Connect with us
48 birthday
top banner (1)

Featured

പിണറായി 2.10 കോടിയുടെ പാർട്ടി ഫണ്ട്
മുക്കിയതിൽ അന്വേഷണമില്ല

Avatar

Published

on

  • സി.പി. രാജശേഖരൻ

കൊല്ലം: മുഖ്യമന്ത്രി പിണറായി വിജയനെതിരായ സാമ്പത്തിക കുറ്റകൃത്യങ്ങളുടെ തെളിവുകളും വെളിപ്പെടുത്തലുകളും ഓരോന്നായി പുറത്തു വരുന്നത് സിപിഎമ്മിനെയും മുഖ്യമന്ത്രിയെ തന്നെയും കടുത്ത പ്രതിരോധത്തിലാക്കി. പിണറായി വിജയൻ നടത്തിയ പാർട്ടി ഫണ്ട് തിരിമറിയെക്കുറിച്ചു ദേശാഭിമാനി മുൻ അസോഷ്യേറ്റ് എഡിറ്റർ ജി. ശക്തിധരന്റെ വെളിപ്പെടുത്തലുകളാണ് ഇപ്പോൾ പിണറായിക്കും പാർട്ടിക്കും വൻ തിരിച്ചടിയായത്.
, ജോലിയിൽ നിന്നു പിരിച്ചുവിടപ്പെട്ട ഒരു മുൻഡ്രൈവറുടെ മൊഴികളുടെ അടിസ്ഥാനത്തിൽ കെപിസിസി പ്രസിഡന്റ് കെ. സുധാകരനെ അറസ്റ്റ് ചെയ്ത പൊലീസ്, സിപിഎമ്മിന്റെ മുഖപത്രത്തിലെ മുതിർന്ന മാധ്യമ പ്രവർത്തകൻ മുഖ്യമന്ത്രിക്കെതിരേ നടത്തിയ വെളിപ്പെടുത്തലിനെതിരേ ഒരു നടപടിയും സ്വീകരിക്കാത്തത് ദുരൂഹമാണ്. ശക്തിധരന്റെ വെളിപ്പെടുത്തലിന്റെ പശ്ചാത്തലത്തിൽ അന്വേഷണം നടത്തണമെന്ന് ബെന്നി ബഹന്നാൻ എംപി ഡിജിപിക്കു നൽകിയ പരാതിയിൽ രാഷ്‌ട്രീയ തീരുമാനം കാത്തിരിക്കുകയാണ് കേരള പൊലീസ്.

കൊച്ചി ദേശാഭിമാനിയിൽ താമസിച്ച് ഉന്നതർ സംഭാന ചെയ്ത രണ്ടു കോടി മുപ്പത്തയ്യായിരം രൂപ താൻ കൂടി ചേർന്നാണ് എണ്ണി തിട്ടപ്പെടുത്തി പനമ്പായിൽ പൊതിഞ്ഞു പിണറായി വിജയൻ സഞ്ചരിച്ച കാറിൽ തിരുവനന്തപുരത്തെത്തിച്ചതെന്നാണ് ശക്തിധരന്റെ വെളിപ്പെടുത്തൽ. ഈ ഉന്നതന്റെ പേര് പറയുന്നില്ലെങ്കിലും സൂചനകളെല്ലാം പിണറായി വിജയനെക്കുറിച്ചാണ്. ഫെയ്സ്ബുക് പോസ്റ്റിലാണ് അദ്ദേഹം ഈ ഗുരുതര ആരോപണം ഉന്നയിച്ചിരിക്കുന്നത്.
പണം കൊണ്ടുപോയത് നിലവിലെ മന്ത്രിസഭയിലെ ഒരു അംഗം സഞ്ചരിച്ച കാറിലാണെന്നും ശക്തിധരൻ ഫേസ് ബുക്ക് പോസ്റ്റിൽ ആരോപിക്കുന്നു.
പിണറായി വിജയനെതിരേ മുൻപും ദേശാഭിമാനിയിലെ പത്രപ്രവർത്തകൻ രംഗത്തു വന്നിട്ടുണ്ട്. മുതിർന്ന ന്യൂസ് എഡിറ്ററായിരുന്ന അപ്പുക്കുട്ടൻ വള്ളികുന്നത്തിനെ അതിന്റെ പേരിൽ പത്രത്തിൽ നിന്നും പാർട്ടിയിൽ നിന്നും പുറത്താക്കിയിരുന്നു. വിഎസ്. പക്ഷത്തു നിന്ന് പിണറായിയുടെ അഴിമതി ചോദ്യം ചെയ്തതിനു കെ.എം. ഷാജഹാനെയും സിപിഎം പുറത്താക്കിയിട്ടുണ്ട്. നിലവിൽ പാർട്ടിയുമായി ഇടഞ്ഞു നിൽക്കുന്ന ജി ശക്തിധരനും അതേ വഴിയിലാണ് നീങ്ങുന്നത്.
തിരുവനന്തപുരം മുതൽ യുഎസിലെ ടൈം സ്ക്വയർ വരെ പ്രശസ്തനായ വ്യക്തിയാണ് കലൂരിൽ വച്ച് രണ്ടു കോടി രൂപ കൈപ്പറ്റിയതെന്ന് ശക്തിധരൻ വെളിപ്പെടുത്തുന്നു. വൻകിടക്കാർ നൽകിയ പണം എണ്ണിത്തിട്ടപ്പെടുത്താൻ താനാണ് അദ്ദേഹത്തെ സഹായിച്ചത്. ഈ പണം കൈതോലപ്പായയിൽ കെട്ടി, ഒരു ഇന്നോവ കാറിന്റെ ഡിക്കിയിൽ വച്ചാണ് തിരുവനന്തപുരത്തേക്കു കൊണ്ടു പോയത്. ഇപ്പോഴത്തെ ഒരു മന്ത്രിയും ഈ കാറിലുണ്ടായിരുന്നു. എന്നാൽ ഈ പണം പാർട്ടി ഓഫീസിൽ എത്തിയതായി തെളിവില്ല. അത് ഇരുളിൽ മറഞ്ഞു. ഇരുട്ടിനെ ഇഷ്ടപ്പെടുന്ന ആളാണ് നേതാവെന്നും ശക്തിധരൻ പറയുന്നു.

