Ernakulam
ആശുപത്രി ബില്ലടയ്ക്കാന് പണമില്ല: പങ്കാളിയുടെ മൃതദേഹം വിട്ടുകിട്ടാന് യുവാവ് ഹൈക്കോടതിയില്
കൊച്ചി: ഫ്ളാറ്റില്നിന്ന് വീണ് മരിച്ച ജീവിതപങ്കാളിയുടെ മൃതദേഹം ആശുപത്രിയില് നിന്ന് വിട്ടുകിട്ടാന് യുവാവിന്റെ ഹര്ജി. പരിക്കേറ്റ് സ്വകാര്യ ആശുപത്രിയില് കഴിയവേ മരണപ്പെട്ടതിനാല് ആശുപത്രി ചെലവായ 1.30 ലക്ഷം രൂപ നല്കാന് കഴിയാത്തതിനാല് മൃതദേഹം വിട്ടുകിട്ടുന്നില്ലെന്നാരോപിച്ചാണ് കോട്ടയം മുണ്ടക്കയം സ്വദേശിയായ യുവാവ് ഹര്ജി നല്കിയിരിക്കുന്നത്. ഇരുവരും സ്വവര്ഗപങ്കാളികളാണ്. ഹര്ജി ചൊവ്വാഴ്ച ജസ്റ്റിസ് ദേവന് രാമചന്ദ്രന് പരിഗണിക്കും.
ലിവ് ഇന് റിലേഷനില് ആറുവര്ഷമായി ഒന്നിച്ച് താമസിച്ചിരുന്ന തന്റെ പങ്കാളിക്ക് ഫെബ്രുവരി മൂന്നിന് പുലര്ച്ച ഫ്ളാറ്റില്നിന്ന് താഴെ വീണുണ്ടായ അപകടത്തില് സാരമായി പരിക്കേറ്റെന്നും നാലിന് മരിച്ചെന്നുമാണ് ഹര്ജിയില് പറയുന്നത്. അപകടത്തെതുടര്ന്ന് ആദ്യം കളമശ്ശേരി മെഡിക്കല് കോളജിലും പിന്നീട് സ്വകാര്യ ആശുപത്രിയിലും പ്രവേശിപ്പിച്ചു.
തങ്ങളുടെ ബന്ധത്തിന് ബന്ധുക്കള് അനുകൂലമായിരുന്നില്ല. വിവരമറിയിച്ചതിനെത്തുടര്ന്ന് ബന്ധുക്കള് എത്തിയെങ്കിലും ആശുപത്രി ഫീസ് അടച്ചാല് മാത്രമേ മൃതദേഹം ഏറ്റെടുക്കൂവെന്ന നിലപാടാണ് സ്വീകരിച്ചത്. സ്ഥിരജോലിയില്ലാത്ത തനിക്ക് ഇത്രയും തുക കണ്ടെത്താനാവില്ല. 30,000 രൂപ അടക്കാന് തയാറാണ്. ഈ തുക കൈപ്പറ്റി മൃതദേഹം വിട്ടുനല്കാന് നടപടിക്ക് ജില്ല കലക്ടറോട് നിര്ദേശിക്കണമെന്നാണ് ഹര്ജിയിലെ ആവശ്യം.
കൊച്ചി: നടി ഹണി റോസിന്റെ പരാതിയില് മുന്കൂര് ജാമ്യം തേടിയുള്ള രാഹുല് ഈശ്വറിന്റെ ഹര്ജി ഹൈകോടതി ഇന്ന് പരിഗണിക്കും. ചാനല് ചര്ച്ചകളില് നടിക്കെരെ മോശം പരാമര്ശം നടത്തിയ രാഹുല് ഈശ്വറിനെതിരെ തൃശൂര് സ്വദേശിയും പരാതി നല്കിയിരുന്നു. എറണാകുളം സെന്ട്രല് പൊലീസ് സ്റ്റേഷനിലാണ് പരാതി നല്കിയത്.
ഹണി റോസിനെ അധിക്ഷേപിച്ചിട്ടില്ലെന്നാണ് ജാമ്യാപേക്ഷയില് രാഹുല് ഈശ്വറിന്റെ വാദം. ഹണി റോസിന്റെ വസ്ത്ര ധാരണത്തില് ഉപദേശം നല്കുക മാത്രമാണ് ചെയ്തത്. സൈബര് ആക്രമണത്തിന് കാരണമായ ഒന്നും മാധ്യമങ്ങളിലൂടെ സംസാരിച്ചിട്ടില്ലെന്നും രാഹുല് പറയുന്നു.
