Kerala
പ്രശസ്ത ചിത്രകാരൻ ആർട്ടിസ്റ്റ് നമ്പൂതിരി അന്തരിച്ചു
- അപ്രത്യക്ഷമാകുന്നത് വരകളുടെ പരമശിവൻ
മലപ്പുറം: വരകളുടെ നായകൻ ചിത്രകാരൻ ആർട്ടിസ്റ്റ് നമ്പൂതിരി അന്തരിച്ചു. . 97 വയസായിരുന്നു. ശ്വാസ കോശത്തിലെ അണുബാധയെ തുടർന്നാണ് ആശുപത്രിയിൽ പ്രവേശിപ്പിച്ചത്. കോട്ടക്കലിലെ സ്വകാര്യ ആശുപത്രിയിൽ ചികിത്സയിൽ കഴിയവെ ഇന്നു പുലർച്ചെയാണ് അന്ത്യം സംഭവിച്ചത്. ആനുകാലികങ്ങളിലെ ഖണ്ഡശകൾക്ക് നായികാ- നായക വേഷങ്ങൾ വരകളാക്കി വർണിച്ച് വായനക്കാരന്റെ മനസിൽ ഇടം പിടിച്ച ചിത്രകാരനാണ് വാസുദേവൻ നമ്പൂതിരിയെന്ന ആർട്ടിസ്റ്റ് നമ്പൂതിരി.
എം.ടി വാസുദേവൻ നമ്പൂതിരിയുടെ രണ്ടാമൂഴത്തിലെ ദ്രൗപദിയും മറ്റു കഥാപാത്രങ്ങളും ഏറെ പ്രശംസ നേടിയ വരകളാണ്. കേരളീയ ചിത്രകലയ്ക്ക് പുതിയ മാനം നൽകിയ പ്രതിഭാശാലിയായിരുന്നു നമ്പൂതിരി. വരയിലും പെയിന്റിങ്ങിലും ശിൽപ്പവിദ്യയിലും ഒരുപോലെ അദ്ദേഹം കഴിവുതെളിയിച്ചു. അരവിന്ദൻറെ ഉത്തരായനം, കാഞ്ചനസീത സിനിമകളുടെ കലാസംവിധായകനായും പ്രവർത്തിച്ചിരുന്നു. രാജാ രവിവർമ്മാ പുരസ്കാരം നേടിയ ആർട്ടിസ്റ്റ് നമ്പൂതിരി കലാ സംവിധായകനുള്ള സംസ്ഥാന ചലച്ചിത്ര പുരസ്കാരവും നേടിയിട്ടുണ്ട്. വരയുടെ പരമശിവൻ എന്നാണ് വികെഎൻ ആർട്ടിസ്റ്റ് നമ്പൂതിരിയെ വിശേഷിപ്പിച്ചിരുന്നത്.
1925 സെപ്തംബർ 13ന് പൊന്നാനി കരുവാട്ടില്ലത്ത് പരമേശ്വരൻ നമ്പൂതിരിയുടെയും ശ്രീദേവി അന്തർജനത്തിന്റെയും മകനായാണ് വാസുദേവൻ നമ്പൂതിരിയുടെ ജനനം. പുരസ്കാരത്തിളക്കത്തിലും അംഗീകാര നിറവിലും ഭാവഭേദമില്ലാതെ കർമനിരതനായി നമ്പൂതിരി രേഖാ ചിത്രങ്ങളുടെ പേരിൽ പ്രശസ്തനായിരുന്നു. അറിയപ്പെടുന്ന ശില്പിയുമായിരുന്നു. തകഴി, എംടി. ബഷീർ, പൊറ്റക്കാട് തുടങ്ങിയവരുടെ കൃതികൾക്കായി അദ്ദേഹം ചിത്രങ്ങൾ വരച്ചു. എംടിയുടെ രചനകൾക്ക് നമ്പൂതിരി വരച്ച ചിത്രങ്ങൾ ഏറെ പ്രശംസിക്കപ്പെട്ടിരുന്നു. മോഹൻലാൽ അടക്കമുള്ള പ്രമുഖർ നമ്പൂതിരിയുടെ ആരാധകരാണ്. മോഹൻലാലിന്റെ ആവശ്യപ്രകാരം, ശങ്കരാചാര്യരുടെ സൗന്ദര്യലഹരി അടിസ്ഥാനമാക്കി വരച്ച പെയ്ന്റിങ് ഏറെ പ്രശസ്തമാണ്.
