Kuwait
300 ശാഖകളുടെ ചരിത്ര നേട്ടവു മായി ലുലു ഫിനാൻഷ്യൽ ഹോൾഡിംഗ്സ് !
കുവൈറ്റ് സിറ്റി : അബുദാബി ആസ്ഥാനമായി2009 ൽ സ്ഥാപിതമായ ലുലു ഫിനാൻഷ്യൽ ഹോൾഡിംഗ്സ് 300 ശാഖകളുടെ ചരിത്ര നേട്ടത്തിന്റെ തിളക്കത്തിൽ. ലുലു മണിഎക്സ്ചേഞ്ച് ന്റെ 300 മത്തെ ശാഖ ദുബൈയിലെ അൽ റിഗായിൽ പ്രവർത്തനം ആരംഭിച്ചു. യുഎഇയിലെ 96 – മത് കൂടിയായ ആഗോള തലത്തിലെ പുതിയ 300 – മത് ശാഖാ സൗത്ത് ആഫ്രിക്കൻ അംബാസിഡർ സാദ് കച്ചാലിയ ആണ് ഉദ്ഘാടനം ചെയ്തത്. ഫിലിപ്പീൻസ് കൗൺസിൽ ജനറൽ റെനാറ്റോ എൻ ഡ്യുനാസ് ജൂനിയർ, ലുലു ഫിനാൻഷ്യൽ ഹോൾഡിംഗ്സ് മാനേജിംഗ് ഡയറക്ടർ അദീബ് അഹമ്മദ്, ലുലു ഫിനാൻഷ്യൽ ഹോൾഡിംഗ്സ് സീനിയർ ഉദ്യോഗസ്ഥരും അഭ്യുദയ കാംക്ഷികളും അടക്കം നിരവധി പേര് സന്നിഹിതരായിരുന്നു. ഇന്ത്യ അടക്കമുള്ള പത്ത് പ്രമുഖ രജ്ജ്യങ്ങളിലെ ശക്തമായ സാന്നിധ്യം കൊണ്ട് ആഗോള സാമ്പത്തിക വിനിമയ രംഗത്ത് ഏറ്റവും മുൻപന്തിയിൽ നിൽക്കുന്ന ‘ലുലു ഫിൻ’ സ്ഥാപിതമായി പതിനാലാമത് വർഷത്തിലാണ് ഈ അപൂർവ ബഹുമതിക്ക് അർഹമായിരിക്കുന്നത്.
ലുലു ഫിനാൻഷ്യൽ ഹോൾഡിംഗ്സിന്റെ നാഴിക കല്ലാകുന്ന ചടങ്ങിൽ പങ്കെടുക്കാൻ കഴിഞ്ഞതിൽ അതിയായ സന്തോഷമുണ്ടെന്നും ലോകോത്തര നിലവാരത്തിൽ ലുലു ഫിനാൻഷ്യൽ ഹോൾഡിംഗ്സിന് പ്രവർത്തിക്കാനാകട്ടെയെന്നും സൗത്ത് ആഫ്രിക്കൻ അംബാസിഡർ സാദ് കച്ചാലിയ പറഞ്ഞു. കുറഞ്ഞ സമയം കൊണ്ട് തന്നെ രാജ്യാതിർത്തി കടന്നുള്ള പണമിടപാട് രംഗത്തിൽ മികച്ച പ്രവർത്തനം നടത്താൻ ലുലു ഫിനാൻഷ്യൽ ഹോൾഡിംഗ്സിന് കഴിഞ്ഞിട്ടുണ്ട്. വികസ്വര രാജ്യങ്ങൾക്ക് ലുലു ഫിനാൻഷ്യൽ ഹോൾഡിംഗ്സ് പോലെയുളളവയുടെ പ്രവർത്തനം ആശ്വാസകരമാണെന്നും അദ്ദേഹം കൂട്ടിച്ചേർത്തു.
