Connect with us
48 birthday
top banner (1)

Health

ഒഡീഷയുടെ സ്വന്തം‘ ഉറുമ്പു ചമ്മന്തി‘യ്ക്ക് സർക്കാർ അംഗീകാരം

Avatar

Published

on

പുളിയുറുമ്പ് അല്ലെങ്കിൽ നീറ് നമുക്ക് സുപരിചിതരായ ചുവന്ന ഉറുമ്പുകളാണ്. മരത്തിൽക് കയറി നീറിൻ്റെ കടി കൊള്ളാത്തവരാരും പഴയ തലമുറയിൽ ഉണ്ടാവാൻ വഴിയില്ല.എന്നാൽ അവയെ ഉണക്കിപ്പൊടിച്ച് രുചികരമായ ചമ്മന്തി ഉണ്ടാക്കി ആർത്തിയോടെ കഴിക്കുന്നത് ആലോചിക്കൂ. അതു കാണണമെങ്കിൽ ഒഡീഷയിൽ ചെല്ലണം. ഇപ്പോഴിതാ ആ ഉറുമ്പുചമ്മന്തിയ്ക്ക്, അതും സാക്ഷാൽ പുളിയുറുമ്പു ചമ്മന്തിയ്ക്ക് കേന്ദ്ര സർക്കാരിൻ്റെ ദേശപ്പെരുമയുടെ മുദ്രണം ( G. I tag) ലഭിച്ചിരിക്കുന്നു.രുചിയും പോഷകഗുണവുമുള്ള ഈ സൂപ്പർ ഫുഡ് ഒഡീഷയുടെ മയൂർഭഞ്ച് ജില്ലയുടെ സ്വന്തമാണെന്ന് കേന്ദ്ര സർക്കാർ അംഗീകരിച്ചിരിക്കുന്നു.2024 ജനുവരി 4 നാണ് ‘സിമ്മിലിപ്പാൽ കായി ചമ്മന്തി’(Similipal Kai Chutney of Odisha)യ്ക്ക് ജി ഐ ടാഗ് ലഭിച്ചത്.

