Connect with us
inner ad

Choonduviral

മണിപ്പൂർ നിന്നു കത്തുമ്പോൾ
പ്രധാനമന്ത്രിക്ക് മഹാമൗനം

Avatar

Published

on

രണ്ടു ദിവസത്തെ സന്ദർശനത്തിനു കൊച്ചിയിലെത്തിയ കേന്ദ്ര വിദേശകാര്യ സഹമന്ത്രി ആർ.കെ. രഞ്ജൻ സിംഗ് എല്ലാ പരിപാടികളും റദ്ദാക്കി മണിപ്പൂരിലക്കു മടങ്ങി. മടങ്ങുന്നതിനു തൊട്ടു മുൻപ്  ആലുവ പാലസിൽ അദ്ദേഹം മാധ്യമങ്ങളെ കണ്ടു പറഞ്ഞ വാക്കുകളാണ് ഇപ്പോൾ രാജ്യം ചർച്ച ചെയ്യുന്നത്

ആർ.കെ. രഞ്ജൻ സിംഗ്

.  ഇംഫാൽ ഈസ്റ്റിലെ കോങ്‌ബാ-നന്ദീബാം ലെയ്‌കായി മേഖലയിലുള്ള സ്വന്തം വസതിക്ക് കലാപകാരികൾ തീവച്ചതാണ് മന്ത്രിയെ പ്രകോപിപ്പിച്ചത്.
“ഞാൻ ഞെട്ടിപ്പോയി. മണിപ്പൂരിലെ ക്രമസമാധാന നില പൂർണമായും പരാജയപ്പെട്ടു. അവിടെ അരക്ഷിതവസ്ഥയാണ്. ക്രമസമാധാന നില പാടേ തകർന്നു. എന്റെ മാതൃരാജ്യത്ത്  സംഭവിക്കുന്ന ഇത്തരം അക്രമങ്ങളിൽ വളരെ സങ്കടമുണ്ട്. സമാധാനത്തിനായി ഞാൻ ഇനിയും അഭ്യർത്ഥിക്കുന്നു. ഇത്തരത്തിലുള്ള അക്രമങ്ങളിൽ ഏർപ്പെടുന്നവർ തികച്ചും മനുഷ്യത്വരഹിതരാണ്.” മന്ത്രി രഞ്ജൻ സിംഗിന്റെ വാക്കുകൾ ഇങ്ങനെയായിരുന്നു. ആർ.കെ. സിംഗ് മണിപ്പൂർ സ്വദേശിയാണ്. പ്രധാനമന്ത്രി നരേന്ദ്ര മോദിയുടെ വിശ്വസ്തൻ. ബിജെപിയുടെ മുതിർന്ന നേതാവ്.

നെംച കിപ്‌ഗ

അദ്ദേഹമാണു പറയുന്നത് മണിപ്പുരിൽ സർക്കാർ സംവിധാനങ്ങളെല്ലാം പരാജയമാണെന്ന്. കാരണം അവിടെ കേന്ദ്രമന്ത്രി പോലും സുരക്ഷിതനല്ല.
കഴിഞ്ഞ ദിവസം അരങ്ങേറിയ മറ്റൊരു സംഭവത്തിൽ അക്രമികൾ മണിപ്പൂരിലെ ഏക വനിതാ മന്ത്രി നെംച കിപ്‌ഗന്റെ വസതിക്കും തീയിട്ടു. ഇന്നലെയും മറ്റൊരു മന്ത്രിയുടെ വീടിനു നേരേ ആക്രമണമുണ്ടായി. സൈനികരുടെ പക്കലുണ്ടായിരുന്ന ആയുധങ്ങൾ കലാപകാരികൾ കൊള്ളയടിച്ചു.

ജനറൽ (റിട്ട) വേദ് പ്രകാശ് മാലിക്

വീര സൈനികർക്കും ബോക്സിംഗ് ഇതഹാസം മേരി കോമിനും ആശങ്ക

മണിപ്പൂരിലുള്ള ലെഫ്റ്റനന്റ് ജനറൽ (റിട്ട) എൽ. നിഷികാന്ത സിംഗിന്റെ ട്വീറ്റിനും ഇതിനകം വലിയ റീച്ച് കിട്ടി. “ഞാൻ  മണിപ്പൂരിൽ നിന്നുള്ള ഒരു സാധാരണ ഇന്ത്യക്കാരനാണ്. വിരമിച്ചു ജീവിതം നയിക്കുന്ന സൈനികൻ. സംസ്ഥാനം ഇപ്പോൾ ‘രാജ്യരഹിതമാണ്’. ലിബിയ, ലെബനൻ, നൈജീരിയ, സിറിയ തുടങ്ങിയ രാജ്യങ്ങളിലെന്നപോലെ. ജീവനും സ്വത്തും ആർക്കും എപ്പോൾ വേണമെങ്കിലും നശിപ്പിക്കാം.”

