Connect with us
48 birthday
top banner (1)

Kerala

സൗരയൂഥപഥത്തിൽ അറിവിൻറെ
സംക്രമപ്പൂവുതേടി

Avatar

Published

on

  • നിരീക്ഷകൻ
    ഗോപിനാഥ് മഠത്തിൽ

സൗരയൂഥപഠനങ്ങളിൽ പുതിയ അധ്യായം രചിച്ചുകൊണ്ട് ഇന്ത്യ കുതിപ്പുതുടരുകയാണ്. വംശീയാധിനിവേശത്തിൽ മണിപ്പൂർ പോലുള്ള വിഷയങ്ങളിൽ പിടയുമ്പോഴാണ് വ്യോമനിരീക്ഷണരംഗത്ത് മറ്റുള്ള രാജ്യങ്ങൾക്ക് ഇന്ത്യ മാതൃകയാകുന്നത്. ചൈനയെപ്പോലുള്ള രാജ്യങ്ങൾക്ക് ഇപ്പോൾ ഏറെ കൗതുകം ഇന്ത്യയുടെ അതിർത്തിപ്രദേശങ്ങളെ ചേർത്തുകൊണ്ട് പുതിയ ഭൂപടം തീർത്ത് സംതൃപ്തി അടയുക എന്നതാണ്. മുൻപ് കാശ്മീർ പ്രവിശ്യകളെ ചേർത്ത് പാകിസ്ഥാൻ ഇത്തരം ഒരു കളി നടത്തിയിരുന്നു. ഇപ്പോൾ അത് അവരുടെ മിത്രരാജ്യമായ ചൈനയുൾപ്പെടെയുള്ള രാജ്യങ്ങൾ അഭിരമിക്കുമ്പോഴാണ് ഇന്ത്യ ശാസ്ത്രരംഗത്ത് വ്യക്തിഗത നേട്ടങ്ങൾ കൊയ്യുന്നത്. അത് ഇന്ത്യയുടെ സൗഹൃദരാജ്യങ്ങളിൽ പ്രത്യേകമായൊരു ഇഷ്ടം വർദ്ധിപ്പിക്കുന്നതോടൊപ്പം അയൽശത്രുരാജ്യങ്ങളുടെ കണ്ണ് മഞ്ഞളിപ്പിക്കുകയും ചെയ്യുന്നു. ഇന്ത്യ അയച്ച ചന്ദ്രയാൻ-1 ൻറെ പരീക്ഷണ പഠനങ്ങളിൽ നിന്നാണ് ചന്ദ്രനിലെ ജലസാന്നിദ്ധ്യം ലോകം തിരിച്ചറിഞ്ഞത്. ചന്ദ്രയാൻ-2ൻറെ പാളിച്ചയുടെ അനുഭവമാണ് നൽകിയതെങ്കിലും അക്കാര്യത്തിൽ ആഴത്തിലുള്ള ശ്രദ്ധ കൊടുക്കാൻ കഴിഞ്ഞതിൻറെ വിജയമാണ് ചന്ദ്രയാൻ-3. ഇപ്പോൾ ആ പേടകം ചന്ദ്രനിലെ ധാതുലവണങ്ങളെക്കുറിച്ച് പുതിയ വസ്തുതകൾ കണ്ടെത്തി ലോകത്തിന് വിളംബരം ചെയ്യുന്നു. ചന്ദ്രൻറെ ദക്ഷിണധ്രുവത്തിൽ സൾഫറി(ഗന്ധകം) ൻറെ സാന്നിധ്യം ആദ്യം സ്ഥിരീകരിച്ചിരിക്കുന്നത് ചന്ദ്രയാൻ -3 യിലൂടെ ഇന്ത്യയാണ്. കൂടാതെ അലൂമിനിയം, കാൽസ്യം, അയൺ, ക്രോമിയം, ടൈറ്റാനിയം എന്നിവയുടെ സാന്നിദ്ധ്യവും കണ്ടെത്തുക എന്നത് ചന്ദ്രയാൻ-3 ൻറെ പര്യവേഷണത്തിൻറെ ഭാഗമാണ്. പല പല കണ്ടുപിടിത്തങ്ങളും പരീക്ഷണങ്ങളും സൗരയൂഥപഥങ്ങളിലൂടെ ഇന്ത്യ നടത്തിക്കൊണ്ടിരിക്കുന്നു. മാംഗനീസ്, സിലിക്കൺ, ഓക്സിജൻ എന്നിവയുടെ തോത് ചന്ദ്രനിൽ എത്രമാത്രം ഉണ്ടെന്ന് കണ്ടെത്തേണ്ട ദൗത്യവും ചന്ദ്രയാൻ-3ൻറെ അന്വേഷണത്തിൻറെ പട്ടികയിൽ വരുന്നു. വ്യോമനിരീക്ഷണമേഖലയിൽ അതിചടുലമായ ചലനങ്ങളാണ് കഴിഞ്ഞ കുറെനാളുകളായി ഇന്ത്യ നടത്തിക്കൊണ്ടിരിക്കുന്നത്. ആ അറിവിനെത്തേടിയുള്ള തിരച്ചിലിൻറെ ഏറ്റവും നൂതനമായ പന്ഥാവ് ഇപ്പോൾ നമ്മുടെ ശാസ്ത്രജ്ഞന്മാർ വിരചിച്ചിരിക്കുന്നത് സൂര്യനിലേക്കാണ്.
