Sports
ചാമ്പ്യന്‍സ് ലീഗില്‍ പി എസ് ജിക്ക് വിജയം
പാരിസ്: ചാമ്പ്യന്‍സ് ലീഗ് പ്രീ ക്വാര്‍ട്ടറിന്റെ ആദ്യപാദത്തില്‍ ജയം പിടിച്ച് പാരിസ് സെന്റ് ജെര്‍മെയ്ന്‍ (പി.എസ്.ജി). സ്‌പെയിനില്‍ നിന്നുള്ള റയല്‍ സൊസീഡാഡിനെ എതിരില്ലാത്ത രണ്ട് ഗോളിനാണ് ഫ്രഞ്ച് ചാമ്പ്യന്മാര്‍ തകര്‍ത്തുവിട്ടത്. പി.എസ്.ജിക്കായി സൂപ്പര്‍ താരം കിലിയന്‍ എംബാപ്പെയും ബ്രാഡ്‌ലി ബാര്‍കോളയുമാണ് ഗോളുകള്‍ നേടിയത്. കണങ്കാലിലെ പരിക്ക് കാരണം കഴിഞ്ഞ മത്സരം എംബാപ്പെക്ക് കളിക്കാനായിരുന്നില്ല.
ആദ്യ മിനിറ്റില്‍ തന്നെ പി.എസ്.ജി ഗോള്‍മുഖത്ത് സൊസീഡാഡ് ഭീഷണിയുയര്‍ത്തിയെങ്കിലും ഷോട്ട് പോസ്റ്റിനോട് ചേര്‍ന്ന് പുറത്തുപോവുകയായിരുന്നു. ആറാം മിനിറ്റില്‍ എംബാപ്പെ പന്തുമായി കുതിച്ചെങ്കിലും ഗോള്‍കീപ്പറെ മറികടക്കാനായില്ല. ആദ്യപകുതിയുടെ അവസാന മിനിറ്റില്‍ സൊസീഡാഡ് നായകന്‍ മെറിനോയുടെ തകര്‍പ്പന്‍ ഷോട്ട് ക്രോസ് ബാറില്‍ തട്ടി പുറത്തുപോയത് പി.എസ്.ജി ക്യാമ്പിന് ആശ്വാസമായി.
ഗോളൊഴിഞ്ഞ ആദ്യപകുതിക്ക് ശേഷം എംബാപ്പെയിലൂടെയാണ് പാരിസുകാര്‍ മുന്നിലെത്തിയത്. 58ാം മിനിറ്റില്‍ ഡെംബലെ എടുത്ത കോര്‍ണര്‍ കിക്ക് മാര്‍ക്വിഞ്ഞോസിന്റെ ദേഹത്ത് തട്ടി തെറിച്ചപ്പോള്‍ പോസ്റ്റിലേക്ക് വഴിതിരിച്ചുവിടേണ്ട ചുമതല മാത്രമേ എംബാപ്പെക്ക് ഉണ്ടായിരുന്നുള്ളൂ. അഞ്ച് മിനിറ്റിനകം എംബാപ്പെ രണ്ടാം ഗോളിനടുത്തെത്തിയെങ്കിലും തകര്‍പ്പന്‍ ഷോട്ട് ഗോള്‍കീപ്പര്‍ റൊമേരൊ മുഴുനീള ഡൈവിലൂടെ തട്ടിത്തെറിപ്പിച്ചു. 70ാം മിനിറ്റില്‍ രണ്ടാം ഗോളും പിറന്നു. ഫാബിയന്‍ റൂയിസ് നല്‍കിയ പാസ് സ്വീകരിച്ച് ഇടതു വിങ്ങിലൂടെ മുന്നേറിയ ബ്രാഡ്‌ലി ബാര്‍കോള ഡിഫന്‍ഡര്‍മാരെ വെട്ടിച്ച് ഉജ്വലമായി ഫിനിഷ് ചെയ്യുകയായിരുന്നു. തുടര്‍ന്ന് അസന്‍സിയോക്കും ഗോളവസരം ലഭിച്ചെങ്കിലും ഗോള്‍കീപ്പര്‍ കൈയിലൊതുക്കി. മാര്‍ച്ച് അഞ്ചിന് സ്‌പെയിനിലാണ് രണ്ടാംപാദ മത്സരം.
