News
ഓഐസിസി ദമ്മാം മലപ്പുറം ജില്ലാ കമ്മിറ്റി ആര്യാടൻ മുഹമ്മദ് അനുസ്മരണം നടത്തി
ദമ്മാം : മുതിർന്ന കോണ്ഗ്രസ്സ് നേതാവും മുൻ മന്ത്രിയുമായിരുന്ന ശ്രീ ആര്യാടൻ മുഹമ്മദിന്റെ രണ്ടാം ചരമ വാർഷികത്തോടനുബന്ധിച്ച് ഓഐസിസി ദമ്മാം മലപ്പുറം ജില്ലാ കമ്മിറ്റി അനുസ്മരണ സമ്മേളനം സംഘടിപ്പിച്ചു.
ഏഴ് പതിറ്റാണ്ട് നീണ്ട രാഷ്ട്രീയ ജീവിതത്തിലൂടെ കേരളരാഷ്ട്രീയത്തിൽ നിറഞ്ഞ് നിന്നിരുന്ന ശ്രീ ആര്യാടൻ മുഹമ്മദ് പുതു തലമുറക്ക് എന്നും മാതൃകയാക്കാവുന്ന നേതാവായിരുന്നു എന്ന് ദമ്മാം ബദർ അൽ റാബി ഹാളിൽ സംഘടിപ്പിച്ച അനുസ്മരണയോഗം വിലയിരുത്തി. ഹ്രസ്വ സന്ദർശനാർത്ഥം ദമമാമിലെത്തിയ കെപിസിസി സെക്രട്ടറി കെ. പി. നൌഷാദലി മുഖ്യപ്രഭാഷണം നടത്തി.
മികച്ച രാഷ്ട്രീയ നേതാവിന് വേണ്ട നയചാതുര്യം , തന്ത്രങ്ങൾ, ഏകോപനങ്ങൾ, ശൈലികൾ തുടങ്ങിയവയെല്ലാം ക്രമപ്പെടുത്താൻ ശ്രീ ആര്യാടൻ മുഹമ്മദിന് സാധിച്ചു എന്നത് അദ്ദേഹത്തിന്റെ ഒരു വലിയ നേട്ടമായിരുന്നു. വലിയ കർമ്മകുശലതയുള്ള നേതാവായിരുന്ന ശ്രീ ആര്യാടൻ പാവങ്ങളുടെയും ആദിവാസികളുടെയും തൊഴിലാളികളുടെയും ഇടയിൽ അവിശ്രമം കഷ്ടപ്പെട്ട് പാർട്ടി പ്രവർത്തനം നടത്തിയാണ് ജനങ്ങളുടെ മനസ്സിൽ ഇടം പിടിച്ചത്. ഇന്ത്യന്‍ നാഷണല്‍ കൊണ്ഗ്രസ്സിനു വേണ്ടി ജീവിതം ഉഴിഞ്ഞു വെച്ച നേതാവായിരുന്ന ശ്രീ. ആര്യാടൻ മുഹമ്മദ് ഒരു തികഞ്ഞ മതേതര വാദിയും വർഗ്ഗീയതയെ അങ്ങേയറ്റം എതിരത്തിരുന്ന നേതാവുമായിരുന്നു. അദ്ദേഹത്തിലൂടെയാണ് കോണ്ഗ്രസ് പ്രസ്ഥാനം മലബാറില്‍ വിശിഷ്യ മലപ്പുറം ജില്ലയില്‍ വേരൂന്നിയത്. മലപ്പുറം ജില്ല രൂപീകൃതമായപ്പോള്‍ ഡിസിസി പ്രസിഡണ്ട് ആരെന്ന ചോദ്യത്തിന് ആര്യാടന്‍ എന്നല്ലാതെ മറ്റൊരുത്തരമുണ്ടായിരുന്നില്ല. അങ്ങിനെയാണ് കോഴിക്കോട് ജില്ലാ ഡിസിസി ജനറൽ സെക്രട്ടറി ആയിരുന്ന അദ്ദേഹം മലപ്പുറം ജില്ലയിലെ ആദ്യ ജില്ലാ കോണ്ഗ്രസ് പ്രസിഡണ്ട് ആവുന്നത്. പിന്നീട് മലപ്പുറത്തിന്റെയും മലബാറിന്റെയും സുല്‍ത്താനായി മാറുന്ന കാഴ്ചയാണ് കേരളം കണ്ടത് എന്നും നൗഷാദ് അലി അനുസ്മരിച്ചു.
