Connect with us
48 birthday
top banner (1)

Featured

പൂച്ചയെപ്പോലെ വീണ്ടും
നാലുകാലിൽവീണ് ബി.ജെ.പി

Avatar

Published

on

  • നിരീക്ഷകൻ
    ഗോപിനാഥ് മഠത്തിൽ

ഇന്ത്യൻരാഷ്ട്രീയത്തിൽ മലർന്നുവീഴാതെ, പല അഭ്യാസങ്ങൾ കാട്ടി നാലുകാലിൽ കമഴ്ന്നുവീഴുന്ന പൂച്ചയാണ് ബി.ജെ.പി എന്ന് ഒരിക്കൽക്കൂടി തെളിയിച്ച സംസ്ഥാന തെരഞ്ഞെടുപ്പുകളാണ് അടുത്തകാലത്ത് നടന്നത്. രാജസ്ഥാൻ, മധ്യപ്രദേശ്, തെലങ്കാന, ഛത്തീസ്ഗഢ്, മിസോറാം എന്നീ അഞ്ചുസംസ്ഥാനങ്ങളിൽ നടന്ന തെരഞ്ഞെടുപ്പുകളിൽ രാജസ്ഥാനിലും മധ്യപ്രദേശിലും ബി.ജെ.പി ഭരണവാതിൽ തുറന്നുകഴിഞ്ഞു. ഛത്തീസ്ഗഢിൽ കോൺഗ്രസ്സിന് ഒപ്പത്തിനൊപ്പം നിന്നു ബി.ജെ.പി. നേരിയ മുൻതൂക്കത്തോടെ ഭരണത്തിലെത്താനുള്ള സാധ്യതയുമുണ്ട്. തെലങ്കാനയിൽ കെ. ചന്ദ്രശേഖരറാവുവിൻറെ നേതൃത്വത്തിലുള്ള ബി.ആർ.എസ്. ഹാട്രിക് വിജയം നേടാൻ കൊതിച്ചെങ്കിലും ആ സ്വപ്നത്തെ തകർക്കാൻ കോൺഗ്രസ്സിനു കഴിഞ്ഞു. ആകെക്കൂടി നോക്കുമ്പോൾ ഹിന്ദി ബെൽറ്റിൽ ബി.ജെ.പിക്ക് അനുകൂലമായ ചെറിയൊരു തിരയിളക്കം കാണാൻ കഴിയുന്നുവെന്നാണ് മാധ്യമഭാഷ്യം. എങ്കിലും ചില വസ്തുതകളെ അംഗീകരിക്കാതെയും പറയാതെയും തരമില്ല. രാജസ്ഥാനിൽ കോൺഗ്രസ്സിനു ഭരണം നഷ്ടപ്പെട്ടത് അശോക്ഗെഹ്ലോത്തും സച്ചിൻപൈലറ്റും തമ്മിലുള്ള അധികാരത്തർക്കത്തിൻറെ ഫലമാണ്. അത് ഒഴിവാക്കിയിരുന്നെല്ലെങ്കിൽ രാജസ്ഥാനിൽ കോൺഗ്രസ്സിന് തുടർഭരണം ലഭിക്കാനുള്ള എല്ലാ സാധ്യതയുമുണ്ടായിരുന്നു. പാർട്ടിക്ക് അതീതമായി വ്യക്തികൾ വളരുമ്പോഴുണ്ടാകുന്ന ദുരന്താന്തരീക്ഷമാണ് രാജസ്ഥാനിൽ കോൺഗ്രസ്സ് ഭരണം നഷ്ടപ്പെടാൻ കാരണം. ഗെഹ്ലോത്തും പൈലറ്റും മാനസികവൈരം ഒഴിവാക്കി പരസ്പരധാരണയോടെ ഒരുമിച്ചു നീങ്ങിയാൽ വരുന്ന ലോക്സഭാ തെരഞ്ഞെടുപ്പിൽ കൂടുതൽ കോൺഗ്രസ്സ് അംഗങ്ങളെ പാർലമെൻറിൽ അയയ്ക്കാൻ കഴിയും. തർക്കം വീണ്ടും തർക്കമായി അവശേഷിച്ചാൽ അത് ബി.ജെ.പിക്ക് കൂടുതൽ കരുത്തുപകരാൻ കാരണമാവുകയും ചെയ്യും. ഭരണം സുതാര്യവും സമസ്തമേഖലയിലും കൈയൊപ്പു ചാർത്തുന്നതുമായിരിക്കണം. അതനുസരിച്ച് ഭരണത്തെളിച്ചം ആദിവാസി മേഖലയിൽ വ്യാപിക്കാൻ കഴിയാത്തതാണ് ഛത്തീസ്ഗഢിലെ ഭൂപേഷ്ബാഗൽ സർക്കാരിൻറെ ഭരണപരാജയത്തിന് കാരണം. ആ മേഖലയിൽ ഭരണവിരുദ്ധവികാരം സൃഷ്ടിക്കാൻ ബി.ജെ.പിക്ക് തന്ത്രപൂർവ്വം കഴിഞ്ഞു. അതാണ് നേരിയ മാർജിനെങ്കിലും ബി.ജെ.പി.യെ അധികാരത്തിലെത്തിച്ച പ്രധാനഘടകം. അതുതന്നെയാണ് മധ്യപ്രദേശിലും സംഭവിച്ചത്. മധ്യപ്രദേശിലെ ആദിവാസി മേഖലകൾ കൂടുതൽ പിന്തുണച്ചത് ബി.ജെ.