Connect with us
48 birthday
top banner (1)

Kerala

സ്ത്രീധനഭിക്ഷക്കാര്‍
തകര്‍ക്കുന്ന പെണ്‍ജീവിതം

Avatar

Published

on

നിയമം പൂത്തുലഞ്ഞ് ഫയലുകളില്‍ മയങ്ങുന്നു. മരണം അനുസ്യൂതം രഥഘോഷയാത്ര നടത്തുന്നു. അത് സമയമാം രഥത്തിലല്ലെന്നുമാത്രം. സമയമാകുന്ന രഥമെത്തണമെങ്കില്‍ ഒരാളുടെ ജീവന്‍ നിരവധി അനുഭവങ്ങളിലൂടെ പൂര്‍ണ്ണവിരാമാവസ്ഥയിലെത്തണം. ആ അവസ്ഥയോടടുക്കുമ്പോള്‍ മാത്രമേ സമയമെന്ന രഥമെത്തുകയുള്ളൂ. ഇപ്പോള്‍ ജീവിതയാത്രയുടെ മധ്യാഹ്നങ്ങളില്‍ നിര്‍ബന്ധപൂര്‍വ്വം മരണത്തിലേയ്ക്ക് കൂട്ടിക്കൊണ്ടുപോകാന്‍ രഥമെത്തിക്കുന്നവരുടെ കൂട്ടമായി കേരളം മാറിയിരിക്കുന്നു. അതിലൊരാളാണ് ഡോ.ഇ.എ.റുവൈസ്. വിശുദ്ധ പ്രേമമെന്ന ആട്ടിന്‍തോലണിഞ്ഞു ധനമോഹിയായ കുറുക്കനായിരുന്നു അയാള്‍. അയാളുടെയും പിതാവുള്‍പ്പെടെയുള്ള കുടുംബാംഗങ്ങളുടെയും സ്ത്രീധന വിലപേശല്‍ തന്ത്രത്തില്‍, അവര്‍ അസമയമെത്തിച്ച മരണമെന്ന രഥത്തില്‍ കഠിനവ്യഥയോടെ, വഞ്ചനയുടെ ഫലമായി യാത്ര ചെയ്തത് ഡോ. ഷഹ്നയാണ്. ഇവിടെ ഷഹ്ന മരണയാത്ര ചെയ്തത് മുമ്പ് വിസ്മയ ചെയ്തതുപോലെ വിരുദ്ധ സാഹചര്യങ്ങള്‍ മുള്‍ക്കൂടുകള്‍ തീര്‍ത്ത് ഞെരുക്കി ശ്വാസം മുട്ടിച്ചപ്പോഴാണ്. ഉത്രയുടെ മരണം ഒരു ആസൂത്രിതകൊലപാതകമായിരുന്നു.
റുവൈസിനെപ്പോലെ പെണ്‍വീട്ടുകാരുടെ പണം കൊണ്ട് ജീവിതം ഘോഷിക്കാന്‍ നടക്കുന്ന കുറെ വൈറസ്സുകള്‍ ഇനിയും സമൂഹത്തിലുണ്ട്. ഇവരുടെ കെണിയില്‍ വീഴാതിരിക്കാന്‍ ദൃഢപ്രതിജ്ഞ ചെയ്യേണ്ടതും, അവസാന തീരുമാനമെന്നപോലെ സ്വജീവിതത്തെ മരണത്തില്‍ നിന്നും ഭിന്നമായി സുശോഭന ഭാവിയിലെത്തിക്കേണ്ടതും പെണ്‍കുട്ടികളാണ്. ഹത്യയിലൂടെ ജീവിതത്തെ അന്യമാക്കുകയും രക്ഷിതാക്കളുടെ മകളെക്കുറിച്ചുള്ള സ്വപ്നങ്ങളെ വിഫലമാക്കുകയും ചെയ്യുന്ന പ്രവൃത്തികള്‍ ഇനിയൊരിക്കലും ആവര്‍ത്തിക്കരുത്. കാരണം ഇനി പുലരുന്നത് നിങ്ങളുടെ ലോകമാണ്. അതിന്‍റെ തിരുനടയില്‍ അന്യസ്വാര്‍ത്ഥതയുടെ പേരില്‍ ജീവിതം തകര്‍ക്കുകയെന്നത് വളരെ മോശം കാര്യമാണ്. ഇത്തരം നരാധമന്മാര്‍ സ്ത്രീധന വിലപേശല്‍ നടത്തുമ്പോള്‍ നിന്നെ എനിക്കുവേണ്ടടാ എന്നു മുഖത്തുനോക്കി പറയുവാനുള്ള ധൈര്യം പെണ്‍കുട്ടികള്‍ക്കുണ്ടാകണം. പഴയ ഓര്‍മ്മകളും അനാവശ്യ സെന്‍റിമെന്‍റ്സും മനസ്സില്‍ തികട്ടി വരുമ്പോള്‍, കിട്ടിയ കീറക്കടലാസ്സില്‍ രണ്ടുവരി എഴുതി വച്ച് ജീവിതം അവസാനിപ്പിക്കാന്‍ തീരുമാനിക്കുമ്പോള്‍ ഒരു വേട്ടപ്പട്ടിയുടെ മുന്നില്‍ എറിഞ്ഞുടയ്ക്കേണ്ടതാണോ തന്‍റെ ജന്മമെന്ന് ഓരോ പെണ്‍കുട്ടിയും ചിന്തിക്കണം. ആ സന്ദിഗ്ധാവസ്ഥ തരണം ചെയ്തു കഴിഞ്ഞാല്‍ നിങ്ങളെ സ്വാഗതം ചെയ്യുന്നത് സഹസ്രദളപുഷ്പം നീട്ടി മാറ്റത്തിന്‍റെ വിശുദ്ധ പുലരിയായിരിക്കും; വേറിട്ടൊരു ലോകമായിരിക്കും. ഒരു അധമന്‍റെ കുത്സിതാസൂത്രണത്തില്‍പ്പിടയുന്ന ജന്മമാകാതെ സ്വന്തം ജീവിതം കൊണ്ട് മാറ്റങ്ങള്‍ സൃഷ്ടിച്ച് സധൈര്യം മുന്നേറാന്‍ പുതിയ കാലത്തെ പെണ്‍കുട്ടികള്‍ക്കു കഴിയണം. സ്ത്രീധനത്തിന്‍റേ പേരില്‍ ബലിയായ പെണ്‍കുട്ടിയുടെ പേരിലാകരുത് ഇനി മുതല്‍ ഒരു പെണ്ണ് വാര്‍ത്തകളില്‍ നിറയേണ്ടത്. അതിനെതിരെ പ്രതികരിച്ചതിന്‍റെ പേരിലാകണം. അതിന്‍റെ പേരില്‍ ആര്‍ജ്ജവമുള്ള സ്ത്രീത്വമായി ഉയര്‍ന്നതിന്‍റെ പേരിലാകണം.
പലപ്പോഴും സ്ത്രീധനനിയമം ചര്‍ച്ച ചെയ്യപ്പെടുന്നത് ഓരോ സ്ത്രീയും അതിന്‍റെ പേരില്‍ മരണക്കുരുക്കില്‍ പിടയുമ്പോഴാണ്. സ്ത്രീധനനിയമപ്രകാരം വാങ്ങുന്നവരും കൊടുക്കുന്നവരും ഒരേപോലെ കുറ്റവാളിയാണെന്നാണ് പറയുന്നത്. റുവൈസും അയാളുടെ വൈറസ് കുടുംബവും ഡോ.ഷഹ്നയുടെ കുടുംബത്തോട് യാചിച്ചത് നൂറ്റമ്പത് പവനും ഒന്നര ഏക്കര്‍ പുരയിടവും ബി.എം.ഡബ്ലിയൂ കാറും ഒന്നരക്കോടി രൂപയുമായിരുന്നു. ആ യാചനയുടെ വ്യംഗ്യാര്‍ത്ഥം അല്ലെങ്കില്‍ അവര്‍ പട്ടിണി കിടന്നു ചത്തുപോകുമെന്നായിരിക്കും. ഇത്തരം പണക്കൊതിയന്മാരായ ഭിക്ഷക്കാരെ സമൂഹത്തിന്‍റെ വിവിധ തട്ടുകളില്‍ കാണാന്‍ കഴിയും. പെണ്‍കുട്ടിയെ വരിച്ച് വരനാകുന്നതിനു പകരം പണത്തെ വരിച്ച് വരനാകാനാണ് പല ചെറുപ്പക്കാര്‍ക്കും ഇഷ്ടം. കിട്ടിയ പണവും സ്വര്‍ണ്ണവും വിറ്റുതുലച്ച് ഒരു കൊച്ചിനെയും ഉണ്ടാക്കിക്കൊടുത്ത് കൂതറയായി നടക്കുന്ന എത്രയോ ചെറുപ്പക്കാര്‍ നമുക്ക് അരികില്‍ തന്നെയുണ്ട്. കുറച്ചുനാള്‍ കഴിയുമ്പോള്‍ പെണ്ണ് പെണ്ണിന്‍റെ വീട്ടിലും ചെറുക്കന്‍ അവന്‍റെ വീട്ടിലും കഴിയും. പിന്നെ ബന്ധവിച്ഛേദം. ഈ പാഠം ഇന്ന് പല പെണ്‍കുട്ടികളുടെയും മനസ്സിലുണ്ട്. അതുകൊണ്ടാണ് അവരില്‍പ്പലരും കല്യാണം കഴിക്കാന്‍ താല്‍പ്പര്യമില്ലാതെ ജോലി ചെയ്ത് സ്വന്തം കാലില്‍ നില്‍ക്കാന്‍ തുടങ്ങിയതും. പണ്ട് ആണ്‍മേല്‍ക്കോയ്മയുടെ കാലത്ത് അവന്‍റെ വരുമാനത്തിലായിരുന്നു കുടുംബം പുലര്‍ന്നിരുന്നത്. ഇന്ന് അവനു തുല്യം അവളും ജോലി ചെയ്ത് കുടുംബം പുലര്‍ത്തുന്നു. അതുകൊണ്ടുതന്നെ അവനു കീഴ്പ്പെടാന്‍ അവള്‍ തയ്യാറാകില്ല. ആ സമയത്താണ് വന്‍കിട ഭിക്ഷക്കാര്‍ പെണ്ണിനെ സ്ത്രീധനത്തിന്‍റെ പേരില്‍ വേട്ടയാടാനിറങ്ങുന്നത്. അവരെ മുഖത്തുനോക്കി ആട്ടാന്‍ പെണ്ണിനും പെണ്‍വീട്ടുകാര്‍ക്കും കഴിയണം. പകരം ഡോ. ഷഹ്നയുടെ വീട്ടുകാര്‍ പറഞ്ഞപോലെ അമ്പതുപവനും അമ്പതുലക്ഷവും തരാമെന്ന ശോചനീയ കീഴ്പ്പെടലല്ല വേണ്ടത്. അതുപോലും കുറ്റകരമാണെന്നോര്‍ക്കണം. പണം കൊടുത്ത് സ്ത്രീധന നിയമത്തെ ഉണരാന്‍ അനുവദിക്കരുത്. അത് സുഖമായി അടുത്ത മരണം വരെ (അങ്ങനെ സംഭവിക്കാതിരിക്കട്ടെ) ഉറങ്ങട്ടെ.

