Connect with us
top banner (3)

Special

ഉപേക്ഷ കൂടാതെ ചേർത്തുപിടിക്കാം; ഇന്ന് മാതൃദിനം

Avatar

Published

on

ആദിത്യ എം വി

അവഗണിക്കലിന്റെയും ഉപേക്ഷിക്കലിന്റെയും നിരവധി വാർത്തകളാണ് ഓരോ ദിവസവും പുറത്തേക്ക് വരുന്നത്. കുട്ടികൾ അവരുടെ മാതാപിതാക്കളെയും മാതാപിതാക്കൾ തങ്ങളുടെ കുട്ടികളെ ഉപേക്ഷിക്കുകയും ചെയ്യുന്ന വാർത്തകൾ നാം കാണാറുണ്ട്. പക്ഷേ സമീപകാലത്ത് അത്തരം വാർത്തകൾ വർദ്ധിച്ചുവരികയാണ്. ബന്ധങ്ങളുടെ ആർദ്രത മനസ്സിലാക്കാത്ത ഒരു തലമുറയാണ് ഇന്നിന്റെ അപചയം. ഒരു കുട്ടിയായി പിറന്നുവീഴുന്ന നിമിഷം മുതൽ എല്ലാ ഉയർച്ചകളിലും കരുതലായി നിലകൊള്ളുന്ന മാതാപിതാക്കളെ വളർന്ന് പന്തലിക്കുമ്പോൾ വേണ്ടെന്നു വെക്കുന്ന പ്രവണത അപരിഷ്കൃത സമൂഹത്തിന് ചേർന്നതല്ല. രണ്ടോ മൂന്നോ ദിവസം കുട്ടി വീട്ടിൽ നിന്നും മാറി നിൽക്കുമ്പോൾ രക്ഷകർത്താക്കൾക്കും തിരികെ രക്ഷകർത്താക്കൾ എന്തെങ്കിലും യാത്ര പോകുമ്പോൾ കുട്ടിക്കും നേരിടേണ്ടിവരുന്ന നഷ്ടബോധം എത്രത്തോളം എന്ന് നമുക്കറിയാം. അങ്ങനെയാകുമ്പോൾ കാലങ്ങളോളം ഉപേക്ഷിച്ചു പോകുമ്പോൾ അവരിൽ നിറയുന്ന സങ്കടക്കടൽ എത്രത്തോളമാകും. ബന്ധങ്ങൾ അറ്റു പോകുക എന്നാൽ അത് മരണത്തോളം തന്നെ അത്ര വേദനിപ്പിക്കുന്ന ഒന്നാണ്. വളർത്തി വലുതാക്കിയ അമ്മയെയും അച്ഛനെയും നിഷ്കരുണം തള്ളിപ്പറയുകയും ഉപേക്ഷിക്കുകയും ചെയ്യുന്നതിന് ഇന്നത്തെ തലമുറയ്ക്ക് യാതൊരു മടിയുമില്ല. അതിനുള്ള ഉത്തമ ഉദാഹരണമാണ് രാജ്യത്ത് വർധിച്ച് വരുന്ന വൃദ്ധസദനങ്ങൾ. ദൈവത്തിന്റെ സ്വന്തം നാട് എന്നറിയപ്പെടുന്ന കേരളത്തിൽ ഇത്തരം അനുഭവങ്ങൾ ഒറ്റപ്പെട്ടതല്ല. തൃപ്പൂണിത്തുറയിൽ മകൻ കിടപ്പുരോഗിയായ അച്ഛനെ വാടകവീട്ടിൽ ഉപേക്ഷിച്ച് കടന്നുകളഞ്ഞ സംഭവം അങ്ങേയറ്റം വേദനാജനകമാണ്. പൊതുസ്ഥലങ്ങളിലും അമ്പലനടകളിലും അച്ഛനമ്മമാരെ ഉപേക്ഷിച്ച് കടന്നുകളയുന്ന മക്കൾ ഒരിക്കൽ അവരെയും നാളെ വാർദ്ധക്യം പിടുകൂടും എന്ന് ഓർക്കുന്നില്ല.