പിയെയായിരുന്നു. അത് കമൽനാഥ് എന്ന രാഷ്ട്രീയക്കാരൻറെയും മുഖ്യമന്ത്രിയുടെയും പാളിച്ചയായി ഒരുപോലെ പരിണമിക്കുകയായിരുന്നു. ചത്തീസ്ഗഢിൽ ഡോ. രമൺസിംഗും മധ്യപ്രദേശിൽ ശിവരാജ്സിംഗ് ചൗഹാനും ബി.ജെ.പി മുഖ്യമന്ത്രിമാരാകാനുള്ള സാധ്യതയുണ്ട്. രാജസ്ഥാനിൽ മുൻ ബി.ജെ.പി മുഖ്യമന്ത്രി വിജയരാജ് സിന്ധ്യ വീണ്ടും മുഖ്യമന്ത്രിയാകുമെന്നറിയുന്നു.
കോൺഗ്രസ്സിന് തെരഞ്ഞെടുപ്പുഫലം ആശ്വാസമായി മാറിയത് തെലങ്കാനയിലാണ്. ഹാട്രിക് വിജയം കൊതിച്ച ബി.ആർ.എസ്. മുഖ്യമന്ത്രിയായ കെ. ചന്ദ്രശേഖരറാവുവിൻറെ സ്വപ്നങ്ങളെ തർത്തുകൊണ്ടാണ് കോൺഗ്രസ് വമ്പിച്ച വിജയം കൊയ്തത്. തുടരധികാരം ഒരാളെ എത്രമാത്രം ദുഷിപ്പിക്കും എന്നതിന് മികച്ച തെളിവായിരുന്നു കെ.സി.ആർ. അധികാരത്തിൻറെ മികച്ച ഇടങ്ങളിൽ ബന്ധുക്കളെ തിരുകിക്കയറ്റാനുള്ള ബോധപൂർവ്വമായ ശ്രമം തന്നിഷ്ടപ്രകാരം നടത്തിയ ഭരണാധികാരിയായിരുന്നു ചന്ദ്രശേഖരറാവു. തെലങ്കാന സംസ്ഥാന രൂപീകരണത്തിനുവേണ്ടി കോൺഗ്രസ്സുമായി തികഞ്ഞ സൗഹാർദ്ദം പുലർത്തിയ അദ്ദേഹം പിൽക്കാല രാഷ്ട്രീയത്തിൽ കോൺഗ്രസ് വിരുദ്ധ നിലപാടുകളായിരുന്നു കൈക്കൊണ്ടിരുന്നത്. മൻമോഹൻസിംഗ് പ്രധാനമന്ത്രിയായിരുന്ന കാലത്താണ് ചന്ദ്രശേഖരറാവുവിൻറെ സമ്മർദ്ദപ്രകാരം തെലങ്കാന സംസ്ഥാനം ജന്മം കൊള്ളുന്നത്. അതിനുശേഷം കെ.സി.ആർ. കൈക്കൊണ്ട നിലപാടുകളെല്ലാം കോൺഗ്രസ്സുമായി നിലനിർത്തിയിരുന്ന ധാരണകളെ തകിടം മറിക്കുന്നതായിരുന്നു. അതിൻറെ ഫലമായി തെലങ്കാനയ്ക്കൊപ്പം ആന്ധ്രപ്രദേശും കോൺഗ്രസ്സിനെ കൈവിട്ടു. അതിനുള്ള ഒരു മധുരപ്രതികാരമാണ് ഇപ്പോഴത്തെ കോൺഗ്രസ്സിൻറെ വിജയം. ചില കണക്കുകൂട്ടലുകൾ അനുകൂലമാകുമ്പോൾ അത് നന്നായിരുന്നുവെന്നും പിഴയ്ക്കുമ്പോൾ അങ്ങനെയല്ല ഇങ്ങനെയായിരുന്നെങ്കിൽ നന്നായിരുന്നേനെയെന്നു പറയുന്നത് മനുഷ്യസഹജമാണ്. പക്ഷേ ഇവിടെ ‘ഇന്ത്യ’ എന്ന മുന്നണിയുടെ സകല കണക്കുകൂട്ടലുകളെയും കടപുഴക്കിക്കൊണ്ടാണ് ബി.ജെ.പി അഞ്ചിൽ മൂന്ന് സംസ്ഥാനങ്ങളിൽ നിർണ്ണായക സ്വാധീനം നേടിയത്. ഏതുമുന്നണിയായാലും അത് സ്വാർത്ഥതയുടെ കൂട്ടായ്മയ്ക്കപ്പുറം ജനപക്ഷത്തു നിന്നുള്ള മാറ്റത്തിനു വേണ്ടിയുള്ള, ഒരേ ഹൃദയത്തോടുള്ള സംഘടിത ശ്രമമാകുമ്പോഴെ ലക്ഷ്യത്തെ വേധിക്കുകയുള്ളൂ. ഇന്ത്യ മുന്നണിയെ ഈ സംസ്ഥാന തെരഞ്ഞെടുപ്പുകളുടെ ഫലം വെച്ച് ഉചിതമായ തീരുമാനത്തോടെ ആസൂത്രണത്തോടെ എങ്ങനെ ലോക്സഭാ ഇലക്ഷനിൽ അവതരിപ്പിക്കാൻ കഴിയുമെന്ന് അതിൻറെ നേതാക്കൾ ചിന്തിക്കേണ്ട സമയമാണിത്. അതിനുള്ള മനഃസ്ഥൈര്യവും മനോധൈര്യവും അവർക്കുണ്ടാകാൻ പ്രാർത്ഥിക്കാം.

