Kuwait
ജീവനക്കാർക്ക് ഉത്സവമൊരുക്കി എൻ ബി ടി സി : ഈവർഷം 25 വീടുകൾ നിർമ്മിക്കും
കുവൈറ്റ് സിറ്റി : ജീവനക്കാർക്കോ ബന്ധുക്കൾക്കോ വേണ്ടി എൻ ബി ടി സി ഗ്രുപ്പ് ഈ വര്ഷം 25 വീടുകൾ നിർമ്മിക്കുന്നതിനുള്ള സാമ്പത്തിക സഹായം നൽകും. വിവിധ രജ്ജ്യങ്ങളിൽ നിന്നുള്ള എൻബിടിസി ജീവനക്കാരിൽ നിന്നും അർഹരായവരെ തെരഞ്ഞെടുത്താണ് ഈ സഹായം നൽകുന്നത്. അർഹരായ ജീവനക്കാരുടെ മക്കൾക്ക് തുടർവിദ്യാഭ്യാസത്തിനുള്ള സാമ്പത്തിക സഹായവും ഗ്രുപ്പ് നൽകി വരുന്നുണ്ട്. ഫാമിലി ബെനെഫിറ്റ് സ്‌കീം വഴി ജോലിയിലിരിക്കെ മരണപ്പെടുകയോ ജോലി ചെയ്യാനാവാത്ത വിധത്തിൽ പരിക്ക് പറ്റുകയോ ചെയ്യുന്നവർക്കും കാൻസർ പോലുള്ള അപ്രതീക്ഷിത രോഗങ്ങളിൽ പെടുന്നവർക്കും സാമ്പത്തിക സഹായം നൽകുന്നുണ്ട്. താഴ്ന്ന വരുമാനക്കാരായ ജീവനക്കാരുടെ മക്കൾക്ക് സ്കോളർഷിപ്പ്കളും നൽകുന്നുണ്ട്. കഴിഞ്ഞ വര്ഷം ഇത്തരത്തിൽ 52 വീടുകൾ നിർമ്മിച്ചു നൽകുകയും ജീവനക്കാർക്ക് പതിവ് പോലുള്ള സഹായ പദ്ധതികൾ നടപ്പിലാക്കുകയും ചെയ്തിരുന്നു.
1991 ൽ സ്ഥാപിതമായ കുവൈറ്റ് കേന്ദ്രമായ എൻബിടിസി ഗ്രുപ്പ് നിലവിൽ നിലവിൽ സൗദി അറേബ്യ, ഖത്തർ, അബുദാബി എന്നിവിടങ്ങളിലും വിവിധ പ്രോജെക്ട്കൾ ഏറ്റെടുത്തു പൂർത്തിയാക്കി വരുന്നു.എൻ ബി ടി സി ക്കു തൊഴിലാളികൾ ഇല്ല, എല്ലാവരും കുടുംബാംഗങ്ങൾ ആണ്. ഗ്രുപ്പിന്റെ വിജയ രഹസ്യവും അത് തന്നെ. കേരളത്തിൽ നിരവധി മേഖലകളിൽ നിക്ഷേപമിറക്കിയിട്ടുള്ള മാനേജിങ് ഡയറക്ടർ ശ്രി കെ ജി എബ്രഹാം പറഞ്ഞു. എൻ ബി ടി സി വിന്റർ കാർണിവൽ നോടനുബന്ധിച്ച് മീന അബ്ദുള്ളയിലെ കോർപ്പറേറ്റ് ഓഫീസ് ഓഡിറ്റോറിയത്തിൽ വിളിച്ച് ചേർത്ത പത്ര സമ്മേളനത്തിൽ സംസാരിക്കുകയായിരുന്നു അദ്ദേഹം. ഡെപ്യൂട്ടി മാനേജിങ് ഡയറക്ടർ ശ്രീ ഷിബി ഈപ്പൻ എബ്രഹാം, ഓപ്പറേഷൻസ് സി ഇ ഓ ശ്രീ വിജയ ചന്ദ്രൻ എന്നിവർക്ക് പുറമെ വിന്റർ ഫെസ്റ്റിന് അഥിതിയായി എത്തിയ വിവിധ രജ്ജ്യങ്ങളിൽ അംബാസിഡർ ആയിരുന്ന ശ്രി വേണു രാജാമണിയുംപത്ര സമ്മേളനത്തെ അഭി സംബോധന ചെയ്തു. മറ്റു എൻബിടിസി ഉന്നതോദ്യോഗസ്ഥരും സന്നിഹിതരായിരുന്നു.
