പത്തനംതിട്ട: മുഖ്യമന്ത്രി പിണറായി വിജയന്റെ പൊളിറ്റിക്കൽ സെക്രട്ടറി പി. ശശിക്കെതിരെ അഴിമതിയാരോപണവുമായി യൂത്ത് കോൺഗ്രസ് സംസ്ഥാന അധ്യക്ഷൻ രാഹുൽ മാങ്കൂട്ടത്തിൽ. കൊച്ചിയിലെ സ്പോർട്‌സ് കൗൺസിലിൻ്റെ ഫുട്ബോൾ ഗ്രൗണ്ട് നവീകരണത്തിലാണ് ക്രമക്കേട് നടന്നത്. 2023 മെയിലായിരുന്നു ഗ്രൗണ്ട് നവീകരണത്തിനായി ഇ-ടെൻഡർ ക്ഷണിച്ചത്. എന്നാൽ ഇ- ടെൻഡർ നടക്കുമ്പോൾ മറുവശത്ത് വേറെ കരാർ ഉണ്ടാക്കുകയായിരുന്നു. സ്പോർട്‌സ് കൗൺസിലും സ്വകാര്യ കമ്പനിയും തമ്മിൽ കരാറിൽ ഏർപെട്ടു.ഈ സ്വകാര്യ കമ്പനിയുടെ അഭിഭാഷകരാണ് പി.ശശിയും മകനുമെന്നും രാഹുൽ മാങ്കൂട്ടത്തിൽ ആരോപിച്ചു. ഇവർ അഭിഭാഷകരായ മാഗ്‌നം സ്പോർട്‌സ് എന്ന കമ്പനിക്കാണ് കരാർ നൽകിയതെന്നും രാഹുൽ ആരോപിക്കുന്നു. പി. ശശി നടത്തുന്ന കൊള്ളയുടെ ഒരു ഉദാഹരണം മാത്രമാണിതെന്നും ബാക്കി പിന്നാലെ വരുമെന്നും ഈ ക്രമക്കേടിൽ പരാതി കൊടുക്കുമെന്നും രാഹുൽ മാങ്കൂട്ടത്തിൽ പറഞ്ഞു.

മുൻ പത്തനംതിട്ട എസ്‌പി സുജിത് ദാസിനെതിരെയും രാഹുൽ ശക്തമായ വിമർശനം ഉന്നയിച്ചു. സുജിത്ത് ദാസ് സ്വർണ്ണം പൊട്ടിക്കൽ സംഘത്തിൽ ഉൾപ്പെട്ട വ്യക്തിയാണ്. താനൂർ കസ്റ്റഡി മരണം ആസൂത്രിതമാണ്. സ്വർണ്ണം പൊട്ടിക്കൽ സംഘത്തിന് വേണ്ടി നടത്തിയ കൊലപാതകമാണത്. കസ്റ്റംസ് ഉദ്യോഗസ്ഥൻ ആയിരുന്ന കാലത്ത് മോശം ട്രാക്ക് റെക്കോർഡ് ഉള്ള ഉദ്യോഗസ്ഥനാണ് സുജിത്ത് ദാസ്. ഇയാളുടെ സാമ്പത്തിക പശ്ചാത്തലവും പരിശോധിക്കണമെന്നും രാഹുൽ ആവശ്യപ്പെട്ടു.അതേസമയം സിപിഎം എംഎൽഎയെ ക്കാൾ പവർഫുൾ ആണ് എഡിജിപി അജിത് കുമാർ എന്നും രാഹുൽ പരിഹസിച്ചു. അതുകൊണ്ടാണ് അൻവർ വായമൂടിയത്. അജിത്ത് കുമാർ മുൻപ് ഇടപെട്ടത് സ്വർണ്ണകടത്ത് കേസിൽ ആണ്. മുഖ്യമന്ത്രിക്ക് അജിത് കുമാറിനെ ഭയമാണ്. മുഖ്യമന്ത്രി അഭ്യന്തര വകുപ്പ് ഒഴിയണമെന്നും രാഹുൽ മാങ്കൂട്ടത്തിൽ ആവശ്യപ്പെട്ടു.

Advertisement

inner ad

പന്തളം: വയനാട് ദുരന്തത്തിന്റെ പശ്ചാത്തലത്തില്‍ സംസ്ഥാന ദുഃഖാചരണ ദിവസം പന്തളം നഗരസഭ ചെയര്‍പേഴ്‌സന്‍ സുശീല സന്തോഷ് കേക്ക് മുറിച്ച് ആഘോഷം സംഘടിപ്പിച്ച സംഭവത്തില്‍ താല്‍ക്കാലിക ജീവനക്കാരനെ പിരിച്ചുവിട്ടു.

