News
കോണ്‍ഗ്രസിന്റെ 139-ാം സ്ഥാപകദിനം ജിദ്ദ ഒഐസിസി ആഘോഷിച്ചു.
ജിദ്ദ: ലോകത്തിലെ ഏറ്റവും വലിയ ജനാധിപത്യ മതേതര പ്രസ്ഥാനമായ ഇന്ത്യന്‍ നാഷണല്‍ കോണ്‍ഗ്രസിന്റെ 139-ാം ജന്മദിനം ജിദ്ദയിലെ ഒഐസിസി പ്രവർത്തകർ കേക്കുമുറിച്ചു കൊണ്ട് ആഘോഷിച്ചു.
രാജ്യം സമാനതകളില്ലാത്ത പ്രതിസന്ധികളിലൂടെ കടന്നുപോകുന്ന ഈ കാലത്ത്, മുമ്പ് എന്നത്തേക്കാളും കോണ്‍ഗ്രസ് പാര്‍ട്ടിയുടെ പ്രസക്തി രാജ്യത്ത് ഏറിവരുന്ന സാഹചര്യത്തിൽ എ ഐ സി സി പ്രഖ്യാപിച്ച ഭാരത് ജോടോ യാത്രയുടെ രണ്ടാം ഘട്ടമായ ഭാരത് ന്യായ് യാത്ര ഏറെ പ്രസക്തമാണ്. ഭാരതത്തിലെ ബഹുഭൂരിപക്ഷം വരുന്ന ജനാധിപത്യ മതേതതര വാദികൾ ഏറെ പ്രതീക്ഷയോടെ രാഹുൽ ഗാന്ധിയുടെ ഈ ഉദ്യമത്തെ നോക്കികാണുന്നതെന്നും ചടങ്ങിൽ സംസാരിച്ചവർ അഭിപ്രായപ്പെട്ടു.
റീജ്യണൽ കമ്മിറ്റി പ്രസിഡണ്ട് കെ ടി എ മുനീർ, പ്രവാസി സേവന കേന്ദ്ര കൺവീനർ അലി തേക്കിൻതോട്, ജനറൽ സെക്രട്ടറിമാരായ സാകിർ ഹുസ്സൈൻ എടവണ്ണ, നോസുഹാദ് അടൂർ, നാഷണൽ കമ്മിറ്റി സെക്രട്ടറി നാസിമുദ്ധീൻ മണിനാക്, ത്രീശൂർ ജില്ലാ പ്രസിഡണ്ട് അഷ്‌റഫ് വടക്കേക്കാട്, കോഴിക്കോട് ജില്ലാ പ്രസിഡണ്ട് നാസർ കോഴിത്തോടി, ബഷീർ പരുത്തികുന്നൻ, സിദ്ധീഖ് ചോക്കാട്, സുബുഹാൻ വണ്ടൂർ, പ്രിൻസാദ് കോഴിക്കോട്, ഷിനോയ് ദാമോദരൻ കടലുണ്ടി, അമീർ പരപ്പനങ്ങാടി തുടങ്ങിയവർ നേതൃത്ത്വം നൽകി.
റിയാദ് : കോഴിക്കോട്ടെ പഴയ കാല കല്യാണരാവിനെ പുനരാവിഷ്ക്കരിച്ചു റിയാദിലെ കോഴിക്കോടെൻസിന്റെ കുടുംബ സംഗമം. റിയാദിലെ തണുത്തുറഞ്ഞ അന്തരീക്ഷത്തെ ചൂട് പിടിപ്പിച്ച ‘കല്യാണരാവ്’ പുതുതലമുറക്ക് കൗതുകം പകർന്നപ്പോൾ പഴയ തലമുറക്ക് അവിസ്മരണീയ അനുഭവമായി മാറി. പഴയകാലത്തെ ഓർമിപ്പിക്കുന്ന ക്ഷണക്കത്തും, കല്യാണ പന്തലും ചടങ്ങുകളും തനിമ ചോരാതെ അവതരിപ്പിച്ച പരിപാടിയിൽ പുയ്യാപ്ലക്കും മണവാട്ടിക്കും പുറമെ അമ്മായിഅമ്മയും അമ്മോശനും അളിയനും കാരണവന്മാരും മൊല്ലാക്കയും കാര്യസ്ഥനുമെല്ലാം വേദിയിലെത്തി.