Advertisement
1000x200 PX MALAYALI DCTR MDX-02-02
ലെഫ്റ്റനന്റ് ജനറൽ (റിട്ട) എൽ. നിഷികാന്ത


“മണിപ്പൂരിൽ നിന്ന് വിരമിച്ച ലെഫ്റ്റനന്റ് ജനറലിൽ നിന്നുള്ള അസാധാരണമായ, സങ്കടകരമായ സന്ദേശം കണ്ടു.  മണിപ്പൂരിലെ ക്രമസമാധാന നിലയ്ക്ക് ഉയർന്ന തലത്തിൽ അടിയന്തിര ശ്രദ്ധ ആവശ്യമാണ്.” മുൻ കരസേനാ മേധാവി ജനറൽ (റിട്ട) വേദ് പ്രകാശ് മാലിക് ഈ പോസ്റ്റ് റീട്വീറ്റ് ചെയ്തു.

മേരി കോം

ഇന്ത്യയുടെ ബോക്സിംഗ് ഇതിഹാസം മേരി കോം തന്റെ സംസ്ഥാനത്തിന്റെ ദുരവസ്ഥയിൽ അതീവ ദുഃഖിതയാണ്. മണിപ്പൂരിലെ സംഘർഷാവസ്ഥയിൽ സഹായം തേടി അവർ പ്രധാനമന്ത്രിക്കും പ്രതിരോധ മന്ത്രിക്കും ആഭ്യന്തര മന്ത്രിക്കും കത്തയച്ചു. തന്റെ നാട് കത്തുകയാണെന്നും സഹായിക്കണമെന്നുമായിരുന്നു ആവശ്യം.
ഇതിലെല്ലാം ഒരു ധ്വനിയുണ്ട്. മണിപ്പുരിലെ സ്ഥിതി അത്യന്തം ഗുരുതരമാണ്. ഇതിൽ പ്രധാനമന്ത്രി നരേന്ദ്ര മോദി ഇടപെടണം. പക്ഷേ, നരേന്ദ്ര മോദി നാവെടുക്കുന്നതേയില്ല. അപകടകരവും അത്യന്തം ഗുരുതരവുമായ മഹാമൗനത്തിലാണു പ്രധാനമന്ത്രി. മണിപ്പൂർ എന്ന സംസ്ഥാനം നിന്നു കത്തുമ്പോഴും രാജ്യത്തിന്റെ ഭരണ സിരാകേന്ദ്രത്തിൽ ഒരനക്കവുമില്ല. ലെഫ്റ്റനന്റ് ജനറൽ (റിട്ട) എൽ നിഷികാന്ത സിംഗ് പറഞ്ഞതു പോലെ മണിപ്പൂർ ഇപ്പോൾ രാജ്യരഹിതമാണ്. അരക്ഷിതമാണ്. കലാപ കലുഷിതമായ ഇവിടെ ജനങ്ങളുടെ ജീവനും സ്വത്തിനും ഒരു സുരക്ഷയുമില്ല.


 മേയ് മൂന്നിന് ഗോത്ര വിഭാഗമായ കുകികൾ സംഘടിപ്പിച്ച ‘ട്രൈബൽ സോളിഡാരിറ്റി മാർച്ചി’ന് പിന്നാലെയാണ് മണിപ്പുർ കലാപഭൂമിയാകുന്നത്. സംസ്ഥാനത്തെ ഭൂരിപക്ഷമായ മേയ്തി വിഭാഗം, പട്ടികവർഗ പദവി ആവശ്യപ്പെട്ടുകൊണ്ട് നടത്തിയ നീക്കത്തിനെതിരെയായിരുന്നു പ്രതിഷേധം സംഘടിപ്പിച്ചത്.

