Connect with us
head

Featured

സമ്മിശ്ര സാമ്പത്തിക സ്രോതസുകൾ ശക്തിപ്പെടണം: രാഹുൽ ​ഗാന്ധി

Avatar

Published

on

  • WEB TEAM

അങ്കമാലി: രാജ്യത്തിന്റെ തൊഴിൽ മേഖലയിൽ നിലനില്ക്കുന്ന മാന്ദ്യം മറികടക്കാൻ പൊതു മേഖലയിലെയും സ്വകാര്യ മേഖലയിലെയും വ്യവസായ സ്ഥാപനങ്ങൾ സംരക്ഷക്കപ്പെടണമെന്ന് രാഹുൽ ​ഗാന്ധി. ഭാരത് ജോഡോ യാത്ര നയിച്ചെത്തിയ രാഹുൽ ​ഗാന്ധി അഡ്ലക്സ് കൺവെൻഷൻ സെന്ററിൽ ഐഎൻടിയുസി നേതൃത്വത്തിലുള്ള വിവിധ ട്രേഡ് യൂണിയൻ പ്രതിനിധികളുമായി ആശയ വിനിമയം നടത്തുകയായിരുന്നു. പൊതുമേഖലയെ നിലനിർത്തുകയും സ്വകാര്യ മേഖലയെ പ്രോത്സാഹിപ്പിക്കുകയുമാണ് കോൺ​ഗ്രസിന്റെ നയം. പ്രഥമ പ്രധാനമന്ത്രി പണ്ഡിറ്റ് ജവഹർലാൽ നെഹ്റുവാണ് രാജ്യത്തെ പ്രധാന പൊതു മേഖലാ സ്ഥാപനങ്ങൾക്കെല്ലാം തുടക്കം കുറിച്ചത്. പൊതു മേഖലാ സ്ഥാപനങ്ങൾ സ്ഥാപിക്കുകയും സംരക്ഷിക്കാൻ ആവശ്യമായ നടപടികൾ കോൺ​ഗ്രസ് സർക്കാരുകൾ സ്വീകരിക്കുകയും ചെയ്തു. ഒപ്പം തന്നെ സ്വകാര്യ സ്ഥാപനങ്ങളെ പ്രോത്സാഹിപ്പിക്കുകയം ചെയ്തു. രണ്ടു മേഖലയും തമ്മിൽ ആരോ​ഗ്യകരമായ മത്സരം വേണമെന്നതായിരുന്നു നെഹ്റുജി ആ​​ഗ്രഹിച്ചത്. അതായിരുന്നു കോൺ​ഗ്രസ് സർക്കാരുകളെല്ലാം അനുവർത്തിച്ചു പോന്ന നയങ്ങളും
എന്നാൽ നരേന്ദ്ര മോദി നയിക്കുന്ന സർക്കാർ രാജ്യത്തെ പൊതുമേഖലാ സ്ഥപനങ്ങളെല്ലാം വിറ്റു തുലയ്ക്കുയാണ്. രാജ്യത്തിന്റെ സാമ്പത്തിക തകർച്ച മാത്രമല്ല, ലക്ഷക്കണക്കിനു തൊഴിലാളികളുടെ ജിവിത മാർ​ഗം ഇല്ലാതാക്കുന്ന നയങ്ങൾ സ്വീകരിക്കുകയുമാണു കേന്ദ്ര സർക്കാർ ചെയ്യുന്നെതെന്ന് ഐഎൻടിയുസി സംസ്ഥാന പ്രസിഡന്റ് ആർ. ചേന്ദ്രശേഖരൻ ചൂണ്ടിക്കാട്ടി. കേന്ദ്ര സംസ്ഥാന പൊതുമേഖലാ സ്ഥാപനങ്ങളെ സംരക്ഷിക്കാനും തൊഴിലാളികളുടെ ജീവിത മാർ​ഗം നിലനിർത്താനും ആവശ്യമായ ന‌ടപടകൾ സ്വീകരിക്കണമെന്ന് സംവാദത്തിൽ പങ്കെടുത്ത പ്രതിനിധികൾ ആവശ്യപ്പെട്ടു.
കേരളത്തിലെ തൊഴിൽ പ്രശ്നങ്ങൾ ശ്രദ്ധാപൂർവം കേട്ട രാഹുൽ ​ഗാന്ധി, സംസ്ഥാനത്ത് യുഡിഎഫ് അധികാരത്തിൽ വന്നാൽ വ്യവസായ വികസനത്തിന് ഊന്നൽ നൽകുമെന്ന് ഉറപ്പ് നൽകി. വളരെ ലാഭത്തിൽ പ്രവർത്തിക്കുന്ന കൊച്ചിൻ റിഫൈനറി, കൊച്ചിൻ ഷിപ്പ്‌യാർഡ് തുടങ്ങിയ സ്ഥാപനങ്ങൾ സംരക്ഷിക്കാൻ കോൺ​ഗ്രസ് പ്രതിജ്ഞാബദ്ധമാണെന്ന് രാഹുൽ ​ഗാന്ധി അറിയിച്ചു. കേരളത്തിലടക്കം വ്യവസായ സംരക്ഷണത്തിന് തൊഴിലാളികളുടെ നിർദേശം സമർപ്പിക്കാൻ ഐഎൻടിയുസി പ്രസിഡന്റ് ആർ. ചന്ദ്രശേഖരനെ രാഹുൽ ​ഗാന്ധി ചുമതലപ്പെടുത്തി. ഇതുമായി ബന്ധപ്പെട്ട പ്രവർത്തനങ്ങൾ ഏകോപിപ്പിക്കാൻ രാഹുൽ ​ഗാന്ധിയുടെ പ്രൈവറ്റ് സെക്രട്ടറിയെ ചുമതലപ്പെടുത്തുകയും ചെയ്തു. ഐഎൻടിയുസി എറണാകുളം ജില്ലാ പ്രസിഡന്റ്കെ.കെ. ഇബ്രാഹിംകുട്ടി അടക്കം മുപ്പതോളം പ്രതിനിധികളാണ് ചർച്ചയിൽ പങ്കെടുത്തത്.
പ്രതിപക്ഷ നേതാവ് വി.ഡി. സതീശൻ, രമേശ് ചെന്നിത്തല എംഎൽഎ, റോജി എം. ജൺ എംഎൽഎ തുടങ്ങിയവരും സന്നിഹിതരായിരുന്നു.