Advertisement
inner ad

വാല്‍ക്കഷണം:
പല്ലുതേച്ചു കൊണ്ടിരിക്കുകയായിരുന്നു, അപ്പഴാ കുഴഞ്ഞുവീണു മരിച്ചത്. പശുവിനെ അഴിച്ചുകെട്ടി തിരിച്ചുവരുമ്പോള്‍ പെട്ടെന്നൊരു വല്ലായ്ക പോലെ വീണു, മരിച്ചു. ഇത്തരത്തില്‍ പെട്ടെന്നുള്ള മരണം കേരളത്തില്‍ വര്‍ദ്ധിച്ച് രണ്ടാം സ്ഥാനത്തെത്തിയിരിക്കുന്നു. ഇങ്ങനെയുള്ള മരണത്തില്‍ ഒന്നാം സ്ഥാനം മഹാരാഷ്ട്രയ്ക്കും മൂന്നാംസ്ഥാനം കര്‍ണ്ണാടകയ്ക്കുമാണ്. നാഷണല്‍ ക്രൈം റെക്കോഡ്സ് ബ്യൂറോയാണ് ഈ വിവരം പുറത്തുവിട്ടത്. ഈവിധ മരണങ്ങള്‍ക്ക് പ്രധാന കാരണം ഹൃദയത്തെ തളര്‍ത്തുന്ന കാര്യങ്ങളാണ്. അമിത വ്യായാമം ഗുണത്തെക്കാളേറെ ദോഷം ചെയ്യുന്നതും കോവിഡാനന്തരം ഹൃദയപേശി രോഗം കൂടിയതും കോവിഡുണ്ടാക്കിയ സമ്മര്‍ദ്ദവും കോവിഡിന്‍റെ അടച്ചിരുപ്പുകാലത്ത് ജീവിതശൈലി രോഗങ്ങള്‍ക്ക് മരുന്നു മുടക്കിയതും പെട്ടെന്നുള്ള മരണത്തിന് കാരണമായിപ്പറയുന്നുണ്ടെങ്കിലും കേരളത്തില്‍ ഹൃദ്രോഗസാധ്യത കൂടുതലാണെന്നത് ഞെട്ടികകുന്ന സത്യമായി അവശേഷിക്കുന്നു. മരണപ്പെടുന്നതില്‍ കൂടുതല്‍ പേരും പുരുഷന്മാരാണ്. ഈ അജ്ഞാതകാരണത്തിലേയ്ക്ക് മെഡിക്കല്‍ രംഗത്തുനിന്നും പ്രത്യാശയുടെ വെളിച്ചം ഉടന്‍ ഉണ്ടാകുമെന്നു പ്രതീക്ഷിക്കാം.

Advertisement
inner ad
Continue Reading
Advertisement
inner ad
Click to comment

You must be logged in to post a comment Login

Leave a Reply

Featured

കുവൈത്ത് തീപിടിത്തം; അനുശോചിച്ച് പ്രതിപക്ഷ നേതാവ്

Published

on

തിരുവനന്തപുരം: കുവൈത്തില്‍ മംഗെഫില്‍ ഫ്‌ളാറ്റ് സമുച്ചയത്തിലെ തീപിടിത്തത്തിലുണ്ടായ മരണങ്ങളില്‍ ദുഃഖം രേഖപ്പെടുത്തുന്നുവെന്ന് പ്രതിപക്ഷ നേതാവ് വിഡി സതീശൻ. 45ല്‍ അധികം മരണങ്ങളും നിരവധി പേര്‍ക്ക് ഗുരുതരമായി പരുക്കേറ്റതുമായാണ് പുറത്തു വരുന്ന വാര്‍ത്തകള്‍. അപകടത്തില്‍ നിരവധി മലയാളികള്‍ക്ക് ജീവന്‍ നഷ്ടപ്പെട്ടതായാണ് റിപ്പോര്‍ട്ടുകള്‍. കേരളത്തെ ആകെ കരയിക്കുന്ന ദുരന്തമാണ് ഉണ്ടായത്. കുവൈത്തിലെ മലയാളി സംഘടനകളുമായി ബന്ധപ്പെടുന്നുണ്ട്. കേന്ദ്ര – സംസ്ഥാന സര്‍ക്കാരുകളുടെ ഏകോപനത്തില്‍ മരണപ്പെട്ടവരുടെ വിവരങ്ങള്‍ ലഭ്യമാകും എന്ന് പ്രതീക്ഷിക്കുന്നുവെന്നും പ്രതിപക്ഷ നേതാവ് പറഞ്ഞു.

