Kerala
പ്രീപെയ്ഡ് ഓട്ടോറിക്ഷ കൗണ്ടർ പ്രവർത്തനരഹിതം; നിരക്ക് തോന്നുംപടി; വലഞ്ഞ് യാത്രക്കാർ
ആദർശ് മുക്കട
കൊല്ലം: കൊല്ലം റെയിൽവേ സ്റ്റേഷനിലെ പ്രീപെയ്ഡ് ഓട്ടോറിക്ഷ കൗണ്ടർ പ്രവർത്തനരഹിതമായിട്ട് മാസങ്ങൾ പിന്നിടുന്നു. ദിനംപ്രതി ആയിരക്കണക്കിന് യാത്രക്കാരാണ് റെയിൽവേ സ്റ്റേഷനിൽ വന്നുപോകുന്നത്. ഓട്ടോറിക്ഷ മാർഗ്ഗം തിരഞ്ഞെടുക്കുന്നവർ നേരിടേണ്ടിവരുന്നത് കടുത്ത കൊള്ളയാണ്. രാത്രിയായാൽ ഇരട്ടി നിരക്കാണ് പലപ്പോഴും ഈടാക്കാറുള്ളത്. കോവിഡ് സമയത്ത് അടച്ചുപൂട്ടിയ കൗണ്ടർ പിന്നീട് ആ സ്ഥിതി തുടരുകയായിരുന്നു. ഓട്ടോറിക്ഷ നിരക്ക് വർധനവ് ഉണ്ടായപ്പോൾ അതിനനുസരിച്ച് നിരക്കുമാറ്റം ആവശ്യപ്പെടുകയും തർക്കത്തിലേക്ക് എത്തുകയും ചെയ്തതോടെ കൗണ്ടറിന്റെ പ്രവർത്തനം അനിശ്ചിതത്വത്തിൽ ആകുകയായിരുന്നു.
ഇതിന് ഇടയിൽ താലൂക്ക് ലീഗൽ സർവീസ് അതോറിറ്റിയിൽ കളക്ടർ, കമ്മീഷണർ, കോർപ്പറേഷൻ സെക്രട്ടറി, റെയിൽവേ സ്റ്റേഷൻ മാനേജർ, ആർടിഒ എന്നിവരെ എതിർകക്ഷികൾ ആക്കി ഒരു പൊതുപ്രവർത്തകൻ നൽകിയ പരാതിയിൽ കേസ് ഫയൽ ചെയ്തു. ഇപ്പോഴും ലീഗൽ സർവീസ് അതോറിറ്റിയിൽ നിയമ നടപടികൾ നടന്നുവരികയാണ്. കോർപ്പറേഷനാണ് ഇവിടെ കൗണ്ടർ പ്രവർത്തിപ്പിക്കാനുള്ള അടിസ്ഥാന സൗകര്യം സജ്ജമാക്കേണ്ടി നൽകേണ്ടത്. എന്നാൽ നാളിതുവരെയും കോർപ്പറേഷൻ മെച്ചപ്പെട്ട സൗകര്യങ്ങൾ ഇവിടെ നടപ്പാക്കിയിട്ടില്ല. ലീഗൽ സർവീസ് അതോറിറ്റിയിൽ അധിക സാവകാശം ആവശ്യപ്പെട്ട് കോർപ്പറേഷൻ രംഗത്ത് എത്തുകയും ചെയ്തിരുന്നു.