കലാപത്തിനു കാരണം സംവരണത്തിലെ സംശയം

മേയ്തികൾക്ക് ഗോത്ര പദവി ലഭിച്ചാൽ തങ്ങളുടെ ഗ്രാമങ്ങൾ അവർ കൈയേറുമെന്ന ഭയമാണ് കുകികളുടെ പ്രതിഷേധങ്ങൾക്ക് കാരണം. കൂടാതെ വനമേഖലയിൽ വസിക്കുന്ന കുകികളെ അവരുടെ സംരക്ഷിത വനഭൂമിയിൽ നിന്ന് കുടിയൊഴിപ്പിക്കുന്നതിനെ ചൊല്ലിയുള്ള പിരിമുറുക്കങ്ങളും അക്രമങ്ങൾക്ക് ആക്കം കൂട്ടി. കലാപം പൊട്ടിപ്പുറപ്പെട്ട് ഒന്നര മാസത്തിനുള്ളിൽ 120ഓളം പേർ കൊല്ലപ്പെട്ടു എന്നാണ് ഔദ്യോഗിക കണക്ക്. എന്നാൽ മരണ സംഖ്യ ഇതിന്റെ അനേകം ഇരട്ടി വരുമെന്ന് മനുഷ്യാവകാശ പ്രവർത്തകർ പറയുന്നു. രോഗികളുമായി പോകുന്ന ആംബുലൻസ് വരെ തീയിടുകയാണ്. പിഞ്ചു കുഞ്ഞുങ്ങളടക്കം കൊല്ലപ്പെട്ടിട്ടുണ്ട്.

Advertisement
1000x200 PX MALAYALI DCTR MDX-02-02


48 മണിക്കൂറുകൾക്കകം സ്ഥിതി ശാന്തമാക്കുമെന്നു പറഞ്ഞ് കേന്ദ്ര ആഭ്യന്തര മന്ത്രി അമിത് ഷാ കഴിഞ്ഞ ആഴ്ച മണിപ്പൂരിലെത്തിയിരുന്നു. ഏതാനും ദിവസങ്ങൾ അദ്ദേഹം അവിടെ തങ്ങി സ്ഥിതി ശാന്തമാക്കാൻ ശ്രമിച്ചിട്ടും കലാപം കെട്ടടങ്ങിയില്ല. മുഖ്യമന്ത്രി ബിരേൻ സിങ്ങിനെ മാറ്റാതെ സമരം അവസാനിപ്പിക്കില്ലെന്നാണ് അക്രമത്തിനു നേതൃത്വം കൊടുക്കുന്ന എല്ലാവരുടെയും തീരുമാനം. എന്നാൽ രാഷ്‌ട്രീയ നേട്ടം മാത്രം ലാക്കാക്കുന്ന ബിജെപി ഈ ആവശ്യം അംഗീകരിക്കുന്നില്ല.
സംസ്ഥാനത്തെ സമാധാനം പുനഃസ്ഥാപിക്കാനായി കേന്ദ്രം പ്രത്യേക സമിതിയെ നിയോഗിച്ചിരുന്നു. ഗവർണറുടെ മേൽനോട്ടത്തിലുള്ള സമിതിയിൽ മേയ്തി, കുകി സമുദായങ്ങളിൽ നിന്നടക്കം 51 അംഗങ്ങളാണുള്ളത്. എന്നാൽ വിവിധ കാരണങ്ങൾ ചൂണ്ടിക്കാട്ടി സമാധാന ശ്രമങ്ങളോട് സഹകരിക്കില്ലെന്ന് കുകി വിഭാഗവും മേയ്തി വിഭാഗവും അറിയിച്ചിട്ടുണ്ട്. മുഖ്യമന്ത്രി എൻ ബിരേൻ സിങ്ങിനെ സമിതിയിൽ അംഗമാക്കിയതിൽ അതൃപ്തി പ്രകടിപ്പിച്ചാണ് സമാധാന ചർച്ചകളുടെ ഭാഗമാകില്ലെന്ന് കുകി വിഭാഗം അറിയിച്ചത്.  സ്ഥിതി ഇത്ര വഷളായിട്ടും കേന്ദ്ര സർക്കാർ കാര്യമായി ഇടപെടുന്നില്ല. ആഭ്യന്തര മന്ത്രി അമിത് ഷാ എത്തി മുഖ്യമന്ത്രിക്കു പിന്തുണയും സഹായവും വാഗ്ദാനം ചെയ്തു മടങ്ങിയത് സ്ഥിതി വഷളാക്കി എന്നതാണ് കേന്ദ്ര മന്ത്രിയുടെ വീടിനടക്കം നാട്ടുകാർ ബോംബിടാൻ കാരണം.

