Connect with us
48 birthday
top banner (1)

Kerala

ജീവനക്കാരെയും അധ്യാപകരെയും സർക്കാർ സമരത്തിലേക്ക് ആട്ടിത്തെളിക്കുന്നു: എം.എം. ഹസൻ

Avatar

Published

on

  • സെറ്റോ നയിച്ച അതിജീവന യാത്രയ്ക്ക് തലസ്ഥാനത്ത് പരിസമാപ്തി

തിരുവനന്തപുരം: സംസ്ഥാന സർക്കാർ ജീവനക്കാരുടെ അവകാശങ്ങൾ ഓരോന്നായി കവർന്നെടുത്ത പിണറായി വിജയൻ സർക്കാരിനെതിരേ കർശന താക്കീതുമായി സെറ്റോ നയിച്ച അതിജീവന യാത്രയ്ക്ക് തലസ്ഥാന ന​ഗരിയിൽ പ്രോജ്വല പരിസമാപ്തി. സർക്കാരിന്റെ തൊഴിലാളി വിരു​ദ്ധ- ജീവനക്കാർ വിരുദ്ധ നയങ്ങൾ സമസ്ത മേഖലകളിലും അതൃപ്തി പടർത്തുകയാണെന്ന് സമാപന സമ്മേളനം ഉദ്ഘാടനം ചെയ്ത യുഡിഎഫ് കൺവീനർ എം.എം. ഹസൻ അഭിപ്രായപ്പെട്ടു.
സർക്കാർ സേവനങ്ങൾ പരിമിതപ്പെടുത്താനുള്ള നീക്കം ചെറുക്കുമെന്ന് ഹസ്സൻ അഭിപ്രായപ്പെട്ടു. അധ്യാപകരെയും ജീവനക്കാരെയും സർക്കാർ നിർബന്ധിത പണിമുടക്കിലേക്ക് തള്ളിവിടുകയാണ്. സാമ്പത്തിക പ്രതിസന്ധിയാണെന്ന് വാതോരാതെ പറയുന്ന മുഖ്യമന്ത്രി, ​ പൊതു ഖജനാവ് ധൂർത്തടിച്ച് അധികാരം ആസ്വദിക്കുകയാണ്. നവ കേരള സദസ്സിന്റെ മറവിൽ കേരളത്തിൽ ഭീകരാന്തരീക്ഷം സൃഷ്ടിക്കുകയാണ് മുഖ്യമന്ത്രി. സർക്കാർ ചെലവിൽ പിണറായി വിജയൻ ഇലക്ഷൻ പ്രചാരണം നടത്തുകയാണെന്നും ഹസൻ ചൂണ്ടിക്കാട്ടി.
സെറ്റോ ചെയർമാൻ ചവറ ജയകുമാർ ക്യാപ്റ്റനും കെ അബ്ദുൽ മജീദ് വൈസ് ക്യാപ്റ്റനും കെ സി സുബ്രഹ്മണ്യം മാനേജരുമായ അതിജീവന യാത്ര കാസർഗോഡ് നിന്ന് ആരംഭിച്ച് തിരുവനന്തപുരത്ത് സമാപിക്കുകയായിരുന്നു.
സമാപന സമ്മേളനത്തിൽ സെറ്റോ ചെയർമാൻ ചവറ ജയകുമാർ അധ്യക്ഷത വഹിച്ചു. മരിയാപുരം ശ്രീകുമാർ, കെ . അബ്ദുൽ മജീദ്, കെ. സി. സുബ്രഹ്മണ്യം, എ. എം. ജാഫർ ഖാൻ, പി. കെ. അരവിന്ദൻ, കമ്പറ നാരായണൻ,എം. എസ്. ഇർഷാദ്, ആർ. അരുൺകുമാർ, രാധാകൃഷ്ണൻ ,ഒ. ടി. പ്രകാശ് ,പ്രദീപ് കുമാർ, കെ . ബിനോദ്. അനിൽ എം ജോർജ്, എസ്. മനോജ്, ബി. എസ് .രാജീവ് എം .ജെ . തോമസ് ഹെർബിറ്റ്, ബി. അനിൽകുമാർ, ഹരികുമാർ, അരുൺ, മോഹന ചന്ദ്രൻ, വട്ടപ്പാറ അനിൽ എന്നിവർ സംസാരിച്ചു.