Continue Reading

Kerala

മോദിക്കൊപ്പമുള്ളവർക്ക് കേരള മന്ത്രിസഭയിൽ പദവി;
സിപിഎമ്മിനെ വെട്ടിലാക്കി എം.വി ശ്രേയാംസ്കുമാർ

Published

on

തിരുവനന്തപുരം: സിപിഎം -ബിജെപി ബാന്ധവം കേരള രാഷ്ട്രീയത്തിൽ വലിയ ചർച്ചയായിരിക്കെ, മോദി മന്ത്രിസഭയിലെ പാർട്ടിക്ക് സംസ്ഥാന മന്ത്രിസഭയിൽ പദവി നൽകിയതുമായി ബന്ധപ്പെട്ട് സിപിഎമ്മിനെതിരെ രാഷ്ട്രീയ ആരോപണമുയർത്തി ആർജെഡി സംസ്ഥാന പ്രസിഡന്റ് എംവി ശ്രേയാംസ്കുമാർ. ഇന്നലെ നടത്തിയ വാർത്താസമ്മേളനത്തിലാണ് അദ്ദേഹം സിപിഎമ്മിനെതിരെ ആഞ്ഞടിച്ചത്. രാജ്യസഭാ സീറ്റ് നിഷേധിക്കപ്പെട്ട സാഹചര്യത്തില്‍ തങ്ങള്‍ക്കു മന്ത്രിസ്ഥാനം വേണമെന്നും ശ്രേയാംസ് കുമാര്‍ ആവശ്യപ്പെട്ടു.
‘‘കേരളത്തില്‍ എല്‍ഡിഎഫിന് ഒപ്പവും കേന്ദ്രത്തില്‍ എന്‍ഡിഎ മന്ത്രിയും ഉള്ള ഒരു പാര്‍ട്ടി ഇടതുമുന്നിയിലുണ്ട്. അതിലാര്‍ക്കും ഒരു പ്രശ്‌നവുമില്ല. കേന്ദ്രമന്ത്രിയായി എച്ച്.ഡി കുമാരസ്വാമി സത്യപ്രതിജ്ഞ ചെയ്തു. ഇവിടെ അതേ ചിഹ്നവും പേരും കൊടിയും ഉപയോഗിക്കുന്നു. ഇവിടുത്തെ ജെഡിഎസ് എന്‍ഡിഎയുടെ ഭാഗമാണെന്നല്ല പറഞ്ഞത്. പക്ഷേ, സാങ്കേതികമായി അവര്‍ ആ പാര്‍ട്ടിയുടെ ഭാഗമാണ്. അവരുടെ നേതാവാണ് കേന്ദ്രത്തില്‍ എന്‍ഡിഎ സര്‍ക്കാരില്‍ മന്ത്രിയായിട്ടുള്ളത്. ജെഡിഎസിന് എഴുപതോളം സ്ഥാനങ്ങള്‍ നല്‍കി. ഞങ്ങള്‍ക്ക് അര്‍ഹമായതു പോലും നല്‍കുന്നില്ല’’ – ശ്രേയാംസ് കുമാര്‍ പറഞ്ഞു.
ജനതാദള്‍-എസ് (ജെഡിഎസ്) നേതാവ് എച്ച്.ഡി കുമാരസ്വാമി മോദി മന്ത്രിസഭയില്‍ അംഗമായതോടെ ആ പാര്‍ട്ടിയുടെ കേരളഘടകം എല്‍ഡിഎഫില്‍ തുടരുന്നതിലെ വൈരുധ്യം വീണ്ടും ചര്‍ച്ചയിലേക്കു കൊണ്ടുവന്നിരിക്കുകയാണ് എംവി ശ്രേയാംസ് കുമാര്‍. ഒരേസമയം നരേന്ദ്ര മോദി മന്ത്രിസഭയിലും പിണറായി വിജയന്‍ മന്ത്രിസഭയിലും ഒരു പാര്‍ട്ടി തുടരുന്നത് ജെഡിഎസിനെ മാത്രമല്ല സിപിഎമ്മിനെയും വെട്ടിലാക്കിയിരിക്കുകയാണ്.
