Kuwait

മെട്രോ മെഡിക്കൽ ഗ്രൂപ്പിന്റെ പത്താംവാർഷിക ലോഗോ ശ്രീ മുഖ്താർ അബ്ബാസ് നഖ് വി പ്രകാശനം ചെയ്തു

Published

3 months ago

Dec 8, 2024

_{കുവൈറ്റ് സിറ്റി : പ്രമുഖ ആരോഗ്യശൃംഖലയായ മെട്രോ മെഡിക്കൽ ഗ്രൂപ്പിന്റെ പത്താംവാർഷിക ലോഗോ ഗ്രൂപ്പ് ചെയർമാൻ ആൻഡ് സി.ഇ.ഒ മുസ്തഫ ഹംസക്ക് നൽകി കൊണ്ട് മുൻ കേന്ദ്ര ക്യാബിനറ്റ് മന്ത്രി ശ്രീ മുഖ്താർ അബ്ബാസ് നഖ് വി പ്രകാശനം ചെയ്തു. ഫഹാഹീൽ അൽ വതാനി ഇന്ത്യൻ പ്രൈവറ്റ് സ്കൂൾ (എഫ് എ ഐ പി എസ് ) വച്ച് നടന്ന “ഏഷ്യാനെറ്റ് ന്യൂസ് എജ്യുക്കേഷൻ എക്സലൻസ് അവാർഡ്സ് 2024″പരിപാടിയിൽ വച്ചാണ് ഔപചാരിക ലോഗോ പ്രകാശനം നിർവഹിച്ചത്. ദുരിതമനുഭവിക്കുന്നവർക്ക് ആരോഗ്യ സംരക്ഷണവും പിന്തുണയും നൽകുന്നതിൽ മെട്രോ മെഡിക്കൽ ഗ്രൂപ്പിൻ്റെ സമർപ്പണത്തെ ശ്രീ മുഖ്താർ അബ്ബാസ് നഖ് വിതൻ്റെ പ്രസംഗത്തിൽ പ്രശംസിച്ചു. ആതുരസേവന രംഗത്തുള്ള മെട്രോയുടെ പങ്കിൻ്റെ പ്രാധാന്യം അദ്ദേഹം ഊന്നിപ്പറഞ്ഞു, “നിലവാരമുള്ള സേവനത്തിനും അധഃസ്ഥിതരെ സഹായിക്കുന്നതിനുള്ള പ്രതിബദ്ധത യ്ക്കും പേരുകേട്ട ആരോഗ്യദാദാക്കളാണ് മെട്രോ “എന്ന് വിശേഷിപ്പിച്ച അദ്ദേഹം മെട്രോയുടെ തുടർച്ചയായ വിജയത്തിനായി ഹൃദയംഗമമായ പ്രാർത്ഥനകൾ അർപ്പിച്ചു. ആതുരസേവനരംഗത്തെ ഒരു ദശാബ്ദക്കാലത്തെ മികവിനെ അനുസ്മരിക്കുന്ന ഈ ചടങ്ങിൽ , ഗ്രൂപ്പ് ചെയർമാൻ ആൻഡ് സി.ഇ.ഒ മുസ്തഫ ഹംസ അഭിസംബോധന ചെയ്തു സംസാരിച്ചു .10 വർഷമായി കുവൈറ്റിൽ വിജയകരമായി സേവനമനുഷ്ഠിച്ച മെട്രോ മെഡിക്കൽ ഗ്രൂപ്പ് അന്താരാഷ്ട്രതലത്തിൽ വിപുലീകരണത്തിൻറെ ആദ്യപടിയായി, യുഎഇയിലെ ഷാർജയിൽ ഒരു ശാഖയും പ്രവർത്തിക്കുന്നുണ്ട് .}

