Connect with us
48 birthday
top banner (1)

Featured

രാജാവ് നഗ്നനാണ്, മുഖം വികൃതവും

Avatar

Published

on

  • PIN POINT
  • ഡോ. ശൂരനാട് രാജശേഖരൻ

ഒടുവിൽ സിപിഐക്ക് അതു വിളിച്ചു പറയേണ്ടി വന്നു. രാജാവ് നഗ്നനാണെന്ന്. ഭരണത്തിന്റെ മുഖം വളരെ വികൃതമാണെന്നും. സിപിഎം നയിക്കുന്ന ഇടതു മുന്നണിയിലും മുഖ്യമന്ത്രി പിണറായി വിജയൻ നയിക്കുന്ന സർക്കാരിലും അടിമപ്പണിയാണു സിപിഐ ചെയ്യുന്നതെന്നു കൂടി നേതാക്കൾ തുറന്നടിച്ചു. മുൻകാലങ്ങളിൽ ഏതു സർക്കാർ അധികാരത്തിലിരുന്നപ്പോഴും തെറ്റായ നിലപാടുകളെ നിശിതമായി എതിർത്ത് തിരുത്തിയിട്ടുള്ള പാർട്ടിയായിരുന്നു സിപിഐ. കോൺഗ്രസ് പക്ഷത്തുണ്ടായിരുന്നപ്പോഴും ഇടതു മുന്നണിയിലേക്കു മാറിയപ്പോഴും സ്വന്തം വ്യക്തിത്വം വിട്ടൊരു കളിയില്ലായരുന്നു സിപിഐ എന്ന പ്രസ്ഥാനത്തിന്. പക്ഷേ, അതിന്റെ നിഴൽപോലുമല്ല ഇന്നത്തെ പാർട്ടിയെന്നാണ് പാർട്ടിക്കുള്ളിൽ പോലും ഉയരുന്ന വിമർശനം.


  മൂന്നു ദിവസം നീണ്ട പാർട്ടിയുടെ സംസ്ഥാന കൗൺസിൽ യോഗത്തിലായിരുന്നു തുറന്നുപറച്ചിൽ. സിപിഐ ഒരു ചെറിയ പാർട്ടിയല്ല. ഇന്നു കേരളം ഭരിക്കുന്ന ഇടതു മുന്നണിയിലെ രണ്ടാമത്തെ വലിയ കക്ഷി. പണ്ടു മുതലേ അതങ്ങനെ ആയിരുന്നു. രണ്ടാമത്തെ വലിയ കക്ഷി. പക്ഷേ, കോൺഗ്രസിനൊപ്പം നിന്നപ്പോൾ രണ്ടാമത്തെ കക്ഷി  ആയിട്ടും സി. അച്യുത മേനോനെയും പി.കെ. വാസുദേവൻ നായരെയും കേരളത്തിൽ മുഖ്യമന്ത്രിമാരാക്കി. കമ്യൂണിസ്റ്റ് മുഖ്യമന്ത്രിമാരുടെ ലാളിത്യത്തിന്റെ പ്രതീകങ്ങളായിരുന്നു അവർ രണ്ടു പേരും.
ഇന്നോ? ജനങ്ങൾ തെരഞ്ഞെടുത്തുവിട്ട ഒരു മുഖ്യമന്ത്രിക്ക് സഞ്ചരിക്കണമെങ്കിൽ അൻപത് വാഹനങ്ങളുടെ അകമ്പടി വേണം. ഈ വാഹനവ്യൂഹം കടന്നുപോകുന്നതിന് മണിക്കൂറുകൾക്കു മുൻപേ വഴിയടച്ച് ജനങ്ങളെ ബന്ധികളാക്കുന്നു. ആംബുലൻസുകൾ പോലും കടത്തി വിടുന്നില്ല. സംശയമുള്ള പ്രതിപക്ഷ നേതാക്കളെ കരുതൽ തടങ്കലിൽ വയ്ക്കുന്നു. കിരാതമായ ഭരണത്തിന്റെ തെളിവുകളാണ് ഇതെല്ലാമെന്നാണ് സിപിഐ വിലയിരുത്തുന്നത്.