മറ്റൊരു സംഭവം കൂടി ശക്തിധരൻ വെളിപ്പെടുത്തി. കോവളത്തെ സ്റ്റാർ ഹോട്ടലിൽ വച്ച് ഒരു കോടീശ്വരൻ പിണറായി വിജയനെ രണ്ടു വലിയ നോട്ട് കെട്ടുകൾ ഏല്പിച്ചു. രണ്ടും ഒരേ വലുപ്പത്തിലും തൂക്കത്തിലുമുള്ളത്. അതിലൊരെണ്ണം പാർട്ടി ഓഫീസിലേല്പിച്ചു. അത് എണ്ണിയപ്പോൾ പത്ത് ലക്ഷം രൂപ ഉണ്ടായിരുന്നു. എന്നാൽ രണ്ടാമത്തെ നോട്ട് കെട്ടിന് എന്തു സംഭവിച്ചു എന്ന് ആർക്കുമറിയില്ലത്രേ. ലക്ഷ കോടീശ്വരൻ (ട്രില്യനർ) എന്നാണ് ശക്തിധരൻ ഈ നേതാവിനെക്കുറിച്ചു പറയുന്നത്

Advertisement
inner ad

താൻ തുടങ്ങിയിട്ടേയുള്ളൂ എന്നു പറയുന്ന ശക്തിധരൻ, ഇത്തരം നിരവധി തെളിവുകൾ തന്റെ പക്കലുണ്ടെന്നും അവകാശപ്പെട്ടു. തന്നെ ഇനിയും ഭയപ്പെടുത്തി വേട്ടയാടിയാൽ അതെല്ലാം പുറത്തുവിടുമെന്നു വെല്ലുവിളിക്കുകയും ചെയ്തു. മുഖ്യമന്ത്രിയുടെ മരുമകനും മന്ത്രിയുമായ പി.എ. മുഹമ്മദ് റിയാസിനെക്കുറിച്ചും പരോക്ഷമായി പോസ്റ്റിൽ പറയുന്നുണ്ട്.

Advertisement
inner ad

Featured

ഉപതിരഞ്ഞെടുപ്പുകളിൽ ഇന്ത്യ മുന്നണിക്ക് മുന്നേറ്റം

Published

on

ന്യൂഡൽഹി: ഏഴു സംസ്ഥാനങ്ങളിലെ 13 നിയമസഭാ മണ്ഡലങ്ങളിലേക്ക് നടന്ന ഉപതിരഞ്ഞെടുപ്പില്‍ ഇന്ത്യ സഖ്യത്തിന് വന്‍ മുന്നേറ്റം. 11 മണ്ഡലങ്ങളിൽ ഇന്ത്യ സഖ്യമാണ് വിജയിച്ചത്. 2 ഇടങ്ങളിലേക്ക് ബിജെപി സഖ്യം ഒതുങ്ങി. റുപൗലി (ബിഹാർ), റായ്ഗഞ്ച്, രണഘട്ട് ദക്ഷിണ, ബാഗ്ദാ, മണിക്തല (പശ്ചിമ ബംഗാള്‍), വിക്രവണ്ടി (തമിഴ്നാട്), അമർവാര (മധ്യപ്രദേശ്), ബദരീനാഥ്, മംഗളൂർ (ഉത്തരാഖണ്ഡ്), ജലന്ധർ വെസ്റ്റ് (പഞ്ചാബ്), ഡെഹ്റ, ഹാമിർപുർ, നലഗഢ് (ഹിമാചല്‍ പ്രദേശ്) എന്നിവിടങ്ങളിലാണ് ഉപതിരഞ്ഞെടുപ്പ് നടന്നത്. സാമാജികരുടെ മരണത്തേയും രാജിയേയും തുടർന്നാണ് ഇവിടങ്ങളില്‍ ഉപതിരഞ്ഞെടുപ്പ് നടന്നത്.

