Connect with us
48 birthday
top banner (1)

Kerala

പ്രിയങ്ക ഗാന്ധിയെ ഹൃദയത്തിലേറ്റി വയനാട്

Avatar

Published

on

പ്രിയങ്ക ഗാന്ധിയുടെ സ്ഥാനാർഥിത്വത്തെ ആവേശത്തോടെ വരവേറ്റിരിക്കുകയാണ് വയനാട് ജനത. മണ്ഡലം ഒഴിഞ്ഞു കൊണ്ടുള്ള രാഹുൽ ഗാന്ധിയുടെ വാക്കുകൾ ഏറെ വൈകാരികമായിരുന്നു. തനിക്ക് വയനാടുമായി ഒരു ആത്മബന്ധം കൈവന്നിരിക്കുന്നു. ഏറെ ഹൃദയവേദനയോടെയാണ് വയനാട് ഒഴിയുന്നത്. എന്നും എല്ലായിപ്പോഴും തന്റെ വാതിലുകൾ വയനാട്ടിലെ ജനതയ്ക്കായി തുറന്നു കിടക്കും. ഇനിമുതൽ വയനാട്ടുകാർക്ക് രണ്ട് എംപിമാർ ഉണ്ടാകും. പ്രിയങ്കയ്ക്കൊപ്പം ഞാനും വയനാട്ടിലേക്ക് സ്ഥിരംമായി എത്തും. ഇത്രയും പറഞ്ഞവസാനിപ്പിക്കുമ്പോൾ രാഹുൽ പ്രിയങ്കയെ ചേർത്തുപിടിച്ച് ആശ്ലേഷിക്കുകയും ചെയ്യുന്നുണ്ട്. ഓരോ തവണ വയനാട്ടിൽ വന്ന് തിരികെ പോകുമ്പോഴും രാഹുൽ ഏറെ സന്തോഷവാനാണെന്ന് കെസിയും പറഞ്ഞു. ഇന്ത്യൻ രാഷ്ട്രീയത്തിൽ ഏറെ തെളിമയുള്ള നിറഞ്ഞ പുഞ്ചിരിയുമായി രാഷ്ട്രീയ എതിരാളികളെ കൊണ്ടു പോലും സ്നേഹം പിടിച്ചു വാങ്ങുന്ന രാഹുൽ വയനാട് വിടുമ്പോൾ മണ്ഡലം പ്രിയങ്കയിലൂടെ കൂടുതൽ ജ്വലിച്ചു തന്നെ നിൽക്കും. ആൾക്കൂട്ടങ്ങളുമായി സംവദിക്കുന്ന നേതാവാണ് പ്രിയങ്ക ഗാന്ധി. അടിമുടി ഇന്ദിരാഗാന്ധിയെ പോലെ എന്റെ വാക്കുകളിലൂടെ പ്രിയങ്ക പ്രവർത്തകരെ ആവേശത്തിലാക്കാറുണ്ട്. ഒരിക്കൽ മോദി പ്രിയങ്ക തനിക്ക് മകളെ പോലെ ആണെന്ന് പറഞ്ഞപ്പോൾ എന്റെ പിതാവിന്റെ പേര് രാജീവ് ഗാന്ധി എന്നാണെന്നും അത്തരമൊരു രാഷ്ട്രീയ സംസ്കാരമാണ് താൻ പേറുന്നതെന്നും അവർ തിരിച്ചടിച്ചിരുന്നു. ഇന്ത്യൻ രാഷ്ട്രീയത്തിലെ കാരിരുമ്പിനേക്കാൾ കരുത്തുള്ള പെൺ ശബ്ദം വയനാട്ടിലെ പ്രാതിനിധ്യത്തോടെ ഇന്ത്യൻ പാർലമെന്റിൽ മുഴങ്ങും.

Kerala

വയനാട് ജില്ലയിലെ വിദ്യാഭ്യാസ സ്ഥാപനങ്ങൾക്ക് ശനിയാഴ്ച അവധി

Published

on

കൽപ്പറ്റ: കനത്ത മഴയെ തുടർന്ന് വയനാട് ജില്ലയിലെ പ്രൊഫഷണൽ കോളജുകൾ ഉൾപ്പെടെയുള്ള എല്ലാ വിദ്യാഭ്യാസ സ്ഥാപനങ്ങൾക്ക് ശനിയാഴ്ച ജില്ലാ കളക്ടർ അവധി പ്രഖ്യാപിച്ചു.

ട്യൂഷൻ സെന്ററുകൾ, അങ്കണവാടികൾ ഉൾപ്പെടെ അവധി ബാധകമാണ്. മോഡൽ റസിസൻഷ്യൽ സ്കൂളുകൾക്ക് അവധി ബാധകമല്ലെന്ന് ജില്ലാ കളക്ടർ അറിയിച്ചു.

