Kerala
ജാതി സെൻസസ്: വിധി വരുന്നതുവരെ നടപടിയില്ലെന്ന് മന്ത്രി,സർക്കാരിന്റെ നിലപാട് വ്യക്തമാക്കണമെന്ന് എം.കെ മുനീർ
തിരുവനന്തപുരം: കേരളത്തില് ജാതി സെന്സസ് നടത്തുന്ന വിഷയം നിയമസഭയില് ഉന്നയിച്ച് പ്രതിപക്ഷം. മുസ്ലിം ലീഗ് സഭാകക്ഷി ഉപനേതാവ് എം.കെ. മുനീറാണ് ശ്രദ്ധക്ഷണിക്കൽ പ്രമേയം അവതരിപ്പിച്ച് ജാതി സെന്സസ് വിഷയം സഭയില് ഉന്നയിച്ചത്. ജാതി സെന്സസില് സംസ്ഥാന സര്ക്കാരിന്റെ നിലപാട് അനുകൂലമാണോ പ്രതികൂലമാണോയെന്ന് അറിയണമെന്ന് എം.കെ മുനീര് സഭയില് ആവശ്യപ്പെട്ടു. എന്നാല്, ജനസംഖ്യാ കണക്കെടുപ്പ് നടത്തേണ്ടത് കേന്ദ്രസര്ക്കാരാണെന്ന് മന്ത്രി കെ. രാധാകൃഷ്ണന് സഭയില് മറുപടി നല്കി. സുപ്രീംകോടതിയുടെ പരിഗണനയിലുള്ള കേസില് വിധി വരുന്നതുവരെ ജാതിസെന്സസില് തീരുമാനം എടുക്കേണ്ടതില്ലെന്നാണ് സര്ക്കാര് നയമെന്നും അദ്ദേഹം അറിയിച്ചു.
ജാതി സെന്സസുമായി ബന്ധപ്പെട്ട് കാര്യങ്ങള് തീരുമാനിക്കേണ്ടത് കേന്ദ്രസര്ക്കാാണെന്ന് ഒഴുക്കന് മട്ടിലുള്ള മറുപടിയാണ് സത്യവാങ്മൂലത്തിലൂടെ സംസ്ഥാന സര്ക്കാര് സുപ്രീംകോടതിയില് അറിയിച്ചതെന്ന് എം.കെ. മുനീര് കുറ്റപ്പെടുത്തി. സംസ്ഥാനത്തിന്റെ ആവശ്യത്തിനനുസരിച്ച് ജാതി സെന്സസ് നടത്താമെന്ന 105-ാം ഭരണഘടനാ ഭേദഗതി വിസ്മരിച്ചാണ് സര്ക്കാര് സത്യവാങ്മൂലം നല്കിയത്. 2012-ല് ഉമ്മന്ചാണ്ടി മുഖ്യമന്ത്രിയായിരുന്ന കാലത്ത് സ്വാതന്ത്ര്യത്തിന് ശേഷം ആദ്യമായി കേരളത്തില് ജാതി സെന്സസ് നടന്നിട്ടുണ്ട്. എന്നാല് അത് സുപ്രീംകോടതി പിടിച്ചുവെച്ചു. അതിനുണ്ടായ കാരണങ്ങളടക്കം പരിഗണിച്ച് ഇപ്പോഴത്തെ സര്ക്കാര് ജാതി സെന്സസിന് തയ്യാറാണോ? എല്ലാ ജാതികളുടേയും അവസ്ഥ മനസിലാക്കി അവര്ക്കുള്ള ക്ഷേമപദ്ധതികള് നടപ്പാക്കാനാണ് സെന്സസ് ആവശ്യപ്പെടുന്നത്. ജാതി സെന്സസിന് അനുകൂലമാണോ പ്രതികൂലമാണോ സര്ക്കാര് നയമെന്ന് അറിയണമെന്നും എം.കെ മുനീര് ആവശ്യപ്പെട്ടു.
