സ്വയം വെടിയുതിർത്ത് ജീവനൊടുക്കി ദേശീയ ഷൂട്ടിങ് താരം

ദേശീയ ഷൂട്ടിങ്​ താരം നമന്‍വീര്‍ സിങ്​ ബ്രാറിനെ മൊഹലിയില്‍ മരിച്ച നിലയില്‍ കണ്ടെത്തി. നഗരത്തിലെ വീട്ടില്‍​ സ്വയം വെടിയുതിര്‍ത്ത്​ മരിക്കുകയായിരുന്നുവെന്ന്​ പൊലീസ്​ പറഞ്ഞു. പുലര്‍ച്ചെ 3.35 ന് വെടിയൊച്ച കേട്ട്​ ഓടിയെത്തിയ ബന്ധുക്കള്‍ ആശുപത്രിയില്‍ എത്തിച്ചെങ്കിലും മരിച്ചിരുന്നു. ആത്മഹത്യ വ്യക്തമല്ലെന്ന്​ ബ്രാറിന്‍റെ കുടുംബം പറഞ്ഞു. 29 വയസായിരുന്നു. പഞ്ചാബ്​ സര്‍വകലാശാല വിദ്യാര്‍ഥിയായിരുന്ന ബ്രാര്‍ അങ്കൂര്‍ മിത്തല്‍, അസ്​ഗര്‍ ഹുസൈന്‍ ഖാന്‍ എന്നിവര്‍ക്കൊപ്പം 2015ല്‍ ദക്ഷിണകൊറിയയിലെ ഗ്വാങ്​ചുവില്‍ നടന്ന ​ലോക യൂണിവേഴ്സിറ്റി ഗെയിംസില്‍ ഡബിള്‍ ട്രാപ്പില്‍ വെങ്കലം സ്വന്തമാക്കിയിരുന്നു. അതേ വര്‍ഷം തന്നെ ആള്‍ ഇന്ത്യ യൂണിവേഴ്സിറ്റി ഷൂട്ടിങ്​ ചാമ്ബ്യന്‍ഷിപ്പില്‍ അദ്ദേഹം വെങ്കലവും സ്വന്തമാക്കിയിരുന്നു. മാസ്​റ്റേഴ്​സ്​ മീറ്റ്​ ചാമ്ബ്യന്‍ഷിപില്‍ സ്വര്‍ണം നേടിയ ബ്രാര്‍ യുവ ഷൂട്ടര്‍മാരുടെ കോച്ച്‌​ ആയി പ്രവര്‍ത്തിച്ച്‌​ വരികയായിരുന്നു.

Related posts

Leave a Comment