Connect with us
48 birthday
top banner (1)

mumbai

എ.ടി.എം ഇടപാടുകളുടെ ചാര്‍ജ് വര്‍ധിപ്പിക്കാനൊരുങ്ങി ആര്‍.ബി.ഐ

Avatar

Published

on


മുംബൈ: എ.ടി.എം ഇടപാടുകള്‍ക്ക് ഇനി ചാര്‍ജേറും. കോണ്‍ഫെഡറേഷന്‍ ഓഫ് എ.ടി.എം ഇന്‍ഡസ്ട്രി ഇന്റര്‍ചേഞ്ച് ഫീ വര്‍ധിപ്പിക്കണമെന്നാവശ്യപ്പെട്ട് ആര്‍.ബി.ഐയേയും നാഷണല്‍ പേയ്‌മെന്റസ് കോര്‍പ്പറേഷന്‍ ഓഫ് ഇന്ത്യയേയും സമീപിച്ചതോടെയാണ് ചാര്‍ജ് വര്‍ധനക്ക് കളമൊരുങ്ങിയത്. ഇന്റര്‍ചെഞ്ച് ഫീസ് 23 രൂപയാക്കി വര്‍ധിപ്പിക്കണമെന്നാണ് കോണ്‍ഫെഡറേഷന്‍ ഓഫ് എ.ടി.എം ഇന്‍ഡസ്ട്രി ആവശ്യപ്പെട്ടിരിക്കുന്നത്. കാര്‍ഡ് ഉപയോഗിച്ചുള്ള ഇടപാടുകള്‍ക്ക് ബാങ്കുകള്‍ തമ്മില്‍ ഈടാക്കുന്ന നിരക്കാണ് ഇന്റര്‍ചെയ്ഞ്ച് ഫീസ്.

അക്കൗണ്ടുള്ള ബാങ്കിലെ ഡെബിറ്റ് കാര്‍ഡ് ഉപയോഗിച്ച് മറ്റൊരു ബാങ്കിന്റെ എ.ടി.എം കൗണ്ടറില്‍ നിന്നും ഉപഭോക്താവ് പണം പിന്‍വലിച്ചാല്‍ ഡെബിറ്റ് കാര്‍ഡ് നല്‍കിയ ബാങ്ക് പണം പിന്‍വലിക്കപ്പെട്ട എ.ടി.എമ്മിന്റെ ഉടമസ്ഥരായ ബാങ്കിന് നിശ്ചിത തുക നല്‍കണം. ഇതാണ് ഇന്റര്‍ചെയ്ഞ്ച് ഫീസ് എന്ന പേരില്‍ അറിയപ്പെടുന്നത്. ഇതില്‍ വര്‍ധന വേണമെന്നാണ് ഇപ്പോഴുള്ള ആവശ്യം.

Advertisement
inner ad

2021ലാണ് അവസാനമായി ഇന്റര്‍ചെയ്ഞ്ച് ഫീസ് കൂട്ടിയത്. അന്ന് 15 രൂപയില്‍ നിന്നും 17 രൂപയാക്കിയാണ് ഉയര്‍ത്തിയത്. ഇന്റര്‍ചെയ്ഞ്ച് ഫീസായി പരമാവധി ഈടാക്കാവുന്ന തുക 20ല്‍ നിന്നും 21 രൂപയായും വര്‍ധിപ്പിച്ചിരുന്നു. നിലവില്‍ സൗജന്യ എ.ടി.എം ഇടപാടുകള്‍ക്ക് ബാങ്കുകള്‍ പരിധി നിശ്ചയിച്ചിട്ടുണ്ട്. മെട്രോ നഗരങ്ങളില്‍ പരമാവധി അഞ്ച് എ.ടി.എം ഇടപാടുകള്‍ വരെ നടത്താം. മറ്റ് ബാങ്കുകളുടെ എ.ടി.എമ്മുകളിലാണെങ്കില്‍ പരമാവധി മൂന്ന് ഇടപാടുകള്‍ മാത്രമേ സൗജന്യമായി നടത്താനാവു.

