Connect with us
inner ad

Special

ഓളപ്പരപ്പില്‍ വിസ്മയക്കാഴ്ചയൊരുക്കി മുഹമ്മദ് ആസിം: വിശ്വസിക്കാനാവാതെ കാഴ്ചക്കാര്‍

Avatar

Published

on

തിരുവനന്തപുരം: നിശ്ചയദാര്‍ഢ്യത്തിന്റെ കരുത്തില്‍ പരമിതികളെപ്പോലും അമ്പരപ്പിച്ചുകൊണ്ട് മുഹമ്മദ് ആസിം നീന്തിക്കയറയത് നൂറുകണക്കിന് കാണികളുടെ ഹൃയങ്ങളിലേയ്ക്ക്. ഇരുകൈകളുമില്ലാത്ത, ഒരു കാലിന് ഭാഗിക പരിമിതിയുമുള്ള മുഹമ്മദ് ആസിം എന്ന 17 കാരനാണ് അവോക്കി റിസോര്‍ട്ടിലെ നീന്തല്‍ക്കുളത്തില്‍ അവിശ്വസനീയ പ്രകടനം കാഴ്ചവെച്ചത്. ഡിഫറന്റ് ആര്‍ട് സെന്ററും അവോക്കി റിസോര്‍ട്ടും സംയുക്തമായി സംഘടിപ്പിച്ച അണ്‍ബിലീവബിള്‍ പരിപാടിയുടെ ഭാഗമായാണ് കാണികളേവരെയും പ്രചോദനത്തിന്റെ ആവേശത്തിലെത്തിച്ച അതുല്യപ്രകടനം നടന്നത്. മാണിക്യ മലരായ പൂവി എന്ന ഗാനവും ആലപിച്ചുകൊണ്ട് ബാക്ക് സ്ര്‌ടോക്ക് സ്‌റ്റൈലില്‍ നീന്തിയും ഓളപ്പരപ്പില്‍ പലവട്ടം കറങ്ങിത്തിരിഞ്ഞും ആ കൊച്ചുമിടുക്കന്‍ വിസ്മയം തുടര്‍ന്നു.

കാഴ്ചക്കാരായി നിന്ന ഡിഫറന്റ് ആര്‍ട് സെന്ററിലെ ഭിന്നശേഷിക്കുട്ടികളടക്കമുള്ള കാണികള്‍ ഹൃദയം നിറഞ്ഞ കൈയടിയാണ് ആസിമിന് സമ്മാനിച്ചത്. അനിര്‍വചനീയം, അവിശ്വനീയം എന്നാണ് പരിപാടിക്ക് സാക്ഷ്യം വഹിക്കാനെത്തിയ മുന്‍ ആഭ്യന്തരമന്ത്രി രമേശ് ചെന്നിത്തല അഭിപ്രായപ്പെട്ടത്. അസാധ്യമെന്നൊന്നില്ല എന്ന് തെളിയിച്ച പ്രകടനമായിരുന്നു ആസിമിന്‍േത്.. ദൈവം സ്‌നേഹം നിറച്ച കൈയൊപ്പ് ചാര്‍ത്തിയ കുട്ടികളാണ് ഭിന്നശേഷിക്കുട്ടികള്‍. അവരുടെ നിഷ്‌കളങ്കമായ സ്‌നേഹമാണ് ഡഫറന്റ് ആര്‍ട് സെന്റര്‍ നിറയെ എന്നും അദ്ദേഹം കൂട്ടിച്ചേര്‍ത്തു. ചടങ്ങില്‍ ഡിഫറന്റ് ആര്‍ട് സെന്ററിന്റെ ആദരമായി പൊന്നാടയും മെമെന്റോയും ആസിമിന് അദ്ദേഹം നല്‍കി. ഡിഫറന്റ് ആര്‍ട് സെന്റര്‍ എക്‌സിക്യുട്ടീവ് ഡയറക്ടര്‍ ഗോപിനാഥ് മുതുകാട്, അവോക്കി മാനേജിംഗ് ഡയറക്ടര്‍ ഗണേഷ്‌കുമാര്‍, ചേംബര്‍ ഓഫ് കൊമേഴ്‌സ് പ്രസിഡന്റ് എസ്.എന്‍ രഘുചന്ദ്രന്‍ നായര്‍ തുടങ്ങിയവര്‍ പങ്കെടുത്തു. അവോക്കി റിസോര്‍ട്ടിന്റെ ആദരവും ചടങ്ങില്‍ സമ്മാനിച്ചു. തന്റെ കൂട്ടുകാരായ ഡിഫറന്റ് ആര്‍ട് സെന്ററിലെ ഭിന്നശേഷിക്കുട്ടികള്‍ നല്‍കിയ കൈയടിയും പ്രോത്സാഹനവുമാണ് തനിക്ക് ലഭിച്ച ഏറ്റവും വലിയ സന്തോഷമെന്നും മഹത്വമെന്നും ആസിം മറുപടി പ്രസംഗത്തില്‍ പറഞ്ഞു.