പന്തളം അറത്തില്‍ മുക്കിലെ വെല്‍നെസ്സ് സെന്ററിലെ അംഗപരിമിതനായ താല്‍ക്കാലിക ജീവനക്കാരന്‍ അനന്തുവിനെയാണ് നഗരസഭ കൗണ്‍സില്‍ യോഗം കൂടി ചെയര്‍പേഴ്‌സന്‍ പിരിച്ചുവിട്ടത്. വയനാട്ടില്‍ ഉണ്ടായ ഉരുള്‍പൊട്ടലിനെ തുടര്‍ന്ന് സംസ്ഥാന സര്‍ക്കാര്‍ രണ്ട് ദിവസം ദുഃഖാചരണം പ്രഖ്യാപിച്ചിരുന്നു. ഈ ദിവസം ചെയര്‍പേഴ്‌സന്‍ സുശീല സന്തോഷ്, നഗരസഭയിലെ സ്ഥിരം സമിതി അധ്യക്ഷന്‍ ബെന്നി മാത്യു, ആശുപത്രിയിലെ ചുരുക്കം ജീവനക്കാര്‍ ഉള്‍പ്പെടെ ഒരു വര്‍ഷം പൂര്‍ത്തിയാക്കിയ കേന്ദ്രസര്‍ക്കാരിന്റെ കീഴിലുള്ള, പന്തളം, അറത്തില്‍ മുക്ക്, വെല്‍നെസ് സെന്ററിന്റെ ഒന്നാം വാര്‍ഷികമാണ് ആഘോഷമായി സംഘടിപ്പിച്ചത്.

Advertisement

inner ad

അഞ്ചില്‍ താഴെ ആളുകള്‍ മാത്രം പങ്കെടുത്ത ആഘോഷ പരിപാടി വിഡിയോ ചിത്രീകരിച്ച് പുറത്തുവിട്ടു എന്ന് ആരോപിച്ചാണ് താല്‍ക്കാലിക ജീവനക്കാരനെതിരെ നഗരസഭ നടപടി സ്വീകരിച്ചത്. വാഹനാപകടത്തില്‍പ്പെട്ട് ചികിത്സയിലായിരുന്ന അനന്തു സംഭവദിവസം സെന്ററില്‍ എത്തിയിരുന്നില്ല. അനന്തുവിന്റെ ഭാര്യയാണ് അനന്തുവിന് പകരമായി സെന്ററില്‍ എത്തിയത്.ഭാര്യ വിഡിയോ ചിത്രീകരിച്ച് അനന്തുവിന് അയച്ചുകൊടുക്കുകയും അനന്തു വിവിധ വാട്‌സ്ആപ്പ് ഗ്രൂപ്പിലേക്ക് അയക്കുകയുമായിരുന്നു. ഇങ്ങനെ സംഭവം പുറത്തായി എന്ന് ആരോപിച്ചാണ് ജീവനക്കാരനെതിരെ നടപടി സ്വീകരിച്ചത്. കഴിഞ്ഞ ജൂലൈ 17ന് അജ്ഞാത വാഹനം ഇടിച്ച് ഗുരുതര പരിക്കേറ്റ് ചികിത്സയിലായിരുന്നു അനന്തു.

സെന്ററിന്റെ പകരക്കാരനായി അനന്തുവിന്റെ ഭാര്യയായിരുന്നു പോയിരുന്നത്. അനന്തു തിരിച്ചുവരുന്നതുവരെ അനന്ദുവിന്റെ ഭാര്യയെ നിയമിക്കുന്നതിനും ചികിത്സ കഴിഞ്ഞു വരുന്ന മുറക്ക് അനന്തുവിനെ ജോലിയില്‍ പ്രവേശിപ്പിക്കാനും കൗണ്‍സില്‍ തീരുമാനിച്ചിരുന്നത് പ്രകകാരമാണ് ഭാര്യ സംഭവദിവസം ജോലിക്ക് പോയത്.

Advertisement

inner ad

പത്തനംതിട്ട: സഹകരണ മേഖലയിലെ
പ്രശ്ന‌ങ്ങളിൽ സർക്കാരിന് നൽകിയിരുന്ന പിന്തുണ പിൻവലിക്കുന്നു എന്ന് പ്രതിപക്ഷ
നേതാവ് വി.ഡി. സതീശൻ. സഹകരണ മേഖല
അതിജീവിക്കട്ടെ എന്നായിരുന്നു ഇതുവരെയുള്ള നിലപാട്. എന്നാൽ സിപിഎം
കള്ളവോട്ട് കൊണ്ട് സഹകരണ ബാങ്കുകൾ
പിടിച്ചെടുക്കുകയാണ്. അങ്ങനെ കള്ളവോട്ട്
കൊണ്ട് പിടിച്ചെടുത്ത ബാങ്കുകൾ നടത്തുന്നത് കാണട്ടെയെന്നും പ്രതിപക്ഷ നേതാവ്
വെല്ലുവിളിച്ചു.

തുമ്പമൺ സഹകരണബാങ്ക് തിരഞ്ഞെടുപ്പിലെ പരാജയത്തിന് പിന്നാലെയാണ് വി.ഡി. സതീശൻ നിലപാട് കടുപ്പിച്ചത്. പത്തനംതിട്ട ജില്ലയിൽ ഇരുപത്തിയൊന്നാമത്തെ ബാങ്ക് ആണ് സിപിഎം ഇത്തരത്തിൽ കള്ളവോട്ടിലൂടെ പിടിച്ചെടുക്കുന്നതെന്ന് അദ്ദേഹം അഭിപ്രായപ്പെട്ടു. ഇതിനായി ക്രിമിനൽ സംഘത്തെ സിപിഎം ജില്ലാ സെക്രട്ടറി വളർത്തിയെടുക്കുന്നു എന്നും പ്രതിപക്ഷ നേതാവ് പന്തളത്ത് ആരോപിച്ചു.

Advertisement

inner ad