Kollam
ജനങ്ങൾക്ക് ഭീഷണിയുയർത്തി ബസുകളുടെ
മത്സര ഓട്ടം; അധികൃതർ നോക്കുകുത്തി
അമിത്ചന്ദ്രന്‍
കൊല്ലം: കൊല്ലം- ചെങ്ങന്നൂര്‍ പാതയില്‍ സ്വകാര്യ- കെ.എസ്.ആര്‍.ടി.സി ബസുകള്‍ നടത്തുന്ന മത്സരയോട്ടം ജനങ്ങള്‍ക്ക് കടുത്ത വെല്ലുവിളിയായി.
ദൈനം ദിനം ജനങ്ങളുടെ ജീവന് ഭീഷണിയുയര്‍ത്തി നടത്തുന്ന ബസുകളുടെ മത്സരയോട്ടത്തിനെതിരെ ചെറുവിരല്‍ അനക്കാതെ അധികൃതര്‍ നോക്കുകുത്തിയാകുന്നെന്നുമാണ് ആക്ഷേപം. കെ എസ് ആര്‍ ടി സി ബസുകളും നിരവധി സ്വകാര്യ ബസ്സുകളാണ് ഈ പാതയിലൂടെ സര്‍വീസ് നടത്തുന്നത്. ഏതാനും വര്‍ഷങ്ങള്‍ക്ക് മുമ്പ് കൊല്ലം -ചെങ്ങന്നൂര്‍- ചെയിന്‍ സര്‍വീസുകള്‍ ആരംഭിച്ചതോടെയാണ് സ്വകാര്യ ബസ്സുകള്‍ക്ക് അത് ഭീഷണിയായത്. തുടര്‍ന്ന് കെഎസ്ആര്‍ടിസിയും സ്വകാര്യ ബസുകളും നേരിട്ടുള്ള മത്സരത്തിന് വഴിയൊരുങ്ങി.
രാവിലെയും വൈകുന്നേരവും തിരക്കുള്ള പാതയില്‍ ബസ്സുകളുടെ മത്സരയോട്ടംവലിയ തോതിലുള്ള അപകടസാധ്യതകളാണ് വിളിച്ചുവരുത്തുന്നത്. വളവുകളിലും മറ്റും അമിത വേഗത്തില്‍ എത്തി മറികടക്കുവാന്‍ ശ്രമിക്കുന്നത് പലപ്പോഴും വന്‍അപകടങ്ങള്‍ക്ക് കാരണമാകുന്നുണ്ട്. പലയിടത്തും ഇടുങ്ങിയ റോഡുകളായതിനാല്‍ മറ്റ് വഴി യാത്രികരും അപകടങ്ങളില്‍പെടുന്നത് പതിവാണ്. നിയന്ത്രിണമില്ലാതെബസ് നിര്‍ത്തിയാത്രക്കാരെ ഇറക്കു ന്നതും വലിയ ശാപമാണ്. ബന്ധപ്പെട്ട ഉദ്യോഗസ്ഥരുടെ വേണ്ടത്ര പരിശോധനകള്‍ ഇല്ലാത്തതാണ് മത്സരയോട്ടം തുടരുന്നതിന് കാരണമാകുന്നത്. കെഎസ്ആര്‍ടിസി ബസുകളുടെ പിന്‍ഭാഗത്ത് അമിതവേഗത ശ്രദ്ധയില്‍പ്പെട്ടാല്‍ ബന്ധപ്പെടാനുള്ള നമ്പര്‍ പ്രദര്‍ശിപ്പിക്കണമെന്നുണ്ടെങ്കിലും അത് അവ്യക്തമായനിലയിലാണ.് സ്പീഡ് ഗവര്‍ണര്‍ ഘടിപ്പിച്ചിട്ടുണ്ടെങ്കിലും അത് വിച്ഛേദിച്ചാണ് മത്സരം ഓട്ടം നടത്തുന്നത്. ഇത് അധികൃതര്‍ പരിശോധിച്ച് വേണ്ട നടപടി എടുക്കണമെന്നാണ് യാത്രക്കാരുടെ ആവശ്യം.