മദ്രാസ് ഫൈൻ ആർട്സ് കോളജിൽ നിന്നും ചിത്രകല പഠിച്ച ആർട്ടിസ്റ്റ് നമ്പൂതിരി 1960-ൽ മാതൃഭൂമിയിൽ രേഖാ ചിത്രകാരനായതോടെ പ്രശസ്തിയാർജിച്ചു. വിവിധ പ്രസിദ്ധീകരണങ്ങളിൽ ആയിരക്കണക്കിനു രേഖാചിത്രങ്ങൾ അദ്ദേഹം വരച്ചിട്ടുണ്ട്.’നമ്പൂതിരിച്ചിത്രംപോലെ സുന്ദരം’ എന്ന ശൈലി തന്നെ മലയാളത്തിൽ ഉണ്ടായിരുന്നു. വരയും പെയിന്റിങ്ങും ശിൽപ്പവിദ്യയും കലാസംവിധാനവും ഉൾപ്പെടെ കൈവച്ച മേഖലകളിലെല്ലാം പ്രഭ പരത്തി, ആ പ്രതിഭ അവാസാന നിമിഷം വരെയും വരകളുടെ ലോകത്ത് നിറസാന്നിധ്യമായിരുന്നു.
സംസ്കാരം ഔദ്യോഗിക ബഹുമതികളോടെ പിന്നീട്.
കേരള ലളിതകലാ അക്കാദമി അധ്യക്ഷനായി പ്രവർത്തിച്ചിട്ടുണ്ട്. കേരള ലളിതകലാ അക്കാദമിയുടെ രാജാ രവിവർമ പുരസ്കാരം, സംസ്ഥാന ബാലസാഹിത്യ ഇൻസ്റ്റിറ്റ്യൂട്ടിന്റെ ബാലസാഹിത്യ അവാർഡ് തുടങ്ങിയ പുരസ്കാരങ്ങൾ ലഭിച്ചു.ഭാര്യ: മൃണാളിനി. മക്കൾ: പരമേശ്വരൻ, വാസുദേവൻ.
കൊച്ചി/ ആലപ്പുഴ: കൊച്ചി കടവന്ത്രയില് നിന്ന് കാണാതായ സുഭദ്രയെ കൊന്ന് കുഴിച്ച് മൂടിയതായി സംശയം. സംഭവത്തില് ഒരാളെ പൊലീസ് കസ്റ്റഡിയിലെടുത്തു. കഴിഞ്ഞ മാസം ഏഴാം തിയ്യതിയാണ് 73 വയസുകാരിയായ സുഭദ്രയെ കാണാനില്ലെന്ന് കടവന്ത്ര പൊലീസില് പരാതി ലഭിച്ചത്. തുടര്ന്ന് നടത്തിയ അന്വേഷണത്തില് സുഭദ്ര കലവൂര് എത്തിയതായി കണ്ടെത്തി.
ആലപ്പുഴ കലവൂരില് പൊലീസ് പരിശോധന നടത്തുകയാണ്. കടവന്ത്ര സ്വദേശിനിയായ സുഭദ്രയെ കഴിഞ്ഞ നാലാം തീയതിയാണ് കാണാതായത്. ഏഴാം തീയതിയാണ് സുഭദ്രയുടെ മകന് കടവന്ത്ര പൊലീസില് പരാതി നല്കിയത്. അന്വേഷണത്തില് സുഭദ്ര ആലപ്പുഴ കാട്ടൂര് കോര്ത്തശ്ശേരിയില് എത്തിയ വിവരം ലഭിച്ചു. സുഭദ്രയെ കൊന്ന് കുഴിച്ചുമൂടിയതാണെന്നാണ് സംശയം. സ്ഥലത്ത് കുഴി എടുത്ത് പരിശോധന നടത്തുകയാണ് പൊലീസ്.
Featured
ആര്.എസ്.എസിനെ കുറിച്ച് വളരെ കൂളായാണ് സ്പീക്കര് എ.എന്. ഷംസീര് പ്രതികരിച്ചതെന്ന് കെ എം ഷാജി
കോഴിക്കോട്: ആര്.എസ്.എസിനെ കുറിച്ച് വളരെ കൂളായാണ് സ്പീക്കര് എ.എന്. ഷംസീര് പ്രതികരിച്ചതെന്ന് മുസ് ലിം ലീഗ് നേതാവ് കെ.എം. ഷാജി. പിണറായി വിജയന് പറയുകയാണെങ്കില് അതില് അതിശയമില്ല. ആദ്യത്തെ തെരഞ്ഞെടുപ്പില് പിണറായി ജയിക്കുന്നത് ആര്.എസ്.എസ് വോട്ട് വാങ്ങിയാണെന്ന് പിന്നീട് കേരളം കണ്ടതാണെന്നും കെ.എം. ഷാജി വാര്ത്താസമ്മേളനത്തില് വ്യക്തമാക്കി. ഉദ്യോഗസ്ഥര്ക്കിടയില് ആര്.എസ്.എസ് നുഴഞ്ഞുകയറുന്നുവെന്ന ആരോപണത്തില് അതിഭീകരമായ നിശബ്ദതയാണ് മുഖ്യമന്ത്രി കാണിക്കുന്നത്. മുഖ്യമന്ത്രിയുടെ മൗനം നിസാരമായി കാണാനാവില്ല. മുഖ്യമന്ത്രി സംസാരിക്കുക എന്നത് ഔദാര്യമല്ലെന്നും ഭരണഘടനാപരമായ ഉത്തരവാദിത്തമാണെന്നും കെ.എം. ഷാജി ചൂണ്ടിക്കാട്ടി.