സൂര്യനെ തൊട്ടാൽ പൊള്ളുമെന്ന വസ്തുത മനസ്സിലാക്കി പല വികസിത രാജ്യങ്ങളും ഉദ്യമങ്ങൾക്ക് അമാന്തം കാണിക്കുമ്പോൾ ഒടുങ്ങാത്ത ആകാംക്ഷയുടെയും സമ്മർദ്ദത്തിൻറെയും ഫലമെന്നോണം ശ്രീഹരിക്കോട്ടയിലെ സതീഷ് ധവാൻ സ്പെയ്സ് സെൻററിൽ നിന്ന് പിഎസ്എൽവി സി-57 റോക്കറ്റിലൂടെ ഇന്ത്യ തൊടുത്ത തീയമ്പാണ് ആദിത്യൻ എൽ-1. സൂര്യൻറെ പുറംഭാഗത്തെ താപവ്യതിയാനം, ബഹിരാകാശകാലാവസ്ഥ തുടങ്ങിയവയുടെ പരീക്ഷണമാണ് ആദിത്യയുടെ പ്രധാന ലക്ഷ്യങ്ങൾ. ഇത് ഭൂമിയിൽ ജീവൻ നിലനിർത്തുന്നതിൽ നിർണ്ണായക പങ്കുവഹിക്കുന്ന ഊർജ്ജത്തിൻറെ ഉറവിടമായ സൂര്യൻറെ സങ്കീർണ്ണമായ പ്രവർത്തനങ്ങളെ അനാവരണം ചെയ്യുന്നമെന്ന പ്രതീക്ഷയും പങ്കുവയ്ക്കുന്നു. 1981-ൽ ജപ്പാൻ അയച്ച ഹിനോട്ടറി (ആസ്ട്രോ-എ) സൂര്യാന്വേഷണത്തെക്കുറിച്ച് വലിയ വിവരങ്ങളൊന്നും ലോകത്തിന് ലഭ്യമായില്ലെങ്കിലും ഈ മേഖലയിൽ ശ്രദ്ധേയമായ കയ്യൊപ്പുപതിപ്പിക്കാൻ 2018 ഓഗസ്റ്റിൽ നാസ വിക്ഷേപിച്ച സൗരദൗത്യമായ പാർക്കർ സോളാർ പ്രോബിന് കഴിഞ്ഞു. അത് ഇന്ത്യയുടെ ആദിത്യവാഹനം സഞ്ചരിക്കുന്നതിൻറെ അഞ്ചുമടങ്ങോളം ദൂരം സഞ്ചരിച്ച് സൂര്യനടുത്തുചെന്ന് അന്തരീക്ഷത്തിലൂടെയും ബാഹ്യവലയത്തിലൂടെയും പറന്ന് അവിടെയുള്ള കണങ്ങളുടെയും കാന്തികകണങ്ങളുടെയും സാംപിളുകൾ പരിശോധിച്ചതായി പറയപ്പെടുന്നു. ഇതൊരുപക്ഷേ, ബഹിരാകാശ സഞ്ചാരത്തിൻറെ കുത്തക അവകാശപ്പെട്ടുകൊണ്ടുള്ള നാസയുടെ ന്യായവാദങ്ങളാകാം. അതേപ്പറ്റിയുള്ള യാഥാർത്ഥ്യം എന്താണെങ്കിലും ഇന്ത്യ നടത്തുന്ന ആദ്യ ആദിത്യയാത്ര ഭൂമിയിൽ നിന്ന് സൂര്യനിലേക്കുള്ള ദൂരത്തിൻറെ ഒരു ശതമാനംമാത്രമേ ആകുന്നുള്ളൂവെങ്കിലും സൗരസത്യങ്ങളെക്കുറിച്ച് , ഇപ്പോഴത്തെ ഈ പതുങ്ങൽ നാളത്തെ കുതിച്ചുചാട്ടത്തിനുവേണ്ടിയുള്ള തയ്യാറെടുപ്പുകളായാണ് ശാസ്ത്രലോകം കാണുന്നത്. ഇന്ത്യയുടെ സൂര്യനിലേക്കുള്ള ആദ്യപിച്ചവയ്ക്കൽ മാത്രമാണിത്. ഇനി എത്രയെത്ര പരീക്ഷണങ്ങൾ സൗരാറിവിനെ ലക്ഷ്യമാക്കി ഇന്ത്യ നടത്താനിരിക്കുന്നു.
ഇന്ത്യ ഇപ്പോൾ ലോകത്തിനുമുമ്പിൽ ശ്രദ്ധേയമാകുന്നത് ബഹിരാകാശമേഖലയിൽ നടത്തുന്ന കഠിനശ്രമത്തിൻറെ പേരിലാണ്. അതിനെ അസൂയയോടെ വീക്ഷിക്കുന്ന ശത്രുരാജ്യങ്ങളും അരികിൽത്തന്നെയുള്ളപ്പോൾ അവയെല്ലാം നിഷ്പ്രഭമാക്കിയാണ് ആകാശത്തിൻറെ അതിരുകൾ ഭേദിച്ച പ്രപഞ്ചസത്യങ്ങളെത്തേടി ഇന്ത്യ യാത്ര തിരിച്ചിരിക്കുന്നത്. ചൊവ്വയിലെ സത്യങ്ങൾ അന്വേഷിച്ചുനടത്തിയ അംഗാരകശ്രമങ്ങളെയും ഇവിടെ ഓർക്കേണ്ടതുണ്ട്. അങ്ങനെ ഗ്രഹങ്ങളെപ്പറ്റിയുള്ള കേട്ടറിവുകളിൽനിന്നും യാഥാർത്ഥ്യത്തെ സ്പർശിക്കുന്ന നേരറിവുകളിലേക്ക് ഭാരതം കാലെടുത്തുവച്ചിരിക്കുന്നു. ആ ഗ്രഹപരിവേഷണങ്ങൾക്ക് നേതൃത്വം നൽകുന്ന ഇന്ത്യയുടെ സ്വന്തം ശാസ്ത്രജ്ഞന്മാർക്ക് ഒരു ബിഗ് സല്യൂട്ട് നൽകുകയാണിവിടെ.