Continue Reading

Featured

വിഴിഞ്ഞം പദ്ധതി യാഥാർത്ഥ്യമായതിന്റെ ആഘോഷം പങ്കുവെച്ച് യുഡിഎഫ്

Published

on

തിരുവനന്തപുരം : വിഴിഞ്ഞം പദ്ധതി യാഥാർത്ഥ്യമായതിന്റെ സന്തോഷം പങ്കുവെച്ച് പ്രതിപക്ഷ നേതാവ് വി ഡി സതീശൻ. വിജയാഘോഷത്തിന്റെ ഭാഗമായി വി ഡി സതീശൻ കേക്ക് മുറിച്ച് മുൻതുറമുഖ വകുപ്പ് മന്ത്രിയായിരുന്ന കെ ബാബുവിന് മധുരം നൽകി ആഘോഷിച്ചു. ഉമ്മൻചാണ്ടിയുടെ സ്വപ്ന പദ്ധതി അദ്ദേഹത്തിന്റെ നിച്ഛയദാർഢ്യത്തിന്റെ ഫലമാണെന്നും വി ഡി സതീശൻ പറഞ്ഞു. തന്റെ ഫേസ്ബുക്ക് പോസ്റ്റിലൂടെ ആണ് വി ഡി സതീശൻ കുറിപ്പ് പങ്കുവെച്ചത്.

വി ഡി സതീശന്റെ ഫേസ്ബുക്ക് കുറിപ്പ്

Advertisement
inner ad

വിഴിഞ്ഞം എന്ന സ്വപ്നം യാഥാർഥ്യമാകുമ്പോൾ വികസനത്തിൻ്റെ കപ്പിത്താനായി നിൽക്കുന്നത് ഉമ്മൻ ചാണ്ടിയാണ്. ഉമ്മൻ ചാണ്ടി എന്ന പേര് പറയാതെ വിഴിഞ്ഞം പദ്ധതി പൂർത്തിയാകുന്നത് എങ്ങനെ?

മുഖ്യമന്ത്രി പിണറായി വിജയനും CPMനും ഉമ്മൻചാണ്ടിയെ മറക്കാം പക്ഷേ കേരളം ഉമ്മൻ ചാണ്ടിയെ മറക്കില്ല.

Advertisement
inner ad

കെ. ബാബുവിൻ്റെ പേര് കൂടി പറയാതെ വിഴിഞ്ഞം പൂർണമാകുന്നത് എങ്ങനെ? തുറമുഖ മന്ത്രി എന്ന നിലയിൽ കെ. ബാബുവിൻ്റെ കഠിനാധ്വാനത്തിൻ്റെ ഫലം കൂടിയാണ് വിഴിഞ്ഞം. വാഴ്ത്തപ്പെടാതെ പോയ ഹീറോയാണ് കെ. ബാബു.

Advertisement
inner ad
Continue Reading

Featured

ഉമ്മൻ ചാണ്ടിയെ ഓർക്കാതെ വിഴിഞ്ഞം തുറമുഖത്തിന്റെ ചരിത്ര നിമിഷം പൂർത്തിയാകില്ല; സ്‌പീക്കർ എ.എൻ. ഷംസീർ

Published

on

തിരുവനന്തപുരം: ആദരണീയനായ മുൻ മുഖ്യമന്ത്രി ഉമ്മൻ ചാണ്ടിയുടെ സംഭാവനകളും, ആത്മസമർപ്പണവും ഓർക്കാതെ വിഴിഞ്ഞം തുറമുഖത്തിന്റെ ചരിത്ര നിമിഷം പൂർത്തിയാകില്ലെന്ന് സ്‌പീക്കർ എ. എൻ. ഷംസീർ. മദർഷിപ്പിൻ്റെ ട്രയൽ റൺ ഉദ്ഘാടന ചടങ്ങിൽ പങ്കെടുത്ത ശേഷമാണ് സ്പീക്കർ ഇങ്ങനെ കുറിച്ചത്. ചടങ്ങിൽ പങ്കെടുത്തെങ്കിലും സ്‌പീക്കർക്ക് പ്രസംഗിക്കുവാൻ അവസരം ലഭിച്ചിരുന്നില്ല.

വിഴിഞ്ഞം തുറമുഖം കേരളത്തിൻ്റെ സാമ്പത്തിക വികസനത്തിന് ഒരു വലിയ നാഴികക്കല്ലായി മാറുമെന്നും ഈ തുറമുഖം സംസ്ഥാനത്തിന് പുതിയ തൊഴിലവസരങ്ങൾ സൃഷ്ടിക്കുകയും സംസ്ഥാനത്തിന്റെ വാണിജ്യ ബന്ധങ്ങൾ വർദ്ധിപ്പിക്കുകയും ചെയ്യുമെന്നും എ.എൻ. ഷംസീർ പറഞ്ഞു. കൂടാതെ, ഇത് കേരളത്തിന്റെ അടിസ്ഥാന സൗകര്യ വികസനത്തിന് കാരണമാകുമെന്നും അദ്ദേഹം കൂട്ടിച്ചേർത്തു.

Advertisement
inner ad
Continue Reading

Featured