ഗോത്രവർഗക്കാരുടെ ഇഷ്ട വിഭവം

Advertisement
VKSHNM NWS KWT 1000 x 180 PX-01

ഒഡീഷയിലെ മയൂര്‍ഭഞ്ച് (Mayurbhanj)ജില്ലയിലെ ഗോത്രവര്‍ഗക്കാരുടെ പ്രിയങ്കരമായ വിഭവമാണ് ഉറുമ്പ് ചമ്മന്തി. അവരുടെ പോഷകാവശ്യങ്ങള്‍ നിറവേറ്റുന്നത് ഉറുമ്പിൻ്റെ പല വിഭവങ്ങളാണെന്നു പറയാം.. അതില്‍ ഏറ്റവും വിശിഷ്ടമായ വിഭവമാണ് ചുവന്ന ഉറുമ്പ് ചമ്മന്തി.
ഒഡീഷയ്ക്ക് പുറമെ ഛത്തീസ്ഗഢിലെയും, ജാർഖണ്ഡിലെയും ചില പ്രദേശങ്ങളിൽ ചമ്മന്തികളിൽ പ്രധാന ചേരുവയായി ഉറുമ്പുകളെ ഉപയോഗിക്കാറുണ്ട്. ഇഞ്ചി, വെളുത്തുള്ളി, മല്ലിയില, ഏലം, പുളി, ഉപ്പ് എന്നിവ കൂടി ചേർത്താണ് ചമ്മന്തി തയ്യാറാക്കുന്നത്. പാചകത്തിനു മുൻപ് ഉറുമ്പുകളെയും അവയുടെ മുട്ടകളെയും ഉണക്കിയെടുക്കുന്നു..
പ്രോട്ടീൻ, ഫൈബർ എന്നിവയുടെ കലവറയാണ് ഉറുമ്പുകൾ. അയൺ, സിങ്ക് , മഗ്നീഷ്യം, പൊട്ടാസ്യം തുടങ്ങിയവയും ഉറുമ്പുകളിലുണ്ട്. ബുദ്ധിവികാസത്തിനും ഓർമ്മശക്തിയ്ക്കും അത്യുത്തമമാണ് ഈ ചമ്മന്തിയെന്നും വിശ്വസിക്കപ്പെടുന്നു. മയൂർഭഞ്ചിലെ ഗോത്ര കുടുംബങ്ങളിൽ ഉറുമ്പുകളെ വനത്തിൽ നിന്നു ശേഖരിച്ച് ചമ്മന്തിയുണ്ടാക്കി വിൽപന നടത്തി ഉപജീവനം കണ്ടെത്തുന്നവരുമുണ്ട്. ഉറുമ്പുകൾ ഉൾപ്പെടെയുള്ള പ്രാണികളെ ഉപയോഗിച്ചു തയ്യാറാക്കിയ ടോണിക്കുകളും ഭക്ഷണങ്ങളും ചൈന പോലുള്ള രാജ്യങ്ങളിൽ ലഭിക്കുന്നുണ്ട്.
1996 മുതൽ ദി സ്റ്റേറ്റ് ഫുഡ്‌ ആൻഡ് ഡ്രഗ് അഡ്മിനിസ്ട്രേഷൻ ആൻഡ് സ്റ്റേറ്റ് ഹെൽത്ത്‌ മിനിസ്ട്രി ഓഫ് ചൈന ഉറുമ്പുകൾ അടങ്ങിയ മുപ്പത്തോളം ആരോഗ്യ ഉൽപ്പന്നങ്ങൾ അംഗീകരിച്ചിട്ടുണ്ടത്രേ!
ഓരോ പ്രദേശത്തെയും തനതായ ഉല്‍പന്നങ്ങളുടെ ഗുണമേന്മയും വിപണി സംരക്ഷണവും ഉറപ്പാക്കുന്ന മുദ്രണമാണ് ഭൂപ്രദേശ സൂചിക (Geographical Indication – GI).
ലോകമെങ്ങും ഓരോ ദേശത്തിനും തങ്ങളുടെ സ്വന്തമായ ഉല്‍പന്നമുണ്ടാകും. വിപണിയില്‍ ഏറെ പ്രിയമുള്ള ഇത്തരം ഉല്‍പന്നങ്ങളുടെ അവകാശം അതാതുദേശത്തെ ഉത്പാദകര്‍ക്ക് ഉറപ്പാക്കുന്നതിനുള്ള മാര്‍ഗ്ഗമാണ് ഭൂപ്രദേശ സൂചികാ മുദ്രണം.
ഒരു ഉല്‍പന്നം പ്രത്യേക ഭൂപ്രദേശ നാമത്തില്‍, അതിന്റെ ഗുണമേന്മകൊണ്ട് അറിയപ്പെടുകയും വിപണനം ചെയ്യപ്പെടുകയും ചെയ്യുമ്പോള്‍ ഉത്പാദകര്‍ക്ക് ബ്രാന്‍ഡ് സംരക്ഷണം നല്‍കുന്ന രീതിയാണിത്.

Advertisement
VKSHNM NWS KWT 1000 x 180 PX-01
Continue Reading
Advertisement
VKSHNM NWS KWT 1000 x 180 PX-01
Click to comment

