_{കുവൈറ്റ് സിറ്റി: കൊല്ലം ജില്ലാ പ്രവാസി സമാജത്തിന്റെ ഇഫ്‌താർ സംഗമം മാർച്ച് 13 വൈഴാഴ്ച്ച വൈകിട്ട് 05.00 മണിയ്ക്ക് മങ്കഫ് മെമ്മറീസ് ഹാളിൽ വച്ച് നടന്നു. പ്രസിഡന്റ് അലക്സ് പുത്തൂർ അദ്ധ്യക്ഷത വഹിച്ച യോഗത്തിൽ ഇഫ്‌താർ പ്രോഗ്രാം കൺവീനർ ശശി കർത്ത സ്വാഗതം ആശംസിച്ചു. കേരള ഇസ്ലാമിക്‌ ഗ്രൂപ്പിന്റെ ഹജ്ജ് / ഉംറ സെൽ കൺവീനർ നിയാസ് ഇസ്ലാഹി മുഖ്യ പ്രഭാഷണം നടത്തി. രക്ഷാധികാരി ജോയ് ജോൺ തുരുത്തിക്കര, അഡ്വൈസറി ബോർഡ്‌ മെമ്പർ ജെയിംസ് പൂയപ്പള്ളി, ജനറൽ സെക്രട്ടറി ബിനിൽ ദേവരാജൻ, വനിതാ ചെയർ പേഴ്സൺ രഞ്ജന ബിനിൽ, കുട ജന. കൺവീനർ മാർട്ടിൻ മാത്യുഎന്നിവർക്ക് പുറമെ കുവൈത്തിലെ സാമൂഹിക സാംസ്കാരിക മേഘലകളിലെ നിരവധി പേർ ആശംസകൾ അറിയിച്ച് സംസാരിച്ചു. നോമ്പുതുറയും, ഇഫ്താർ വിരുന്നും നടത്തപ്പെട്ടു. ട്രഷർ ശ്രീ. തമ്പി ലൂക്കോസ് നന്ദി രേഖപ്പെടുത്തി. കെ.ജെ. പി.എസ്സ് ജോയിന്റ് ട്രെഷറർ സലിൽ വർമ, ആക്ടിങ് ഓർഗനൈസേഷൻ സെക്രട്ടറി രാജൂ വർഗ്ഗീസ്, ആർട്സ് സെക്രട്ടറി ബൈജു മിഥുനം, മീഡിയ വിംഗ് കൺവീനർ പ്രമീൽ പ്രഭാകർ, അബ്ബാസിയ കൺവീനർ ഷാജി സാമുവൽ, മംഗഫ് കൺവീനർ നൈസാം റാവുത്തർ, സാൽമിയ കൺവീനർ അജയ്‌ നായർ, മെഹബുള്ള കൺവീനർ വര്ഗീസ് ഐസക്, ഫർവാനിയ കൺവീനർ വത്സരാജ്, അബ്ദുൾ വാഹിദ്, സിബി ജോസഫ് , സജിമോൻ തോമസ്, ശിവ കുമാർ, മുകേഷ് നന്ദനം, ദീപു ചന്ദ്രൻ, റെജി കുഞ്ഞുകുഞ്ഞു, റിയാസ് അബ്ദുൽ വാഹിദ്, ഗോപകുമാർ, ജിനു, ഗിരിജ അജയ്, അനിശ്രി ജിത്, ശ്രുതി ദീപുഎന്നിവരും മറ്റു യൂണിറ്റ് അംഗങ്ങളും നേതൃത്വം നൽകി.}

_{കുവൈറ്റ് സിറ്റി : ഈദ് ആദ്യ ദിവസം മാർച്ച് 30 ഞായറാഴ്ച യാണെങ്കിൽ മൂന്നു ദിവസത്തെ പൊതു അവധി ഉണ്ടാകും. ഏപ്രിൽ രണ്ടു ബുധനാഴ്ച സർക്കാർ ഓഫീസുകൾ പുനരാരംഭിക്കും. എന്നാൽ ആദ്യ ദിവസം മാർച്ച് 31 തിങ്കളാഴ്ചയിലേക്കു നീളുകയാണെങ്കിൽ മാർച്ച് ഞായറാഴ്ചമുതൽ അതെ വാരമത്രയും ഓഫിസുകൾ അടച്ചിട്ടും. ഏപ്രിൽ 6 ഞായറാഴ്ച മാത്രമേ ഓഫീസുകൾ പുനരാരംഭിക്കുകയുള്ളു എന്ന് പ്രാദേശിക മാധ്യമങ്ങൾ റിപ്പോർട്ട് ചെയ്തു. ആക്ടിങ് പ്രധാനമന്ത്രി ഷെയ്ഖ് ഫഹദ് യുസഫ് സഊദ് അൽ സബയുടെ അധ്യക്ഷതയിൽ വ്യാഴാഴ്ച ചേർന്ന മന്ത്രിസഭാ പ്രതിവാര യോഗമാണ് ഇത് സംബന്ധിച്ച് തീരുമാനമെടുത്തത്. അവശ്യ സേവനങ്ങൾക്കും അത്തരം സ്വഭാവത്തിൽ പെട്ട തൊഴിൽ ചെയ്യുന്നവര്ക്കും അവധികൾ പ്രഖ്യാപിക്കുക ബന്ധപ്പെട്ട ധികാരികൾ മാത്രമായിരിക്കും .}

കുവൈത്ത് സിറ്റി : ചിന്തകനും എഴുത്തുകാരനുമായ കെ കെ കൊച്ചിന്റെ നിര്യാണത്തിൽ കേരള ഇസ്‌ലാമിക് ഗ്രൂപ് കുവൈത്ത് കേന്ദ്ര കമ്മിറ്റി അനുശോചിച്ചു. ദലിത് – പിന്നാക്ക- ന്യൂനപക്ഷ വിഭാഗങ്ങളുടെ വിമോചനത്തിന് വേണ്ടി ധാരാളമായി എഴുതുകയും സംസാരിക്കുകയും സാമൂഹ്യ നീതിക്ക് വേണ്ടി നിലകൊള്ളുകയും ചെയ്‌ത മഹനീയ വ്യക്തിത്വമായിരുന്നു അദ്ധേഹം. സാമൂഹ്യ നീതി യാഥാർത്ഥ്യമാകുന്നതിന് വേണ്ടി അദ്ധേഹം നടത്തിയ ഉജ്വലമായ ഇടപെടലുകൾ എന്നും സ്‌മരിക്കപ്പെടുന്നതാണ്. ഫാസിസ കാലത്തെ പ്രതിരോധിക്കുന്നതിൽ കെ. കെ കൊച്ച് മുന്നോട്ടുവെച്ച ചിന്തകളും ആശയങ്ങളും മതേതരത്വം പുലർന്നുകാണാൻ ആഗ്രഹിക്കുന്നവർക്ക് എന്നും വെളിച്ചവും കരുത്തും പകരുന്നു നൽകും എന്ന് കെ ഐ ജി പുറത്തിറക്കിയ അനുശോചന കുറിപ്പിൽ പറഞ്ഞു.