Continue Reading
Advertisement
head
Click to comment

You must be logged in to post a comment Login

Leave a Reply

Featured

ഫെബ്രുവരി 7ന് കോണ്‍ഗ്രസ്
കളക്ട്രേറ്റുകളിലേക്കും സെക്രട്ടറിയേറ്റിലേക്കും പ്രതിഷേധ മാര്‍ച്ച് നടത്തും

Published

on

കേരള സര്‍ക്കാര്‍ ബജറ്റിലൂടെ നടത്തിയ ജനദ്രോഹ നടപടികള്‍ക്കും നികുതി കൊള്ളയ്ക്കും എതിരെ കേരളം സ്തംഭിപ്പിക്കുന്ന പ്രക്ഷോഭം കോണ്‍ഗ്രസ് സംഘടിപ്പിക്കുമെന്ന് കെപിസിസി ജനറല്‍ സെക്രട്ടറി ടി.യു.രാധാകൃഷ്ണന്‍.ഫെബ്രുവരി 7ന്( ചൊവ്വാഴ്ച)ഡിസിസികളുടെ നേതൃത്വത്തില്‍ തിരുവനന്തപുരത്ത് സെക്രട്ടറിയേറ്റിലേക്കും മറ്റു ജില്ലകളില്‍ കളക്ട്രേറ്റുകളിലേക്കും പ്രതിഷേധ മാര്‍ച്ച് സംഘടിപ്പിക്കുമെന്നും അദ്ദേഹം അറിയിച്ചു.

ജനത്തിന്റെ നടുവൊടിക്കുന്ന നികുതി നിര്‍ദ്ദേശങ്ങള്‍ പിന്‍വലിക്കുന്നത് വരെ അതിശക്തമായ സമരപരിപാടികളാണ് കെപിസിസി ആസൂത്രണം ചെയ്യുന്നത്. കേരളത്തിന്റെ ചരിത്രത്തില്‍ ഇതുപോലൊരു നികുതി വര്‍ധനവ് ഉണ്ടായിട്ടില്ല. അതുകൊണ്ട് തന്നെ കേരളം ഇതുവരെ കാണാത്തതിലും വലിയ പ്രക്ഷോഭമായിരിക്കും ഉണ്ടാകാന്‍ പോകുന്നതെന്നും ടി.യു.രാധാകൃഷ്ണന്‍ പറഞ്ഞു.

Advertisement
head
Continue Reading

Featured

ഫ്രാൻസിസ് മാർപാപ്പ അടുത്ത വർഷം ഇന്ത്യയിലെത്തും

Published

on

സുഡാൻ: ആ​ഗോള കത്തോലിക്കാ സഭാ തലവൻ ഫ്രാൻസിസ് മാർപാപ്പ അടുത്ത വർഷം ഇന്ത്യയിലെത്തും. സുഡാൻ സന്ദർശനത്തിന് ശേഷം മടങ്ങുമ്പോഴാണ് മാർപാപ്പയുടെ പ്രതികരണം. രണ്ട് പതിറ്റാണ്ടിന് ശേഷമാണ് ഒരു മാർപാപ്പ ഇന്ത്യയിൽ എത്തുന്നത്. 1999 ൽ ജോൺ പോൾ രണ്ടാമൻ മാർപാപ്പ ആണ് അവസാനമായി ഇന്ത്യയിൽ എത്തിയത്.
മാധ്യമ പ്രവർത്തകരുടെ ചോദ്യത്തിന് മറുപടി ആയിട്ടാണ് ഫ്രാൻസിസ് മാർപാപ്പ സന്ദർശന വിവരം അറിയിച്ചത്.

Continue Reading

Featured

ഇടുക്കി മുതിരപ്പുഴയിൽ വിനോദസഞ്ചാരിയെ കാണാതായി

Published

on

ഇടുക്കി: മുതിരപ്പുഴയിൽ വിനോദസഞ്ചാരിയെ കാണാതായി. ഹൈദരാബാദ് സ്വദേശി സന്ദീപ് (20)നെയാണ് കാണാതായത്. മുതിരപ്പുഴയിലെ ചുനയംമാക്കൽകുത്ത് കാണാനാണ് സന്ദീപും സുഹൃത്തുക്കളും എത്തിയത്‌. വെള്ളത്തിലിറങ്ങിയ സന്ദീപ് കാൽ വഴുതി ഒഴുക്കിൽപ്പെടുകയായിരുന്നു.പൊലീസും ഫയർഫോഴ്‌സും ചേർന്ന് തിരച്ചിൽ തുടരുകയാണ്.

Continue Reading

Featured