You must be logged in to post a comment Login

Leave a Reply

Health

കോവിഡാനന്തര ശ്വാസകോശ പ്രശ്നങ്ങൾ; ഇന്ത്യ മുന്നിൽ

Published

on


കൊവിഡ്-19ൽ നിന്ന് സുഖം പ്രാപിച്ച ഇന്ത്യക്കാരിൽ ഏറെ പേർക്കും ശ്വാസകോശ സംബന്ധമായ പ്രശ്‌നങ്ങൾ അനുഭവപ്പെടുന്നതായി പഠനം റിപോർട്ടുകൾ . യൂറോപ്യന്മാരെക്കാളും ചൈനക്കാരെക്കാളും ഇന്ത്യക്കാർക്ക് ശ്വാസകോശ സംബന്ധമായ പ്രശ്നങ്ങൾ ഉണ്ടെന്നും പഠനം പറയുന്നു.
ശ്വാസകോശ പ്രവര്‍ത്തനത്തില്‍ കോവിഡിന്റെ സ്വാധീനം പരിശോധിക്കുന്ന രാജ്യത്തെ ഏറ്റവും വലിയ പഠനമാണ് നടന്നത്. 207 വ്യക്തികളിലാണ് പഠനം നടത്തിയത്. വെല്ലൂരിലെ ക്രിസ്ത്യൻ മെഡിക്കൽ കോളേജ് പ്രസിദ്ധീകരിച്ച പഠനത്തിലാണ് ഇക്കാര്യം പറയുന്നത്.
ആരോഗ്യപ്രശ്‌നങ്ങള്‍ നേരിട്ട ചിലര്‍ ഒരു വര്‍ഷത്തിനുള്ളില്‍ സാധാരണ നിലയിലേക്ക് മടങ്ങിവരാം, മറ്റുള്ളവര്‍ക്ക് ജീവിതകാലം മുഴുവന്‍ ശ്വാസകോശ സംബന്ധമായ തകരാറുമായി ജീവിക്കേണ്ടി വന്നേക്കാമെന്നും പഠനം പറയുന്നു.
കോവിഡ് -19 ബാധിച്ച് രണ്ട് മാസത്തിന് ശേഷം നെഗറ്റീവായ ഈ രോഗികളിൽ, പൂർണ്ണ ശ്വാസകോശ പ്രവർത്തന പരിശോധന, ആറ് മിനിറ്റ് നടത്ത പരിശോധന, രക്തപരിശോധന, ജീവിത നിലവാരം എന്നിവയും പഠന വിധേയമാക്കി.
രക്തത്തിലേക്ക് ഓക്‌സിജന്‍ കൈമാറാനുള്ള കഴിവ് 44 ശതമാനം പേരെ ബാധിച്ചു. നിയന്ത്രിത ശ്വാസകോശ രോഗം 35 ശതമാനത്തിൽ കണ്ടെത്തി. അവയിൽ ശ്വാസോച്ഛ്വാസം നടക്കുമ്പോൾ ശ്വാസകോശത്തിന് വികസിക്കാനുള്ള കഴിവ് കുറയുന്നതായി കണ്ടെത്തുകയും, 8.3 ശതമാനം ആളുകൾക്കും ശ്വാസകോശത്തിനകത്തേക്കും പുറത്തേക്കുമുള്ള വായു സഞ്ചാരത്തെ ബാധിച്ചതായും പഠനത്തിൽ കണ്ടെത്തി.

Continue Reading

Health

100 ദിനം നിർത്താതെ ചുമ: പതിയിരിക്കുന്നത് ‘മിസ്റ്ററി വൈറസ്? ആശങ്കയിലേക്ക് വൈറ്റ് ലങ് സിൻഡ്രോമും