സ്ഥലം വിട്ടുകൊടുത്തതും വൈദ്യുതി നൽകിയതും റെയിൽവേ ആയിരുന്നു. എല്ലാ റെയിൽവേ സ്റ്റേഷനുകളിലെയും പോലെ കൗണ്ടറിൽ നിന്ന് ലഭിക്കുന്ന തുക ഉപയോഗിച്ച് വൈദ്യുതി ബില്ലും മറ്റു സൗകര്യങ്ങളുടെ പരിപാലനവും നടത്താനുമായിരുന്നു തീരുമാനം. ഇവിടെ പുതുതായി കമ്പ്യൂട്ടറുകൾ ആവശ്യമായി വേണ്ടിയിരുന്നെങ്കിലും കോർപ്പറേഷൻ നൽകിയ ഒരു പഴയ കമ്പ്യൂട്ടർ ആണ് ഉപയോഗിച്ചിരുന്നത്. ഈ പഴയ കമ്പ്യൂട്ടറിൽ പ്രീപെയ്ഡ് കൗണ്ടറിന് വേണ്ടിവരുന്ന സോഫ്റ്റ്വെയർ അനായാസം ഉപയോഗിക്കുവാൻ കഴിയുമായിരുന്നില്ല. ട്രാഫിക് പൊലീസ് ആയിരുന്നു കൗണ്ടറിൽ സേവനം നൽകിയിരുന്നത്. അടിസ്ഥാന സൗകര്യങ്ങളും മറ്റും ഇല്ലാതായതോടെയാണ് ഡ്യൂട്ടി നൽകിയിരുന്നവരെ പിൻവലിച്ചത്. തുടർന്നും ഡ്യൂട്ടിക്കായി പൊലീസുകാരെ വിനിയോഗിക്കാമെന്ന് ബന്ധപ്പെട്ട ഉദ്യോഗസ്ഥർ പറയുമ്പോഴും എന്ന് പ്രവർത്തന സജ്ജമാകും എന്നുള്ള അനിശ്ചിതത്വം തുടരുകയാണ്.
പ്രീപെയ്ഡ് കൗണ്ടർ ഇല്ലാതായതോടെ മീറ്റർ അടിസ്ഥാനത്തിൽ മാത്രമേ നിരക്ക് ഈടാക്കാവൂ എന്ന നിർദ്ദേശം മുന്നോട്ടുവരികയും ഓട്ടോറിക്ഷ തൊഴിലാളികൾ അത് അംഗീകരിക്കുകയും ചെയ്തിരുന്നു. എന്നാൽ അത് പാഴ് വാക്കായി മാറുകയായിരുന്നു. ചുരുക്കം ചില ഓട്ടോറിക്ഷകളിൽ മാത്രമാണ് മീറ്റർ നിരക്കിൽ പണം വാങ്ങുന്നത്. യാത്രക്കാർക്ക് ബുദ്ധിമുട്ടുകൾ ഇല്ലാതെ, അമിത തുക നൽകാതെ യാത്ര ചെയ്യാം എന്നതായിരുന്നു പ്രീപെയ്ഡ് സ്റ്റാൻഡുകളുടെ പ്രത്യേകത. സ്ത്രീകളും കുട്ടികളും ഉൾപ്പെടെയുള്ളവർക്ക് രാത്രി വൈകിയും സുരക്ഷിതമായി യാത്ര ചെയ്യുവാൻ കഴിഞ്ഞിരുന്നു. ഈ നിരക്ക് കൊള്ള എന്ന നിലക്കുമെന്ന ആശങ്കയാണ് യാത്രക്കാർക്ക് പങ്കുവെക്കുവാനുള്ളത്.
കൊച്ചി: ലൈംഗികാതിക്രമം സംബന്ധിച്ച് ബംഗാളി നടിയുടെ പരാതിയില് സംവിധായകനും ചലച്ചിത്ര അക്കാദമി മുന് ചെയര്മാനുമായ രഞ്ജിത്തിനെ പ്രത്യേക അന്വേഷണ സംഘം (എസ്.ഐ.ടി) ചോദ്യംചെയ്തു. എറണാകുളം മറൈന്ഡ്രൈവിലെ തീരദേശ ഐ.ജിയുടെ ഓഫിസില് നടന്ന ചോദ്യംചെയ്യല് രണ്ടര മണിക്കൂറോളം നീണ്ടു. എ.ഐ.ജി പൂങ്കുഴലിയുടെ നേതൃത്വത്തില് നടന്ന ചോദ്യംചെയ്യലില് പ്രത്യേക അന്വേഷണ സംഘത്തിലെ ഡിവൈ.എസ്.പിമാരടക്കം പങ്കെടുത്തു.
