Connect with us
inner ad

Saudi Arabia

ഡ്രൈവിംഗിനിടയിലെ മൊബൈല്‍ ഉപയോഗം: 500 മുതല്‍ 900 റിയാല്‍ വരെ

Avatar

Published

on

റിയാദ്: സൗദിയില്‍ ഡ്രൈവിംഗിനിടയിലെ മൊബൈല്‍ ഉപയോഗത്തിന് 900 റിയാല്‍ വരെയാണ് പിഴയെന്ന് ഓര്‍മപ്പെടുത്തി ട്രാഫിക് വകുപ്പ്. ഔദ്യോഗിക എക്‌സ് അകൗണ്ടിലാണ് വിവിധ പിഴകള്‍ സംബന്ധിച്ച അറിയിപ്പ് ഓര്‍മപ്പെടുത്തലായി പോസ്റ്റ് ചെയ്തിരിക്കുന്നത്. ഡ്രൈവിങ്ങിനിടയിലെ മൊബൈല്‍ ഉപയോഗത്തിന് ഏറ്റവും കുറഞ്ഞ പിഴ 500 റിയാലാണ്. അത് 900 റിയാല്‍ വരെ ഉയരാം. 500 റിയാല്‍ മുതല്‍ 900 റിയാല്‍ വരെ പിഴ ചുമത്തുന്ന മറ്റ് ചില ഗതാഗത നിയമലംഘനങ്ങളെ കുറിച്ച് കൂടി മുന്നറിയിപ്പില്‍ വിശദീകരിക്കുന്നുണ്ട്.

Continue Reading
Advertisement
1000x200 PX MALAYALI DCTR MDX-02-02
Click to comment

You must be logged in to post a comment Login

Leave a Reply

Saudi Arabia

ഹജ്ജിന് പോകാന്‍ യോഗ്യത നേടിയവര്‍ പ്രതിരോധ വാക്‌സിനുകള്‍ എടുക്കണമെന്ന് ആരോഗ്യ മന്ത്രാലയം

Published

on


മസ്‌ക്കറ്റ്: ഈ വര്‍ഷം ഹജ്ജിന് പോകാന്‍ യോഗ്യത നേടിയവര്‍ ആവശ്യമായ പ്രതിരോധ വാക്‌സിനുകള്‍ എടുക്കണമെന്ന് ആരോഗ്യ മന്ത്രാലയം ആവശ്യപ്പെട്ടു. പൗരന്മാര്‍ക്കും താമസക്കാര്‍ക്കും ഓരോ ഗവര്‍ണറേറ്റിലെയും മന്ത്രാലയം വ്യക്തമാക്കിയ ആരോഗ്യ സ്ഥാപനങ്ങളില്‍പോയി വാക്‌സിന്‍ സ്വീകരിക്കാവുന്നതാണ്.

സീസണല്‍ ഫ്‌ലൂ, മെനിങോകോക്കല്‍ കണ്‍ജഗേറ്റ് വാക്‌സിന്‍ (അഇഥണ135) എന്നിവയാണ് എടുക്കേണ്ടത്. മെനിഞ്ചൈറ്റിസിന്റെ സങ്കീര്‍ണതകളില്‍നിന്ന് സംരക്ഷിക്കാന്‍ ഉതകുന്ന മെനിങ്ങോകോക്കല്‍ കണ്‍ജഗേറ്റ് വാക്‌സിന് (അഇഥണ135) അഞ്ച് വര്‍ഷത്തെ സംരക്ഷണ കാലാവധിയുണ്ട്. അതിനാല്‍, ഈ വാക്‌സിനെടുത്ത് അഞ്ചുവര്‍ഷമായിട്ടില്ലെങ്കില്‍ ഇത് വീണ്ടും സ്വീകരിക്കേണ്ടതില്ല. എന്നാല്‍, ഈ വാക്‌സിന്‍ മുമ്പ് എടുത്തിട്ടുള്ളതാണ് എന്നതിന് തെളിവ് ഹാജരാക്കണം. തീര്‍ഥാടകര്‍ ഹജ്ജ് യാത്രക്ക് പത്ത് ദിവസം മുമ്പെങ്കിലും ഈ വാക്‌സിനുകള്‍ എടുക്കണമെന്നും ആരോഗ്യമന്ത്രാലയം ആവശ്യപ്പെട്ടു. അണുബാധയുടെ വ്യാപനം തടയുന്നതിനും പൊതുജനാരോഗ്യം സംരക്ഷിക്കുന്നതിനുമായി സൗദി അറേബ്യയില്‍ പ്രവേശിക്കുന്നതിന് മുകളില്‍ പറഞ്ഞ വാക്‌സിനുകള്‍ എടുക്കേണ്ടത് അത്യാവശ്യമാണെന്നും അധികൃതര്‍ അറിയിച്ചു.