_{ഒരു വർഷം മുഴുവൻ നീണ്ടുനിൽക്കുന്ന വാർഷിക ആഘോഷത്തിലുടനീളം സാധാരണക്കാർക്ക് ഏറ്റവും താങ്ങാനാവുന്ന ചികിത്സകളും സേവനങ്ങളും വാഗ്ദാനം ചെയ്യുന്നു. ഉയർന്ന നിലവാരത്തിലുള്ള മെഡിക്കൽ പരിചരണം നൽകിക്കൊണ്ട് സമൂഹത്തിന് ആരോഗ്യപരിരക്ഷ ലഭ്യമാക്കാൻ ഈ സംരംഭം ലക്ഷ്യമിടുന്നു. അശരണരായ ആളുകൾക്ക് പ്രയോജനപ്രദമാകുന്ന തരത്തിൽ പ്രത്യേക ഓഫറുകളും ആരോഗ്യ പരിപാടികളും ഉൾപ്പെടുത്തി വാർഷിക ആഘോഷങ്ങൾ നടക്കുമെന്ന് മെട്രോ മാനേജ്മന്റ് പ്രഖ്യാപിച്ചു. വാർഷികാഘോഷങ്ങൾക്ക് പുറമേ, പുതിയ സ്പെഷ്യാലിറ്റി ഡോക്ടർമാരെയും നൂതന ചികിത്സാരീതികളെയും ഉൾപ്പെടുത്തി സേവനങ്ങൾ വിപുലീകരിക്കുമെന്നും, ഡേ കെയർ സർജറി, ഡിജിറ്റൽ എക്സ്-റേകൾ, ക്ലോസ്ഡ് ആൻഡ് ഓപ്പൺ എം.ആർ.ഐ സ്കാനുകൾ, സി.ടി സ്കാനുകൾ, മാമ്മോഗ്രഫി, ബോൺ മിനറൽ ഡെൻസിറ്റി (ബി.എം.ഡി) ടെസ്റ്റുകൾ തുടങ്ങിയ അത്യാധുനിക സേവനങ്ങൾ മെട്രോയിൽ ലഭ്യമാന്നെന്നും മെട്രോ മാനേജ്മന്റ് അറിയിച്ചു.}

inner ad

Kuwait

കാലാനുസൃത മായ മൂന്നു സുപ്രധാന നിയമ ഭേദഗതി കളുമായി കുവൈറ്റ്

Published

15 hours ago

Mar 18, 2025

കൃഷ്ണൻ കടലുണ്ടി

_{കുവൈറ്റ് സിറ്റി : കുവൈത്ത് ചരിത്രത്തിലെ സുപ്രധാനമായ മൂന്ന് നിയമ ഭേദഗതികൾ പ്രാബല്യത്തിൽ വന്നു. ദിയാധനം, വിവാഹപ്രായപരിധി, ദുരഭിമാനക്കൊല എന്നിവ സംബന്ധിച്ച് 3 സുപ്രധാന നിയമഭേദഗതികൾ പ്രാബല്യത്തിൽ വവരുത്തുന്നതായി നീതിന്യായ മന്ത്രി നാസ്സർ അൽ സുമേതിനെ ഉദ്ദരിച്ച് പ്രാദേശിക മാധ്യമങ്ങൾ കഴിഞ്ഞ മാസം റിപ്പോർട്ട് ചെയ്തിരുന്നു. ദിയാധനംസംബന്ധിച്ച് 1980 ലെ 67 മത് നമ്പർ അമീരി ഉത്തരവിലെ ആർട്ടിക്കിൾ 251 ആണ് 2025 ലെ 8 മത് ഉത്തരവ് വഴി ഭേദഗതി ചെയ്തിട്ടുള്ളത്. നാലു പതിറ്റാണ്ടിലേറെ കാലമായി മാറ്റമില്ലാതെ തുടർന്ന തുകയിലാണ് മാറ്റം വന്നിരിക്കുന്നത്. വ്യക്തികളുടെ വരുമാനത്തിലും വിനിമയ ശേഷിയിലുമുണ്ടായ വർദ്ധനവിനെ തുടർന്ന് സാമ്പത്തിക നിലയിലുണ്ടായ ഉയർച്ചയെ കണക്കിലെടുത്താണ് ഈ മാറ്റം. നിലവിലുണ്ടായിരുന്ന പതിനായിരം കുവൈത്തി ദിനാർ ഇപ്പ്പോസത്തെ സാമ്പത്തിക സ്ഥിതിയെ പ്രതിഫലിപ്പിക്കുന്നതല്ല എന്ന് കണ്ടെത്തിയിരുന്നു. ഭേദഗതി പ്രകാരം ദിയാ ധനം ഇരുപതിനായിരം ദിനാർ ആയി ഉയർത്തിയതാണ് ഇതിൽ ഒന്നാമത്തേത്. കൊലപാതക കേസുകളിൽ വധ ശിക്ഷക്ക് വിധിക്കപ്പെട്ടവർ,കൊല്ലപ്പെട്ട വ്യക്തിയുടെ ബന്ധുക്കൾ ആവശ്യപ്പെടുന്ന ദിയാ ധനം (ചോരപ്പണം) നൽകിയാൾ വധ ശിക്ഷയിൽ നിന്ന് ഒഴിവാക്കപ്പെടും. ഈ സംഖ്യയാണ് ഇരുപതിനായിരം ദിനാർ ആയി ഉയർത്തിയിരിക്കുന്നത്.}

