Connect with us
inner ad

Featured

ലേഖി പറഞ്ഞസത്യം
ജനങ്ങൾക്ക് മുമ്പേ അറിയാം

Avatar

Published

on

  • നിരീക്ഷകൻ
    ഗോപിനാഥ് മഠത്തിൽ

ഒടുവിൽ കേന്ദ്രമന്ത്രി മീനാക്ഷി ലേഖി ആ സത്യം തുറന്നുപറഞ്ഞു. ഒരുമിനിറ്റ് മിണ്ടാതിരിക്കൂ…..ഇല്ലെങ്കിൽ ഇഡി നിങ്ങളുടെ വീട്ടിലെത്തും എന്നായിരുന്നു താക്കീത്. ഡൽഹി സേവനബില്ലിൻറെ ചർച്ചയ്ക്കിടെ ലോക്സഭയിൽ പ്രതിപക്ഷ എം.പിയോട് നടത്തിയ ഈ ഭീഷണി മോദി സർക്കാരിൻറെ എതിർശബ്ദങ്ങളോടുള്ള സമീപനത്തിന് കൂടുതൽ വ്യക്തത നൽകുന്നു. ഭരണത്തിൻറെ പത്തുവർഷത്തിനുള്ളിൽ എത്രയെത്ര കേസുകളാണ് ഇ.ഡി, സി.ബി.ഐ, എൻ.ഐ.എ തുടങ്ങിയ കേന്ദ്രഅന്വേഷണ ഏജൻസികളെ ഉപയോഗിച്ച് പ്രതിപക്ഷപാർട്ടിനേതാക്കന്മാർക്കെതിരെ ചുമത്തിയിട്ടുള്ളത്. പലതും അവാസ്ഥവമായ കാര്യങ്ങളുടെ അടിസ്ഥാനത്തിലായിരുന്നു. മോദിസർക്കാരിൻറെ പ്രധാന നോട്ടപ്പുള്ളി അവരുടെ മുൻവൈരിയായ കോൺഗ്രസ്സും അതിൻറെ നേതാക്കന്മാരായ സോണിയാഗാന്ധിയും രാഹുലുമായിരുന്നു. എത്രതവണ അവർ കെട്ടിച്ചമച്ച, അത്ര വിവാദമല്ലാത്ത കേസിൻറെ പേരിൽ ഈ അടിച്ചമർത്തൽ അന്വേഷണ ഏജൻസികൾക്കു മുമ്പിൽ സോണിയായ്ക്കും രാഹുലിനും ഹാജരാകേണ്ടിവന്നു. അതിൻറെ തുടർവേട്ടയാടലിൻറെ ഭാഗമായാണ് മോദി പരാമർശത്തിൻറെ പേരിൽ അപകീർത്തികേസിൽ ശിക്ഷിക്കപ്പെട്ട് രാഹുൽ എം.പി സ്ഥാനത്തുനിന്ന് അയോഗ്യനാകുന്നത്. സത്യത്തിന് അത്ര നിലനിൽപ്പില്ലാത്ത കാലത്തിലൂടെയാണ് ഇന്ത്യൻ രാഷ്ട്രീയത്തിൻറെ സഞ്ചാരം. അതിൽ നീതിയുടെ അൽപ്പവെട്ടം പ്രസരിപ്പിക്കുന്നത് സുപ്രീംകോടതിയാണ്. ആ വെട്ടമാണ് രാഹുലിന് സൂററ്റ് മജിസ്ട്രേറ്റ് കോടതി വിധിച്ച രണ്ടുവർഷത്തെ തടവുശിക്ഷ സ്റ്റേ ചെയ്തിരിക്കുന്നത്. ബിജെപി കാർ നൽകിയ ഒട്ടേറെ കേസുകൾ ഉണ്ടെങ്കിൽപ്പോലും ഒന്നിൽപ്പോലും രാഹുൽ ശിക്ഷിക്കപ്പെട്ടിരുന്നില്ല. പരാതിക്കാരനായ പൂർണേഷ് മോദിപോലും സത്യത്തിൽ മോദി സമുദായക്കാരനല്ലെന്നാണ് രാഹുലിന് വേണ്ടിവാദിച്ച മുതിർന്ന അഭിഭാഷകൻ മനുസംഘ്വി പറഞ്ഞത്. അതിനർത്ഥം പൂർണേഷ് എന്ന പേരിനൊപ്പം മോദി നാമം കൽപ്പിതമാണെന്നാണ്. മുമ്പൊരിക്കൽ ഇതേ പംക്തിയിൽ പറഞ്ഞിട്ടുള്ള കാര്യം ഒരിക്കൽക്കൂടി പറയട്ടെ. ഭരണപ്രതിയോഗികളെ കേസിൻറെ ചതിയിൽപ്പെടുത്താൻ ഒരുപാട് കള്ളപ്പേരുകാരെ അല്ലെങ്കിൽ വാടകപ്പേരുകാരെ കേന്ദ്രസർക്കാർ ചെല്ലും ചെലവുംകൊടുത്ത് നിർത്തിയിട്ടുണ്ട്. അതിലൊരാളാണ് പൂർണേഷ്. ഇതേ തന്ത്രം കേരളത്തിലെ ഇടതുപക്ഷ ഭരണകുടവും പിന്തുടരുന്നുണ്ട്. അനുകരണീയവ്യക്തിത്വങ്ങളെ അനുകരിക്കുന്നത് നല്ലതാണ്. പക്ഷെ ഇവിടെ കേന്ദ്രഗവൺമെൻറിൻറെ മോശമായ നയങ്ങളും ശൈലിയും അന്ധമായി പിന്തുടരുകയാണ് ഇടതുപക്ഷഭരണം. ആവശ്യമായ വിഷയങ്ങളിൽ നിതാന്തമൗനവും അനാവശ്യമായ വിഷയങ്ങളിൽ ചൊറിയുകയുമാണത്.
