Education
ഉമ്മന് ചാണ്ടി അക്കാദമിക് എക്സലന്സ് അവാര്ഡ് വിതരണം ചെയ്തു
ഫുജൈറ: അക്കാദമിക വിജയങ്ങളും പദവികളും ലഭിക്കുമ്പോള് പ്രോത്സാഹനവും മാര്ഗദര്ശനവും കരുതലുമായി പ്രവര്ത്തിച്ച മാതാപിതാക്കളെയും ഗുരുക്കളെയും വിസ്മരിക്കരുതെന്ന് ചാണ്ടി ഉമ്മന് എം.എല്.എ പറഞ്ഞു.
ഇന്കാസ് ഫുജൈറ സംഘടിപ്പിച്ച ഉമ്മന് ചാണ്ടി അക്കാദമിക് എക്സലന്സ് അവാര്ഡ് വിതരണ ചടങ്ങ് ഉദ്ഘാടനം ചെയ്തു സംസാരിക്കുകായിരുന്നു അദ്ദേഹം. എസ്.എസ്.എല്.സി, പ്ലസ് ടു, സി.ബി.എസ്.ഇ പത്താം തരം പരീക്ഷകളില് ഉന്നതവിജയം നേടിയ 120ലധികം കുട്ടികള്ക്ക് അവാര്ഡുകള് വിതരണം ചെയ്തു.
ഇന്കാസ് ഫുജൈറ പ്രസിഡന്റ് ജോജു മാത്യുവിന്റെ അധ്യക്ഷതയില് ചേര്ന്ന സമ്മേളനത്തില് ഇന്കാസ് യു.എ.ഇ ജനറല് സെക്രട്ടറി കെ.സി. അബൂബക്കര് സ്വാഗതം പറഞ്ഞു. ഡോ. സൗമ്യ സരിന് വിശിഷ്ടാതിഥിയായിരുന്നു. പ്രഥമ ഉമ്മന് ചാണ്ടി മാധ്യമ അവാര്ഡ് അഡ്വ. ചാണ്ടി ഉമ്മനില് നിന്ന് ജയ് ഹിന്ദ് ടി.വി മിഡിലീസ്റ്റ് ഹെഡ് എല്വിസ് ചുമ്മാര് ഏറ്റുവാങ്ങി.
ബിസിനസ് മേഖലയില് പ്രാഗല്ഭ്യം തെളിയിച്ചവരെയും കേന്ദ്ര കമ്മിറ്റി ജനറല് സെക്രട്ടറിയായി തെരഞ്ഞെടുക്കപ്പെട്ട മുന് പ്രസിഡന്റ് കെ.സി. അബൂബക്കറിനെയും വിവിധ സ്കൂളുകളിലെ അധ്യാപകരെയും ചടങ്ങില് ആദരിച്ചു.
ഡോ. സൗമ്യ സരിന്, ഇന്കാസ് യു.എ.ഇ പ്രസിഡന്റ് സുനില് അസീസ്, ഡോ. പുത്തൂര് റഹ്മാന്, യു.എ.ഇ സെന്ട്രല് കമ്മിറ്റി ജനറല് സെക്രട്ടറിമാരായ സഞ്ജു പിള്ള, അശോക് കുമാര് എന്നിവരും പുന്നക്കല് മുഹമ്മദാലി, ഷാജി കാസ്മി, ബിജോയ് ഇഞ്ചിപ്പറമ്പില്, ലെസ്റ്റിന് ഉണ്ണി, നാസര് പാണ്ടിക്കാട് എന്നിവരും ആശംസ അറിയിച്ചു. ജിതീഷ് നമ്പറോന്, ഉസ്മാന് ചൂരക്കോട്, അനീഷ് ആന്റണി, അജീഷ് പാലക്കാട്, അയൂബ് തൃശൂര്, മോനി ചാക്കോ, നാസര് പറമ്പില്, അനന്തന് പിള്ള എന്നിവര് നേതൃത്വം നല്കി.