Advertisement
VKSHNM NWS KWT 1000 x 180 PX-01

തന്റെ സ്വപ്‌നങ്ങള്‍ക്ക് എല്ലാവരും കൂട്ടായുണ്ടാവണമെന്നും ആസിം കൂട്ടിച്ചേര്‍ത്തു. 90 ശതമാനം ശാരീരീക പരിമിതി മറികടന്ന് പെരിയാര്‍പുഴ നീന്തിക്കടന്ന റെക്കോര്‍ഡിട്ട കോഴിക്കോട് വെള്ളിമണ്ണ സ്വദേശിയാണ് മുഹമ്മദ് ആസിം. തന്റെ ഗ്രാമത്തിലെ വെളിമണ്ണ സര്‍ക്കാര്‍ ലോവര്‍ പ്രൈമറി സ്‌കൂളിനെ അപ്പര്‍ പ്രൈമറി ആക്കാനുള്ള നിയമപരമായ പോരാട്ടത്തിലൂടെയാണ് ആസിം ജനശ്രദ്ധ നേടുന്നത്. തന്റെ ശ്രമത്തിലൂടെ അതു സാധ്യമാക്കുകയും 200 കുട്ടികളുണ്ടായിരുന്ന സ്‌കൂളില്‍ ഇപ്പോള്‍ 700 ഓളം കുട്ടികള്‍ പഠിക്കുകയും ചെയ്യുന്നു. ഈ സ്‌കൂള്‍ ഹൈസ്‌ക്കൂളാക്കി അപ്ഗ്രേഡ് ചെയ്യണമെന്ന സന്ദേശവുമായി സ്‌കൂള്‍ മുതല്‍ തിരുവനന്തപുരം സെക്രട്ടറിയേറ്റ് വരെ 52 ദിവസം കൊണ്ട് 450 ല്‍ അധികം കിലോമീറ്ററുകര്‍ വീല്‍ച്ചെയറില്‍ സന്ദര്‍ശിച്ച് ലോക ചരിത്രത്തില്‍ ഇടം പിടിച്ച ഒരു സഹന സമര യാത്രയും ആസിം നടത്തിയിട്ടുണ്ട്.

Advertisement
VKSHNM NWS KWT 1000 x 180 PX-01

Editorial

രാംദേവ്: കാവിയിൽ പൊതിഞ്ഞ കാപട്യം; ഇന്നത്തെ വീക്ഷണം എഡിറ്റോറിയൽ വായിക്കാം

Published

on

കോർപ്പറേറ്റ് സന്ന്യാസിയും യോഗ ഗുരുവും പ്രധാനമന്ത്രി നരേന്ദ്രമോദിയുടെ ആത്മമിത്രവുമായ ബാബ രാംദേവിന്റെ തട്ടിപ്പുകൾക്കെതിരെ സുപ്രീംകോടതി സ്വീകരിച്ച നിലപാടുകൾ കാവിക്കുള്ളിലെ കാപട്യങ്ങളെയാണ് അനാവരണം ചെയ്യുന്നത്. ഉപഭോക്താക്കളെ തെറ്റിദ്ധരിപ്പിക്കുകയും വഞ്ചിക്കുകയും ചെയ്യുന്ന പരസ്യങ്ങളുമായി ബന്ധപ്പെട്ട കോടതിയലക്ഷ്യ കേസിലാണ് രാംദേവും പതഞ്ജലി മാനേജിങ് ഡയറക്ടറുമായ ആചാര്യ ബാലകൃഷ്ണയും കുരുക്കിലാകുന്നത്. ഇവർ നൽകിയ രണ്ടാമത്തെ മാപ്പപേക്ഷയും സുപ്രീംകോടതി തള്ളിയതോടെയാണ് ഗുരു-ആചാര്യ തട്ടിപ്പ് കൂട്ടുകെട്ട് പ്രതിസന്ധിയിലാകുന്നത്. മനഃപൂർവമായ നിയമലംഘനമാണ് ഇവർ നടത്തിയതെന്നും ശിക്ഷ അനുഭവിക്കാൻ തയ്യാറായിക്കൊള്ളൂവെന്നും കോടതി മുന്നറിയിപ്പ് നൽകുകയുണ്ടായി. ചെയ്ത കുറ്റത്തിന്റെ ഗൗരവം കണക്കിലെടുക്കുമ്പോൾ മാപ്പപേക്ഷയിലെ വാക്കുകളും അതിലെ ആത്മാർത്ഥതയും അപര്യാപ്തമാണെന്നും വാക്കുകൾ കടലാസിൽ എഴുതിവെച്ചാൽ പോരെന്നും പ്രവൃത്തിയിലൂടെ അത് തെളിയിക്കണമെന്നും കോടതി ആവശ്യപ്പെടുകയുണ്ടായി.