ദുബായ്: അണ്ടർ-19 ഏഷ്യ കപ്പ് ക്രിക്കറ്റ് ടൂർണമെന്‍റില്‍ ഇന്ത്യ ഫൈനലില്‍ കടന്നു. സെമി ഫൈനലില്‍ ശ്രീലങ്കയെ തോല്‍പ്പിച്ചത് ഏഴ് വിക്കറ്റിന്.ടോസ് നേടി ആദ്യം ബാറ്റ് ചെയ്ത ശ്രീലങ്ക 46.2 ഓവറില്‍ 173 റണ്‍സിന് പുറത്തായി. ഇന്ത്യക്കു വേണ്ടി ചേതൻ ശർമ മൂന്ന് വിക്കറ്റ് നേടിയപ്പോള്‍, കിരണ്‍ ചോർമലെ ആയുഷ് മാത്രെ എന്നിവർ രണ്ട് വിക്കറ്റ് വീതം വീഴ്ത്തി.
മറുപടി ബാറ്റിങ്ങിനിറങ്ങിയ ഇന്ത്യക്ക് ആയുഷ് മാത്രെയും (28 പന്തില്‍ 34) രാജസ്ഥാൻ റോയല്‍സ് ഐപിഎല്‍ ലേലത്തില്‍ സ്വന്തമാക്കിയ വൈഭവ് സൂര്യവംശിയും (36 പന്തില്‍ 67) ചേർന്ന് വെടിക്കെട്ട് തുടക്കം നല്‍കി. ടീം സ്കോർ 91 റണ്‍സിലെത്തിയപ്പോഴാണ് മുംബൈ സീനിയർ ടീമിന്‍റെ ഓപ്പണറായ മാത്രെ പുറത്താകുന്നത്. ആക്രമണം തുടർന്ന പതിമൂന്നുകാരൻ സൂര്യവംശി ടൂർണമെന്‍റില്‍ തുടർച്ചയായ രണ്ടാം അർധ സെഞ്ച്വറിയും കണ്ടെത്തി. അഞ്ച് സിക്സും ആറ് ഫോറും ഉള്‍പ്പെട്ടതായിരുന്നു ഇന്നിങ്സ്.വെറും 21.4 ഓവറില്‍ ഇന്ത്യ ലക്ഷ്യം നേടി. ആന്ദ്രെ സിദ്ധാർഥ് 22 റണ്‍സെടുത്ത് പുറത്തായപ്പോള്‍, ക്യാപ്റ്റൻ മുഹമ്മദ് അമാൻ 25 റണ്‍സും കെ.പി. കാർത്തികേയ 11 റണ്‍സുമെടുത്ത് പുറത്താകാതെ നിന്നു.
ക്രിക്കറ്റ് ഇതിഹാസം സര്‍ ഡൊണാള്‍ഡ് ബ്രാഡ്മാന്റെ ക്യാപ്പ് ലേലത്തിൽ പോയത് 250000 ഡോളറിന്. ഇന്ത്യക്കെതിരായ പരമ്പരയ്‌ക്കിടെ ബ്രാഡ്മാൻ ധരിച്ചിരുന്ന ഒരേയൊരു “ബാഗി ഗ്രീൻ” എന്ന് വിശ്വസിക്കപ്പെടുന്ന തൊപ്പിയാണ് ഇന്ത്യൻ രൂപ രണ്ട് കോടി 11 ലക്ഷത്തിന് ലേലത്തിൽ പോയത്.
സ്വാതന്ത്ര്യത്തിനുശേഷം ഇന്ത്യ നടത്തിയ ആദ്യ വിദേശ പര്യടനമായിരുന്നു ഓസ്‌ട്രേലിയയിലേത് (1947-48). ഈ ടെസ്റ്റ് പരമ്പരയിൽ ഏറ്റവും മികച്ച പ്രകടനം കാഴ്ചവച്ചതും ബ്രാഡ്മാനായിരുന്നു. പരമ്പരയിലെ ആറ് ഇന്നിങ്‌സുകളിൽ നിന്ന് ഒരു ഡബിൾ സെഞ്ച്വറിയും മൂന്ന് സെഞ്ച്വറികളും ഉൾപ്പെടെ 715 റൺസാണ് അദ്ദേഹം കരസ്ഥമാക്കിയത്ത്. ബോൺഹാംസ് ഓക്ഷൻ ഹൗസാണ് 80 കൊല്ലത്തിലേറെ പഴക്കമുള്ള ഈ ‘ബാഗി ഗ്രീൻ’ തൊപ്പി ലേലത്തിൽ വച്ചത്. വെറും പത്ത് മിനിറ്റ് നീണ്ടുനിന്ന ലേലത്തിലാണ് ഇന്ത്യൻ ടൂർ മാനേജരായ പങ്കജ് പീറ്റർ കുമാർ ഗുപ്തയ്‌ക്ക് ബ്രാഡ്മാൻ സമ്മാനമായി നൽകിയ തൊപ്പി ലേലത്തിൽ കോടികൾ സ്വന്തമാക്കിയത്.