വാൽക്കഷണം:
റഷ്യയുടെ ലൂണ ഉപഗ്രഹപതനം പോലെയാണ് ഇപ്പോൾ അദാനിഗ്രൂപ്പ്. പലവിധ ആരോപണശരങ്ങളേറ്റ് തളർന്നുതുടങ്ങിയ പ്രസ്തുതഗ്രൂപ്പ് മൗറീഷ്യസ് നിക്ഷേപത്തിലെ ക്രമക്കേടിലൂടെ ശരിക്കും നിലംപരിശായിക്കഴിഞ്ഞു. ഒസിസിആർപിയുടെ റിപ്പോർട്ട് തങ്ങൾ ജനുവരിയിൽ ഉന്നയിച്ച ആരോപണം ശരിവയ്ക്കുന്നതാണെന്ന് ഹിൻഡൻ ബർഗ് റിസർച്ച് സാമൂഹിക പ്ലാറ്റ്ഫോമായ എക്സിലൂടെ അവകാശപ്പെട്ടു. മോദി സർക്കാർ അനാവശ്യമായി യാതൊരു അടിത്തറയുമില്ലാതെ വളർത്തിക്കൊണ്ടുവന്ന ഒരു ചീട്ടുകൊട്ടാരമാണ് അദാനി വ്യവസായ ശൃംഖലകൾ. അത് അതിൻറെ സ്വാഭാവിക പതനത്തിൻറെ വഴിയിലാണിപ്പോൾ. ഇവിടെയെല്ലാത്തിനും സാക്ഷിയാകുന്നത് കാലമാണ്. അദാനിഗ്രൂപ്പിൻറെ വീഴ്ചയ്ക്കും കാലനാകുന്നത് അതേകാലമാണ്. അതിനെ രക്ഷിക്കാൻ മോദിക്കെന്നല്ല ആർക്കും കഴിയില്ല.
*

