Kuwait
ഭാഷയും സംസ്കാരവും പുതു തലമുറയ്ക്ക് പകർന്നു കൊടുക്കുക മഹത്തരം : പദ്മശ്രി എം.എ. യൂസഫലി!
കുവൈറ്റ് സിറ്റി: മാതൃ ഭാഷയും മാതാപിതാക്കളെ ബഹുമാനിക്കുന്ന തിനുള്ള ശീലവും സംസ്കാരമാക്കി പുതു തലമുറയ്ക്ക് പകർന്നു കൊടുക്കുകയാണ് നമുക്ക് നല്കാനാവുന്ന ഏറ്റവും വലിയ സംഭാവന എന്ന് ലുലു ഗ്രുപ്പ് ചെയർമാനും എം ഡി യുമായ പദ് മശ്രി എം എ യൂസഫലി പറഞ്ഞു. 147 – മത് മന്നം ജയന്തിയോടനുബന്ധിച്ച് പാംസ് ബീച്ച് ഹോട്ടൽ ബോൾ റൂമിൽ ഒരുക്കിയ സാംസ്കാരിക സമ്മേളനത്തിൽ എൻ എസ് എസ് കുവൈറ്റ് ഏർപ്പെടുത്തിയ പ്രഥമ മന്നം പുരസ്കാരം സ്വീകരിച്ചു കൊണ്ട് സംസാരിക്കുകയായിരുന്നു അദ്ദേഹം. നാം മാതാപിതാക്കളോട് കരുണയുള്ളവരായിരിക്കണം. അതു പോലെ പ്രധാനമാണ് അന്നം തരുന്ന നാട്ടിലെ ഭരണാധികാരി കളോട് നാം എപ്പോഴും കൃതാർത്ഥരായിരിക്കേണ്ടത് അദ്ദേഹം തുടർന്നു. റിട്ടയേർഡ് ചീഫ് സെക്രട്ടറി ശ്രി ജിജി തോംസൺ ആണ് പുരസ്കാരം നൽകിയത്. എൻ എസ് എസ് കുവൈറ്റ് ജന. സെക്രട്ടറി ശ്രി കാർത്തിക് നാരായണൻ സ്വാഗതം പറഞ്ഞ ചടങ്ങിൽ പ്രസിഡന്റ് ശ്രീ അനീഷ് പി നായർ അധ്യക്ഷനായിരുന്നു.
പാഠ്യ വിഷയങ്ങൾക്കൊപ്പം പൊതു വിജ്ഞാനം ആർജ്ജിച്ചുകൊണ്ട് വ്യക്തിത്വ വികസനം സാധ്യമാക്കുന്ന തരത്തിൽനമ്മുടെ ഉന്നത വിദ്യാഭ്യാസ മേഖലയെ പൊളിച്ചെഴുതണമെന്ന് സാംസ്കാരിക സമ്മേളനത്തിൽ മുഖ്യ പ്രഭാഷകനായെത്തിയ പ്രമുഖ മോട്ടിവേഷൻ പ്രഭാഷകനും എഴുത്തുകാരനു മായ റിട്ടയേർഡ് ചീഫ് സെക്രട്ടറി ശ്രി ജിജി തോംസൺ ഐ എ എസ് പറഞ്ഞു. ക്യാമ്പസ് ചുവരുകളിൽ ചെഗുവേരമാരെ വരച്ചിട്ടതുകൊണ്ട് രാഷ്ട്രീയ അതിപ്രസരം കൊണ്ട് വിദ്യാഭ്യാസ രംഗം മലീമസ മാവുന്നതിനു മാത്രമേ കരണമാവുന്നുള്ളു! പാഠ്യ വിഷയങ്ങൾക്കൊപ്പം പൊതു വിജ്ഞാനവും വ്യക്തിത്വ വികാസവും കൂടി ഉണ്ടായെങ്കിൽ മാത്രമേ മികച്ചൊരു പുതു തലമുറ ഇവിടെ രൂപപ്പെടുകയുള്ളു. ഇല്ലെങ്കിൽ യുവാക്കളുടെ യൂറോപ്പിലേക്കുള്ള കുടിയേറ്റം വര്ധിച്ചുകൊണ്ടിരിക്കുകയെയുള്ളൂ. യുവാക്കൾക്ക് ആഗ്രഹിക്കുന്ന തരത്തിൽ അന്തസ്സായി ജീവിക്കുന്നതിനുള്ള സ്വാതന്ത്ര്യവും സാഹചര്യവും തൊഴിൽ സാധ്യതകളും ഇവിടെ മെച്ചപ്പെടുത്തേണ്ടതായിട്ടുണ്ട്. അദ്ദേഹം തുടർന്നു.