Continue Reading
Advertisement
inner ad
Click to comment

You must be logged in to post a comment Login

Leave a Reply

Death

സാമ്പത്തിക ബുധിമുട്ടിനെ തുടർന്ന് അച്ഛനും മകനും വിഷം കഴിച്ചു; അച്ഛൻ മരിച്ചു

Published

on

പാലക്കാട്: കൊല്ലങ്കോട് അച്ഛനും മകനും വിഷം കഴിച്ചു. അച്ഛൻ മരിച്ചു. എലവഞ്ചേരി പെരുങ്ങോട്ടുകാവ് കാവുങ്ങൽ വീട്ടിൽ എം. വേലൻകുട്ടി (89) ആണ് മരിച്ചത്‌. മകൻ ഉണ്ണിക്കൃഷ്ണൻ (58) ജില്ലാ ആശുപത്രിയിൽ തീവ്രപരിചരണ വിഭാഗത്തിലാണ്. വിഷം കഴിക്കുന്ന സമയത്ത് വീട്ടിൽ ആരുമില്ലായിരുന്നുവെന്നാണു സൂചന. വെള്ളിയാഴ്ച രാത്രിയിലാണ് ഇരുവരെയും വിഷം കഴിച്ച് അവശനിലയിൽ ബന്ധുക്കൾ കാണുന്നത്.

Advertisement
inner ad

മരിച്ച വേലൻകുട്ടിയുടെ അസുഖവും സാമ്പത്തിക പ്രയാസങ്ങളും കാരണമാണ് ഇരുവരും വിഷം കഴിച്ചതെന്നാണ് കൊല്ലങ്കോട് പൊലീസ് പറയുന്നത്. വേലൻകുട്ടി കഴുത്തിൽ അർബുദ ബാധിതനായതിനെ തുടർന്നു വീട്ടിൽ വിശ്രമത്തിലായിരുന്നു. ഉണ്ണികൃഷ്ണൻ ലോറി ഡ്രൈവറാണ്. വേലൻകുട്ടിയുടെ മൃതദേഹം ജില്ലാ ആശുപത്രി മോർച്ചറിയിൽ.

Advertisement
inner ad
Continue Reading

Kerala

തൃശൂരിൽ മാത്രമല്ല പാലക്കാടും നേരിയ ഭൂചലനം

Published

on

പാലക്കാട്: തൃശ്ശൂരിൽ മാത്രമല്ല പാലക്കാടും നേരിയ ഭൂചലനം അനുഭവപെട്ടു. ഭൂചലനം അനുഭവപ്പെട്ടത്. പാലക്കാട് ജില്ലയുടെ പടിഞ്ഞാറൻ മേഖലയിൽ ഇന്ന് രാവിലെയാണ് ഭൂചലനമുണ്ടായത്. ഇന്നു രാവിലെ എട്ടു മണിക്കുശേഷം തിരുമിറ്റക്കോട്, കക്കാട്ടിരി, ചാലിശ്ശേരി, നാഗലശ്ശേരി, കോട്ടപ്പാടം, കോതച്ചിറ, എഴുമങ്ങാട്, കപ്പൂർ, മതുപ്പുള്ളി, കുമരനെല്ലൂർ തുടങ്ങിയ സ്ഥലങ്ങളിലാണ് ഭൂമിക്കടിയിൽനിന്ന് മുഴക്കം അനുഭവപ്പെട്ടത്. വീടുകളുടെ ജനച്ചില്ലുകൾക്ക് കുലുക്കം അനുഭവപ്പെട്ടു. ഇതോടെ ആളുകൾ പരിഭ്രാന്തരായി.

Advertisement
inner ad
Continue Reading

Accident

ചൂണ്ടയിടാൻ പോയ കുട്ടികൾ മുങ്ങിമരിച്ചു

Published

on

കോട്ടയം: കുളത്തിൽ ചൂണ്ടയിടാൻ പോയ രണ്ടുകുട്ടികൾ കുളത്തിൽ വീണു മരിച്ചു. കോട്ടയം തൃക്കൊടിത്താനത്താണ് അപകടമാണ്ടായത്. കുറിച്ചി സ്വദേശി അഭിനവ് (12) മാടപ്പള്ളി സ്വദേശി ആദർശ് (15) എന്നിവരാണ് മരിച്ചത്.

Advertisement
inner ad
Continue Reading

Featured