Advertisement
VKSHNM NWS KWT 1000 x 180 PX-01

കോവിഡ് കാലത്ത് അലോപ്പതി മരുന്നുകളെപ്പറ്റി വ്യാജവസ്തുതകളുള്ള പരസ്യങ്ങളും പതഞ്ജലിയെക്കുറിച്ച് അവാസ്തവങ്ങൾ പ്രചരിപ്പിക്കുകയും ചെയ്തതിന് ഇന്ത്യൻ മെഡിക്കൽ അസോസിയേഷൻ സ്വീകരിച്ച നിയമ നടപടികളിൽ സുപ്രീംകോടതി പുറപ്പെടുവിച്ച ഉത്തരവുകൾ പാലിക്കാത്തതിന്റെ പേരിലാണ് രാംദേവിന്റെയും ബാലകൃഷ്ണയുടെയും പേരിൽ കോടതിയലക്ഷ്യ നടപടികൾ സ്വീകരിച്ചത്. അതുപോലും പാലിക്കാതെ മാപ്പുപറഞ്ഞ് രക്ഷപ്പെടാനായിരുന്നു ഇരുവരും ശ്രമിച്ചിരുന്നത്. കോടതി നടപടികളിൽ നിന്ന് രക്ഷയില്ലായെന്ന് വ്യക്തമായതോടെ ഇരുവരും അതീവ താഴ്മയോടെ കോടതിക്ക് മുന്നിൽ കേണപേക്ഷിക്കുകയായിരുന്നു. ഇവർ സമർപ്പിച്ച മാപ്പപേക്ഷയിൽപോലും നിരവധി വ്യാജ വിവരങ്ങൾ കോടതി കണ്ടെത്തുകയായിരുന്നു.


ഇതിനിടയിൽ പതഞ്ജലിക്കും അനുബന്ധ സ്ഥാപനങ്ങൾക്കും അവർ നിർമിക്കുന്ന ഉത്പന്നങ്ങൾക്കും എതിരെ നിരവധി പരാതികളുയർന്നിരുന്നു. കോവിഡ് മഹാമാരിയെ ചൂഷണം ചെയ്തും വർഗീയ വിഭജനത്തിലൂടെയും ഉത്പന്നങ്ങളുടെ പ്രചാരണം വർധിപ്പിക്കാനുള്ള പരസ്യങ്ങൾ പതഞ്ജലി നടത്തിയതിന്റെ വ്യക്തമായ തെളിവുകൾ സർക്കാരിന്റെ പക്കലുണ്ടായിട്ടും യാതൊരു നടപടിയും സ്വീകരിക്കാൻ കേന്ദ്രസർക്കാർ തയ്യാറായില്ല. കോടതി വിമർശനത്തെ തുടർന്നാണ് കേന്ദ്ര ആയുഷ് മന്ത്രാലയം സത്യവാങ്മൂലം നൽകിയത്. പതഞ്ജലിയുടെ സഹോദര സ്ഥാപനമായ ദിവ്യ ഫാർമസിക്കെതിരെ നിയമ നടപടി സ്വീകരിക്കുന്നതിൽ ലൈസൻസിങ് അധികൃതർ വീഴ്ചവരുത്തിയതായി കോടതി വിമർശിക്കുകയുണ്ടായി. ആളുകൾ തെറ്റ് വരുത്താറുണ്ടെന്നും അത് സ്വാഭാവികമാണെന്നുമുള്ള രാംദേവിന്റെ അഭിഭാഷകന്റെ വാദം സുപ്രീംകോടതി പുച്ഛത്തോടെ നിരാകരിക്കുകയായിരുന്നു. അതിന് പ്രത്യാഘാതമുണ്ടാകുമെന്നും കേസിൽ ഉദാരമായ സമീപനം പ്രതീക്ഷിക്കേണ്ടെന്നും കോടതി പറഞ്ഞു. മാപ്പപേക്ഷ ആദ്യം കോടതിയിൽ സമർപ്പിക്കുന്നതിന് പകരം മാധ്യമങ്ങൾക്ക് വിതരണം ചെയ്ത നടപടി കോടതിയെ നീരസപ്പെടുത്തി. പബ്ലിസിറ്റിക്ക് വേണ്ടിയാണ് ഇവരുടെ ശ്രമമെന്നും കോടതി നിരീക്ഷിക്കുകയുണ്ടായി. ഏതായാലും കോടതിയിൽ നിന്ന് ഇനി രാംദേവ് കാരുണ്യം പ്രതീക്ഷിച്ചിട്ട് കാര്യമില്ലെന്നാണ് തോന്നുന്നത്.