മുനയൊടിഞ്ഞ പാർട്ടിയും
മുടന്തൻ ന്യായങ്ങളും

 മുഖ്യമന്ത്രിക്ക് ഒരുക്കുന്ന അൻപത് വാഹനങ്ങളുടെ അകമ്പടി അദ്ദേഹത്തിന്റെ മതിപ്പ് കൂട്ടുകയല്ല, ജനങ്ങൾക്കിടയിൽ അവമതിപ്പാണ് വർധിപ്പിക്കുന്നതെന്നും സിപിഐ വിലയിരുത്തുന്നു. കേരളത്തിലെ ഒരു കരിമണൽ കമ്പനിയിൽ നിന്ന് മുഖ്യമന്ത്രിയുടെ മകൾ നോക്കുകൂലിയായി 1.72 കോടി രൂപ വാങ്ങിയെന്ന ആദായ നികുതി വകുപ്പിന്റെ വെളിപ്പെടുത്തൽ എത്രമാത്രം ദുഷിച്ചു നാറുന്നതാണ്. അതിനു മുഖ്യമന്ത്രി നൽകിയ വിശദീകരണം ഒട്ടും തൃപ്തികരമല്ലെന്നും സംസ്ഥാന കൗൺസിൽ അംഗങ്ങൾ ചൂണ്ടിക്കാട്ടി. കഴിഞ്ഞ രണ്ടര വർഷത്തെ ഭരണത്തിൽ കേരളത്തിന് കാര്യമായ ഒരു സംഭാവനയും ചെയ്യാൻ ഇടതു സർക്കാരിനു കഴിഞ്ഞില്ല. നടക്കുന്നതെല്ലാം ഭൂ മാഫിയ, ക്വാറി മാഫിയ ഇടപെടലുകളും കോർപ്പറേറ്റ് തട്ടിപ്പുകളും കമ്മിഷൻ കച്ചവടങ്ങളും മാത്രം. മന്ത്രിമാരുടെ പഴ്സണൽ സ്റ്റാഫ് അംഗങ്ങൾ വരെ കൈക്കൂലി കേസിൽ കുടുങ്ങുന്നു. സെക്രട്ടേറിയറ്റ് വളപ്പിൽ പോലും ആൾമാറാട്ടം നടത്തി കൈക്കൂലി തരപ്പെടുത്താൻ മാത്രം അഴിമതി സർവവ്യാപിയായി. ഇതെല്ലാം മറന്നും മാറ്റിവച്ചും മുഖ്യമന്ത്രിയും മന്ത്രിമാരും നിയോജക മണ്ഡലം പര്യടനത്തിന് ഒരു ബസിൽ കയറി വന്നാൽ ജനങ്ങൾ കൂവിയോടിക്കുമെന്ന മുന്നറിയിപ്പ് കൂടി നൽകുന്നുണ്ട്, സിപിഐയിലെ നട്ടെല്ല് പണയപ്പെടുത്തിയിട്ടില്ലാത്ത ചില നേതാക്കൾ.
നേതൃത്വത്തിനെതിരേ ഇത്ര രൂക്ഷമായ വിമർശനം ഉയർന്നപ്പോഴും സ്വയം തിരുത്താനോ പാർട്ടിയെ തിരുത്താനോ നേതൃത്വത്തിനു കഴിയുന്നില്ല. തന്നെയുമല്ല, സ്വന്തം പാർട്ടിക്കുള്ളിൽ നിന്നുയർന്ന വിമർശനങ്ങളെ ലഘൂകരിച്ചു കാണാനാണ് പാർട്ടി സെക്രട്ടറി കാനം രാജേന്ദ്രൻ ശ്രമിച്ചത്. അധികാരത്തിലിരിക്കുന്ന സർക്കാരുകൾക്കെതിരേ വിമർശനങ്ങളുയരുക സ്വാഭാവികം എന്നായിരുന്നു കാനത്തിന്റെ മറുപടി. ഇന്നു വാഴ്ത്തപ്പെടുന്ന പഴയ സർക്കാരുകൾക്കെതിരേയും വിമർശനങ്ങളുയർന്നിട്ടുണ്ടുപോലും.  സാമ്പത്തിക പ്രതിസന്ധിയും അനുബന്ധ പ്രശ്നങ്ങളും സർക്കാരിന്റെ പ്രവർത്തനങ്ങളെ ബാധിക്കുന്നുണ്ട്. അതിനെതിരേ പ്രതിപക്ഷം വലിയ തോതിൽ പ്രതിഷേധിക്കുകയാണ്. അതിനൊപ്പം ചേരാൻ സിപിഐക്കു കഴിയില്ല. മുഖ്യമന്ത്രിയുടെ ആഡംബര യാത്രയോടും സിപിഐക്കു പ്രതികരിക്കാനോ തിരുത്താനോ കഴിയില്ല. സിപിഎമ്മും മുഖ്യമന്ത്രിയുമാണ് അതിനു മറുപടി പറയേണ്ടത്- കാനം രാജേന്ദ്രൻ വിമർശനങ്ങളോടു പ്രതികരിച്ചത് ഇങ്ങനെ.
ഇതിനെക്കാൾ ഭയാനകമായ എന്തു മറുപടിയാണ് ഒരു പാർട്ടി സെക്രട്ടറിയിൽ നിന്നുണ്ടാകേണ്ടത്? ആരെയാണു കാനം ഭയപ്പെടുന്നത്. അല്ലെങ്കിൽ എന്തുകൊണ്ടാണ് ഇങ്ങനെ ഭയപ്പെടുന്നത്? മൂന്നു തവണ പാർട്ടി സെക്രട്ടറിയായി തെരഞ്ഞെടുക്കപ്പെട്ട ഒരു സീനിയർ നേതാവിൽ നിന്ന് പ്രതീക്ഷിക്കാവുന്ന വാക്കുകളല്ല ഇതൊന്നും. കാനം അദ്ദേഹത്തിന്റെ മുൻഗാമികളെ മറക്കരുത്. എം.എൻ ഗോവിന്ദൻ നായരും ടി.വി. തോമസും പി.കെ. വാസുദേവൻ നായരും വെളിയം ഭാർഗവനും സി.കെ. ചന്ദ്രപ്പനുമൊക്കെ ഇരുന്ന കസേരയിലാണ് ഇപ്പോൾ കാനം ഇരിക്കുന്നത്. രാഷ്‌ട്രീയത്തിലെ തറ്റായ തീരുമാനങ്ങളോട് അവർ പ്രതികരിച്ചത് ഇങ്ങനെ ആയിരുന്നില്ല.

