Kerala
മെഡിസെപ്പ് : പെൻഷനേഴ്സ് യൂണിയന്റെ പട്ടിക ആധികാരിക രേഖയല്ല:
മനുഷ്യാവകാശ കമ്മീഷൻ
എറണാകുളം : കേരള സ്റ്റേറ്റ് സർവ്വീസ് പെൻഷനേഴ്സ് യൂണിയൻ പ്രസിദ്ധീകരിച്ച മെഡിസെപ്പ് ആനുകൂല്യം ലഭിക്കുന്ന ആശുപത്രികളുടെ പട്ടിക ആധികാരിക രേഖയായി സ്വീകരിക്കാൻ കഴിയില്ലെന്ന് മനുഷ്യാവകാശ കമ്മീഷൻ. മെഡിസെപ്പ് വെബ് പോർട്ടലിൽ പ്രസിദ്ധീകരിച്ചിരിക്കുന്ന ആശുപത്രികളുടെ പട്ടിക മാത്രമാണ് ആധികാരിക രേഖയെന്നും കമ്മീഷൻ അംഗം വി. കെ. ബീനാകുമാരി ഉത്തരവിൽ പറഞ്ഞു.
പെൻഷനേഴ്സ് യൂണിയൻ പ്രസിദ്ധീകരിച്ച ലിസ്റ്റ് പ്രകാരം മെഡിസെപ്പ് എംപാനൽഡ് ആശുപത്രിയെന്ന നിലയിൽ ലൂർദ്ദ് ആശുപത്രിയിലെ യൂറോളജി വിഭാഗത്തിൽ ചികിത്സ തേടിയ തനിക്ക് ആശുപത്രി ബിൽ പാസാക്കി നൽകിയില്ലെന്നാരോപിച്ച് സർക്കാർ സർവ്വീസിൽ നിന്നും വിരമിച്ച എടവനക്കാട് സ്വദേശി. വി. പി. കാർത്തികേയൻ സമർപ്പിച്ച പരാതിയിലാണ് ഉത്തരവ്.
എന്നാൽ ലൂർദ്ദ് ആശുപത്രിയിലെ ന്യൂറോളജി വിഭാഗം മെഡിസെപ്പ് പദ്ധതിയിൽ എംപാനൽ ചെയ്തിട്ടില്ലെന്ന് ധന വകുപ്പ് (ഹെൽത്ത് ഇൻഷ്വറൻസ്) അഡീഷനൽ സെക്രട്ടറി കമ്മീഷനെ അറിയിച്ചു. എന്നാൽ രോഗത്തെ തുടർന്ന് ശരീരത്തിന്റെ ഇടതുവശം പൂർണമായി തളർന്നതായി പരാതിക്കാരൻ അറിയിച്ച സാഹചര്യത്തിൽ 2023 ഫെബ്രുവരു 17 – ലെ 18/2023/ധനം സർക്കുലർ പ്രകാരം പരാതിക്കാരന് സഹായത്തിന് അപേക്ഷ നൽകാവുന്നതാണ്. വാഹനാപകടം,പക്ഷാഘാതം, ഹൃദയാഘാതം എന്നീ അടിയന്തര സാഹചര്യങ്ങളുണ്ടായാൽ മെഡിസെപ്പ് എംപാനൽ ചെയ്യാത്ത ആശുപത്രികളിലും ചികിത്സ തേടാം. ഇത്തരം അടിയന്തര ചികിത്സയ്ക്കും ശസ്ത്രക്രിയയ്ക്കും ഓറിയന്റൽ ഇൻഷ്വറൻസ് കമ്പനി നൽകുന്ന റീ ഇംപേഴ്സ്മെന്റിന് അപേക്ഷിക്കാം. ഇതിനുള്ള ക്ലെയിംഫോം മെഡിസെപ്പ് വെബ് പോർട്ടലിലെ ഡൗൺലോഡ് ലിങ്കിൽ ലഭ്യമാണ്. ഫോം പൂരിപ്പിച്ച് medisep@orientalinsurance.co.in എന്ന ഇ-മെയിലിൽ അയയ്ക്കണം. പകർപ്പ് info.medisep@kerala.gov.in എന്ന വിലാസത്തിലും അയയ്ക്കണമെന്ന് സർക്കാർ അറിയിച്ചു.