Advertisement
inner ad
Continue Reading
Advertisement
inner ad
Click to comment

You must be logged in to post a comment Login

Leave a Reply

Kozhikode

പന്തീരാങ്കാവ് ഗാര്‍ഹിക പീഡനക്കേസ്: ഭര്‍ത്താവ് രാഹുല്‍ ഒന്നാം പ്രതി

Published

on

കോഴിക്കോട്: പന്തീരാങ്കാവ് ഗാര്‍ഹിക പീഡനക്കേസില്‍ പോലീസ് കുറ്റപത്രം സമര്‍പ്പിച്ചു. കേസില്‍ അഞ്ച് പ്രതികളാണുള്ളത്. യുവതിയുടെ ഭര്‍ത്താവ് രാഹുല്‍ പി. ഗോപാല്‍ കേസില്‍ ഒന്നാം പ്രതിയാണ്. രാഹുലിന്റെ അമ്മയും സഹോദരിയുമാണ് രണ്ടും മൂന്നും പ്രതികള്‍. രാഹുലിന്റെ സുഹൃത്ത് രാജേഷ് നാലാം പ്രതിയും സിവില്‍ പോലീസ് ഓഫീസര്‍ ശരത് ലാല്‍ അഞ്ചാം പ്രതിയുമായാണ് കുറ്റപത്രം.

ജുഡീഷ്യല്‍ ഫസ്റ്റ്ക്ലാസ് മജിസ്ട്രേറ്റ് മൂന്നിലാണ് കുറ്റപത്രം സമര്‍പ്പിച്ചത്.കൊലപാതകശ്രമം, സ്ത്രീപീഡനം, ഗാര്‍ഹിക പീഡനം എന്നീ വകുപ്പുകളാണ് രാഹുലിനെതിരെ ചുമത്തിയത്. ഗാര്‍ഹിക പീഡനമാണ് അമ്മയ്ക്കും സഹോദരിക്കും എതിരെ ചുമത്തിയത്. രാഹുലിനെ രക്ഷപ്പെടാന്‍ സഹായിച്ചതാണ് രാജേഷിനും പോലീസുകാരനും എതിരെ ചുമത്തിയ കുറ്റം. കേസില്‍ എഫ്ഐആര്‍ ഇട്ട് 60-ാം ദിവസമാണ് കുറ്റപത്രം സമര്‍പ്പിക്കുന്നത്