Advertisement
1000x200 PX MALAYALI DCTR MDX-02-02

ഈ വര്‍ഷം ഒമാനില്‍നിന്ന് 13,586 പേരാണ് ഹജ്ജിന് അര്‍ഹത നേടിയിട്ടുള്ളത്. 6,683 പുരുഷന്മാരും 6,903 സ്ത്രീകളും ഉള്‍പ്പെടെയാണിത്. ഇതില്‍ ഏതാണ്ട് 32.3 ശതമാനം പേര്‍ 46 മുതല്‍ 60 വയസ്സിന് ഇടയില്‍ ഉള്ളവരും 42.4 ശതമാനം പേര്‍ 31-45 വയസ്സുള്ളവരും ആണ്. 20 ശതമാനം പേര്‍ 60 വയസ്സിനു മുകളിലുള്ളവരുമാണ്. ഹജ്ജിനുള്ള സേവന ഫീസ് എന്‍ഡോവ്മെന്റ്, മതകാര്യ മന്ത്രാലയം നേരത്തേ പ്രഖ്യാപിച്ചിരുന്നു. മദീനയിലേക്ക് വിമാനമാര്‍ഗം 6,274.98 സൗദി റിയാലും ജിദ്ദയിലെ കിങ് അബ്ദുല്‍ അസീസ് വിമാനത്താവളത്തിലേക്ക് 6,078.33 സൗദി റിയാലും ആണ് നിരക്ക്.

മദീനയിലേക്കോ മക്കയിലേക്കോ റോഡ് മാര്‍ഗമുള്ള യാത്രക്ക് 4,613.23 സൗദി റിയാലുമാണ് മിനയിലെയും അറഫാത്തിലെയും ക്യാമ്പുകള്‍ക്കുള്ള സേവന ഫീസ്, ടെന്റ്, ഉപകരണങ്ങള്‍, ആരോഗ്യ ഇന്‍ഷുറന്‍സ്, ഗതാഗത ഫീസ്, 15 ശതമാനം മൂല്യവര്‍ധിത നികുതി, ഹജ്ജ് കാര്‍ഡ് പ്രിന്റ് ചെയ്യുന്നതിനുള്ള ചെലവ് ( 2.5 ഒമാന്‍ റിയാല്‍), ഒമാനികള്‍ അല്ലാത്തവര്‍ക്ക് വിസ ഫീസ് (300 സൗദി റിയാല്‍) എന്നിവ ഉള്‍പ്പെടെയുള്ള ചെലവുകള്‍ ഇതില്‍ അടങ്ങിയിട്ടുണ്ടെന്നും മന്ത്രാലയം വ്യക്തമാക്കി.

Advertisement
1000x200 PX MALAYALI DCTR MDX-02-02
Continue Reading

Saudi Arabia

ഒഐസിസി റിയാദ് തിരൂരങ്ങാടി മണ്ഡലം കമ്മിറ്റി രൂപീകരിച്ചു

Published

on

റിയാദ്: ഒ.ഐ.സി.സി മലപ്പുറം ജില്ല കമ്മിറ്റിയുടെ കീഴിൽ തിരൂരങ്ങാടി നിയോജക മണ്ഡലം കമ്മിറ്റി രൂപീകരിച്ചു.


