National
മധ്യപ്രദേശിലെ പടക്ക നിര്മ്മാണ ശാലയിലെ തീപിടുത്തം: രണ്ട് പേര് അറസ്റ്റില്
മധ്യപ്രദേശിലെ പടക്ക നിര്മ്മാണ ശാലയിലെ തീപിടുത്തം: രണ്ട് പേര് അറസ്റ്റില്ഭോപ്പാല്: മധ്യപ്രദേശിലെ ഹര്ദ പട്ടണത്തിലെ പടക്ക നിര്മാണശാലയില് സ്ഫോടനത്തിലും തീപിടിത്തത്തിലും 11 പേര് കൊല്ലപ്പെടുകയും 179 പേര്ക്ക് പരിക്കേല്ക്കുകയും ചെയ്ത സംഭവത്തില് രണ്ട് ഉടമകളെ പോലീസ് അറസ്റ്റ് ചെയ്തു. എഫ്.ഐ.ആര് ഫയല് ചെയ്യുകയും മനഃപൂര്വമല്ലാത്ത നരഹത്യയ്ക്ക് കേസെടുക്കുകയും ചെയ്തതായി പൊലീസ് അറിയിച്ചു. ഫാക്ടറി ഉടമകളായ രാജേഷ് അഗര്വാള്, സോമേഷ് അഗര്വാള് എന്നിവരെ ചൊവ്വാഴ്ച വൈകുന്നേരം രാജ്ഗഡ് ജില്ലയിലെ സാരംഗ്പൂരില് നിന്നാണ് അറസ്റ്റ് ചെയ്തത്. ഫാക്ടറിയുടെ മാനേജരായ റഫീഖ് ഖാന് എന്ന ഒരാളെ കൂടി കസ്റ്റഡിയിലെടുത്തതായി ഹര്ദ പോലീസ് സൂപ്രണ്ട് സഞ്ജീവ് കാഞ്ചന് പറഞ്ഞു.തലസ്ഥാനമായ ഭോപ്പാലില് നിന്ന് ഏകദേശം 150 കിലോമീറ്റര് അകലെയുള്ള ഹര്ദ ടൗണിന്റെ പ്രാന്തപ്രദേശത്തുള്ള മഗര്ധ റോഡിലെ ബൈരാഗര് പ്രവിശ്യയില് ചൊവ്വാഴ്ച രാവിലെയായിരുന്നു സ്ഫോടനം നടന്നത്.
പൊട്ടിത്തെറിയുടെ കാരണം ഇതുവരെ അറിവായിട്ടില്ലെന്ന് അധികൃതര് അറിയിച്ചു. രക്ഷപ്പെടുത്തിയ 174 പേരില് 34 പേരെ ഭോപ്പാലിലേക്കും ഹോഷംഗബാദിലേക്കും മാറ്റി.140 പേര് ജില്ലാ ആശുപത്രിയില് ചികിത്സയിലാണെന്നും നര്മ്മദാപുരം കമ്മീഷണര് പവന് ശര്മ്മ ചൊവ്വാഴ്ച മാധ്യമപ്രവര്ത്തകരോട് പറഞ്ഞു. തീ അണച്ചതായും സൈറ്റില് നിന്ന് അവശിഷ്ടങ്ങള് നീക്കം ചെയ്യുകയാണെന്നും അന്വേഷണം നടന്നുവരികയാണെന്നും അദ്ദേഹം കൂട്ടിച്ചേര്ത്തു.
കൊല്ക്കത്ത: ആര് ജി കര് മെഡിക്കല് കോളേജ് ആശുപത്രിയിലെ പിജി ഡോക്ടറുടെ ബലാത്സംഗക്കൊലപാതകത്തില് പ്രതിഷേധിച്ച് ആരംഭിച്ച സമരം തുടരുമെന്ന് ജൂനിയര് ഡോക്ടര്മാര്. സമരം അവസാനിപ്പിക്കണമെന്ന സുപ്രീംകോടതി നിര്ദേശം അംഗീകരിക്കില്ലെന്നാണ് ഡോക്ടര്മാരുടെ നിലപാട്. വനിത ഡോക്ടറുടെ ബലാത്സംഗക്കൊലപാതകത്തില് ഇടപെട്ട സുപ്രീം കോടതി ഇന്നലെ പ്രതിഷേധം അവസാനിപ്പിച്ച് സേവനം തുടരാന് സമരം ചെയ്യുന്ന ഡോക്ടര്മാരോട് നിര്ദ്ദേശിച്ചിരുന്നു. കൊല്ക്കത്ത പൊലീസ് കമ്മീഷണറും ആരോഗ്യ സെക്രട്ടറിയും രാജി വെക്കണമെന്നാണ് പ്രതിഷേധക്കാരുടെ ആവശ്യം. ആരോഗ്യ വകുപ്പ് ആസ്ഥാനത്തേക്ക് മാര്ച്ച് നടത്തുമെന്നും ജൂനിയര് ഡോക്ടര്മാര് അറിയിച്ചു.