Advertisement
1000x200 PX MALAYALI DCTR MDX-02-02

സ്വത്ത്‌ തട്ടിയെടുത്തും മറ്റും വർദ്ധക്യത്തിലെത്തുമ്പോൾ സ്വന്തം മാതാപിതാക്കളെ ഉപേക്ഷിക്കുന്ന പ്രവണത നമ്മുടെ സമൂഹത്തിൽ ക്രമാതീതമായി വർധിച്ച് വരികയാണ്. മൂന്ന് പവന്റെ മാലയ്ക്കും അരലക്ഷം രൂപയ്ക്കും വേണ്ടി വൃദ്ധമാതാവിനെ കൊലപെടുത്തിയ സംഭവം നമ്മുടെ നൈതിക മൂല്യങ്ങൾക്ക് സംഭവിച്ച ജീർണതയ്ക്ക് ഉദാഹരണമാണ്. ഏറെ പരിചണവും പരിപാലനവും സ്നേഹവും പരിരക്ഷയും കൊടുത്ത് വളർത്തിയ മാതാപിതാക്കളെ സ്വന്തം മക്കൾ തന്നെ ഈ രീതിയിൽ ക്രൂരതയ്ക്ക് വിധേയമാക്കുമ്പോൾ മനസാക്ഷിയുള്ളവർക്ക് അംഗീകരിക്കാൻ പറ്റാത്ത കാര്യമാണ്.വാർദ്ധക്യത്തിലെത്തുമ്പോൾ മാതാപിതാക്കളെ ഉപേക്ഷിക്കുന്ന മക്കൾക്കെതിരെ പ്രയോഗിക്കാൻ ഇവിടെ നിയമങ്ങൾ ഉണ്ടെങ്കിൽ തന്നെ അതൊക്കെ പലപ്പോഴും നോക്കുകുത്തികളായി മാറുകയാണ്. 2007 ൽ പാർലമെന്റ് പാസ്സാക്കിയ മെയ്ന്റനൻസ് വെൽഫയർ പേരെന്റ്സ് ആൻഡ് സീനിയർ സിറ്റിസൺ ആക്ട് പ്രകാരം മാതാപിതാക്കളെ പരിപാലിക്കാത്ത മക്കളെ കടുത്ത ശിക്ഷയ്ക്ക് വിധിക്കും എന്നാണ് നിയമം. എന്നാൽ പ്രയോഗികമായി ഇത്തരം നിയമങ്ങൾ അധികാരികൾ കൊണ്ടുവരുന്നില്ല എന്നതാണ് മറ്റൊരു വസ്തുത. കപട സ്നേഹത്തിന്റെ പിന്നിൽ എണ്ണമറ്റ മാതാപിതാക്കൾ സ്വന്തം മക്കളുടെ പ്രവർത്തികൊണ്ട് ശാരീരികവും വൈകാരികവും സാമ്പത്തികവുമായ ചൂഷണങ്ങൾ അനുഭവിക്കുന്നു. വാക്കാലുള്ള അധിക്ഷേപങ്ങളും കൃത്രിമത്വവും മുതൽ ശാരീരിക ആക്രമണവും മാനസികചൂഷണങ്ങളും ഇതിൽ ഉൾപ്പെടുന്നു.പുതിയ സംസ്കാരങ്ങളുടെ അതിനിവേശം സമൂഹത്തിൽ ആഴത്തിലുള്ള ഇടുങ്ങിയ ചിന്താഗതി രൂപപ്പെടുത്തും. പരസ്പര സ്നേഹത്തിന്റെയും സഹകരണത്തിന്റെയും മൂല്യങ്ങളെ തിരിച്ചറിയാൻ കഴിയാത്ത തലമുറയായി നമ്മുടെ പുതുതലമുറ മാറിയിരിക്കുന്നു. ഒരു വ്യക്തി ഒരു സമൂഹത്തിന്റെ തന്നെ പരിചേതമായി മാറുമ്പോൾ ആ സമൂഹം ഒരു മൂല്യബോധം ഉള്ളതാവണം. ആ മൂല്യങ്ങൾ സ്വയം നവീകരണത്തിലൂടെ ഒരു വ്യക്തിക്ക് ഉണ്ടാകേണ്ടതുണ്ട്. അകലങ്ങൾക്കിടം നൽകാതെ, അതിരുകളില്ലാതെ പരസ്പരം ചേർന്നു നിൽക്കുന്ന ഇടങ്ങളുണ്ടാകട്ടെ..