കൊല്ലം- ചെങ്ങന്നൂര്‍ സര്‍വ്വീസ് നടത്തുന്ന കെ. എസ്. ആര്‍. ടി.സി ഡ്രൈവര്‍മാര്‍ക് ട്രിപ്പ് പൂര്‍ത്തീകരിക്കുമ്പോള്‍ വിശ്രമിക്കാനുള്ള സമയം ലഭിക്കുന്നില്ലെന്ന് പരാതിയുണ്ട്. കൊല്ലം – ചെങ്ങന്നൂര്‍ പാതയില്‍ കെ.എസ്.ആര്‍.ടി.സി സര്‍വീസ് കൊണ്ട് വന്നത് കൊടികുന്നില്‍ സുരേഷ് എംപിയുടെ കഠിന പരിശ്രമത്തിലാണ്. സര്‍വ്വീസ് വന്‍ ലാഭത്തിലാണ് നിലവിലും ഓപ്പറേറ്റ് ചെയ്യുന്നത്.കാലങ്ങളായി മേഖലയിലെ യാത്രക്കാരുടെ ആവശ്യം പരിഗണിച്ചാണ് എം പി സര്‍വ്വീസ് യുദ്ധകാലാടിസ്ഥാനത്തില്‍ ആരംഭിച്ചത്. തുടര്‍ന്ന് കെ.എസ്.ആര്‍.ടി.സി. മാനേജ്‌മെന്റ്. കൂടുതല്‍ സര്‍വീസുകള്‍ വര്‍ദ്ധിപ്പിച്ചതോടെ പ്രൈവറ്റ് ബസ് സര്‍വീസിന് തിരിച്ചടിയായി. ഈ പ്രതിസന്ധി മറികടക്കുന്നതിനായി പ്രൈവറ്റ് ബസ് മുതലാളിമാര്‍ കണ്ടുപിടിച്ച മാര്‍ഗം കെഎസ്ആര്‍ടിസിയുടെ കളക്ഷന്‍ കുറയ്ക്കുക എന്നതാണ്. കെഎസ്ആര്‍ടിസി ബസ്സിന്റെ സമയത്തിന് മുന്‍പിലും പുറകിലുമായി സര്‍വീസ് നടത്തുന്ന സ്വകാര്യബസ്സുടമകള്‍ തമ്മില്‍ കൈകോര്‍ക്കുകയും കെഎസ്ആര്‍ടിസി ബസ് കടന്നു പോകുന്ന പാതകളില്‍ ജീവനക്കാരെ നിര്‍ത്തി കെഎസ്ആര്‍ടിസിയുടെ കളക്ഷന്‍ പരമാവധി കുറക്കാനും ശ്രമം തുടങ്ങി. ഇതിന് സ്വകാര്യ ബസുകളിലെ ജീവനക്കാര്‍ നടത്തിവരുന്ന ഒത്താശകള്‍ കെ എസ് ആര്‍ ടി സി യുടെ വരവിനെ സാരമായി ബാധിച്ചിട്ടുണ്ടെന്നത് വസ്തുതയാണ്. പലപ്പോഴും ചെങ്ങന്നൂരിലെത്തേണ്ട ബസുകള്‍ ചാരുംമൂട്ടില്‍ സര്‍വ്വീസ് നിര്‍ത്തുന്ന പ്രവണതയും കണ്ടുവരുന്നു. ഇതിനെതിരെ വ്യാപക പരാതി ഉയര്‍ന്നതോടെ ഡ്രൈവര്‍മാര്‍ സര്‍വ്വീസ് ചെങ്ങന്നൂര്‍ വരെ നടത്താന്‍ നിര്‍ബന്ധിതരായിട്ടുണ്ട്. ഏതായാലും ഇരുചക്രവാഹനങ്ങളും നാലുവീലുള്ള വാഹനങ്ങളും വിരാജിക്കുന്ന റോഡില്‍ ബസുകളുടെ മത്സരഓട്ടത്തിന് കടിഞ്ഞാണിടാന്‍ അധികൃതരുടെ ഭാഗത്തുനിന്നും അടിയന്തിര ഇടപെടലും കര്‍ശന നിയമപാലനവും ഉണ്ടാകണമെന്നാണ്ഉയര്‍ന്നുവന്നിരിക്കുന്ന ശക്തമായ ആവശ്യം.
