Connect with us
48 birthday
top banner (1)

Politics

പി.എസ്.സി നിയമന കൈക്കൂലി: പാര്‍ട്ടി പൊലീസ് സ്റ്റേഷനും പാര്‍ട്ടി കോടതിയും പോരെന്ന് വി ഡി സതീശന്‍

Avatar

Published

on

തിരുവനന്തപുരം: പി.എസ്.സി അംഗത്വ നിയമനത്തിന് കോഴിക്കോട്ടെ സി.പി.എം നേതാവ് കൈക്കൂലി വാങ്ങിയെന്ന പരാതി പ്രതിപക്ഷം സബ്മിഷനായി നിയമസഭയില്‍ ഉന്നയിച്ചു. പി.എസ്.സി അംഗത്വം ലേലത്തില്‍ വെച്ചിരിക്കുകയാണെന്ന് പ്രതിപക്ഷ നേതാവ് വി.ഡി. സതീശന്‍ പറഞ്ഞു.

പണം നല്‍കി ആ പോസ്റ്റില്‍ വന്ന് ഇരുന്നാല്‍ പിന്നെ പി.എസ്.സിക്ക് എന്ത് വിശ്വാസ്യതയാണ് ലക്ഷക്കണക്കിന് ചെറുപ്പക്കാര്‍ പി.എസ്.സിയെ കാണുന്ന കാലത്ത്, ആ പി.എസ്.സിയിലെ അംഗങ്ങളാകുന്നവരെ ലേലത്തില്‍വെച്ച് കാശ് വാങ്ങുകയാണ്. അപമാനകരമായ കാര്യമാണിത്. സി.പി.എമ്മിലെ ആഭ്യന്തര കാര്യമല്ല ഇത്. പാര്‍ട്ടി പൊലീസ് സ്റ്റേഷനും പാര്‍ട്ടി കോടതിയും പോരാ ഇതിന്. മന്ത്രിയുടെ പേര് പറഞ്ഞ് പണം വാങ്ങി കബളിപ്പിച്ചു എന്ന് പരാതി ലഭിച്ചിട്ട് എന്തുകൊണ്ട് പരാതി പൊലീസിന് കൈമാറിയില്ല ഇത് ക്രിമിനല്‍ കുറ്റമല്ലേ ഗൗരവതരമായ കാര്യമല്ലേ ഇതില്‍ എഫ്.ഐ.ആര്‍ രജിസ്റ്റര്‍ ചെയ്ത് അടിയന്തരമായി അന്വേഷണം നടത്തണം -പ്രതിപക്ഷ നേതാവ് പറഞ്ഞു.

Advertisement
inner ad

പി.എസ്.സിയെ അപകീര്‍ത്തിപ്പെടുത്തുന്ന തരത്തിലെ ആരോപണങ്ങള്‍ ദൗര്‍ഭാഗ്യകരമാണെന്ന് മുഖ്യമന്ത്രി പിണറായി വിജയന്‍ മറുപടി പറഞ്ഞു. പി.എസ്.സി അംഗങ്ങളെ നിയമിക്കുന്നതുമായി ബന്ധപ്പെട്ട് വന്ന മാധ്യമ വാര്‍ത്തകള്‍ അല്ലാതെ ഏതെങ്കിലും തരത്തിലുള്ള ക്രമക്കേടുകള്‍ ഉണ്ടായതായി ഇതേവരെ ശ്രദ്ധയില്‍ പെട്ടിട്ടില്ല. പി.എസ്.സി അംഗങ്ങളുടെ എണ്ണത്തില്‍ വര്‍ധന വരുത്തിയതെല്ലാം യു.ഡി.എഫ് ഭരണകാലത്താണ്. ഇതേവരെ എല്‍.ഡി.എഫ് സര്‍ക്കാര്‍ നിലവിലുള്ള പി.എസ്.സി അംഗത്വത്തില്‍ വര്‍ധന വരുത്തിയിട്ടില്ല. 2004ല്‍ ഇതുമായി ബന്ധപ്പെട്ടുണ്ടായ വിവാദത്തില്‍ അന്തരിച്ച കെ. കരുണാകരന്‍, ഉമ്മന്‍ ചാണ്ടി, ആര്യാടന്‍ മുഹമ്മദ്, വക്കം പുരുഷോത്തമന്‍ എന്നിവരുടെയെല്ലാം പേരുകള്‍ ഉയര്‍ന്നുവന്നിരുന്നു. ഇപ്പോള്‍ ഉയര്‍ന്ന പരാതിയുമായി ബന്ധപ്പെട്ട് ഏത് തരത്തിലുള്ള ഗൗരവമായ അന്വേഷണവും നടത്താന്‍ സര്‍ക്കാര്‍ സന്നദ്ധമാകും. ഒരു തരത്തിലെ വഴിവിട്ട നടപടികളും അംഗീകരിച്ചുകൊടുക്കില്ല -മുഖ്യമന്ത്രി പറഞ്ഞു.