വാൽക്കഷണം:
എം.എൻ.കാരശ്ശേരിയുടെ ഒരു പ്രസ്താവന അടുത്തിടെ കണ്ടു. കേരള സർക്കാർ ഇപ്പോൾ നിലനിൽക്കുന്നത് അടിക്കുന്ന മദ്യത്തിലും അടിക്കാത്ത ലോട്ടറിയിലുമാണെന്നാണ് അദ്ദേഹം പറഞ്ഞത്. ഇതിൽ കൂടുതൽ ശ്രദ്ധിക്കപ്പെട്ടത് അടിക്കാത്ത ലോട്ടറിയെപ്പറ്റിയാണ്. ഒരിക്കൽ നടന്നുപോകും വഴി യാദൃച്ഛികമായി ഒരു ലോട്ടറി വിൽപ്പനക്കാരനിൽ നിന്നു കേട്ട വാക്കുകൾ ഇതാണ്: ഞാൻ ഇരുന്നൂറ്റമ്പത് ലോട്ടറിയെടുത്തു. അതിൽ ഒന്നിൽപ്പോലും നൂറു രൂപപോലുമടിച്ചില്ല. അടുത്ത ദിവസം വിൽക്കേണ്ട ലോട്ടറിയുമായി എത്തിയ പ്രധാന ഏജൻറിനോടാണ് ചില്ലറ ലോട്ടറി വിൽപ്പനക്കാരൻറെ പരിഭവം. പരിഭവം പറഞ്ഞയാൾ മുൻപ് ഒരു മരം കയറ്റത്തൊഴിലാളിയായിരുന്നു. അതിന് ശരീരം വഴങ്ങാത്തതുകൊണ്ടാണ് ഈ പണിക്കിറങ്ങിയത്. അപ്പോൾ എൻറെ ചെറിയ ബുദ്ധിയിൽ തോന്നിയ കാര്യം വിൽപ്പനയ്ക്ക് അയയ്ക്കാത്ത ടിക്കറ്റുകളുടെ നമ്പരുകൾ വച്ചാണോ ഇവർ ടിവിയിൽ ചക്രം കറക്കിക്കാണിക്കുന്നതെന്നാണ്. കാരണം ഒന്നാമത് സർക്കാർ പണമില്ലാതെ ചക്രശ്വാസം വലിക്കുന്നു, മറ്റൊന്ന് ഇത് നിർമ്മിതബുദ്ധിയുടെ കാലമാണ് ഇതും ഇതിനപ്പുറവും കാട്ടി ജനങ്ങളെ പറ്റിക്കുകയും ചെയ്യാം. സത്യം ആരറിയുന്നു?
*