Featured
കരുനാഗപ്പള്ളിയില്‍ വ്യക്തി താല്‍പര്യങ്ങളുടെ അടിസ്ഥാനത്തില്‍ ചേരിപ്പോരും മത്സരവും നടന്നുവെന്ന് സിപിഎം ജില്ലാ സമ്മേളന റിപ്പോര്‍ട്ട്
കൊല്ലം: സിപിഎം കൊല്ലം ജില്ലാ സമ്മേളനത്തില്‍ ജില്ലാ സെക്രട്ടറി അവതരിപ്പിച്ച റിപ്പോര്‍ട്ടില്‍ കരുനാഗപ്പള്ളിയി ഏരിയയിലെ വിഭാഗീയതയ്‌ക്കെതിരെ രൂക്ഷവിമര്‍ശനം. കരുനാഗപ്പള്ളിയില്‍ വ്യക്തി താല്‍പര്യങ്ങളുടെ അടിസ്ഥാനത്തില്‍ ചേരിപ്പോരും മത്സരവും നടന്നുവെന്നാണ് റിപ്പോര്‍ട്ട് പറയുന്നത്. പാര്‍ട്ടി ജില്ലാ സംസ്ഥാന സെക്രട്ടറിമാര്‍ ഇടപെട്ടിട്ടും സ്ഥാപിത താല്‍പര്യങ്ങളുമായി മുന്നോട്ട് പോയി. പാര്‍ട്ടിയുടെ വാക്കിന് യാതൊരു വിലയും കല്‍പിച്ചില്ല. വിഭാഗീയ പ്രശ്‌നങ്ങള്‍ പാര്‍ട്ടിക്ക് അവമതിപ്പുണ്ടാക്കിയെന്നും റിപ്പോര്‍ട്ട് ചൂണ്ടിക്കാണിക്കുന്നു.
കരുനാഗപ്പള്ളിയിലെ പ്രശ്‌നങ്ങള്‍ മൂലം സംസ്ഥാന സെക്രട്ടറിക്ക് വരെ നേരിട്ട് വരേണ്ട സാഹചര്യമുണ്ടായെന്നും റിപ്പോര്‍ട്ട് കുറ്റപ്പെടുത്തുന്നു. സംസ്ഥാന സെക്രട്ടറി അടക്കം എത്തി പ്രശ്‌നങ്ങള്‍ പരിഹരിക്കണമെന്ന് എന്ന് നിര്‍ദ്ദേശിച്ചതാണ്. എന്നാല്‍ നേതാക്കളും പ്രവര്‍ത്തകരും ചേരിതിരിഞ്ഞ് മത്സരിച്ചു. നേതൃത്വത്തെ അവഗണിക്കാനും അംഗീകാരമുള്ള നേതാക്കളെ ദുര്‍ബലപ്പെടുത്താനുമുള്ള നീക്കമാണ് കരുനാഗപ്പള്ളിയിലെ ലോക്കല്‍ സമ്മേളനങ്ങളില്‍ നടന്നതെന്നും റിപ്പോര്‍ട്ട് കുറ്റപ്പെടുത്തി.
കരുനാഗപ്പള്ളിയിലെ വിഭാഗീയ പ്രവര്‍ത്തനങ്ങള്‍ ഒരിക്കലും അംഗീകരിക്കാന്‍ സാധിക്കാത്തതാണെന്നും റിപ്പോര്‍ട്ടില്‍ വ്യക്തമാക്കുന്നുണ്ട്. കുലശേഖരപുരം സൗത്ത് ലോക്കല്‍ സമ്മേളനത്തില്‍ ഒരിക്കലും സംഭവിക്കാന്‍ പാടില്ലാത്ത കാര്യങ്ങളാണ് നടന്നത്. കരുനാഗപ്പള്ളിയിലെ വിഭാഗീയതയ്ക്ക് ശേഷം സംസ്ഥാനത്തിന്റെ മറ്റ് പലയിടങ്ങളിലും ഇത്തരം പ്രശ്‌നങ്ങള്‍ ഉടലെടുത്തു. പൊടിപ്പും തൊങ്ങലും ഉള്ള വാര്‍ത്തകള്‍ മാധ്യമങ്ങളിലൂടെ ലോക്കല്‍ സമ്മേളനവുമായി ബന്ധപ്പെട്ട് പ്രചരിച്ചുവെന്നും റിപ്പോര്‍ട്ട് ചൂണ്ടിക്കാണിക്കുന്നു. പ്രശ്‌നങ്ങള്‍ സൃഷ്ടിച്ചവര്‍ക്കെതിരെ കടുത്ത നടപടി ഉണ്ടാകുമെന്ന മുന്നറിയിപ്പും റിപ്പോര്‍ട്ടിലുണ്ട്. സിപിഐഎം ജില്ലാ സെക്രട്ടറി എസ് സുദേവന്‍ ആണ് റിപ്പോര്‍ട്ട് അവതരിപ്പിച്ചത്.