പനയോല കൊണ്ടും സാരി കൊണ്ടും മനോഹരമായി അലങ്കരിച്ച കല്യാണ പന്തലിന്റെ സ്വാഗത കവാടവും, മാല ബൾബുകളാൽ അലങ്കരിച്ച പരിസരവുമെല്ലാം കല്യാണ വീടിനെ ആകർഷകമാക്കി. അല്പം ആധുനിക രീതിയിൽ അലങ്കരിച്ച വിവാഹ വേദിയിൽ കോഴിക്കോടെന്സ് അംഗങ്ങൾ അവരുടെ ഭാര്യമാർക്കൊപ്പം പുയ്യാപ്ലയും മണവാട്ടിയുമായി എത്തിയപ്പോൾ, ഒപ്പനയും കൈകൊട്ടി പാട്ടുമായാണ് സഹപ്രവർത്തകർ അവരെ വരവേറ്റത്. മോതിരമിടലും മാലയണിയിക്കലും മധുരം നൽകലും കാൽകഴുകലും അടക്കമുള്ള ചടങ്ങുകളും ഗൃഹാതുര സ്മരണകളുയർത്തി.
അംഗങ്ങളുടെ പഴയ കല്യാണ ഫോട്ടോ വെച്ച് തയ്യാറാക്കിയ വീഡിയോയും കുറിക്കല്യാണവും നാട്ടിൽ നിന്നും എത്തിച്ച അമ്മിയും, കല്ലും, അരി ചേറുന്ന മുറം, തേങ്ങ ചിരവ, പുട്ടുകുറ്റി, നാടൻ പഴക്കുലകൾ, മൂളി, ലക്കോട്ട് (കവർ), വെറ്റില, അടക്ക, ബീഡി, റോജ ,80-90 കാലഘട്ടത്തിലെ കുറിക്കല്യാണത്തിന് അന്നുപയോഗിച്ചിരുന്ന പലഹാരങ്ങൾ, ഉപ്പിലിട്ട വിഭവങ്ങൾ, മൈലാഞ്ചി,മുല്ലപ്പൂവ് തുടങ്ങിയവയും സോഡാകുപ്പിയിൽ നൽകിയ മധുര പാനീയവും സമാവർ ചായയും ഊട്ടുപുരയും, തട്ടുകടയുംമെല്ലാം കല്യാണരാവിനെ വേറിട്ടതാക്കി. പന്തലിൽ തന്നെ തയ്യാറാക്കിയ രുചിയൂറും ഭക്ഷണവുംഏവരുടെയും വയറും മനസ്സും നിറച്ചു.
കോഴിക്കോടെന്സ് ചീഫ് ഓർഗനൈസർ കബീർ നല്ലളം, പ്രോഗ്രാം ചെയർമാൻ ഹർഷദ് ഫറൂഖ്, പ്രോഗ്രാം കൺവീനർ അബ്ബാസ് vkk, ലീഡുമാരായ റാഫി കൊയിലാണ്ടി,ഫൈസൽ പുനൂർ, മുനീബ് പാഴുർ മൊഹിയുദ്ധിൻ സഹീർ, മുജീബ് മുത്താട്ട്, റംഷി ഓമശ്ശേരി , ഷമീം മുക്കം , പ്രഷീദ് തൈക്കൂട്ടത്തിൽ,,ലത്തീഫ് കാരന്തൂർ നിബിൻ കൊയിലാണ്ടി എന്നിവർ പരിപാടിക്ക് നേതൃത്വം നൽകി.