നമ്മൾ പറഞ്ഞുതുടങ്ങിയത് മീനാക്ഷിലേഖിയുടെ പ്രസ്താവനയെക്കുറിച്ചാണ്. ലേഖി അത് പറയുന്നതിന് മുമ്പുതന്നെ അവരുടെ വാക്കുകളിലെ സത്യം ജനം തിരിച്ചറിഞ്ഞതാണ്. ഇഡിയ്ക്കും സിബിഐയ്ക്കും പ്രധാനപണി നീതിപൂർവ്വകമായ അന്വേഷണത്തിലൂടെ കുറ്റം തെളിയിക്കലും സാമ്പത്തിക ക്രമേക്കേടുകൾ കണ്ടെത്തലുമൊന്നുമില്ലാതെ അമിത്ഷായുടെ വാക്കുകൾക്കുമാത്രം കാതോർക്കുകയും അതുമാത്രം ചെയ്ത് യജമാന സംതൃപ്തി നേടുക എന്നതാണ്. അത് ഏജൻസികളുടെ വിവേചനാധികാരം തന്നെ നഷ്ടപ്പെടുത്തിയിരിക്കുന്നു. വേട്ടക്കാരനൊപ്പം സഞ്ചരിക്കുന്ന നായ്ക്കളുടെ അതേപ്രവൃത്തി. കുരയ്ക്കുക, വരുതിയിലാക്കുക, അമ്പെയ്യാൻ പാകത്തിൽ തയ്യാറാക്കി നിർത്തുക ഈ കലാപരിപാടികളുടെ ആവർത്തനം പിന്നിട്ട പല വർഷങ്ങളിലൂടെ ഭാരതം കണ്ടുമടുത്തിരിക്കുന്നു. ഇനിയും അത് അഞ്ചുവർഷം തുടർന്നാൽ മറ്റൊരു തിരഞ്ഞെടുപ്പ് ഉണ്ടായിക്കൂടെന്നില്ല. അപ്പോഴേയ്ക്കും ജനാധിപത്യത്തിൻറെ അവകാശവും ആർദ്രതയും പൂർണമായി കെട്ടടങ്ങും. ഭാരതം മോദിയുടെ, ഷായുടെ വരട്ടുതത്വശാസ്ത്രങ്ങളിൽ പിടയുകയും നിയമം ഏകപക്ഷീയമായി മാറ്റിയെഴുതപ്പെടുകയും ചെയ്യും. കോൺഗ്രസ് മുൻനിന്ന് ആഗസ്റ്റ് 15 ന് നേടിയെടുത്ത സ്വാതന്ത്ര്യം, സ്വാതന്ത്ര്യസമര ചരിത്രത്തിൽ ഒരു വരിയിൽപ്പോലും ആലേഖനം ചെയ്യപ്പെടാത്ത ഒരു പാർട്ടിയുടെ ഭരണത്തിൽ ഊർദ്ധശ്വാസം വലിച്ചുകൊണ്ടിരിക്കുന്നു. അവർ, സ്വാതന്ത്ര്യം കിട്ടിയശേഷം ആദ്യം വധിച്ചത് സമരനായകനായ മഹാത്മാഗാന്ധിയെയാണ്. പിന്നെ കാലാന്തരത്തിൽ ജനാധിപത്യത്തിൻറെ ഔദാര്യത്തിൽ അധികാരം കിട്ടിയപ്പോൾ മറ്റൊരു സമരനായകനായ ജവഹർലാൽ നെഹ്റുവുമായി ബന്ധപ്പെട്ട എല്ലാ അടയാളങ്ങളെയും അസ്ഥിരപ്പെടുത്തുകയും മായ്ച്ചുകളയുകയും ചെയ്തു. അതിൻറെ തുടർച്ചയായാണ് സോണിയായ്ക്കും രാഹുലിനുമെതിരെയുള്ള കേസിൻറെ പേരിലുള്ള നിരന്തര വേട്ടയാടലുകൾ. ഇപ്പോൾ അപകീർത്തികേസിൽ രാഹുൽ രക്ഷപ്പെട്ടത് ആശ്വാസകരമായ കാര്യമാണ്. സത്യത്തിലേക്കും നന്മയിലേക്കുമുള്ള അദ്ദേഹത്തിൻറെ രാഷ്ട്രീയപ്രയാണത്തിന് സകല ഭാവുകങ്ങളും നേരുന്നു.