Advertisement
inner ad

ഇഎംഎസിനെ തിരുത്തിയവർ
പിണറായിയെ ഭയക്കുന്നു

ഇഎംഎസിന്റെയും എകെജിയുടെയും മുഖത്ത് വിരൽ ചൂണ്ടി സംസാരിച്ചവരാണ് ഗോവിന്ദൻ നായരും ടി.വി തോമസുമൊക്കെ. യോജിക്കാനാവാത്ത നിലപാടുകളെ ശക്തിയുക്തം എതിർത്ത് പരാജപ്പെടുത്തിയിട്ടുണ്ട് സിപിഐ. കഴിയാതെ വന്നപ്പോൾ സിപിഎം തടവറ വിട്ട് പുറത്തു വന്നിട്ടുമുണ്ട്. 1969ൽ കേരളം അതു കണ്ടതാണ്. കർഷകരെ കണ്ണീരിലാഴ്ത്തിയ വെട്ടി നിരത്തൽ സമരം ഓർമയിലുള്ളവരുണ്ടാകും. സ്വന്തം മണ്ണിൽ ഇഷ്ടമുള്ള കൃഷി ചെയ്യാനും മണ്ണിട്ടു നികത്തി ഒരു കൂര വയ്ക്കാനം ചെറുകിട ഭൂ ഉടമകളെ പോലും അനുവിക്കാതിരുന്ന, അവരുടെ ജീവിത മാർഗങ്ങളെല്ലാം വെട്ടിനിരത്തി, കർഷക തൊഴിലാളി യൂണിയനെ മുൻനിർത്തി വി.എസ്. അച്യുതാനന്ദൻ നയിച്ച സമരം. ഈ സമരം പരിധി വിടുകയും ജനരോഷം ശക്തമാകുകയും ചെയ്തപ്പോൾ വെളിയം ഭാർഗവൻ സമരത്തെ തള്ളിപ്പറഞ്ഞു. ജനിവിരുദ്ധ പ്രക്ഷോഭത്തിൽ നിന്ന് സിപിഎം പിന്മാറണമെന്ന് ആവശ്യപ്പെട്ടു. കർക്കശക്കാരനായ വി.എസ് അച്യുതാനന്ദൻ പോലും പിന്നീട് വെട്ടിനിരത്താൻ പോയില്ല.
മറ്റൊരു തിരുത്തായിരുന്നു രണ്ടായിരാമാണ്ടിലെ രാജ്യസഭാ തെരഞ്ഞെടുപ്പ്. ഊഴപ്രകാരം അതു സിപിഐക്കു ലഭിക്കേണ്ട അവസരം. വെളിയം ഭാർഗവൻ വി.വി. രാഘവന്റെ പേര് പ്രഖ്യാപിച്ചു. അപ്പോഴുണ്ട് എകെജി സെന്ററിൽ നിന്ന് പുതിയൊരു നിർദേശം വരുന്നു. മുതിർന്ന ട്രേഡ് യൂണിയൻ നേതാവ് കെ.എൻ രവീന്ദ്രനാഥനെ സ്ഥാനാർഥിയാക്കാനായിരുന്നു സിപിഎം തീരുമാനം. അതെങ്ങനെ ശരിയാവുമെന്ന് വെളിയം. തർക്കം ഇടതു മുന്നണി യഗത്തിലെത്തി. ഒടുവിൽ സിപിഐക്ക് അവകാശപ്പെട്ട സീറ്റിൽ സിപിഐ സ്ഥാനാർഥി തന്നെ മത്സരിക്കുമെന്ന് വെളിയം കട്ടായം പറഞ്ഞു. അതോടെ സിപിഐക്കു മുന്നിൽ കീഴടങ്ങി സിപിഎം രവീന്ദ്രനാഥിനെ പിൻവലിച്ചു.

