Connect with us
48 birthday
top banner (1)

Delhi

കര്‍ഷക പ്രതിഷേധത്തില്‍ ഇടപെട്ട് പഞ്ചാബ്-ഹരിയാന ഹൈക്കോടതി

Avatar

Published

on

കര്‍ഷക പ്രതിഷേധത്തില്‍ ഇടപെട്ട് പഞ്ചാബ്-ഹരിയാന ഹൈക്കോടതി
ഛണ്ഡിഗഢ്: ഡല്‍ഹി ലക്ഷ്യമാക്കി കര്‍ഷകരുടെ മാര്‍ച്ച് നീങ്ങുന്നതിനിടെ വിഷയത്തില്‍ ഇടപെട്ട് പഞ്ചാബ്-ഹരിയാന ഹൈകോടതി. ഇരുകക്ഷികളും ഒത്തുതീര്‍പ്പിലെത്തണമെന്ന് ഹൈകോടതി നിര്‍ദേശിച്ചു. മിനിമം താങ്ങുവില ഉറപ്പാക്കാന്‍ നിയമം പാസാക്കണമെന്നതാണ് കര്‍ഷകരുടെ പ്രധാന ആവശ്യം.

ആക്ടിങ് ചീഫ് ജസ്റ്റിസ് ജി.എസ്.സന്ദ്‌വാലിയ, ജസ്റ്റിസ് ലാപിത ബാനര്‍ജി എന്നിവരാണ് ഇതുമായി ബന്ധപ്പെട്ട ഹര്‍ജി പരിഗണിച്ചത്. പ്രശ്‌നത്തില്‍ ഒത്തുതീര്‍പ്പില്‍ എത്തുന്നത് വരെ പ്രതിഷേധസ്ഥലങ്ങള്‍ സംസ്ഥാന സര്‍ക്കാറുകള്‍ നിശ്ചയിക്കണമെന്നും കോടതി നിര്‍ദേശമുണ്ട്. വിഷയത്തില്‍ കേന്ദ്രസര്‍ക്കാറിനും പഞ്ചാബ്, ഹരിയാന, ഡല്‍ഹി സര്‍ക്കാറുകള്‍ക്കും കോടതി നോട്ടീസയച്ചിട്ടുണ്ട്.

Advertisement
inner ad

കര്‍ഷക പ്രതിഷേധവുമായി ബന്ധപ്പെട്ട് രണ്ട് ഹര്‍ജികളാണ് കോടതിയുടെ പരിഗണനയിലേക്ക് എത്തിയത്. ഇതിലൊന്ന് കര്‍ഷകര്‍ ഡല്‍ഹിയില്‍ എത്താതിരിക്കാനായി ഹരിയാന സര്‍ക്കാര്‍ നിയമവിരുദ്ധമായി റോഡ് അടച്ചതിന് എതിരെയാണ്. മറ്റൊരു ഹര്‍ജിപ്രതിഷേധക്കാര്‍ സംസ്ഥാന-ദേശീയ ഹൈവേകള്‍ ബ്ലോക്ക് ചെയ്യുന്നതിനെതിരായാണ്.

പ്രതിഷേധം നടത്തുന്നവര്‍ ഇന്ത്യക്കാരാണ് അവര്‍ക്ക് സ്വതന്ത്രമായി സഞ്ചരിക്കാനുള്ള അവകാശമുണ്ട്. അതേസമയം, തന്നെ സ്വന്തം പൗരന്‍മാരെ സംരക്ഷിക്കാനുള്ള കടമ സംസ്ഥാന സര്‍ക്കാറിനും ഉണ്ടെന്ന് കോടതി ഓര്‍മിപ്പിച്ചു. പ്രശ്‌നത്തില്‍ തുറന്ന ചര്‍ച്ചക്ക് തയാറാണെന്ന് കേന്ദ്രസര്‍ക്കാറിന് വേണ്ടി ഹാജരായ അഭിഭാഷകന്‍ പറഞ്ഞു. തുടര്‍ന്ന് ഹര്‍ജികള്‍ ഫെബ്രുവരി 15ന് പരിഗണിക്കാനായി മാറ്റി.