Advertisement
inner ad
Continue Reading
Advertisement
inner ad
Click to comment

You must be logged in to post a comment Login

Leave a Reply

mumbai

കൊങ്കണ്‍ പാതയില്‍ വെള്ളക്കെട്ട്; നിരവധി ട്രെയിനുകള്‍റദ്ദാക്കി

Published

on

മുംബൈ: കൊങ്കണ്‍ പാതയിലുണ്ടായ വെള്ളക്കെട്ടിനെ തുടര്‍ന്ന് നിരവധി ട്രെയിനുകള്‍ റദ്ദാക്കുകയും വഴിതിരിച്ചു വിടുകയും ചെയ്തു. കേരളത്തിലേക്ക് വരുന്ന ട്രെയിനുകളും വഴിതിരിച്ചുവിട്ടിട്ടുണ്ട്. ലോകമാന്യതിലകില്‍ നിന്നും തിരുവനന്തപുരത്തേക്ക് വരികയായിരുന്ന ട്രെയിന്‍ നമ്പര്‍ 16345 നേത്രാവതി എക്‌സ്പ്രസ് ട്രെയിന്‍ സവാന്ത്‌വാഡി സ്റ്റേഷനില്‍ നിന്നും പന്‍വേല്‍, പൂണെ, സോളപ്പൂര്‍, വാഡി, ഗുഡ്കല്‍, ധര്‍മാവരം, ഇറോഡ്, ഷൊര്‍ണൂര്‍ വഴി വഴിതിരിച്ചുവിടും. ഷൊര്‍ണൂരില്‍ നിന്നും ട്രെയിന്‍ സാധാരണ പോലെ സര്‍വീസ് നടത്തും.

ലോകമാന്യ തിലകില്‍ നിന്നും കൊച്ചുവേളിയിലേക്കുള്ള ട്രെയിന്‍ നമ്പര്‍ 2213 എക്‌സ്പ്രസും ഇതേ പാതയിലൂടെ വഴിതിരിച്ചുവിടും. ഷൊര്‍ണൂര്‍ എത്തിയതിന് ശേഷം സാധാരണ പോലെ ട്രെയിന്‍ സര്‍വീസ് നടത്തും. 12432 നിസാമുദ്ദീന്‍-തിരുവനന്തപുരം, 19260 ഭാവ്‌നഗര്‍-കൊച്ചുവേളി, 12223 ലോകമാന്യതിലക്-എറണാകുളം എക്‌സ്പ്രസ് ട്രെയിനുകളും ഇതേ പാതയിലാവും വഴിതിരിച്ചു വിടുക.

Advertisement
inner ad

22149 എറണാകുളം-പൂണെ എക്‌സ്പ്രസ് മഡ്ഗാവ്, ലോണ്ട, മിരാജ് വഴി തിരിച്ചു വിടും. 12134 മംഗളൂരു -മുംബൈ സി.എസ്.എം.ടി എക്‌സ്പ്രസും 12617 എറണാകുളം-നിസാമുദ്ദീന്‍, 12341 തിരുവനന്തപുരം-ഹസ്രത് നിസാമുദ്ദീന്‍ എക്‌സ്പ്രസും ഇതേ പാതയിലൂടെ തന്നെയാവും വഴിതിരിച്ച് വിടുക.

20932 ഇന്‍ഡോര്‍-കൊച്ചുവേളി എക്‌സ്പ്രസ് സൂറത്ത്, ജാഗോണ്‍, ബാദേനറ, വാര്‍ദ, ബല്‍ഹാരിഷ്, വാറങ്കല്‍, വിജയവാഡ, റെനിഗുണ്ട, കാട്പാടി, കോയമ്പത്തൂര്‍ വഴിയാകും സഞ്ചരിക്കുക. ട്രെയിന്‍ നമ്പര്‍ 12449 മഡ്ഗാവ്-ചണ്ഡിഗഢ് എക്‌സ്പ്രസ്, 12620 മംഗളൂരു-ലോകമാന്യ തിലക്, 12134 മംഗളൂരു -മുംബൈ സി.എസ്.എം.ടി, 50107 സ്വാന്ത്‌വാഡ് റോഡ്-മഡ്ഗാവ് എക്‌സ്പ്രസ് എന്നിവ പൂര്‍ണമായും റദ്ദാക്കി.