Advertisement
1000x200 PX MALAYALI DCTR MDX-02-02
Continue Reading
Advertisement
1000x200 PX MALAYALI DCTR MDX-02-02
Click to comment

You must be logged in to post a comment Login

Leave a Reply

Featured

എന്നെ തല്ലേണ്ടമ്മാവ ഞാൻ നന്നാവൂല്ലാ

പ്രണയപാനീയത്തിൽ വിഷം കലക്കി സി പി എം : ചതിയറിയാതെ അന്തരിച്ച കാമുകനായി കെ കൊ (മാണി )

Published

on

വേദ പുസ്തകത്തിനു പകരം മൂലധനം വായിച്ചു നശിക്കാൻ തീരുമാനിച്ചവരെ നന്നാക്കാൻ ആരും ഉപദേശവുമായി ചെല്ലേണ്ടതില്ല

കൊച്ചി:എ കെ ജി സെന്ററിലെ കൊടിയ വിഷ ദ്രാവകം കുടിച്ച് ശീലിച്ച മാണി കോൺഗ്രസിന് ഔഷധ ഗുണമുള്ളതെന്തും വിഷമായി തോന്നുന്നത് സ്വാഭാവികം. ഗുരുക്കൻമാരെ തല്ലി ഗുണ്ടയാവാൻ പരിശീലിക്കുന്ന മാണിക്കുഞ്ഞും കൂട്ടരും വേദ പുസ്തകത്തിനു പകരം മൂലധനം വായിച്ചു നശിക്കാൻ തീരുമാനിച്ചവരെ ആരും ഉപദേശവുമായി ചെല്ലേണ്ടതില്ല. ഞങ്ങളുടെ സഖാവ് ഞങ്ങളെ തല്ലിയാൽ നിങ്ങൾക്കെന്താ കോൺഗ്രസേ എന്നാവും ചോദ്യം.
എത്ര തല്ലിയാലും നന്നാവില്ല എന്നറിയാം എങ്കിലും തല്ലി നോക്കിയതാണ് വീക്ഷണം, പക്ഷേ എന്നെ തല്ലണ്ട ഞാൻ നന്നാവില്ല എന്ന് തന്നെ പറഞ്ഞു പഠിച്ചത് കൊണ്ട് സഖാവിന്റെ വഴിയേ നരകത്തിലെ പടു കുഴിയിൽ വീണു നശിക്കാൻ തീരുമാനിച്ച കേ കോ മാണിക്ക് ചുവപ്പൻ അഭിവാദ്യങ്ങൾ നേരുന്നു.
നാറിയവനെ ചാരിയാൽ ചാരിയവനും നാറും എന്നത് ശരിയാണെന്ന് തെളിയിച്ച സ്ഥിതിക്ക് ആ നാറ്റം പങ്കുവയ്‌ക്കേണ്ട എന്നാണ് ആർജ്ജവമുള്ള യു ഡി എഫ് നേതൃത്വം സ്വീകരിച്ചിരിക്കുന്നത് എന്നറിയുന്നു.
ഇണ ചേർന്ന ശേഷം ഇണയെ കൊന്നു തിന്നുന്ന പെൺ ചിലന്തിയാണ് സിപിഎം എന്ന് തിരിച്ചറിയാത്ത കാലത്തോളം കേ കോ എം എന്ന മലയോര കർഷക പാർട്ടി എ കെ ജി സെന്ററിന്റെ പൂമുഖത്തു കാത്തിരിക്കും. യു ഡി എഫിൽ തൂശനിലയിൽ ചോറും വിഭവ സമൃദ്ധമായ കറികളും പായസവും കൂട്ടി ഊണ് കഴിച്ചു എല്ലിനിടയിൽ കയറിയപ്പോ എൽ ഡി എഫിലെ കാടി വെള്ളം മതിയെന്ന് തീരുമാനിച്ച ദിവസത്തെ ഉള്ളുകൊണ്ട് ശപിക്കുകയാണ് പ്രവർത്തകർ, അതവർ കോട്ടയത്തു വോട്ടായി യു ഡി എഫിന് കൊടുത്തിട്ടുണ്ടാവും. രണ്ട് മന്ത്രി സ്ഥാനവും, രാജ്യ സഭയും, ലോകസഭയും മുൻ നിരയിൽ ഇരിപ്പടവും കൊടുത്തിട്ടും അട്ടയെ പിടിച്ചു മെത്തയിൽ കിടത്തിയാൽ കിടക്കുമോ എന്ന ചൊല്ല് യഥാർഥ്യമാക്കി പിന്നിലെ മരബഞ്ചിലെ മൂട്ട കടി കൊള്ളാൻ മാത്രം ബുദ്ധിശൂന്യത കാണിച്ച ആ രാഷ്ട്രീയ നേതൃത്തെ എത്ര അഭിനന്ദിച്ചാലും മതിയാകില്ല.
രാജ്യസഭ പോയിട്ട് പാലാ പഞ്ചായത്തിൽ പോലും കയറാൻ സിപിഎം അനുവദിക്കുമെന്ന് തോന്നുന്നുണ്ടോ. ലോകസഭയും തോറ്റു അടുത്ത തവണ നിയമസഭയിലും തോൽപ്പിച്ചു ഒടുവിൽ കേരള കോൺഗ്രസ് എന്ന കുട്ടിയെ കുളിപ്പിച്ച് കുളിപ്പിച്ച് ഇല്ലാതാക്കാൻ വഴി തേടുകയാണ് സിപിഎം അത് തിരിച്ചറിയാതെ അന്ധമായ പ്രണയത്താൽ കാമുകി തരുന്നതെന്തും അമൃതെന്നു കരുതി വിഷം കുടിച്ചവസാനിക്കാൻ നിൽക്കുന്ന കോമരങ്ങളെ ഉപദേശിക്കാൻ പോയത് വീക്ഷണത്തിന്റെ ജനാധിപത്യ മര്യാദ . കണ്ടറിയാത്തവൻ കൊണ്ടറിയും,ഒടുവിൽ ആശ്രയം തിരുസന്നിധി മാത്രം.