Advertisement
VKSHNM NWS KWT 1000 x 180 PX-01

രണ്ടാം യുപിഎ സർക്കാരിന്റെ കാലത്ത് അഴിമതിക്കെതിരെ അണ്ണാഹസാരെയുമായ് ചേർന്ന് പ്രക്ഷോഭം നടത്തിയ രാംദേവ് 2014 ൽ മോദി സർക്കാർ അധികാരത്തിൽ വന്നപ്പോൾ യോഗ ഗുരു എന്ന മേൽവിലാസത്തിൽ മോദിയുടെ വിശ്വസ്തനായി. യോഗയ്ക്ക് പുറമെ ഔഷധ നിർമാണവും ഭക്ഷണ പദാർത്ഥ നിർമാണവും സൗന്ദര്യവർധക ഉത്പന്നങ്ങളുടെ ഉത്പാദനവും വഴി സഹസ്ര കോടികളുടെ അധിപനായി. അംബാനിയും അദാനിയും കഴിഞ്ഞാൽ മോദി സർക്കാരിനെ ഉപയോഗപ്പെടുത്തി റോക്കറ്റ് വേഗത്തിൽ വ്യവസായം വളർത്തിയെടുത്ത ബാബാ രാംദേവിന്റെ എല്ലാ പ്രവർത്തനങ്ങളും കാപട്യം നിറഞ്ഞതായിരുന്നു. മോദി ഭരണത്തെ ഉപയോഗപ്പെടുത്തിയതുപോലെ പരിശുദ്ധമായ കാഷായ വസ്ത്രത്തെയും യോഗയെയും ഇയാൾ ദുരുപയോഗം ചെയ്തു. ശാസ്ത്രീയ ചികിത്സാരീതികളിലും ഔഷധങ്ങളിലും ജനങ്ങൾക്കുള്ള വിശ്വാസം നശിപ്പിക്കുവാൻ രാംദേവും അദ്ദേഹത്തിന്റെ സ്ഥാപനങ്ങളും ശ്രമിക്കുകയുണ്ടായി. കോടതികൾ ഇടപെട്ടില്ലായിരുന്നുവെങ്കിൽ ഇത്തരം കപട സന്ന്യാസിമാർ രാജ്യത്തെ ചികിത്സാ സമ്പ്രദായം അട്ടിമറിക്കുമായിരുന്നു.

Advertisement
VKSHNM NWS KWT 1000 x 180 PX-01
Continue Reading

Editorial

ബിബിസി വേട്ട: ലോക മാധ്യമരംഗത്തെ ഇന്ത്യയുടെ ഒറ്റപ്പെടല്‍ ; ഇന്നത്തെ വീക്ഷണം എഡിറ്റോറിയൽ വായിക്കാം

Published

on

രാഷ്ട്രീയ വിദ്വേഷം തീര്‍ക്കാന്‍ പ്രതിപക്ഷ നേതാക്കളെ ജയിലിലടയ്ക്കുകയും ഭരണവീഴ്ചകള്‍ക്കെതിരെ വിരല്‍ചൂണ്ടുന്ന മാധ്യമങ്ങളെയും മാധ്യമ പ്രവര്‍ത്തകരെയും കരിനിയമങ്ങള്‍ ഉപയോഗിച്ച് നിശബ്ദരാക്കാന്‍ ശ്രമിക്കുകയും ചെയ്യുന്ന കേന്ദ്രസര്‍ക്കാര്‍ വിദേശ മാധ്യമങ്ങള്‍ക്കെതിരെയും കുരച്ച് ചാടുകയാണ്.