Advertisement
inner ad
Continue Reading

Featured

സംസ്ഥാനത്ത് മഴ ശക്തമാകും; 10 ജില്ലകളിൽ യെല്ലോ അലർട്ട്

Published

on

തിരുവനന്തപുരം: സംസ്ഥാനത്ത് വീണ്ടും കാലവർഷം സജീവമാകുന്നു. അടുത്ത അഞ്ചു ദിവസം ശക്തമായ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥാ നിരീക്ഷണ കേന്ദ്രം അറിയിച്ചു. വയനാട്, പാലക്കാട്, കൊല്ലം, തിരുവനന്തപുരം എന്നീ ജില്ലകൾ ഒഴികെയുള്ള 10 ജില്ലകളിൽ ഇന്ന് യെല്ലോ അലർട്ട് ആണ്. കാസർഗോഡ്, കണ്ണൂർ, കോഴിക്കോട് ജില്ലകളിൽ നാളെ ഓറഞ്ച് അലർട്ടും പ്രഖ്യാപിച്ചിട്ടുണ്ട്. കേരളതീരത്തും തമിഴ്നാട് തീരത്തും നാളെ രാത്രി 11 .30 വരെ ഉയർന്ന തിരമാലയ്ക്കുള്ള സാധ്യതയുണ്ടെന്ന് ദേശീയ സമുദ്ര സ്ഥിതി പഠന ഗവേഷണ കേന്ദ്രം അറിയിച്ചു. തീരദേശവാസികളും മത്സ്യത്തൊഴിലാളികളും പ്രത്യേകം ജാഗ്രത പാലിക്കണമെന്ന നിർദ്ദേശവും ഉണ്ട്.

Continue Reading

Idukki

കാട്ടാനശല്യം തടയാന്‍ സര്‍ക്കാര്‍ സംവിധാനമില്ല: കര്‍ഷകര്‍ ദുരിതത്തില്‍

Published

on

അടിമാലി: മൂന്നാര്‍ വനം ഡിവിഷന് കീഴില്‍ കാട്ടാനശല്യം രൂക്ഷമായി തുടരുമ്പോഴും കൃഷിയിടങ്ങളില്‍ തമ്പടിച്ചിരിക്കുന്ന കാട്ടാനകളെ തുരത്താന്‍ വനംവകുപ്പ് നടപടി സ്വീകരിക്കുന്നില്ലെന്ന് ആക്ഷേപം. വനം ഡിവിഷന് കീഴില്‍ ആറ് റാപിഡ് റെസ്‌പോണ്‍സ് ടീം (ആര്‍.ആര്‍.ടി) ഉണ്ടായിരുന്നുവെങ്കിലും ഇപ്പോഴുളളത് രണ്ടെണ്ണം മാത്രം. മൂന്നാറില്‍ പടയപ്പയും ചിന്നക്കനാലില്‍ ചക്കകൊമ്പനും ജനവാസ കേന്ദ്രത്തില്‍ തന്നെ നിലയുറപ്പിച്ചിരിക്കുകയാണ്.

മാങ്കുളം കവിതക്കാട്ടില്‍ രാപ്പകല്‍ ജനവാസ കേന്ദ്രങ്ങളില്‍ കാട്ടാന സാന്നിധ്യം പതിവായി. നേര്യമംഗലം കാഞ്ഞിര വേലിയില്‍ കാട്ടാനകളെത്താത്ത ദിവസങ്ങളില്ല. പെരിയാര്‍ നീന്തി എറണാകുളം ജില്ലയില്‍ എത്തുന്ന കാട്ടാനകള്‍ ജനവാസ മേഖലയിലൂടെ സഞ്ചരിച്ച് പരിക്കണ്ണി, ഊന്നുകള്‍ മേഖലകളില്‍ വരെയെത്തി നാശം വിതച്ച് വരുന്നു. വിവിധ മേഖലകളില്‍ കാട്ടാന ആക്രമണം പെരുകുമ്പോഴും ഇവയെ തടയാന്‍ സംവിധാനമില്ല.