മാണിയുടെ നോട്ടെണ്ണൽ യന്ത്രവും
നിയമസഭയിലെ കൈയാങ്കളിയും

2005ൽ  ഡിഐസി രൂപം കൊണ്ടപ്പോൾ എൽഡിഎഫിന്റെ ഭാഗമാകുമെന്നു വലിയ പ്രചാരണമുണ്ടായി. പക്ഷേ, സിപിഐ വഴങ്ങിയില്ല. വെളിയത്തിന്റെ ശക്തമായ എതിർപ്പിനൊടുവിൽ ഡിഐസി ബന്ധം സിപിഎം വേണ്ടെന്നു വച്ചു. അതായിരുന്നു സിപിഐക്കാരുടെ ആശാനായിരുന്ന വെളിയം ഭാർഗവന്റെ കാർക്കശ്യം. എന്നാൽ കാനം രാജേന്ദ്രൻ സെക്രട്ടറിയായിരിക്കെ, ബാർ കോഴക്കേസിൽ കുടുക്കി നിയമസഭയിലും പുറത്തും സിപിഎം നിരന്തരം വേട്ടയാടിയ കേരള കോൺഗ്രസ് മാണി വിഭാഗത്തെ ഇടതുമുന്നണിയിൽ എടുക്കാൻ അര മണിക്കൂർ ചർച്ച പോലും വേണ്ടിവന്നില്ല.
2021ലെ നിയമസഭാ തെരഞ്ഞെടുപ്പിൽ വി.എൻ. വാസവന്റെ ശ്രമഫലമായി കേരള കോൺഗ്രസ് ജോസ് കെ മണി വിഭാഗം ഇടതുപക്ഷത്തേക്കു പോകാൻ തീരുമാനിക്കുന്നു. കേരള കോൺഗ്രസ് വരുന്നത് തങ്ങൾക്ക് ഇടതുമുന്നണിയിലെ സ്വാധീനം നഷ്ടമാക്കുമെന്ന് കണ്ട് ജോസ് കെ മാണിയെ പ്രതിരോധിക്കാൻ സിപിഐ തീരുമാനിച്ചു. എന്നാൽ അക്കാര്യം ഇടതു മുന്നണിയിൽ ഒന്നെഴുന്നേറ്റ് നിന്ന് പറയാൻ പോലും സിപിഐയിൽ ആരുമുണ്ടായില്ല. ധനമന്ത്രിയായിരുന്ന കെ.എം. മാണിയെ ബജറ്റ് അവതരിപ്പിക്കാൻ അനുവദിക്കാതെ തലസ്ഥാന നഗരം അപ്പാടെ മനുഷ്യ വിസർജ്യം കൊണ്ടു നിറയ്ക്കുകയും നിയമസഭയിലെ ഉപകരണങ്ങൾ തല്ലിത്തകർക്കുകയും ചെയ്ത ഇടതു സമരം എന്തിനായിരുന്നു എന്നെങ്കിലും ചോദിക്കാമായിരുന്നു കാനത്തിനും അദ്ദേഹത്തിന്റെ പാർട്ടിക്കും.
 കോട്ടയം, പത്തനംതിട്ട, എറണാകുളം ജില്ലകളിൽ കാലങ്ങളായി സിപിഐ മത്സരിക്കുകയും വിജയിക്കുകയും ചെയ്ത പല സുപ്രധാന തദ്ദേശ വാർഡുകളും കേരള കോൺഗ്രസ് ഏറ്റെടുത്തു. അപമാനിതനായി കാനം രാജേന്ദ്രൻ അതു നോക്കിയിരുന്നു. ഒരുകാര്യം ഉറപ്പ്. വരാനിരിക്കുന്ന തരഞ്ഞെടുപ്പുകളിൽ സിപിഎമ്മിനെ പോലെ സിപിഐയെയും കാത്തിരിക്കുന്നത് വലിയ തിരിച്ചടികളാണ്. അതൊഴിവാക്കാൻ സിപിഎം തടവറ വിട്ടു പുറത്തു വരാൻ സജ്ജമാക്കുന്ന പുതിയ നേതൃത്വമാണ് കാലം സിപിഐയോട് ആവശ്യപ്പെടുന്നത്.