ഒഐസിസി റിയാദ് സെൻട്രൽ കമ്മിറ്റി ഓഫീസിൽ കൂടിയ യോഗം ഗ്ലോബൽ കമ്മറ്റി അംഗം നൗഫൽ പാലക്കാടൻ ഉദ്‌ഘാടനം ചെയ്തു. മലപ്പുറം ജില്ലാ പ്രസിഡന്റ് സിദ്ദിഖ് കല്ലുപറമ്പൻ അധ്യക്ഷത വഹിച്ചു. ഒഐസിസി റിയാദ് സെൻട്രൽ കമ്മിറ്റി ജനറൽ സെക്രട്ടറി സകീർ ദാനത്ത് ഭാരവാഹികളെ പ്രഖ്യാപിച്ചു.

Advertisement
1000x200 PX MALAYALI DCTR MDX-02-02

ഇസ്മായിൽ പുത്തൻപീടിയേക്കൽ ( പ്രസിഡന്റ് ) റിയാസ്ഖാദർ ചെട്ടിപടി ( ജനറൽ സെക്രട്ടറി, സംഘടനാ ചുമതല) റസാഖ് കുരിക്കൾ ( ട്രെഷറർ ) ശംസുദ്ദീൻ വീ പി ( മുഖ്യ രക്ഷാധികാരി) എന്നിവരാണ് പ്രധാന ഭാരവാഹികൾ .

അൻസാർ ചെമ്മാട് ( വൈസ് പ്രസിഡന്റ് ) മുഹ്സിൻ വെന്നിയൂർ, നിഷാന്ത് കൂട്ട് മൂചി (സെക്രട്ടറി) എന്നിവരാണ് മറ്റു ഭാരവാഹികൾ.

Advertisement
1000x200 PX MALAYALI DCTR MDX-02-02

ജില്ലാ കമ്മിറ്റി ജെനറൽ സെക്രട്ടറി ജംസാദ് തുവ്വൂർ, ജില്ലാ സെക്രടറി റഫീക്ക് കൊടിഞ്ഞി ആശംസകൾ നേർന്നു.