Advertisement
inner ad
Continue Reading
Advertisement
inner ad
Click to comment

You must be logged in to post a comment Login

Leave a Reply

Delhi

മുന്‍ കാമുകന്റെ മുഖത്ത് ആസിഡ് ഒഴിക്കാന്‍ ഗുണ്ടകളെ വാടകക്കെടുത്ത യുവതി അറസ്റ്റില്‍

Published

on


ന്യൂഡല്‍ഹി: മുന്‍ കാമുകന്റെ മുഖത്ത് ആസിഡ് ഒഴിക്കാന്‍ ഗുണ്ടകളെ വാടകക്കെടുത്ത യുവതി അറസ്റ്റില്‍. 30കാരിയായ വനിതാ ഗ്രാഫിക് ഡിസൈനറെയും സഹായികളെയും ഡല്‍ഹിയിലെ നിഹാല്‍ വിഹാര്‍ ഏരിയയില്‍ നിന്ന് തിങ്കളാഴ്ച പൊലീസ് അറസ്റ്റ് ചെയ്തിരുന്നു. ഗ്രാഫിക് ഡിസൈനര്‍ കൂടിയായ ഓംകാറിനെ (24) ജൂണ്‍ 19ന് റണ്‍ഹോല ഏരിയയില്‍ വെച്ചാണ് മൂന്ന് പേര്‍ ചേര്‍ന്ന് ആക്രമിച്ചത്. പ്രദേശത്തെ സി.സി.ടി.വി കാമറ ദൃശ്യങ്ങളും ഓംകാറിന്റെ കോള്‍ വിശദാംശങ്ങളും പരിശോധിച്ചതിന് ശേഷമാണ് യുവതിയെ അറസ്റ്റ് ചെയ്തത്. യുവതിയെയും മൂന്ന് അക്രമികളെയും കുറിച്ചുള്ള വിവരങ്ങള്‍ പൊലീസ് ഓംകാറിന്റെ ഫോണില്‍ നിന്ന് കണ്ടെടുത്തിരുന്നു.

ഓംകാറും യുവതിയും ഒരേ സ്ഥാപനത്തിലാണ് ജോലി ചെയ്തിരുന്നത്. ഇരുവരും മൂന്ന് വര്‍ഷത്തോളം പ്രണയത്തിലായിരുന്നുവെങ്കിലും പിന്നീട് വേര്‍പിരിഞ്ഞു. ഓംകാര്‍ മറ്റൊരു യുവതിയുമായി വിവാഹനിശ്ചയം നടത്തിയാതാവാം യുവതിയെ ചൊടിപ്പിച്ചത് എന്നാണ് പ്രാഥമിക നിഗമനം. തുടര്‍ന്നാണ് ഓംകാറിന്റെ മുഖത്ത് ആസിഡ് ഒഴിക്കാന്‍ യുവതി ഗുണ്ടകളെ ഏര്‍പ്പാടാക്കിയത്. 30,000 രൂപ നല്‍കിയാണ് യുവതി മൂന്ന് സഹായികളെ നിയമിച്ചത്. ഓംകാറിന്റെ മുഖത്ത് ആസിഡ് ഒഴിക്കാന്‍ ജൂണ്‍ 19 നാണ് യുവതിയും കൂട്ടാളികളും തീരുമാനിച്ചത്.

Advertisement
inner ad

മോട്ടോര്‍ സൈക്കിളില്‍ വന്ന മൂന്ന് പേരും ഓംകാറിനെ കത്തി ഉപയോഗിച്ച് ആക്രമിച്ചു. പദ്ധതി പ്രകാരം ഓംകാറിന്റെ മുഖത്ത് ആസിഡ് ഒഴിക്കേണ്ടതായിരുന്നു. എന്നാല്‍ ഓംകാര്‍ ഓടി രക്ഷപ്പെട്ടതിനാല്‍ പ്രതികള്‍ക്ക് ആസിഡ് ഒഴിക്കാന്‍ കഴിഞ്ഞില്ല. പൊലീസ് അന്വേഷണം ആരംഭിച്ചതോടെ യുവതി ഒളിവില്‍ പോയി. സി.സി.ടി.വി ദൃശ്യങ്ങളുടെ അടിസ്ഥാനത്തിലാണ് പ്രതികളെ പിടികൂടിയത്. പ്രതികള്‍ കുറ്റം സമ്മതിച്ചിട്ടുണ്ട്