Advertisement
inner ad
Continue Reading
Advertisement
inner ad
Click to comment

You must be logged in to post a comment Login

Leave a Reply

Featured

‘ടിപി വധത്തിന്‍റെ മാസ്റ്റർ ബ്രെയിൻ പിണറായി, പി മോഹനനും പങ്കുണ്ട്; രമേശ് ചെന്നിത്തല

‘ഫോൺ കോൾ വിവരങ്ങൾ കിട്ടിയിരുന്നെങ്കിൽ പലരും കുടുങ്ങിയേനെ,
സുപ്രീം കോടതിയിൽ അപ്പീൽ നൽകാനുള്ള കെ.കെ രമയുടെ നിലപാടിന് യുഡിഎഫിന്റെ പൂർണ പിന്തുണയുണ്ടാകും’

Published

on

ടിപി ചന്ദ്രശേഖരൻ വധക്കേസിലെ മാസ്റ്റര്‍ ബ്രെയിൻ പിണറായി വിജയനാണെന്ന് കോൺഗ്രസ് നേതാവ് രമേശ് ചെന്നിത്തല. കൃത്യം നടപ്പാക്കിയതിൽ സിപിഎം കോഴിക്കോട് ജില്ലാ സെക്രട്ടറി പി മോഹനന് നേരിട്ട് പങ്കുണ്ടെന്നും ചെന്നിത്തല വാർത്താസമ്മേളനത്തിൽ ആരോപിച്ചു. ഫോൺ കോൾ വിവരങ്ങൾ പൂർണമായി കിട്ടാതിരുന്നതാണ് ഗൂഢാലോചനയിലേക്ക് അന്വേഷണം നീളാതിരുന്നതിന് കാരണം. സർവീസ് പ്രൊവൈഡർമാരോട് പൊലീസ് ആവശ്യപ്പെട്ടെങ്കിലും വിവരങ്ങൾ കിട്ടിയിരുന്നില്ല. താൻ ആഭ്യന്തരമന്ത്രിയായ ഘട്ടത്തിൽ ഇക്കാര്യങ്ങൾ വിശദമായി പരിശോധിച്ചിരുന്നു. ഫോൺ കോൾ വിവരങ്ങൾ കിട്ടിയിരുന്നെങ്കിൽ പല ഉന്നതരും ടിപി വധ ഗൂഢാലോചനയിൽ ഉൾപ്പെടുമായിരുന്നു.