ഇന്ത്യയിലെ ജനാധിപത്യ ധ്വംസനവും മതേതരത്വ ഹത്യയും ലോകത്തിന്റെ മുന്നില്‍ അനാവൃതമാക്കുന്ന ആഗോള പ്രശസ്തിയും പാരമ്പര്യവുമുള്ള ബ്രിട്ടീഷ് ബ്രോഡ്കാസ്റ്റിങ് കമ്പനി (ബിബിസി) ക്കെതിരെയാണ് മോദി സര്‍ക്കാര്‍ കൊലവാളുയര്‍ത്തിയിരിക്കുന്നത്. അടിയന്തരാവസ്ഥയില്‍പോലും അഭിമുഖീകരിക്കാത്ത പ്രയാസങ്ങളും പ്രതിബന്ധങ്ങളുമാണ് ഇപ്പോള്‍ നേരിട്ടുകൊണ്ടിരിക്കുന്നതെന്ന് വിദേശ മാധ്യമ സ്ഥാപനങ്ങള്‍ ഒരേസ്വരത്തില്‍ പരാതിപ്പെടുന്നു. ആംനസ്റ്റി ഇന്റര്‍നാഷണല്‍ പോലുള്ള സംഘടനകള്‍ക്ക് ഇന്ത്യയിലെ പ്രവര്‍ത്തനങ്ങള്‍ക്ക് തടയിടാന്‍ ബിജെപി സര്‍ക്കാരിന് സാധിച്ചിരിക്കുന്നുവെന്നാണ് ഇത്തരം സംഭവങ്ങള്‍ വ്യക്തമാക്കുന്നത്. സദ്ദാംഹുസൈന്റെ ഭരണകാലത്ത് ഇറാക്കിലും ബുഷ് വാഴ്ചക്കാലത്ത് അഫ്ഗാനിസ്ഥാനിലും നടന്ന ഭരണകൂട ഭീകരതയാണ് ഇന്ത്യയിലെങ്ങും അലയടിച്ചുകൊണ്ടിരിക്കുന്നത്. ബിബിസി യുടെ വിവിധ ഇന്ത്യന്‍ ഓഫീസുകളില്‍ റെയ്ഡ് നടത്തി ഒരുവര്‍ഷം തികയുന്നതിന് മുന്‍പാണ് ഇന്ത്യയിലെ ഓഫീസിന്റെ ചുമതല കൈമാറാന്‍ ബിബിസി തീരുമാനിച്ചത്.

Advertisement
VKSHNM NWS KWT 1000 x 180 PX-01

ഇതുപ്രകാരം ബിബിസി യിലെ നാല് മുതിര്‍ന്ന ഉദ്യോഗസ്ഥര്‍ രൂപീകരിച്ച കമ്പനിക്ക് സ്ഥാപനത്തിന്റെ ചുമതല നല്‍കും. കലക്ടീവ് ന്യൂസ് റൂം എന്ന കമ്പനിയാണ് ബിബിസി ഓഫീസുകളുടെ ചുമതല ഏറ്റെടുക്കുന്നത്. ഇന്ത്യയില്‍ ബിബിസി ഓണ്‍ലൈനിന്റെ ഉള്ളടക്കത്തിന്റെ ചുമതലയും ഹിന്ദി, ഗുജറാത്തി, മറാഠി, പഞ്ചാബി, തമിഴ്, തെലുങ്ക് തുടങ്ങിയ ഭാഷകളുടെ ചുമതലയും ബിസിനസ് ഓണ്‍ലൈന്‍ പതിപ്പുകളുടെ നടത്തിപ്പും കലക്ടീവ് ന്യൂസ് റൂം ഏറ്റെടുക്കും. ബിസിനസ് ഓണ്‍ലൈന്‍ പതിപ്പിലുള്ള സ്വകാര്യ പങ്കാളിത്തം 26 ശതമാനമായിരിക്കും. ആദായനികുതി ചട്ടങ്ങള്‍ ലംഘിച്ചു എന്നാരോപിച്ചുകൊണ്ട് ആദായനികുതി വകുപ്പ് അധികൃതര്‍ ബിബിസി ഉദ്യോഗസ്ഥരെ ചോദ്യംചെയ്തതിനെ തുടര്‍ന്നാണ് ബിബിസി ഇന്ത്യയിലെ ഓഫീസുകള്‍ കൈമാറാന്‍ തീരുമാനിച്ചത്. ഈ നടപടികള്‍ ദൂരവ്യാപകമായ ചലനമാണ് ലോക വാര്‍ത്താമാധ്യമരംഗത്ത് സൃഷ്ടിച്ചത്. ഇത്തരമൊരു ക്രമീകരണം പബ്ലിക് സര്‍വീസ് ബ്രോഡ്കാസ്റ്റര്‍ ആഗോളതലത്തില്‍ ആദ്യമായാണ് നടത്തുന്നത്.


