ആഗോള കയറ്റുമതിയിൽ അരി, പഞ്ചസാര, ഫ്രഷ് പച്ചക്കറികൾ,പഴങ്ങൾ സമുദ്രോത്പന്നങ്ങൾ , സുഗന്ധവ്യഞ്ജനങ്ങൾ, മാംസം, ബസുമതി അരി, കാപ്പി(വറുക്കാത്തത്), ഫ്രോസൺ ചെമ്മീൻ, കൊഞ്ച്, കശുവണ്ടി, പരിപ്പ്, ഉള്ളി മുതലായവ എന്നിവയും ഉൾപ്പെടുന്നു. 2023-24 സാമ്പത്തിക വർഷത്തിൽ കുവൈറ്റിലേക്കുള്ള ഇന്ത്യയുടെ മൊത്തം കയറ്റുമതി 2.0 ബില്യൺ ഡോളർ കവിഞ്ഞു, അതേസമയം ഭക്ഷണം, കാർഷിക കയറ്റുമതി ഏകദേശം 350 മില്യൺ യുഎസ് ഡോളറാണ്. 2022 ൽ 866 ബില്യൺ യുഎസ് ഡോളറിൽ നിന്ന് 2027 ൽ 1,274 ബില്യൺ യുഎസ് ഡോളറിലെത്തുമെന്ന് കണക്കാക്കപ്പെടുന്നു.}

Kuwait

അജ്പക് കിഴക്കിന്റെ വെനീസ് ഉത്സവ് – 2025 ഫ്ലെയർ പ്രകാശനം നടത്തി

Published

10 hours ago

Mar 24, 2025

കൃഷ്ണൻ കടലുണ്ടി

_{കുവൈറ്റ്‌ സിറ്റി : ആലപ്പുഴ ജില്ലാ പ്രവാസി അസോസിയേഷൻഅബ്ബാസിയ ആസ്പയർ ഇന്റർനാഷണൽ സ്കൂൾ ഓഡിറ്റോറിയത്തിലെ അമ്പിളി ദിലി നഗറിൽ വെച്ച് നടത്തുന്ന മെഗാ പ്രോഗ്രാം കിഴക്കിന്റെ വെനീസ് ഉത്സവ് – 2025 ഫ്ലയർ പ്രകാശനം ചെയ്തു. ഏപ്രിൽ 4 വെള്ളിയാഴ്ച 4 മണി മുതൽ നടക്കുന്ന പരിപാടിയുടെ ഫ്ലയർ പ്രകാശനം അബ്ബാസിയ എവർഗ്രീൻ ഓഡിറ്റോറിയത്തിൽ അജ്പക് പ്രസിഡന്റ്‌ കുര്യൻ തോമസ് പൈനുംമൂട്ടിലിന്റെ അധ്യക്ഷതയിൽ കൂടിയ യോഗത്തിൽ ബി ഇ സി ഹെഡ് ഓഫ് ബിസിനസ്‌ രാംദാസ് നായർ നിർവഹിച്ചു. അജ്പക് ഒമ്പതാം വാർഷികത്തോട് അനുബന്ധിച്ച് നടത്തുന്ന പൊതു സമ്മേളനത്തിൽ പ്രശസ്ത മലയാള സിനിമ നടനും തിരക്കഥാകൃത്തുമായ രഞ്ജി പണിക്കർ മുഖ്യ അതിഥി ആയിരിക്കും. ശ്രീരാഗ് ഭരതൻ, സോണിയ ആമോദ്, അനൂപ് കോവളം, ആദർശ് ചിറ്റാർ, ജയദേവ് കലവൂർ തുടങ്ങിയവർ അവതരിപ്പിക്കുന്ന ഗാനസന്ധ്യയും ഉണ്ടായിരിക്കുന്നതാണ്.}

_{രാജീവ് നടുവിലെമുറി, ബാബു പനമ്പള്ളി, മാത്യു ചെന്നിത്തല, ലിസൻ ബാബു, കുട കൺവീനർ മാർട്ടിൻ മാത്യു, എന്നിവർ ആശംസകൾ അറിയിച്ചു. അനിൽ വള്ളികുന്നം, ബാബു തലവടി, കൊച്ചുമോൻ പള്ളിക്കൽ, ലിബു പായിപ്പാടൻ, രാഹുൽദേവ്, സജീവ് കായംകുളം, സിബി പുരുഷോത്തമൻ, സുമേഷ് കൃഷ്ണൻ, അജി ഈപ്പൻ, സാം ആന്റണി, ഷീന മാത്യു, അനിത അനില്‍, സാറമ്മ ജോൺസ്, സുനിത രവി, ബിന്ദു മാത്യു, കീർത്തി സുമേഷ്, ലക്ഷ്മി സജീവ്, ഷിഞ്ചു ഫ്രാൻസിസ്, ലിനോജ്‌ വർഗീസ്, ജിബി തരകൻ, തോമസ് പള്ളിക്കൽ, ബിജി പള്ളിക്കൽ, സുരേഷ് കുമാർ കെ. എസ്, ജോമോൻ ജോൺ, വിനോദ് ജേക്കബ്, ശരത് കുടശ്ശനാട്, ആദർശ് ദേവദാസ് എന്നിവർ പങ്കെടുത്തു. ജനറൽ സെക്രട്ടറി സിറിൽ ജോൺ അലക്സ് ചമ്പക്കുളം സ്വാഗതവും പ്രോഗ്രാം കമ്മിറ്റി ജനറൽ കൺവീനർ മനോജ് പരിമണം നന്ദിയും രേഖപ്പെടുത്തി.}