ആര്.എസ്.എസ് രൂപീകരിച്ച ശേഷം എല്ലാ സംസ്ഥാനങ്ങളിലും ഒരു ഡീപ് സ്റ്റേറ്റ് പ്രൊജക്ട് നടപ്പാക്കിയിരുന്നു. രണ്ടാം പിണറായി സര്ക്കാര് അധികാരത്തിലേറുമ്പോഴാണ് കേരളത്തില് ഡീപ് സ്റ്റേറ്റ് പ്രൊജക്ട് ആരംഭിക്കുന്നത്. കര്ണാടക അടക്കമുള്ള സംസ്ഥാനങ്ങളില് തരംഗ സമാനമായാണ് ആര്.എസ്.എസ് വളര്ന്നത്. എന്നാല്, 82 ശതമാനം ഹിന്ദുക്കളുള്ള കര്ണാടക മറ്റൊരു തരംഗത്തില് കോണ്ഗ്രസിനൊപ്പം നിന്നു. കേരളത്തില് ഈ വര്ഗീയത ഒരു തരംഗം കൊണ്ടുവരികയോ ഇല്ലാതെ പോവുകയോ ചെയ്യില്ല. വിദ്യാഭ്യാസമുള്ള സമൂഹമായത് കൊണ്ടാണിത്. അരിച്ചരിച്ച് വരുന്ന വര്ഗീയതക്കെതിരെ യു.ഡി.എഫും എല്.ഡി.എഫും അടങ്ങുന്ന സമൂഹം ഒരു സാംസ്കാരിക പ്രതിരോധം തീര്ത്തിരുന്നു.
ബി.ജെ.പിയുടേത് ഹിന്ദു സ്നേഹമല്ലെന്നും ഹിന്ദുത്വ അജണ്ടയുള്ള രാഷ്ട്രീയമാണെന്ന് താന് മുമ്പ് പറഞ്ഞിട്ടുണ്ട്. അജണ്ട നടപ്പാക്കാനാണ് മോദി വികസനത്തെ കുറിച്ച് സംസാരിക്കുന്നത് സാമ്രാജത്വ ശക്തികള്ക്ക് വേണ്ടിയാണെന്നും പറഞ്ഞിരുന്നു. അത് രാഷ്ട്രീയ താല്പര്യത്തിന് വേണ്ടി അന്ന് നികേഷ് കുമാര് വളച്ചൊടിച്ച് വലിയ വാര്ത്തയാക്കി. ആര്.എസ്.എസിന് അനുകൂലമെന്ന് തോന്നാവുന്ന പ്രയോഗങ്ങള് പോലും അപകടകരമെന്നാണ് മലയാളികള് കണ്ടിരുന്നതെന്നും അത് സാംസ്കാരിക പ്രതിരോധമായിരുന്നുവെന്നും കെ.എം. ഷാജി ചൂണ്ടിക്കാട്ടി.എ.ഡി.ജി.പി എം.ആര്. അജിത് കുമാര് ആര്.എസ്.എസ് നേതാക്കളെ കണ്ടതില് തെറ്റില്ലെന്നാണ് സ്പീക്കര് എ.എന്. ഷംസീര് ഇന്നലെ കോഴിക്കോട്ട് മാധ്യമ പ്രവര്ത്തകരോട് പ്രതികരിച്ചത്. വ്യക്തികള് പരസ്പരം കാണുന്നതില് തെറ്റില്ലല്ലോ. സുഹൃത്താണ് കൂട്ടിക്കൊണ്ടുപോയതെന്ന് അജിത് കുമാര് തന്നെ വ്യക്തമാക്കിയിട്ടുണ്ടെന്നും ഷംസീര് പറഞ്ഞു.
