Featured
ഓണം പൊള്ളും, വെളിച്ചെണ്ണയ്ക്ക് സബ്സിഡി ഇല്ല
കൊല്ലം: ചുട്ടുപൊള്ളിഓണം വിപണി. പതിമൂന്ന് അവശ്യ സാധനങ്ങൾക്ക് ഒരിക്കലും വിലകൂടില്ലെന്നതാണ് സർക്കാർ അവകാശവാദം. ഇന്നലെയും മുഖ്യമന്ത്രി ഇതാവർത്തിച്ചു. ഈ 13 സാധനങ്ങളിൽ മിക്കതും സപ്ലൈകോടിയിലില്ല. ഇക്കുറി വെളിച്ചെണ്ണയ്ക്ക് സബ്സിഡി ഇല്ല. സർക്കാർ നിശ്ചയിച്ച വില നിലപ്രകാരം 46 രൂപയ്ക്ക് അരലിറ്റർ വെളിച്ചെണ്ണ ലഭിക്കണം. എന്നാൽ തിരുവനന്തപുരം പഴവങ്ങാടിയിലെയും ഫോർട്ടിലെയും സപ്ലൈകോ ഔട്ടലെറ്റുകളിൽ അരലിറ്റർ വെളിച്ചെണ്ണയില്ല. പകരം ശബരിയുടെ ഒരു ലിറ്റർ വെളിച്ചെണ്ണ. വില 126 രൂപ. പതു വിപണിയിൽ 150 രൂപ മുതലാണ് വെളിച്ചെണ്ണ വില.
ഓണമടുത്തപ്പോൾ പലവ്യഞ്ജനത്തിനും പച്ചക്കറിക്കും മാത്രമല്ല കോഴിയിറച്ചിക്കും വില കൂടുകയാണ്. ഒരാഴ്ചകൊണ്ട് അൻപതുരൂപ വരെയാണ് കോഴി വില വർധിച്ചത്. ഫാമുകൾ കൃത്രിമ ക്ഷാമമുണ്ടാക്കി വിലകൂട്ടുകയാണെന്ന് വ്യാപാരികൾ പറയുന്നു. സർക്കാർ ഇടപെട്ടില്ലെങ്കിൽ ഓണനാളുകളിൽ വില വീണ്ടും കൂടുമെന്നുറപ്പാണ്.
സപ്ലൈകോ ഔട്ട്ലെറ്റുകളിൽ അവശ്യ സാധനങ്ങളുടെ സ്റ്റോക്കില്ലെന്നത് മാത്രമല്ല, സാധനങ്ങൾ കൂടിയ വിലക്ക് വിൽക്കുന്നതായും പരാതി. സബ്സിഡി നിരക്കിൽ നൽകേണ്ട അരലിറ്റർ വെളിച്ചെണ്ണ എവിടെയും ലഭ്യമല്ല. പകരം ഒരു ലിറ്ററിൻറെ ശബരി വെളിച്ചെണ്ണ പകുതി സബ്സിഡി നിരക്കിൽ നൽകുന്നു. മുളക്, മല്ലി, കുറുവ അരി തുടങ്ങിയവയ്ക്കും സർക്കാർ നിശ്ചയിച്ച സബ്സിഡി വിലയേക്കാൾ കൂടിയ വിലയാണ് ഈടാക്കുന്നത്.
മുളകിന് സർക്കാർ നിശ്ചയിച്ച വില കിലോയ്ക്ക് 75 രൂപ. പക്ഷെ 40 രൂപയുടെ അരക്കിലോ പാക്കറ്റ് മാത്രേ ഇവിടെയുള്ളൂ. രണ്ടെണ്ണം വാങ്ങിയാൽ വില 80 ആയി. മല്ലിയുടെ സബ്സിഡി വില കിലോയ്ക്ക് 79 രൂപയാണ്. 41.50 രൂപയ്ക്ക് അരക്കിലോ പാക്കറ്റാണ് വിൽക്കുന്നത്. കുറുവ അരിക്ക് സർക്കാർ നിശ്ചയിച്ച വില 25 രൂപയാണെങ്കിൽ സപ്ലൈകോ ഔട്ട്ലെറ്റുകൾ വിൽക്കുന്നത് 45 രൂപയ്ക്ക്.