റിയാദ് : റിയാദിയിലെ പ്രാദേശിക കൂട്ടായ്മയായ കൊയിലാണ്ടിക്കൂട്ടം ഗ്ലോബൽ കമ്മ്യൂണിറ്റി റിയാദ് ചാപ്റ്റർ പതിനൊന്നാം വാർഷികം ഫെബ്രുവരി 20 ന് ആഘോഷിക്കുന്നു. വാർഷീകാഘോഷം വടകര എം പി ഷാഫി പറമ്പിൽ ഉദ്‌ഘാടനം ചെയ്യും .
“ഗാല നൈറ്റ്” എന്ന് പേരിട്ടിരിക്കുന്ന സംഗീത വിരുന്നിൽ നിഖിൽ പ്രഭ,ഗായിക പ്രിയ ബൈജു എന്നിവർ റിയാദ് പ്രവാസികൾക്ക് ഉത്സവ വിരുന്നൊരുക്കും. ഉമ്മുൽ ഹമാം ഡൽഹി പബ്ലിക് സ്കൂൾ ഓഡിറ്റോറിയത്തിൽ നടക്കുന്ന പരിപാടി വൈകിട്ട് 7 .30ന് ആരംഭിക്കുമെന്നും സംഘാടകർ വാർത്താകുറിപ്പിൽ അറിയിച്ചു.
എ ആർ റഹ്‌മാന്റെ അനുഗ്രഹീതമായ ശബ്ദ സാമ്യത്തിൽ ഗാനങ്ങൾ ആലപിക്കുന്ന നിഖിൽ പ്രഭ സൗത്ത് ഇന്ത്യയിലെ ഏറ്റവും പ്രശസ്തനായ ഗായകനാണ്. ആദ്യമായി സൗദിയിൽ വരുന്നതിന്റെ ആവേശവും റിയാദ് മലയാളീ പ്രവാസികൾക്ക് ഇഷ്ടമുള്ള ഒരുപിടി ഗാനങ്ങൾ ആലപിക്കുമെന്നും നിഖിൽ പ്രഭ അദ്ദേഹത്തിന്റെ വീഡിയോ പോസ്റ്റിലൂടെ അറിയിച്ചു.
ജിസിസി, യുകെ, ഇന്ത്യ (ഡൽഹി, ബാംഗ്ലൂർ, കൊയിലാണ്ടി) എന്നിവിടങ്ങളിൽ വ്യാപിച്ചുകിടക്കുന്ന കോഴിക്കോട് കൊയിലാണ്ടി പ്രദേശത്തുള്ള ആളുകളുടെ സാമൂഹിക-സാംസ്കാരിക സംഘടനയാണ് കൊയിലാണ്ടിക്കൂട്ടം. ആഗോളതലത്തിൽ, കൊയിലാണ്ടിക്കൂട്ടത്തിന് 11 ചാപ്റ്ററുകൾ ഉണ്ട്. കൊയിലാണ്ടി താലൂക്കിലെയും ജി.സി.സിയിലെ മറ്റ് പ്രദേശങ്ങളിലെയും പ്രവാസികൾക്കും നിർദ്ധനരായ ആളുകൾക്കുമായി റിയാദ് ചാപ്റ്റർ ക്ഷേമ പ്രവർത്തനങ്ങൾ ഏറ്റെടുത്തു നടത്താറുണ്ട് .
കൊയിലാണ്ടികൂട്ടത്തിന്റെ മുഖ്യ രക്ഷാധികാരികളിൽ ഒരാളായിരുന്ന അന്തരിച്ച പി വി സഫറുല്ലയ്ക്ക് അനുസ്മരണവും ആദരവും നൽകുമെന്നും പ്രസിഡന്റ് റാഷിദ് ദയ, ജനറൽ സെക്രട്ടറി നിബിൻ ഇന്ദ്രനീലം, പ്രോഗ്രാം ചെയർമാൻ പ്രഷീദ് തൈക്കൂടത്തിൽ , പ്രോഗ്രാം കൺവീനർ നൗഷാദ് സിറ്റി ഫ്ലവർ, ട്രഷറർ മുബാറക് അലി എന്നിവർ വാർത്താകുറിപ്പിൽ അറിയിച്ചു.