വാൽക്കഷണം:
ഭരണമോ നാശമോശം. എങ്കിലിരിക്കട്ടെ ഗണപതിക്ക് ഒരു തേങ്ങയടി. അതുപോലാണ് എൽഡിഎഫിൻറെ പോക്ക്. ഗണപതിയെപിടിച്ച് അൽപ്പം മിത്തും ശാസ്ത്രവും വിളമ്പാമെന്നുവിചാരിച്ചപ്പോഴാണ് ഒരുവിഭാഗം ജനങ്ങൾ ഇവ രണ്ടുമായി ഷംസീറിൻറെ ദേഹത്ത് തേങ്ങയടിക്കാൻ ഒരുമ്പെട്ടത്. ഷംസീറിൻറെ രക്ഷയ്ക്കായി ഓടിയെത്തിയത് ഗോവിന്ദനും ബാലനും ശാസ്ത്രസാഹിത്യപരിഷത്തുമാണ്. ശാസ്ത്രസാഹിത്യപരിക്ഷത്ത് എന്ന സാധനം ഇപ്പോഴാണ് ഉണ്ടെന്നറിഞ്ഞത്. അല്ലെങ്കിലും അത് പണ്ടേ ഇടതുപക്ഷത്തിൻറെ ഒരു തട്ടുകടയാണ്. ബാലൻറെ കാര്യം പറയണ്ട. പിണറായി മൗനവ്രതം നോൽക്കുമ്പോൾ അദ്ദേഹത്തിൻറെ ശബ്ദം കൊടുത്തിരിക്കുന്നത് ബാലനാണ്. അതാകട്ടെ ആരും മൈൻഡ് ചെയ്യുന്നില്ല. ഗോവിന്ദനാണെങ്കിൽ ഷംസീറിൻറെ കാര്യത്തിൽ ഇന്ദ്രപ്രസ്ഥം കാണാൻ പോയ ദുര്യോധനനെപ്പോലെ ഒരുതരം സ്ഥലജലവിഭ്രാന്തി. വെള്ളമുണ്ടെന്നുധരിച്ച് മുണ്ടുപൊക്കിപ്പിടിച്ച് നടന്നിടത്ത് വെള്ളമില്ല. പിന്നെയും അതേ അവസ്ഥ വന്നിടത്ത് മുണ്ടുതാഴ്ത്തിനടന്നപ്പോൾ ആകെ നനഞ്ഞു വെള്ളത്തിൽ വീഴുകയും ചെയ്തു. ഇത് കണ്ട് ചിരിക്കുന്നത് ഒരാൾമാത്രമാണ്. ഗണപതി.