കേരളത്തിന്റെ വികസനത്തിന് നിക്ഷേപകരോടുള്ള സമീപനത്തിൽ ഗവർമെണ്ടും പൊതു സമൂഹവും മാറ്റം വരുത്തേണ്ടതുണ്ട്. അടിസ്ഥാന സൗകര്യങ്ങൾ വിപുലപ്പെടുത്തണം. അടിസ്ഥാന സൗകര്യങ്ങൾ ബി ഓ ടി അടിസ്ഥാനത്തിൽ നിർമ്മിക്കുന്നതിന് ശേഷിയുള്ള വിദേശ രജ്ജ്യങ്ങളിലെ പ്രവാസി അസോസിയേഷനുകളും പ്രമുഖ വ്യക്തിത്വങ്ങളുമായി ചർച്ച നടത്തിക്കൊണ്ടു കണ്സോര്ഷ്യങ്ങൾ രൂപീകരിക്കാവുന്നതാണ് എന്നും ശ്രീ കെ ജി എബ്രഹാം പറഞ്ഞു. അന്തർ ദേശീയ രംഗത്ത് എല്ലാ മേഖലയിലും പരസ്പര ബന്ധങ്ങളിൽ കടുത്ത വിള്ളൽ രൂപപെട്ടിരിക്കുന്നസാഹചര്യത്തിൽ ശുഭ സൂചകമായി ഒരു ലോക ക്രമം ശ്രമകരമാണെന്നു ഒരു ചോദ്യത്തിന് ഉത്തരമായി മുൻ അംബാസിഡർ ശ്രി വേണു രാജാമണി പറഞ്ഞു. പ്രവാസി മലയാളികളുടെ വിവിധ സാങ്കേതിക അറിവുകളും കഴിവുകളും ഫല പ്രദമായി കേരളത്തിന്റെ വികസനത്തിന് ഉപയോഗപ്പെടുത്താനായാൽ നമുക്ക് അതിവേഗം വികസനത്തിലേക്ക് കുത്തിക്കാനാവും എന്നത് തന്റെ 34 വർഷത്തെ നയതന്ത്ര ജീവിതത്തിൽ നിന്ന് മനസ്സിലാക്കിയിട്ടുള്ളതെന്നു ശ്രി വേണു രാജാമണി കൂട്ടി ചേർത്തു. വിൻെറർ ഫെസ്റ്റിനോട് അനുബന്ധിച്ച് ശ്രീ ബിജു നാരായണൻ നയിച്ച ഗാനമേളയടക്കം ജീവനക്കാരുടെ ഉല്ലാസത്തിനായി വിവിധ പരിപാടികൾ അരങ്ങേറി.
കുവൈറ്റ് സിറ്റി : തുടർച്ചയായ 20-ആം വർഷവും നിറങ്ങളുടെ വർണ്ണ വൈവിധ്യം കൊണ്ട് കല (ആർട്ട്) ഇക്കഴിഞ്ഞ വെള്ളിയാഴ്ച ഖൈത്താൻ ഇന്ത്യൻ കമ്മ്യൂണിറ്റി സ്കൂളിൽ ഉച്ചയ്ക്ക് രണ്ടുമണിക്ക് ആരംഭിച്ചു. ഡ്രോയിംഗിലും പെയിന്റിംഗിലുമായി എൽ കെ ജി മുതൽ 12 -ആം ക്ലാസ്സ് വരെ നാല്ഗ്രൂപ്പുകളിലായി 3000-ൽ അധികം കുട്ടികൾ പങ്കെടുത്തു. പ്രഥമ ഇന്ത്യൻ പ്രധാനമന്ത്രി പണ്ഡിറ്റ് ജവഹർലാൽ നെഹ്രുവിന്റെ 134-ആം ജന്മദിനത്തോടനുബന്ധിച്ചു കുവൈറ്റിലെ ഇന്ത്യന് സ്കൂള് കുട്ടികള്ക്കായി അമേരിക്കൻ ടൂറിസ്റ്ററുമായി സഹകരിച്ചാണ് കല (ആർട്ട്) കുവൈറ്റ് പരിപാടി