പരാതിക്കാരന് ഇൻഷ്വറൻസ് കമ്പനിയെ സമീപിച്ച് റീ ഇംപേഴ്സ്മെന്റിനായി അപേക്ഷ നൽകാൻ കമ്മീഷൻ നിർദ്ദേശിച്ചു. തുക എത്രയും വേഗം ലഭ്യമാക്കാൻ ആവശ്യമായ നിർദ്ദേശം ബന്ധപ്പെട്ടവർക്ക് നൽകണമെന്ന് കമ്മീഷൻ ധനവകുപ്പ് അഡീഷണൽ ചീഫ് സെക്രട്ടറിക്ക് നിർദ്ദേശം നൽകി.
തിരുവനന്തപുരം: റേഷന് പൊതുവിതരണ പ്രതിസന്ധി പരിഹരിക്കാന് സംസ്ഥാന സര്ക്കാര് അടിയന്തര നടപടിയെടുക്കണമെന്ന് കെ.പി.സി.സി പ്രസിഡന്റ് കെ. സുധാകരന് എം.പി. കേരളത്തിന്റെ ഭക്ഷ്യ പൊതുവിതരണ സംവിധാനത്തെ പാടെ തകര്ക്കുന്ന സമീപനമാണ് പിണറായി സര്ക്കാറിന്റേത്. ഭക്ഷ്യ സുരക്ഷ ഉറപ്പാക്കുന്നതില് കേരളം രാജ്യത്തിന് തന്നെ മാതൃകയായിരുന്നു. സാധാരണ ജനങ്ങളുടെ അന്നം മുടക്കുന്ന സമീപനം തിരുത്താന് സര്ക്കാര് തയ്യാറാകണമെന്നും കെ. സുധാകരന് ആവശ്യപ്പെട്ടു.
വിതരണ കരാറുകാരുടെ പണിമുടക്ക് കാരണം റേഷന് കടകള് കാലിയാണ്. വിതരണ കരാറുകാരുടെ നൂറുകോടിയുടെ കുടിശ്ശിക തീര്ക്കുന്നതില് സര്ക്കാര് വരുത്തിയ അലംഭാവമാണ് ഇപ്പോഴത്തെ പ്രതിസന്ധിക്ക് കാരണം. കഴിഞ്ഞ മാസത്തെ റേഷന് വിഹിതത്തിലെ നീക്കിയിരിപ്പ് ഉപയോഗിച്ചാണ് ഭാഗികമായെങ്കിലും ഈ മാസം വിതരണം ചെയ്തത്. വിതരണ കരാറുകാരുടെ സമരം കാരണം ഈ മാസത്തെ വിഹിതം എത്തിയിട്ടില്ല. ഇതിനുപുറമെ ശമ്പള പരിഷ്കരണം ആവശ്യപ്പെട്ട് ജനുവരി 27 മുതല് റേഷന് കടകള് അടച്ചിട്ടുള്ള വ്യാപാരികളുടെ പ്രതിഷേധം ആരംഭിക്കുന്നതോടെ ഭക്ഷ്യ പൊതുവിതരണ സംവിധാനം പൂര്ണമായും സ്തംഭിക്കും.
90 ലക്ഷം കാര്ഡ് ഉടമകളാണ് നിലവില് സംസ്ഥാനത്തുള്ളത്. പ്രശ്നപരിഹാരത്തിന് സര്ക്കാര് തയാറാകുന്നതിന് പകരം അനാവശ്യ വാശി കാട്ടുകയാണ്. സംസ്ഥാന സര്ക്കാറിന്റെ സാമ്പത്തിക കെടുകാര്യസ്ഥതയുടെ ദുരിതം അനുഭവിക്കേണ്ടി വരുന്നത് സംസ്ഥാനത്തെ താഴെത്തട്ടിലുള്ള അടിസ്ഥാന ജനവിഭാഗമാണ്. സാധാരണക്കാരന്റെ ആശ്രയ കേന്ദ്രമായ റേഷന് വിതരണം അനിശ്ചിതത്തിലാകുന്നതോടെ ഉയര്ന്നവിലക്ക് പൊതുവിപണിയില് നിന്നും അരി വാങ്ങേണ്ട ദുരവസ്ഥയിലാണ് സംസ്ഥാനത്തെ പാവപ്പെട്ട ജനങ്ങളെന്നും കെ. സുധാകരന് പറഞ്ഞു.