വ്യാഴാഴ്ച രാവിലെ 11ഓടെയാണ് രഞ്ജിത്ത് ചോദ്യംചെയ്യലിന് ഹാജരായത്. ‘പാലേരി മാണിക്യ’ത്തില് അഭിനയിക്കാന് വിളിച്ചുവരുത്തിയ തനിക്കുനേരെ ചിത്രത്തിന്റെ സംവിധായകനായ രഞ്ജിത്ത് കൊച്ചിയിലെ ഫ്ലാറ്റില് വെച്ച് ലൈംഗികാതിക്രമം നടത്തിയെന്നാണ് പരാതി. ഈ കേസില് ചുമത്തിയ കുറ്റങ്ങള് ജാമ്യം ലഭിക്കുന്നതാണെന്ന് പ്രോസിക്യൂഷന് അറിയിച്ചതിനെത്തുടര്ന്ന് മുന്കൂര് ജാമ്യാപേക്ഷ ഹൈകോടതി തീര്പ്പാക്കിയിരുന്നു. സിനിമയില് അവസരം വാഗ്ദാനംചെയ്ത് ബംഗളൂരുവില് വെച്ച് പീഡിപ്പിച്ചെന്ന പരാതിയുമായി കോഴിക്കോട് സ്വദേശിയായ യുവാവും രംഗത്തെത്തിയിരുന്നു. ഈ കേസില് കോഴിക്കോട് പ്രിന്സിപ്പല് ജില്ല കോടതി മുന്കൂര് ജാമ്യം അനുവദിച്ചിട്ടുണ്ട്.
അന്വേഷണ സംഘം വിളിച്ചിട്ടാണ് വന്നതെന്ന് മാത്രമാണ് രഞ്ജിത്ത് മാധ്യമങ്ങളോട് പ്രതികരിച്ചത്. ചോദ്യംചെയ്യല് കഴിഞ്ഞ് പുറത്തിറങ്ങിയപ്പോഴും പ്രതികരിക്കാന് തയാറായില്ല. പരാതിക്കാരുടെ മൊഴിയെടുക്കല് പൂര്ത്തിയായാല് കുറ്റാരോപിതരെ ചോദ്യംചെയ്തു തുടങ്ങുമെന്ന് പ്രത്യേക അന്വേഷണ സംഘം നേരത്തേ അറിയിച്ചിരുന്നു.
Ernakulam
അജ്ഞാത വാഹനമിടിച്ച് അത്യാസന്ന നിലയില് കഴിയുന്ന ഒമ്പതുകാരി: ഹൈക്കോടതി സര്ക്കാരിന്റെ വിശദീകരണം തേടി
കൊച്ചി: അജ്ഞാത വാഹനമിടിച്ച് അത്യാസന്നനിലയില് കഴിയുന്ന ഒമ്പതു കാരിയുടെ ചികിത്സയുമായി ബന്ധപ്പെട്ട് േൈഹക്കാടതി സര്ക്കാരിന്റെ വിശദീകരണം തേടി. കണ്ണൂര് മേലെ ചൊവ്വ വടക്കന്കോവില് സുധീറിന്റെയും സ്മിതയുടെയും മകളായ ദൃഷാനയാണ് വടകര ചോറോട് ദേശീയപാതയിലുണ്ടായ അപകടത്തില് പരിക്കേറ്റ് കോഴിക്കോട് മെഡിക്കല് കോളജ് ആശുപത്രിയില് ചികിത്സയില് കഴിയുന്നത്.
സംഭവത്തില് സ്വമേധയാ കേസെടുത്താണ് ജസ്റ്റിസ് അനില് കെ. നരേന്ദ്രന്, ജസ്റ്റിസ് പി.ജി. അജിത് കുമാര് എന്നിവരടങ്ങുന്ന ഡിവിഷന് ബെഞ്ച് വിശദീകരണം തേടിയത്.കഴിഞ്ഞ ഫെബ്രുവരി 17ന് രാത്രി 10ഓടെ ദേശീയപാത മുറിച്ചുകടക്കുമ്പോള് കാറിടിച്ചുണ്ടായ അപകടത്തില് ദൃഷാനയുടെ മുത്തശ്ശി ബേബി തല്ക്ഷണം മരിച്ചിരുന്നു.
