Connect with us
48 birthday
top banner (1)

Featured

ഗൺമാൻ രാജിനെതിരേ പൊലീസിൽ പൊട്ടിത്തെറി,
നവകേരള സദസ് കഴിഞ്ഞാൽ മുഖ്യമന്ത്രിയെ കാണും

Avatar

Published

on

സി.പി. രാജശേഖരൻ

Advertisement
inner ad

കൊല്ലം: മുഖ്യമന്ത്രിയുടെ സുരക്ഷാ ചുമതലയ്ക്കു നിയോഗിച്ചിട്ടുള്ള ഉദ്യോഗസ്ഥർ, പൊലീസ് മേധാവികളുടെ സാന്നിധ്യത്തിൽ നിയമം കൈയിലെടുക്കുന്നതിനെതിരേ പൊലീസ് ഉന്നതങ്ങളിൽ അതൃപ്തി പുകയുന്നു. ആലപ്പുഴയിൽ മുഖ്യമന്ത്രിക്കെതിരേ പ്രതിഷേധിച്ച യൂത്ത് കോൺഗ്രസ് പ്രവർത്തകരെ പിടികൂടി സുരക്ഷിതമായ സ്ഥലത്തേക്കു മാറ്റുന്നതിനിടെ, ലോക്കൽ ഡിവൈഎസ്പി, സർക്കിൾ ഇൻസ്പെക്റ്റർ എന്നിവരുടെ കരുതലിലേക്കുകടന്നു കയറിയാണ് ഗൺമാൻ അനിൽ ലാത്തി ഉപയോഗിച്ചുപ്രവർത്തകരെ ആക്രമിച്ചത്.
മാരകമായി മുറിവേറ്റ പ്രവർത്തകർക്ക് എന്തെങ്കിലും സംഭവിച്ചാൽ തങ്ങൾക്കാണ് ഉത്തരവാദിത്തമെന്ന് ഈ ഉദ്യോഗസ്ഥർ പറയുന്നു. തന്നെയുമല്ല, മുഖ്യമന്ത്രി ആക്രമിക്കപ്പെടുന്ന സാഹചര്യമുണ്ടായാൽ അദ്ദേഹത്തിനു ദേഹോപദ്രവമേൽക്കാതെ സുരക്ഷിതമായി മാറ്റിക്കൊണ്ടു പോകേണ്ട ഉദ്യോഗസ്ഥൻ അവിടെ നിന്നു മാറി പൊതുനിരത്തിലെത്തി ക്രമസമാധാന ദൗത്യം ഏറ്റെടുത്തത് നിയമ വിരുദ്ധവും കൃത്യവിലോപവുമാണെന്നാണ് മുതിർന്ന ഉദ്യോഗസ്ഥരുടെ വാദം. സേനയിലെ മുതിർന്ന ഉദ്യോഗസ്ഥരെ പോലും നോക്കുകുത്തികളാക്കി, മുഖ്യമന്ത്രിയുടെ പഴ്സണൽ സ്റ്റാഫിൽപ്പെട ഉദ്യോഗസ്ഥർ യജമാനഭക്തി കാണിക്കുകയാണെന്നാണ് ഒരു മുതിർന്ന ഉദ്യോഗസ്ഥൻ വീക്ഷണത്തോടു പ്രതികരിച്ചത്. സിപിഎം സംരക്ഷണയിൽ കഴിയുന്ന ഉദ്യോഗസ്ഥനാണ് അനിൽ എന്നാണ് പൊലീസിലെ തന്നെ വെളിപ്പെടുത്തൽ.