സുപ്രീം കോടതിയിൽ അപ്പീൽ നൽകാനുള്ള കെ.കെ രമയുടെ നിലപാടിന് യുഡിഎഫിന്റെ പരിപൂർണ പിന്തുണയുണ്ടാകും. രണ്ട് പാർട്ടി നേതാക്കള കൂടി കുറ്റക്കാരെന്ന് കണ്ടെത്തിയ ഹൈക്കോടതി വിധി സ്വാഗതം ചെയ്ത ഗോവിന്ദൻ മാസ്റ്ററുടെ നിലപാട് തന്നെ സിപിഎം പങ്കിന് തെളിവാണ്. ഭരണത്തിലുള്ളത് കൊണ്ട് മാത്രമാണ് സിപിഎം കൊലപാതക രാഷ്ട്രീയത്തിന് അവധി നൽകിയിരിക്കുന്നതെന്നും ചെന്നിത്തല പറഞ്ഞു. വയനാട്ടിലെ സാഹചര്യങ്ങൾക്ക് കാരണം സർക്കാരിൻ്റെ കെടുകാര്യസ്ഥതയാണ്. വയനാട്ടിൽ പ്രതിഷേധിക്കുന്നവരുടെ പേരിൽ കേസ് എടുക്കുന്ന രീതി സർക്കാർ അവസാനിപ്പിക്കണം. നവകേരള സദസ് പരാജയമെന്നതിന് തെളിവാണ് മുഖ്യമന്ത്രിയുടെ മുഖാമുഖം പരിപാടി. മുഖ്യമന്ത്രി എന്തുകൊണ്ട് വയനാട്ടിൽ പോകുന്നില്ലയെന്നും ചെന്നിത്തല ചോദിച്ചു. വയനാട്ടിലെ ജനങ്ങളുമായിട്ടാണ് മുഖാമുഖം നടത്തേണ്ടത്. മയക്കുവെടി കൊണ്ട രീതിയിലാണ് മന്ത്രി എ.കെ ശശീന്ദ്രന്റെ പ്രതികരണമെന്നും ചെന്നിത്തല കൂട്ടിച്ചേർത്തു.

Advertisement
inner ad
Continue Reading

Featured

നടൻ ഋതുരാജ് സിങ് അന്തരിച്ചു

Published

on

ടെലിവിഷൻ താരം ഋതുരാജ് സിംഗ് (59) അന്തരിച്ചു. അദ്ദേഹത്തിന്‍റെ സഹപ്രവർത്തകനും സുഹൃത്തുമായ അമിത് ബെൽ ആണ് മരണവിവരം സ്ഥിരീകരിച്ചത്. ചൊവ്വാഴ്‌ച പുലർച്ചെ വീട്ടിൽ വച്ചായിരുന്നു അന്ത്യം. പാൻക്രിയാറ്റിക് രോഗത്തെ തുടർന്ന് അദ്ദേഹം ചികിത്സയിലായിരുന്നു. കുറച്ച് ദിവസങ്ങൾക്ക് മുമ്പാണ് അദ്ദേഹത്തെ ഡിസ്‌ചാർജ് ചെയ്‌തത്. എന്നാൽ, ചൊവ്വാഴ്‌ച പുലർച്ചെ 12.30 ഓടെ ഹൃദയാഘാതം ഉണ്ടാവുകയും മരണം സംഭവിക്കുകയുമായിരുന്നു.

