Connect with us
top banner (3)

Idukki

മൂന്നാറിലെ അനധികൃത കയ്യേറ്റങ്ങൾ ദൗത്യസംഘം ഒഴിപ്പിക്കുന്നു; ആനയിറങ്കൽ – ചിന്നക്കനാൽ മേഖലയിൽ പ്രതിഷേധവുമായി നാട്ടുകാർ

Avatar

Published

on

ഇടുക്കി: മൂന്നാറിൽ സർക്കാർ ഭൂമിയിലെ അനധികൃത കയ്യേറ്റങ്ങൾ ഒഴിപ്പിക്കുന്നു. ആനയിറങ്കൽ – ചിന്നക്കനാൽ മേഖലയിൽ സർക്കാർ ഭൂമി കയ്യേറി ഏല കൃഷി നടത്തിയതാണ് മൂന്നാർ ദൗത്യസംഘം ഒഴിപ്പിക്കുന്നത്. അഞ്ച് ഏക്കർ ഏല കൃഷിയാണ് ഒഴിപ്പിക്കുന്നത്. ജില്ലാ കളക്ടറുടെ കീഴിലുള്ള ദൗത്യ സംഘത്തിന്റേതാണ് നടപടി. പ്രതിഷേധ സാധ്യത കണക്കിലെടുത്ത് പ്രദേശത്ത് വൻ പോലീസ് സന്നാഹമാണുള്ളത്.

അടിമാലി സ്വദേശി റ്റിജു കുര്യാക്കോസ് കയ്യേറിയ അഞ്ച് ഏക്കർ അമ്പത്തി അഞ്ച് സെന്‍റ് സ്ഥലത്തെ ഒഴിപ്പിക്കൽ നടപടികള്‍ പൂർത്തിയായി. കയ്യേറ്റ ഭൂമിയില്‍ ദൗത്യസംഘം സര്‍ക്കാര്‍ ഭൂമിയെന്ന ബോര്‍ഡ് സ്ഥാപിച്ചു. സ്ഥലത്തെ കെട്ടിടങ്ങളും ഉദ്യോഗസ്ഥര്‍ സീല്‍ ചെയ്തു. അതിനിടെ, കയ്യേറ്റം ഒഴിപ്പിക്കലിനെതിരെ പ്രതിഷേധവുമായി നാട്ടുകാർ രംഗത്തെത്തി. ചെറുകിട കുടിയേറ്റക്കാര്‍ക്കും നോട്ടീസ് നല്‍കിയെന്ന പരാതിയാണ് ജനങ്ങള്‍ ഉയര്‍ത്തുന്നത്.

Advertisement
1000x200 PX MALAYALI DCTR MDX-02-02
Continue Reading
Advertisement
1000x200 PX MALAYALI DCTR MDX-02-02
Click to comment

You must be logged in to post a comment Login

Leave a Reply

Idukki

ഇടുക്കി മെഡിക്കല്‍ കോളേജിന് ദേശീയ മെഡിക്കല്‍ കമ്മീഷന്റെ കാരണം കാണിക്കല്‍ നോട്ടിസ്

Published

on

ഇടുക്കി: ഇടുക്കി മെഡിക്കല്‍ കോളേജിന് ദേശീയ മെഡിക്കല്‍ കമ്മീഷന്റെ കാരണം കാണിക്കല്‍ നോട്ടിസ്. മെഡിക്കല്‍ കോളജിലെ സൗകര്യങ്ങള്‍ സംബന്ധിച്ച് വിദഗ്ധ സമിതി നടത്തിയ പരിശോധനകളില്‍ കണ്ടെത്തിയ പോരായ്മകളുടെ അടിസ്ഥാനത്തിലാണു നോട്ടീസ്. കൂടുതല്‍ സൗകര്യങ്ങള്‍ ഒരുക്കിയെന്ന് ഇന്ന് നടക്കുന്ന മെഡിക്കല്‍ കമ്മീഷന്‍ ഹിയറിംഗില്‍ അറിയിക്കാനാണ് കോളേജ് അധികൃതരുടെ തീരുമാനം.