Education
സെക്രട്ടേറിയറ്റ് അസിസ്റ്റന്റ് വിജ്ഞാപനം ഡിസംബറില്
തിരുവനന്തപുരം: സെക്രട്ടേറിയറ്റ് അസിസ്റ്റന്റ് തസ്തികയിലേക്കുള്ള വിജ്ഞാപനം പിഎസ് സി ഉടൻ തന്നെ പുറപ്പെടുവിക്കും. വിശദ സിലബസും സ്കീമും വിജ്ഞാപനത്തോടൊപ്പം ഇറക്കും.സെക്രട്ടേറിയറ്റ്, പിഎസ് സി, നിയമസഭ, അഡ്വക്കറ്റ് ജനറല് ഓഫീസ്, ലോക്കല് ഫണ്ട് ഓഡിറ്റ്, വിജിലന്സ് ട്രൈബ്യൂണല്, സ്പെഷല് ജഡ്ജ് ആന്റ് എന്ക്വയറി കമ്മീഷണര് ഓഫീസ് എന്നിവിടങ്ങളിലെ അസിസ്റ്റന്റ്, ഓഡിറ്റര് തസ്തികയിലേക്കുള്ള വിജ്ഞാപനം ഡിസംബറില് പ്രസിദ്ധീകരിക്കും. മുഖ്യപരീക്ഷ, അഭിമുഖം എന്നിവയ്ക്ക് ശേഷമാകും റാങ്ക് പട്ടിക പ്രസിദ്ധീകരിക്കുക. അപേക്ഷകര്ക്ക് ബിരുദതല പ്രാഥമിക പൊതുപരീക്ഷ നടത്തി അര്ഹതാപട്ടിക പ്രസിദ്ധീകരിക്കും. അതിലുള്ളവര്ക്കാണ് മുഖ്യപരീക്ഷയെഴുതാന് അര്ഹത.മുഖ്യപരീക്ഷയ്ക്ക് 100 വീതം മാര്ക്കുള്ള രണ്ട് പേപ്പറുകള് ഉണ്ടായിരിക്കും.
Education
പ്ലസ് വണ് പ്രവേശനം: കമ്യൂണിറ്റി ക്വാട്ടയിലും ഏകജാലകം വരുന്നു
തിരുവനന്തപുരം: പ്ലസ്വണ് പ്രവേശത്തിനുള്ള കമ്യൂണിറ്റി ക്വാട്ടയിലേക്ക് അപേക്ഷിക്കുന്നത് അടുത്ത അധ്യയനവർഷം മുതല് ഏകജാലകം വഴിയാക്കും. നിലവില് സ്കൂളുകളിലാണ് അപേക്ഷിക്കേണ്ടത്. സ്കൂള് അധികൃതരാണ് അപേക്ഷ പ്രകാരം ഡേറ്റാ എൻട്രി നടത്തുന്നത്. ഈ രീതി പൂർണമായും അവസാനിപ്പിക്കാനാണ് നീക്കം.
പിന്നാക്ക, ന്യൂനപക്ഷ മാനേജ്മെന്റ് സ്കൂളുകളില് അതത് സമുദായങ്ങള്ക്ക് 20 ശതമാനം സീറ്റാണ് കമ്യൂണിറ്റി ക്വാട്ടയായി അനുവദിച്ചിട്ടുള്ളത്. മാനേജ്മെന്റ് ഉള്പ്പെടുന്ന സമുദായത്തിലെ കുട്ടികള്ക്കേ ഈ സീറ്റില് പ്രവേശനം പാടുള്ളൂ. എന്നാല്, ചില മാനേജ്മെന്റുകള് സാമുദായിക മാനദണ്ഡം അട്ടിമറിക്കുന്നതായി ആക്ഷേപമുയർന്നിരുന്നു. തുടർന്നാണ് ഏകജാലകത്തിലേക്ക് കൊണ്ടുവരുന്നത്.
ഇത്തവണ പ്ലസ്വണ് പ്രവേശനത്തിന് 24,253 സീറ്റാണ് കമ്യൂണിറ്റി ക്വാട്ടയില് ഉള്പ്പെട്ടത്. 21,347 സീറ്റില് പ്രവേശനം നടന്നു. എയ്ഡഡ് സ്കൂളുകളില് 20 ശതമാനം സീറ്റ് മാനേജ്മെന്റ് ക്വാട്ടയാണ്.