കൂടിക്കാഴ്ചയെ ഗൗരവമായി കാണേണ്ടതില്ല. ആര്.എസ്.എസ് രാജ്യത്തെ പ്രധാന സംഘടനയാണ്. അതിന്റെ പ്രധാനപ്പെട്ട രണ്ടു നേതാക്കളെ എ.ഡി.ജി.പി കണ്ടതില് അപാകതയില്ലെന്നും എ.എന്. ഷംസീര് വ്യക്തമാക്കിയിരുന്നു.അതേസമയം, എ.ഡി.ജി.പി അജിത് കുമാര് ആര്.എസ്.എസ് നേതാവിനെ കണ്ടതിനെ ന്യായീകരിച്ച എ.എന്. ഷംസീറിന്റെ പ്രസ്താവനക്ക് ആര്.എസ്.എസിനെ നിരോധിച്ച കാലം ഓര്മപ്പെടുത്തി മന്ത്രി എം.ബി. രാജേഷിന്റെ മറുപടി. ആര്.എസ്.എസിനെ കുറിച്ച് ഞങ്ങള്ക്ക് കൃത്യമായി അറിയാമെന്നും സര്ദാര് വല്ലഭായ് പട്ടേല് നിരോധിച്ച സംഘടനയാണെന്നും മന്ത്രി പറഞ്ഞു.
തിരുവനന്തപുരം: സംസ്ഥാനത്തെ ഇന്ധന പമ്പുകളില് അളവുതൂക്ക പരിശോധന വിഭാഗം നടത്തിയ പരിശോധനയില് കണ്ടെത്തിയത് വ്യാപക ക്രമക്കേട്. സര്ക്കാറിന്റെ സിവില് സപ്ലൈസ് പമ്പുകളില് അടക്കം 50 പമ്പുകളിലാണ് ഇന്ധനത്തിന്റെ അളവ് അനുവദനീയമായതിലും കുറവാണെന്ന് കണ്ടെത്തിയത്.
പമ്പുകളിലെ അളവുപാത്രം മുദ്ര ചെയ്യാത്തതിനടക്കം 510 പമ്പുകള്ക്കെതിരെ ലീഗല് മെട്രോളജി വിഭാഗം കേസെടുക്കുകയും 9.69 ലക്ഷം രൂപ പിഴ ചുമത്തുകയും ചെയ്തു. പാലക്കാട് (61) ജില്ലയിലാണ് കൂടുതല് ക്രമക്കേട് കണ്ടെത്തിയത്. എറണാകുളം (55) തിരുവനന്തപുരം (53) ജില്ലകളാണ് തൊട്ടുപിറകില്. വയനാട്ടിലാണ് (15) ഏറ്റവും കുറവ് കേസുകള്.
രണ്ടര വര്ഷത്തിനിടെ നടത്തിയ പരിശോധനയിലാണ് ക്രമക്കേട് കണ്ടെത്തിയത്. അഞ്ച് ലിറ്റര് ഇന്ധനം വില്ക്കുമ്പോള് 25 മില്ലിലിറ്റര് കൂടുകയോ കുറയുകയോ ചെയ്യുന്നതില് നിയമത്തില് ഇളവുണ്ട്. എന്നാല്, ചില പമ്പുകളില് 100 മുതല് 120 മില്ലിലീറ്റര് വരെ വ്യത്യാസമാണ് കണ്ടെത്തിയത്.
-
Featured4 weeks agoപാലിയേക്കര ടോള്: കരാര് കമ്പനിക്ക് 2128.72 കോടി രൂപ പിഴ ചുമത്തി ദേശീയപാത അതോറിറ്റി
-
Kerala3 months agoതസ്തിക നിർണയം, അവധി ദിനങ്ങൾ പ്രവർത്തിക്കാൻ ആവശ്യപ്പെടുന്ന സർക്കുലർ സർക്കാർ
പിന്വലിക്കുക: കെപിഎസ്ടിഎ -
Featured3 months agoപ്ലസ് വൺ സീറ്റ് പ്രതിസന്ധി: സംസ്ഥാനത്ത് നാളെ കെഎസ്യു വിദ്യാഭ്യാസ ബന്ദ്
-
News2 weeks agoജീവനക്കാരുടെ അവകാശങ്ങൾക്ക് തടസ്സം നിൽക്കുമെന്ന് സർക്കാർ
-
Business4 weeks agoസംസ്ഥാനത്ത് കോഴി വില കുത്തനെ കുറഞ്ഞു
-
Business2 months agoജിയോയ്ക്കും എയർടെല്ലിനും പിന്നാലെ വോഡാഫോൺ ഐഡിയയും; മൊബൈൽ റീചാർജ് നിരക്ക് വർധിപ്പിച്ചു
-
News3 weeks agoസംഭാവന എല്ലാവരിൽ നിന്നും സ്വീകരിക്കാനുള്ള ഭേദഗതി ഉത്തരവിൽ വരുത്തണം: സെറ്റോ
-
Ernakulam1 month agoശനിയാഴ്ച പ്രവൃത്തിദിനം ഹൈക്കോടതിവിധി സർക്കാരിന് കനത്ത തിരിച്ചടി: കെ പി എസ് ടി എ
You must be logged in to post a comment Login