അരി അടക്കമുള്ള റേഷന് സാധനങ്ങള്ക്ക് നിശ്ചിതതുക ഗുണഭോക്താവിന്റെ ബാങ്ക് അക്കൗണ്ടില് നല്കുന്ന ഡി.ബി.ടി രീതി നടപ്പിലാക്കുന്നത് നിലവിലെ റേഷന് സമ്പ്രദായത്തിന് ഭീഷണിയാണ്. റേഷന് പകരം പണം നല്കുകയെന്ന കേന്ദ്ര നിര്ദേശം നടപ്പാക്കുന്നത് ഭക്ഷ്യക്ഷാമത്തിലേക്ക് തള്ളിവിടും. ഒരു കിലോ അരിക്ക് 22 രൂപ എന്ന നിലക്കാണ് നല്കുന്നത്. ഈ തുകക്ക് പൊതുവിപണിയില് അരി ലഭിക്കില്ല. അതിനാല് ഡി.ബി.ടി സംവിധാനം നടപ്പാക്കാനുള്ള തീരുമാനം കേന്ദ്ര-സംസ്ഥാന സര്ക്കാരുകള് ഉപേക്ഷിക്കണമെന്നും കെ. സുധാകരന് ആവശ്യപ്പെട്ടു.
തിരുവനന്തപുരം: ആത്മാഭിമാനമുണ്ടെങ്കില് രാഷ്ട്രീയ മേലാളന്മാരോട് സര്ക്കാരില്നിന്ന് രാജിവെക്കാന് ആഹ്വാനം ചെയ്യണമെന്ന് സി.പി.എം അനുകൂല സംഘടനയായ സെക്രട്ടേറിയറ്റ് എംപ്ലോയീസ് അസോസിയേഷന്സ്. സി.പി.ഐ അനുകൂല സംഘടനയുടെ രാഷ്ട്രീയ നിലപാടിനെതിരെയാണ് അസോസിയേഷന്റെ നോട്ടീസ്. ഇതോടെ സെക്രട്ടേറിയറ്റിലെ സി.പി.എം-സി.പി.ഐ അനുകൂല സംഘടനകള് തമ്മില് പൊരിഞ്ഞ പോരിന് പുതിയ രൂപവും ഭാവവും ആര്ജിച്ചിരിക്കുകയാണ്.
രാഷ്ട്രീയപ്രേരിതപണിമുടക്ക് തള്ളിക്കളയുക എന്ന തലക്കെട്ടോടെയാണ് സിപിഎം അനുകൂല അസോസിയേഷന്റെ നോട്ടീസ്. ബുധാനാഴ്ച നടത്തുന്ന പണിമുടക്കില് സി.പി.ഐ അനുകുലാ സംഘടന യു.ഡി.എഫ് സംഘടനകള്ക്കൊപ്പം പങ്കെടുക്കുന്നുണ്ട്. ഇതിനെതിരെയാണ് അതിരൂക്ഷമായ ഭാഷയില് സി.പി.ഐക്കാരെ അധിക്ഷേപിച്ച് അസോസിയേഷന് പണിമുടക്ക് പൊളിക്കാന് നോട്ടീസ് പ്രസിദ്ധീകരിച്ചത്.
ഈ നോട്ടീസിലാണ് സി.പി.ഐക്കെതിരെ കടുത്ത വിമര്ശനം ഉയര്ത്തിത്. കേരളത്തിലെ സെറ്റോ, ഫെറ്റോ തുടങ്ങിയ ചില ആളില്ലാ സംഘടനകള് ആണ് ജനുവരി 22ന് പണിമുടക്ക് പ്രഖ്യാപിച്ചിരിക്കുന്നത്. ഇവര് ഇമ്മിണിബല്ല്യ ആഹ്വാനം നല്കി കഴിഞ്ഞുഎന്നാണ് പരിഹാസം. കൊങ്ങി-സംഘി പ്രഭൃതികള്ക്കൊപ്പം തോളില് കൈയിടാന് ചില അതിവിപ്ലവകാരികളും ഇറങ്ങിത്തിരിച്ചിട്ടുണ്ട്.
സെക്രട്ടറിയേറ്റില് ആക്ഷന് (ഇല്ലാത്ത) കൗണ്സിലവും, സംഘും പിന്നെ വിരലില് എണ്ണാവുന്നവരും ചേര്ന്നാണ് പണിമുടക്കിന് നേതൃത്വം നല്കുന്നത്. അന്തിച്ചന്തയില് കൂടുന്ന ആളിന്റെ എണ്ണം പോലും ഇല്ലാത്തവരാണ് വിപ്ലവത്തിന്റെ അട്ടിപ്പേറവകാശം ഏറ്റെടുത്തിരിക്കുന്നത്. തോളിലിരുന്ന് ചെവി തിന്നുക എന്ന ചൊല്ല് അന്വര്ഥമാകും വിധമാണ് കാലങ്ങളായി ഇക്കൂട്ടരുടെ പെരുമാറ്റവും ചെയ്തികളും.