ഗൗഡാ ബന്ധം വിഛേദിച്ചുവെന്നാണു കേരള നേതൃത്വം പറയുന്നതെങ്കിലും സാങ്കേതികമായി ഇപ്പോഴും ദേവെഗൗഡ അധ്യക്ഷനായ പാര്‍ട്ടിയുടെ കേരളഘടകം തന്നെയാണ് ഇവിടെയുള്ളത്. ദേവെഗൗഡയുടെ കൊച്ചുമകന്‍ പ്രജ്വല്‍ രേവണ്ണ ലൈംഗികാതിക്രമ കേസുകളില്‍ കൂടി പെട്ടതോടെ കേരളത്തിലെ നേതാക്കള്‍ക്കു തലയുയര്‍ത്തി നടക്കാന്‍ പറ്റാത്ത സ്ഥിതിയാണ്.
കേന്ദ്രനേതൃത്വത്തിന്റെ ബിജെപി ബന്ധത്തില്‍ അതൃപ്തിയുണ്ടെങ്കിലും ഉറച്ച നിലപാട് സ്വീകരിക്കാന്‍ ഇതുവരെ സംസ്ഥാന ഘടകത്തിനു കഴഞ്ഞിട്ടില്ല. ഇതിന്റെ പേരില്‍ സി.കെ നാണുവും എ. നീലലോഹിതദാസും പാര്‍ട്ടി വിടുകയും ചെയ്തു. കൂറുമാറ്റ നിരോധന നിയമപ്രകാരം അയോഗ്യതാ ഭീഷണി ഭയന്നാണ് മന്ത്രി കെ. കൃഷ്ണന്‍ കുട്ടിയും സംസ്ഥാന പ്രസിഡന്റ് മാത്യു ടി. തോമസും അന്തിമതീരുമാനം എടുക്കാത്തതെന്ന വിമര്‍ശനവും ഉയരുന്നുണ്ട്. ലോക്‌സഭാ തെരഞ്ഞെടുപ്പ് ഫലം വന്ന ശേഷം തീരുമാനമെടുക്കുമെന്നാണു സംസ്ഥാന നേതൃതം പറഞ്ഞിരുന്നത്. എന്നാല്‍ ജെഡിഎസ് മോദി മന്ത്രിസഭയില്‍ അംഗമാകുക കൂടി ചെയ്തതോടെ കൂടുതല്‍ വെട്ടിലായിരിക്കുകയാണ് സംസ്ഥാനത്തെ നേതാക്കള്‍. ശ്രേയാംസ് കുമാര്‍ ഇതു കൂടുതല്‍ ചര്‍ച്ചയാക്കുക കൂടി ചെയ്തതോടെ സിപിഎമ്മിനും മറുപടി പറയേണ്ടിവരും.
നിയമസഭാ സമ്മേളനത്തിനിടെ യുഡിഎഫ് വിഷയം സഭയില്‍ ഉയര്‍ത്തിയാല്‍ ഇടതുമുന്നണി കൂടുതല്‍ പ്രതിരോധത്തിലാകും. ഒരുഘട്ടത്തില്‍ ആര്‍ജെഡി-ജെഡിഎസ് ലയനം സംബന്ധിച്ചു നീക്കങ്ങള്‍ സജീവമായെങ്കിലും ബിജെപി ബന്ധം തന്നെയാണ് വിഷയത്തില്‍ കല്ലുകടിയായത്. പുതിയ പാര്‍ട്ടി പ്രഖ്യാപനമോ ജനാധിപത്യ-സോഷ്യലിസ്റ്റ് സ്വഭാവമുള്ള ദേശീയ പാര്‍ട്ടിയുമായുള്ള ലയനമോ ആണ് ജെഡിഎസ് സംസ്ഥാന നേതൃതത്തിനു മുന്നിലുള്ള പോംവഴി. എന്നാല്‍ ഇതു സംബന്ധിച്ചൊന്നും തീരുമാനമായിട്ടില്ല. മുന്നണിയിലെ തന്നെ ഒരു പാര്‍ട്ടി വിഷയം വീണ്ടും സജീവചര്‍ച്ചയാക്കിയ സ്ഥിതിക്ക് പ്രശ്‌നപരിഹാരം ഉടന്‍ ഉണ്ടാകണമെന്ന് സിപിഎം കടുംപിടിത്തം പിടിക്കുമെന്ന് ഉറപ്പാണ്.