inner ad

Kuwait

കായംകുളം NRIs – ഇഫ്താർ സംഗമം സംഘടിപ്പിച്ചു

Published

11 hours ago

Mar 24, 2025

കൃഷ്ണൻ കടലുണ്ടി

_{കുവൈറ്റ് സിറ്റി : കായംകുളം എൻ ആർ ഐസ് – കുവൈറ്റ് ഇഫ്താർ സംഗമം നടത്തി. പ്രസിഡന്‍റ് കെ. ജി ശ്രീകുമാറിന്റെ അദ്ധ്യക്ഷതയിൽ സംഘടിപ്പിച്ച പരിപാടി ഒ.ഐ.സി.സി വർക്കിംഗ് ജനറൽ സെക്രട്ടറി ബി. എസ് പിള്ള ഉത്‌ഘാടനം നിർവഹിച്ചു. പ്രഭാഷകനും, ഖുർആൻ പണ്ഡിതനുമായ നൗഷാദ് മദനി കാക്കവയൽ മുഖ്യപ്രഭാഷണം നടത്തി. മംഗഫ് മെമ്മറീസ് ഹാളിൽ വെച്ച് നടന്ന പരിപാടിയിൽ ജനറൽ സെക്രട്ടറി അബ്ദുൽ വഹാബ് സ്വാഗതവും, പ്രോഗ്രാം കൺവീനർ ഗോപാലകൃഷ്ണൻ നന്ദിയും പറഞ്ഞു. ഖലീൽ, അരുൺ സോമൻ, ബിജു ഖാദർ, സജൻ ഭാസ്കരൻ, മധുകുട്ടൻ, അനീഷ് ആനന്ദ്, അമീൻ, അനീഷ് സ്വാമിദാസൻ, ഹരി പത്തിയൂർ എന്നിവർ പരിപാടികൾക്ക് നേതൃത്വം നൽകി.}

Kuwait

കല (ആർട്ട്) സൗഹൃദ ഇഫ്‌താർ വിരുന്നൊരുക്കി

Published

22 hours ago

Mar 23, 2025

കൃഷ്ണൻ കടലുണ്ടി

_{കുവൈറ്റ്സൗ സിറ്റി : സഹവർത്തിത്വത്തിന്റെയും സഹിഷ്ണുതയുടെയും സമഭാവനയുടെയും പ്രതീകമായ വിശുദ്ധ റമദാൻ മാസത്തിൽ പങ്കുവെക്കലിന്റെ മഹത്തായ സന്ദേശം പകർന്നുകൊണ്ട് ഒന്നിച്ചിരിക്കുവാനും സൗഹൃദം പങ്കിടുവാനുമായി കല (ആർട്ട്) ഇഫ്‌താർ വിരുന്നൊരുക്കി. മാർച്ച് 22, ശനിയാഴ്ച 5 മണിക്ക് അബ്ബാസിയ ഹൈഡെയ്‌ൻ ഹാളിൽ സംഘടിപ്പിച്ച ഇഫ്താർ വിരുന്നിൽ കലാ (ആർട്) പ്രസിഡണ്ട് പി കെ ശിവകുമാർ അദ്ധ്യക്ഷത വഹിച്ചു. ജനറൽ സെക്രട്ടറി അനീഷ് വർഗീസ് സ്വാഗതവും ട്രെഷറർ അജിത് കുമാർ നന്ദിയും പറഞ്ഞു. റമദാനും അതിൻ്റെ പ്രാധാന്യവും വിഷയീകരിച്ചും ലഹരിക്കെതിരെയുള്ള സന്ദേശം പകർന്നും പ്രമുഖ വാഗ്മി അഷ്‌റഫ് ഏകരൂർ പ്രഭാഷണം നടത്തി. കലാ (ആർട്) വൈസ് പ്രസിഡന്റ് അനീച്ച ഷൈജിത്, ഇഫ്‌താർ കൺവീനർ മുസ്തഫ മൈത്രി എന്നിവരും വേദിയിൽ സന്നിഹിതരായിരുന്നു.}

_{കല (ആർട്) കുവൈറ്റ് എക്സിക്യൂട്ടീവ് കമ്മറ്റി അംഗങ്ങൾ ആയ മുകേഷ്, സുനിൽ കുമാർ, രാകേഷ്, ജോണി, കനകരാജ്, അനിൽ വര്ഗീസ്, പ്രിൻസ്, ലിജോമോൻ, ഗിരീഷ് കുട്ടൻ, സന്തോഷ്, പ്രജീഷ്, ജ്യോതി ശിവകുമാർ, സന്ധ്യാ അജിത്, സിസിത ഗിരീഷ് എന്നിവർ പരിപാടിക്ക് നേതൃത്വം നൽകി.}