Advertisement
inner ad
Continue Reading
Advertisement
inner ad
Click to comment

You must be logged in to post a comment Login

Leave a Reply

Featured

പ്രതിസന്ധി ഘട്ടങ്ങളിൽ എന്റെ കരുത്തായി; വയനാട് ജനതയ്ക്ക് ഹൃദയനിർഭരമായ കത്തെഴുതി രാഹുൽഗാന്ധി

Published

on

കൽപ്പറ്റ: പ്രതിസന്ധിഘട്ടങ്ങളിൽ കരുത്തായി നിന്ന വയനാട് ലോക്സഭാ മണ്ഡലത്തിലെ ജനങ്ങൾക്ക് ഹൃദയനിർഭരമായ കത്തെഴുതി രാഹുൽഗാന്ധി. ഏറെ ഹൃദയവേദനയോടെയാണ് മണ്ഡലം ഒഴിയാനുള്ള തീരുമാനം എടുത്തതെന്നും തുടർന്നും കൂടെയുണ്ടാകുമെന്നും രാഹുൽ ഗാന്ധി കത്തിൽ വ്യക്തമാക്കുന്നു. രാജ്യത്തിന് വേണ്ടിയുള്ള പോരാട്ടത്തിന് പിന്തുണ അഭ്യർഥിച്ച് അഞ്ചുവർഷം മുൻപ് നിങ്ങളുടെ മുൻപിലേക്ക് വരുമ്പോൾ താൻ അപരിചിതനായിരുന്നുവെന്നും എന്നിട്ടും തന്നെ വയനാട്ടിലെ ജനങ്ങൾ ഹൃദയത്തോട് ചേർത്തണച്ചുവെന്നും രാഹുൽ കത്തിൽ പറയുന്നു. അവാച്യമായ സ്നേഹത്തോടെയും വാത്സല്യത്തോടെയും നിങ്ങളെന്നെ സ്വീകരിച്ചു. നിങ്ങൾ ഏത് രാഷ്ട്രീയ പ്രസ്ഥാനത്തെ പിന്തുണച്ചുവെന്നതോ, ഏത് സമുദായത്തിൽ നിന്നുള്ളയാളാണെന്നോ, ഏത് മതത്തിൽ വിശ്വസിച്ചെന്നോ, ഏത് ഭാഷയാണ് സംസാരിച്ചതെന്നോ പ്രശ്നമായിരുന്നില്ല. രാജ്യത്തോട് സത്യം വിളിച്ചു പറഞ്ഞതിന്റെ പേരിൽ ഓരോ ദിവസവും അധിക്ഷേപിക്കപ്പെട്ടപ്പോഴും വേട്ടയാടപ്പെട്ടപ്പോഴും തന്നെ ചേർത്തു നിർത്തി സംരക്ഷിക്കുകയും ആശ്വസിപ്പിക്കുകയും ചെയ്തു.

