Connect with us
inner ad

Education

ഉന്നത വിദ്യാഭ്യാസ മേഖലയെ തച്ചുതകർക്കുന്ന മന്ത്രി ആർ ബിന്ദുവിനെ തെരുവിൽ തടയും; കെഎസ്‌യു

Avatar

Published

on

തിരുവനന്തപുരം: ഉന്നത വിദ്യാഭ്യാസ മേഖലയെ തച്ചുതകർക്കുന്ന മന്ത്രി ആർ. ബിന്ദുവിനെ തെരുവിൽ തടയുമെന്ന്‌ കെഎസ്‌യു. അധികാര ദുർവിനിയോഗം നടത്തി പ്രിൻസിപ്പൽ നിയമനം അട്ടിമറിച്ച ആർ. ബിന്ദു അടിയന്തരമായി മന്ത്രി സ്ഥാനം രാജിവെക്കണമെന്ന്‌ സംസ്ഥാന കെഎസ്‌യു സംസ്ഥാന പ്രസിഡന്റ്‌ അലോഷ്യസ്‌ സേവ്യർ ആവശ്യപ്പെട്ടു. നിയമനത്തിൽ മന്ത്രിയുടെ വഴിവിട്ട ഇടപെടൽ സംബന്ധിച്ച കൂടുതൽ വിവരങ്ങൾ പുറത്തു വന്നിരിക്കുകയാണ്‌. സംസ്ഥാനത്തെ 66 ഗവൺമെന്റ്‌ കലാലയങ്ങളിൽ പ്രിൻസിപ്പൽമാരുടെ ഒഴിവുകളുണ്ട്‌. ഒഴിവുകളിൽ നിയമനം നടത്താൻ ഉന്നത വിദ്യാഭ്യാസ വകുപ്പ്‌ 43 പ്രിൻസിപ്പൽമാരുടെ പട്ടികയുണ്ടാക്കുകയും അത്‌ പിഎസ്സി അംഗീകരിക്കുകയും ചെയ്തതാണ്‌. എന്നാൽ ഉന്നത വിദ്യാഭ്യാസ വകുപ്പ്‌ മന്ത്രി അനധികൃതമായി ഇടപെട്ട്‌ അപ്പലേറ്റ്‌ കമ്മിറ്റിയുണ്ടാക്കി ആ പട്ടികയിൽ ഉൾപ്പെട്ടവരെ നിയമിച്ചില്ല. തങ്ങളുടെ ഇഷ്ടക്കാർ പട്ടികയിൽ ഉൾപ്പെട്ടിരുന്നില്ല എന്ന കാരണത്താലാണ്‌ ഇതെന്നും കെഎസ്‌യു സംസ്ഥാന പ്രസിഡന്റ്‌ ആരോപിച്ചു. പ്രിൻസിപ്പൽ നിയമനത്തിലെ മന്ത്രിയുടെ ഇടപെടൽ നേരത്തെതന്നെ പ്രതിപക്ഷം ചൂണ്ടിക്കാട്ടിയിട്ടുള്ളതാണ്‌. ഉന്നത വിദ്യാഭാസ മേഖലയുടെ നിലവാരത്തെ എൽഡിഎഫ്‌ സർക്കാർ തകർക്കുകയാണെന്ന കെഎസ്‌യു നിലപാട്‌ ശരിവെക്കുന്നതാണ്‌ പ്രിൻസിപ്പൽ നിയമനത്തിലെ മന്ത്രിയുടെ ഇടപെടൽ സംബന്ധിച്ച വാർത്തകൾ. വിഷയത്തിൽ സംസ്ഥാനത്തുടനീളം ശക്തമായ പ്രതിഷേധം സംഘടിപ്പിക്കുമെന്നും അലോഷ്യസ്‌ സേവ്യർ വ്യക്തമാക്കി.