സംസ്ഥാനത്ത് പ്രാദേശികാടിസ്ഥാനത്തിലുള്ള പച്ചക്കറി ഉൽപാദനം കുറഞ്ഞതോടെ ഓണമടുക്കുമ്പോൾ പച്ചക്കറി വില ഇനിയും ഉയരുമെന്ന് കർഷകർ. നഗരപ്രദേശങ്ങളിൽ പൊതുവിപണിയിലെ പച്ചക്കറി വില വലിയ തോതിൽ വർധിച്ചിട്ടുണ്ട്. തക്കാളി കിലോയ്ക്ക് 80 രൂപ, ബീൻസിന് 70 , വെള്ളരി 40, പടവലം 50, വള്ളിപയർ 75 , പച്ചമുളക് 50 ഇങ്ങനെ പോകുന്നു വിലയുടെ കുതിപ്പ് . ചേനക്ക് കിലോക്ക് 52 രൂപയും ചേമ്പിന് 50 രൂപയുമുണ്ട്. വിലയിൽ ഏറ്റവും മുന്നിൽ തൊണ്ടൻ മുളകും മാങ്ങയും ചെറുനാരങ്ങയുമാണ്.
Featured
വയനാട് പുനരധിവാസം, കേന്ദ്രസർക്കാർ രാഷ്ട്രീയ സമീപനത്തോടെ കാണുന്നു; പാര്‍ലമെന്റ് വളപ്പിൽ കേരള എംപിമാരുടെ പ്രതിഷേധം
ന്യൂഡല്‍ഹി: വയനാട് പുനരധിവാസത്തിന് കേന്ദ്രസഹായം വൈകുന്നത് കൂടാതെ രക്ഷാപ്രവര്‍ത്തനം നടത്തിയതിനടക്കം പണമാവശ്യപ്പെട്ട പ്രതിരോധ മന്ത്രാലയത്തിന്റെ നടപടിയിലുൾപ്പെടെ പ്രതിഷേധവുമായി കേരളത്തില്‍ നിന്നുള്ള എം.പി മാര്‍ പാര്‍ലമെന്റിനു മുന്നില്‍ ധര്‍ണ്ണ നടത്തി. വയനാടിന് അർഹമായ നീതി നടപ്പാക്കുക,
പ്രത്യേക പാക്കേജ് ലഭ്യമാക്കുക എന്നീ ആവശ്യങ്ങൾ ഉന്നയിച്ചുകൊണ്ടാണ് വയനാട് എംപികൂടിയായ പ്രിയങ്കാ ഗാന്ധിയുടെ നേതൃത്വത്തില്‍ ധര്‍ണ്ണ നടത്തിയത്. വയനാട്ടില്‍ കേന്ദ്രസേന നടത്തിയ പ്രവര്‍ത്തനങ്ങള്‍ക്ക് പണം ചോദിച്ചുള്ള കത്തിനെതിരെയും പ്രിയങ്ക ഗാന്ധി പ്രതികരിച്ചു. വയനാട്ടിലെ ദുരിതാശ്വാസ പ്രവര്‍ത്തനത്തിലെ കേന്ദ്ര സമീപനം നിരാശാജനകമാണെന്നും രക്ഷാദൗത്യത്തിന് പണം ചോദിക്കുന്നത് ശരിയല്ലെന്നും രാഷ്ട്രീയ സമീപനത്തോടെ കാണുന്നത് അവസാനിപ്പിക്കണമെന്നും പ്രിയങ്ക ഗാന്ധി പറഞ്ഞു.
ചെന്നൈ: മുതിർന്ന കോൺഗ്രസ് നേതാവും ഈറോഡ് ഈസ്റ്റ് എംഎൽഎയുമായ ഇ.വി.കെ.എസ് ഇളങ്കോവൻ (75) അന്തരിച്ചു. ശ്വാസകോശ സംബന്ധമായ അസുഖത്തെത്തുടർന്ന് ചെന്നൈയിലെ സ്വകാര്യ ആശുപത്രിയിലായിരുന്നു അന്ത്യം. ഇക്കഴിഞ്ഞ നവംബർ 11-നാണ് ഇളങ്കോവനെ കടുത്ത പനിയും ശ്വാസ തടസവും അനുഭവപ്പെട്ടതിനെത്തുടർന്ന് മണപ്പാക്കത്തെ ആശുപത്രിയിൽ പ്രവേശിപ്പിച്ചത്. ആരോഗ്യനില മെച്ചപ്പെടുത്താൻ ഡോക്ടർമാർ ശ്രമിച്ചെങ്കിലും ഇളങ്കോവൻ്റെ ആരോഗ്യം വഷളായിക്കൊണ്ടിരുന്നു. തമിഴ്‌നാട് മുഖ്യമന്ത്രി എം.കെ സ്റ്റാലിൻ നേരിട്ട് ആശുപത്രിയിലെത്തി ഇളങ്കോവൻ്റെ ആരോഗ്യനിലയെക്കുറിച്ച് അന്വേഷിച്ചിരുന്നു. മകന് തിരുമകന്‍ മരിച്ച ഒഴിവില്‍ 2023 ജനുവരിയില്‍ നടന്ന ഉപതെരഞ്ഞെടുപ്പിലൂടെയാണ് എംഎല്‍എ ആയത്.