നിരവധി പേർ സോഷ്യൽ മീഡിയ പ്ലാറ്റ്‌ഫോമുകളില്‍ ഋതുരാജ് സിംഗിന് അനുശോചനം രേഖപ്പെടുത്തി. ബനേഗി അപ്‌നി ബാത്, ജ്യോതി, ഹിറ്റ്‌ലർ ദീദി, ശപത്, വാരിയർ ഹൈ, ആഹത്, അദാലത്ത്, ദിയ, ഔർ ബാത്തി ഹം, അനുപമ എന്നിവയാണ് ഋതുരാജ് അഭിനയിച്ച പ്രമുഖ പരമ്പരകൾ.
ബദരീനാഥ് കി ദുൽഹനിയ (2017), വാഷ്-പോസസ്ഡ് ബൈ ദി ഒബ്‌സസ്ഡ്, തുനിവ് (2023) തുടങ്ങിയ ചിത്രങ്ങളിലും താരം അഭിനയിച്ചിട്ടുണ്ട്. 2023 ൽ പുറത്തിറങ്ങിയ യാരിയൻ 2 ആയിരുന്നു അവസാന ചിത്രം. ദ ടെസ്റ്റ് കേസ്, ഹേ പ്രഭു, ക്രിമിനൽ, അഭയ്, ബന്ദിഷ് ബാൻഡിറ്റ്‌സ്, നെവർ കിസ് യുവർ ബെസ്റ്റ് ഫ്രണ്ട്, മെയ്ഡ് ഇൻ ഹെവൻ സീസൺ 2 തുടങ്ങിയവയാണ് ഋതുരാജ് സിങ് പ്രധാനവേഷത്തിലെത്തിയ വെബ് സീരീസുകൾ.

Advertisement
inner ad
Continue Reading

Featured

വീണ വിജയനെതിരായ മാസപ്പടി ആരോപണം: മുഖ്യമന്ത്രിയോട് 5 ചോദ്യങ്ങളുമായി പ്രതിപക്ഷ നേതാവ്

Published

on

മുഖ്യമന്ത്രിയോട് 5 ചോദ്യങ്ങളുമായി പ്രതിപക്ഷ നേതാവ് വിഡി സതീശന്‍. വീണ വിജയനെതിരായ മാസപ്പടി ആരോപണത്തിലാണ് പ്രതിപക്ഷ നേതാവിന്റെ ചോദ്യങ്ങൾ. ഈ ചോദ്യങ്ങള്‍ക്ക് മുഖ്യമന്ത്രി മറുപടി മറുപടി പറയണമെന്നും അദ്ദേഹം ആവശ്യപ്പെട്ടു.

1) മകള്‍ വീണ വിജയന്റെ കമ്പനിയെ സംബന്ധിച്ച് ഏജന്‍സികള്‍ വിവരങ്ങള്‍ തേടിയിരുന്നെന്ന് മുഖ്യമന്ത്രി നിയമസഭ പ്രസംഗത്തില്‍ പറഞ്ഞിരുന്നു. അങ്ങനെയെങ്കില്‍ അന്വേഷണത്തിന്റെ വിശദാംശങ്ങള്‍ പുറത്തു വിടാമോയെന്ന് ഞാന്‍ വെല്ലുവിളിച്ചിരുന്നു. എന്നാല്‍ മൗനമായിരുന്നു മുഖ്യമന്ത്രിയുടെ മറുപടി.

Advertisement
inner ad

എസ്.എഫ്.ഐ.ഒ അന്വേഷണം തുടരാമെന്ന കര്‍ണാടക ഹൈക്കോടതി വിധിയില്‍ സി.എം.ആര്‍.എല്ലും വീണ വിജയനും തമ്മിലുള്ള സാമ്പത്തിക ഇടപാടുകള്‍ സംബന്ധിച്ച് 2021 ജനുവരി 29 ന് ഇ.ഡി നല്‍കിയ വിവരത്തെ തുടര്‍ന്നാണ് ആര്‍.ഒ.സി നോട്ടീസ് അയച്ചതെന്ന് വെളിപ്പെടുത്തിയിട്ടുണ്ട്. 2021 ലെ തെരെഞ്ഞടുപ്പിനു മുന്‍പ് ഇ.ഡി ആരംഭിച്ച അന്വേഷണം എങ്ങിനെ ഒത്തുതീര്‍പ്പാക്കിയെന്ന് മുഖ്യമന്ത്രി വെളിപ്പെടുത്തണം? (ഇടനിലക്കാരായി പ്രവര്‍ത്തിച്ച ബി.ജെ.പി നേതാക്കള്‍ക്കും ഈ ചോദ്യത്തിന് ഉത്തരം പറയാവുന്നതാണ്.)