ഒഐസിസി ദമ്മാം മലപ്പുറം ജില്ലാ ആക്ടിങ് പ്രസിഡണ്ട് ഷാഹിദ് കൊടിയേങ്ങൽ അദ്ധ്യക്ഷത വഹിച്ച അനുസ്മരണ യോഗം ദമ്മാം റീജണല്‍ കമ്മിറ്റി പ്രസിഡണ്ട് ഇ. കെ. സലീം ഉദ്ഘാടനം ചെയ്തു. ഓഐസിസി ഗ്ലോബൽ കമ്മിറ്റി അംഗവും കെപിസിസി മെമ്പറുമായ അഹമ്മദ് പുളിക്കൽ (വല്യാപ്പൂക്ക), ഗ്ലോബൽ കമ്മിറ്റി അംഗം സി. അബ്ദുൽ ഹമീദ്, റീജണൽ കമ്മിറ്റി സംഘടനാ ജനറൽ സെക്രട്ടറി ഷിഹാബ് കായംകുളം നാഷണൽ കമ്മിറ്റി അംഗം റഫീക്ക് കൂട്ടിലങ്ങാടി എന്നിവർ ശ്രീ. ആര്യാടൻ മുഹമ്മദിനെ അനുസ്മരിച്ചു. .
റീജണൽ വൈസ് പ്രസിഡണ്ട് ഷിജില ഹമീദ്, ജനറൽ സെക്രട്ടറി അൻവർ വണ്ടൂർ, സെക്രട്ടറി ആസിഫ് താനൂർ, ജില്ലാ വൈസ് പ്രസിഡണ്ട്മാരായ റസാക്ക് നഹ, അഷ്റഫ് കൊണ്ടോട്ടി, ജനറൽ സെക്രട്ടറിമാരായ അബ്ദുള്ള തൊടിക, നഫീർ തറമ്മേൽ,സെക്രട്ടറിമാരായ സിദ്ദീഖ്, റഫീഖ്.പി. കെ. എക്സിക്യൂട്ടീവ് അംഗങ്ങളായ മുഹമ്മദ് മുസ്തഫ, നവാസ് വെള്ളിയങ്ങര,അബ്ദുൽ സലാം,ജയേഷ് തുടങ്ങിയവർ നേതൃത്വം നല്കി. ഗ്ലോബൽ കമ്മിറ്റി അംഗം സിറാജ് പുറക്കാട്,റിയാദ് റീജണൽ കമ്മിറ്റി വൈസ് പ്രസിഡണ്ട് സലീം കളക്കര, റിയാദ് മലപ്പുറം ജില്ലാ ട്രഷറർ സാദിഖ്, തുടങ്ങിയവരും മറ്റിതര ജില്ലാ, ഏരിയ,വനിതാ കമ്മിറ്റി നേതാക്കളും പ്രവർത്തകരും സംബന്ധിച്ചു.
ജില്ലാ കമ്മിറ്റി ജനറൽ സെക്രട്ടറി ഹമീദ് മരക്കാശ്ശേരി സ്വാഗതവും ട്രഷറർ ഷൌക്കത്ത്അലി വെള്ളില നന്ദിയും പറഞ്ഞു.
റിയാദ് : കെപിസിസിയുടെ പബ്ലിക്കേഷൻ വിഭാഗമായ പ്രിയദർശനി പബ്ലിക്കേഷൻസിന്റെ സൗദി ചാപ്റ്റർ സംഘടിപ്പിക്കുന്ന “കേരള കൾച്ചർ” സാംസ്കാരിക സായാഹ്നം ഇന്ന് (വ്യാഴം) വൈകീട്ട് 9 മണിക്ക് റിയാദ് ബത്ഹ ഡി-പാലസ് ഹാളിൽ നടക്കുമെന്ന് സംഘാടകർ വാർത്ത കുറിപ്പിൽ അറിയിച്ചു.
ആഗോളതലത്തിൽ മാറിവരുന്ന സാസ്കാരിക മാറ്റം കേരളം എങ്ങനെ സ്വീകരിക്കുന്നു എന്നതുൾപ്പടെയുള്ള സാമൂഹ്യ വിഷയങ്ങൾ ചർച്ച ചെയുന്ന പരിപാടി കെപിസിസി ജനറൽ സെക്രട്ടറി പി എ സലിം ഉദ്ഘാടനം ചെയ്യും.