_{കുവൈത്തിൽ പുരുഷന്മാർക്കും സ്ത്രീകൾക്കും വിവാഹം റെജിസ്റ്റർ ചെയ്യുന്നതിന് ചുരുങ്ങിയ പ്രായപരിധി ഉണ്ടായിരുന്നില്ല.എന്നാൽ പുതിയ നിയമ ഭേദഗതി പ്രകാരം വിവാഹം റെജിസ്റ്റർ ചെയ്യുന്നതിന് ഇനി മുതൽ വരനും വധുവിനും 18 വയസ് പൂർത്തിയാകണം. ദുരഭിമാനക്കൊലക്ക് സാധാരണ കൊലപാതകത്തിന് നൽകുന്ന അതെ ശിക്ഷ ഏർപ്പെടുത്തിയതാണ് മറ്റൊരു സുപ്രധാന നിയമ ഭേദഗതി. മാതാവ്, സഹോദരി, മകൾ എന്നിവരിൽ ആരെങ്കിലും വ്യഭിചാരം നടത്തിയതായി കണ്ടെത്തിയാൽ അതിന്റെ പേരിൽ അവരെ കൊലപ്പെടുത്തുന്ന പ്രതിക്ക് കൊലപാതക കേസിൽ നൽകുന്ന ശിക്ഷയിൽ ഇളവ് നൽകുന്ന സമ്പ്രദായമാണ് ഇതോടെ റദാക്കിയത്. കഴിഞ്ഞ മാസമാണ് ഈ മൂന്ന് നിയമങ്ങളിലും ഭേദഗതി വരുത്തി കൊണ്ട് നീതി ന്യായ മന്ത്രി വിജ്ഞാപനം പുറപ്പെടുവിച്ചത്. മന്ത്രി സഭയുടെ അംഗീകാരം കൂടി ലഭിച്ചതോടെയാണ് ഇവ കഴിഞ്ഞ ദിവസം മുതൽ പ്രാബല്യത്തിൽ വന്നത്.}

