തിരുവനന്തപുരം: ആനുകൂല്യങ്ങൾ കവർന്നെടുക്കുന്ന ഇടതു സർക്കാരിൻ്റെ ജനദ്രോഹ നടപടികൾക്കെതിരെ യുണൈറ്റഡ് ടീച്ചേഴ്സ് ആൻഡ് എംപ്ലോയീസ് ഫെഡറേഷൻ്റെ ആഭിമുഖ്യത്തിൽ സെപ്റ്റംബർ 12 ചൊവ്വാഴ്ച രാവിലെ 11 മണിക്ക് സർക്കാർ ജീവനക്കാരും അധ്യാപകരും നിയമസഭ മാർച്ച് നടത്തും. പ്രതിപക്ഷ നേതാവ് വി.ഡി സതീശൻ നിയമസഭാ മാർച്ച് ഉദ്ഘാടനം ചെയ്യുന്നു.പി.കെ.കുഞ്ഞാലിക്കുട്ടി, പി.ജെ.ജോസഫ്, ഷിബു ബേബി ജോൺ, സി.പി.ജോൺ, അനൂപ് ജേക്കബ്,മാണി സി.കാപ്പൻ, ജി.ദേവരാജൻ തുടങ്ങിയ പ്രമുഖ നേതാക്കൾ പങ്കെടുക്കും.അതിരൂക്ഷമായവിലക്കയറ്റം നിലനിൽക്കുന്ന കേരളത്തിൽസർക്കാർ ജീവനക്കാർക്കും അധ്യാപകർക്കും ലഭിക്കേണ്ട ആറ് ഗഡു (18% ) ക്ഷാമബത്ത കുടിശികയാണ്. 2019ലെ ശമ്പള പരിഷ്ക്കരണത്തിന്റെ കുടിശിക ഉടൻ ലഭ്യമാക്കുക,നാലുവർഷമായി മരവിപ്പിച്ച ലീവ് സറണ്ടർ പുനഃസ്ഥാപിക്കുക, രണ്ട് തവണ സംസ്ഥാന നിയമസഭാ തെരഞ്ഞെടുപ്പിൽ ഇടതു മുന്നണി നൽകിയ പങ്കാളിത്ത പെൻഷൻ പിൻവലിക്കുമെന്ന തെരഞ്ഞെടുപ്പ് വാഗ്ദാനംരാജസ്ഥാൻ, ഛത്തീസ്ഗഡ്,ഹിമാചൽ പ്രദേശ് സർക്കാരുകളെ മാതൃകയാക്കി പാലിക്കുക,കോർപ്പറേറ്റ് ബാങ്കുകൾക്ക് തീറെഴുതിയ ഭവന വായ്പ പദ്ധതി പുനസ്ഥാപിക്കുക,മെഡിസെപ്പ് പദ്ധതിയിൽ സർക്കാർ വിഹിതം ഉറപ്പാക്കി മെച്ചപ്പെട്ട ചികിത്സാ സൗകര്യം ലഭ്യമാക്കുക,വിദ്യാഭ്യാസരംഗത്തെ കാവി വൽക്കരണവും കമ്മ്യൂണിസ്റ്റു വൽക്കരണവും അവസാനിപ്പിക്കുക,വിദ്യാഭ്യാസമേഖലയെ അട്ടിമറിക്കുന്ന ഖാദർ കമ്മറ്റി റിപ്പോർട്ട് തള്ളിക്കളയുക, യൂണിവേഴ്സിറ്റികളുടെ സ്വയംഭരണത്തെ തകർക്കുന്ന നടപടികൾ ഉപേക്ഷിക്കുക തുടങ്ങി വിവിധ ആവശ്യങ്ങളുന്നയിച്ചു കൊണ്ടാണ് മാർച്ച്.അപ്രഖ്യാപിത നിയമന നിരോധനത്തിലൂടെ യുവജനതയെ വഞ്ചിക്കുകയാണ്. പി എസ് സി അഡ്വൈസ് ലഭിച്ചിട്ടും നിയമനം വൈകിപ്പിക്കുകയാണ്.തസ്തികകൾ വെട്ടിക്കുറച്ച് വകുപ്പുകളെ ഇല്ലാതാക്കുന്നു.സർക്കാർ സർവീസിൽ ഒഴിവുള്ള എല്ലാ തസ്തികകളിലും നിയമനം നടത്തണം.സർക്കാർ സ്കൂളുകളിലെ കുട്ടികൾക്ക് ഉച്ചഭക്ഷണം നൽകാൻ അധ്യാപകരും പ്രധാനാധ്യാപകരും കിടപ്പാടം പണയം വയ്ക്കേണ്ട ഗതികേടിലാണ്. സർക്കാർ ജീവനക്കാരുടെ മാത്രം പണം കൊണ്ട് നടത്തുന്ന മെഡിസെപ്പ് പദ്ധതിയെആവശ്യത്തിനു ആശുപത്രികളും ചികിത്സയും ഇല്ലാതെ നോക്കുകുത്തിയാക്കി. മെഡിസെപ്പിൽ സർക്കാർ വിഹിതം ഉറപ്പാക്കണം. നിയമസഭ മാർച്ചിനോടനുബന്ധിച്ച് മുഖ്യമന്ത്രിക്ക് ഭീമ ഹർജി സമർപ്പിക്കുമെന്നും യു.ടി.ഇ.എഫ്. ചെയർമാർ ചവറ ജയകുമാർ, ജനറൽ കൺവീനർ സിബി മുഹമ്മദ്, എ.വി. ഇന്ദു ലാൽ, കെ.അബ്ദുൽ മജീദ്, കെ .എം. അബ്ദുള്ള എന്നിവർ അറിയിച്ചു.