52 ടെസ്റ്റ് മത്സരങ്ങളിൽ നിന്ന് 13 അർദ്ധസെഞ്ച്വറികളും 29 സെഞ്ച്വറികളും ഉൾപ്പെടെ 6996 റൺസ് നേടിയ ബ്രാഡ്മാൻ ക്രിക്കറ്റ് ലോകം കണ്ട ഏറ്റവും മികച്ച ബാറ്ററായി കണക്കാക്കപ്പെടുന്നു. 1948 ൽ നടന്ന ആഷസ് പരമ്പരയ്‌ക്ക് ശേഷമാണ് താരം വിരമിച്ചത്. ക്രിക്കറ്റ് പ്രേമികളുടെ ഹൃദയത്തിൽ ഇടം പിടിച്ച ബ്രാഡ്മാൻ 2001 ൽ വിടപറഞ്ഞു.
രാജസ്ഥാനിലെ ഉദയ്‌പൂരിൽ ഇന്ത്യൻ വനിതാ ബാഡ്മിന്റൺ താരം പി വി സിന്ധുവിനു വിവാഹം. പോസിഡെക്‌സ് ടെക്‌നോളജീസ് എക്‌സിക്യൂട്ടീവ് ഡയറക്ടര്‍ ആയ ഹൈദരാബാദ് വ്യവസായി വെങ്കട ദത്ത സായി ആണ് വരൻ. ഡിസംബര്‍ 20 മുതൽ 24 വരെ നീണ്ടുനിൽക്കുന്ന വിവാഹ ചടങ്ങുകൾക്കു ശേഷം ജനുവരിയോടെയാകും തരാം കോർട്ടിലേക് മടങ്ങിയെത്തുക. ഇരട്ട ഒളിമ്പിക്‌സ് മെഡൽ ജേതാവായ സിന്ധു ഞായറഴ്ച ആണ് സയിദ് മോദി ഓപ്പൺ കീരീടം കരസ്ഥമാക്കിയത്. 2025 ജനുവരിയിൽ അന്താരാഷ്ട്ര സര്‍ക്യൂട്ടില്‍ തിരിച്ചെത്താന്‍ സാധിക്കുന്ന തരത്തിലാണ് വിവാഹം നിശ്ചയിച്ചിരിക്കുന്നതെന്ന് കുടുബാംഗങ്ങൾ വ്യക്തമാക്കി.
-
Kerala7 days agoജീവനക്കാരുടെ ശമ്പളബില്ല്
കേന്ദ്രീകൃതമാക്കാനുള്ള നീക്കം,
ശമ്പളം കവര്ന്നെടുക്കാനുള്ള ആസൂത്രിത ശ്രമമാണെന്ന് ; ചവറ ജയകുമാര് -
News3 weeks agoക്ഷാമ ബത്ത കേസിൽ ഇടക്കാല ഉത്തരവ്
-
Featured2 months agoഡി എ: പ്രഖ്യാപനം നിരാശാജനകമെന്ന് സെക്രട്ടേറിയറ്റ് അസോസിയേഷൻ
-
Kerala1 month agoക്ഷാമബത്ത: കുടിശ്ശിക നിഷേധിച്ചാൽ നിയമപരമായി നേരിടും; ചവറ ജയകുമാർ
-
News3 weeks ago
ജീവനക്കാരെ രണ്ടു തട്ടിലാക്കുന്ന നടപടി സർക്കാർ അവസാനിപ്പിക്കണം
-
Education3 months agoമഹാരാജാസിന് ഓട്ടോണമസ് പദവി നഷ്ടപ്പെട്ടിട്ട് നാലുവര്ഷം: കോളേജ് നടത്തുന്ന പരീക്ഷകള് അസാധുവാകും
-
Education3 months agoഓണപ്പരീക്ഷയ്ക്ക് ഇന്ന് തുടക്കം; യുപി വിഭാഗത്തിന് നാളെ മുതല്
-
Travel2 months agoനീല വസന്തം; ചതുരംഗപാറ മലനിരകളിൽ പൂത്തുലഞ്ഞ് കുറിഞ്ഞി
You must be logged in to post a comment Login