കഴിഞ്ഞ 14 വർഷം കൊണ്ട് യു എ ഇയിലും മറ്റ് രാജ്യങ്ങളിലും നേട്ടം കൊയ്ത ലുലു ഫിനാൻഷ്യൽ ഹോൾഡിംഗ്സിന് ഇതിനകം മികച്ച പ്രവർത്തനം കാഴ്ചവെയ്ക്കാൻ കഴിഞ്ഞിട്ടുണ്ടെന്ന് ചടങ്ങിൽ മുഖ്യാതിഥിയായി പങ്കെടുത്ത യു എ ഇ യിലെ ഫിലിപ്പീൻസ് കൗൺസിൽ ജനറൽ റെനാറ്റോ എൻ ഡ്യുനാസ് ജൂനിയർ പറഞ്ഞു. 300 ശാഖകൾ എന്ന നേട്ടത്തിലെത്തിയ ലുലു ഫിനാൻഷ്യൽ ഹോൾഡിംഗ്സിന് ഇനിയും കൂടുതൽ നേട്ടത്തിൽ എത്താൻ കഴിയട്ടെയെന്നും അദ്ദേഹം ആശംസിച്ചു.
300 മത് ബ്രാഞ്ചിന്റെ ഉദ്ഘാടനം അഭിമാനകരമായി താൻ കാണുന്നുവെന്ന് ലുലു ഫിനാൻഷ്യൽ ഹോൾഡിംഗ്സ് എം.ഡി അദീബ് അഹമ്മദ് പറഞ്ഞു. രാജ്യാതിർത്തി കടന്നുള്ള പണമിടപാട് രംഗം വികസിച്ച് കൊണ്ടിരിക്കുകയാണ്. അതിന് കൂടെ നിന്ന ഉപഭോക്താക്കൾക്കും, ഇൻഡസ്ട്രിയിലെ പാർട്ണർമാർക്കും അദ്ദേഹം നന്ദി അറിയിച്ചു. നിലവിൽ ഉപഭോക്താൾക്ക് ലഭിക്കുന്ന സംതൃപ്തിയാണ് ഇത് പോലെ കൂടുതൽ പ്രവർത്തിക്കുവാൻ പ്രചോദനമാകുന്നതെന്നും അദ്ദേഹം പറഞ്ഞു. ആഗോള സാമ്പത്തിക രംഗത്തെ ചാലക ശക്തിയാകുന്നതിന് വേണ്ടിയുള്ള പ്രവർത്തനമാണ് ലുലു ഫിനാൻഷ്യൽ ഹോൾഡിംഗ്സ് നടത്തി വരുന്നത്.
കാലഘട്ടത്തിന് അനുസൃതമായി ഡിജിറ്റൽ പ്ലാറ്റ്ഫോമുകൾക്ക് കൂടുതൽ പ്രാധാന്യം നൽകിയും, അതിർത്തി കടന്നുള്ള പേയ്മെന്റുകൾ, ഫോറിൻ മണി എക്സ്ചേഞ്ച്, മൈക്രോഫിനാൻസ്, വിവിധ നിക്ഷേപങ്ങൾ തുടങ്ങിയ മേഖലകളിൽ ലുലു ഫിനാൻഷ്യൽ ഹോൾഡിംഗ്സ് മികച്ച സേവനം നടത്തി വരുന്നു അദ്ദേഹം കൂട്ടി ചേര്ത്തു.
കുവൈറ്റ് സിറ്റി : തുടർച്ചയായ 20-ആം വർഷവും നിറങ്ങളുടെ വർണ്ണ വൈവിധ്യം കൊണ്ട് കല (ആർട്ട്) ഇക്കഴിഞ്ഞ വെള്ളിയാഴ്ച ഖൈത്താൻ ഇന്ത്യൻ കമ്മ്യൂണിറ്റി സ്കൂളിൽ ഉച്ചയ്ക്ക് രണ്ടുമണിക്ക് ആരംഭിച്ചു. ഡ്രോയിംഗിലും പെയിന്റിംഗിലുമായി എൽ കെ ജി മുതൽ 12 -ആം ക്ലാസ്സ് വരെ നാല്ഗ്രൂപ്പുകളിലായി 3000-ൽ അധികം കുട്ടികൾ പങ്കെടുത്തു. പ്രഥമ ഇന്ത്യൻ പ്രധാനമന്ത്രി പണ്ഡിറ്റ് ജവഹർലാൽ നെഹ്രുവിന്റെ 134-ആം ജന്മദിനത്തോടനുബന്ധിച്ചു കുവൈറ്റിലെ ഇന്ത്യന് സ്കൂള് കുട്ടികള്ക്കായി അമേരിക്കൻ ടൂറിസ്റ്ററുമായി സഹകരിച്ചാണ് കല (ആർട്ട്) കുവൈറ്റ് പരിപാടി സംഘടിപ്പിച്ചത്. ചിത്രരചന കൂടാതെ, ഏഴാം ക്ലാസ് മുതൽ പന്ത്രണ്ടാം ക്ലാസ് വരെയുള്ള കുട്ടികള്ക്കായി ക്ലേ സ്കൾപ്ചർ മത്സരവും, രക്ഷിതാക്കള്ക്കും സന്ദര്ശകര്ക്കും പങ്കെടുക്കാവുന്ന ഓപ്പണ് ക്യാൻവാസ് പെയിന്റിംഗും ഉണ്ടായിരുന്നു. നിരവധി രക്ഷിതാക്കളും മത്സരത്തിൽ പങ്കുചേർന്നു. സന്ദർശകരും രക്ഷിതാക്കളുമായ വൻ ജനാവലിയുടെ സാന്നിധ്യത്തിൽ ഇന്ത്യൻ കമ്മ്യൂണിറ്റി സ്കൂൾ ചെയർമാനും ബോർഡ് ഓഫ് ട്രൂസ്റ്റിയും ആയ ഷെയ്ഖ് അബ്ദുൾ റഹ്മാൻ പരിപാടിയുടെ ഔദ്യോഗിക ഉദ്ഘാടനം നിർവഹിച്ചു. ഇന്ത്യൻ കമ്മ്യൂണിറ്റി സ്കൂൾ ഖൈത്താൻ പ്രിൻസിപ്പാൾ ഗംഗാധർ ഷിർഷാദ്, ഗോ-സ്‌കോർ ലേർണിംഗ് പ്രധിനിധി അമൽ ഹരിദാസ് എന്നിവർ ആശംസ പറഞ്ഞു. കല(ആർട്ട്) കുവൈറ്റ് പ്രസിഡന്റ് ശിവകുമാർ, ജനറൽ സെക്രട്ടറി അനീഷ്, മുൻ പ്രസിഡന്റ് ജെയ്സൺ ജോസഫ്, പ്രോഗ്രാം ജനറൽ കൺവീനർ രാകേഷ് പി.ഡി എന്നിവർ സംസാരിച്ചു.നിരവധി സാമൂഹിക പ്രവർത്തകരും സന്നിഹിതരായിരുന്നു.
ഇന്ത്യൻ സ്കൂളുകളിൽ പഠിക്കുന്ന ഇന്ത്യയുടെ വിവിധ ഭാഗങ്ങളിൽ നിന്നുള്ള കുട്ടികളോടൊപ്പം അറബ്, ഫിലിപ്പീന്സ്, ശ്രീലങ്ക എന്നീ രാജ്യങ്ങളിൽ നിന്നുള്ള കുട്ടികളും മത്സരത്തിൽ പങ്കെടുത്തു. ആർട്ടിസ്റ്റുമാരായ ശശി കൃഷ്ണൻ, ഹരി ചെങ്ങന്നൂർ, സുനിൽ കുളനട, മുകുന്ദൻ പഴനിമല എന്നിവർ മത്സരം നിയന്ത്രിച്ചു. റിസൾട്ട് ഡിസംബർ 30-ആം തിയ്യതി ദ്രിശ്യ-വാർത്താ മാധ്യമങ്ങളിലൂടെയും www.kalakuwait.net, എന്ന വെബ്സൈറ്റ്ലൂടെയും പ്രഖ്യാപിക്കുന്നതായിരിക്കും എന്ന് ഭാരവാഹികൾ അറിയിച്ചു. ഓരോ ഗ്രൂപ്പിലും ഒന്നും രണ്ടും മൂന്നും സമ്മാനങ്ങൾക്ക് പുറമേ 75 പേർക്ക് മെറിറ്റ് പ്രൈസും മൊത്തം പങ്കാളിത്തത്തിന്റെ 10 ശതമാനം പേർക്ക് പ്രോത്സാഹന സമ്മാനവും നല്കുന്നതാണ്. 2025 ജനുവരി 10-ആം തിയ്യതി ഖൈത്താൻ ഇന്ത്യൻ കമ്മ്യൂണിറ്റി സ്കൂളിൽ വെച്ച് സമ്മാനദാനം നിർവഹിക്കും.