Advertisement
1000x200 PX MALAYALI DCTR MDX-02-02

Advertisement
1000x200 PX MALAYALI DCTR MDX-02-02
Continue Reading

Editorial

ജോസ്‌ മാണി സിപിഎം അരക്കില്ലത്തില്‍ വെന്തുരുകരുത്

വീക്ഷണം എഡിറ്റോറിയൽ

Published

on


വിവാഹ വാഗ്ദാനം നല്‍കി വഞ്ചിക്കപ്പെട്ട കാമുകിയുടെ സങ്കട കടലിലാണ്‌ കേരള കോണ്‍ഗ്രസ്‌ മാണി ഗ്രൂപ്പ്‌. പലതരം കയ്പേറിയതും നോവിക്കുന്നതുമായ ചെയ്തികള്‍ സിപിഎമ്മില്‍ നിന്നുണ്ടായിട്ടും പാര്‍ട്ടി പിളര്‍ത്താനും എല്‍ഡിഎഫില്‍ ചേക്കേറാനും പ്രേരിപ്പിച്ചത്‌ സംസ്ഥാന മന്ത്രിയാകാനുള്ള ജോസ്‌ കെ മാണിയുടെ അത്യാര്‍ത്തിയായിരുന്നു. യുഡിഎഫിനോട്‌ കൊടുംചതി കാണിച്ച്‌ എല്‍ഡിഎഫിലേക്ക്‌ പോകുമ്പോള്‍ കയ്യിലുണ്ടായിരുന്ന രാജ്യസഭ അംഗത്വം എപ്പോഴും സംരക്ഷിക്കപ്പെടുമെന്ന ഉറപ്പും നിയമസഭ തെരഞ്ഞെടുപ്പിന്‌ ശേഷം ജോസ്‌ മാണിയെ രണ്ടാമനെന്ന പരിഗണന നല്‍കി പ്രധാനവകുപ്പും സിപിഎം വാഗ്ദാനം ചെയ്തിരുന്നു. പിതാവ്‌ കെ.എം മാണി ജീവിച്ചിരുന്ന കാലത്ത്‌ യുഡിഎഫ്‌ വിട്ടു പോയ മാണിധഗൂപ്പിനെ തിരികെ കൊണ്ടുവരാന്‍ കോണ്‍ഗ്രസിന്റെ സിറ്റിങ്‌ സീറ്റ്‌ നല്‍കുകയും പുനഃസ മാഗമം സാധ്യമാക്കുകയും ചെയ്തു. മാണിയുടെ മരണശേഷം ഗ്രൂപ്പിന്റെ സര്‍വാധിപതിയായത്‌ ജോസായിരുന്നു. യേശുവിനെ ഒറ്റുകൊടുത്ത മുപ്പത്‌ വെള്ളിക്കാശിന്റെ പാപം പൊതിഞ്ഞുനില്‍ക്കുന്ന അക്കല്‍ദാ മയെപ്പോലെ ഈ രാജ്യസഭാ സീറ്റ്‌ ചതിയുടെ കറ പുരണ്ടതായിരുന്നു. അതിന്റെ കാലാവധി അവസാനിക്കുമ്പോള്‍ അത്‌ തിരികെ കിട്ടണമെന്ന്‌ ജോസ്‌ മാണിക്ക്‌ നിര്‍ബന്ധമുണ്ട്‌. മൂന്ന്‌ സീറ്റ്‌ ഒഴിവ്‌ വരുമ്പോള്‍ രണ്ടെണ്ണം എല്‍ഡിഎഫിനും ഒന്ന്‌ യുഡിഎഫിനും ലഭിക്കും. എല്‍ഡിഎഫിന്റെ രണ്ട്‌ സീറ്റു കള്‍ രണ്ട്‌ കമ്മ്യൂണിസ്റ്റ്‌ പാര്‍ട്ടികളും രഹസ്യമായി പകുത്തെടുത്തുകഴിഞ്ഞു. ജോസ്‌ മാണിക്ക്‌ അനൗദ്യോഗികമായി ലഭിച്ച മറുപടി അടുത്ത ഒഴിവില്‍ നോക്കാമെന്നായിരുന്നു. കോട്ടയം ലോക്സഭ സീറ്റില്‍ ചാഴികാടന്റെ തോല്‍വി ഉറപ്പായിരിക്കെ മാണി ഗ്രൂപ്പിന്‌ ലോക്സഭയിലും രാജ്യസഭയിലും അംഗത്വമി ല്ലാതാവും. ഇന്ത്യ മുന്നണിക്ക്‌ ഭൂരിപക്ഷം ലഭിക്കുകയാണെങ്കില്‍ തനിക്കൊരു മന്ത്രിസ്ഥാനം ലഭിക്കുമെന്ന ജോസ്‌ മാണിയുടെ രഹസ്യ വിശ്വാസം പരസ്ൃമായിരിക്കയാണ്‌. ഇത്തരമൊരു മോഹവുമായ്‌ പണ്ടൊരു കേരള കോണ്‍ഗ്രസുകാരന്‍ ഡല്‍ഹിയില്‍ കറങ്ങി നടന്നിരുന്നു. തോമസ്‌ കുതിരവട്ടം. എന്നാല്‍ കെ.എം മാണിയുടെ കുശാഗ്രബുദ്ധി കുതിരവട്ടത്തിന്റെ മോഹങ്ങള്‍ തല്ലിക്കെടുത്തി. 1990-91ല്‍ കെ ചന്ദ്രശേഖറിന്റെ മ്രന്തിസഭയില്‍ അംഗമാകാനായിരുന്നു കുതിരവട്ടം കുപ്പായം തയ്പ്പിച്ചത്‌. ദേശീയ പാര്‍ട്ടി പദവിയും ചിഹ്നവും നിലനിര്‍ത്താനുള്ള പോരാട്ടത്തില്‍ ഇരു കമ്മ്യൂണിസ്റ്റ്‌ പാര്‍ട്ടികള്‍ക്കും ജോസ്‌ മാണി യുടെ മോഹങ്ങള്‍ നിറവേറ്റിക്കൊടുക്കാന്‍ സാധ്യമല്ല. കോണ്‍ഗ്രസിനെപ്പോലെ ഘടകകക്ഷികള്‍ക്ക്‌ കരുതലും കൈത്താങ്ങും നല്‍കാന്‍ സിപിഎം ഒരിക്കലും തയ്യാറാകില്ല. 2014 ലെ ലോക്സഭ തെരഞ്ഞെടുപ്പില്‍ ആര്‍എസ്പി യുടെ കൊല്ലം സീറ്റ്‌ സിപിഎം കവര്‍ന്നെടുത്തപ്പോള്‍ ഇടതുമുന്നണി വിട്ട ആര്‍ എസ്‌പി ക്ക്‌ അതേ സിറ്റിങ്‌ സീറ്റ്‌ നല്‍കി കോണ്‍ഗ്രസ്‌ യുഡിഎഫിലേക്കാനയിച്ചു. കോഴിക്കോട്‌ സീറ്റ്‌ ജനതാദളില്‍ നിന്നും പിടിച്ചെടുത്തപ്പോള്‍ അവര്‍ക്ക്‌ അഭയം നല്‍കിയതും കോണ്‍ഗ്രസായിരുന്നു. ഘടകക്ഷികളുടെ ആവശ്യങ്ങള്‍ നിരാകരിക്കുകയോ അവരെ അവഗണിക്കുകയോ ചെയ്യുന്ന രീതി കോണ്‍ഗ്രസിനില്ല. 2011 ലെ മന്ത്രിസഭയില്‍ അഞ്ചാംമന്ത്രി സ്ഥാനവും ഇക്കഴിഞ്ഞ ലോക്സഭ തെരഞ്ഞെടുപ്പില്‍ മൂന്നാമതൊരു സീറ്റ്‌ ആവശ്യപ്പെട്ടപ്പോള്‍ രാജ്യസഭാ സീറ്റും മുസ്ലിംലീഗിന്‌ നല്‍കിയത്‌ കോണ്‍ഗ്രസ്‌ പുലര്‍ത്തുന്ന മുന്നണി മര്യാദയുടെ ഭാഗമാണ്‌.
അരനൂറ്റാണ്ടിലേറെക്കാലം കെ.എം മാണി കേരള കോണ്‍ഗ്രസുകാരുടെ വത്തിക്കാന്‍ പോലെ കാത്തു സൂക്ഷിച്ച പാലായില്‍ ജോസ്‌ മാണി തോറ്റത്‌ കേരള കോണ്‍ഗ്രസിന്റെ ദുരന്ത ചരിത്രത്തില്‍ ഏറ്റവും കഠിനമായതാണ്‌. പ്രണയകാലത്തും മധുവിധു നാളിലും ജോസ്‌ മാണിയെ തലയിലും നിലത്തും വെയ്ക്കാതെ ലാളിച്ച സിപിഎം ആവേശമൊക്കെ ആറിത്തണുത്ത്‌ തിരയടങ്ങിയ കടല്‍പോലെ നിശ്ചലമായിരിക്കയാണ്‌. നാല്‍ പതിറ്റാണ്ടിലേറെക്കാലം തിരുവിതാംകൂറിലെ കര്‍ഷകര്‍ക്ക്‌ അവകാശബോധ ത്തിന്റെയും സംഘബോധത്തിന്റെയും സൂക്തങ്ങളും പ്രയോഗങ്ങളും പഠിപ്പിച്ച കെ.എം മാണിയുടെ മകന് രാഷ്ര്രീയത്തിന്റെയും കര്‍ഷക രാഷ്ര്രീയത്തിന്റെയും നഴ്‌സറി പാഠങ്ങള്‍ പോലും വശമില്ല. എതിരാളികള്‍ മനസ്സില്‍ കാണുന്നത്‌ മാനത്ത്‌ കാണുന്ന അതീവ കൗശലക്കാരനായ രാഷ്ദ്രീയക്കാരനായിരുന്നു കെ.എം മാണി. അത്തരമൊരു മനസ്സോ മാനമോ കൌശലമോ ഇല്ലാത്ത ജോസ്‌ കെ മാണി സിപി എമ്മിന്റെ അരക്കില്ലത്തില്‍ കിടന്ന്‌ വെന്തുരുകാതെ യുഡിഎഫിലേക്ക്‌ തിരിച്ചുവരുന്നതാണ്‌ നല്ലത്‌.