Advertisement
VKSHNM NWS KWT 1000 x 180 PX-01
Continue Reading
Advertisement
VKSHNM NWS KWT 1000 x 180 PX-01
Click to comment

You must be logged in to post a comment Login

Leave a Reply

Featured

വേനൽ മഴ കനക്കുന്നു; കേരള തീരത്ത് മത്സ്യബന്ധനത്തിന് വിലക്ക്

Published

on

തിരുവനന്തപുരം: ‌ കേരള തീരത്ത് മത്സ്യബന്ധനത്തിന് വിലക്ക്. തെക്കൻ കേരളത്തിൽ വേനൽമഴ കനക്കുമെന്ന് മുന്നറിയിപ്പ് വന്നതിന് പിന്നാലെ കേന്ദ്ര കാലാവസ്ഥാ വകുപ്പിന്റേതാണ് നി‍ർദ്ദേശം. ഉയർന്ന തിരമാലയ്ക്കും കടലാക്രമണത്തിനും സാധ്യതയെന്നും മുന്നറിയിപ്പുണ്ട്. 0.5 മുതൽ 1.4 മീറ്റർ വരെ ഉയർന്ന തിരമാലയ്ക്ക് സാധ്യതയുണ്ട്. കർണാടക- ലക്ഷദ്വീപ് തീരങ്ങളിൽ മത്സ്യബന്ധനത്തിന് തടസമില്ലെന്നും കേന്ദ്ര കാലാവസ്ഥ വകുപ്പ് അറിയിച്ചു. കേരള തീരത്ത് മണിക്കൂറിൽ 55 കിലോമീറ്റർ വേഗതയിൽ ശക്തമായ കാറ്റിനും മോശം കാലാവസ്ഥക്കും സാധ്യതയുണ്ടെന്നാണ് മുന്നറിയിപ്പ്.

വേനൽ ചൂടിന് ആശ്വാസമായി തിരുവനന്തപുരത്ത് കനത്ത മഴയാണ് പെയ്യുന്നത്. നാല് ജില്ലകളിൽ യെല്ലോ അലേർട്ട് പ്രഖ്യാപിച്ചിട്ടുണ്ട്. തിരുവനന്തപുരം, കൊല്ലം, ആലപ്പുഴ, പത്തനംതിട്ട ജില്ലകളിലാണ് യെല്ലോ അലേർട്ട്.

Advertisement
VKSHNM NWS KWT 1000 x 180 PX-01
Continue Reading

Featured

കേരളത്തിൽ ആംആദ്മി പിന്തുണ യുഡിഎഫിന്

Published

on

തിരുവനന്തപുരം: ലോക്‌സഭ തെരഞ്ഞെടുപ്പില്‍ കേരളത്തിലെ ആംആദ്മി പാര്‍ട്ടി യുഡിഎഫിനെ പിന്തുണക്കും. ഇന്‍ഡ്യ മുന്നണിയിലെ ഏറ്റവും വലിയ ഒറ്റക്കക്ഷിയെ പിന്തുണക്കാനാണ് പാര്‍ട്ടി തീരുമാനിച്ചതെന്ന് ആംആദ്മി പാര്‍ട്ടി സംസ്ഥാന പ്രസിഡന്റ് വിനോദ് മാത്യു വില്‍സന്‍, ജനറല്‍ സെക്രട്ടറി എ അരുണ്‍ എന്നിവര്‍ പറഞ്ഞു. ദേശീയതലത്തില്‍ ഇന്‍ഡ്യ മുന്നണിയുടെ ഭാഗമാണ് ആംആദ്മി പാര്‍ട്ടി.

Continue Reading

Featured

രാജീവ് ചന്ദ്രശേഖറിന്റെ നാമനിർദേശ പത്രിക കോടതി കയറും; തെറ്റുകളുടെ കൂമ്പാരം, യുഡിഎഫ് വീണ്ടും പരാതി നൽകി