Advertisement
1000x200 PX MALAYALI DCTR MDX-02-02

പ്രധാനമന്ത്രി മൗനം വെടിയണം, സർവകക്ഷി സംഘത്തെ നയിക്കണം

കാലപം  ഏഴാഴ്ച പിന്നിട്ടിട്ടും പ്രധാനമന്ത്രി എന്തു കൊണ്ടു മിണ്ടുന്നില്ല എന്നാണ് രാജ്യം ഉന്നയിക്കുന്ന പ്രധാന ചോദ്യം. കലാപ മേഖലയിൽ നിഷ്പക്ഷമായ നിരീക്ഷണം നടത്താനും എല്ലാ വിഭാഗം ജനങ്ങൾക്കും ഭയരഹിതമായി ജീവിക്കാനുള്ള സാഹചര്യം ഒരുക്കാനും സർക്കാരിനാണു ചുമതല. ആ ചുമതല നിവേറ്റുന്നതിൽ മണിപ്പൂരിലെ ബിരേൻ സിംഗിന്റെയും കേന്ദ്രത്തിൽ നേരേന്ദ്ര മോദിയുടെയും സർക്കാരുകൾ പരാജയമാണെന്നാണ് കേന്ദ്ര മന്ത്രി ആർ.കെ. സിംഗ് മുതൽ മുൻ കരസേനാ മേധാവി ജനറൽ (റിട്ട) വേദപ്രകാശ് മാലിക് വരെയുള്ളവരുടെ പ്രതികരണങ്ങളിൽ നിന്നു മനസിലാകുന്നത്.
അതിനിടെ മണിപ്പുരിൽ നിന്നുള്ള ഒരു സംഘം പ്രതിപക്ഷ നേതാക്കൾ മൂന്നു ദിവസമായി ഇന്ദ്രപ്രസ്ഥത്തിൽ പ്രധാനമന്ത്രിയെ കാണാൻ കാത്തുകെട്ടിക്കിടക്കുകയാണ്. മോദി അവർക്ക് അതിന് അനുവാദം നൽകിയില്ല. സ്വന്തം രാജ്യത്തെ ഒരു സംസ്ഥാനം നിന്നു കത്തുമ്പോൾ അഞ്ചു ദിവസത്തെ യുഎസ്- ഈജിപ്റ്റ് സന്ദർശനത്തിനു പോവുകയാണ് പ്രധാനമന്ത്രി. എഐസിസി ജനറൽ സെക്രട്ടറി ജയറാം രമേശ് ട്വീറ്റ് ചെയ്തതു പോലെ രാജ്യം ഇത്ര ഗുരുതരമായൊരു പ്രതിസന്ധി അഭിമുഖീകരിക്കുമ്പോൾ ഒരു പ്രധാനമന്ത്രിക്ക് എങ്ങനെ മിണ്ടാതിരിക്കാൻ കഴിയുന്നു?
ഇനിയെങ്കിലും, പ്രധാനമന്ത്രി നരേന്ദ്ര മോദി ദുരഭിമാനം വെടിയണം. അദ്ദേഹം വാതുറക്കണം. തുറന്നു സംസാരിക്കണം. അദ്ദേഹത്തിന്റെ നേതൃത്വത്തിൽ പാർലമെന്റിലെ സർവകക്ഷി പ്രതിനിധി സംഘം മണിപ്പുരിലേക്കു കുതിക്കണം. മണിപ്പൂർ നിവാസികളുടെ വിശ്വാസമാർജിക്കാൻ പാകത്തിന് അവരുടെ നിർദേശങ്ങൾ കൂടി അംഗീകരിക്കുന്ന ഒത്തുതീർപ്പ് ഫോർമുല ഉടനുണ്ടാക്കണം. അല്ലാതെ കെട്ടടങ്ങില്ല, മണിപ്പൂരിലെ പ്രതിഷേധാഗ്നി.