കുവൈറ്റ് സിറ്റി : ഉത്സവപ്രതീതിയിൽ കോഴിക്കോട് ജില്ലാ എൻ.ആർ.ഐ അസോസിയേഷൻ – കെ.ഡി എൻ.എ പിക്‌നിക് ആഘോഷമായി. മെമ്പർമാരുടെ വൻ പങ്കാളിത്തം കൊണ്ട് പിക്‌നിക് ഉത്സവപ്രതീതിയായി. കബദ് ഫാം ഹൌസ്സിൽ കുട്ടികളും മുതിർന്നവരും ഉൾപ്പെടെ തിങ്ങി നിറഞ്ഞ നൂറുകണക്കിന് പേര് ചേർന്ന് വിനോദോല്ലാസങ്ങൾ കൊണ്ട് അവിസ്മരണീയമാക്കി. അഡ്വൈസറി ബോർഡ് മെമ്പർ സുരേഷ് മാത്തൂർ ഔപചാരികമായി ഉത്ഘാടനം ചെയ്തു. ആക്ടിങ് പ്രസിഡന്റ് ഷിജിത് ചിറക്കൽ ന്റെ അധ്യക്ഷതയ്യിൽ പ്രോഗ്രാം ജോയിന്റ് കൺവീനർ ഷമീർ പി.എസ് സ്വാഗതം പറഞ്ഞു. ജനറൽ സെക്രട്ടറി ഫിറോസ് നാലകത്ത്, അഡ്വൈസറി ബോർഡ് മെമ്പർ ബഷീർ ബാത്ത, ട്രഷറർ മൻസൂർ ആലക്കൽ, വുമൺസ് ഫോറം പ്രസിഡന്റ് ലീന റഹ്മാൻ, ജനറൽ സെക്രട്ടറി സന്ധ്യ ഷിജിത് എന്നിവർ സംസാരിച്ചു. അൽ മുല്ല എക്സ്ചേഞ്ച്, ഫീനിക്സ്, മലബാർ ഗോൾഡ്, കാലിക്കറ്റ് ഷെഫ് എന്നീ സ്പോണ്സര്മാരുടെ പ്രധിനിധികളും സന്നിഹിതരായിരുന്നു. ജോയിന്റ് കൺവീനർ ഷെബിൻ പട്ടേരി നന്ദി അറിയിച്ചു.
കെ.ഡി.എൻ.എ വുമൺസ് ഫോറത്തിന്റെ നേതൃത്വത്തിൽ കുട്ടികൾക്കും മുതിർന്നവർക്കുമായി സംഘടിപ്പിച്ച വിനോദ മത്സരങ്ങൾ അതീവ രസകരങ്ങളായി. ബിൻഗോ ഗെയിം, ലേലം എന്നിവ മുൻ പ്രസിഡന്റ് ഇലിയാസ് തോട്ടത്തിൽ നിയന്ത്രിച്ചു. കുവൈറ്റിലെ പ്രമുഖ ഗായകരായ സമീർ വെള്ളയിൽ, റാഫി കല്ലായി എന്നിവർക്ക് പുറമെ നിരവധി പേർ ഗാനമേളയിൽ പങ്കെടുത്തു. അയാൻ മാത്തൂരിന്റെ ഗാനങ്ങൾ കൗതുകകരമായി. റൗഫ് പയ്യോളി, ഹമീദ് പാലേരി, അഷറഫ്, ശ്യാം പ്രസാദ്, അബ്ദുറഹ്മാൻ എം.പി, തുളസീധരൻ തോട്ടക്കര, ഷാജഹാൻ, റജീഷ് സ്രാങ്കിന്റകം. സമീർ കെ.ടി, ഷംസീർ വി.എ, വിനയൻ, രാമചന്ദ്രൻ പെരിങ്ങൊളം, ഹനീഫ കുറ്റിച്ചിറ, പ്രതുപ്നൻ, ഷൌക്കത്ത് അലി, അനു സുൽഫി, ചിന്നു ശ്യാം, അഷീക ഫിറോസ്, ഷഫാന സമീർ, റെമി ജമാൽ, രജിത തുളസി, ഷാജഹാൻ താഴെ കളത്തിൽ, സൗദ ഇബ്രാഹിം, ജെസ്സി സമീർ, മിർഷ ജമാൽ, മുഹമ്മദ് അസീം ഷമീർ, ഷറഫുദ്ദിൻ എന്നിവർ നിയന്ത്രിച്ചു. അബ്ബാസിയ ഏരിയാ പ്രസിഡന്റ് ശ്യാം പ്രസാദ് പരിപാടികൾ ഏകോപിപ്പിച്ചു.