Continue Reading

Kerala

‘അങ്ങാടിയിൽ തോറ്റതിന് അമ്മയുടെ നെഞ്ചത്തേക്കല്ല കയറേണ്ടത്’ സൈബർ സേനയെ തള്ളിപ്പറഞ്ഞ ജയരാജന്, പോരാളി ഷാജിയുടെ മറുപടി

Published

on

തിരുവനന്തപുരം: ലോക്സഭാ തെരഞ്ഞെടുപ്പിൽ വൻ തിരിച്ചടിയുണ്ടായതിന് കാരണം ഇടതുപക്ഷ അനുകൂല സമൂഹമാധ്യമ ഗ്രൂപ്പുകളാണെന്ന സിപിഎം കണ്ണൂർ ജില്ലാ സെക്രട്ടറി എം.വി ജയരാജന് മറുപടിയുമായി ഇടതു സൈബർ സേനയിലെ പ്രധാന ഗ്രൂപ്പായ പോരാളി ഷാജി. സമൂഹമാധ്യമങ്ങളിൽ ഇടതുപക്ഷമെന്നു തോന്നുന്ന പല ഗ്രൂപ്പുകളും വിലയ്ക്കു വാങ്ങപ്പെട്ടുവെന്ന ജയരാജന്റെ പ്രസ്താവനയോട്, അങ്ങാടിയിൽ തോറ്റതിന് അമ്മയുടെ നെഞ്ചത്തേക്കല്ല കയറേണ്ടത് എന്ന തലക്കെട്ടിലാണ് പോരാളി ഷാജി മറുപടി പറയുന്നത്.
ഇത്രയും വലിയ തോൽവിയിലേക്ക് ഇടതുപക്ഷം പോകാനുള്ള കാരണം  പോരാളി ഷാജിയോ, ഗ്രൂപ്പോ അല്ലെന്നും അധികാരത്തിന്റെ സുഖസൗകര്യങ്ങളിൽ ജനത്തെ മറന്ന് അവരെ പിഴിഞ്ഞ് ഭരിച്ചതാണെന്നും ഇന്നലെ പോസ്റ്റ് ചെയ്ത കുറിപ്പിൽ ചൂണ്ടിക്കാട്ടുന്നു.
കേരളം കടം കയറി മുടിഞ്ഞതും, ആരോപണങ്ങളും ജനം ചർച്ച ചെയ്യുമ്പോൾ ഭരണ തുടർച്ചയുടെ ഓബ്രോ വിളികളിൽ ജനങ്ങൾ എല്ലാം കാണുന്നുണ്ടെന്ന പഞ്ച് ഡയലോഗ് പറഞ്ഞാലൊന്നും ജനം വോട്ട് ചെയ്യില്ല സേർ. ജനം എല്ലാം കണ്ടു അതാണ് 19 ഇടത്തും എട്ടുനിലയിൽ പൊട്ടിയതെന്നും പോരാളി ഷാജി പരിഹസിക്കുന്നു. ജനാധിപത്യത്തിൽ ജനങ്ങളാണ് വലുതെന്ന് നേതാക്കൾ ഇനിയെങ്കിലും തിരിച്ചറിയണം. ദന്ത ഗോപുരങ്ങളിൽ നിന്ന് താഴെയിറങ്ങി ജനങ്ങൾക്കൊപ്പം നിൽക്കണം. അതിന് പറ്റില്ലെങ്കിൽ ചോര കൊണ്ട് ചുവപ്പിച്ച ഈ ചെങ്കൊടി താഴെ വച്ച്  വല്ലോ പണിയുമെടുത്ത് ജീവിക്കെന്ന് ജയരാജനോട് കുറുപ്പിൽ ആവശ്യപ്പെടുന്നു. ബംഗാളിലെ ഭരണ തുടർച്ച ആസ്വദിച്ച് മണിമാളികളിൽ സുഖവസിച്ച ഒരു കൂട്ടം നേതാക്കളുടെ ആ പഴയ കഥകളൊക്കെ ഇന്റർനെറ്റിൽ ഇന്നും ലഭ്യമാണ്. ഇംഗ്ലിഷ് അറിയാവുന്ന സഖാക്കൾ പഴയ സഖാക്കൾക്ക് ഒന്ന് മൊഴിമാറ്റം നടത്തി നൽകണം. പഴയ കൺസൾട്ടൻസി കഥകളൊക്കെ അറിയുന്നത് നല്ലതാണ്. തോൽവിയുടെ കാരണങ്ങളെക്കുറിച്ചും കുറിപ്പിൽ അക്കമിട്ടു നിരത്തിയിട്ടുണ്ട്.
അത് ഇപ്രകാരമാണ്: 6 മാസം പെൻഷൻ മുടങ്ങി അത് കൊടുക്കാനായില്ല. പെൻഷൻ നൽകാൻ ഇന്ധന വിലയിൽ ഏർപെടുത്തിയ സെസ് എവിടെ? പെൻഷൻ ജനങ്ങളുടെ അവകാശമാണെന്ന് തുടർ ഭരണത്തിന് വേണ്ടി പറഞ്ഞു, പിന്നെയത് കോടതിയിൽ മാറ്റി പറഞ്ഞു. ഇത് ജനം വിലയിരുത്തും തിരിച്ചടിയാകുമെന്ന് മനസിലാക്കാനുള്ള കഴിവ് നിങ്ങൾക്ക് ഇല്ലാതായോ?. വില കുറവിൽ സാധനങ്ങൾ വാങ്ങാൻ സാധാരണക്കാർ ആശ്രയിക്കുന്ന സപ്ലൈകോയിൽ സാധനങ്ങൾ ഉണ്ടോ? ഇല്ല. ആരെങ്കിലും വില കുറച്ചു നൽകാൻ ഉണ്ടെങ്കിലെ വില കുറയു എന്ന ബേസിക് തിയറി പോലും മറന്ന് കേരളത്തെ വിലക്കയറ്റത്തിലേക്ക് തള്ളി വിട്ടു. പെൻഷൻ വാങ്ങുന്നവനും സപ്ലൈകോയിൽ നിന്ന് സാധനങ്ങൾ വാങ്ങുന്നവനുമാണ് നമ്മുടെ വോട്ടേഴ്സ് എന്ന് എന്ത് കൊണ്ട് നിങ്ങൾക്ക് മനസിലായില്ല? ഉത്തരം പറയണം.