Advertisement
1000x200 PX MALAYALI DCTR MDX-02-02

Choonduviral

ലോക്സഭാ തിരഞ്ഞെടുപ്പ് നാലാം ഘട്ടം നാളെ; അഖിലേഷ് യാദവ്, അധിർരഞ്ജൻ ചൗധരി ഉൾപ്പെടെ പ്രമുഖർ ജനവിധി തേടുന്നു

Published

on

ന്യൂഡൽഹി: ലോക്‌സഭയിലേക്കുള്ള നാലാം
ഘട്ട തിരഞ്ഞെടുപ്പ് നാളെ. 9 സംസ്ഥാനങ്ങളിലും ജമ്മുകശ്‌മീരിലുമായി 96 സീറ്റുകളിലേക്കാണ് തിരഞ്ഞെടുപ്പ് നടക്കുന്നത്. ഇന്നലെ പരസ്യപ്രചരണം പൂർത്തിയായ സാഹചര്യത്തിൽ ഇവിടങ്ങളിൽ ഇന്ന് മുന്നണികൾ നിശബ്ദ പ്രചാരണത്തിലാണ്.
ആന്ധ്രപ്രദേശ്, തെലങ്കാന സംസ്ഥാനങ്ങളിലെ മുഴുവൻ സീറ്റുകളിലേക്കും ഈ ഘട്ടത്തിലാണ് വോട്ടെടുപ്പ് നടക്കുന്നത്. ഉത്തർപ്രദേശിൽ 13, മഹാരാഷ്ട്രയിൽ 11, മധ്യപ്രദേശ്, പശ്ചിമ ബംഗാൾ എന്നീ സംസ്ഥാനങ്ങളിലെ 8, ബിഹാറിൽ 5, ഝാർഖണ്ഡ്, ഒഡിഷ എന്നീ സംസ്ഥാനങ്ങളിലെ 4, മണ്ഡലങ്ങളിലുമാണ് നാലാം ഘട്ടത്തിൽ ജനവിധി തേടുന്നത്. ഉത്തർപ്രദേശിൽ സമാജ് വാദി പാർട്ടി അധ്യക്ഷൻ അഖിലേഷ് യാദവ് മത്സരിക്കുന്ന കനൗജിൽ ഈ ഘട്ടത്തിലാണ് തിരഞ്ഞെടുപ്പ് നടക്കുന്നത്.

അധിർ രഞ്ജൻ ചൗധരി, യൂസഫ് പഠാൻ,മഹുവ
മൊയ്ത്ര , ദിലീപ് ഘോഷ്, കേന്ദ്രമന്ത്രി ഗിരിരാജ്
സിങ് എന്നിവരാണ് ഈ ഘട്ടത്തിൽ ജനവിധി
തേടുന്ന പ്രമുഖർ. ഇന്നലെ പരസ്യപ്രചരണം
പൂർത്തിയായ സാഹചര്യത്തിൽ ഇവിടങ്ങളിൽ
ഇന്ന് നിശബ്ദ പ്രചരണം നടക്കും. 44
ദിവസങ്ങളിലായി ഏഴ് ഘട്ടങ്ങളിലായാണ്
ലോക്‌സഭാ തിരഞ്ഞെടുപ്പ് നടക്കുന്നത്. ജൂൺ നാലിനാണ് വോട്ടെണ്ണൽ.

Advertisement
1000x200 PX MALAYALI DCTR MDX-02-02
Continue Reading

Choonduviral

ലോക്‌സഭാ തെരഞ്ഞെടുപ്പ് അഞ്ചുഘട്ടം ബാക്കി നിൽക്കേ, സിപിഎം നേതാക്കൾ വിശ്രമത്തിലും, വിനോദയാത്രയിലും വിമർശനവുമായി ടി സിദ്ധീഖ്