Published

on

കുത്തിക്കുത്തിയുള്ള’ വരണ്ട ചുമ. അതും ഒന്നോ രണ്ടോ ദിവസമല്ല, ആഴ്ചകളോളം, ചിലപ്പോൾ മാസങ്ങളോളം. കോവിഡ് പരിശോധന നടത്തിയാലാകട്ടെ ഫലം നെഗറ്റിവ്! വേനൽക്കാലത്ത് ഇത്തരം ശ്വാസകോശ പ്രശ്നങ്ങൾ വർധിക്കുന്നതിനു പിന്നിൽ അജ്ഞാത വൈറസാണോ, ഏതെങ്കിലും പകർച്ചവ്യാധിയാണോ
എന്താണ് ഇപ്പോൾ സംഭവിച്ചുകൊണ്ടിരിക്കുന്നത്? ശ്വാസകോശ രോഗാണുബാധയുടെ പേരിൽ കേരളം ആശങ്കപ്പെടേണ്ടതുണ്ടോ? കുട്ടികൾക്ക് കൂടുതൽ കരുതൽ വേണോ? മഴക്കാലവും മഞ്ഞുകാലവും കഴിഞ്ഞ് വേനൽ പിടിമുറുക്കിത്തുടങ്ങിയതോടെ ചുമ വീണ്ടും വില്ലനായി മാറിയിട്ടുണ്ട്. സാധാരണ ജലദോഷപ്പനിയോടെ തുടങ്ങുന്ന ചുമ, പനിയും ജലദോഷവും മാറിക്കഴിയുന്നതോടെയാണ് തനിനിറം പുറത്തെടുക്കുക. വരണ്ട ചുമയുടെ അതിഭീകരമായ പല അവസ്ഥാന്തരങ്ങളിലേക്കും കടന്ന് ആളെ വട്ടംചുറ്റിക്കുന്ന ചുമ പിന്നെ വിട്ടുമാറാൻ ചിലപ്പോൾ ആഴ്ചകൾതന്നെ വേണ്ടിവന്നേക്കാം. ‘100 ദിന ചുമ’ (100 Day Cough) എന്നു മെഡിക്കൽ വിദഗ്ധർ വിളിക്കുന്നതുവെറുതെയല്ല, പലർക്കും ഈ ചുമ മാസങ്ങളോളം നീണ്ടുനിൽക്കാറുണ്ടെന്നാണ് ഡോക്ടർമാർ പറയുന്നത്. ഈ ‘കുത്തിക്കുത്തിയുള്ള’ വരണ്ട ചുമ മറ്റേതെങ്കിലും പകർച്ചവ്യാധിയാണോ എന്നുപോലും സംശയിക്കുന്നുണ്ട് ജനം. കോവിഡിന്റെ ഭീതിയൊഴിഞ്ഞ് ലോകം വീണ്ടും സാധാരണ ജീവിത സാഹചര്യങ്ങളിലേക്കു മടങ്ങിയെത്തിക്കഴിഞ്ഞെങ്കിലും ഇപ്പോഴും പകർച്ചവ്യാധിയെന്നു കേൾക്കുമ്പോൾ ഉള്ളൊന്നു കിടുങ്ങും. ചൈനയിലും യൂറോപ്പിന്റെ വിവിധയിടങ്ങളിലുമായി കഴിഞ്ഞ മാസം വ്യാപിച്ച അജ്ഞാത വൈറസ് രോഗമായ വൈറ്റ് ലങ് സിൻഡ്രോമിന്റെ പ്രത്യാഘാതമാണോ കേരളത്തിൽ പടർന്നുപിടിക്കുന്ന ചുമയും ശ്വാസകോശരോഗങ്ങളും എന്നും ചിലർക്ക് ആശങ്കയുണ്ട്.

Continue Reading

Health

ഡോ. തോമസ് വറുഗീസിന് മികച്ച ശാസ്ത്രപ്രബന്ധത്തിനുള്ള ദേശീയ പുരസ്‌കാരം

സ്തനാര്‍ബുദം ബാധിച്ച വ്യക്തികളുടെ സ്തനങ്ങള്‍ നീക്കം ചെയ്യാതെയുള്ള ശാസ്ത്രചികിത്സ, സ്കാര്‍ലെസ് തൈറോയ്ഡ് ശസ്ത്രക്രിയ, കീമോതെറാപ്പിയുടെ പാര്‍ശ്വഫലങ്ങള്‍ ലഘൂകരിക്കുന്നതില്‍ പോഷകാഹാരത്തിന്റെ പ്രാധാന്യവും പങ്കും തുടങ്ങയവയിൽ ഡോ: തോമസ് വറുഗീസ് നടത്തിയ കണ്ടെത്തലുകൾക്കാണ് പുരസ്‌കാരം.