inner ad

Kuwait

തന്നിഷ്ടത്തിൽ നിന്നും ദൈവ വഴിയിലേക്കുള്ള സഞ്ചാരമാണ്‌ നോമ്പ്‌: ഫൈസൽ മഞ്ചേരി

Published

18 hours ago

Mar 17, 2025

കൃഷ്ണൻ കടലുണ്ടി

_{കുവൈറ്റ് സിറ്റി : കെ ഐ ജി റിഗ്ഗായ്‌ സൗഹൃദ വേദി സൗഹൃദ ഇഫ്‌താർ വിരുന്നൊരുക്കി. സിംഫണി ഓഡിറ്റോറിയത്തിൽ നടന്ന പരിപാടിയിൽ കെ ഐ ജി വൈസ്‌ പ്രസിഡന്റ്‌ ഫൈസൽ മഞ്ചേരി റമദാൻ സന്ദേശം നൽകി. ദൈവിക സന്ദേശങ്ങൾ ആരുടെയും കുത്തകയല്ല, സന്മാർഗ്ഗത്തിന്റെ സന്ദേശങ്ങൾ മാനവകുലത്തിന്റെ പൊതുസ്വത്താണെന്നും അവ പരസ്പരം കൈമാറ്റം ചെയ്യപ്പെടേണ്ടതാണെന്നും അദ്ദേഹം പറഞ്ഞു. പാവപ്പെട്ടവനു ദാഹജലവും ഭക്ഷണവും എത്തിക്കുന്നവനും അഗതികളെ സംരക്ഷിക്കുന്നവനും രോഗികളെ സന്ദർശ്ശിക്കുന്നവനും ദൈവത്തിന്റെ വഴിയിലാണ്‌. തന്നിഷ്ടത്തിൽ നിന്നും ദൈവ വഴിയിലേക്കുള്ള സഞ്ചാരമാണ്‌ നോമ്പ്‌. സ്വന്തത്തെ ശുദ്ധീകരിക്കാനും, തനിക്കും തനിക്കു ചുറ്റുമുള്ളവർക്കും വേണ്ടി ദൈവത്തോട്‌ ചോദിക്കാനുമുള്ള സുവർണാവസരമാണ്‌ റമദാൻ അടുത്തുള്ളവനെ അറിയുക, സ്വന്തത്തെ നിയന്ത്രിക്കുക ഇവയാണ്‌ റമദാനിന്റെ സന്ദേശം,അദ്ദേഹം പറഞ്ഞു.}

_{യാസർ കരിങ്കല്ലത്താണി} _{അധ്യക്ഷത വഹിച്ച പരിപാടിയിൽ രവിചന്ദ്രൻ ആശംസാപ്രസംഗം നടത്തി ഏരിയ പ്രസിഡണ്ട്‌ അറഫാത് സംബന്ധിച്ചു സൗഹൃദ വേദി സെക്രട്ടറി സൽവാസ്‌ പരപ്പിൽ സ്വാഗതവും മുഹമ്മദ്‌ ഫഹീം നന്ദിയും പറഞ്ഞു.}

Kuwait

കോട്ടയം പ്രവാസി അസോസി യേഷൻ പുതിയ ഭാരവാഹികളെ തെരെഞ്ഞെടുത്തു

Published

21 hours ago

Mar 17, 2025

കൃഷ്ണൻ കടലുണ്ടി

_{കുവൈത്ത് സിറ്റി : കോട്ടയം ഡിസ്ട്രിക് പ്രവാസി അസോസിയേഷൻ കുവൈറ്റ് (കോട്പക് ) 2025 – 2026 പ്രവർത്തന കാലയളവിലേക്കുള്ള ഭരണ സമിതിയെ തിരഞ്ഞെടുത്തു . പ്രസിഡന്റ് ശ്രീ. ഡോജി മാത്യുവിന്റെ അദ്ധ്യക്ഷതയിൽ അബ്ബാസിയ ഹെവൻസ് ഓഡിറ്റോറിയത്തിൽ വെച്ച് നടന്ന യോഗത്തിൽ ജനറൽ സെക്രട്ടറി സുമേഷ് ടി.എസ് പ്രവർത്തന റിപ്പോർട്ടും ട്രഷറർ പ്രജിത് പ്രസാദ് വാർഷിക കണക്കും അവതരിപ്പിച്ചു. അനൂപ് സോമൻ വരണാധികാരിയായി നടന്ന തെരഞ്ഞടുപ്പിൽ 2025 -2026 പ്രവർത്തന വർ ഷത്തെ ഭാരവാഹികളെ തിരഞ്ഞെടുത്തു.}