Education

എസ്.എസ്.എല്‍.സി, ഹയര്‍സെക്കൻഡറി പരീക്ഷാ മൂല്യനിര്‍ണയം ഇന്ന് ആരംഭിക്കും

Published

on

തിരുവനന്തപുരം: എസ്‌എസ്‌എല്‍സി, ഹയര്‍സെക്കന്‍ഡറി പരീക്ഷ മൂല്യനിര്‍ണയം ഇന്ന് ആരംഭിക്കും. 70 ക്യാമ്ബുകളിലായി പതിനാലായിരത്തോളം അധ്യാപകരെയാണ് എസഎസ്‌എല്‍സി മൂല്യനിര്‍ണയത്തിനായി ചുമതലപ്പെടുത്തിയിട്ടുളളത്. എല്ലാ വിഷയങ്ങളും കൂടി മുപ്പത്തിയെട്ടര ലക്ഷം പേപ്പറുകൾ പരിശോധിക്കാനുണ്ട്. ഹയർ സെക്കൻഡറിയിൽ മൊത്തം 77 ക്യാമ്പുകൾ ആണ് സജ്ജീകരിച്ചിരിക്കുന്നത്. മൊത്തം 25000 ത്തോളം അധ്യാപകർ മൂല്യനിർണയ ക്യാമ്പിൽ പങ്കെടുക്കുന്നുണ്ട്. പ്ലസ് വൺ പ്ലസ്ടു ക്ലാസുകളിലെ 52 ലക്ഷത്തിൽപരം ഉത്തരക്കടലാസുകൾ ആണ് മൂല്യനിർണയം നടത്തുക. ഏപ്രിൽ 20 ന് മൂല്യനിർണയം പൂർത്തിയാകും.തുടർന്ന് മെയ് ആദ്യവാരം ഫലം പ്രഖ്യാപനം ഉണ്ടാകുമെന്നാണ് പുറത്തു വരുന്ന വിവരം.

Advertisement
VKSHNM NWS KWT 1000 x 180 PX-01
Continue Reading

Education

വൈകുന്ന യൂണിഫോം അലവൻസ് സ്കൂൾ പിടിഎകളെയും അധ്യാപകരെയും പ്രതിസന്ധിയിലാക്കുന്നു ; കെ പി എസ് ടി എ

Published

on

വിദ്യാലയങ്ങളിൽ കുട്ടികൾക്ക് യൂണിഫോം നൽകേണ്ടത് വർഷത്തിന്റെ ആരംഭത്തിലാണ്. ഇത് അറിയാത്തവരായി ആരും ഇല്ല. 2023 മെയ്, ജൂൺ മാസങ്ങളിൽ അനുവദിക്കേണ്ടിയിരുന്ന സ്കൂൾ യൂണിഫോം ഫണ്ട് സർക്കാർ ഇപ്പോൾ അനുവദിച്ചു നൽകിയിരിക്കുന്നത് 2024 മാർച്ച് മാസത്തിൽ സ്കൂൾ അടയ്ക്കുന്ന വേളയിലാണ്. സർക്കാരിന്റെ ഭാഗത്തുനിന്നുള്ള ഈ കാലവിളമ്പത്തിന്റെ ദുരിതം കുട്ടികൾ അനുഭവിക്കാതിരിക്കാനായി പല സ്കൂൾ പിടിഎ കമ്മിറ്റികളും അധ്യാപകരും ചേർന്ന് സർക്കാരിൽ നിന്ന് പണം കിട്ടുന്ന മുറയ്ക്ക് അഡ്ജസ്റ്റ് ചെയ്യാം എന്ന ചിന്തയിൽ പണം കയ്യിൽ നിന്ന് അഡ്വാൻസ് ചെയ്ത് കുട്ടികൾക്ക് വർഷാരംഭത്തിൽ തന്നെ യൂണിഫോം വാങ്ങി നൽകുകയുണ്ടായി. കുട്ടികൾക്കുള്ള ഈ പണം ലഭിക്കാനായി കെപിഎസ്ടിഎ നിരന്തരമായി നിവേദനങ്ങൾ നൽകുകയും, സമരങ്ങൾ നടത്തുകയും ചെയ്യുകയുണ്ടായി.

ഒരു വർഷം നീണ്ട സമരങ്ങൾക്ക് ഒടുവിൽ 2024 മാർച്ച് മാസം യുപി വിഭാഗം കുട്ടികൾക്കുള്ള ഫണ്ട് അനുവദിച്ചു ഉത്തരവായി. കുട്ടികളുടെ അക്കൗണ്ടുകളിലേക്ക് നേരിട്ട് പണം ക്രെഡിറ്റ് ആകുന്ന സംവിധാനമാണ് ഇതിനുവേണ്ടി സർക്കാർ ചെയ്തത്. കുട്ടികളുടെ അക്കൗണ്ടിലേക്ക് നേരിട്ട് പോകുന്ന പണം ആയതിനാൽ അത് തിരികെ പിടിഎ യ്ക്ക് കിട്ടുക എന്നത് വളരെ ബുദ്ധിമുട്ടായി തീർന്നിരിക്കുകയാണ്. സർക്കാരിൽ നിന്ന് പണം ലഭിക്കുമ്പോൾ അഡ്ജസ്റ്റ് ചെയ്യാം എന്ന് ചിന്തയിൽ പണം മുടക്കിയ പിടിഎ ഭാരവാഹികളും, അധ്യാപകരും പ്രതിസന്ധിയിലായിരിക്കുന്നു.