Published

on

കൊച്ചി: അർബുദ ചികിത്സയിൽ നൂതനമായ രീതികൾ നടപ്പിലാക്കാൻ കഴിയുന്ന കണ്ടെത്തലുകൾ നടത്തിയ പ്രശസ്ത ഓങ്കോളജിക്കല്‍ സര്‍ജനും കൊച്ചി മഞ്ഞുമ്മല്‍ സെന്‍റ് ജോസഫ് ഹോസ്പിറ്റല്‍ മെഡിക്കല്‍ ഡയറക്ടറുമായ ഡോ. തോമസ് വറുഗീസ് മുംബൈയില്‍ വച്ച് നടന്ന മൂന്നാം ഇന്ത്യന്‍ കാന്‍സര്‍ കോണ്‍ഗ്രസ് (ICC) 2023 ല്‍ ഏറ്റവും മികച്ച ശാസ്ത്ര പ്രബന്ധത്തിനുള്ള ബഹുമതി ലഭിച്ചു.
അർബുദ ചികിത്സയിൽ അവലംബിക്കാൻ കഴിയുന്ന സുപ്രധാനമായ മൂന്ന് കാര്യങ്ങളെ മുൻനിർത്തിയാണ് പ്രബന്ധം തിരഞ്ഞെടുത്തത്. സ്തനാര്‍ബുദം ബാധിച്ച വ്യക്തികളുടെ സ്തനങ്ങള്‍ നീക്കം ചെയ്യാതെയുള്ള ശാസ്ത്രചികിത്സ, ചെറുപ്പക്കാരിലെ സൗന്ദര്യവര്‍ദ്ധക കാന്‍സര്‍ സര്‍ജറിയുടെ ഭാഗമായ സ്കാര്‍ലെസ് തൈറോയ്ഡ് ശസ്ത്രക്രിയ, കീമോതെറാപ്പിയുടെ പാര്‍ശ്വഫലങ്ങള്‍ ലഘൂകരിക്കുന്നതില്‍ പോഷകാഹാരത്തിന്റെ പ്രാധാന്യവും പങ്കും എന്നതായിരുന്നു ഡോ തോമസ് വറുഗീസ് തന്റെ പ്രബന്ധത്തിലൂടെ അവതരിപ്പിച്ചത്. ഇന്ത്യയിലെ വിവിധ സംസ്ഥാനങ്ങളിൽ നിന്നുള്ള വിവിധ ക്യാൻസർ ചികിത്സകർക്കിടയിൽ നിന്നുമാണ് ഡോ. തോമസിന്റെ പ്രബന്ധം തിരഞ്ഞെടുത്തത്.
അവാര്‍ഡ് ലഭിക്കാന്‍ കാരണമായ പ്രബന്ധത്തിലെ സുപ്രധാന പോയിന്‍റുകള്‍ കൊച്ചിയില്‍ തിരഞ്ഞെടുക്കപ്പെട്ട മാധ്യമ പ്രവര്‍ത്തകരുമായി ഡോ.തോമസ് കഴിഞ്ഞ ദിവസം പങ്കു വച്ചു. മെഡിക്കല്‍ ഗവേഷണം, ജനിതക മൂല്യനിര്‍ണ്ണയം, സാങ്കേതികവിദ്യ, വൈദ്യശാസ്ത്ര പരിജ്ഞാനം എന്നിവയിലെ പുരോഗതിക്കൊപ്പം കാന്‍സര്‍ സര്‍ജറികളിലെ ഫലവത്തായ മാറ്റങ്ങളും, പുരോഗതിയും വളര്‍ച്ചയും അദ്ദേഹം വിശദീകരിച്ചു.