2) ഇന്‍കം ടാക്‌സ് ഇന്ററീം സെറ്റില്‍മെന്റ് ബോര്‍ഡിന്റെ ഉത്തരവ് വന്നപ്പോള്‍ മകളുടെ വാദം കേള്‍ക്കാന്‍ തയാറായില്ലെന്ന പച്ചക്കള്ളമാണ് മുഖ്യമന്ത്രി നിയമസഭയില്‍ പറഞ്ഞത്. അതു തെറ്റാണെന്ന് ആര്‍.ഒ.സി റിപ്പോര്‍ട്ട് കൂടി പുറത്ത് വന്നതോടെ വ്യക്തമായി. മാസപ്പടി വിഷയത്തില്‍ ഏതൊക്കെ ഏജന്‍സികളാണ് അന്വേഷണം നടത്തുന്നതെന്ന് മുഖ്യമന്ത്രി ഇനിയെങ്കിലും വെളിപ്പെടുത്തുമോ?

Advertisement
inner ad

3) സി.എം.ആര്‍.എല്ലിന് പുറമെ വീണയുടെയും എക്‌സാലോജിക്കിന്റെയും അക്കൗണ്ടുകളിലേക്ക് ചാരിറ്റി സ്ഥാപനങ്ങള്‍ ഉള്‍പ്പെടെയുള്ള വിവിധ സ്ഥാപനങ്ങളില്‍ നിന്നും മാസമാസം പണം ലഭിച്ചിട്ടുണ്ടെന്നും ആര്‍.ഒ.സി കണ്ടെത്തിയിട്ടുണ്ട്. മകള്‍ക്ക് പണം നല്‍കിയ സ്ഥാപനങ്ങള്‍ ഏതൊക്കെയാണെന്ന് വെളിപ്പെടുത്താന്‍ മടിയില്‍ കനമില്ലാത്ത മുഖ്യമന്ത്രിക്ക് ധൈര്യണ്ടോ?

4) വീണയ്ക്കും കമ്പനിക്കും മാസപ്പടി നല്‍കിയ സ്ഥാപനങ്ങള്‍ക്ക് നികുതി ഇളവ് ഉള്‍പ്പെടെയുള്ള എന്തെങ്കിലും ആനുകൂല്യങ്ങള്‍ സര്‍ക്കാര്‍ നല്‍കിയിട്ടുണ്ടോയെന്ന് പരിശോധിക്കപ്പെടേണ്ടതുണ്ട്. ഇതു സംബന്ധിച്ച വിവരങ്ങള്‍ ലഭ്യമാക്കാന്‍ മുഖ്യമന്ത്രി തയാറുണ്ടോ?

Advertisement
inner ad

5) കരിമണല്‍ കമ്പനി ഉടമയുടെ ഭാര്യയുടെ സ്ഥാപനമായ എംപവര്‍ ഇന്ത്യ കമ്പനിയില്‍ നിന്നും എക്സാലോജിക് സ്വീകരിച്ച വായ്പ സംബന്ധിച്ച കണക്കുകളില്‍ വ്യക്തതയില്ലെന്നും ആര്‍.ഒ.സി വെളിപ്പെടുത്തിയിട്ടുണ്ട്. എം.പവര്‍ ബാങ്ക് മുഖേന നല്‍കിയ വായ്പ മുഴുവനായി വീണയുടെ കമ്പനി അക്കൗണ്ടില്‍ എത്തിയിട്ടില്ലെന്നും വെളിപ്പെടുത്തലുണ്ട്. ആ പണം എവിടെ പോയെന്ന് മുഖ്യമന്ത്രി വ്യക്തമാക്കണം.

Advertisement
inner ad
Continue Reading

Featured