Kerala
മകൾക്കൊപ്പം കലോത്സവ നഗരിയിൽ സ്റ്റാറായി രാജ് കലേഷ്
കൊല്ലം: ഇന്നലെ നാടക മത്സരം നടന്ന സോപാനം ആഡിറ്റോറിയത്തിലെ രണ്ടാംവേദിക്ക് സമീപം പെട്ടെന്നൊരു ആൾക്കൂട്ടം ഉണ്ടായി. പലരും വന്ന് ചിത്രങ്ങൾ എടുക്കുകയും സംസാരിക്കുകയുമെല്ലാം ചെയ്യുന്നു. മലയാളികൾക്കെല്ലാം സുപരിചിതനായ മജീഷ്യനും അവതാരകനും സ്റ്റേജ് കൊറിയോഗ്രാഫറുമൊക്കെയായ രാജ് കലേഷ് ആയിരുന്നു അത്. സംസ്ഥാന കലോത്സവ നഗരിയിൽ മകൾക്കൊപ്പം എത്തിയതായിരുന്നു അദ്ദേഹം. ഹൈസ്കൂൾ വിഭാഗം നാടക മത്സരത്തിലെ മത്സരാർത്ഥിയാണ് മകൾ ദക്ഷ. വഴുതക്കാട് കാർമൽ ഹയർ സെക്കൻഡറി സ്കൂളിലെ പത്താം ക്ലാസ് വിദ്യാർഥിനിയാണ് ദക്ഷ. അച്ഛനെപ്പോലെ തന്നെ മകളും ബഹുമുഖപ്രതിഭയാണ്. സ്പോർട്സ് ആണ് ദക്ഷയുടെ ഇഷ്ട വിനോദം. റിഥമിക് ജിംനാസ്റ്റിക്സ് എന്ന ഇനത്തിൽ നിരവധി സംസ്ഥാന-ദേശീയ മത്സരങ്ങളിൽ പങ്കെടുത്തിട്ടുണ്ട്. ഡൽഹിയിലും ബാംഗ്ലൂരിലും നടന്ന സ്കൂൾ ഗെയിംസിൽ പങ്കെടുത്ത ശേഷമാണ് ദക്ഷ സംസ്ഥാന സ്കൂൾ കലോത്സവ വേദിയിലേക്ക് എത്തിയത്. തിരുവനന്തപുരം ജില്ലാ കലോത്സവത്തിൽ ഒന്നാം സ്ഥാനം നേടിയിരുന്നു സംസ്ഥാന കലോത്സവ വേദിയിലേക്കുള്ള എൻട്രി. ‘ക്ലാ…ക്ലാ… ക്ലീ …ക്ലീ …ക്ലൂ … ക്ലൂ … മുറ്റത്തൊരു മൈന സുരേഷ് തിരിഞ്ഞു നോക്കി’ എന്ന സ്കൂൾ പാഠഭാഗത്തെ പ്രമേയമാക്കിയാണ് ദക്ഷയും കൂട്ടുകാരും നാടകം ചിട്ടപ്പെടുത്തിയത്. നാടകത്തിൽ പ്രധാന കഥാപാത്രമായ സുരേഷ് ആയി വേഷമിട്ടത് ദക്ഷ തന്നെയായിരുന്നു. 1996ൽ അന്നത്തെ സ്കൂൾ കലോത്സവത്തിൽ നാടക വേദിയിൽ രാജ് കലേഷ് നിറഞ്ഞാടിയിരുന്നു. വർഷങ്ങൾക്കിപ്പുറം കൊല്ലത്തെ കലോത്സവവേദിയിൽ എത്തി നിൽക്കുമ്പോൾ അന്നത്തെ ഓർമകൾ രാജ് കലേഷിന്റെ മനസ്സിലുണ്ട്. ഉച്ചാടനം എന്ന നാടകവും ആയിട്ടായിരുന്നു അന്ന് രാജ് കലേഷ് സംസ്ഥാന കലോത്സവ വേദിയിൽ എത്തിയത്. ഇന്ന് മകൾ അതേ വേദിയിൽ എത്തുമ്പോൾ തികഞ്ഞ സന്തോഷമുണ്ടെന്ന് അദ്ദേഹം പറഞ്ഞു. രണ്ടു കാലഘട്ടങ്ങളെയും താരതമ്യം ചെയ്യുവാനും അദ്ദേഹം മറന്നില്ല. ഇപ്പോൾ കലോത്സവ ഇനങ്ങൾ മാസങ്ങൾക്ക് മുമ്പേ പരിശീലനം തുടങ്ങുന്നുവെന്നും വലിയ പിന്തുണ മത്സരാർത്ഥികൾക്ക് മികച്ച പ്രോത്സാഹനം ലഭിക്കുന്നുണ്ടെന്നും അദ്ദേഹം വീക്ഷണത്തോട് പറഞ്ഞു. ഒട്ടേറെ നാടകങ്ങൾ കണ്ടെന്നും എല്ലാം മികച്ച പ്രകടനങ്ങൾ ആയിരുന്നുവെന്നും അദ്ദേഹം അഭിപ്രായപ്പെട്ടു. ദക്ഷയുടെ ആദ്യ സംസ്ഥാന കലോത്സവ വേദിയായിരുന്നു കൊല്ലത്തേത്. രാജ് കലേഷിനൊപ്പം ഒപ്പം ഭാര്യ ദിവ്യയും മകൾക്കൊപ്പം പിന്തുണയുമായി രംഗത്തുണ്ട്. മകൻ ദർശ് മൂന്നാം ക്ലാസ് വിദ്യാർത്ഥിയാണ്.