ഇന്ന് വൈകിട്ട് അഞ്ച് മണിക്കുള്ളില് ജോലിയിലേക്ക് മടങ്ങണമെന്നാണ് കോടതി ഇന്നലെ നിര്ദേശിച്ചിരുന്നത്. പൊതുസമൂഹത്തിന് സേവനം നല്കാന് ഡോക്ടര്മാര്ക്ക് ബാധ്യതയുണ്ടെന്ന് മറക്കരുതെന്നും ഡോക്ടമാര് തിരികെ പ്രവേശിച്ചില്ലെങ്കില് പശ്ചിമ ബംഗാള് സര്ക്കാരിന് നടപടി സ്വീകരിക്കാമെന്നും സുപ്രീം കോടതി അറിയിച്ചിരുന്നു.
ചീഫ് ജസ്റ്റിസ് ഡി വൈ ചന്ദ്രചൂഡ്, ജെ ബി പര്ദിവാല, മനോജ് മിസ്ര എന്നിവരടങ്ങിയ ബെഞ്ചിന്റേതാണ് നിര്ദേശം. ഡോക്ടര്മാരുടെ ആശങ്കകള് പരിഹരിക്കണമെന്നും അവരുടെ സുരക്ഷ ഉറപ്പാക്കണമെന്നും പശ്ചിമ ബംഗാള് സര്ക്കാരിനോട് കോടതി നിര്ദേശിച്ചു. അതിനായി സിസിടിവി ക്യാമറകള് സ്ഥാപിക്കണം, വിശ്രമമുറികള് ഒരുക്കണം, ആവശ്യമായ മറ്റു ഘടനാപരമായ മാറ്റങ്ങളും വരുത്തണമെന്നും കോടതി സര്ക്കാരിന് നിര്ദേശം നല്കിയിരിക്കുകയാണ്. മതിയായ ചികിത്സ ലഭിക്കാത്തതിനെ തുടര്ന്ന് 23ഓളം രോഗികള് മരിച്ചെന്ന് സീനിയര് അഡ്വക്കേറ്റ് കപില് സിബലിന്റെ വാദത്തെ തുടര്ന്നാണ് സുപ്രീം കോടതിയുടെ ഉത്തരവ്.
Featured
രാജസ്ഥാനിലെ അജ്മീറിലും ട്രെയിന് അട്ടിമറി ശ്രമം:70 കിലോ വീതം ഭാരമുള്ള രണ്ട് സിമന്റ് കട്ടകള് ട്രാക്കില്
റായ്പൂര്: രാജസ്ഥാനിലെ അജ്മീറിലും ട്രെയിന് അട്ടിമറി ശ്രമം. 70 കിലോ വീതം ഭാരമുള്ള രണ്ട് സിമന്റ് കട്ടകള് ട്രാക്കില് നിന്ന് കണ്ടെത്തി. ഗുഡ്സ് ട്രെയിന് പാളം തെറ്റിക്കാനാണ് ശ്രമിച്ചത്. സിമന്റ് കട്ടകളില് തട്ടിയെങ്കിലും കേടുപാടുകള് കൂടാതെ ട്രെയിന് യാത്ര തുടര്ന്നു.ഫുലേര-അഹമദാബാദ് പാതയിലെ ശാരദ്ന, ബംഗദ് സ്റ്റേഷനുകള്ക്കിടയില് ഞായറാഴ്ച രാത്രി 10.30 ഓടെയാണ് സംഭവം. റെയില്വേ ജീവനക്കാരുടെ പരാതിയെത്തുടര്ന്ന് റെയില്വേ ആക്ട്, പൊതുമുതല് നശിപ്പിക്കല് എന്നിവ പ്രകാരം പൊലീസ് എഫ്.ഐ.ആര് രജിസ്റ്റര് ചെയ്തിട്ടുണ്ട്.