സംഘടിപ്പിച്ചത്. ചിത്രരചന കൂടാതെ, ഏഴാം ക്ലാസ് മുതൽ പന്ത്രണ്ടാം ക്ലാസ് വരെയുള്ള കുട്ടികള്ക്കായി ക്ലേ സ്കൾപ്ചർ മത്സരവും, രക്ഷിതാക്കള്ക്കും സന്ദര്ശകര്ക്കും പങ്കെടുക്കാവുന്ന ഓപ്പണ് ക്യാൻവാസ് പെയിന്റിംഗും ഉണ്ടായിരുന്നു. നിരവധി രക്ഷിതാക്കളും മത്സരത്തിൽ പങ്കുചേർന്നു. സന്ദർശകരും രക്ഷിതാക്കളുമായ വൻ ജനാവലിയുടെ സാന്നിധ്യത്തിൽ ഇന്ത്യൻ കമ്മ്യൂണിറ്റി സ്കൂൾ ചെയർമാനും ബോർഡ് ഓഫ് ട്രൂസ്റ്റിയും ആയ ഷെയ്ഖ് അബ്ദുൾ റഹ്മാൻ പരിപാടിയുടെ ഔദ്യോഗിക ഉദ്‌ഘാടനം നിർവഹിച്ചു. ഇന്ത്യൻ കമ്മ്യൂണിറ്റി സ്കൂൾ ഖൈത്താൻ പ്രിൻസിപ്പാൾ ഗംഗാധർ ഷിർഷാദ്, ഗോ-സ്‌കോർ ലേർണിംഗ് പ്രധിനിധി അമൽ ഹരിദാസ് എന്നിവർ ആശംസ പറഞ്ഞു. കല(ആർട്ട്) കുവൈറ്റ് പ്രസിഡന്റ് ശിവകുമാർ, ജനറൽ സെക്രട്ടറി അനീഷ്, മുൻ പ്രസിഡന്റ് ജെയ്സൺ ജോസഫ്, പ്രോഗ്രാം ജനറൽ കൺവീനർ രാകേഷ് പി.ഡി എന്നിവർ സംസാരിച്ചു.നിരവധി സാമൂഹിക പ്രവർത്തകരും സന്നിഹിതരായിരുന്നു.
ഇന്ത്യൻ സ്കൂളുകളിൽ പഠിക്കുന്ന ഇന്ത്യയുടെ വിവിധ ഭാഗങ്ങളിൽ നിന്നുള്ള കുട്ടികളോടൊപ്പം അറബ്, ഫിലിപ്പീന്സ്, ശ്രീലങ്ക എന്നീ രാജ്യങ്ങളിൽ നിന്നുള്ള കുട്ടികളും മത്സരത്തിൽ പങ്കെടുത്തു. ആർട്ടിസ്റ്റുമാരായ ശശി കൃഷ്ണൻ, ഹരി ചെങ്ങന്നൂർ, സുനിൽ കുളനട, മുകുന്ദൻ പഴനിമല എന്നിവർ മത്സരം നിയന്ത്രിച്ചു. റിസൾട്ട് ഡിസംബർ 30-ആം തിയ്യതി ദ്രിശ്യ-വാർത്താ മാധ്യമങ്ങളിലൂടെയും www.kalakuwait.net, എന്ന വെബ്സൈറ്റ്ലൂടെയും പ്രഖ്യാപിക്കുന്നതായിരിക്കും എന്ന് ഭാരവാഹികൾ അറിയിച്ചു. ഓരോ ഗ്രൂപ്പിലും ഒന്നും രണ്ടും മൂന്നും സമ്മാനങ്ങൾക്ക് പുറമേ 75 പേർക്ക് മെറിറ്റ് പ്രൈസും മൊത്തം പങ്കാളിത്തത്തിന്റെ 10 ശതമാനം പേർക്ക് പ്രോത്സാഹന സമ്മാനവും നല്കുന്നതാണ്. 2025 ജനുവരി 10-ആം തിയ്യതി ഖൈത്താൻ ഇന്ത്യൻ കമ്മ്യൂണിറ്റി സ്കൂളിൽ വെച്ച് സമ്മാനദാനം നിർവഹിക്കും.