Advertisement
inner ad
Continue Reading

Kerala

‘ജനത്തെ സ്പർശിച്ച നേതാവ്, അവിശ്രമം എന്ന പദത്തിന് പര്യായമായ ജീവിതം’ ; ഉമ്മൻചാണ്ടി അനുസ്മരിച്ച് മുഖ്യമന്ത്രി

Published

on

തിരുവനന്തപുരം: അവിശ്രമം എന്ന പദത്തിന് എല്ലാ അർത്ഥത്തിലും പാര്യായമായി മാറിയ ജീവിതമായിരുന്നു ഉമ്മൻചാണ്ടിയുടേത് എന്ന് മുഖ്യമന്ത്രി പിണറായി വിജയൻ. പ്രളയകാലത്ത് രാഷ്ട്രീയം മറന്ന് ഒന്നിച്ചു. രോഗാതുരമായ കാലത്തെ കുറിച്ച്‌ ചെറിയ വിവരണമേ ആത്മകഥയില്‍ പോലും പറഞ്ഞിട്ടുള്ളൂ. അതികഠിന രോഗാവസ്ഥയിലും പ്രസന്നതയോടെ മാത്രം സംസാരിച്ചു. അതിജീവനത്തിന്റെ മികച്ച മാതൃക കൂടിയാണ് ഉമ്മൻചാണ്ടി. വിമർശിക്കുന്നവരും തളർത്തുന്നവരും ഉണ്ടാകും. പക്ഷേ അതിലൊന്നും വീഴാതെ ലക്ഷ്യത്തിലേക്ക് നടന്നടുക്കണമെന്നും പിണറായി പറഞ്ഞു. ഓർമ്മയില്‍ ഉമ്മൻചാണ്ടി പരിപാടിയില്‍ പങ്കെടുത്ത് സംസാരിക്കുകയായിരുന്നു മുഖ്യമന്ത്രി.

വൈവിധ്യങ്ങളെ ഉള്‍ക്കൊള്ളാനുള്ള ശേഷിയിലടക്കം ഉമ്മൻചാണ്ടിയോട് പല കാര്യങ്ങളില്‍ യോജിപ്പും ചില കാര്യങ്ങളില്‍ വിയോജിപ്പും ഉണ്ടായിരുന്നുവെന്ന് മുഖ്യമന്ത്രി പറഞ്ഞു.അത് തുറന്ന് പറയാൻ സ്വാതന്ത്ര്യമുള്ള സൗഹൃദമായിരുന്നു പരസ്പരം ഉണ്ടായിരുന്നത്. രാഷ്ട്രീയമായി ഇരു ചേരികളിലായിരുന്നെങ്കിലും സൗഹൃദത്തിന് ഒരു കോട്ടവും ഉണ്ടായിരുന്നില്ലെന്നും പിണറായി പറഞ്ഞു.

Advertisement
inner ad

പുതുപ്പള്ളിക്കാരനായിരുന്നെങ്കിലും ഉമ്മൻചാണ്ടിക്ക് തിരുവനന്തപുരവുമായി അഭേദ്യമായ ബന്ധമുണ്ടായിരുന്നു. പകുതിയിലധികം ജീവിതകാലവും ഉമ്മൻചാണ്ടി ചെലവഴിച്ചത് തിരുവനന്തപുരത്താണ്. മുഖ്യമന്ത്രിയായി എല്‍ഡിഎഫ് തീരുമാനിച്ചപ്പോള്‍ ആദ്യം കണ്ടത് ഉമ്മൻചാണ്ടിയെയാണ്. ഓരോ മേഖലയും ഓരോ തരത്തിലുള്ള നേതൃഗുണമാണ് ആവശ്യപ്പെടുന്നത്. ജനങ്ങളെ സ്പർശിക്കുന്ന വിഷയങ്ങളില്‍ ക്രിയാത്മകമായി ഇടപെടുന്നവർക്ക് മാത്രമെ പൊതു പ്രവർത്തനത്തില്‍ മികവുണ്ടാക്കാനാകൂ. ഇതിന് നല്ല ഉദാഹരണമായിരുന്നു ഉമ്മൻചാണ്ടിയെന്നും പിണറായി പറഞ്ഞു.

Advertisement
inner ad
Continue Reading

Idukki

തേയില ഫാക്ടറിയിലെ യന്ത്രത്തില്‍ തല കുടുങ്ങി തൊഴിലാളി മരിച്ചു

Published

on

മൂന്നാർ: ഇടുക്കിയിൽ തേയില ഫാക്ടറിയിലെ യന്ത്രത്തില്‍ തല കുടുങ്ങി തൊഴിലാളി മരിച്ചു. പട്ടുമല സ്വദേശി രാജേഷ് (37) ആണ് മരിച്ചത്.ഇന്ന് രാവിലെ തേയില സംസ്‌കരിക്കുന്ന യന്ത്രം വൃത്തിയാക്കുന്നതിനിടെയായിരുന്നു അപകടം.
യന്ത്രം അബദ്ധത്തില്‍ ഓണാകുകയും രാജേഷിന്റെ തല കുടുങ്ങുകയുമായിരുന്നെന്നാണ് വിവരം. മറ്റ് തൊഴിലാളികളാണ് യന്ത്രം ഓഫ് ചെയ്ത് രാജേഷിനെ ആശുപത്രിയിലെത്തിച്ചത്. എന്നാല്‍ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. തലക്കേറ്റ ഗുരുതര പരിക്കാണ് മരണകാരണമെന്നാണ് വിവരം. സംഭവത്തില്‍ അന്വേഷണം ആരംഭിച്ചിട്ടുണ്ട്.

Continue Reading

Featured