ദൃഷാനയുടെ ചികിത്സക്ക് വലിയ തുക നിര്ധന കുടുംബത്തിന് ചെലവായി. ദൃഷാനക്ക് എന്തെങ്കിലും സഹായം ലഭ്യമാക്കാനുമായിട്ടില്ല. ദൃഷാനയുടെ ദുരവസ്ഥയില് ജസ്റ്റിസ് ദേവന് രാമചന്ദ്രന്റെ ഇടപെടലിനെത്തുടര്ന്നാണ് സ്വമേധയാ കേസെടുത്തത്. കോഴിക്കോട് ജില്ല ലീഗല് സര്വിസ് അതോറിറ്റിയുടെയും വിക്ടിം റൈറ്റ്സ് സെന്ററിന്റെയും റിപ്പോര്ട്ടും പരിഗണിച്ചാണ് ഡിവിഷന് ബെഞ്ച് സര്ക്കാറിന്റെയടക്കം വിശദീകരണം തേടിയത്. ഹരജി വെള്ളിയാഴ്ച വീണ്ടും പരിഗണിക്കും.
കൊല്ലം: കൊല്ലം ഡിസിസി വൈസ് പ്രസിഡന്റും പതാരം സര്വീസ് സഹകരണ സംഘം പ്രസിഡന്റും കെഎസ്ആര്ടിസി റിട്ടയേര്ഡ് അസിസ്റ്റന്റ് ഡയറക്റ്ററുമായ കെ. കൃഷ്ണന് കുട്ടിനായര് (71) അന്തരിച്ചു. സംസ്കാരം ഇന്നുച്ച കഴിഞ്ഞു മൂന്നിന് പതാരത്തിനു സമീപം തൃക്കുന്നപ്പുഴവടക്ക് പെരുമന പടിഞ്ഞാറ്റതില് വീട്ടു വളപ്പില്. ഭാര്യ: ദേവമ്മ പിള്ള. മക്കള്: ജയകൃഷ്ണന് (ഡെപ്യൂട്ടി ഡയറക്റ്റര്, സഹകരണ വകുപ്പ്, പെരുന്തല്മണ്ണ), ഹരികൃഷ്ണന് (കാസ്കാര്ഡ് ബാങ്ക്) ജയന്തി കൃഷ്ണന് (റൂറല് ഹൗസിംഗ് സൊസൈറ്റി, കുണ്ടറ). മരുമക്കള്: അനില്കുമാര് (കാനറ ബാങ്ക്, മംഗലാപുരം), വീണ (കെഎന്എന്എം എച്ച്എസ്എസ്, പവിത്രേശ്വരം), ഇനു കൃഷ്ണന്.
-
Featured1 month agoപാലിയേക്കര ടോള്: കരാര് കമ്പനിക്ക് 2128.72 കോടി രൂപ പിഴ ചുമത്തി ദേശീയപാത അതോറിറ്റി
-
Kerala3 months agoതസ്തിക നിർണയം, അവധി ദിനങ്ങൾ പ്രവർത്തിക്കാൻ ആവശ്യപ്പെടുന്ന സർക്കുലർ സർക്കാർ
പിന്വലിക്കുക: കെപിഎസ്ടിഎ -
Featured3 months agoപ്ലസ് വൺ സീറ്റ് പ്രതിസന്ധി: സംസ്ഥാനത്ത് നാളെ കെഎസ്യു വിദ്യാഭ്യാസ ബന്ദ്
-
News3 weeks agoജീവനക്കാരുടെ അവകാശങ്ങൾക്ക് തടസ്സം നിൽക്കുമെന്ന് സർക്കാർ
-
Business1 month agoസംസ്ഥാനത്ത് കോഴി വില കുത്തനെ കുറഞ്ഞു
-
Business3 months agoജിയോയ്ക്കും എയർടെല്ലിനും പിന്നാലെ വോഡാഫോൺ ഐഡിയയും; മൊബൈൽ റീചാർജ് നിരക്ക് വർധിപ്പിച്ചു
-
News4 weeks agoസംഭാവന എല്ലാവരിൽ നിന്നും സ്വീകരിക്കാനുള്ള ഭേദഗതി ഉത്തരവിൽ വരുത്തണം: സെറ്റോ
-
Ernakulam1 month agoശനിയാഴ്ച പ്രവൃത്തിദിനം ഹൈക്കോടതിവിധി സർക്കാരിന് കനത്ത തിരിച്ചടി: കെ പി എസ് ടി എ
You must be logged in to post a comment Login