കുവൈറ്റ് സിറ്റി : ഉത്സവപ്രതീതിയിൽ കോഴിക്കോട് ജില്ലാ എൻ.ആർ.ഐ അസോസിയേഷൻ – കെ.ഡി എൻ.എ പിക്‌നിക് ആഘോഷമായി. മെമ്പർമാരുടെ വൻ പങ്കാളിത്തം കൊണ്ട് പിക്‌നിക് ഉത്സവപ്രതീതിയായി. കബദ് ഫാം ഹൌസ്സിൽ കുട്ടികളും മുതിർന്നവരും ഉൾപ്പെടെ തിങ്ങി നിറഞ്ഞ നൂറുകണക്കിന് പേര് ചേർന്ന് വിനോദോല്ലാസങ്ങൾ കൊണ്ട് അവിസ്മരണീയമാക്കി. അഡ്വൈസറി ബോർഡ് മെമ്പർ സുരേഷ് മാത്തൂർ ഔപചാരികമായി ഉത്ഘാടനം ചെയ്തു. ആക്ടിങ് പ്രസിഡന്റ് ഷിജിത് ചിറക്കൽ ന്റെ അധ്യക്ഷതയ്യിൽ പ്രോഗ്രാം ജോയിന്റ് കൺവീനർ ഷമീർ പി.എസ് സ്വാഗതം പറഞ്ഞു. ജനറൽ സെക്രട്ടറി ഫിറോസ് നാലകത്ത്, അഡ്വൈസറി ബോർഡ് മെമ്പർ ബഷീർ ബാത്ത, ട്രഷറർ മൻസൂർ ആലക്കൽ, വുമൺസ് ഫോറം പ്രസിഡന്റ് ലീന റഹ്മാൻ, ജനറൽ സെക്രട്ടറി സന്ധ്യ ഷിജിത് എന്നിവർ സംസാരിച്ചു. അൽ മുല്ല എക്സ്ചേഞ്ച്, ഫീനിക്സ്, മലബാർ ഗോൾഡ്, കാലിക്കറ്റ് ഷെഫ് എന്നീ സ്പോണ്സര്മാരുടെ പ്രധിനിധികളും സന്നിഹിതരായിരുന്നു. ജോയിന്റ് കൺവീനർ ഷെബിൻ പട്ടേരി നന്ദി അറിയിച്ചു.
കെ.ഡി.എൻ.എ വുമൺസ് ഫോറത്തിന്റെ നേതൃത്വത്തിൽ കുട്ടികൾക്കും മുതിർന്നവർക്കുമായി സംഘടിപ്പിച്ച വിനോദ മത്സരങ്ങൾ അതീവ രസകരങ്ങളായി. ബിൻഗോ ഗെയിം, ലേലം എന്നിവ മുൻ പ്രസിഡന്റ് ഇലിയാസ് തോട്ടത്തിൽ നിയന്ത്രിച്ചു. കുവൈറ്റിലെ പ്രമുഖ ഗായകരായ സമീർ വെള്ളയിൽ, റാഫി കല്ലായി എന്നിവർക്ക് പുറമെ നിരവധി പേർ ഗാനമേളയിൽ പങ്കെടുത്തു. അയാൻ മാത്തൂരിന്റെ ഗാനങ്ങൾ കൗതുകകരമായി. റൗഫ് പയ്യോളി, ഹമീദ് പാലേരി, അഷറഫ്, ശ്യാം പ്രസാദ്, അബ്ദുറഹ്മാൻ എം.പി, തുളസീധരൻ തോട്ടക്കര, ഷാജഹാൻ, റജീഷ് സ്രാങ്കിന്റകം. സമീർ കെ.ടി, ഷംസീർ വി.എ, വിനയൻ, രാമചന്ദ്രൻ പെരിങ്ങൊളം, ഹനീഫ കുറ്റിച്ചിറ, പ്രതുപ്നൻ, ഷൌക്കത്ത് അലി, അനു സുൽഫി, ചിന്നു ശ്യാം, അഷീക ഫിറോസ്, ഷഫാന സമീർ, റെമി ജമാൽ, രജിത തുളസി, ഷാജഹാൻ താഴെ കളത്തിൽ, സൗദ ഇബ്രാഹിം, ജെസ്സി സമീർ, മിർഷ ജമാൽ, മുഹമ്മദ് അസീം ഷമീർ, ഷറഫുദ്ദിൻ എന്നിവർ നിയന്ത്രിച്ചു. അബ്ബാസിയ ഏരിയാ പ്രസിഡന്റ് ശ്യാം പ്രസാദ് പരിപാടികൾ ഏകോപിപ്പിച്ചു.