Published

on

ലോക്‌സഭാ തെരഞ്ഞെടുപ്പ് നടക്കുന്നതിനിടെ കുടുംബവുമായി വിദേശത്തേക്ക് വിനോദയാത്ര പോയ മുഖ്യമന്ത്രി പിണറായി വിജയനെ വിമര്‍ശിച്ച് കെപിസിസി വൈസ് പ്രസിഡന്റ് ടി സിദ്ധീഖ് എംഎൽഎ. ഏഴു ഘട്ടമായുള്ള തെരഞ്ഞെടുപ്പില്‍ രണ്ട് ഘട്ടം മാത്രമാണ് കഴിഞ്ഞത്. അഞ്ച് ഘട്ടങ്ങള്‍ ബാക്കി നില്‍ക്കുന്നു. പല കോണ്‍ഗ്രസ് സ്ഥാനാര്‍ഥികള്‍ക്കും മറ്റ് സംസ്ഥാനങ്ങളില്‍ ചുമതല ലഭിച്ച് പോയി കഴിഞ്ഞു. എന്നാല്‍ സിപിഎം നേതാക്കളെല്ലാം വിശ്രമത്തിലാണെന്നാണ്. സിപിഎം പിബി അംഗങ്ങള്‍ കൂടുതല്‍ കേരളത്തില്‍ നിന്നാണ്. അവര്‍ക്ക് ഇന്ത്യാ മുന്നണിയുടെ ഭാഗമായി ബിജെപിക്കെതിരെ പോരാട്ടം നയിക്കാന്‍ ഉത്തരേന്ത്യയിലേക്ക് പോയ് കൂടെയെന്നും സിദ്ധീഖ് ചോദിച്ചു.

ടി സിദ്ധീഖിന്റെ ഫേസ്ബുക്ക് കുറിപ്പ് പൂർണരൂപം

Advertisement
1000x200 PX MALAYALI DCTR MDX-02-02

കേരളത്തിലെ തിരഞ്ഞെടുപ്പ് കഴിഞ്ഞു. എൽ ഡി എഫ് യോഗം കൂടി 12 സീറ്റ് ഉറപ്പിച്ചു. ഇനി സിപിഐഎം വിശ്രമത്തിലേക്ക്..!

ദേശീയ തിരഞ്ഞെടുപ്പ് നടക്കുമ്പോൾ ആകെയുള്ള സിപിഐഎം മുഖ്യമന്ത്രിയും കുടുംബവും സ്വകാര്യ സന്ദർശനത്തിന് ദുബായിലേക്ക് പോകുന്നു. മത്സരിച്ച നേതാക്കളെല്ലാം വിശ്രമത്തിലാണ്. കേരളത്തിലെ കോൺഗ്രസിനും രാഹുൽ ഗാന്ധിക്കുമെതിരെ പറയുകയും പ്രവർത്തിക്കുകയും ചെയ്യുക എന്നത് മാത്രമായിരുന്നു ഈ തിരഞ്ഞെടുപ്പിൽ സിപിഐഎമ്മിന്റെ അജണ്ട എന്ന് തിരഞ്ഞെടുപ്പിന് ശേഷം അവർ എന്ത് ചെയ്തു എന്ന് നോക്കിയാൽ മതി. ഷാഫി പറമ്പിൽ എന്ന ജനകീയ നേതാവിനെ മതം നോക്കി തീവ്രവാദിയാക്കലാണ് ആകെ ചെയ്യുന്ന പണി.

Advertisement
1000x200 PX MALAYALI DCTR MDX-02-02

7 ഘട്ടമായുള്ള തിരഞ്ഞെടുപ്പിൽ രണ്ട് ഘട്ടം മാത്രമാണ് കഴിഞ്ഞത്. അഞ്ച് ഘട്ടങ്ങൾ ബാക്കി നിൽക്കുന്നു. പല കോൺഗ്രസ് സ്ഥാനാർഥികൾക്കും മറ്റ് സംസ്ഥാനങ്ങളിൽ ചുമതല ലഭിച്ച് പോയിക്കഴിഞ്ഞു. അവർ രണ്ട് മാസം കൊടും വെയിൽ കൊണ്ട് പ്രചാരണം നടത്തിയവരാണ്. എന്നിട്ട് പോലും അവർക്ക് വിശ്രമമില്ല. കോൺഗ്രസിന് വിശ്രമിക്കാനാവില്ല. ഈ തിരഞ്ഞെടുപ്പ് ഇന്ത്യയുടെ നില നിൽപ്പിന് വേണ്ടിയുള്ളതാണ്, അല്ലാതെ ചിഹ്നം നില നിർത്താനുള്ളതല്ല എന്ന തിരിച്ചറിവ് കോൺഗ്രസിനുണ്ട്.