എൻ എസ് എസ് കുവൈറ്റ് നടപ്പാക്കി വരുന്ന ഉന്നത വിദ്യാഭ്യാസ സഹായ പദ്ധതി, വിവിധ കാരുണ്യ പദ്ധതി എന്നിവക്ക് പുറമെ ചുരുങ്ങിയത് മൂന്ന് സെന്റ് ഭൂമിയുള്ള നിർധനരും പെണ്മക്കളുള്ള വിധവകൾക്കുമായി മുൻഗണന അടിസ്ഥാനത്തിൽ നിർമ്മിച്ച് നൽകുന്ന സ്നേഹ വീട് പദ്ധതിയുടെ വിളംബരം സമ്മേളനത്തോടനുബന്ധിച്ച് നടക്കുകയുണ്ടായി. ആദ്യ ഘട്ടത്തിൽ സംസ്ഥാനത്തിന്റെ വിവിധ മേഖലകളിലായി ഇത്തരം പത്ത് വീടുകളാണ് നിർമ്മിച്ച് നൽകുന്നത്. പദ്ധതിയിലേക്ക് ശ്രി എം എ യുസഫ് അലി തന്റെ വകയായി മറ്റൊരു അഞ്ചു വീടുകൾ കൂടി വാഗ്ദാനം ചെയ്യുകയുണ്ടായി. ശ്രീ കെ. ജി. എബ്രഹാം(എൻ ബി ടി സി ), ശ്രീ വി പി മുഹമ്മദ് അലി (മെഡക്സ്), ശ്രീ സുനിൽ പറക്കപ്പാടത്ത് (ഫോണിക്സ് ഗ്രുപ്പ്), എസ്. ഡി. ബിനു (യുണിടെക്) എന്നിവർക്ക് പുറമെ പേട്രൺ ശ്രീ കെ പി വിജയ കുമാർ കുമാർ, വനിതാ സമാജം കൺവീനർ ശ്രിമതി ദീപ്തി പ്രശാന്ത് , വെൽഫെയർ കമ്മിറ്റി കൺവീനർ പി എസ് അനീഷ് തുടങ്ങിയവരും ആശംസകൾ അർപ്പിച്ചു സംസാരിച്ചു. ശ്രീ ഹരി വി പിള്ളയുടെ നേതൃത്വത്തിൽ തയ്യാറാക്കിയ മനോഹരമായ മന്നം ജയന്തി 2024 സ്മരണിക പ്രകാശനം ചെയ്തു.
12 – ആം ക്ലാസ് വിദ്യാർത്ഥികൾക്കുള്ള എകസലൻസ് അവാർഡ് കളിൽ രാഹുൽ രതീഷ് കുമാർ , ആദ്ര അനിൽ ഭാസ്കർ, ഗായത്രി അജിത് എന്നിവർ ഗോൾഡ് മെഡലുകളും, ഭദ്ര പി നായർ, ആര്യ എസ് പിള്ള , ശ്രേയനാരായൺ പിള്ള, നന്ദിത ഗിരീഷ്, ഋതിക രാജ് കൊമ്പൻ തൊടിയിൽ, കീർത്തന ഗിരീഷ്,ഗൗതം ഗിരീഷ് നായർ,റോഷിനി റീമാകുമാർ നായർഎന്നിവർ മെഡലുകളും കരസ്ഥമാക്കി. പത്താം ക്ലാസ്സിലേക്കായി ദേവിക കൃഷ്ണകുമാർ, മീനാക്ഷി നമ്പ്യാർ കൂകൽ, അർജുൻ പദ്മകുമാർ എന്നിവർ സ്വർണ്ണ മെഡലുകളും തീർത്ഥ മനോജ് കുമാർ, ശ്രേയ സുബിൻ നായർ, സൂര്യജിത് നായർ, അമൃത സജി നായർ , ആദിത്യ സഞ്ജു രാജ്, നവമി അജിത് എന്നീ വിദ്യാർത്ഥികൾ മെഡലുകളും കരസ്ഥമാക്കുകയുണ്ടായി. ശ്യാം ജി നായർ കൃതജ്ഞത രേഖപ്പെടുത്തി. മധു വെട്ടിയാർ, പ്രബീഷ് എം പി, സനൽ കുമാർ, നിശാന്ത് എസ് മേനോൻ, സുജിത് സുരേശൻ, ശ്യാംജിത് പിള്ള എന്നി ഭാരവാഹികളും വർഷ ശ്യാംജിത് അടക്കമുള്ള വനിതാ സമാജം പ്രവർത്തകരും മന്നം ജയന്തി പരിപാടി ഏകോപിപ്പിച്ചു. ഓമനക്കുട്ടൻ നൂറനാട് , ബൈജു പിള്ള, സജിത്ത് സി നായർ തുടങ്ങിയ അഡ്വൈസറി ബോർഡ് അംഗങ്ങൾ നേതൃത്വം നൽകി.
