മുംബൈ: മഹാരാഷ്ട്ര ​ഗവർണർ ഭ​ഗത് സിം​ഗ് കോഷിയാരി രാജി പ്രഖ്യാപിച്ചു. വ്യക്തിപരമായ കാരണങ്ങളാലാണു രാജി എന്നു പറയന്നുണ്ടെങ്കിലും ബിജെപി മഹാരാഷ്‌ട്ര ഘടകവുമായുള്ള അഭിപ്രായ ഭിന്നതയാണ് രാജിക്കു കാരണം എന്നറിയന്നു. മഹാരാഷ്‌ട്ര സന്ദർശിക്കുന്ന പ്രധാനമന്ത്രി നരേന്ദ്ര മോദിയെ രാജി സന്നദ്ധത അറിയിച്ചെന്ന് കോഷിയാരി അറിയിച്ചു. രാഷ്‌ട്രീയ ഉത്തരവാദിത്തങ്ങളൊന്നു ഇനി ഏറ്റെടുക്കാനില്ലെന്ന് അദ്ദേഹം പറഞ്ഞു. 2019 ൽ അധികാരമേൽക്കുമ്പോൾ ദേവേന്ദ്ര ഫട്നാവിസ്, അജിത് പവാർ എന്നിവർ കടുത്ത അതൃപ്തി അറിയിച്ചിരുന്നു.

ബം​ഗളൂരു: വിമാനയാത്രയ്ക്കിടെ സഹയാത്രികയുടെ ദേഹത്ത് മൂത്രമൊഴിച്ചയാൾ അറസ്റ്റിൽ. ബം​ഗളൂരുവിലെ ഹോം സ്റ്റേയിൽ നിന്ന് ഇന്നു രാവിലെയാണ് ശങ്കർ മിശ്ര എന്ന യുഎസ് ടെക്കിയെ അറസ്റ്റ് ചെയ്തത്. സംഭവത്തെക്കുറിച്ച് വയോധികയായ സഹയാത്രക്കാരി വിമാനത്തിലെ ജീവനക്കാരോടു പരാതിപ്പെട്ടെങ്കിലും അന്നു നടപടി ഉണ്ടായില്ല. തുടർന്ന് ശങ്കർ മിശ്ര രക്ഷപ്പെടുകയായിരുന്നു. പക്ഷേ പരാതിയിൽ ഉറച്ചു നിന്ന യാത്രക്കാരി എയർ ഇന്ത്യ ഉടമസ്ഥരായ ടാറ്റ ​ഗ്രൂപ്പ് ചെയർമാനു നേരിട്ടു പരാതി അയച്ചതോടെയാണ് പൊലീസ് കേസെടുത്തത്. തുടർന്ന് ഇയാളെ ജോലിയിൽ നിന്നു പിരിച്ചുവിടുകയും ചെയ്തു. പിന്നീട് ഒളിവിൽപോയ ശങ്കർ മിശ്ര ബം​ഗളൂരിവിലെത്തുകയായിരുന്നു. ഡൽഹി പൊലീസാണ് ഇയാളെ അറസ്റ്റ് ചെയ്തത്.

മുംബൈ : . ഹൈദരാബാദിൽ നിന്ന് 143 യാത്രക്കാരുമായി ദുബായിലേക്ക് പുറപ്പെട്ട എയർ ഇന്ത്യ വിമാനം സാങ്കേതിക തകരാറിനെ തുടന്ന് മുംബൈയിൽ ഇറക്കി. എയർ ഇന്ത്യയുടെ എ 320 വിമാനമാണ് അടിയന്തരമായി ലാൻഡ് ചെയ്തത്.

ഹൈഡ്രോളിക് സംവിധാനത്തിലെ തകരാർ കാരണം വിമാനം മുംബൈയിലേക്ക് തിരിച്ച് വിടുകയായിരുന്നു. വിമാനത്തിലെ യാത്രക്കാർ സുരക്ഷിതരാണെന്നും തകരാർ പരിഹരിച്ച ശേഷം യാത്രക്കാരുമായി ഇതേ വിമാനം ദുബായിലേക്ക് പുറപ്പെട്ടതായും എഎൻഐ റിപ്പോർട്ട് ചെയ്തു.

Advertisement

head

വിമാനത്തിനുള്ളിൽ പാമ്പിനെ കണ്ടെത്തിയതിനെ തുടർന്ന് ഏതാനും ദിവസങ്ങൾക്ക് മുമ്പ് ദുബായിൽ നിന്നും കോഴിക്കോട്ടേക്കുള്ള എയർ ഇന്ത്യ എക്സ്പ്രസ് വിമാനം റദ്ദാക്കിയിരുന്നു. ശനിയാഴ്ച പുലർച്ചെ 2.20ന് ദുബായ് അന്താരാഷ്ട്ര വിമാനത്താവളത്തിലെ ടെർമിനൽ രണ്ടിൽ നിന്ന് കോഴിക്കോട്ടേക്കുള്ള വിമാനത്തിലാണ് പാമ്പിനെ കണ്ടത്. യാത്രക്കാർ വിമാനത്തിൽ കയറുന്നതിനിടെയാണ് പാമ്പിനെ കണ്ടത്. ഇതോടെ എല്ലാ യാത്രക്കാരെയും തിരിച്ചിറക്കിയിരുന്നു. എങ്ങനെയാണ് പാമ്പ് വിമാനത്തിൽ കയറിയതെന്ന് വ്യക്തമായിട്ടില്ല.

Advertisement

head