_{പ്രസിഡന്റ് നിജിൻ മൂലയിൽ, ജനറൽ സെക്രട്ടറി ജിത്തു തോമസ്, ട്രഷറർ സുബിൻ ജോർജ്, രക്ഷാധികാരികൾ ആയി അനൂപ് സോമൻ, ജിയോ തോമസ്, സിവി പോൾ, അഡ്വൈസറി ബോർഡ് ചെയർമാൻ പ്രവീൺ കുമാർ, അഡ്വൈസറി ബോർഡ് അംഗങ്ങളായി, സുമേഷ് ടി.എസ്, ഡോ. റെജി തോമസ്, പ്രസാദ് നായർ, സെനി നിജിൻ, നിധി സുനീഷ്, എന്നിവരെയും തെരെഞ്ഞെടുത്തു. റോബിൻ ലൂയിസ്, ഷൈജു എബ്രഹാം (വൈസ് പ്രസിഡന്റ്‌മാർ) സാന്ദ്ര രാജു, ഷൈൻ പി ജോർജ് (ജോയിന്റ് സെക്രട്ടറി), ജോസഫ് കെ.ജെ (ജോയിന്റ് ട്രഷറർ), പ്രദീപ് കുമാർ (ചാരിറ്റി കൺവീനർ) വിജയലക്ഷ്മി (ജോയിന്റ് ചാരിറ്റി കൺവീനർ)എന്നിവരെയും ഏരിയ കോർഡിനേറ്റർമാർ മാരായി സോജി മാത്യു (അബ്ബാസി ), നിവാസ് ഹംസ (മംഗഫ് , ഫഹാഹീൽ), അനിൽ കുറവിലങ്ങാട് (മഹ്ബൂല, അബുഹലീഫ ), ജയിംസ് മോഹൻ (സാൽമിയ,ഹവല്ലി), ഹരികൃഷ്ണൻ (ഫർവാനിയ, കൈത്താൻ ), റോബിൻ തോമസ് (ജഹറ), എന്നിവരെയും മീഡിയ പബ്ലിസിറ്റി കൺവീനർ ആയി ബിനു യേശുദാസ്, വനിതാ ചെയർപേഴ്സൺ സോണൽ ബിനു, ജോയിന്റ് വനിതാ ചെയർപേഴ്സൺ ബീന വർഗീസ്, ഷിഫാ ഷെജിൻഎന്നിവരെയും തെരെഞ്ഞെടുത്തു.}

_{ഡോജി മാത്യു, രതീഷ് കുമ്പളത്ത്, പ്രജിത് പ്രസാദ്, വിജോ കെ വി,സിജോ കുര്യൻ, ബുപേഷ് ടി ടി, ദീപു ഗോപാലകൃഷ്ണൻ, സിബി പീറ്റർ,വിപിൻ നായർ, ജിജുമോൻ, സുഭാഷ്, അനിൽ കുമാർ, നിഷാദ് എബ്രഹാം, ബിജുമോൻ സി.എസ്, ഷെജിന് സലാഹുദീൻ, ജാൻ ജോസ്, ടിനു, ജിനു, ജോബിൻ കുരിയാക്കോസ്, സുജിത് ജോർജ്, ഷെലിൻ ബാബു,വിദ്യ മാണി, അനില വേണുഗോപാൽ, ലിയ, ടിബാനിയ, രശ്മി രവീന്ദ്രൻ, സവിത രതീഷ്, സൗമ്യ എന്നിവരെ എക്സിക്യൂട്ടീവ് അംഗങ്ങൾ ആയും തിരഞ്ഞെടുത്തു}.

inner ad