കുവൈറ്റ് സിറ്റി : ഇറ്റാലിയൻ ബ്രാൻഡഡ് ഉൽപ്പന്നങ്ങൾക്കും ഭക്ഷണങ്ങൾക്കും പ്രത്യേക ഓഫറുകളും കിഴിവുകളുമായി ‘ലെറ്റ്സ് ഈറ്റാലിയൻ 2024’ പ്രൊമോഷൻ ലുലു ഹൈപ്പർമാർക്കറ്റിൽ ആരംഭിച്ചു. ഇറ്റാലിയൻ ‘ബെല്ല വിറ്റ’ അല്ലെങ്കിൽ ‘സുന്ദരമായ ജീവിതം’ ആഘോഷിക്കുന്നതാണ് ‘ലെറ്റ്സ് ഈറ്റാലിയൻ 2024’. ഷോപ്പർമാരെ ഇറ്റലിയൻ ഗ്യാസ്ട്രോണമിക് യാത്രയിലേക്ക് കൊണ്ടുപോകുന്ന ഈ പ്രമോഷൻ, ലുലു ഹൈപ്പർമാർക്കറ്റിലെ എല്ലാ ഔട്ട്ലെറ്റുകളിലും സെപ്റ്റംബർ ൪ -10 വരെ യുള്ള ഒരാഴ്ചക്കാലമാണ് ആചരിക്കുന്നത്. ലുലു ഹൈപ്പർമാർക്കറ്റ് ഖുറൈൻ ഔട്ട്ലെറ്റിൽ ബഹു: ഇറ്റാലിയൻ അംബാസഡർ ലോറെൻസോ മോറിനി യുടെ സാന്നിധ്യത്തിൽ ഇറ്റാലിയൻ ഫെസ്റ്റിവലിൻ്റെ ഉദ്ഘാടനം നടന്നു. ഇറ്റാലിയൻ സംഗീതത്തിൻ്റെ ശബ്ദങ്ങളുടെ മേമ്പൊടിയോടെയുള്ള ഉത്സവ അന്തരീക്ഷത്തിൽ മനോഹരമായ ഇറ്റലിയിലെ തെരുവുകളിലേക്ക് ഷോപ്പർമാരെ കൊണ്ടുപോകുന്നവിധം ഇറ്റാലിയൻ സ്മാരകങ്ങളുടെ പ്രദർശനങ്ങൾ ആകർഷകമായ അന്തരീക്ഷം സൃഷ്ടിച്ചു.
ഭക്ഷണ പ്രേമികൾക്ക് ഇറ്റാലിയൻ രുചികൾ കണ്ടെത്താനുള്ള സവിശേഷമായ അവസരമാണ് പ്രമോഷൻ പ്രദാനം ചെയ്യുന്നത്. ക്ലാസിക് പിസ്സകളും പാസ്തകളും മുതൽ പ്രാദേശിക സ്പെഷ്യാലിറ്റികൾ വരെ, ഇറ്റാലിയൻ ഫുഡ് സ്ട്രീറ്റ് സ്റ്റാളുകൾ ഒറിജിനൽ വിഭവങ്ങളുടെ വിശാലമായ നിരയിൽ അവതരിപ്പി ച്ചിട്ടുണ്ട്. അവിശ്വസനീയമായ വിലയിൽ രുചികരമായ ചേരുവകളും ഗാർഹിക അവശ്യസാധനങ്ങളും ഓഫറിലുണ്ട്, ഇത് ഷോപ്പർമാർക്ക് അവരുടെ മുൻഗണനകൾ നിറവേറ്റുന്ന ഉൽപ്പന്നങ്ങളുടെ വിശാലമായ തിരഞ്ഞെടുപ്പ് അനുവദിക്കുന്നു. ഇറ്റലിയിലെ രുചികരമായ പാചക ലോകത്തിലൂടെയുള്ള ഒരാഴ്ച നീണ്ട യാത്ര ഷോപ്പർമാരുടെ രുചിഅനുഭവിച്ചറിയാനുള്ള അവസരമായി തീരുന്നു.