ജനസംഖ്യാ കണക്കെടുപ്പ് നടത്തേണ്ടത് കേന്ദ്രസര്ക്കാരിന്റെ അധികാരപരിധിയില്പ്പെടുന്ന കാര്യമാണെന്ന് മന്ത്രി കെ. രാധാകൃഷ്ണന് മറുപടി നല്കി. 2021-ല് നടക്കേണ്ടിയിരുന്ന സെന്സസിന്റെ ഭാഗമായി സാമ്പത്തിക- സാമൂഹിക സ്ഥിതിവിവരങ്ങള് ശേഖരിക്കുകയാണ് ഉചിതം. സുപ്രീംകോടതിയിലുള്ള കേസില് വിധി വരുന്നത് വരെ ജാതി സെന്സസുമായി ബന്ധപ്പെട്ട് ഇപ്പോള് തീരുമാനിക്കേണ്ടതില്ലെന്നാണ് സര്ക്കാര് നിലപാട്. ഒരു വിഭാഗത്തിന്റേയും അവകാശങ്ങള് നിഷേധിക്കുന്ന നിലപാട് സ്വീകരിക്കില്ല. എല്ലാ ജനവിഭാഗത്തിന്റേയും അവകാശങ്ങള് സംരക്ഷിക്കാന് വേണ്ടി ഏതറ്റവരേയും പോകുന്ന സര്ക്കാരാണിതെന്നും മന്ത്രി പറഞ്ഞു.
കൊച്ചി: സാമ്പത്തിക തട്ടിപ്പ് പരാതിയിൽ സിനിമാ നിർമാതാവ് ജോബി ജോർജിനെതിരെ കേസ്. ബിസിനസിൽ പങ്കാളിയാക്കാമെന്നും കുമരകത്തെ റിസോർട്ടിന്റെ ഉടമയാക്കാമെന്നും വാഗ്ദാനം നൽകി പണം തട്ടിയെടുത്തുവെന്ന പരാതിയിലാണ് കേസ്. കിടങ്ങൂർ സ്വദേശി പ്രകാശ് കുരുവിളയുടെ പരാതിയിൽ കടുത്തുരുത്തി പോലീസ് കേസെടുത്ത് അന്വേഷണം ആരംഭിച്ചു. വ്യാജമെയിലുകൾ കാണിച്ച് വൻകിട ബിസിനസ്സുകാരുമായി ബന്ധമുണ്ടെന്നും മറ്റും തെറ്റിദ്ധരിപ്പിച്ച് ജോബി ജോർജ് പരാതിക്കാരൻ്റെ വിശ്വാസം നേടിയെടുത്തെന്നാണ് എഫ്ഐആറിൽ പറയുന്നത്. കുമരകത്തുള്ള ഹോട്ടൽ വാങ്ങുന്നതിന് അഡ്വാൻസ് എന്ന നിലയിലും മറ്റ് ബിസിനസുകളിൽ പങ്കാളിയാക്കാമെന്ന് വാഗ്ദാനം ചെയ്തും പരാതിക്കാരനിൽ നിന്നും അഞ്ച് ലക്ഷം രൂപ കൈപറ്റിയെന്നാണ് എഫ്ഐആർ പറയുന്നത്.
പരാതിക്കാരൻ അമേരിക്കയിൽ ആയിരുന്നപ്പോൾ അമേരിക്കയിലെ അദ്ദേഹത്തിൻ്റെ അക്കൗണ്ട് വഴി ജോബി ജോർജ് പലതവണകളായി നാലു കോടി നാൽപ്പത് ലക്ഷം രൂപ കൈപ്പറ്റി. പിന്നീട് വാഗ്ദാനം ചെയ്തിരുന്ന പ്രൊജക്ടുകൾ നടക്കാതെ വന്നതോടെ ജോബി ജോർജ് മൂന്ന് കോടി രൂപ മടക്കി നൽകുകയായിരുന്നു. ബാക്കി നൽകേണ്ടിയിരുന്ന ഒരു കോടി നാൽപ്പത് ലക്ഷം രൂപ കൊടുക്കാതെയും വാഗ്ദാനം ചെയ്തിരുന്ന പ്രൊജക്ടിൽ പങ്കാളിയാക്കാതെയും ജോബി ജോർജ് വിശ്വാസ വഞ്ചന നടത്തിയെന്നാണ് എഫ്ഐആറിലുള്ളത്.