Kerala
കഞ്ചിക്കോട് മദ്യനിര്മാണ ശാല: ടെണ്ടര് പോലും വിളിക്കാതെ എന്തു ചട്ടമാണ് പാലിച്ചതെന്ന് രമേശ് ചെന്നിത്തല
തിരുവനന്തപുരം: ടെണ്ടര് വിളിക്കാതെയും യാതൊരു നടപടിക്രമങ്ങള് പാലിക്കാതെയും ഓയാസിസ് കമേഴ്സ്യല് പ്രൈവറ്റ് ലിമിറ്റഡ് എന്ന സ്ഥാപനത്തിന് പാലക്കാട് കഞ്ചിക്കോട് ഡിസ്റ്റിലറി തുടങ്ങാന് അനുമതി നല്കിയതിന്റെ കാരണം അഴിമതിയാണെന്ന് കോണ്ഗ്രസ് പ്രവര്ത്തക സമിതി അംഗം രമേശ് ചെന്നിത്തല. മന്ത്രി എം. ബി രാജേഷ് കാര്യങ്ങള് ജനങ്ങള്ക്കു മുമ്പാകെ വിശദീകരിക്കണമെന്നും അദ്ദേഹം ആവശ്യപ്പെട്ടു.ഈ കമ്പനിയുടെ കൈയില് നിന്ന് അപേക്ഷ വാങ്ങി മന്ത്രിസഭയുടെ മുന്നില് അനുമതിക്കു സമര്പ്പിച്ചത് എക്സൈസ് മന്ത്രിയാണ്. ഈ കമ്പനിയില് രാജേഷിനും ഇടതു സര്ക്കാരിനുമുള്ള പ്രത്യേക താല്പര്യം വെളിവാക്കണം. മദ്യനയത്തിന്റെ അടിസ്ഥാനത്തിലാണ് ഇത് ചെയതത് എന്നാണ് മന്ത്രി രാജേഷ് പറയുന്നത്. അങ്ങനെയെങ്കില് ടെണ്ടര് വിളിക്കണ്ടേ.
എല്ലാ ചട്ടങ്ങളും പാലിച്ചുവെന്നാണ് അദ്ദേഹത്തിന്റെ അവകാശവാദം. ടെണ്ടര് പോലും വിളിക്കാതെ എന്തു ചട്ടമാണ് പാലിച്ചത്. കേരളത്തില് 17 ല്പരം ഡിസ്റ്റിലറികളില് ഇ.എന്.എ ഉല്പാദനത്തിന് ലൈസന്സ് നല്കിയിട്ടുള്ള സര്ക്കാര് പൊതുമേഖലാ സ്ഥാപനമായ മലബാര് ഡിസ്റ്റിലറീസിന് എന്തുകൊണ്ടാണ് അനുമതി നല്കാതിരുന്നത്.തൃശൂര് ജില്ലയിലെ തിരുവില്വാമലയില് സ്വകാര്യമേഖലയിലെ സൂപ്പര് സ്റ്റാര് ഡിസ്റ്റിലറീസ് എന്ന സ്ഥാപനത്തില് മരച്ചീനിയില് നിന്ന് മദ്യം ഉല്പാദിപ്പിക്കാന് സര്ക്കാര് കൊണ്ടുവന്ന പദ്ധതിയുടെ ഇപ്പോഴത്തെ അവസ്ഥയെന്താണ്. കമ്പനീസ് ആക്ട് പ്രകാരം രജിസ്റ്റര് ചെയ്ത സ്ഥാപനമാണ് ഒയാസിസ് എന്നാണ് മന്ത്രി എംബി രാജേഷ് പറയുന്നത്. ഇന്ത്യയിലെ ഏതെങ്കിലും കമ്പനിക്ക് ഈ ആക്ട് പ്രകാരം രജിസ്റ്റര് ചെയ്യാതെ പ്രവര്ത്തിക്കാന് കഴിയുമോ.