സർവീസ് ടു ഹ്യുമാനിറ്റി എന്ന ആപ്തവാക്യത്തിലധിഷ്ഠിതമായി പ്രവർത്തിച്ചു വരുന്ന സാരഥി കുവൈറ്റ്, സിൽവർ ജൂബിലി വർഷത്തിൽ പ്രൊഫഷണൽ കോഴ്സുകൾ പഠിക്കുന്ന പ്രതിഭാധനരായ വിദ്യാർത്ഥികൾക്ക് ഉന്നത വിദ്യാഭ്യാസത്തിനുള്ള സാമ്പത്തിക സഹായം നൽകുവാൻ തീരുമാനിച്ചു. ഇതേ ദിശയിൽ കഴിഞ്ഞ 25 വർഷമായി നിരവധി ജീവകാരുണ്യ പ്രവർത്തനങ്ങൾ നടത്തി വരുന്ന സംഘടനയാണ് സാരഥി കുവൈറ്റ്.
അർഹരായ 25 വിദ്യാർത്ഥികൾക്ക് നാല് വർഷത്തെ പഠനകാലയളവിൽ ആവശ്യമായ സാമ്പത്തിക സഹായമാണ് നൽകുവാൻ തീരുമാനിച്ചിരിക്കുന്നത്. ഉപദേശക സമിതി അംഗം സുരേഷ് കെ പി നേതൃത്വം നൽകുന്ന സ്കോളർഷിപ്പ് കമ്മിറ്റിയിൽ സാരഥി വൈസ് പ്രസിഡന്റ് ബിജു ഗംഗാധരൻ, മുൻ പ്രസിഡന്റ് സജീവ് നാരായണൻ, മുൻ ട്രസ്റ്റ് വൈസ് ചെയർമാൻമാരായ സജീവ് കുമാർ, വിനോദ് കുമാർ സി എസ്, ലീഗൽ അഡ്വൈസർ രാജേഷ് സാഗർ, മുൻ കേന്ദ്ര കമ്മിറ്റി അംഗം ഉദയഭാനു, എക്സിക്യൂട്ടീവ് കമ്മിറ്റി അംഗം ഷിബു സുകുമാരൻ എന്നിവർ അംഗങ്ങളാണ്.
സാരഥിയുടെ 170മത് ഗുരുദേവജയന്തി ആഘോഷങ്ങളുടെ വേദിയിൽ സാരഥി പ്രസിഡന്റ് അജി കെ ആർ സമഗ്രപദ്ധതി പ്രഖ്യാപിച്ചു. സാരഥി സിൽവർ ജൂബിലി ചെയർമാൻ സുരേഷ് കെ സ്കോളർഷിപ്പിന്റെ വിശദാംശങ്ങൾ വിശദീകരിച്ചു. നവംബർ 15ന് നടക്കുന്ന വാർഷികാഘോഷമായ ‘സാരഥീയം – 25 ‘ ന്റെ ഫ്ലയർ പ്രകാശനം വേദിയിൽ വെച്ച് നടന്നു. ഇതിനു പുറമെ വയനാട് ദുരന്ത ബാധിത പ്രദേശങ്ങളിൽ നിന്നുമുള്ള 25 കുട്ടികൾക്കായി പ്രത്യേക അക്കാദമിക് പാക്കേജ് സമഗ്ര വിദ്യാഭാസ പദ്ധതികളുടെ ഭാഗമായി ഉൾപ്പെടുത്തിയിട്ടുണ്ട്. ഇവർക്ക് സാരഥി കുവൈറ്റിന്റെ വിദ്യാഭ്യാസ സ്ഥാപനമായ ചേർത്തലയിൽ പ്രവർത്തിക്കുന്ന സാരഥി സെന്റർ ഫോർ എക്സലൻസിൽ കേന്ദ്ര സർവീസുകളിലെക്ക് തൊഴിൽ അധിഷ്ഠിതമായി സൗജന്യപരിശീലനം നൽകുമെന്ന് സാരഥി കുവൈറ്റ് പ്രസിഡന്റ് അജി കെ ആർ അറിയിച്ചു. ചടങ്ങിൽ സിൽവർ ജൂബിലി വൈസ് ചെയർമാൻമാരായ വിനീഷ് വിശ്വം, സിജു സദാശിവൻ, സുരേഷ് ബാബു, ബിനു എം കെ, കൂടാതെ സാരഥിയുടെ കേന്ദ്ര കമ്മിറ്റി – വനിതാവേദി -ട്രസ്റ്റ് ഭാരവാഹികളും, ഉപദേശക സമിതി അംഗങ്ങളും പങ്കെടുത്തു.