കെപിസിസി ജനറൽ സെക്രട്ടറിയും സാംസ്കാരിക പ്രവർത്തകനുമായ ആര്യാടൻ ഷൗക്കത്ത് മുഖ്യപ്രഭാഷണം നടത്തും.
റിയാദിലെ സാമൂഹ്യ സാംസ്കാരിക രംഗത്തെ സജീവ സാന്നിധ്യങ്ങൾ പങ്കെടുക്കുന്ന പരിപാടിയിൽ പങ്കെടുത്ത് സാമൂഹ്യ ദൗത്യത്തിൽ പങ്കാളികളാകണമെന്ന് സംഘാടകർ അറിയിച്ചു.
റിയാദ് : മനുഷ്യനടക്കമുള്ള എല്ലാ സഹജീവികളോടും സ്നേഹവും കരുതലും വേണമെന്നും അത് വഴി മാത്രമേ വിശ്വാസം പൂർണ്ണമാകുകയുള്ളു എന്ന് കേരള ഹജ്ജ് കമ്മറ്റി ചെയർമാനും ജാമിഅ മർകസ് വൈസ് ചാൻസലറുമായ ഹുസൈൻ സഖാഫി ചുള്ളിക്കോട്.
ജീവ കാരുണ്യ മേഖലകളിൽ ഐ സി എഫ് ചെയ്യുന്ന സേവനങ്ങൾ മാതൃകാപരമാണെന്നും ഇത്തരം സേവന പ്രവർത്തനങ്ങൾക്കു പൊതുസമൂഹത്തിന്റെ പിന്തുണ വേണമെന്നും അദ്ദേഹം അഭ്യർത്ഥിച്ചു . ഇന്ത്യൻ കൾച്ചറൽ ഫൗണ്ടേഷൻ (ഐ സി എഫ്) റിയാദ് റിജിനൽ കമ്മറ്റി സംഘടിപ്പിച്ച ഇഫ്താറിൽ പങ്കെടുത്തു സംസാരിക്കുകയായിരുന്നു അദ്ദേഹം.
റിയാദിലെ മാധ്യമ രാഷ്ട്രീയ സാമൂഹിക സാംസ്കാരിക രംഗങ്ങളിൽ ഉള്ളവർക്കൊപ്പം ‘ഇഫ്താർ റ്റുഗെതർ’ എന്ന പേരിൽ ഡി പാലസ് ഹോട്ടലിൽ ഐ സി എഫ് സംഘടിപ്പിച്ച ഇഫ്താർ പരിപാടിയിൽ ഹുസൈൻ സഖാഫിക്ക് സ്നേഹോപഹാരം കൈമാറി.
ഐ സി എഫ് റിയാദ് റിജിനൽ പ്രെസിഡന്റ് മുഹമ്മദ് കുട്ടി സഖാഫി അധ്യക്ഷത വഹിച്ചു ഡോ: തമ്പി,വി ജെ നസ്രുദീൻ ,ശുഹൈബ് പനങ്ങര,രഘുനാഥ് പറശിനിക്കടവ് , സജീർ ഫൈസി എന്നിവർ പ്രസംഗിച്ചു.
ഡോ:അബ്ദുൽ അസീസ്‌ തയ്യാറാക്കിയ മയക്കു മരുന്ന് വിരുദ്ധ ട്രൈനിംഗ്‌ ലഘുലേഖ ഡോ: തമ്പി ഹുസൈൻ സഖാഫിക്ക് കൈമാറി. ഐ സി എഫ് റിയാദ് ജനറൽ സെക്രട്ടറി ഇബ്രാഹിം കരീം സ്വാഗതവും മീഡിയ സെക്രട്ടറി അബ്ദുൽ ഖാദർ പള്ളിപറമ്പ നന്ദിയും പറഞ്ഞു.