ട്രാക്കില് സിമന്റ് കട്ട ഇട്ടതായി ജീവനക്കാര്ക്ക് വിവരം ലഭിച്ചതിനെ തുടര്ന്ന് സ്ഥലത്ത് തിരച്ചില് നടത്തിയപ്പോള് കട്ട തകര്ന്ന നിലയില് കണ്ടെത്തുകയായിരുന്നു. അതേ ട്രാക്കില് തന്നെ കുറച്ചകലെ രണ്ടാമത്തെ കട്ടയും കണ്ടെത്തി. സംഭവത്തില് പൊലീസ് അന്വേഷണം ആരംഭിച്ചിട്ടുണ്ട്.
ഇന്നലെ പ്രയാഗ്രാജില് നിന്ന് ഹരിയാനയിലെ ഭിവാനിയിലേക്കുള്ള കാളിന്ദി എക്സ്പ്രസ് ട്രെയിന് കാണ്പൂരിലെ റെയില്വേ ട്രാക്കില് സ്ഥാപിച്ചിരുന്ന എല്.പി.ജി സിലിണ്ടറില് ഇടിച്ചു. ട്രെയിനില് തട്ടി സിലിണ്ടര് പാളത്തില് നിന്ന് തെറിച്ചുവീണതോടെയാണ് വലിയ അപകടം ഒഴിവായത്. ട്രാക്കില് പെട്രോളും തീപ്പെട്ടിയും ഉള്പ്പെടെ സംശയാസ്പദമായ മറ്റ് വസ്തുക്കളും കണ്ടെത്തി.
ന്യൂഡൽഹി: വിദേശത്തുനിന്ന് എത്തി നിരീക്ഷണത്തിലായിരുന്ന യുവാവിന് എം പോക്സ് സ്ഥിരീകരിച്ചു. എം പോക്സിന്റെ പഴയ വകഭേദമാണ് സ്ഥിരീകരിച്ചെന്നു ആരോഗ്യമന്ത്രാലയം . എം.പോക്സ് ബാധിത മേഖലയിൽ നിന്നെത്തിയ യാത്രക്കാരനാണ് രോഗബാധ. ലോകാരോഗ്യ സംഘടന പ്രഖ്യാപിച്ച ആരോഗ്യ അടിയന്തരാവസ്ഥയുടെ ഭാഗമല്ല. 2022ൽ ഇന്ത്യയിൽ റിപ്പോർട്ട് ചെയ്യപ്പെട്ടതിന് സമാന കേസെന്നും ആരോഗ്യമന്ത്രാലയം വിശദീകരിച്ചു. രോഗിയുടെ നില തൃപ്തികരമാണെന്നും നിലവിൽ രോഗവ്യാപന ആശങ്കയില്ലെന്നും ആരോഗ്യമന്ത്രാലയം കൂട്ടിച്ചേർത്തു.
-
Featured4 weeks agoപാലിയേക്കര ടോള്: കരാര് കമ്പനിക്ക് 2128.72 കോടി രൂപ പിഴ ചുമത്തി ദേശീയപാത അതോറിറ്റി
-
Kerala3 months agoതസ്തിക നിർണയം, അവധി ദിനങ്ങൾ പ്രവർത്തിക്കാൻ ആവശ്യപ്പെടുന്ന സർക്കുലർ സർക്കാർ
പിന്വലിക്കുക: കെപിഎസ്ടിഎ -
Featured3 months agoപ്ലസ് വൺ സീറ്റ് പ്രതിസന്ധി: സംസ്ഥാനത്ത് നാളെ കെഎസ്യു വിദ്യാഭ്യാസ ബന്ദ്
-
News2 weeks agoജീവനക്കാരുടെ അവകാശങ്ങൾക്ക് തടസ്സം നിൽക്കുമെന്ന് സർക്കാർ
-
Business4 weeks agoസംസ്ഥാനത്ത് കോഴി വില കുത്തനെ കുറഞ്ഞു
-
Business2 months agoജിയോയ്ക്കും എയർടെല്ലിനും പിന്നാലെ വോഡാഫോൺ ഐഡിയയും; മൊബൈൽ റീചാർജ് നിരക്ക് വർധിപ്പിച്ചു
-
News3 weeks agoസംഭാവന എല്ലാവരിൽ നിന്നും സ്വീകരിക്കാനുള്ള ഭേദഗതി ഉത്തരവിൽ വരുത്തണം: സെറ്റോ
-
Ernakulam1 month agoശനിയാഴ്ച പ്രവൃത്തിദിനം ഹൈക്കോടതിവിധി സർക്കാരിന് കനത്ത തിരിച്ചടി: കെ പി എസ് ടി എ
You must be logged in to post a comment Login