നേരത്തെ കരുനാഗപ്പള്ളിയിലെ സിപിഐഎം ഏരിയ കമ്മിറ്റി പിരിച്ചുവിടുകയും തുടര്‍ന്ന് ഏഴംഗ അഡ്‌ഹോക്ക് കമ്മിറ്റി രൂപീകരിക്കുകയും ചെയ്തിരുന്നു. സിപിഐഎം ജില്ലാ സെക്രട്ടേറിയേറ്റ് അംഗം ടി മനോഹരന്‍ കണ്‍വീനറും എസ് ആര്‍ അരുണ്‍ ബാബു, എസ് എല്‍ സജികുമാര്‍,പി.ബി സത്യദേവന്‍, എന്‍ സന്തോഷ്, ജി മുരളീധരന്‍, എഎം ഇക്ബാല്‍ എന്നിവര്‍ അംഗങ്ങളുമായ അഡ്‌ഹോക്ക് കമ്മിറ്റിയാണ് രൂപീകരിച്ചത്. നടുറോഡിലെ കയ്യാങ്കളിയും തര്‍ക്കവും വരെയെത്തിയ കൊല്ലം കുലശേഖരപുരത്തെ വിഭാഗീയതയെത്തുടര്‍ന്ന് ഇന്നാണ് കരുനാഗപ്പള്ളി സിപിഐഎം ഏരിയാ കമ്മിറ്റി സംസ്ഥാന നേതൃത്വം നേരത്തെ പിരിച്ചുവിട്ടത്.
കൊല്ലം: കേരള സംസ്ഥാന സര്‍ക്കാര്‍ ലോട്ടറിയുടെ പൂജ ബംപറടിച്ചത് കരുനാഗപ്പള്ളി തൊടിയൂര്‍ സ്വദേശി ദിനേശ് കുമാറിന്. കൊല്ലത്തെ ജയകുമാര്‍ ലോട്ടറി സെന്ററില്‍നിന്ന് പത്ത് ടിക്കറ്റാണ് ദിനേശ് എടുത്തത്. അതിലൊന്നിനാണ് 12 കോടി കിട്ടിയത്. ഒന്നാം സമ്മാനത്തിന് പുറമെ ദിനേശ്കുമാറിന് ഏജന്‍സി കമ്മീഷനും കിട്ടും. പത്തു ലോട്ടറി ഒരുമിച്ചെടുത്ത ഉപ ഏജന്റ് എന്ന നിലയിലാണിത്.
നറുക്കെടുപ്പ് നടന്ന ബുധനാഴ്ച തന്നെ തനിക്കാണു സമ്മാനമെന്ന് മനസിലാക്കിയെങ്കിലും ആരോടും പറഞ്ഞില്ല. ഇന്നലെ സമ്മാനാര്‍ഹമായ ടിക്കറ്റ് ബാങ്കില്‍ ഹാജരാക്കിയ ശേഷമാണ് വീട്ടുകാരെപ്പോലും ദിനേശ് കുമാര്‍ വിവരം അറിയിച്ചത്. കിട്ടുന്ന വരുമാനത്തില്‍ നിന്ന് ചെറിയൊരു വിഹിതം പാവങ്ങളെ സഹായിക്കാന്‍ നീക്കി വയ്ക്കുന്ന ശീലമുള്ള ദിനേശ് കുമാര്‍ ബംപര്‍ ലോട്ടറി സമ്മാനത്തിന്റെ ഒരു ഭാഗവും അതിനായി മാറ്റി വയ്ക്കും. നാട്ടില്‍ പല തരത്തിലുള്ള ബുദ്ധിമുട്ട് അനുഭവിക്കുന്ന നിരവിധി പേരുണ്ട്. അവര്‍ക്ക് ആകാവുന്ന തരത്തില്‍ സഹായം നല്‍കണം- ദിനേശ് കുമാര്‍ പറയുന്നു.
2019-ല്‍ 12 കോടിയുടെ സമ്മാനം നഷ്ടമായത് തൊട്ടടുത്ത നമ്പറിനാണ് . അന്നേ ലോട്ടറി അടിക്കുമെന്നു പ്രതീക്ഷിച്ചിരുന്നു. ഇടയ്ക്ക് ഒരു തവണ 50,000 രൂപയും 10,000 രൂപയും അടിച്ചിട്ടുണ്ട്. കോടീശ്വരനായതില്‍ ഭയമൊന്നുമില്ല. ജീവിതം പഴയതുപോലെ തന്നെയായിരിക്കും. കിട്ടിയ പണം കുറച്ചു കാലത്തേക്കു സ്ഥിരനിക്ഷേപമായി സൂക്ഷിക്കും. അതിനു ശേഷം ആലോചിച്ചു വേണ്ടതു ചെയ്യും. ഇതുവരെ ജീവിച്ചതുപോലെ സാധാരണക്കാരനായി ജീവിക്കാനാണിഷ്ടം- ദിനേശ് കുമാര്‍ പറഞ്ഞു.