അടുത്തയാഴ്ച മുതല്‍ പ്രാബല്യത്തില്‍ വരുന്ന കലക്ടീവ് ന്യൂസ് റൂമിന്റെ പ്രവര്‍ത്തനങ്ങള്‍ ലോകമാധ്യമങ്ങള്‍ അതീവ ആകാംക്ഷയോടെയാണ് കാത്തിരിക്കുന്നത്. ബിബിസി യുടെ പൂര്‍ണ ഉത്തരവാദിത്വത്തോടെ പത്രപ്രവര്‍ത്തന സമഗ്രത നിലനിര്‍ത്താനുള്ള തങ്ങളുടെ പ്രതിബദ്ധത ഊന്നിപ്പറഞ്ഞുകൊണ്ട് പ്രസിദ്ധീകരണത്തിനായ് മറ്റൊരു സ്ഥാപനത്തെ ചുമതലപ്പെടുത്തുന്നത് അത്യന്തം വിരളമാണെന്നാണ് ബിബിസി യുടെയും കലക്ടീവ് ന്യൂസ് റൂമിന്റെയും വിശദീകരണം. മോദി സര്‍ക്കാരിന് ബിബിസി യോടുള്ള പകയ്ക്ക് നിരവധി കാരണങ്ങളുണ്ട്. ഗുജറാത്ത് കലാപത്തെക്കുറിച്ചുള്ള ഡോക്യുമെന്ററി സംപ്രേഷണം ചെയ്തതിന് ശേഷം ആദായനികുതി വകുപ്പ് അധികൃതര്‍ ബിബിസി ഓഫീസുകളില്‍ നിരവധി റെയ്ഡുകള്‍ നടത്തി.

Advertisement
VKSHNM NWS KWT 1000 x 180 PX-01

പുതിയ എഫ്ഡിഐ നിയമങ്ങള്‍ നടപ്പിലാക്കുന്നത് ബിബിസി യുടെ ഇന്ത്യയിലെ പ്രവര്‍ത്തനങ്ങളെ പുനര്‍ മൂല്യനിര്‍ണയത്തിന് പ്രേരിപ്പിച്ചിരിക്കയാണ്. ഇരുനൂറിലേറെ ജീവനക്കാരുള്ള ബിബിസി യുടെ ഇന്ത്യയിലെ ബ്യൂറോ ഓഫീസ് യുകെ യ്ക്ക് പുറമെയുള്ള ലോകത്തിലെ ഏറ്റവും വലിയ ഓഫീസാണ്. ആദായനികുതി വകുപ്പ് പ്രതികാര നടപടികള്‍ ആരംഭിച്ചതിന് ശേഷവും ഇതിന്റെ പ്രാധാന്യം ഒട്ടും കുറഞ്ഞിട്ടില്ല. വിമര്‍ശിച്ചാല്‍ വേട്ടയാടുമോ എന്ന ചോദ്യമാണ് ലോകമാധ്യമരംഗത്ത് നിന്നുയരുന്നത്.

രാജ്യാന്തര വ്യാപ്തിയുള്ള ഒരു മാധ്യമ സ്ഥാപനത്തെ അപമാനിക്കുന്നത് ഇന്ത്യക്ക് നാണക്കേടും ദോഷവും സൃഷ്ടിക്കും. വലുപ്പചെറുപ്പമില്ലാതെ ഏത് തിമിംഗലത്തെയും ചെറുമീനിനെയും പിടികൂടാന്‍ ധൈര്യക്കുറവില്ലെന്ന് മാലോകരെ അറിയിക്കുന്നതിന് വേണ്ടിയാണ് മോദി സര്‍ക്കാരിന്റെ ഈ തിമിംഗല വേട്ട. അംബാനിയെയും അദാനിയെയും തൊടാതെ ബിബിസി യെ പിടികൂടിയത് നികുതിവെട്ടിപ്പ് കാരണല്ല, രാഷ്ട്രീയ പക നിമിത്തമാണ്. ഗുജറാത്ത് കലാപത്തിന് കാരണക്കാര്‍ സംഘപരിവാറാണെന്ന് ലോകത്തെ അറിയിച്ചത് ബിബിസി യാണെന്ന് മോദി കരുതുന്നു. ബിബിസി വേട്ട ലോക മാധ്യമരംഗത്ത് ഇന്ത്യയെ ഒറ്റപ്പെടുത്തുകയാണ്.

Advertisement
VKSHNM NWS KWT 1000 x 180 PX-01
Continue Reading

Editorial

കോണ്‍ഗ്രസ് പ്രകടന പത്രിക: ക്ഷേമത്തിലേക്കുള്ള വഴികാട്ടി സൂചിക ; ഇന്നത്തെ വീക്ഷണം എഡിറ്റോറിയൽ വായിക്കാം