ഈ തിരഞ്ഞെടുപ്പിൽ സിപിഎമ്മിന്റെ പ്രസക്തി എത്ര മാത്രമാണെന്ന് ഇപ്പോൾ എല്ലാവർക്കും ബോധ്യമായില്ലേ? പിബി മെമ്പർമാരൊക്കെ കൂടുതൽ കേരളത്തിൽ നിന്നാണ്. അവർക്ക് ഇന്ത്യാ മുന്നണിയുടെ ഭാഗമായി ബിജെപിക്കെതിരെ പോരാട്ടം നയിക്കാൻ ഉത്തരേന്ത്യയിലേക്ക് പൊയ്ക്കൂടെ? പോട്ടെ, ബംഗാളിലേക്കെങ്കിലും പൊയ്ക്കൂടെ. അഖിലേന്ത്യാ തലത്തിൽ ബിജെപിയ്ക്കെതിരെ എന്ത് പോരാട്ടമാണ് സിപിഐഎം അടക്കമുള്ള ഇടത് പാർട്ടികൾ ഇപ്പോൾ നടത്തുന്നത്?

Advertisement
1000x200 PX MALAYALI DCTR MDX-02-02

നിങ്ങൾക്ക് വിശ്രമിക്കാം, രാഹുൽ ഗാന്ധി പ്രധാനമന്ത്രിയാവരുതെന്ന് ആഗ്രഹിക്കുന്ന നിങ്ങൾ വിശ്രമിച്ചില്ലെങ്കിലേ അത്ഭുതമുള്ളൂ…

“ഇന്ത്യ ഉണ്ടെങ്കിലേ കേരളമുള്ളൂ… കേരളമുണ്ടെങ്കിലേ സിപിഐഎം ഉള്ളൂ…” എന്ന് പാർട്ടി വിലയിരുത്തുന്നത് നന്ന്.

Advertisement
1000x200 PX MALAYALI DCTR MDX-02-02

Election2024 #CPIM

Continue Reading

Choonduviral

ലോക്സഭാ തെരഞ്ഞെടുപ്പ് മൂന്നാംഘട്ടം; 93 മണ്ഡലങ്ങളിലേക്കുള്ള വോട്ടെടുപ്പ് ആരംഭിച്ചു

Published

on

ന്യൂഡൽഹി: ലോക്സഭാ തെരഞ്ഞെടുപ്പിന്റെ മൂന്നാംഘട്ടത്തിൽ പതിനൊന്നു സംസ്ഥാനങ്ങളിലും കേന്ദ്രഭരണ പ്രദേശങ്ങളി ലുമായി 93 മണ്ഡലങ്ങളിലേക്കുള്ള വിധിയെഴുത്ത് ആരംഭിച്ചു.

120 വനിതകളുൾപ്പെടെ 1,300ലേറെ സ്ഥാനാർഥികളാണു മത്സരരംഗത്തുള്ളത്. കേന്ദ്രമന്ത്രി അമിത് ഷാ (ഗാന്ധിനഗർ), ജ്യോതിരാദിത്യ സിന്ധ്യ (ഗുണ), മൻസുഖ് മാണ്ഡവ്യ (പോർബന്തർ), പുരുഷോത്തം രൂപാല (രാജ്‌കോട്ട്), പ്രഹ്ളാദ് ജോഷി (ധാർവാഡ്), എസ്.പി. സിംഗ് ബാഗേൽ (ആഗ്ര) തുടങ്ങിയവരാണു പ്രമുഖ സ്ഥാനാർഥികൾ
ഗുജറാത്ത് (25) മഹാരാഷ്ട്ര (11), യുപി (10) എന്നതിനു പുറമേ കർണാടകയിലെ 28 സീറ്റുകളിൽ അവശേഷിച്ച 14 എണ്ണത്തിലും ഇന്നാണു ജനവിധി. ഛത്തിസ്ഗഡ് (7), ബിഹാർ (5), ആസാം, പശ്ചിമബംഗാൾ (4 വീതം), മധ്യപ്രദേശ് (9) കേന്ദ്ര ഭരണപ്രദേശ ങ്ങളായ ദാദ്ര നഗർ ഹവേലി, ദാമൻ ദിയു എന്നിവിടങ്ങളിലാണ് ഇന്ന് വോട്ടെടുപ്പ് നടക്കുന്നത്. ജമ്മുകാശ്മീരിലെ അനന്തനാഗ്-രജൗരി സീറ്റുകളിൽ ഇന്നു നട ക്കേണ്ടിയിരുന്ന തെരഞ്ഞെടുപ്പ് സാങ്കേതിക കാരണങ്ങളെത്തുടർന്ന് 26ലേക്കു മാറ്റി.

Advertisement
1000x200 PX MALAYALI DCTR MDX-02-02
Continue Reading

Featured