Advertisement
inner ad
Continue Reading

mumbai

ആറ് മണിക്കൂറിനിടെ 300 മില്ലിമീറ്റര്‍ മഴ: മുംബൈയില്‍ ജനജീവിതം സ്തംഭിച്ചു

Published

on

മുംബൈ: ചൊവ്വാഴ്ച പുലര്‍ച്ചെ ഒന്നു മുതല്‍ ഏഴ് മണി വരെ പെയ്ത അതിതീവ്ര മഴയേത്തുടര്‍ന്ന് മുംബൈയില്‍ ജനജീവിതം സ്തംഭിച്ചു. ആറ് മണിക്കൂറിനിടെ 300 മില്ലിമീറ്റര്‍ മഴയാണ് പെയ്തത്. നഗരത്തിലെ മിക്ക റോഡുകളിലും റെയില്‍വേ ട്രാക്കിലും തിങ്കളാഴ്ച തന്നെ വെള്ളം കയറിയിരുന്നു. മഴ ശക്തമായതോടെ വിമാന സര്‍വീസുകളും നിര്‍ത്തിവച്ചു. മുംബൈ, പുണെ, താനെ, റായ്ഗഡ് എന്നിവിടങ്ങളിലെ വിദ്യാഭ്യാസ സ്ഥാപനങ്ങള്‍ക്ക് ഇന്ന് അവധി പ്രഖ്യാപിച്ചു.

കനത്ത മഴ തുടരുമെന്ന് മുന്നറിയിപ്പു നല്‍കിയ കാലാവസ്ഥ വകുപ്പ് മുംബൈയില്‍ റെഡ് അലര്‍ട്ട് പ്രഖ്യാപിച്ചിട്ടുണ്ട്. സബര്‍ബന്‍ ട്രെയിന്‍ സര്‍വീസ് മുടങ്ങിയത് ജനങ്ങളുടെ ദൈനംദിന ജീവിതത്തെ വലിയ തോതില്‍ ബാധിക്കും. ദിവസേന 30 ലക്ഷത്തോളം പേര്‍ ആശ്രയിക്കുന്ന യാത്രാ സംവിധാനമാണിത്. കനത്ത മഴയും വെളിച്ചക്കുറവുമാണ് വിമാന സര്‍വീസുകള്‍ റദ്ദാക്കാന്‍ കാരണമായത്. ഇന്ന് രാവിലെ മാത്രം അമ്പതോളം സര്‍വീസുകള്‍ റദ്ദാക്കി. റോഡില്‍ വെള്ളം കയറിയതോടെ ബസ് സര്‍വീസുകളും മുടങ്ങി.

Advertisement
inner ad

റെഡ് അലര്‍ട്ട് പ്രഖ്യാപിച്ച ഇടങ്ങളില്‍ ദേശീയ ദുരന്ത നിവാരണ സേനയെ വിന്യസിച്ചിട്ടുണ്ട്. മുംബൈക്ക് പുറമെ രത്‌നഗിരി, റായ്ഗഡ്, സത്താറ, പുണെ, സിന്ധുദുര്‍ഗ് ജില്ലകളിലാണ് റെഡ് അലര്‍ട്ട്. താനെ, പാല്‍ഘര്‍ എന്നിവിടങ്ങളില്‍ ഓറഞ്ച് അലര്‍ട്ടുമുണ്ട്. മഴ കനത്ത സാഹചര്യത്തില്‍ മുംബൈയില്‍ 24 മണിക്കൂറും പ്രവര്‍ത്തിക്കുന്ന കണ്‍ട്രോള്‍ റൂം തുറന്നിട്ടുണ്ട്.

Advertisement
inner ad
Continue Reading

mumbai

കനത്ത മഴയില്‍ മുംബൈ നഗരം വെള്ളക്കെട്ടില്‍

Published

on


മുംബൈ: കനത്ത മഴയില്‍ രാജ്യത്തിന്റെ വ്യാവസായിക തലസ്ഥാനമായ മുംബൈയും പരിസരപ്രദേശങ്ങളും വെള്ളത്തില്‍ മുങ്ങി. തിങ്കളാഴ്ച പുലര്‍ച്ചെ ഒരു മണി മുതല്‍ ഏഴ് മണി വരെയുള്ള ആറ് മണിക്കൂറില്‍ പലയിടത്തും 300 മില്ലിമീറ്ററിലധികം മഴയാണ് പെയ്തത്. സബര്‍ബന്‍ ട്രെയിന്‍, ബസ് സര്‍വീസ് ഉള്‍പ്പെടെ ഗതാഗതം താറുമാറായി. മുംബൈ, താനെ, പാല്‍ഘര്‍, കൊങ്കണ്‍ ബെല്‍റ്റ് എന്നിവിടങ്ങളില്‍ ഓറഞ്ച് അലര്‍ട്ട് പ്രഖ്യാപിച്ചിട്ടുണ്ട്.