Published

on

രണ്ട് നൂറ്റാണ്ട് കാലത്തെ വൈദേശിക ആധിപത്യം ഇന്ത്യയെ എത്രത്തോളം ചതഞ്ഞരഞ്ഞ കരിമ്പിന്‍ ചണ്ടിയാക്കിയോ അതിലേറെ നാശവും നഷ്ടവുമാണ് പത്തുവര്‍ഷത്തെ മോദി ഭരണം ഇന്ത്യക്ക് വരുത്തിവെച്ചത്. ആ നാശത്തില്‍ നിന്ന് ഇന്ത്യയെ മോചിപ്പിക്കാന്‍ നിരവധി പദ്ധതികളും പരിപാടികളും ഉറപ്പ് നല്‍കുന്നതാണ് കോണ്‍ഗ്രസ് പ്രകടന പത്രിക. സമൂഹത്തിലെ എല്ലാ വിഭാഗങ്ങള്‍ക്കും നന്മയും ക്ഷേമവും ഉറപ്പുനല്‍കുന്ന പ്രകടന പത്രികയിലെ മുദ്രാവാക്യം ആകര്‍ഷകമാണ്.
തൊഴില്‍, ക്ഷേമം, സമ്പത്ത് എന്നീ ഫ്‌ളാഗ്ഷിപ്പ് പദ്ധതികളാണ് പ്രകടന പത്രികയില്‍ ഉള്‍ക്കൊള്ളിച്ചത്. നീതിയുടെ അഞ്ച് സ്തംഭങ്ങളായാണ് മുഖ്യ കര്‍മപാതകളെ വിശേഷിപ്പിക്കുന്നത്. സ്ത്രീ നീതി, കര്‍ഷക നീതി, തൊഴിലാളി നീതി, യുവാക്കള്‍ക്ക് നീതി, പാര്‍ശ്വവല്‍കൃതര്‍ക്ക് നീതി എന്നിവയാണ് ആ മഹത്തായ പദ്ധതികള്‍. ഒരു രാജ്യം ഒരു തെരഞ്ഞെടുപ്പ് എന്ന ബിജെപി പദ്ധതിയെ കോണ്‍ഗ്രസ് നിരസിക്കും. സൈനിക നിയമത്തിനുള്ള അഗ്നിപഥ് പദ്ധതി എടുത്തുകളയും. കൂറുമാറിയ നേതാക്കളുടെ പേരിലുള്ള കേസുകള്‍ പുനരന്വേഷിക്കും. ജമ്മുകശ്മീരിന്റെ പ്രത്യേക പദവി തിരിച്ച് നല്‍കും. പൊതുമേഖലാ സ്ഥാപനങ്ങളിലെ കരാര്‍ നിയമനം എടുത്തുകളയുമെന്നും സ്ത്രീകള്‍ക്ക് കേന്ദ്രസര്‍ക്കാര്‍ ജോലിക്ക് അന്‍പത് ശതമാനം സംവരണമേര്‍പ്പെടുത്തുമെന്നുമുള്ള വാഗ്ദാനങ്ങള്‍ അതീവ പ്രാധാന്യമുള്ളതാണ്. ഒരു കുടുംബത്തിലെ ഒരു സ്ത്രീക്ക് പ്രതിവര്‍ഷം ഒരു ലക്ഷം രൂപ അക്കൗണ്ടില്‍ നിക്ഷേപിക്കുമെന്നുള്ളതും ജനപ്രിയ പരിപാടിയാണ്. അതിര്‍ത്തി കടന്നുള്ള ഭീകരവാദത്തെ ചെറുക്കുമെന്നുള്ളത് പാക്കിസ്ഥാനുള്ള മുന്നറിയിപ്പാണ്. ആശ, അങ്കണവാടി, ഉച്ചഭക്ഷണം പാകം ചെയ്യുന്നവര്‍ക്കുള്ള വേതനം വര്‍ധിപ്പിക്കല്‍ തുടങ്ങിയവ ജനസംഖ്യയില്‍ ഭൂരിപക്ഷം വരുന്ന സ്ത്രീകളുടെ ഉന്നമനം ലക്ഷ്യംവെച്ചുള്ളതാണ്. ഏറ്റവും താണ വരുമാനക്കാരായ ഇവരുടെ ക്ഷേമം കണക്കിലെടുത്തത് സ്വാഗതാര്‍ഹമാണ്. നീതി നിഷേധങ്ങള്‍ക്കും പീഡനങ്ങള്‍ക്കും വിധേയരാകുന്ന സ്ത്രീകള്‍ക്ക് എല്ലാ ഗ്രാമങ്ങളിലും അധികാര്‍ മൈത്രിയെ ഏര്‍പ്പെടുത്തും.