ഭരണം ലഭിച്ചത് മുതൽ ഘട്ടം ഘട്ടമായി ഉയർത്തേണ്ട കെട്ടിട പെർമ്മിറ്റ് ഫീസ് കുത്തനെ കൂട്ടി സാധാരണക്കാരുടെ വീട് പണി പോലും തടസപ്പെടുത്തി. അത് വഴി നിർമാണ മേഖല തകർന്ന് നിർമാണ തൊഴിലാളികൾക്ക് പണിയില്ലാതായി. ആരാണ് അതിന് ഉത്തരവാദി? നിർമാണ മേഖല തകർന്നാൽ എല്ലാം തകരും. പി.എസ്.സി റാങ്ക് പട്ടികയിലുൾപ്പെട്ട എസ്എഫ്ഐക്കാർ അടക്കമുള്ള വിദ്യാർത്ഥികൾ തിരുവനന്തപുരത്ത് 60 ദിവസം സമരം നടത്തിയപ്പോൾ പതിനായിരക്കണിന് യുവാക്കളാണ് പിന്തുണ അറിയിച്ച് എത്തിയത്. ആ സമരത്തോട് സിപിഐഎം സ്വീകരിച്ച സമീപനം എന്താണ്? അവരെ ചർച്ചയ്ക്ക് ക്ഷണിച്ച് പരിഹസിച്ചു വിടുകയാണ് സർക്കാർ പ്രതിനിധികൾ ചെയ്തത്. ഡിവൈഎഫ്ഐ നേതാവ് വസീഫ് അവരോട് പറഞ്ഞത് എന്താണ്? ഒഴിവ് ഉണ്ടായിട്ടും 11,000 വിദ്യാർഥികളിൽ കുറച്ചു പേർക്കെങ്കിലും നിയമനം നൽകി ആ പ്രശ്നം തീർക്കാമായിരുന്നു. എന്നിട്ട് തീർത്തോ? കേവലം ഒരു വർഷം കാലാവധിയുള്ള റാങ്ക് ലിറ്റ് വൈകി പ്രസിദ്ധീകരിക്കുകയും, മികച്ച മാർക്കുള്ള വിദ്യാർഥികളെ വർഷങ്ങൾ ആശ നൽകി പറ്റിക്കുകയുമാണ് സർക്കാർ ചെയ്തത്. എന്നിട്ട് ഞങ്ങളാണ് ഏറ്റവും കൂടുതൽ നിയമനം നടത്തിയതെന്ന ക്യാപ്സ്യൂളുമായി ദേശാഭിമാനിൽ രണ്ട് കോളം വാർത്ത നൽകിയാലൊന്നും യുവാക്കാൾ വോട്ട് തരില്ല എന്ന് മനസിലാക്കാൻ ആയില്ലേ?
നവകേരള സദസിൻ്റെ ഘട്ടത്തിലുണ്ടായ  പ്രതിഷേധത്തെ പോലീസ് നേരിട്ട രീതിയും, സമരക്കാരെ കായികമായി നേരിട്ട ഡിവൈഎഫ്ഐയെ രക്ഷാപ്രവർത്തകരാക്കി അവതരിപ്പിച്ചതും ജനങ്ങൾക്ക് ദഹിക്കുന്നതായിരുന്നില്ല. സെക്യൂരിറ്റി അംഗങ്ങളും പാർട്ടി പ്രവർത്തകരും തെരുവിലിറങ്ങി തല്ലിയതും സർക്കാരിനെതിരേയുള്ള ജനവികാരമായി മാറുമെന്ന് എന്ത് കൊണ്ട് നിങ്ങൾക്ക് മനസിലാക്കാൻ ആയില്ലേ സിപിഐഎം ബുദ്ധി ജീവികളെ?.  ജനത്തിന്റെ പരാതി പരിഹരിക്കാനെന്ന പേരും പറഞ്ഞ് പൗരപ്രമുഖർക്ക് ഫൈവ് സ്റ്റാർ ഭക്ഷണവും നൽകി, ബെൻസ് ബസിൽ ജനത്തെ പുച്ഛിച്ച് അവരെ കാണാതെ മന്ത്രിമാർ നടത്തിയ ‘നവകേരള യാത്ര’ തിരിച്ചടി ഉണ്ടാക്കുമെന്ന് ഏത് ബുദ്ധി കുറഞ്ഞ ആൾക്കും മനസിലാക്കാം. എന്ത് കൊണ്ട് നിങ്ങൾക്ക് അത് മനസ്സിലാക്കാൻ ആയില്ല? ഇത്ര ബുദ്ധി ശൂന്യർ ആണോ സിപിഎമ്മിൽ?. സമ്മേളനം, സ്മാരക പണി, നവകേരള യാത്ര, ഇലക്ഷൻ പിരിവ് അത് ഇത് എന്നും പറഞ്ഞു തൊട്ടതിനും പിടിച്ചതിനുമെല്ലാം വ്യാപാരികളിൽ നിന്നും ജനത്തിൽ നിന്നും ഫണ്ട് പിരിക്കാൻ ലോക്കൽ നേതാക്കൾ ഇറങ്ങുന്ന രീതി ജനത്തിന് ഇഷ്ടമല്ല. ഇത്തരം പരിപാടികൾ ഇനിയെങ്കിലും നിർത്തണം. നിങ്ങള് സമ്മേളനം നടത്തുന്നതിന് സാധാരണ മനുഷ്യർ എന്തിന് പിരിവ് നൽകണം?