പ്രവാസജീവിതം മതിയാക്കിനാട്ടിലേക്ക് പോകുന്ന മലപ്പുറം ജില്ലാ അസോസിയേഷന്റെ പ്രതിഭാധനനായ സെക്രട്ടറി അനീഷ് കാരാട്ടിനും, വനിതാ വിംഗ് ജോയിന്റ് ട്രഷറർ ഭവ്യാ അനീഷിനും, നിഹാരിക അനീഷിനുംയാത്രയയപ്പു നൽകി. ജനറൽ സെക്രട്ടറി നസീർ കാരം കുളങ്ങര സ്വാഗതം പറഞ്ഞ യോഗത്തിൽ ‘മാക്’ പ്രസിഡന്റ് അഡ്വക്കേറ്റ് മുഹമ്മദ് ബഷീർ അധ്യക്ഷം വഹിച്ചു. മലപ്പുറം ജില്ലാ അസോസിയേഷന്റെ മൊമെന്റോ അദ്ദേഹംകൈമാറകൊണ്ട് ആദരിച്ചു. വിടപറയുന്ന പ്രിയ സെക്രട്ടറിയുടെ സംഘടനയിലെ ആത്മാർത്ഥമായാ കർമങ്ങളെ ഊന്നി യോഗത്തിൽ സംസാരിച്ച വിവിധ നേതാക്കളും , അംഗങ്ങളും പറയുകയും , അദ്ദേഹത്തിന്റെയും കുടുംബത്തിന്റെയും ഭാവി ജീവിതത്തിനു ശുഭാശംസകൾ നേരുകയും ചെയ്തു.മറുപടി പ്രസംഗത്തിൽ അനീഷും കുടുംബവും സംഘടനയോടുള്ള കടപ്പാടും , സൗഹൃദങ്ങളെ വേർപിരിയുന്ന സങ്കടവും പങ്കുവെച്ചു .
-
Featured4 weeks agoപാലിയേക്കര ടോള്: കരാര് കമ്പനിക്ക് 2128.72 കോടി രൂപ പിഴ ചുമത്തി ദേശീയപാത അതോറിറ്റി
-
Kerala3 months agoതസ്തിക നിർണയം, അവധി ദിനങ്ങൾ പ്രവർത്തിക്കാൻ ആവശ്യപ്പെടുന്ന സർക്കുലർ സർക്കാർ
പിന്വലിക്കുക: കെപിഎസ്ടിഎ -
Kerala3 months agoജീവനക്കാർക്കായി സർക്കാരിൻ്റേത് ‘ക്രൂരാനന്ദം’ പദ്ധതി; സെക്രട്ടേറിയറ്റ് ആക്ഷൻ കൗൺസിൽ
-
Featured3 months agoപ്ലസ് വൺ സീറ്റ് പ്രതിസന്ധി: സംസ്ഥാനത്ത് നാളെ കെഎസ്യു വിദ്യാഭ്യാസ ബന്ദ്
-
News2 weeks agoജീവനക്കാരുടെ അവകാശങ്ങൾക്ക് തടസ്സം നിൽക്കുമെന്ന് സർക്കാർ
-
Business4 weeks agoസംസ്ഥാനത്ത് കോഴി വില കുത്തനെ കുറഞ്ഞു
-
Business2 months agoജിയോയ്ക്കും എയർടെല്ലിനും പിന്നാലെ വോഡാഫോൺ ഐഡിയയും; മൊബൈൽ റീചാർജ് നിരക്ക് വർധിപ്പിച്ചു
-
Ernakulam1 month agoശനിയാഴ്ച പ്രവൃത്തിദിനം ഹൈക്കോടതിവിധി സർക്കാരിന് കനത്ത തിരിച്ചടി: കെ പി എസ് ടി എ
You must be logged in to post a comment Login