സ്ത്രീകളുടെ ആത്മവിശ്വാസം വര്‍ദ്ധിപ്പിക്കുന്നതിനുതകുന്ന രോഗപ്രതിരോധ പരിചരണം, സൗന്ദര്യവര്‍ദ്ധക കാന്‍സര്‍ ശസ്ത്രക്രിയകള്‍ എന്നിവയ്ക്ക് ഊന്നല്‍ കൊടുക്കുന്ന സ്തനാര്‍ബുദ ചികിത്സയില്‍ കൂടുതല്‍ ശ്രദ്ധ കേന്ദ്രീകരിക്കുന്നതിന്റെ പ്രാധാന്യത്തെക്കുറിച്ചു അദ്ദേഹം പറഞ്ഞു. ചെറുപ്പക്കാരില്‍ സ്തനാര്‍ബുദം വര്‍ദ്ധിച്ചുവരുന്ന ഈ സാഹചര്യത്തില്‍ ഈ വിഷയം വളരെ പ്രാധാന്യം അര്‍ഹിക്കുന്നതാണ്. ‘സ്തന സംരക്ഷണത്തിലും ഓങ്കോപ്ലാസ്റ്റിക് രീതികളിലും ശ്രദ്ധ കേന്ദ്രീകരിക്കുന്ന ഈ സമീപനം സ്തനാബുര്‍ദബാധിതരായ സ്ത്രീകളുടെ ആത്മവിശ്വാസം സംരക്ഷിക്കുന്നതിനും വര്‍ദ്ധിപ്പിക്കുന്നതിനും ഏറെ സഹായകരമാകും.
കോസ്മെറ്റിക് ക്യാന്‍സര്‍ സര്‍ജറിയിലൂടെ ശസ്ത്രക്രിയയുടെ പാടുകള്‍ ശരീരത്തില്‍ അവശേഷിപ്പിക്കാതെ നടത്തുന്ന ചികിത്സയുടെ ഉദാഹരണമാണ് സ്കാര്‍ലെസ് തൈറോയ്ഡ് ശസ്ത്രക്രിയ. ചെറുപ്പക്കാരായ സ്ത്രീകളില്‍ ഈ ശസ്ത്രക്രിയയുടെ പ്രാധാന്യം ഏറെയാണ്. അവരായിരിക്കും ഈ ശസ്ത്രക്രിയയുടെ പ്രധാന ഗുണഭോക്താക്കളെന്നും അദ്ദേഹം പറഞ്ഞു.
പോഷകാഹാരം കീമോതെറാപ്പിയുടെ പാര്‍ശ്വഫലങ്ങള്‍ ലഘൂകരിക്കുന്നു എന്ന് തെളിവുകളെ അടിസ്ഥാനമാക്കി നടത്തിയ അദ്ദേഹത്തിന്റെ കണ്ടെത്തലുകൾ അദ്ദേഹം വിശദീകരിച്ചു. അതിവിപുലമായ ക്ലിനിക്കല്‍ ഡാറ്റയെ അടിസ്ഥാനമാക്കി, കീമോതെറാപ്പിക്ക് ശേഷം രോഗികള്‍ അനുഭവിക്കുന്ന ശാരീരിക വൈഷമ്യങ്ങള്‍ ഗണ്യമായി കുറയ്ക്കുന്നതിന് ഭക്ഷണക്രമത്തില്‍ പച്ചച്ചക്കയുടെ പൊടി (ജാക്ക് ഫ്രൂട്ട് പൗഡര്‍) ഉള്‍പ്പെടുത്തുന്നതിന്റെ പ്രാധാന്യവും പങ്കും അദ്ദേഹം വിശദീകരിച്ചു. കീമോതെറാപ്പിക്ക് ശേഷം ഉണ്ടാകുന്ന മുടി കൊഴിച്ചില്‍ ഒഴികെ വായ്പുണ്ണ്, വായിലെ രക്തസ്രാവം, ഭക്ഷണം കഴിക്കാനുള്ള പ്രയാസം, രോഗിയുടെ വായിലും യോനിയിലും ബാധിക്കാറുള്ള ഫംഗസ് അണുബാധ, മറ്റ് ആരോഗ്യപ്രശ്നങ്ങള്‍ എന്നിവ കുറയ്ക്കുന്നതിന് ചക്കപ്പൊടി ഉള്‍പ്പെടുത്തിയുള്ള ഭക്ഷണക്രമം ഏറെ സഹായകരമാണെന്ന് അദ്ദേഹം വിശദീകരിച്ചു.