യുവാക്കള്‍ക്ക് ഏറ്റവും ആശ്വാസകരമായത് 30 ലക്ഷം തസ്തികകള്‍ സൃഷ്ടിക്കുമെന്നതാണ്. വിദ്യാഭ്യാസമുള്ള മുഴുവന്‍ യുവാക്കള്‍ക്കും ഒരു മാസം 8500 രൂപ നിരക്കില്‍ പ്രതിവര്‍ഷം ഒരു ലക്ഷം രൂപയുടെ തൊഴില്‍ പരിശീലനം നല്‍കുന്ന വാഗ്ദാനവും ശ്രദ്ധേയമാണ്. താല്‍ക്കാലിക ജീവനക്കാരുടെ തൊഴില്‍പരവും സാമൂഹികവുമായ പരിരക്ഷ ഉറപ്പ് വരുത്തുന്നതോടൊപ്പം അയ്യായിരം കോടി രൂപയുടെ സ്റ്റാര്‍ട്ട്അപ്പ് പദ്ധതികളും വാഗ്ദാനം ചെയ്യുന്നു. സംഘടിതരും അസംഘടിതരുമായ കോടിക്കണക്കിന് തൊഴിലാളികള്‍ക്ക് ക്ഷേമം ഉറപ്പുവരുത്തുന്ന വന്‍ നിര്‍ദ്ദേശങ്ങളാണ് പ്രകടന പത്രികയില്‍ ഉള്‍ക്കൊള്ളിച്ചിട്ടുള്ളത്. സമഗ്രമായ ആരോഗ്യ പദ്ധതിയില്‍ രോഗനിര്‍ണയം മുതല്‍ സാന്ത്വന പുനരധിവാസം വരെയുള്ള എല്ലാ ഘട്ടങ്ങളെയും ഉള്‍ക്കൊള്ളിച്ചുള്ള ആരോഗ്യ അവകാശ നിയമം കൊണ്ടുവരും. തൊഴിലുറപ്പ് പദ്ധതി വേതനം നാനൂറ് രൂപയായി വര്‍ധിപ്പിക്കുന്നത് വലിയൊരു കാല്‍വെയ്പാണ്. പാര്‍ശ്വവല്‍കൃത സമൂഹത്തിന്റെ പ്രത്യാശയും പ്രതീക്ഷയും കോണ്‍ഗ്രസ് നെഞ്ചേറ്റിയിട്ടുണ്ട്. ജാതി സെന്‍സസിന് പുറമെ സാമൂഹിക, സാമ്പത്തിക സെന്‍സസ് നടത്തുന്നതും വിപ്ലവകരമായ നടപടിയായിരിക്കും.
എസ്‌സി/എസ്ടി/ഒബിസി സംവരണം അന്‍പത് ശതമാനം മാത്രമേ പാടുള്ളൂവെന്ന നിബന്ധന എടുത്തുകളയാന്‍ ഭരണഘടനാ ഭേദഗതി കൊണ്ടുവരുമെന്നുള്ള ഉറപ്പ് ഇന്ത്യയുടെ സാമൂഹിക ജീവിതത്തില്‍ വലിയ ചലനങ്ങള്‍ സൃഷ്ടിക്കും. വനാവകാശ നിയമപ്രകാരമുള്ള കേസുകള്‍ ഒരു വര്‍ഷത്തിനുള്ളില്‍ തീര്‍പ്പാക്കുമെന്നും പട്ടികവര്‍ഗ ഭൂരിപക്ഷമുള്ള ജനവാസ മേഖലകളെല്ലാം ഷെഡ്യൂള്‍ഡ് ഏരിയകളായി പ്രഖ്യാപിക്കുമെന്നുമുള്ള ഉറപ്പുകള്‍ ശ്രദ്ധേയമാണ്.
ഏറ്റവും കൂടുതല്‍ പേര്‍ക്ക് പ്രയോജനം ചെയ്യുന്ന പ്രഖ്യാപനങ്ങളുണ്ടായത് കാര്‍ഷിക മേഖലയിലാണ്. എം.എസ് സ്വാമിനാഥന്‍ കമ്മീഷന്‍ നിര്‍ദ്ദേശപ്രകാരമുള്ള താങ്ങുവില ഉറപ്പാക്കുക, കര്‍ഷകരുടെ കടം എഴുതിതള്ളാന്‍ കമ്മീഷനെ ഏര്‍പ്പെടുത്തുക, വിള നഷ്ടത്തിനുള്ള ഇന്‍ഷൂറന്‍സ് തുക ഒരു മാസത്തിനുള്ളില്‍ നല്‍കുക, കര്‍ഷകര്‍ക്ക് ലാഭകരമായ രീതിയില്‍ സുസ്ഥിരമായ കയറ്റുമതി-ഇറക്കുമതി നയം സ്വീകരിക്കുക, കാര്‍ഷികാവശ്യങ്ങള്‍ക്കുള്ള സാമഗ്രികളെ ജിഎസ്ടി യില്‍ നിന്നൊഴിവാക്കുക തുടങ്ങി, ഇച്ഛാശക്തിയും കര്‍മോത്സുകവുമായ ഒരു സര്‍ക്കാരിനുള്ള വഴികാട്ടി സൂചികയാണ് ഈ പ്രകടന പത്രിക.

Continue Reading

Featured