Advertisement
inner ad
Continue Reading
Advertisement
inner ad
Click to comment

You must be logged in to post a comment Login

Leave a Reply

Kerala

ഉമ്മൻചാണ്ടി അനുസ്മരണം നടന്നു

Published

on

ശൂരനാട്: ശൂരനാട് വടക്ക് ഉമ്മൻചാണ്ടി ഫൗണ്ടേഷന്റെ നേതൃത്വത്തിൽ അന്തരിച്ച മുൻ മുഖ്യമന്ത്രി ഉമ്മൻചാണ്ടിയുടെ അനുസ്മരണം നടന്നു. ആനയടി ജംഗ്ഷനിൽ സംഘടിപ്പിച്ച ചടങ്ങ് ഡിസിസി പ്രസിഡന്റ് പി രാജേന്ദ്രപ്രസാദ് ഉദ്ഘാടനം ചെയ്തു. യൂത്ത് കോൺഗ്രസ് സംസ്ഥാന പ്രസിഡന്റ് രാഹുൽ മാങ്കൂട്ടത്തിൽ മുഖ്യപ്രഭാഷണം നടത്തി. ഫൗണ്ടേഷൻ ചെയർമാൻ കെ പി റഷീദ് അധ്യക്ഷത വഹിച്ചു. രാവിലെ ആരംഭിച്ച സർവ്വമത പ്രാർത്ഥന വൈകുന്നേരം വരെ നീണ്ടുനിന്നു. സമാപന സമ്മേളനം ഉമ്മൻചാണ്ടിയുടെ മകൾ മറിയ ഉമ്മൻ ഉദ്ഘാടനം ചെയ്തു. ഫൗണ്ടേഷൻ കൺവീനർ ശൂരനാട് സുവർണൻ അധ്യക്ഷത വഹിച്ചു. സമാപന സമ്മേളന ചടങ്ങിൽ മുതിർന്ന കോൺഗ്രസ് നേതാക്കളെ വേദിയിൽ ആദരിച്ചു. കെപിസിസി അംഗം എംവി ശശികുമാരൻ നായർ, ഡിസിസി വൈസ് പ്രസിഡന്റ് കെ കൃഷ്ണൻകുട്ടി നായർ, കോൺഗ്രസ് ബ്ലോക്ക് പ്രസിഡന്റുമാരായ വൈ ഷാജഹാൻ, കാരയ്ക്കാട്ട് അനിൽ, യൂത്ത് കോൺഗ്രസ് സംസ്ഥാന വൈസ് പ്രസിഡന്റ് പി എസ് അനുതാജ്, അരിത ബാബു, നേതാക്കളായ കറ്റാനം ഷാജി, പി കെ രവി, മഠത്തിൽ രഘു, വി വിജയലക്ഷ്മി, ദിലീപ്, അഞ്ജലിനാഥ്‌, രതീഷ് കുറ്റിയിൽ, അശോകൻ കോഴിശ്ശേരിവിള, വൈ ഗ്രിഗറി, നാസർ മൂലത്തറ, സജീന്ദ്രൻ, കെ ആർ വേലായുധൻ പിള്ള, അഡ്വ. സുധി കുമാർ തുടങ്ങിയവർ അനുസ്മരണ ചടങ്ങിനെ അഭിസംബോധന ചെയ്ത് സംസാരിച്ചു