നജീബ് കൊച്ചു കലുങ്ക്, ഷംനാദ് കരുനാഗപ്പള്ളി, സുലൈമാൻ ഊരകം, ഷമീർ കൂന്നുമ്മൽ, ഫൈസൽ കൊണ്ടോട്ടി,ഡോ: തസ്‌ലിം ആരിഫ്, ഡോ: ശാക്കിർ അഹമ്മദ്, ഷമീർ ഫ്ലക്‌സി, ഹനീഫ് ഗ്ലോബൽ, ഷിഹാബ് കൊട്ടുകാട്, ഉമർ പന്നിയൂർ, ലുഖ്‌മാൻ പഴുർ, അഷ്റഫ് അലി തുടങ്ങിയ പ്രമുഖർ പങ്കെടുത്തു
റിയാദ്: ലഹരിയെന്ന മഹാ വിപത്തിനെതിരെ റിയാദ് ഒഐസിസി റീജിണൽ കമ്മിറ്റിയുടെ ആഭിമുഖ്യത്തിൽ “ഡ്രഗ്സ് വേണ്ട, ലൈഫ് മതി” എന്ന ആശയവുമായി ലഹരി വിരുദ്ധ ക്യാമ്പയിന് തുടക്കമായി. പരിപാടിയുടെ ഭാഗമായി റിയാദ് ഇന്ത്യൻ എംബസി സെക്കന്റ് സെക്രട്ടറി ഭഗവാൻ സഹായി മീന ക്യാൻവാസിൽ ഒപ്പ് രേഖപ്പെടുത്തി കൊണ്ട് ക്യാമ്പയിന് തുടക്കം കുറിച്ചു. തുടർന്ന് പരിപാടിയിൽ പങ്കെടുത്ത ആയിരങ്ങൾ ഒപ്പ് രേഖപ്പെടുത്തി കാമ്പയിന്റെ ഭാഗമായി. ചടങ്ങിൽ ഗ്ലോബൽ കമ്മിറ്റി അംഗം നൗഫൽ പാലക്കാടൻ ലഹരി വിരുദ്ധ പ്രതിജ്ഞ വാചകം ചൊല്ലി കൊടുത്തു.
നമ്മുടെ നാടിനെ അരാജകത്തിലേക്ക് കൊണ്ട് പോകുന്ന ലഹരിയെന്ന മഹാ ദുരന്തത്തിൽ നിന്നും നമ്മുടെ നാടിനെയും നാട്ടുകാരെയും സംരക്ഷിക്കുക എന്ന ഭൗത്യവുമായി പ്രവാസികളായ നമുക്കും പലതും ചെയ്യാൻ സാധിക്കുമെന്നും, അതിന്റെ ഭാഗമായി വിത്യസ്ഥ ആശയങ്ങളുമായി റിയാദ് ഒഐസിസി മാസങ്ങളോളം നീണ്ടു നിൽക്കുന്ന ലഹരി വിരുദ്ധ ബോധവൽക്കരണ പരിപാടികൾക്ക് തുടക്കം കുറിക്കുകയാണന്നും, ഇതിനായി പൊതു സമൂഹത്തിന്റെ എല്ലാവിധ പിന്തുണയും സഹകരണവും ഉണ്ടാവണമെന്ന് റിയാദ് ഒഐസിസി സെൻട്രൽ കമ്മിറ്റി പ്രസിഡന്റ് സലീം കളക്കര ആവശ്യപ്പെട്ടു.
ചടങ്ങിൽ വിവിധ രാഷ്ട്രീയ സാമൂഹിക സംസ്കാരിക സംഘടനാ പ്രതിനിധികൾ പങ്കാളികളായി. റിയാദ് ഇന്ത്യൻ എംബസി സെക്കന്റ് സെക്രട്ടറി ഭഗവാൻ സഹായ് മീന, ഐ.ജെ.എഫ് എഫ് സൗദി പ്രസിഡന്റ് ഡോ.മുഹമ്മദ് അശ്റഫ്, പുഷ്പരാജ് ( ഇന്ത്യൻ എംബസി ) ഡോ: കെ ആർ ജയചന്ദ്രൻ (വിദ്യാഭ്യാസ വിദഗ്ധൻ ) സംഗീത അനൂപ് (ഡ്യൂൺസ് ഇന്റർനാഷണൽ ഇന്ത്യൻ സ്കൂൾ പ്രിൻസിപ്പൾ),സുധീർ കുമ്മിൾ (നവോദയ), നാസർ കാരക്കുന്ന് (കേളി ), ജോസഫ് അതിരുങ്കൽ (എഴുത്തുകാരൻ ), നിബു വർഗീസ് (റിഫ), മൈമൂന ടീച്ചർ (ഇന്ത്യൻ എംബസി സ്കൂൾ ), സംരംഭൻ ഡേവിഡ് ലുക്ക്, ഒഐസിസി ഭാരവാഹികളായ ഫൈസൽ ബാഹസ്സൻ, കുഞ്ഞി കുമ്പള, അബ്ദുള്ള വല്ലാഞ്ചിറ, നവാസ് വെള്ളിമാട്കുന്ന്, രഘുനാഥ് പറശ്ശിനിക്കടവ്, മജീദ് ചിങ്ങോലി, ശിഹാബ് കൊട്ടുകാട്, റഷീദ് കൊളത്തറ, റസാഖ് പൂക്കോട്ടുപാടം, യഹിയ കൊടുങ്ങല്ലൂർ, നൗഷാദ് കറ്റാനം, അസ്ക്കർ കണ്ണൂർ,റഹ്‌മാൻ മുനമ്പത്ത്, ഷാജി സോന, അഡ്വ.എൽ കെ അജിത്ത്, സലീം അർത്തിയിൽ, മാള മുഹിയിദ്ധീൻ ഹാജി, ഷഫീഖ് കിനാലൂർ, മൃദുല വിനീഷ് തുടങ്ങിയവർ സന്നിഹിതായി.