Advertisement
inner ad

തന്റെ അഭയവും വീടും കുടുംബവുമായിരുന്നു വയനാട്ടിലെ ജനങ്ങൾ. തന്റെ പോരാട്ടത്തിൻ്റെ ഊർജ്ജ പ്രവാഹമായി വയനാട്ടിലെ ജനത നിലകൊണ്ടു എന്ന് വൈകാരികമായി അദ്ദേഹം എഴുതി. ഒരു നിമിഷം പോലും തളരാതെ മനുഷ്യരോട് സംവദിക്കാനുള്ള, അവൻ്റെ ആകുലതകൾ ഏറ്റെടുക്കാനുള്ള പ്രചോദനം നിങ്ങളായിരുന്നുവെന്നും രാഹുൽ ഗാന്ധി കത്തിൽ പറയുന്നു. കേരളത്തെ വിഴുങ്ങിയ പ്രളയകാലം മനസിൽ വിങ്ങലായി ഇപ്പോഴും അവശേഷിക്കുന്നുവെന്ന് സൂചിപ്പിച്ച അദ്ദേഹം വയനാട്ടിലെ ജനങ്ങൾ നൽകിയ എണ്ണമറ്റ പൂക്കളും ആലിംഗനങ്ങളും നിരുപാധികമായ സ്നേഹവും ഹൃദയ താളമായി എന്നുമുണ്ടാകുമെന്ന് ഓർമിപ്പിക്കുന്നു. പാർലമെന്റിൽ വയനാടിന്റെ ശബ്ദമാകാൻ കഴിഞ്ഞത് ചാരിതാർഥ്യവും അഭിമാനവുമായിരുന്നുവെന്നും യാത്ര പറയുന്നതിൽ അഗാധമായ ഹൃദയ വേദനയുണ്ടെന്നും സൂചിപ്പിക്കുന്ന രാഹുൽ ഗാന്ധി ഇനി വയനാടിനെ പ്രതിനിധീകരിക്കാൻ സഹോദരി പ്രിയങ്കയുണ്ടാകുമെന്നും അവർക്ക് എല്ലാവിധ പിന്തുണ നൽകണമെന്നും അഭ്യർഥിക്കുന്നു.

രാജ്യത്തുടനീളം പ്രചരിക്കുന്ന വിദ്വേഷത്തെയും അക്രമത്തെയും പരാജയപ്പെടുത്തുക എന്നതാണ് തൻ്റെ പ്രതിബദ്ധതയെന്നും പ്രതിസന്ധിഘട്ടങ്ങളിൽ ഒരു മാതാവിനെ പോലെ ചേർത്തണച്ച വയനാടിനൊടൊപ്പം എന്നും താൻ കൂടെയുണ്ടാകുമെന്ന വാക്ക് നൽകുന്നുവെന്നും പറഞ്ഞാണ് രാഹുൽ ഗാന്ധി കത്ത് അവസാനിപ്പിക്കുന്നത്ലോകസഭ തിരഞ്ഞെടുപ്പിൽ വയനാടിന് പുറമെ റായ്ബറേലിയിൽ നിന്നും മത്സരിച്ചു ജയിച്ച രാഹുൽ വയനാട് ലോക്‌സാഭാഗത്വം ഒഴിയാനും റായ്ബറെലി നിലനിർത്തുവാനും തീരുമാനിച്ചിരുന്നു. ഒഴിവിലേക്ക് വരുന്ന ഉപതിരഞ്ഞെടുപ്പിൽ വയനാടിൽ പ്രിയങ്ക ഗാന്ധിയുടെ സ്ഥാനാർഥിത്വം എ. ഐ. സി. സി. പ്രസിഡന്റ് മല്ലികാർജജുൻ ഖർഗെ പ്രഖ്യാപിച്ചിരുന്നു.

Advertisement
inner ad
Continue Reading

Featured

നീറ്റ് പരീക്ഷാ ക്രമക്കേട്; സർക്കാർ പരീക്ഷകളുടെ വിശ്വാസ്യത തകർന്നു: കെ സി വേണുഗോപാൽ

Published

on

ആലപ്പുഴ: നീറ്റ് പരീക്ഷാ ക്രമക്കേട് പുറത്തു വന്നതോടെ എല്ലാ സർക്കാർ പരീക്ഷകളുടെയും വിശ്വാസ്യത ഇല്ലാതായെന്ന് എഐസിസി ജനറൽ സെക്രട്ടറി കെ സി വേണുഗോപാൽ. ചോദ്യപേപ്പർ കച്ചവടമാണ് നടന്നത്. മാനവ വിഭവശേഷി വകുപ്പ് മന്ത്രി ധർമേന്ദ്ര പ്രധാന് ഇതിൻ്റെ ധാർമ്മിക ഉത്തരവാദിത്തമുണ്ട്. ഇതിനെല്ലാം ഉത്തരം പറയേണ്ടതായി വരുമെന്നും ഉത്തരം പറയിക്കുമെന്നും കെ സി വേണുഗോപാൽ പറഞ്ഞു.