Ernakulam
‘തൃണമൂൽ കോൺഗ്രസ് അൻവറിന്റെ തറവാട്ട് സ്വത്തല്ല’; രൂക്ഷ വിമർശനവുമായി ടിഎംസി സംസ്ഥാന അധ്യക്ഷൻ
കൊച്ചി: പി.വി.അൻവറിനെതിരെ രൂക്ഷ വിമർശനവുമായി തൃണമൂൽ കോൺഗ്രസ് കേരള പ്രദേശ് അധ്യക്ഷൻ സിജി ഉണ്ണി. അൻവർ സ്വന്തം നേട്ടത്തിന് വേണ്ടി പാർട്ടിയെ ഉപയോഗപ്പെടുത്തുന്നുവെന്നും ദേശീയ നേതൃത്വത്തിന് പരാതി നൽകുമെന്നും അദ്ദേഹം പറഞ്ഞു. പാർട്ടി കൺവീനർ എന്നത് ഒരു താത്കാലിക പദവി മാത്രമാണെന്നും ഇല്ലാകഥകൾ പറഞ്ഞ് ആളാവാനാണ് അൻവർ ശ്രമിക്കുന്നതെന്നും പാർട്ടി അധ്യക്ഷൻ പറഞ്ഞു. നിലമ്പൂർ തെരഞ്ഞെടുപ്പിൽ പാർട്ടി മത്സരിക്കണോ വേണ്ടയോ എന്ന് പാർട്ടിയിൽ ചേർന്ന് 24 മണിക്കൂറിനകം പ്രഖ്യാപിക്കാൻ ആരും അധികാരപ്പെടുത്തിയിട്ടില്ല. അൻവറിന്റെ തറവാട്ടു സ്വത്തല്ല തൃണമൂൽ കോൺഗ്രസെന്ന് അൻവർ ആദ്യം തിരിച്ചറിയണം.
അൻവറിന്റെ വ്യക്തിപരമായ ചെയ്തികൾക്കെതിരെ നടപടിയുണ്ടാകുമ്പോൾ മുസ്ലിം വികാരം ഉണർത്താനുള്ള ശ്രമമാണ് നടത്തുന്നത്. മതേതര പ്രസ്ഥാനമായ തൃണമൂൽ കോൺഗ്രസിൽ ജാതി സ്പിരിറ്റോടെ കയറിവന്ന് ആ ജാതിക്ക് വേണ്ടി സംസാരിക്കാൻ ആരും അൻവറിനെ ചുമതലപ്പെടുത്തിയിട്ടില്ലെന്നും സി.ജി ഉണ്ണി ആഞ്ഞടിച്ചു.
തിരുവനന്തപുരം: റേഷന് പൊതുവിതരണ പ്രതിസന്ധി പരിഹരിക്കാന് സംസ്ഥാന സര്ക്കാര് അടിയന്തര നടപടിയെടുക്കണമെന്ന് കെ.പി.സി.സി പ്രസിഡന്റ് കെ. സുധാകരന് എം.പി. കേരളത്തിന്റെ ഭക്ഷ്യ പൊതുവിതരണ സംവിധാനത്തെ പാടെ തകര്ക്കുന്ന സമീപനമാണ് പിണറായി സര്ക്കാറിന്റേത്. ഭക്ഷ്യ സുരക്ഷ ഉറപ്പാക്കുന്നതില് കേരളം രാജ്യത്തിന് തന്നെ മാതൃകയായിരുന്നു. സാധാരണ ജനങ്ങളുടെ അന്നം മുടക്കുന്ന സമീപനം തിരുത്താന് സര്ക്കാര് തയ്യാറാകണമെന്നും കെ. സുധാകരന് ആവശ്യപ്പെട്ടു.
വിതരണ കരാറുകാരുടെ പണിമുടക്ക് കാരണം റേഷന് കടകള് കാലിയാണ്. വിതരണ കരാറുകാരുടെ നൂറുകോടിയുടെ കുടിശ്ശിക തീര്ക്കുന്നതില് സര്ക്കാര് വരുത്തിയ അലംഭാവമാണ് ഇപ്പോഴത്തെ പ്രതിസന്ധിക്ക് കാരണം. കഴിഞ്ഞ മാസത്തെ റേഷന് വിഹിതത്തിലെ നീക്കിയിരിപ്പ് ഉപയോഗിച്ചാണ് ഭാഗികമായെങ്കിലും ഈ മാസം വിതരണം ചെയ്തത്. വിതരണ കരാറുകാരുടെ സമരം കാരണം ഈ മാസത്തെ വിഹിതം എത്തിയിട്ടില്ല. ഇതിനുപുറമെ ശമ്പള പരിഷ്കരണം ആവശ്യപ്പെട്ട് ജനുവരി 27 മുതല് റേഷന് കടകള് അടച്ചിട്ടുള്ള വ്യാപാരികളുടെ പ്രതിഷേധം ആരംഭിക്കുന്നതോടെ ഭക്ഷ്യ പൊതുവിതരണ സംവിധാനം പൂര്ണമായും സ്തംഭിക്കും.