ഹണി റോസ് കുറച്ചുകൂടി മാന്യമായി വസ്ത്രം ധരിക്കണമെന്ന് തനിക്ക് അഭിപ്രായമുണ്ടെന്നും വിമര്ശനങ്ങളില് നിന്ന് പിന്നോട്ടില്ലെന്നും രാഹുല് ഈശ്വര് നേരത്തെ പറഞ്ഞിരുന്നു. ഗാന്ധിജിയും മദര് തെരേസയും വരെ വിമര്ശിക്കപ്പെടുന്ന നാട്ടില് ഹണി റോസിനെ മാത്രം വിമര്ശിക്കരുതെന്ന് പറയാനാകില്ല. ഹണി റോസിന്റെയും അമല പോളിന്റേയുമൊക്കെ വസ്ത്രധാരണത്തെ വിമര്ശിച്ചിട്ടുണ്ട്. അതില് ഉറച്ചുനില്ക്കുന്നുവെന്നുമാണ് ചാനല് ചര്ച്ചക്കിടെ രാഹുല് ഈശ്വര് പറഞ്ഞത്.
ബോബി ചെമ്മണ്ണൂരിന് എതിരായ കേസില് വീണ്ടും മൊഴിയെടുക്കുവാന് സ്റ്റേഷനിലേക്ക് വിളിച്ചപ്പോള് ആയിരുന്നു ഹണി റോസ് രാഹുല് ഈശ്വരനെതിരെ കൂടി പരാതി നല്കിയത്. താനും കുടുംബവും കടുത്ത മാനസിക സമ്മര്ദത്തിലൂടെ കടന്നുപോകാന് പ്രധാന കാരണക്കാരന് രാഹുല് ഈശ്വറാണെന്ന് നടി പറഞ്ഞിരുന്നു. സാമൂഹിക മാധ്യമങ്ങളില് നടിക്കെതിരെ അശ്ലീല കമന്റുകള് എഴുതിയ കൂടുതല് പേര്ക്കെതിരെ നടപടികള് ഉണ്ടായേക്കും. നിലവില് നടിയുടെ പരാതിയില് റിമാന്ഡിലായ ബോബി ചെമ്മണ്ണൂരിന്റെ ജാമ്യാപേക്ഷയില് ചൊവ്വാഴ്ച ഹൈകോടതി വാദം കേള്ക്കും
കൊച്ചി: എറണാകുളം-അങ്കമാലി അതിരൂപത ആസ്ഥാനത്ത് വീണ്ടും സംഘര്ഷം. വൈദികരും വിശ്വാസികളും ഗേറ്റ് തള്ളിതുറക്കാന് ശ്രമിച്ചതോടെയാണ് വീണ്ടും സംഘര്ഷമുണ്ടായത്.പ്രതിഷേധത്തിനിടെ ബിഷപ്പ് ഹൗസിന്റെ ഗേറ്റ് തകര്ത്തു. വൈദികരെ മുന്നില് നിര്ത്തിയാണ് പ്രതിഷേധം. ഗേറ്റില് കയര് കെട്ടിയശേഷം വലിച്ചുകൊണ്ടാണ് ഗേറ്റിന്റെ ഭാഗങ്ങള് നീക്കം ചെയ്തത്. വൈദികരെ കടത്തിവിടണമെന്ന് ആവശ്യപ്പെട്ടാണ് വിശ്വാസികള് പ്രതിഷേധം ഉയര്ത്തിയത്.|ഗേറ്റ് തകര്ക്കാതിരിക്കാനുള്ള ശ്രമം പൊലീസ് നടത്തിയെങ്കിലും വിഫലമായി. സ്ഥലത്ത് ഇപ്പോഴും സംഘര്ഷാവസ്ഥ നിലനില്ക്കുകയാണ്. വൈദികരെ പൊലീസ് ബലം പ്രയോഗിച്ച് സ്ഥലത്ത് നിന്ന് മാറ്റാന് ശ്രമിക്കുകയാണ്. പൊലീസും പ്രതിഷേധക്കാരും നേര്ക്കുനേര് നില്ക്കുകയാണ്. ഗേറ്റ് തകര്ത്തെങ്കിലും പ്രതിഷേധക്കാരെ അകത്തേക്ക് പ്രവേശിപ്പിക്കാതെ പൊലീസ് തടഞ്ഞുനിര്ത്തിയിരിക്കുകയാണ്. ചര്ച്ച നടത്തുന്നതിനായി രണ്ട് വൈദികരെ പൊലീസ് അകത്തേക്ക് പ്രവേശിപ്പിച്ചിട്ടുണ്ട്.
കൊച്ചി: രാഹുല് ഈശ്വറിനെതിരെ പോലീസില് പരാതി നല്കി നടി ഹണി റോസ്. വ്യവസായി ബോബി ചെമ്മണ്ണൂരിനെതിരെ താന് കൊടുത്ത ലൈംഗികാധിക്ഷേപ പരാതിയുടെ ഗൗരവം ചോര്ത്തിക്കളയാനും ജനങ്ങളുടെ പൊതുബോധം തനിക്കുനേരെ തിരിക്കാനും ബോധപൂര്വം ശ്രമിക്കുന്നു എന്ന് ചൂണ്ടിക്കാട്ടിയാണ് രാഹുല് ഈശ്വറിനെതിരെ ഹണി റോസ് പരാതി നല്കിയിരിക്കുന്നത്.