Advertisement
inner ad
Continue Reading

Delhi

വീടിന് തീപിടിച്ചതിനെ തുടര്‍ന്ന് ഡല്‍ഹിയില്‍ ഒരു കുടുംബത്തിലെ നാല് പേര്‍ ശ്വാസം മുട്ടി മരിച്ചു

Published

on

ന്യൂഡല്‍ഹി: വീടിന് തീപിടിച്ചതിനെ തുടര്‍ന്ന് ഡല്‍ഹിയില്‍ ഒരു കുടുംബത്തിലെ നാല് പേര്‍ ശ്വാസം മുട്ടി മരിച്ചു. ദ്വാരകയിലെ പ്രേം നഗറില്‍ പുലര്‍ച്ചെ 3.30 ഓടെയാണ് സംഭവം. ഹീരാ സിംഗ് കക്കര്‍ (48), ഭാര്യ നീതു (40), മക്കളായ റോബിന്‍ (22), ലക്ഷയ് (21) എന്നിവരാണ് മരിച്ചത്. വിവരം ലഭിച്ച ഉടന്‍ തന്നെ രണ്ട് ഫയര്‍ ടെന്‍ഡറുകള്‍ സംഭവസ്ഥലത്തേക്ക് അയച്ചതായി പൊലീസ് പറഞ്ഞു.

ഇന്‍വെര്‍ട്ടറില്‍ നിന്നാണ് തീപിടിച്ചതെന്നാണ് പ്രാഥമിക നിഗമനം. ഇത് ഇരുനില കെട്ടിടത്തിന്റെ ഒന്നാം നിലയിലേക്ക് പടരുകയായിരുന്നു. പുക ശ്വസിച്ച് ശ്വാസം മുട്ടിയാണ് നാല് പേരും മരിച്ചത്. ഗേറ്റ് അകത്ത് നിന്ന് പൂട്ടിയിരുന്നതിനാല്‍ അഗ്‌നിശമന സേന ഗേറ്റ് തകര്‍ത്താണ് അകത്ത് കയറിയത്.

Advertisement
inner ad

നാല് പേരെയും ആശുപത്രിയിലെത്തിച്ചെങ്കിലും രക്ഷിക്കാനായില്ല. ഏതാനും മിനിറ്റുകള്‍ക്കുള്ളില്‍ തീ അണച്ചെങ്കിലും വീടിനുള്ളില്‍ പുക നിറഞ്ഞിരുന്നു. ഹീരാ സിംഗ് കക്കറിന്റെ അമ്മ സീതാ ദേവി താഴത്തെ നിലയിലായിരുന്നതിനാല്‍ തീപ്പിടിത്തത്തില്‍ നിന്ന് രക്ഷപ്പെട്ടു. അവര്‍ക്ക് പരിക്കുകളൊന്നും സംഭവിച്ചിട്ടില്ലെന്നും പൊലീസ് അറിയിച്ചു. സംഭവത്തില്‍ അന്വേഷണം പുരോഗമിക്കുകയാണ്.

Advertisement
inner ad
Continue Reading

Delhi

അതിഷിയുടെ ആരോഗ്യനില വഷളായതിനെ തുടര്‍ന്ന് നിരാഹാര സമരം അവസാനിപ്പിച്ചു

Published

on

ന്യൂഡല്‍ഹി: ഡല്‍ഹി ജലവിഭവ മന്ത്രി അതിഷിയുടെ ആരോഗ്യനില വഷളായതിനെ തുടര്‍ന്ന് അനിശ്ചിതകാല നിരാഹാര സമരം അവസാനിപ്പിച്ചതായി ആം ആദ്മി പാര്‍ട്ടി അറിയിച്ചു. ഇന്ന് പുലര്‍ച്ചെയാണ് അതിഷിയെ ആരോഗ്യ നില വഷളായതിനെ തുടര്‍ന്ന് ലോക് നായക് ജയ് പ്രകാശ് (എല്‍.എന്‍.ജെ.പി) ആശുപത്രിയില്‍ പ്രവേശിപ്പിച്ചത്. രക്തസമ്മര്‍ദ്ദവും പഞ്ചസാരയുടെ അളവും കുറഞ്ഞ സാഹചര്യത്തിലാണ് ഐ.സി.യുവിലേക്ക് അതിഷിയെ മാറ്റിയത്. എല്‍.എന്‍.ജെ.പി ഹോസ്പിറ്റലിലെ ഡോക്ടര്‍മാര്‍ തിങ്കളാഴ്ച അതിഷിയെ പരിശോധിക്കുകയും അവരുടെ അനിശ്ചിതകാല നിരാഹാര സമരത്തിന്റെ പ്രത്യാഘാതങ്ങളെക്കുറിച്ച് നിര്‍ദേശം നല്‍കുകയും ചെയ്തിരുന്നു. എല്ലാ രക്തപരിശോധനകളും നടത്തിയെന്നും അതിഷിയുടെ ആരോഗ്യ നില മെച്ചപ്പെട്ടിട്ടുണ്ടെന്നും ഡോക്ടര്‍മാര്‍ അറിയിച്ചു.