റിയാദ്: ഒഐസിസി റിയാദ് സെൻട്രൽ കമ്മറ്റി “പ്രവാസി പാർലിമെന്റ് ” സംഘടിപ്പിക്കുന്നു.
ഫെബ്രുവരി 21 വെള്ളി രാവിലെ 8.30നു ഡി പാലസ് ഓഡിറ്റോറിയത്തിലാണ് പരിപാടി . റിയാദ് സെൻട്രൽ കമ്മറ്റി പ്രസിഡന്റ് സലിം കളക്കര അധ്യക്ഷത വഹിക്കും.
ഇന്ത്യൻ പാർലമെന്റിലെ കേരളത്തിന്റെ പ്രതീക്ഷ, പ്രവാസികളുടെ ശബ്ദം, രാഷ്ട്രീയ പ്രവർത്തനത്തിലെ സർഗാത്മക യുവത്വം, വടകര എം പി ഷാഫി പറമ്പിൽ റിയാദ് മലയാളി സമൂഹത്തെ അഭിസംബോധന ചെയ്തു സംസാരിക്കും.ഹൃസ്വ സന്ദർശനത്തിനായി സൗദിയിലെത്തിയ ഷാഫി പറമ്പിൽ എം പി വ്യാഴാഴ്ച വൈകീട്ട് റിയാദിൽ എത്തിച്ചേരും.
പ്രവാസി പാർലിമെന്റിൽ രാഷ്ട്രീയ സാമൂഹിക സംസ്കാരിക ജീവകാരുണ്യ രംഗത്തെ പ്രമുഖർ സംബന്ധിക്കും. പരിപാടിയുടെ ഭാഗമാകുന്നതിനായി മുഴുവൻ ജനാധിപത്യ വിശ്വാസികളെയും ക്ഷണിക്കുന്നതായി പ്രസിഡന്റ് സലിം കളക്കര , ജനറൽ സെക്രട്ടറി (സംഘടനാ ചുമതല) ഫൈസൽ ബഹസ്സൻ എന്നിവർ വാർത്താകുറിപ്പിൽ അറിയിച്ചു.
-
Kerala3 months agoജീവനക്കാരുടെ ശമ്പളബില്ല്
കേന്ദ്രീകൃതമാക്കാനുള്ള നീക്കം,
ശമ്പളം കവര്ന്നെടുക്കാനുള്ള ആസൂത്രിത ശ്രമമാണെന്ന് ; ചവറ ജയകുമാര് -
News2 months agoക്ഷാമബത്ത കേസില് ഇടക്കാല ഉത്തരവ്
-
News3 months agoക്ഷാമ ബത്ത കേസിൽ ഇടക്കാല ഉത്തരവ്
-
News3 weeks agoസംസ്ഥാനത്ത് സാമ്പത്തിക പ്രതിസന്ധി: കേന്ദ്രത്തോട് 24,000 കോടി രൂപയുടെ പ്രത്യേക പാക്കേജ് ആവശ്യപ്പെട്ട് കേരളം
-
News3 months agoജീവനക്കാരെ രണ്ടു തട്ടിലാക്കുന്ന നടപടി സർക്കാർ അവസാനിപ്പിക്കണം
-
News1 month agoപണിമുടക്ക് നോട്ടീസ് നൽകി
-
News2 months agoസര്ക്കാര് ജീവനക്കാരും അധ്യാപകരുംഅനിശ്ചിത കാല പണിമുടക്കിലേക്ക്: സെറ്റോ
-
Thiruvananthapuram2 weeks agoജീവനക്കാരെ പറ്റിച്ച ബജറ്റ്: സെ ക്രട്ടറിയേറ്റ് ആക്ഷൻ കൗൺസിൽ
You must be logged in to post a comment Login