ആത്മാഭിമാനമുണ്ടെങ്കില് രാഷ്ട്രീയ മേലാളന്മാരോട് സര്ക്കാരില്നിന്ന് രാജിവെക്കാനാണ് ആഹ്വാനം ചെയ്യേണ്ടത്. എന്നിട്ട് വേണം പണിമുടക്കിലേക്ക് ഇറങ്ങാന്. കോണ്ഗ്രസിനെ കൂട്ടുപിടിച്ച് ഭരണത്തിലേറിയ സി. അച്യുതമേനോന് സര്ക്കാര് ജീവനക്കാരെ ഏറ്റവും അധികം വഞ്ചിച്ചതെന്ന് അരിയാഹാരം കഴിക്കുന്ന ഏവര്ക്കും അറിയാം. ശമ്പള പരിഷ്കരണം അനുവദിക്കാതെയും ഡി.എ മരവിപ്പിച്ചും സറണ്ടര് ഇല്ലാതാക്കി നടത്തിയ ദ്രോഹങ്ങളെ ജീവനക്കാര് 1973ല് 54 ദിവസത്തെ ഐതിഹാസിക പണിമുടക്ക് നടത്തിയാണ് പരാജയപ്പെടുത്തിയത്.
അതേസമയം, കൊടുംചതിക്കെതിരെ പണിമുടക്ക് എന്നാണ് സെക്രട്ടറിയേറ്റ് ആക്ഷന് കൗണ്സിലിന്റെ ആഹ്വാനം. കണ്ണുരുട്ടുമ്പോള് മുട്ടിടിക്കുന്ന കുട്ടിസഖാക്കള്ക്ക് ഇപ്പോള് ഡി.എ വേണ്ട, സറണ്ടര് വേണ്ട, പേറിവിഷന് വേണ്ട, സ്റ്റാറ്റിയൂട്ടറി പെന്ഷന് വേണ്ട എന്നാണ് അവരുടെ നോട്ടീസ്. വേണ്ടത് കൈകൊട്ടികളിയും സംഘഗാനവും പിന്നെ ഉച്ചിഷ്ടഭോജനവും തട്ടി സുഖഗമനം പൂണ്ടാല് മതി എന്നാണ് ആക്ഷന് കൗണ്സിലിന്റെ പരിഹാസ്യം. പണിമുടക്ക് കഴിഞ്ഞാലും ഈപോര് തുടരുമെന്നാണ് ജീവനക്കാരുടെ അഭിപ്രായം.
കോഴിക്കോട്: കോഴിക്കോട് സ്വകാര്യ ആശുപത്രിയിലെ നഴ്സിങ് സ്റ്റാഫിനെ മരിച്ച നിലയില് കണ്ടെത്തി. ഇഖ്റ ആശുപത്രിയിലെ ജീവനക്കാരനായ തളിപ്പറമ്പ് കുപ്പം സ്വദേശി അല് അമീന് (24) ആണ് മരിച്ചത്. കുഴഞ്ഞുവീണു മരിച്ചു എന്നാണ് പ്രാഥമിക നിഗമനം. സംഭവത്തിൽ നടക്കാവ് പോലീസ് അന്വേഷണം ആരംഭിച്ചു.
-
Kerala2 months agoജീവനക്കാരുടെ ശമ്പളബില്ല്
കേന്ദ്രീകൃതമാക്കാനുള്ള നീക്കം,
ശമ്പളം കവര്ന്നെടുക്കാനുള്ള ആസൂത്രിത ശ്രമമാണെന്ന് ; ചവറ ജയകുമാര് -
News1 month agoക്ഷാമബത്ത കേസില് ഇടക്കാല ഉത്തരവ്
-
News2 months agoക്ഷാമ ബത്ത കേസിൽ ഇടക്കാല ഉത്തരവ്
-
Featured3 months agoഡി എ: പ്രഖ്യാപനം നിരാശാജനകമെന്ന് സെക്രട്ടേറിയറ്റ് അസോസിയേഷൻ
-
Kerala3 months agoക്ഷാമബത്ത: കുടിശ്ശിക നിഷേധിച്ചാൽ നിയമപരമായി നേരിടും; ചവറ ജയകുമാർ
-
News2 months ago
ജീവനക്കാരെ രണ്ടു തട്ടിലാക്കുന്ന നടപടി സർക്കാർ അവസാനിപ്പിക്കണം
-
News1 month agoസര്ക്കാര് ജീവനക്കാരും അധ്യാപകരുംഅനിശ്ചിത കാല പണിമുടക്കിലേക്ക്: സെറ്റോ
-
News3 days agoപണിമുടക്ക് നോട്ടീസ് നൽകി
You must be logged in to post a comment Login