പ്രദേശിക തലത്തിലും സംസ്ഥാന തലത്തിലുമുള്ള നേതാക്കളുടെ മസിലുപിടുത്തം, ധാർഷ്ട്യം, പ്രത്യേക യേക്ഷൻ ഒന്നും ജനത്തിന് ഇഷ്ടമല്ല. ജനത്തെ മൈന്റ് ചെയ്താൽ മാത്രമേ ജനം മൈന്റ് ചെയ്യു എന്ന് നേതാക്കൾ ഓർക്കണം. ജനങ്ങളുമായി ഇടപെടാൻ മടിയും മിണ്ടാൻ ബുദ്ധിമുട്ടുള്ള പ്രദേശിക നേതാക്കളെ പാർട്ടിയിൽ നിന്ന് ഒഴിവാക്കണം. ഇവരുടെ ഇത്തരം സമീപനങ്ങൾ പാർട്ടിയിൽ നിന്ന് ജനത്തെ അകറ്റും. ജനത്തിനും അണികൾക്കും ഇഷ്ടമുള്ള നേതാക്കളെ ഗ്രൂപ്പിസം കളിച്ച് നാട് കടത്തുന്ന രീതി ഇനിയെങ്കിലും നിർത്തണം. അതിന്റെ ആഘാതം എത്ര വലുതായിരിക്കുമെന്ന് പാർട്ടി കോട്ടകൾ പോലും തെളിയിച്ചു. കരുവന്നൂർ അടക്കമുള്ള സഹകരണ ബാങ്കുകളിൽ  ക്രമക്കേടുകൾ നടത്തിയത് വഴി ജനങ്ങളുടെ ഇടയിൽ അവമതിപ്പ് ഉണ്ടാക്കി. സഹകരണ പ്രസ്ഥാനങ്ങളുടെ വിശ്വാസ്യതയെ അത് ബാധിച്ചു. സംസ്ഥാനത്ത് സംരംഭങ്ങൾ കൊണ്ട് വരുന്നതിൽ സർക്കാരിന് വീഴ്ച സംഭവിച്ചു. കേരളം എന്ന് കേട്ടാൽ സംരംഭകർ കണ്ടം വഴി ഓടുന്ന അവസ്ഥയാണ് ഇന്നും.
കാലത്തിന് ഒത്ത മാറ്റം കൊണ്ട് വരാൻ വൈകിയത് മൂലം വിദ്യാഭ്യാസ ഉന്നത വിദ്യാഭ്യാസ മേഖലയിൽ നിലവാര തകർച്ച ഉണ്ടായി. അഖിലേന്ത്യാ തലത്തിൽ നടക്കുന്ന പരീക്ഷകളിൽ സർക്കാർ സ്കുളിൽ പഠിക്കുന്ന എത്ര വിദ്യാർത്ഥികൾ വിജയിക്കുന്നുണ്ട്..? കോളേജ് വിദ്യാഭ്യാസം പൂർത്തിയാക്കുന്ന ഒരു വിദ്യാർഥിക്ക് തെറ്റ് കൂടാതെ രണ്ട് പാരഗ്രാഫ് ഇംഗ്ലീഷിൽ എഴുതാനാറിയാമോ..? പ്രസംഗിക്കാൻ അറിയാമോ?. ഉന്നത വിദ്യാഭ്യാസം പൂർത്തിയാക്കി ഇറങ്ങുന്ന വിദ്യാർത്ഥികൾക്ക് മികച്ച ശമ്പളത്തിൽ ജോലി പോലും കേരളത്തിൽ കിട്ടാനില്ല. കർണാടകയിലും തമിഴ്നാട്ടിലും തെലുങ്കാനയിലും പോയി ജോലി ചെയ്യേണ്ട അവസ്ഥയാണ് മലയാളികൾക്ക്. അതിനൊരു മാറ്റമുണ്ടാക്കാൻ നിങ്ങൾക്ക് സാധിച്ചോ?. ഇത്തരം കാര്യങ്ങൾ ഒന്നും ശ്രദ്ധിക്കാതെ ഇടത് ഉണ്ടെങ്കിലെ ഇന്ത്യയൊള്ളു എന്ന പഞ്ച് ഡയലോഗ് പറഞ്ഞാലൊന്നും ജനം വോട്ട് ചെയ്യില്ല. അതോടൊപ്പം  കേരളത്തിലെ 80 ശതമാനം ജനങ്ങളും കൈരളിയും ദേശാഭിമാനിയുമല്ല കാണുന്നതെന്നും നേതാക്കൾ തിരിച്ചറിയണം. ഞങ്ങള് ആരുടേയും പൈസ വാങ്ങിയിട്ടുമില്ല വാങ്ങുകയുമില്ല. പൈസ വാങ്ങി കുനിഞ്ഞ്‌ നിൽക്കാൻ ഞങ്ങൾക്ക്‌ ബിനാമി ബിസിനസുമില്ലെന്നേ എന്ന ഓർമപ്പെടുത്തലോടെയാണ് കുറിപ്പ് അവാസാനിപ്പിക്കുന്നത്. 

Advertisement
inner ad
Continue Reading

Featured