2020- ല്‍ 50 രോഗികളെക്കുറിച്ചു നടത്തിയ പഠനങ്ങള്‍ കൂടാതെ കോവിഡ് കാലഘട്ടത്തില്‍ 180 കോവിഡ് രോഗികള്‍ അടക്കം 1000-ത്തോളം അര്‍ബുദരോഗികളില്‍ കീമോതെറാപ്പി സമയത്തെ പോഷകാഹാരശീലം പാര്‍ശ്വഫലങ്ങള്‍ ലഘൂകരിക്കുന്നതില്‍ വളരെ ആശ്വാസദായകം ആണെന്നും ഡോ. തോമസ് തന്റെ പഠനങ്ങളില്‍ കണ്ടെത്തിയിരുന്നു.
ഓങ്കോളജി ചികിത്സാ മേഖലയില്‍ 30 വര്‍ഷത്തിലേറെ പ്രായോഗികജ്ഞാനമുള്ള ഡോ. തോമസ് വറുഗീസ്, കേരളത്തിലെ ആദ്യകാല മിഷന്‍ ആശുപത്രികളില്‍ ഒന്നായ മഞ്ഞുമ്മല്‍ സെന്‍റ് ജോസഫ് ഹോസ്പിറ്റലില്‍ അത്യാധുനിക സൗകര്യങ്ങളോടെയുള്ള കാന്‍സര്‍ ചികിത്സാ കേന്ദ്രം സ്ഥാപിക്കുക്കാന്‍ ഒരുങ്ങുകയാണ്. പ്രമുഖ കാന്‍സര്‍ ഇന്‍സ്റ്റിറ്റ്യൂട്ടായ മുംബൈ ടാറ്റ മെമ്മോറിയല്‍ കാന്‍സര്‍ സെന്‍ററിലെ പൂര്‍വ്വ വിദ്യാര്‍ത്ഥിയായ അദ്ദേഹത്തിന് ലോകപ്രശസ്ത ക്യാന്‍സര്‍ ചികിത്സാ കേന്ദ്രങ്ങളായ എംഎസ്കെസിസി, ന്യൂയോര്‍ക്ക്, എംഡി ആന്‍ഡേഴ്സണ്‍ കാന്‍സര്‍ സെന്‍റര്‍ ഹ്യൂസ്റ്റണ്‍, വാഷിംഗ്ടണ്‍ കാന്‍സര്‍ സെന്‍റര്‍, ഡിസി, ജുണ്ടെന്‍ഡോ യൂണിവേഴ്സിറ്റി, ടോക്കിയോ എന്നിവിടങ്ങളില്‍ നിന്നുള്ള അനുഭവ പരിചയവും ഉണ്ട്.
ചടങ്ങില്‍ സംസാരിച്ച സെന്‍റ് ജോസഫ്സ് ആശുപത്രിയുടെ ഡയറക്ടര്‍ ഫാദര്‍ ലാല്‍ജൂ പോളപ്പറമ്പില്‍ ആശുപത്രിയുടെ സര്‍വോതോമുഖമായ വളര്‍ച്ചക്കും വികാസത്തിനുമുള്ള പദ്ധതികളെ പറ്റി വിശദീകരിച്ചു. എമര്‍ജന്‍സി മെഡിസിന്‍, ഓര്‍ത്തോപീഡിക്, കാര്‍ഡിയോളജി, ഗ്യാസ്ട്രോ, ഗൈനക്കോളജി തുടങ്ങിയ വിഷയങ്ങളില്‍ ആഗോളതലത്തില്‍ മികവുള്ള സെന്‍ററുകള്‍ സ്ഥാപിക്കുന്നതിനുള്ളു പദ്ധതികള്‍ ആണ് വിഭാവന ചെയ്തിട്ടുള്ളത്. 1000 കിടക്കകളുള്ള ആശുപത്രിയുടെ നിര്‍മ്മാണത്തിനായി 300 കോടി രൂപയുടെ പദ്ധതി നടപ്പിലാക്കുമെന്നും അദ്ദേഹം പറഞ്ഞു.

Continue Reading

Featured