സെൻട്രൽ കമ്മിറ്റി ഭാരവാഹികളായ മുഹമ്മദലി മണ്ണാർക്കാട്, ബാലു കുട്ടൻ, ഷുക്കൂർ ആലുവ, സജീർ പൂന്തുറ, അമീർ പട്ടണത്ത്, അബ്ദുൽ കരീം കൊടുവള്ളി, ഷംനാദ് കരുനാഗപള്ളി, നിഷാദ് ആലംങ്കോട്, സക്കീർ ദാനത്ത്, സുരേഷ് ശങ്കർ, ഷാനവാസ് മുനമ്പത്ത്, അശ്റഫ് കീഴ്പുള്ളിക്കര, രാജു പാപ്പുള്ളി, ഹക്കീം പട്ടാമ്പി, റഫീഖ് വെമ്പായം, ജോൺസൺ മാർക്കോസ്, സൈഫ് കായങ്കുളം, അശ്റഫ് മേച്ചേരി, നാദിർഷാ റഹ്‌മാൻ, ബഷീർ കോട്ടക്കൽ, ജയൻ കൊടുങ്ങല്ലൂർ അടക്കം വിവിധ ജില്ല പ്രസിഡന്റുമാർ ഭാരവാഹികൾ തുടങ്ങിയവർ നേതൃത്വം നൽകി.
സൂരജ് വധക്കേസ്; ടി.പി. ചന്ദ്രശേഖരൻ വധക്കേസ് പ്രതി ടി.കെ. രജീഷ് ഒന്നാംപ്രതി; മുഖ്യമന്ത്രിയുടെ പ്രസ്സ് സെക്രട്ടറിയുടെ സഹോദരൻ ഉൾപ്പെടെ സിപിഎമ്മുകാർ കുറ്റക്കാരന്ന് കോടതി
എൽജി ചാമ്പ്യൻസ് ലീഗ് ഓഫർ 31 വരെ നീട്ടി
കണ്ണൂരിൽ ബിജെപി പ്രാദേശിക നേതാവിനെ വെടിവെച്ച് കൊലപ്പെടുത്തിയ സംഭവം; വ്യക്തിവൈരാഗ്യമെന്ന് പൊലീസ്
-
News3 months agoക്ഷാമബത്ത കേസില് ഇടക്കാല ഉത്തരവ്
-
News2 months agoസംസ്ഥാനത്ത് സാമ്പത്തിക പ്രതിസന്ധി: കേന്ദ്രത്തോട് 24,000 കോടി രൂപയുടെ പ്രത്യേക പാക്കേജ് ആവശ്യപ്പെട്ട് കേരളം
-
News2 months agoപണിമുടക്ക് നോട്ടീസ് നൽകി
-
News3 months agoസര്ക്കാര് ജീവനക്കാരും അധ്യാപകരുംഅനിശ്ചിത കാല പണിമുടക്കിലേക്ക്: സെറ്റോ
-
Thiruvananthapuram1 month agoജീവനക്കാരെ പറ്റിച്ച ബജറ്റ്: സെ ക്രട്ടറിയേറ്റ് ആക്ഷൻ കൗൺസിൽ
-
Kerala1 month agoധനസമാഹരണത്തിന് ശമ്പളം ലക്ഷ്യമിട്ട്
ബഡ്ജറ്റ് അവതരിപ്പിക്കുന്ന സര്ക്കാര് കേരളത്തില് മാത്രം; ചവറ ജയകുമാര് -
Featured2 months agoസംസ്ഥാനത്ത് നാളെ 6 ജില്ലകൾക്ക് അവധി
-
Featured1 month agoകേരളം രഞ്ജിട്രോഫി സെമിയില്
You must be logged in to post a comment Login