അടുത്ത അധ്യയന വര്‍ഷത്തെ അഡ്മിഷനു വേണ്ടി ഇടുക്കി മെഡിക്കല്‍ കോളജിലുള്ള സൗകര്യങ്ങള്‍ സംബന്ധിച്ച റിപ്പോര്‍ട്ടും പരീക്ഷകളുടെ വീഡിയോയും ദേശീയ മെഡിക്കല്‍ കൗണ്‍സിലിന് സമര്‍പ്പിച്ചിരുന്നു. ഇത് പരിശോധിച്ച സമിതിയാണ് അപാകതകള്‍ കണ്ടെത്തിയത്. 20 ഡിപ്പാര്‍ട്‌മെന്റുകളിലും ആവശ്യത്തിനു ഫാക്കല്‍റ്റികളും സീനിയര്‍ റസിഡന്റുമാരും ട്യൂട്ടര്‍മാരും ഇല്ലെന്ന കാര്യം എടുത്തുപറഞ്ഞിട്ടുണ്ട്. ആശുപത്രിയില്‍ കിടക്കകള്‍ കുറവാണെന്നും മേജര്‍ ശസ്ത്രക്രിയകള്‍ കുറച്ചു മാത്രമേ ചെയ്യുന്നുള്ളൂവെന്നും പറയുന്നു. കണ്ണ്, ഇഎന്‍ടി വിഭാഗങ്ങളിലെ കുറവുകളും എക്‌സ് റേ, അള്‍ട്രാസൗണ്ട്, സിടി സ്‌കാന്‍, എംആര്‍ഐ സ്‌കാന്‍ എന്നിവയിലെ പോരായ്മകളും ചൂണ്ടിക്കാട്ടിയിട്ടുണ്ട്. ഇവയില്‍ ഭൂരിഭാഗവും ശരിയാണെന്നാണ് വിദ്യാര്‍ത്ഥികളും പറയുന്നത്.

Advertisement
1000x200 PX MALAYALI DCTR MDX-02-02

ലക്ചര്‍ ഹാളില്ലാത്തതിനാല്‍ പരിമിത സൗകര്യത്തില്‍ തിങ്ങി ഞെരുങ്ങിയിരുന്നാണ് കുട്ടികള്‍ പഠിക്കുന്നത്. അതേ സമയം വാര്‍ഷിക റിപ്പോര്‍ട്ട് സമര്‍പ്പിച്ച ശേഷം കൂടുതല്‍ സൗകര്യങ്ങള്‍ ഏര്‍പ്പെടുത്തിയിട്ടുണ്ടെന്നാണ് കോളജ് അധികൃതകരുടെ വിശദീകരണം. നോട്ടീസിനുള്ള മറുപടി തൃപ്തികരമല്ലെങ്കില്‍ സീറ്റുകളുടെ എണ്ണം വെട്ടിക്കുറക്കുകയും പിഴ ചുമത്തുകയും ചെയ്യുമെന്നും നോട്ടീസിലുണ്ട്.

Advertisement
1000x200 PX MALAYALI DCTR MDX-02-02
Continue Reading

Idukki

‘മിഷൻ 2024’മായി കെഎസ്‌യു; സംസ്ഥാന എക്സിക്യൂട്ടീവിന് തുടക്കമായി

Published

on

ഇടുക്കി: പുതിയ അദ്ധ്യായന വർഷത്തിൽ പുത്തൻ മാറ്റങ്ങളുമായി കെഎസ്‌യു. ഒരു വർഷം നീണ്ടു നിൽക്കുന്ന പ്രവർത്തന പരിപാടികൾക്ക് രൂപം നൽകാൻ കെഎസ്‌യു സംസ്ഥാന എക്സിക്യൂട്ടീവിന് ഇടുക്കിരാമക്കൽമേട്ടിൽ തുടക്കമായി.രണ്ട് ദിവസം നീണ്ടു നിൽക്കുന്ന എക്സിക്യൂട്ടീവ് ക്യാമ്പ് നാളെ (മെയ് 17, വെള്ളി) സമാപിക്കും.