Advertisement
inner ad
Continue Reading

Kerala

ഓൺലൈൻ സ്ഥലം മാറ്റ അട്ടിമറി സാങ്കേതിക വിദ്യാഭ്യാസ വകുപ്പിലും

Published

on

മുഖ്യമന്ത്രിയുടെ അഡീഷണൽ പ്രൈവറ്റ് സെക്രട്ടറി ഡോ. രതീഷ് കാളിയാടൻ്റെ ഭാര്യയ്ക്ക് തിരുവനന്തപുരത്ത് സാങ്കേതിക വിദ്യാഭ്യാസ വകുപ്പ് ആസ്ഥാന കാര്യാലയത്തിൽ തന്നെ വഴിവിട്ട് പ്രമോഷൻ നൽകിയിൽ വ്യാപക പരാതി. ഹെഡ് ക്ലാർക്ക് തസ്തികയിലേക്ക്
23 പേർക്കാണ് പ്രമോഷൻ നല്കിയത്. എന്നാൽ പ്രമോഷൻ ലിസ്റ്റിൽ 23 മത് ആണ് മുഖ്യമന്ത്രിയുടെ അഡീഷണൽ പ്രൈവറ്റ് സെക്രട്ടറിയുടെ ഭാര്യയുടെ സ്ഥാനം. ചട്ടങ്ങളെ മറികടന്ന് ഈ ലിസ്റ്റിൽ സീനിയറായിട്ടുള്ള ഉദ്യോഗസ്ഥർക്ക് / അർഹരായ വികലാംഗരായ ജീവനക്കാരെയും, അത് പോലെ ജില്ലക്ക് പുറത്ത് ജോലി ചെയ്യുന്ന തിരുവനന്തപുരത്തുള്ള ജീവനക്കാർക്കും തിരുവനന്തപുരത്തേക്ക് സ്ഥലംമാറ്റം നൽകാതെ ആണ് ഈ വഴി വിട്ട പ്രമോഷൻ നടത്തിയിട്ടുള്ളത്. ഭരണപക്ഷ സംഘടനയിലുള്ള പല ഉദ്യോഗസ്ഥർക്കും സ്പാർക്ക് മുഖാന്തിരം ന്യായമായി തിരുവനന്തപുരത്ത് ലഭിക്കേണ്ട നിയമനം അട്ടിമറിച്ച് അഡീഷണൽ പ്രൈവറ്റ് സെക്രട്ടറിയുടെ ഭാര്യയ്ക്ക് നല്കിയത് ഭരണപക്ഷ സംഘടനയിൽ പോലും പ്രതിഷേധം മറനീക്കി പുറത്ത് വന്നിട്ടുണ്ട്.

Advertisement
inner ad
Continue Reading

Kerala

പൊതുരംഗത്ത് പ്രവർത്തിക്കുന്നവർ മാതൃകയാക്കേണ്ട നേതാവാണ് ഉമ്മൻചാണ്ടി: ടി സിദ്ദിഖ് എം എൽ എ

Published

on

കൽപ്പറ്റ: മുൻ മുഖ്യമന്ത്രി ഉമ്മൻചാണ്ടിയുടെ അനുസ്മരണ പരിപാടി സംഘടിപ്പിച്ച് കെഎസ്‌യു വയനാട് ജില്ലാ കമ്മിറ്റി. കെപിസിസി വർക്കിംഗ് പ്രസിഡന്റും കൽപ്പറ്റ നിയോജകമണ്ഡലം എംഎൽഎയുമായ അഡ്വ. ടി സിദ്ദിഖ് അനുസ്മരണ പ്രഭാഷണം നടത്തി.

പൊതുരംഗത്ത് നിലകൊള്ളുന്ന ഓരോ പ്രവർത്തകരും മാതൃകയാക്കേണ്ട നേതാവാണ് ഉമ്മൻ‌ചാണ്ടിയെന്നും ജനമനസുകളിൽ മരണമില്ലാത്ത, ജനങ്ങൾക്കായി ഒരു ജീവിതം മുഴുവൻ ജീവിച്ച നേതാവാണ് ഉമ്മൻ ചാണ്ടിയെന്നും ടി സിദ്ദിഖ് പറഞ്ഞു.

Advertisement
inner ad

കെഎസ്‌യു ജില്ലാ പ്രസിഡന്റ്‌ അഡ്വ. ഗൗതം ഗോകുൽദാസ് അധ്യക്ഷത വഹിച്ചു. ഡിസിസി വൈസ് പ്രസിഡണ്ട് ഓ വി അപ്പച്ചൻ, മജീദ് വി എ, ബി സുരേഷ്, ഡിന്റോ ജോസ്,രോഹിത് ശശി,അതുൽ തോമസ്, അസ്‌ലം ഷേർഖാൻ, ഷിബു ജി,ബേസിൽ ജോർജ്, അജ്മൽ പി എച്, യാസീൻ പഞ്ചാര, ആൻ മരിയ, മീരാ കർണൻ തുടങ്ങിയവർ നേതൃത്വം നൽകി.

Advertisement
inner ad
Continue Reading

Featured