Education
സംസ്ഥാനത്തിന്റെ അംബാസിഡറാകാം;ദേശീയ യുവസംഘം രജിസ്ട്രേഷന് 25 വരെ
തിരുവനന്തപുരം: ഇന്ത്യയിലെ ഏറ്റവും വലിയ സാസ്കാരിക പരിപാടികളിലൊന്നായ ദേശീയ യുവസംഘത്തില് പങ്കെടുക്കാന് രാജ്യത്തെ യുവതീയുവാക്കള്ക്ക് അവസരം. കേന്ദ്ര വിദ്യാഭ്യാസ വകുപ്പിന് കീഴിലുള്ള ഏക് ഭാരത് ശ്രേഷ്ഠ ഭാരത് (ഇ ബി എസ് ബി) പദ്ധതിയുടെ ഭാഗമായി സംഘടിപ്പിക്കുന്ന യുവസംഘത്തില് യുവജനങ്ങള്ക്ക് തങ്ങളുടെ സംസ്ഥാനങ്ങളെ പ്രതിനിധീകരിച്ച് അംബാസിഡറര്മാരായി പങ്കെടുക്കാനുള്ള അവസരമാണ് ലഭിക്കുന്നത്. 18നും 30നും ഇടയില് പ്രായമുള്ള പ്രൊഷഷണലുകള്, വിദ്യാര്ത്ഥികള് (ഓണ്ലൈന് പഠനം നടത്തുന്നവര്/വിദൂരവിദ്യാഭ്യാസം നേടുന്നവര്), എന് എസ് എസ് / എന് വൈ കെ എസ് വോളന്റിയര്മാര്/ സ്വയം തൊഴില് ചെയ്യുന്ന വ്യക്തികള് തുടങ്ങിയവര്ക്ക് യുവസംഘത്തില് പങ്കെടുക്കാം. ഈ മാസം 25 വരെ ഓണ്ലൈന് അപേക്ഷകള് സ്വീകരിക്കും. ഐ ഐ ഐ ടി കോട്ടയമാണ് കേരളത്തിലെ നോഡല് ഇന്സ്റ്റിറ്റ്യൂട്ട്.
5-7 ദിവസം നീണ്ടുനില്ക്കുന്ന യുവസംഘം വിദ്യാര്ത്ഥികള്ക്കും യുവ പ്രൊഫഷണലുകള്ക്കും രാജ്യത്തെക്കുറിച്ചും ജനങ്ങളെക്കുറിച്ചും നമ്മുടെ സംസ്കാരത്തെക്കുറിച്ചും പഠിക്കാനുള്ള ഏറ്റവും മികച്ച അവസരമാണ് നല്കുകയെന്ന് വിദ്യാഭ്യാസ മന്ത്രാലയത്തിലെ മുതിര്ന്ന ഉദ്യോഗസ്ഥന് പറഞ്ഞു. യുവസംഘത്തെക്കുറിച്ചുള്ള വിശദവിവരങ്ങള്ക്കും രജിസ്ട്രേഷനും വേേു:െ//ലയയെ.മശരലേശിറശമ.ീൃഴ/ എന്ന വെബ്സൈറ്റ് സന്ദര്ശിക്കുക
-
Featured3 months ago
പാലിയേക്കര ടോള്: കരാര് കമ്പനിക്ക് 2128.72 കോടി രൂപ പിഴ ചുമത്തി ദേശീയപാത അതോറിറ്റി
-
Featured1 week ago
ഡി എ: പ്രഖ്യാപനം നിരാശാജനകമെന്ന് സെക്രട്ടേറിയറ്റ് അസോസിയേഷൻ
-
Kerala1 week ago
ക്ഷാമബത്ത: കുടിശ്ശിക നിഷേധിച്ചാൽ നിയമപരമായി നേരിടും; ചവറ ജയകുമാർ
-
Education2 months ago
മഹാരാജാസിന് ഓട്ടോണമസ് പദവി നഷ്ടപ്പെട്ടിട്ട് നാലുവര്ഷം: കോളേജ് നടത്തുന്ന പരീക്ഷകള് അസാധുവാകും
-
News2 months ago
ജീവനക്കാരുടെ അവകാശങ്ങൾക്ക് തടസ്സം നിൽക്കുമെന്ന് സർക്കാർ
-
Business3 months ago
സംസ്ഥാനത്ത് കോഴി വില കുത്തനെ കുറഞ്ഞു
-
Ernakulam3 months ago
ശനിയാഴ്ച പ്രവൃത്തിദിനം ഹൈക്കോടതിവിധി സർക്കാരിന് കനത്ത തിരിച്ചടി: കെ പി എസ് ടി എ
-
Education3 months ago
രാജ്യത്തെ ഏറ്റവും മികച്ച കോളേജുകളുടെ പട്ടികയില് ഇടം പിടിച്ച് ദേവമാതാ കോളേജ്
You must be logged in to post a comment Login