Advertisement
VKSHNM NWS KWT 1000 x 180 PX-01

യൂണിഫോം അലവൻസ് സ്കൂൾ വർഷാരംഭത്തിൽ തന്നെ നിർബന്ധമായും വിതരണം ചെയ്യേണ്ടതാണെന്നും, സർക്കാർ അത് വർഷാവസാനം വരെ വൈകിപ്പിച്ചത് കൊണ്ടാണ് ഈ പ്രതിസന്ധി നിലവിൽ ഉണ്ടായിരിക്കുന്നത് എന്നും, നിലവിലുള്ള ഈ പ്രതിസന്ധിക്ക് സർക്കാർ തന്നെ പരിഹാരം കണ്ടെത്തണമെന്നും, വരും വർഷങ്ങളിൽ ജൂൺ മാസത്തിൽ തന്നെ യൂണിഫോം അലവൻസ് വിതരണം ചെയ്യാനുള്ള സംവിധാനം സർക്കാർ ഉണ്ടാക്കണമെന്നും കെപിഎസ്ടിഎ സംസ്ഥാന സമിതി ആവശ്യപ്പെട്ടു.

സംസ്ഥാന പ്രസിഡന്റ് കെ. അബ്ദുൽ മജീദ് അധ്യക്ഷത വഹിച്ചു. സംസ്ഥാന ജനറൽ സെക്രട്ടറി പി കെ അരവിന്ദൻ , ട്രഷറർ വട്ടപ്പാറ അനിൽകുമാർ, സംസ്ഥാന സീനിയർ വൈസ് പ്രസിഡന്റ്‌ ടി. എ. ഷാഹിദ റഹ്മാൻ,അസോസിയേറ്റ് ജനറൽ സെക്രട്ടറി എൻ രാജ്മോഹൻ, സംസ്ഥാന വൈസ് പ്രസിഡന്റുമാരായ കെ. രമേശൻ, ബി. സുനിൽകുമാർ , ബി. ബിജു, അനിൽ വെഞ്ഞാറമൂട്, ടി.യു. സാദത്ത്, സാജു ജോർജ്, പി. എസ്. ഗിരീഷ് കുമാർ, സംസ്ഥാന സെക്രട്ടറിമാരായ പി. വി. ജ്യോതി, ജയചന്ദ്രൻ പിള്ള, ജി.കെ. ഗിരീഷ്, ജോൺ ബോസ്കോ, വർഗീസ് ആന്റണി, മനോജ്‌ പി. എസ്., പി. എം. നാസർ, പി. വിനോദ് കുമാർ, എം. കെ. അരുണ എന്നിവർ പ്രസംഗിച്ചു.

Advertisement
VKSHNM NWS KWT 1000 x 180 PX-01
Continue Reading

Education

എസ്എസ്എല്‍സി അവസാന പരീക്ഷ ഇന്ന്

മെയ് രണ്ടാംവാരം പരീക്ഷ ഫലം പ്രഖ്യാപിക്കും

Published

on

എസ്എസ്എല്‍സി പരീക്ഷ ഇന്ന് അവസാനിക്കും. മാർച്ച് നാലിന് ആരംഭിച്ച പരീക്ഷയിൽ 3000 ത്തോളം പരീക്ഷാ കേന്ദ്രങ്ങളിലായി നാലേകാൽ ലക്ഷം വിദ്യാർഥികളാണ് പരീക്ഷ എഴുതിയത്. ഏപ്രിൽ മൂന്ന് മുതൽ 20 വരെ രണ്ട് ഘട്ടങ്ങളിലായാണ് ഉത്തരക്കടലാസുകളുടെ മൂല്യനിർണയം നടക്കുക.

മെയ് രണ്ടാംവാരം പരീക്ഷ ഫലം പ്രഖ്യാപിക്കും. 70 ക്യാമ്പുകളിലായി പതിനായിരത്തോളം അധ്യാപകർ എസ്എസ്എൽസി മൂല്യനിർണ്ണയ ക്യാമ്പിൽ പങ്കെടുക്കും. ഹയർസെക്കൻഡറി പരീക്ഷകൾ നാളെയാണ് അവസാനിക്കുന്നത്. 77 ക്യാമ്പുകളിലായി ഹയർസെക്കൻഡറി പരീക്ഷയുടെ മൂല്യനിർണ്ണയവും നടക്കും.

Advertisement
VKSHNM NWS KWT 1000 x 180 PX-01

എട്ട് ക്യാമ്പുകളിലായി 22000 അധ്യാപകർ വൊക്കേഷണൽ ഹയർ സെക്കൻഡറി മൂല്യനിർണ്ണയത്തില്‍ പങ്കെടുക്കും.ഇത്തവണ റെഗുലര്‍ വിഭാഗത്തില്‍ 4,27,105 വിദ്യാര്‍ഥികളാണ് പരീക്ഷ എഴുതിയത്. കേരളം, ലക്ഷദ്വീപ്, ഗൾഫ് മേഖലകളിലായി 2971 കേന്ദ്രങ്ങളിലായാണ് പരീക്ഷ നടന്നത്.

Advertisement
VKSHNM NWS KWT 1000 x 180 PX-01
Continue Reading

Featured