Continue Reading

Special

അരളീ… നീ ഇത്രയ്ക്കും പ്രശ്നക്കാരനാണോ???

Published

on

ഗ്രീഷ്മ സെലിൻ ബെന്നി

അടൂർ തെങ്ങമത്ത് അരളിച്ചെടിയുടെ ഇല കഴിച്ച പശുവും പശുക്കിടാവും ചത്തു. പോസ്റ്റുമോർട്ടത്തിൽ അരളിയുടെ ഇലയിൽ നിന്നുള്ള വിഷാംശമാണ് മരണകാരണമെന്നാണ് വെറ്റിനറി ഓഫീസറുടെ സ്ഥിരീകരണം. അടുത്തിടെയാണ് യു കെ യാത്ര സ്വപ്നം കണ്ട് പറന്നുയരാൻ കൊതിച്ച സൂര്യയെന്ന പെൺകുട്ടിയുടെ ജീവിതത്തിൽ നിറങ്ങൾ ചാലിച്ചെത്തിയ വില്ലനായി അരളി ചെടി മാറിയത്. വിമാനയാത്രയ്ക്കായി നെടുമ്പാശ്ശേരിയിലേക്ക് പോകും മുൻപ് പ്രിയപ്പെട്ടവരോട് യാത്ര പറയാനായി ഫോണിൽ സംസാരിക്കുന്നതിനിടയിൽ അറിയാതെ അരളി പൂവിന്റെ ഇലയിൽ ഒന്ന് കടിച്ചു. പിന്നാലെ പൂവും. ചികിത്സ നൽകിയെങ്കിലും ജീവൻ രക്ഷിക്കാനായില്ല. സൂര്യയുടെ ജീവിതത്തിലെ ഇരുണ്ട അധ്യായത്തിന്റെ ഓർമയായി അരളി പൂവ് മാറി.

Advertisement
1000x200 PX MALAYALI DCTR MDX-02-02

കേരളത്തിൽ അങ്ങോളം ഇങ്ങോളം ധാരാളമായി കാണപ്പെടുന്ന ഒരു നിത്യഹരിത സസ്യമാണ് അരളി. മനോഹരമായ പൂക്കൾ അരളിയുടെ സവിശേഷതയാണ്. ഇന്ത്യയിലുടനീളം കാണുന്ന ഈ സസ്യത്തിന്‌ എല്ലാത്തരം കാലാവസ്ഥയിലും വളരാൻ തക്ക ശേഷിയുണ്ട്. മഞ്ഞ, ചുവപ്പ്, വെളുപ്പ്, കൃഷ്ണ എന്നീ നിറങ്ങളിലുള്ള പൂക്കൾ ഉണ്ടാകുന്ന അരളി ചെടികൾ കണ്ടുവരുന്നു. ഉദ്യാനത്തിലെ അലങ്കാര പൂവായി അരളി നിലകൊള്ളുന്നുണ്ടെങ്കിലും ക്ഷേത്രത്തിലെ പൂജയിൽ ഒഴിച്ചുകൂട്ടാൻ ആവാത്ത ഒന്നായി ഉപയോഗിക്കപ്പെടുന്നു.

സവിശേഷതകൾ

Advertisement
1000x200 PX MALAYALI DCTR MDX-02-02

ഏകദേശം മൂന്ന് മീറ്റർ ഉയരത്തിൽ അരളിച്ചെടി വളരുന്നു. ചാര നിറത്തിലുള്ള തൊലിയാണ് അരളിക്ക്. രണ്ടുവശവും കൂർത്ത് നടുക്ക് വീതിയുള്ളതും കട്ടിയുള്ളതും കടും പച്ചനിറത്തിലും ദീർഘരൂപത്തിലുമുള്ള ഇലകൾ ഈ സസ്യത്തിന്റെ പ്രത്യേകതകളാണ്‌. അഞ്ച് ദളങ്ങൾ വീതമുള്ള പൂക്കൾ തണ്ടിന്റെ അറ്റത്ത് കുലകളായി കാണപ്പെടുന്നു. ചെടിയ്‌ക്ക് വെളുത്ത നിറത്തിൽ കറ ഉണ്ടാകുന്നു. അരളിയുടെ എല്ലാ ഭാഗവും വിഷമുള്ളതും ദുർഗന്ധമുള്ളതുമാണ്‌.