വസ്ത്ര സ്വാതന്ത്ര്യം തന്റെ മൗലികാവകാശമാണെന്നിരിക്കെ രാഹുല് ഈശ്വര് അതിനെതിരെ അനാവശ്യ പ്രചരണം നടത്തി. സൈബർ ഇടങ്ങളിൽ ആളുകള് തനിക്കെതിരെ തിരിയാൻ ഇത് കാരണമായി. താനും കുടുംബവും കടന്നു പോകുന്നത് കടുത്ത മാനസിക സംഘർഷത്തിലൂടെയാണെന്നും സോഷ്യല് മീഡിയ പോസ്റ്റിലൂടെയാണ് ഹണി റോസ് വ്യക്തമാക്കി.
ഹണി റോസിന്റെ കുറിപ്പില് നിന്നും
രാഹുല് ഈശ്വര്, ഞാനും എന്റെ കുടുംബവും കടുത്ത മാനസിക സമ്മര്ദ്ദത്തിലൂടെയാണ് കടന്നുപോകുന്നത്. അതിന് പ്രധാന കാരണക്കാരില് ഒരാള് ഇപ്പോള് താങ്കളാണ്. ഞാന് എനിക്കെതിരെ പബ്ലിക് പ്ലാറ്റ്ഫോമില് പകല് പോലെ വ്യക്തമായ അധിക്ഷേപത്തിന് എതിരെ പരാതി കൊടുത്തു.
പോലീസ് എന്റെ പരാതിയില് കാര്യം ഉണ്ടെന്നുകണ്ട് കേസെടുക്കുകയും കോടതി ഞാന് പരാതി കൊടുത്ത വ്യക്തിയെ റിമാന്ഡില് ആക്കുകയും ചെയ്തു. പരാതി കൊടുക്കുക എന്നതാണ് ഞാന് ചെയ്യേണ്ട കാര്യം. ബാക്കി ചെയ്യേണ്ടത് ഭരണകൂടവും പോലീസും കോടതിയുമാണ്.
ഞാന് കൊടുത്ത പരാതിയുടെ ഗൗരവം ചോര്ത്തിക്കളയാനും ജനങ്ങളുടെ പൊതുബോധം എന്റെ നേരെ തിരിയാനും എന്ന ഉദ്ദേശത്തോടെ സൈബര് ഇടത്തില് ഒരു ഓര്ഗനൈസ്ഡ് ക്രൈം ആസൂത്രണം ചെയ്യുകയും ആണ് രാഹുല് ഈശ്വര് ചെയ്യുന്നത്.
ഇന്ത്യന് നിയമ വ്യവസ്ഥയില്, ഇന്ത്യന് ഭരണ ഘടന വസ്ത്രധാരണത്തില് ഒരു വ്യക്തിക്ക് തെരഞ്ഞെടുപ്പ് നടത്താനുള്ള സ്വാതന്ത്ര്യം ഉറപ്പ് വരുത്തിയിട്ടുണ്ട്. ഇന്ത്യന് ഭരണഘടന ഒരു വ്യക്തിയുടെ സ്വകാര്യതയ്ക്കുള്ള അവകാശവും നല്കിയിട്ടുണ്ട്. ഇതിനെ നിയന്ത്രിക്കുന്ന നിബന്ധനകളൊന്നും ഇന്ത്യന് പീനല് കോഡില് ഇല്ല
-
Kerala1 month agoജീവനക്കാരുടെ ശമ്പളബില്ല്
കേന്ദ്രീകൃതമാക്കാനുള്ള നീക്കം,
ശമ്പളം കവര്ന്നെടുക്കാനുള്ള ആസൂത്രിത ശ്രമമാണെന്ന് ; ചവറ ജയകുമാര് -
News1 month agoക്ഷാമബത്ത കേസില് ഇടക്കാല ഉത്തരവ്
-
News2 months agoക്ഷാമ ബത്ത കേസിൽ ഇടക്കാല ഉത്തരവ്
-
Featured3 months agoഡി എ: പ്രഖ്യാപനം നിരാശാജനകമെന്ന് സെക്രട്ടേറിയറ്റ് അസോസിയേഷൻ
-
Kerala3 months agoക്ഷാമബത്ത: കുടിശ്ശിക നിഷേധിച്ചാൽ നിയമപരമായി നേരിടും; ചവറ ജയകുമാർ
-
News2 months ago
ജീവനക്കാരെ രണ്ടു തട്ടിലാക്കുന്ന നടപടി സർക്കാർ അവസാനിപ്പിക്കണം
-
News1 month agoസര്ക്കാര് ജീവനക്കാരും അധ്യാപകരുംഅനിശ്ചിത കാല പണിമുടക്കിലേക്ക്: സെറ്റോ
-
Featured12 hours agoസംസ്ഥാനത്ത് നാളെ 6 ജില്ലകൾക്ക് അവധി
You must be logged in to post a comment Login