കടുത്ത മാനസിക സമ്മർദത്തിലാണ് സേനയിലെ മിക്കവരും ജോലി ചെയ്യുന്നത്. ഇതു മറി കടക്കാൻ സേനയിലെ മേലുദ്യോഗസ്ഥർ ശ്രമിക്കുന്നില്ലെന്നാണ് ഡിവൈഎസ്പി വരെയുള്ള ഒരു വിഭാഗം ഓഫീസർമാർ പറയുന്നത്. സീനിയോരിറ്റി മറികടന്ന് സേനയുടെ തലപ്പത്തെത്താൻ വെമ്പുന്നവരാണ് മുഖ്യമന്ത്രിയുടെ പിണിയാളുകളായി നിയമം കൈയിലെടുക്കുന്നത്. ശബരിമല ഡ്യൂട്ടിയുടെ പേരിൽ പൊലീസ് ഉദ്യോഗസ്ഥരെ വല്ലാതെ പീഡിപ്പിക്കുകയാണ്. തെക്കൻ ജില്ലകളിലെ പൊലീസ് സ്റ്റേഷനുകളിൽ നിന്നു മൂന്നും നാലും സിപിഒമാരെ ശബരിമല ഡ്യൂട്ടിക്കു ചുമതലപ്പെട്ടുന്നുണ്ട്. രാവും പകലും ഒരു പോലെ ജോലി ചെയ്തു മടങ്ങിയെത്തുന്നവർക്ക് ഒരു ദിവസം പോലും വിശ്രമം അനുവദിക്കാതെ നവകേരള സദസിന്റെ സുരക്ഷാ ചുമതലയും ഏല്പിക്കുന്നു. ഫലത്തിൽ ഓരോ സ്റ്റേഷനിലും ആവശ്യമുള്ളതിന്റെ പകുതി പോലും അംഗങ്ങളില്ല. എല്ലാ വിഭാഗം പൊലീസ് ഉദ്യോഗസ്ഥരും ഇത്രയും കടുത്ത മാനസികാവസ്ഥയിൽ ജോലി ചെയ്യുന്ന സാഹചര്യത്തിൽ മുപ്പതോളം ഓഫീസർമാർ സ്വയം വിരമിക്കലിനു തയാറെടുക്കുകയാണെന്ന് പൊലീസ് ഓഫീസേഴ്സ് അസോസിയേഷനിലെ ഒരു ഭാരവാഹി പറഞ്ഞു.
പൊലീസ് അംഗങ്ങളിൽ ആത്മഹത്യാ പ്രവണതയും വർധിക്കുകയാണ്.  സേനയിൽ കഴിഞ്ഞ അഞ്ച് വര്‍ഷത്തിനിടെ  69 പേർ ആത്മഹത്യ ചെയ്തു. ഇതേ കാലയളവിൽ  12 പേർ ആത്മഹത്യാ ശ്രമവും നടത്തി. ജോലി സമ്മര്‍ദ്ദത്തിന് ഒപ്പം കുടുംബ പ്രശ്നങ്ങളും ആത്മഹത്യകൾക്ക് കാരണമാകുന്നുണ്ടെന്നാണ് പൊലീസ് തയ്യാറാക്കിയ റിപ്പോർട്ടിൽ പറയുന്നത്. സമ്മർദം മറികടക്കാൻ സേനാംഗങ്ങൾക്ക് കൗൺസിലിംഗ് നടത്താൻ പദ്ധതി ഇട്ടെങ്കിലും പണമില്ലെന്നു പറഞ്ഞ് പിന്നീട് ഒഴിവാക്കി.
സേനയിലെ താഴേതട്ടിലുള്ളവർക്കാണ് ഭീഷണിയും വെല്ലുവിളിയും കൂടുതൽ. ആത്മഹത്യയും സ്വയം വിരമിക്കൽ പ്രവണതയും അവരിലാണ് കൂടുതൽ. ഉന്നതങ്ങളിൽ നിന്നുള്ള സമ്മർദം കുറയ്ക്കണമെന്നും സ്വതന്ത്രമായ പൊലീസിംഗ് അനുവദിക്കണമെന്നും ആവശ്യപ്പെട്ട് പൊലീസ് ഓഫീസ് അസോസിയേഷനിലെ ചിലരാണ് മുഖ്യമന്ത്രിയെ കാണാൻ ആലോചിക്കുന്നത്. നവകേരള സദസ് കഴിഞ്ഞാൽ ഇതിനുള്ള അനുമതി തേടും.