ഔഷധമൂല്യം

Advertisement
1000x200 PX MALAYALI DCTR MDX-02-02

ഡൽഹി സർവകലാശാലയിലെ രസതന്ത്രവിഭാഗം പ്രൊഫസർമാരായ എസ് രംഗസ്വാമി, ടിഎസ് ശേഷാദ്രി എന്നിവർ നടത്തിയ ഗവേഷണങ്ങളിൽ നിന്നും; വേര്‌, ഇല എന്നിവിടങ്ങളിൽനിന്നു വേർതിരിച്ചെടുക്കുന്ന ഗ്ലൈക്കോസൈഡുകൾ ഹൃദയപേശികളിൽ പ്രവർത്തിച്ച്; അതിന്റെ സങ്കോച-വികാസങ്ങളുടെ ശേഷി വർധിപ്പിക്കുന്നതായി കണ്ടെത്തിയിട്ടുണ്ട്. കൂടാതെ, വേരിലെ തൊലിക്ക് ശ്വാസകോശത്തിന്റെ സങ്കോച-വികാസശേഷി വർധിപ്പിക്കുന്നതിനും ഉള്ള കഴിവ് ഉണ്ടെന്ന് കണ്ടെത്തിയിട്ടുണ്ട്. വളരെ ലഘുവായ മാത്രയിലാണ്‌ ഔഷധങ്ങൾ ഉപയോഗിക്കേണ്ടത്. അല്ലെങ്കിൽ വിപരീതഫലം ഉണ്ടാക്കാൻ വഴിവയ്ക്കുന്നു.

വിഷമുള്ളതാണ്‌ എങ്കിലും ഔഷധമായും ഉപയോഗിക്കുന്ന ഈ സസ്യത്തെ ഉള്ളിലേയ്‌ക്ക് കഴിക്കുന്നതിനായി ആയുർവേദത്തിന്റെ പ്രാമാണിക ഗ്രന്ഥങ്ങൾ വിവരിക്കുന്നില്ല, എങ്കിലും വൃണങ്ങളിലും കുഷ്ഠരോഗം തുടങ്ങിയ രോഗങ്ങൾക്ക് പുറമേ പുരട്ടുന്നതിന്‌ നല്ലതാണെന്ന് ശുശ്രുതൻ വിധിക്കുന്നു. നിയന്ത്രിതമാത്രയിൽ ഹൃദയപേശികളുടെ സങ്കോചവികാസക്ഷമത വർധിപ്പിക്കും, കൂടുതൽ അളവിൽ ഇവയുടെ പ്രവർത്തനം മന്ദഗതിയിലാകും. അർബുദ ചികിത്സയിൽ ചക്രദത്തിൽ വിവരിക്കുന്ന കരവീരാദി തൈലത്തിൽ അരളി ഉപയോഗിക്കുന്നു. തണ്ടും ഇലയും വളരെ വിഷമയമായ സസ്യമാണിത്. ചെറിയ അളവിലെങ്കിലും ഉള്ളിൽ പോയാൽ വിഷബാധയേൽക്കാനുള്ള സാധ്യതയുണ്ട്. കത്തിച്ച് പുക ശ്വസിച്ചാലും വിഷബാധയേൽക്കാം.

Advertisement
1000x200 PX MALAYALI DCTR MDX-02-02

പല ക്ഷേത്രങ്ങളും നിവേദ്യപുഷ്പങ്ങളില്‍നിന്ന് അരളി ഒഴിവാക്കിയിട്ടുണ്ട്‌. തൃപ്രയാര്‍ ക്ഷേത്രത്തില്‍ പത്തു വര്‍ഷം മുന്‍പു തന്നെ നിവേദ്യപൂജയില്‍നിന്ന് അരളിപ്പൂവിനെ ഒഴിവാക്കിയിരുന്നു. അരളിയുടെ പൂവിലും ഇലയിലും അടങ്ങിയിരിക്കുന്ന വിഷാംശം മൂലം തിരുവിതാംകൂര്‍ ദേവസ്വം ബോര്‍ഡിന്റെ കീഴിലുള്ള ക്ഷേത്രങ്ങളില്‍ അരളി പൂവ് നിവേദ്യ പൂജകള്‍ക്ക് ഉപയോഗിക്കുന്നില്ല.

Advertisement
1000x200 PX MALAYALI DCTR MDX-02-02
Continue Reading

Featured