ശക്തമായ മഴ തുടരുന്ന സാഹചര്യത്തില്‍ വിദ്യാഭ്യാസ സ്ഥാപനങ്ങള്‍ അടച്ചുപൂട്ടി. വിക്രോളിയില്‍ 24 മണിക്കൂറിനിടെ 315 മില്ലിമീറ്റര്‍ മഴയാണ് രേഖപ്പെടുത്തിയത്. വര്‍ളി, ബുന്തര ഭവന്‍, കുര്‍ള ഈസ്റ്റ്, കിങ്‌സ് സര്‍ക്കിള്‍, ദാദര്‍, വിദ്യാവിഹാര്‍ റെയില്‍വേ സ്റ്റേഷന്‍ എന്നിവിടങ്ങളിലെല്ലാം വെള്ളംകയറി. ഓടകള്‍ ഉള്‍പ്പെടെ നിറഞ്ഞുകവിഞ്ഞ് റോഡുകളിലൂടെ മലിനജലം ഒഴുകുന്നത് പകര്‍ച്ചവ്യാധിക്ക് ഇടയാക്കുമെന്ന ആശങ്ക ഉയര്‍ന്നിട്ടുണ്ട്.

Advertisement
inner ad

മുംബൈയിലും സമീപ പ്രദേശങ്ങളായ താനെ, പാല്‍ഘര്‍, റായ്ഗഡ് എന്നിവിടങ്ങളിലേക്കും സര്‍വീസ് നടത്തുന്ന സബര്‍ബന്‍ ട്രെയിന്‍ ദിവസം 30 ലക്ഷം പേര്‍ ആശ്രയിക്കുന്ന ഗതാഗത സംവിധാനമാണ്. ട്രാക്കില്‍ മണ്ണിടിഞ്ഞ് വീണതിനെ തുടര്‍ന്ന് താനെ ജില്ലയിലെ കാസറക്കും തിത്വാലക്കും ഇടയില്‍ ട്രെയിന്‍ ഗതാഗതം നിര്‍ത്തിവച്ചു. കല്യാണിനും കാസറക്കുമിടയിലുള്ള സര്‍വീസുകള്‍ റദ്ദാക്കുകയും വഴിതിരിച്ചു വിടുകയും ചെയ്തിട്ടുണ്ട്.

താനെ, വസായ് (പാല്‍ഘര്‍), മഹദ് (റായ്ഗഡ്), ചിപ്ലുന്‍ (രത്‌നഗിരി), കോലാപുര്‍, സംഗ്ലി, സതാറ ഘട്‌കോപര്‍, കുര്‍ള, സിന്ധുദുര്‍ഗ് എന്നിവിടങ്ങളില്‍ ദേശീയ ദുരന്തനിവാരണ സേനയെ (എന്‍.ഡി.ആര്‍.എഫ്) വിന്യസിച്ചിട്ടുണ്ട്. താനെയില്‍ വെള്ളംകയറിയ റിസോര്‍ട്ടില്‍നിന്ന് 49 പേരെയും പാല്‍ഘറില്‍ 16 ഗ്രാമീണരെയും എന്‍.ഡി.ആര്‍.എഫ് രക്ഷപെടുത്തി. റോഡ് ഗതാഗതം പുനഃസ്ഥാപിക്കാന്‍ മുംബൈ ട്രാഫിക് പൊലീസും രംഗത്തിറങ്ങിയിട്ടുണ്ട്. ഡ്രെയിനേജ് ഹോളുകള്‍ അടഞ്ഞത് പലയിടത്തും വെള്ളപ്പൊക്കത്തിന് കാരണമായിട്ടുണ്ട്.

Advertisement
inner ad
Continue Reading

Featured