രാജേഷ് എന്തൊക്കെയാണ് പറയുന്നത് എന്ന് അദ്ദേഹത്തിന് തന്നെ അറിയില്ല. കഴിഞ്ഞ തവണ യാതൊരു പരിചയവുമില്ലാത്ത കടലാസ് കമ്പനികള്ക്ക് ഡിസ്റ്റിലറി അനുവദിച്ചു കൊടുത്തത് ഓര്ത്തായിരിക്കും മന്ത്രി ഇപ്പോള് സംസാരിക്കുന്നത്. അന്ന് പ്രതിപക്ഷത്തിന്റെ ശക്തമായ എതിര്പ്പ് കാരണമാണ് ആ പദ്ധതി നടക്കാതെ വന്നത്.കേരളത്തിലെ ഡിസ്റ്റിലറികള് ഒരു വര്ഷം ഉല്പാദിപ്പിക്കുന്ന മദ്യം ഇവിടെ ചെലവാകുന്നുണ്ടോ എന്ന കാര്യം കൂടി മന്ത്രി വ്യക്തമാക്കണം. 1999 ലെ എക്സിക്യൂട്ടിവ് ഓര്ഡര് നിനില്ക്കുന്ന കാലത്തോളം ഇവിടെ പുതിയ ഡിസ്റ്റിലറികള് അനുവദിക്കാന് പാടുള്ളതല്ല.
കൊച്ചി: സിയാലില് അതിവേഗ ഇമിഗ്രേഷന് പദ്ധതിയ്ക്ക് തുടക്കമായി. ഉദ്യോഗസ്ഥ സഹായമില്ലാതെ ഇമിഗ്രേഷന് നടപടിക്രമങ്ങള് പൂര്ത്തിയാക്കാന് കഴിയുന്ന കേന്ദ്ര ആഭ്യന്തര മന്ത്രാലയത്തിന്റെ പദ്ധതി ഫാസ്റ്റ് ട്രാക്ക് ഇമിഗ്രേഷന് – ട്രസ്റ്റഡ് ട്രാവലര് പ്രോഗ്രാമിനാണ് തുടക്കമായത്.
ആഭ്യന്തര യാത്രക്കാര്ക്ക് ബോര്ഡിങ് പാസ് രഹിത പ്രവേശനമൊരുക്കുന്ന ഡിജി-യാത്ര സംവിധാനം നേരത്തെ തന്നെ സിയാലില് പ്രവര്ത്തനമാരംഭിച്ചിട്ടുണ്ട്. എഫ്.ടി.ഐ – ടി.ടി.പി സംവിധാനത്തിലൂടെ രാജ്യാന്തര യാത്രക്കാര്ക്ക് 20 സെക്കന്ഡുകള് കൊണ്ട് ഇമിഗ്രേഷന് നടപടികള് പൂര്ത്തിയാക്കാനാവും. അറൈവല്, ഡിപ്പാര്ച്ചര് മേഖലകളിലായി നാല് വീതം ബയോമെട്രിക് ഇ -ഗേറ്റുകള് ഫാസ്റ്റ് ട്രാക്ക് ഇമിഗ്രേഷനായി സജ്ജീകരിച്ചിട്ടുണ്ട്. ഇന്ത്യക്കാര്ക്കും ഓവര്സീസ് സിറ്റിസണ് ഓഫ് ഇന്ത്യ (ഒ.സി.ഐ.) കാര്ഡുടമകള്ക്കും ആഭ്യന്തര മന്ത്രാലയത്തിന്റെ പ്രത്യേക പോര്ട്ടല് വഴി അപേക്ഷ സമര്പ്പിക്കാം.