Advertisement
inner ad

Featured

ജെഡിഎസിനെ ഒക്കത്തിരുത്തി ഇരട്ടത്താപ്പ് കാണിക്കാൻ സിപിഎമ്മിനും പിണറായിക്കും മാത്രമേ കഴിയൂ; പ്രതിപക്ഷ നേതാവ്

Published

on

തിരുവനന്തപുരം : എച്ച് ഡി കുമാരസ്വാമി കേന്ദ്രമന്ത്രി ആയത് സിപിഎമ്മിന്റെ മൗന അനുവാദത്തോടെ ആണെന്ന് പ്രതിപക്ഷ നേതാവ് വി ഡി സതീശൻ. എൻഡിഎ ഘടകകക്ഷിയെ ഒക്കത്തിരുത്തി ഇരട്ടത്താപ്പ് കാണിക്കാൻ പിണറായി വിജയന് മാത്രമേ കഴിയൂ എന്നും ജെ ഡി എസ് എൽഡിഎഫിലും മന്ത്രിസഭയിലും തുടരുന്നതിൽ മുഖ്യമന്ത്രിയും സിപിഎമ്മും നിലപാട് വ്യക്തമാക്കണമെന്നും വി ഡി സതീശൻ ആവശ്യപ്പെട്ടു.

എന്‍.ഡി.എ ഘടകകക്ഷിയായ ജെ.ഡി.എസിന് രാഷ്ട്രീയ സംരക്ഷണം നല്‍കി എല്‍.ഡി.എഫില്‍ ഉറപ്പിച്ച് നിര്‍ത്തിയിരിക്കുന്നത് സി.പി.എമ്മാണ്. കേന്ദ്ര ഏജന്‍സി അന്വേഷിക്കുന്ന കേസുകള്‍ ഡെമോക്ലീസിന്റെ വാള്‍ പോലെ തലയ്ക്ക് മുകളില്‍ നില്‍ക്കുമ്പോള്‍ ജെ.ഡി.എസിനെതിരെ ഒന്നും ചെയ്യാന്‍ കഴിയാത്ത ഗതികേടിലാണ് മുഖ്യമന്ത്രിയും സി.പി.എം നേതൃത്വവും. കേരളത്തിലും എന്‍.ഡി.എ – എല്‍.ഡി.എഫ് സഖ്യകക്ഷി ഭരണം തന്നെയാണ് നടക്കുന്നത്.

Advertisement
inner ad

കഴിഞ്ഞ സെപ്റ്റംബറിലാണ് ജെഡിഎസ് എന്‍ഡിഎയില്‍ ചേര്‍ന്നത്. അന്ന് മുതല്‍ ഇന്ന് വരെ പിണറായി വിജയനോ ഇടത് നേതാക്കളോ ഒരക്ഷരം മിണ്ടിയിട്ടില്ല. ജെഡിഎസിനെ മുന്നണിയില്‍ നിന്ന് പുറത്താക്കാന്‍ ധൈര്യമുണ്ടോയെന്ന് പ്രതിപക്ഷം ആവര്‍ത്തിച്ച് ചോദിച്ചപ്പോള്‍ മുഖ്യമന്ത്രി മഹാമൗനത്തിന്റെ മാളത്തില്‍ ഒളിച്ചു.

Advertisement
inner ad
Continue Reading

Featured

തൃശൂരിലും പാലക്കാട്ടും ഭൂചലനം

Published

on

തൃശൂര്‍/പാലക്കാട്: തൃശൂരിലും പാലക്കാട്ടും നേരിയ ഭൂചലനം. ഇന്ന് രാവിലെ 8.15ഓടെയാണ് തൃശൂരിലെയും പാലക്കാട്ടെയും വിവിധ പ്രദേശങ്ങളില്‍ നേരിയ ഭൂചലനം അനുഭവപ്പെട്ടത്. തൃശൂര്‍ ചൊവ്വന്നൂരില്‍ രാവിലെ 8.16നാണ് നേരിയ ഭൂചലനം അനുഭവപ്പെട്ടത്. റിക്ടർ സ്കെയിലിൽ മൂന്നു തീവ്രത രേഖപ്പെടുത്തിയതായി ദേശീയ ഭൂചലന നിരീക്ഷണ കേന്ദ്രം. കുന്നംകുളത്തും ഗുരുവായൂർ, എരുമപ്പെട്ടി എന്നിവിടങ്ങളിലും ഭൂചലനം അനുഭവപ്പെട്ടു.