Advertisement
inner ad

വീട്ടുമുറ്റങ്ങളില്‍ വരെയെത്തി നാശം വിതക്കുന്ന കാട്ടാനകളെ ജനവാസ മേഖലകളില്‍ നിന്ന് അകറ്റാന്‍ വനംവകുപ്പ് മാര്‍ഗങ്ങള്‍ ഒരുക്കാത്തത് കുടിയേറ്റ കര്‍ഷകരെയും തോട്ടം തൊഴിലാളികളെയും ഭീതിയിലാഴ്ത്തുന്നു. ജനവാസ മേഖലയോട് ചേര്‍ന്ന വനാതിര്‍ത്തിയില്‍ പല ഭാഗങ്ങളിലും സംരക്ഷണം ഒരുക്കിയിട്ടില്ല. കോടികള്‍ മുടക്കി കിടങ്ങും സൗരോര്‍ജവേലിയും സ്ഥാപിച്ച സ്ഥലങ്ങളില്‍ കാലങ്ങളായി അറ്റകുറ്റപ്പണികള്‍ നടത്താത്തതിനാല്‍ പ്രയോജനപ്പെടുന്നുമില്ല. വാര്‍ഷിക അറ്റകുറ്റപ്പണി വരെ നടത്താന്‍ ഫണ്ടില്ലെന്നാണ് വനംവകുപ്പിന്റെ വാദം. അടുത്തിടെയായി മാങ്കുളം, മറയൂര്‍, മൂന്നാര്‍, ചിന്നക്കനാല്‍, അടിമാലി, ദേവികുളം, ശാന്തന്‍പാറ പഞ്ചായത്തുകളില്‍ കാട്ടാന ശല്യം പതിവായിട്ടുണ്ട്.

കിടങ്ങും സൗരോര്‍ജ്ജ വേലികളും ഉരുക്കുവടം പദ്ധതികളുമൊക്കെ നടപ്പാക്കിയെങ്കിലും മാങ്കുളം പഞ്ചായത്തിലെ ആനകുളത്തും കാട്ടാന ശല്യമുണ്ട്. ആനകുളം, 96, പെരുമ്പന്‍കുത്ത് തുടങ്ങി മാങ്കുളം പഞ്ചായത്തിലെ ഭൂരിഭാഗം മേഖലയിലും കാട്ടാന ശല്യം രൂക്ഷമാണ്. ചിന്നക്കനാല്‍ പഞ്ചായത്തിലെ ബിയല്‍റാം, സിങ്കുകണ്ടം, 301 കോളനി ഉള്‍പ്പെടെ എല്ലാ മേഖലയിലും കാട്ടാനശല്യം രൂക്ഷമാണ്. ഈ വര്‍ഷം മാത്രം അഞ്ചു ജീവനുകളാണ് കാട്ടാനകള്‍ എടുത്തത്.

Advertisement
inner ad

നാലു റേഷന്‍ കടകളും 20ലേറെ പലചരക്ക് കടകളും തകര്‍ത്തു. മാട്ടുപ്പെട്ടി, ചിന്നക്കനാല്‍ മേഖലയില്‍ നിരവധി വഴിയോര കച്ചവട സ്ഥാപനങ്ങള്‍ക്ക് നേരെ ആക്രമണമുണ്ടായി. ഇത്തരത്തില്‍ മാത്രം 50 ലക്ഷത്തിലേറെ നഷ്ടമുണ്ടായതാണ് കണക്ക്. പഴംബ്ലിച്ചാല്‍, ഇളംബ്ലാശ്ശേരി മേഖലയില്‍ കോടികള്‍ മുടക്കി സ്ഥാപിച്ച സോളാര്‍ വേലികള്‍ 90 ശതമാനവും തകര്‍ന്നു. കുളമാംകുഴി, കമ്പിലൈന്‍, പ്ലാമല, കുടകല്ല്, ചിന്നപ്പാറ, പാട്ടയടമ്പ്, തലമാലി തുടങ്ങി അടിമാലി പഞ്ചായത്തിലെ ഭൂരിഭാഗം മേഖലയിലും കാട്ടാന ആക്രമണം രൂക്ഷമാണ്.മൂന്നാര്‍ ടൗണില്‍ ഉള്‍പ്പെടെ വിവിധ ഭാഗങ്ങളിലും കാട്ടാനകളുടെ ശല്യമുണ്ട്. മറയൂര്‍ പഞ്ചായത്തിന്റെ വിവിധ മേഖലകളില്‍ കാട്ടാന ശല്യത്തോടൊപ്പം കുരങ്ങ്, കാട്ടുപോത്ത് മുതലായവയുടെ ശല്യവും രൂക്ഷമാണ്. ഇതിന് പുറമെയാണ് കടുവ, പുലി എന്നിവയുടെ സാന്നിധ്യവും.

Advertisement
inner ad
Continue Reading

Featured