Advertisement
1000x200 PX MALAYALI DCTR MDX-02-02
Continue Reading

Featured

നവകേരള ഗുണ്ടാ യാത്ര, അൽ ഹസ്സ ഒ ഐ സി സി അപലപിച്ചു

Published

on

അൽ ഹസ: നവ കേരള സദസ്സെന്ന ഓമനപ്പേരിട്ട് മുഖ്യമന്ത്രിയും പരിവാരങ്ങളും 34 ദിവസമായി കേരളത്തിൻ്റെ തെരുവീഥികളിലൂടെ നരനായാട്ട് നടത്തിയ യാത്ര നവ കേരള സദസ്സല്ല, മറിച്ച് നവ കേരള ഗുണ്ടാ യാത്രയായിരുന്നുവെന്ന് ഒ ഐ സി സി സൗദി അൽ ഹസ്സ ഏരിയ കമ്മറ്റി പ്രസിഡൻ്റ് ഫൈസൽ വാച്ചാക്കൽ, ജനറൽ സെക്രട്ടറി ഉമർ കോട്ടയിൽ എന്നിവർ സംയുക്ത പ്രസ്ഥാവനയിൽ പറഞ്ഞു.ജനസമ്പർക്കമാണുദ്ദേശമെങ്കിൽ മുൻ മുഖ്യമന്തി ഉമ്മൻ ചാണ്ടി ചെയ്തത് പോലെ ജനങ്ങളിലേക്കിറങ്ങിച്ചെന്ന് അവരുടെ പരാതികളും വേവലാതികളും സഹിഷ്ണുതയോടെ കേട്ട് പ്രശ്നങ്ങൾക്ക് പരിഹാരം കാണണമായിരുന്നു.ഉമ്മൻ ചാണ്ടി നടത്തിയത് പോലുള്ള ജനസമ്പർക്ക പരിപാടികൾ നടത്താൻ പിണറായിയും പരിവാരങ്ങളും ഒരു ജന്മം കൂടി ജനിക്കേണ്ടി വരും.
ഒരു മാസത്തിലധികമായി തിരുവനന്തപുരത്തെ
ഭരണ സിരാ കേന്ദ്രമായ സെക്രട്ടറിയേറ്റിനെ നാഥനില്ലാകളരിയാക്കി, എന്നാൽ നയപരമായോ, മനുഷ്യത്വപരമായോ ഒരു തീരുമാനവുമെടുക്കാനാവാതെയാണ് കാസർഗോഡ് കല്യാശ്ശേരിയിൽ നിന്നും തുടങ്ങി സർക്കാർ സ്പോൺസേർഡ് ആഡംബര വിനോദ ധൂർത്ത് യാത്ര തിരുവനന്തപുരത്തെത്തിയിരിക്കുന്നത്.
ക്ഷേമപെൻഷനുകൾ മാസങ്ങളോളമായി മുടങ്ങി കിടക്കുന്നതും, നിത്യോപയോഗ സാധനങ്ങളുടെ അനിയന്ത്രിതമായ വിലക്കയറ്റവും, സ്ത്രീകൾക്കും കുട്ടികൾക്കും പുറത്തിറങ്ങി നടക്കാനാവാത്ത വിധം ക്രമസമാധാനാന്തരീക്ഷം താറുമാറായി കിടക്കുന്നതുമെല്ലാം ചൂണ്ടിക്കാട്ടി പ്രതിപക്ഷ യുവജന സംഘടനകൾ വിശിഷ്യാ യൂത്ത് കോൺഗ്രസ് പ്രവർത്തകർ തികച്ചും ജനാധിപത്യപരമായ രീതിയിൽ കരിങ്കൊടി കാണിച്ച് തങ്ങളുടെ പ്രതിഷേധം അറിയിക്കുമ്പോൾ അസഹിഷ്ണുതയോടെ പാർട്ടി പ്രവർത്തകരെയും സ്വന്തം അംഗരക്ഷകരടക്കമുള്ള സർക്കാർ ഉദ്യോഗസ്ഥരെയും ദുരുപയോഗപ്പെടുത്തി ക്രൂരമായി മർദ്ദിച്ച് നടത്തിയ യാത്ര നവകേരള ഗുണ്ടാ യാത്ര തന്നെയാണ്.
യൂത്ത് കോൺഗ്രസ് പ്രവർത്തകരുടെ തല തല്ലി പൊട്ടിച്ചും, സ്ത്രീകളെപ്പോലും മർദ്ദിച്ചവശരാക്കിയും, അവരെ പുരുഷ പോലീസുകാർ ഷർട്ടുകൾ വലിച്ചു കീറിയും ഈ ഗുണ്ടാ ഭരണം അധികകാലം മുന്നോട്ട് കൊണ്ട് പോവാമെന്നു് കരുതേണ്ടന്ന് ഫൈസൽ വാച്ചാക്കലും ഉമർ കോട്ടയിലും പ്രസ്ഥാവനയിൽ ചൂണ്ടിക്കാട്ടി.
മുഖ്യമന്ത്രിയുടെ അറിവോടെയോ മൗനസമ്മതത്തോടെയോ നടത്തിയ ആ നരനായാട്ടുകളിൽ അൽ ഹസ്സ ഒ ഐ സി സി ശക്തമായി പ്രതിഷേധിക്കുകയും അപലപിക്കുകയും ചെയ്യുന്നതോടൊപ്പം, അനീതിക്കും അക്രമങ്ങൾക്കുമെതിരെ നടക്കുന്ന പോരാട്ടസമരങ്ങളിൽ മുന്നണി പോരാളികളായ യുത്ത് കോൺഗ്രസ്, കെ എസ് യു മഹിളാ കോൺഗ്രസ് പ്രവർത്തകർക്കും,നേതാക്കൾക്കും അൽ ഹസ്സ
ഒ ഐ സി സി ഐക്യദാർഢ്യം പ്രഖ്യാപിക്കുന്നു.

Continue Reading

Featured