സംഘടനാ – രാഷ്ട്രീയ വിഷയങ്ങൾ, പാർലമെൻ്റ് ഇലക്ഷൻ അവലോകനം, കോളേജ് യൂണിയൻ തെരഞ്ഞെടുപ്പികളിൽ ഉണ്ടായ മുന്നേറ്റം നിലനിർത്താനും നഷ്ടപ്പെട്ട യൂണിയൻ പിടിച്ചെടുക്കാനുമുള്ള ആക്ഷൻ പ്ലാൻ രൂപം നൽകൽ, തുടങ്ങിയ വിഷയങ്ങളിൽ ചർച്ചകൾ ഉണ്ടാകും. കെഎസ്‌യു സംസ്ഥാന പ്രസിഡൻറ്, വൈസ് പ്രസിഡൻ്റുമാർ, ജന:സെക്രട്ടറിമാർ, കൺവീനർമാർ,എക്സിക്യൂട്ടീവ് അംഗങ്ങൾ എന്നിവർക്ക് മാത്രമാണ് ക്യാമ്പിൽ പ്രവേശനം.

Advertisement
1000x200 PX MALAYALI DCTR MDX-02-02

അദ്ധ്യായന വർഷത്തിന് മുന്നോടിയായി രണ്ട് മേഖല ക്യാമ്പുകൾ സംഘടിപ്പിക്കാൻ തീരുമാനിച്ചു. തിരുവനന്തപുരം മുതൽ എറണാകുളം വരെയുള്ള പ്രതിനിധികളെ പങ്കെടുപ്പിച്ച് മെയ് 24, 25, 26 തീയതികളിൽ നെയ്യാർ രാജീവ് ഗാന്ധി ഇൻസ്റ്റിറ്റ്യൂട്ടിൽ വെച്ച് ആദ്യ മേഖല ക്യാമ്പ് സംഘടിപ്പിക്കുമെന്ന് സംസ്ഥാന പ്രസിഡൻ്റ് അലോഷ്യസ് സേവ്യർ അറിയിച്ചു.

Advertisement
1000x200 PX MALAYALI DCTR MDX-02-02
Continue Reading

Idukki

പോക്സോ കേസ് അതിജീവിത വീടിനുള്ളിൽ കഴുത്തിൽ ബെൽറ്റ് കുരുങ്ങി മരിച്ച നിലയിൽ

Published

on

ഇടുക്കി: ഇരട്ടയാർ പോക്സോ കേസിലെ അതിജീവിതയായ 17കാരി വീട്ടിനുള്ളില്‍ മരിച്ച നിലയില്‍. ഇടുക്കി ഇരട്ടയാറിലാണ് ഇന്ന് രാവിലെയോടെ ആണ് പതിനേഴുകാരിയെ വീട്ടിനുള്ളില്‍ മരിച്ച നിലയില്‍ കണ്ടെത്തിയത്. പെണ്‍കുട്ടിയെ കൊലപ്പെടുത്തിയതാകാമെന്നാണ് പൊലീസിന്‍റെ പ്രാഥമിക നിഗമനം. കഴുത്തില്‍ ബെല്‍റ്റ് മുറുക്കിയ നിലയില്‍ ആണ് മൃതദേഹം കണ്ടത്. സംഭവത്തില്‍ കേസെടുത്ത പൊലീസ് അന്വേഷണം ആരംഭിച്ചു. രാവിലെ ജോലിക്ക് പോയ പെൺകുട്ടിയുടെ അമ്മ 11 മണിയോടെ വീട്ടിലെത്തിയപ്പോഴാണ് പെണ്‍കുട്ടിയെ മരിച്ച നിലയില്‍ കണ്ടെത്തിയത്. കഴുത്തില്‍ ബെല്‍റ്റ് മുറുക്കിയ നിലയില്‍ കട്ടിലിലാണ് മൃതദേഹം കിടക്കുന്നത്. ഫൊറൻസിക് വിദഗ്ദ്ധരും വിരലടയാള വിദഗ്ധരുമെത്തി തെളിവുകള്‍ ശേഖരിച്ച ശേഷം മൃതദേഹം പോസ്റ്റുമോർട്ടത്തിനായിമാറ്റി.

Continue Reading

Featured