പരീക്ഷാ ക്രമക്കേട് തടയാൻ വേണ്ടത്ര മാർഗ്ഗനിർദേശങ്ങളും പരിഹാരവും ഉണ്ടാകുന്നത് വരെ സമരം തുടരും. ഇത്രയൊക്കെ ഈ നാട്ടിൽ നടന്നിട്ടും പ്രധാനമന്ത്രി മൗനത്തിലാണ്. നീറ്റ് പരീക്ഷ ഒഴിവാക്കണമെന്ന ആവശ്യത്തിൽ കോൺഗ്രസ് നിലപാട് സ്വീകരിച്ചിട്ടില്ല. തമിഴ്നാട് മുഖ്യമന്ത്രി ദീർഘകാലമായി ആവശ്യപ്പെടുന്ന വിഷയമാണ്. പുതിയ സാഹചര്യത്തിൽ കോൺഗ്രസ് ആലോചന നടത്തുമെന്നും വേണുഗോപാൽ പറഞ്ഞു.

Advertisement
inner ad
Continue Reading

Featured

ടി.പി വധക്കേസിലെ പ്രതികളെ വിട്ടയക്കാൻ സർക്കാർ നീക്കം

Published

on

കണ്ണൂർ: ടി.പി ചന്ദ്രശേഖരൻ വധക്കേസിലെ പ്രതികൾക്ക് ശിക്ഷയിൽ ഇളവ് നൽകാനുള്ള നീക്കവുമായി സർക്കാർ.കേസിൽ ഉൾപ്പെട്ട മൂന്ന് പ്രതികളെ ശിക്ഷയിൽ ഇളവ് നൽകി വിട്ടയക്കാനാണ് നീക്കം. ടികെ രജീഷ്,മുഹമ്മദ് ഷാഫി, അണ്ണൻ സിജിത്ത് എന്നിവരാണ് പട്ടികയിലുള്ളത്.

ശിക്ഷായിളവിന് മുന്നോടിയായി പ്രതികളുടെ പൊലീസ് റിപ്പോർട്ട് ആവശ്യപ്പെട്ടു കഴിഞ്ഞു. കണ്ണൂർ സെൻട്രൽ ജയിൽ സൂപ്രണ്ടാണ് പൊലീസിന് കത്ത് നൽകിയത്.ഹൈക്കോടതി വിധി ലംഘിച്ചാണ് സർക്കാരിന്റെ ഈ നീക്കം. ശിക്ഷാ ഇളവില്ലാത്ത ജീവപര്യന്തം തടവിന് ഹൈക്കോടതി പ്രതികളെ ശിക്ഷിച്ചിരുന്നു. പ്രതികളുടെ അപ്പീൽ തള്ളിയായിരുന്നു ശിക്ഷ വർധിപ്പിച്ചത്. ഇത് നിലനിൽക്കെയാണ് പ്രതികളെ വിട്ടയക്കാനുള്ള നീക്കവുമായി സർക്കാർ മുന്നോട്ട് വന്നിരിക്കുന്നത്.

Advertisement
inner ad

സർക്കാരിന്റെ ഈ നീക്കത്തിനെതിരെ വിമർശനവുമായി എംഎൽഎയും ടിപി ചന്ദ്രശേഖരന്റെ ഭാര്യയുമായ കെകെ രമ രംഗത്തെത്തി. പ്രതികളെ വിട്ടയക്കാനുള്ള സർക്കാർ നീക്കം ​ഗുരുതരമായ കോടതിയലക്ഷ്യമാണെന്ന് കെകെ രമ പറഞ്ഞു. ഇതിനെതിരെ കോടതിയെ സമീപിക്കുകയും രാഷ്ട്രീയമായും നിയമപരമായും പോരാടുമെന്നും കെ കെ രമ പറഞ്ഞു.

Advertisement
inner ad
Continue Reading

Featured