Featured
‘ഭാര്യ മരിച്ചത് അല്ലു അർജുന്റെ തെറ്റുകൊണ്ടല്ല’ ; തിയേറ്റർ അപകടത്തിൽ മരിച്ച രേവതിയുടെ ഭർത്താവ് ഭാസ്കർ
ഹൈദരാബാദ്: തെലുങ്ക് സൂപ്പർതാരം അല്ലു അർജുനെ അറസ്റ്റ് ചെയ്തതിൽ പ്രതികരണവുമായി തിയേറ്റർ അപകടത്തിൽ മരിച്ച രേവതിയുടെ ഭർത്താവ്. ഭാര്യ മരിച്ചത് അല്ലു അർജുന്റെ തെറ്റല്ല എന്നും അറസ്റ്റിനെക്കുറിച്ച് തനിക്ക് യാതൊരു അറിവുമില്ലായിരുന്നുവെന്നും രേവതിയുടെ ഭർത്താവ് ഭാസ്ക്‌കർ പറഞ്ഞു.പരാതി പിൻവലിക്കാൻ ഞാൻ തയ്യാറാണ്. അദ്ദേഹത്തെ അറസ്റ്റ് ചെയ്യുന്ന വിവരം പോലീസ് എന്നെ അറിയിച്ചിരുന്നില്ല. എനിക്ക് അതെക്കുറിച്ച് അറിയില്ലായിരുന്നു. സംഭവിച്ചതൊന്നും അല്ലു അർജുന്റെ തെറ്റല്ല- ഭാസ്ക്‌കർ പറഞ്ഞു.
ഡിസംബർ നാലാം തീയതി പുഷ്പ 2 സിനിമയുടെ പ്രദർശനത്തിനിടെ ഹൈദരാബാദിലെ സന്ധ്യ തിയേറ്ററിലുണ്ടായ തിക്കിലും തിരക്കിലുമാണ് രേവതി എന്ന യുവതി മരിച്ചത്. അന്നത്തെ പ്രദർശനത്തിനിടെ അല്ലു അർജുനും തിയേറ്ററിലെത്തിയിരുന്നു. ഇതേത്തുടർന്നാണ് വലിയ തിക്കും തിരക്കുമുണ്ടായത്. അപകടത്തിൽ രേവതിയുടെ മകന് പരിക്കേൽക്കുകയും ചെയ്തിരുന്നു. ഇതേ കേസിൽ നേരത്തെ സന്ധ്യ തിയേറ്ററിലെ രണ്ട് ജീവനക്കാരെയും പൊലീസ് അറസ്റ്റ് ചെയ്തിരുന്നു.
-
Kerala2 weeks agoജീവനക്കാരുടെ ശമ്പളബില്ല്
കേന്ദ്രീകൃതമാക്കാനുള്ള നീക്കം,
ശമ്പളം കവര്ന്നെടുക്കാനുള്ള ആസൂത്രിത ശ്രമമാണെന്ന് ; ചവറ ജയകുമാര് -
News2 days agoക്ഷാമബത്ത കേസില് ഇടക്കാല ഉത്തരവ്
-
News1 month agoക്ഷാമ ബത്ത കേസിൽ ഇടക്കാല ഉത്തരവ്
-
Featured2 months agoഡി എ: പ്രഖ്യാപനം നിരാശാജനകമെന്ന് സെക്രട്ടേറിയറ്റ് അസോസിയേഷൻ
-
Kerala2 months agoക്ഷാമബത്ത: കുടിശ്ശിക നിഷേധിച്ചാൽ നിയമപരമായി നേരിടും; ചവറ ജയകുമാർ
-
News1 month ago
ജീവനക്കാരെ രണ്ടു തട്ടിലാക്കുന്ന നടപടി സർക്കാർ അവസാനിപ്പിക്കണം
-
News2 days agoസര്ക്കാര് ജീവനക്കാരും അധ്യാപകരുംഅനിശ്ചിത കാല പണിമുടക്കിലേക്ക്: സെറ്റോ
-
Education3 months agoമഹാരാജാസിന് ഓട്ടോണമസ് പദവി നഷ്ടപ്പെട്ടിട്ട് നാലുവര്ഷം: കോളേജ് നടത്തുന്ന പരീക്ഷകള് അസാധുവാകും
You must be logged in to post a comment Login