Published

on

തിരുവനന്തപുരം: തിരുവനന്തപുരത്തെ എൻഡിഎ സ്ഥാനാർത്ഥി രാജീവ് ചന്ദ്രശേഖർ തെരഞ്ഞെടുപ്പ് കമ്മീഷന് മുമ്പാകെ സമർപ്പിച്ച നാമനിർദേശപത്രിക കോടതി കയറും. നാമനിർദേശ പത്രികയിലെ തെറ്റായ വിവരങ്ങളും രേഖകളും സംബന്ധിച്ച് പരാതി നൽകിയിട്ടും അത് പരിഗണിക്കാതെ നാമനിർദേശ പത്രിക വരണാധികാരി അംഗീകരിച്ചതിനെതിരെയുള്ള നിയമപോരാട്ടത്തിനാണ് കളമൊരുങ്ങുന്നത്. ബിജെപി നേതാവിന്റെ പത്രിക തള്ളാനുള്ള ധൈര്യമില്ലാത്തതിനാലാണോ വരണാധികാരി രാജീവ് ചന്ദ്രശേഖറിന് അനുകൂലമായി തീരുമാനമെടുത്തതെന്ന് ആരെങ്കിലും സംശയം പ്രകടിപ്പിച്ചാൽ അവരെ തെറ്റുപറയാനാവില്ലെന്ന് ഡോ. ശശി തരൂർ എംപി പ്രതികരിച്ചു. ഇതിനെതിരെ കോടതിയെ സമീപിക്കുമെന്നും അവിടെ നിന്ന് നീതി ലഭ്യമാകുമെന്നുമാണ് പ്രതീക്ഷയെന്നും ശശി തരൂർ വ്യക്തമാക്കി.
അതേസമയം, നാമനിർദേശ പത്രികയിലെ ഗുരുതര പിഴവുകൾ ഇതിനകം പുറത്തുവന്നിട്ടുണ്ട്. മത്സരിക്കുന്ന സംസ്ഥാനത്തിന്റെ പേരും ലോക്‌സഭാ സീറ്റിന്റെ പേരും എഴുതേണ്ട സ്ഥലത്ത് ബെംഗളൂരുവിലെ വിലാസമാണ്‌ നൽകിയിരിക്കുന്നത്.
സത്യവാങ്‌മൂലത്തിന്റെ 16–ാം പേജിലെ (പാർട്ട്-ബി) മൂന്നാം കോളത്തിലാണ്‌ ഈ പിശക്‌. മണ്ഡലത്തിന്റെ നമ്പർ, പേര്‌, സംസ്ഥാനം എന്നിവ എഴുതാൻ പറഞ്ഞിരിക്കുന്ന കോളത്തിൽ കർണാടക നിയമസഭാ മണ്ഡലം എന്നാണുള്ളത്‌. ലോക്സഭയിലേക്കുള്ള നാമനിർദേശം എന്നതിനു പകരം അനക്‌സ്‌ ഒന്നിലും അനക്‌സ്‌ ഏഴിലും രാജ്യസഭയിലേക്കുള്ള നാമനിർദേശം 2024 എന്നാണുള്ളത്‌. സത്യവാങ്‌മൂലത്തിന്റെ ഒന്നാം പേജിൽ തിരുവനന്തപുരം ലോക്‌സഭാ മണ്ഡലം എന്ന്‌ പറഞ്ഞിട്ടുണ്ട്‌. പിഴവുകൾ കണ്ടെത്താതെയാണ് നാമനിർദേശ പത്രിക സ്വീകരിച്ചതെന്നാണ് ആക്ഷേപം.
നാമനിർദേശ പത്രിക സ്വീകരിച്ചെങ്കിലും കോടതി മുഖേന വരണാധികാരിയുടെ നടപടിയെ ചോദ്യം ചെയ്യാം.  
നാമനിർദ്ദേശ പത്രികയിലും സത്യവാങ്മൂലത്തിലും അബദ്ധജഡിലവും അസത്യവും വ്യാജവുമായ വിവരങ്ങൾ സമർപ്പിച്ച തിരുവനന്തപുരം ലോക്സഭാ മണ്ഡലത്തിലെ ബിജെപി സ്ഥാനാർഥിയെ മൽസരിക്കുന്നതിൽ നിന്നും അയോഗ്യത കൽപിക്കണമെന്ന് ആവശ്യപ്പെട്ട് യുഡിഎഫ് കേന്ദ്ര തെരഞ്ഞെടുപ്പ് കമ്മിറ്റി ചെയർമാൻ തമ്പാനൂർ രവി റിട്ടേണിങ് ഓഫിസർക്കു പരാതി നൽകി.

Continue Reading

Featured