90 ലക്ഷം കാര്ഡ് ഉടമകളാണ് നിലവില് സംസ്ഥാനത്തുള്ളത്. പ്രശ്നപരിഹാരത്തിന് സര്ക്കാര് തയാറാകുന്നതിന് പകരം അനാവശ്യ വാശി കാട്ടുകയാണ്. സംസ്ഥാന സര്ക്കാറിന്റെ സാമ്പത്തിക കെടുകാര്യസ്ഥതയുടെ ദുരിതം അനുഭവിക്കേണ്ടി വരുന്നത് സംസ്ഥാനത്തെ താഴെത്തട്ടിലുള്ള അടിസ്ഥാന ജനവിഭാഗമാണ്. സാധാരണക്കാരന്റെ ആശ്രയ കേന്ദ്രമായ റേഷന് വിതരണം അനിശ്ചിതത്തിലാകുന്നതോടെ ഉയര്ന്നവിലക്ക് പൊതുവിപണിയില് നിന്നും അരി വാങ്ങേണ്ട ദുരവസ്ഥയിലാണ് സംസ്ഥാനത്തെ പാവപ്പെട്ട ജനങ്ങളെന്നും കെ. സുധാകരന് പറഞ്ഞു.
അരി അടക്കമുള്ള റേഷന് സാധനങ്ങള്ക്ക് നിശ്ചിതതുക ഗുണഭോക്താവിന്റെ ബാങ്ക് അക്കൗണ്ടില് നല്കുന്ന ഡി.ബി.ടി രീതി നടപ്പിലാക്കുന്നത് നിലവിലെ റേഷന് സമ്പ്രദായത്തിന് ഭീഷണിയാണ്. റേഷന് പകരം പണം നല്കുകയെന്ന കേന്ദ്ര നിര്ദേശം നടപ്പാക്കുന്നത് ഭക്ഷ്യക്ഷാമത്തിലേക്ക് തള്ളിവിടും. ഒരു കിലോ അരിക്ക് 22 രൂപ എന്ന നിലക്കാണ് നല്കുന്നത്. ഈ തുകക്ക് പൊതുവിപണിയില് അരി ലഭിക്കില്ല. അതിനാല് ഡി.ബി.ടി സംവിധാനം നടപ്പാക്കാനുള്ള തീരുമാനം കേന്ദ്ര-സംസ്ഥാന സര്ക്കാരുകള് ഉപേക്ഷിക്കണമെന്നും കെ. സുധാകരന് ആവശ്യപ്പെട്ടു.
-
Kerala2 months agoജീവനക്കാരുടെ ശമ്പളബില്ല്
കേന്ദ്രീകൃതമാക്കാനുള്ള നീക്കം,
ശമ്പളം കവര്ന്നെടുക്കാനുള്ള ആസൂത്രിത ശ്രമമാണെന്ന് ; ചവറ ജയകുമാര് -
News1 month agoക്ഷാമബത്ത കേസില് ഇടക്കാല ഉത്തരവ്
-
News2 months agoക്ഷാമ ബത്ത കേസിൽ ഇടക്കാല ഉത്തരവ്
-
Featured3 months agoഡി എ: പ്രഖ്യാപനം നിരാശാജനകമെന്ന് സെക്രട്ടേറിയറ്റ് അസോസിയേഷൻ
-
Kerala3 months agoക്ഷാമബത്ത: കുടിശ്ശിക നിഷേധിച്ചാൽ നിയമപരമായി നേരിടും; ചവറ ജയകുമാർ
-
News2 months ago
ജീവനക്കാരെ രണ്ടു തട്ടിലാക്കുന്ന നടപടി സർക്കാർ അവസാനിപ്പിക്കണം
-
News1 month agoസര്ക്കാര് ജീവനക്കാരും അധ്യാപകരുംഅനിശ്ചിത കാല പണിമുടക്കിലേക്ക്: സെറ്റോ
-
News3 days agoപണിമുടക്ക് നോട്ടീസ് നൽകി
You must be logged in to post a comment Login