കുവൈറ്റ് സിറ്റി : ആലപ്പുഴ ജില്ലാ പ്രവാസി അസോസിയേഷൻ കുവൈറ്റ് – അജപക്‌ ട്രാവൻകൂർ “അമ്പിളി ദിലി മെമ്മോറിയൽ എവർറോളിങ് ട്രോഫിക്കു” വേണ്ടിയുള്ള ടൂർണമെന്റ് ഫ്ലയർ അബ്ബാസിയ യുണൈറ്റഡ് ഇന്ത്യൻ സ്കൂളിൽ വെച്ച് ചെയർമാൻ രാജീവ് നടുലിമുറി സ്പോർട്സ് വിങ് ചുമതലയുള്ള വൈസ് പ്രസിഡൻറ് ലിബു പായിപ്പാടന് നൽകി പ്രകാശനം ചെയ്തു. 2024 ഡിസംബർ 13ന് അഹമ്മദി ഐസ്മാഷ് ബാഡ്മിന്റൺ കോർട്ട് ൽ ആണ് ടൂർണമെന്റ് നടക്കുന്നത്. ടീം അംഗങ്ങൾക്കുള്ള ജേഴ്സി പ്രസിഡന്റ് കുര്യൻ തോമസ് പൈനുംമൂട്ടിൽ ബെല്ലാ ചാവോ ആർക്കിറ്റെക്റ്റ്ൽ & ഇന്റീരിയർ സൊല്യൂഷൻ മാനേജിങ് ഡയറക്ടർ മനോജ് കുമാർ ചെങ്ങന്നൂരിന് നൽകി പ്രകാശനം ചെയ്തു. രക്ഷാധികാരി ബാബു പനമ്പള്ളി, ജനറൽ സെക്രട്ടറി സിറിൽ ജോൺ അലക്സ് ചമ്പക്കുളം എന്നിവർ ആശംസകൾ നേർന്നു. സംഘടനാ ചുമതലയുള്ള സെക്രട്ടറി രാഹുൽദേവ് സ്വാഗതവും ട്രഷറർ സുരേഷ് വരിക്കോലിൽ നന്ദിയും പറഞ്ഞു.
പ്രോഗ്രാം കൺവീനർ മനോജ് പരിമണം, അഡ്വൈസറി ബോർഡ് ചെയർമാൻ മാത്യു ചെന്നിത്തല, വൈസ് പ്രസിഡന്റ് പ്രജീഷ് മാത്യു, സെക്രട്ടറി മാരായ, ജോൺ തോമസ് കൊല്ലക്കടവ്, സജീവ് കായംകുളം, അജി ഈപ്പൻ എടത്വ, സാം ആന്റണി, ജോയിൻ ട്രഷറർ മനു പത്തിച്ചിറ, അബ്ബാസിയ യൂണിറ്റ് കൺവീനർ സിഞ്ചു ഫ്രാൻസിസ്, മംഗഫ് യൂണിറ്റ് കൺവീനർ ലിനോജ് വർഗീസ്, വനിതാവേദി ട്രഷറർ അനിത അനിൽ, പ്രോഗ്രാം കൺവീനർ സുനിതാ രവി, ജോയിൻ ട്രഷറർ ആനി മാത്യു എക്സിക്യൂട്ടീവ് അംഗങ്ങൾ ആയ സന്ദീപ് നായർ, പ്രദീപ് അഞ്ചിൽ, വിനോദ് ജേക്കബ് എന്നിവർ പങ്കെടുത്തു.
-
Kerala7 days agoജീവനക്കാരുടെ ശമ്പളബില്ല്
കേന്ദ്രീകൃതമാക്കാനുള്ള നീക്കം,
ശമ്പളം കവര്ന്നെടുക്കാനുള്ള ആസൂത്രിത ശ്രമമാണെന്ന് ; ചവറ ജയകുമാര് -
News3 weeks agoക്ഷാമ ബത്ത കേസിൽ ഇടക്കാല ഉത്തരവ്
-
Featured2 months agoഡി എ: പ്രഖ്യാപനം നിരാശാജനകമെന്ന് സെക്രട്ടേറിയറ്റ് അസോസിയേഷൻ
-
Kerala1 month agoക്ഷാമബത്ത: കുടിശ്ശിക നിഷേധിച്ചാൽ നിയമപരമായി നേരിടും; ചവറ ജയകുമാർ
-
News3 weeks ago
ജീവനക്കാരെ രണ്ടു തട്ടിലാക്കുന്ന നടപടി സർക്കാർ അവസാനിപ്പിക്കണം
-
Education3 months agoമഹാരാജാസിന് ഓട്ടോണമസ് പദവി നഷ്ടപ്പെട്ടിട്ട് നാലുവര്ഷം: കോളേജ് നടത്തുന്ന പരീക്ഷകള് അസാധുവാകും
-
Education3 months agoഓണപ്പരീക്ഷയ്ക്ക് ഇന്ന് തുടക്കം; യുപി വിഭാഗത്തിന് നാളെ മുതല്
-
Travel2 months agoനീല വസന്തം; ചതുരംഗപാറ മലനിരകളിൽ പൂത്തുലഞ്ഞ് കുറിഞ്ഞി
You must be logged in to post a comment Login