രണ്ട്‌ സെക്കന്റ്‌ നീണ്ടുനിൽക്കുന്ന പ്രകമ്പനമാണ്‌ അനുഭവപ്പെട്ടത്‌. പഴുന്നാന, കടങ്ങോട്‌, ആനായ്‌ക്കൽ തുടങ്ങിയ മേഖലകളിൽ ഭൂചലനം അനുഭവപ്പെട്ടു. ഭൂചലനത്തില്‍ നാശനഷ്ടങ്ങളൊന്നും റിപ്പോര്‍ട്ട് ചെയ്തിട്ടില്ല. പാലക്കാട് തിരുമറ്റക്കോട്, വേലൂർ, മുണ്ടൂര് , ചാഴിയാട്ടിരി മേഖലയിലാണ് ഭൂചലനമുണ്ടായത്. തിരുമറ്റക്കോട് പതിമൂന്നാം വാര്‍ഡ് ചാഴിയാട്ടിരി പ്രദേശത്ത് രാവിലെ 8.15നാണ് ശബ്ദത്തോടെ ഭൂചലനം അനുഭവപ്പെട്ടത്. രണ്ടിടങ്ങളിലായുണ്ടായ ഭൂചലനത്തില്‍ ആളപായമോ മറ്റ് നാശനഷ്ടങ്ങളോ ഇതുവരെ റിപ്പോര്‍ട്ട് ചെയ്തിട്ടില്ല.

Advertisement
inner ad
Continue Reading

Featured

കു​വൈ​ത്ത് ദുരന്തത്തിൽ ധ​ന​സ​ഹാ​യം പ്രഖ്യാ​പി​ച്ച് എം.​എ. യൂ​സ​ഫ​ലി​യും രവി പി​ള്ള​യും

Published

on

തി​രു​വ​ന​ന്ത​പു​രം: കു​വൈ​ത്തിലെ ദുരന്തത്തിൽ മ​രി​ച്ച മ​ല​യാ​ളി​ക​ളു​ടെ കു​ടു​ബ​ത്തി​ന് ധ​ന​സ​ഹാ​യം പ്ര​ഖ്യാ​പി​ച്ച് വ്യ​വ​സാ​യി​ക​ളാ​യ എം.​എ. യൂ​സ​ഫ​ലി​യും രവി പി​ള്ള​യും. അ​പ​ക​ട​ത്തി​ൽ മ​രി​ച്ച​വ​രു​ടെ കു​ടും​ബ​ങ്ങ​ള്‍​ക്ക് നോ​ർ​ക്ക വൈ​സ് ചെ​യ​ർ​മാ​നും ലു​ലു ഗ്രൂ​പ്പ് ചെ​യ​ർ​മാ​നു​മാ​യ എം.​എ. യൂ​സ​ഫ​ലി അ​ഞ്ചു​ല​ക്ഷം രൂ​പ വീ​ത​വും ര​വി പി​ള്ള ര​ണ്ട് ല​ക്ഷം രൂ​പ വീ​ത​വും ന​ല്‍​കും. ഇ​വ​ര്‍ ഇ​ക്കാ​ര്യം മു​ഖ്യ​മ​ന്ത്രി​യെ അ​റി​യി​ച്ചു. നോ​ര്‍​ക്ക മു​ഖേ​ന​യാ​ണ് ഈ ​സ​ഹാ​യം ല​ഭ്യ​മാ​ക്കു​ക.

തീ​പി​ടി​ത്ത​ത്തി​ൽ മ​രി​ച്ച മ​ല​യാ​ളി​ക​ളു​ടെ കു​ടും​ബാം​ഗ​ങ്ങ​ള്‍​ക്ക് സം​സ്ഥാ​ന സ​ര്‍​ക്കാ​ര്‍ അ​ഞ്ച് ല​ക്ഷം രൂ​പ വീ​തം ധ​ന​സ​ഹാ​യം പ്ര​ഖ്യാ​പി​ച്ചി​ട്ടു​ണ്ട്. പ​രി​ക്കേ​റ്റ മ​ല​യാ​ളി​ക​ള്‍​ക്ക് ഒ​രു ല​ക്ഷം രൂ​പ വീ​തം ന​ല്‍​കാ​നും വ്യാ​ഴാ​ഴ്ച ചേ​ര്‍​ന്ന പ്ര​ത്യേ​ക മ​ന്ത്രിസ​ഭാ​യോ​ഗം തീ​രു​മാ​നി​ച്ചു.

Advertisement
inner ad
Continue Reading

Featured