പാസ്പോര്ട്ട് ഉള്പ്പെടെയുള്ള രേഖകള് വിജയകരമായി അപ്ലോഡ് ചെയ്താല് അടുത്ത ഘട്ടമായ ബയോമെട്രിക് എന്റോള്മെന്റിലേയ്ക്ക് കടക്കാം. മുഖവും വിരലടയാളവും രേഖപ്പെടുത്താനുള്ള എന്റോള്മെന്റ് കൗണ്ടറുകള് കൊച്ചി വിമാനത്താവളത്തില് പ്രവര്ത്തിക്കുന്ന എഫ്.ആര്.ആര്.ഒ ഓഫീസിലും ഇമിഗ്രേഷന് കൗണ്ടറുകളിലും ഒരുക്കിയിട്ടുണ്ട്. ഒറ്റത്തവണ രജിസ്ട്രേഷന് പൂര്ത്തിയാക്കുന്നവര്ക്ക് പിന്നീടുള്ള എല്ലാ രാജ്യാന്തര യാത്രകള്ക്കും സ്മാര്ട് ഗേറ്റുകള് ഉപയോഗപ്പെടുത്താം. ഇതോടെ നടപടികള് പൂര്ത്തിയാക്കാന് വരി നിന്നുള്ള കാത്തുനില്പ്പും ഒഴിവാകും.
സ്മാര്ട് ഗേറ്റില് ആദ്യം പാസ്പോര്ട്ട് സ്കാന് ചെയ്യണം. രജിസ്റ്ററേഷന് നടത്തിയിട്ടുണ്ടെങ്കില് ഗേറ്റുകള് താനെ തുറക്കും. തുടര്ന്ന് രണ്ടാം ഗേറ്റിലെ ക്യാമറയില് മുഖം കാണിക്കാം. സിസ്റ്റം നിങ്ങളുടെ മുഖം തിരിച്ചറിയുന്നതോടെ ഗേറ്റ് തുറക്കുകയും ഇമിഗ്രേഷന് നടപടി പൂര്ത്തിയാവുകയും ചെയ്യും.
ആലപ്പുഴ: കുറുവ സംഘത്തിലെ രണ്ട് പേര് ആലപ്പുഴ മണ്ണഞ്ചേരി പൊലീസിന്റെ പിടിയില്. തമിഴ്നാട് പൊലീസിന്റെ പിടികിട്ടാപുള്ളികളാണ് പിടിയിലായത്. കറുപ്പയ്യയും നാഗരാജുവും ആണ് പിടിയിലായിരിക്കുന്നത്. ഇവരെ ഇടുക്കി രാജകുമാരിയില് നിന്ന് പൊലീസ് കസ്റ്റഡിയിലെടുത്തത്. അതേസമയം, കസ്റ്റഡിയിലെടുത്തവര്ക്ക് നിലവില് കേരളത്തില് കേസുകള് ഇല്ലെന്നാണ് പൊലീസ് പറയുന്നത്.
മണ്ണഞ്ചേരിയില് രജിസ്റ്റര് ചെയ്ത കുറുവ സംഘത്തിനെതിരായ കേസന്വേഷണത്തിന്റെ ഭാഗമായി കസ്റ്റഡിയില് എടുത്തതാണ് ഇവരെ. തുടര്ന്നുള്ള അന്വേഷണത്തിലാണ് പിടിയിലായവര് തമിഴ്നാട് പൊലീസിന്റെ പിടികിട്ടാപുള്ളികള് ആണെന്ന് അറിയുന്നത്. നാഗര്കോവില് പൊലീസിന് പ്രതികളെ കൈമാറും.
-
Kerala2 months agoജീവനക്കാരുടെ ശമ്പളബില്ല്
കേന്ദ്രീകൃതമാക്കാനുള്ള നീക്കം,
ശമ്പളം കവര്ന്നെടുക്കാനുള്ള ആസൂത്രിത ശ്രമമാണെന്ന് ; ചവറ ജയകുമാര് -
News1 month agoക്ഷാമബത്ത കേസില് ഇടക്കാല ഉത്തരവ്
-
News2 months agoക്ഷാമ ബത്ത കേസിൽ ഇടക്കാല ഉത്തരവ്
-
Featured3 months agoഡി എ: പ്രഖ്യാപനം നിരാശാജനകമെന്ന് സെക്രട്ടേറിയറ്റ് അസോസിയേഷൻ
-
Kerala3 months agoക്ഷാമബത്ത: കുടിശ്ശിക നിഷേധിച്ചാൽ നിയമപരമായി നേരിടും; ചവറ ജയകുമാർ
-
News2 months ago
ജീവനക്കാരെ രണ്ടു തട്ടിലാക്കുന്ന നടപടി സർക്കാർ അവസാനിപ്പിക്കണം
-
News1 month agoസര്ക്കാര് ജീവനക്കാരും അധ്യാപകരുംഅനിശ്ചിത കാല പണിമുടക്കിലേക്ക്: സെറ്റോ
-
Featured4 days agoസംസ്ഥാനത്ത് നാളെ 6 ജില്ലകൾക്ക് അവധി
You must be logged in to post a comment Login