തിരുവനന്തപുരം: കേരള സംസ്ഥാന ഭാഗ്യക്കുറി വകുപ്പിന്റെ പൂജാ ബംപറിന്റെ ഒന്നാം സമ്മാനം JC 325526 എന്ന ടിക്കറ്റിന്. കൊല്ലത്ത് വിറ്റ ടിക്കറ്റിനാണ് സമ്മാനം ലഭിച്ചത്. ലോട്ടറി ഏജന്റായ ലയ എസ്.വിജയന്‍ കായംകുളം സബ് ഓഫീസില്‍നിന്നാണ് സമ്മാനാർഹമായ ടിക്കറ്റ് വാങ്ങിയത്. 39 ലക്ഷം പൂജാ ബമ്പര്‍ ലോട്ടറി ടിക്കറ്റുകളാണ് ഇത്തവണ വിറ്റഴിച്ചത്. 12 കോടി രൂപയാണ് ബംപര്‍ സമ്മാനം. രണ്ടാം സമ്മാനം ഒരു കോടി വീതം അഞ്ച് പേർക്ക്. ഓരോ പരമ്പരകള്‍ക്കും രണ്ട് വീതം 10 ലക്ഷംരൂപയാണ് മൂന്നാം സമ്മാനം. കൂടാതെ 5000, 1000, 500, 300 രൂപയുടെ മറ്റ് നിരവധി സമ്മാനങ്ങളുമുണ്ട്.
ദുരന്ത സഹായത്തിന് കൂലി ചോദിച്ചു കേന്ദ്രസർക്കാർ; എയർ ലിഫ്റ്റിങ്ങിന് 132.62 കോടി തിരിച്ചടയ്ക്കണമെന്ന് ആവശ്യം
‘ഭാര്യ മരിച്ചത് അല്ലു അർജുന്റെ തെറ്റുകൊണ്ടല്ല’ ; തിയേറ്റർ അപകടത്തിൽ മരിച്ച രേവതിയുടെ ഭർത്താവ് ഭാസ്കർ
അല്ലു അർജുന് ആശ്വാസം; ഇടക്കാല ജാമ്യം അനുവദിച്ച് തെലങ്കാന ഹൈക്കോടതി
-
Kerala2 weeks agoജീവനക്കാരുടെ ശമ്പളബില്ല്
കേന്ദ്രീകൃതമാക്കാനുള്ള നീക്കം,
ശമ്പളം കവര്ന്നെടുക്കാനുള്ള ആസൂത്രിത ശ്രമമാണെന്ന് ; ചവറ ജയകുമാര്‍ -
News2 days agoക്ഷാമബത്ത കേസില് ഇടക്കാല ഉത്തരവ്
-
News4 weeks agoക്ഷാമ ബത്ത കേസിൽ ഇടക്കാല ഉത്തരവ്
-
Featured2 months agoഡി എ: പ്രഖ്യാപനം നിരാശാജനകമെന്ന് സെക്രട്ടേറിയറ്റ് അസോസിയേഷൻ
-
Kerala2 months agoക്ഷാമബത്ത: കുടിശ്ശിക നിഷേധിച്ചാൽ നിയമപരമായി നേരിടും; ചവറ ജയകുമാർ
-
News4 weeks ago
ജീവനക്കാരെ രണ്ടു തട്ടിലാക്കുന്ന നടപടി സർക്കാർ അവസാനിപ്പിക്കണം
-
Education3 months agoമഹാരാജാസിന് ഓട്ടോണമസ് പദവി നഷ്ടപ്പെട്ടിട്ട് നാലുവര്ഷം: കോളേജ് നടത്തുന്ന പരീക്ഷകള് അസാധുവാകും
-
News2 days agoസര്‍ക്കാര്‍ ജീവനക്കാരും അധ്യാപകരുംഅനിശ്ചിത കാല പണിമുടക്കിലേക്ക്: സെറ്റോ
You must be logged in to post a comment Login