ജൂണ്‍ 22നാണ് ഹരിയാന സര്‍ക്കാര്‍ ഡല്‍ഹിക്ക് ജലവിഹിതം അനുവദിക്കാത്തതില്‍ പ്രതിഷേധിച്ച് അതിഷി അനിശ്ചിതകാല നിരാഹാര സമരം ആരംഭിച്ചത്.’അതിഷി അഞ്ച് ദിവസമായി നിരാഹാര സമരത്തിലായിരുന്നു. ആരോഗ്യം വഷളായതിനെ തുടര്‍ന്ന് ഡോക്ടര്‍മാര്‍ സമരം അവസാനിപ്പിക്കാന്‍ ആവശ്യപ്പെടുകയായിരുന്നു. അതിഷി ഇപ്പോഴും ഐസിയുവിലാണ്. അനിശ്ചിതകാല നിരാഹാര സമരം അവസാനിപ്പിക്കുകയാണ്. ഡല്‍ഹിയിലെ വെള്ളം വിട്ടുനല്‍കാന്‍ ഞങ്ങള്‍ പ്രധാനമന്ത്രിക്ക് കത്തെഴുതും’. എ.എ.പി എം.പി സഞ്ജയ് സിംഗ് പറഞ്ഞു. ഡല്‍ഹിയിലെ ജലക്ഷാമം പ്രതിപക്ഷ പാര്‍ട്ടികളുമായി പാര്‍ലമെന്റില്‍ ഉന്നയിക്കുമെന്നും സഞ്ജയ് സിംഗ് കൂട്ടിച്ചേര്‍ത്തു.

Advertisement
inner ad

ഹരിയാന സര്‍ക്കാര്‍ കഴിഞ്ഞ മൂന്നാഴ്ചയായി യമുനയില്‍നിന്നുള്ള 100 മില്യന്‍ ഗാലന്‍ വെള്ളം പ്രതിദിനം വെട്ടിക്കുറച്ചതായി മന്ത്രി ആരോപിച്ചു. ഇത്രയും വലിയ അളവ് വെള്ളത്തിന്റെ അപര്യാപ്തമൂലം ഡല്‍ഹിയിലെ 28 ലക്ഷത്തോളം വരുന്ന ജനങ്ങള്‍ ദുരിതത്തിലായിരിക്കുകയാണ്. ഡല്‍ഹിയിലേക്ക് വെള്ളമെത്തുന്ന യമുന നദിയിലെ ബാരേജിന്റെ എല്ലാ ഷട്ടറുകളും ഹരിയാന സര്‍ക്കാര്‍ അടച്ചു. ഇതോടെ വരും ദിവസങ്ങളില്‍ ജലക്ഷാമം കൂടുതല്‍ രൂക്ഷമാകും. ബാരേജില്‍ ആവശ്യത്തിനു വെള്ളമുണ്ട്. എന്നിട്ടും ഡല്‍ഹിയിലേക്കു തുറക്കേണ്ട ഷട്ടറുകള്‍ അടച്ചിരിക്കുകയാണ്. ഷട്ടറുകള്‍ തുറന്ന് ജനങ്ങള്‍ക്ക് വെള്ളം നല്‍കുന്നത് വരെ തന്റെ അനിശ്ചിതകാല നിരാഹാര സമരം തുടരുമെന്ന് അതിഷി അറിയിച്ചിരുന്നു.

Advertisement
inner ad
Continue Reading

Featured