കുവൈറ്റ് സിറ്റി : ആലപ്പുഴ ജില്ലാ പ്രവാസി അസോസിയേഷൻ കുവൈറ്റ് – അജപക്‌ ട്രാവൻകൂർ “അമ്പിളി ദിലി മെമ്മോറിയൽ എവർറോളിങ് ട്രോഫിക്കു” വേണ്ടിയുള്ള ടൂർണമെന്റ് ഫ്ലയർ അബ്ബാസിയ യുണൈറ്റഡ് ഇന്ത്യൻ സ്കൂളിൽ വെച്ച് ചെയർമാൻ രാജീവ് നടുലിമുറി സ്പോർട്സ് വിങ് ചുമതലയുള്ള വൈസ് പ്രസിഡൻറ് ലിബു പായിപ്പാടന് നൽകി പ്രകാശനം ചെയ്തു. 2024 ഡിസംബർ 13ന് അഹമ്മദി ഐസ്മാഷ് ബാഡ്മിന്റൺ കോർട്ട് ൽ ആണ് ടൂർണമെന്റ് നടക്കുന്നത്. ടീം അംഗങ്ങൾക്കുള്ള ജേഴ്സി പ്രസിഡന്റ് കുര്യൻ തോമസ് പൈനുംമൂട്ടിൽ ബെല്ലാ ചാവോ ആർക്കിറ്റെക്റ്റ്ൽ & ഇന്റീരിയർ സൊല്യൂഷൻ മാനേജിങ് ഡയറക്ടർ മനോജ് കുമാർ ചെങ്ങന്നൂരിന് നൽകി പ്രകാശനം ചെയ്തു. രക്ഷാധികാരി ബാബു പനമ്പള്ളി, ജനറൽ സെക്രട്ടറി സിറിൽ ജോൺ അലക്സ് ചമ്പക്കുളം എന്നിവർ ആശംസകൾ നേർന്നു. സംഘടനാ ചുമതലയുള്ള സെക്രട്ടറി രാഹുൽദേവ് സ്വാഗതവും ട്രഷറർ സുരേഷ് വരിക്കോലിൽ നന്ദിയും പറഞ്ഞു.
പ്രോഗ്രാം കൺവീനർ മനോജ് പരിമണം, അഡ്വൈസറി ബോർഡ് ചെയർമാൻ മാത്യു ചെന്നിത്തല, വൈസ് പ്രസിഡന്റ് പ്രജീഷ് മാത്യു, സെക്രട്ടറി മാരായ, ജോൺ തോമസ് കൊല്ലക്കടവ്, സജീവ് കായംകുളം, അജി ഈപ്പൻ എടത്വ, സാം ആന്റണി, ജോയിൻ ട്രഷറർ മനു പത്തിച്ചിറ, അബ്ബാസിയ യൂണിറ്റ് കൺവീനർ സിഞ്ചു ഫ്രാൻസിസ്, മംഗഫ് യൂണിറ്റ് കൺവീനർ ലിനോജ് വർഗീസ്, വനിതാവേദി ട്രഷറർ അനിത അനിൽ, പ്രോഗ്രാം കൺവീനർ സുനിതാ രവി, ജോയിൻ ട്രഷറർ ആനി മാത്യു എക്സിക്യൂട്ടീവ് അംഗങ്ങൾ ആയ സന്ദീപ് നായർ, പ്രദീപ് അഞ്ചിൽ, വിനോദ് ജേക്കബ് എന്നിവർ പങ്കെടുത്തു.
-
Kerala6 days agoജീവനക്കാരുടെ ശമ്പളബില്ല്
കേന്ദ്രീകൃതമാക്കാനുള്ള നീക്കം,
ശമ്പളം കവര്ന്നെടുക്കാനുള്ള ആസൂത്രിത ശ്രമമാണെന്ന് ; ചവറ ജയകുമാര് -
News3 weeks agoക്ഷാമ ബത്ത കേസിൽ ഇടക്കാല ഉത്തരവ്
-
Featured2 months agoഡി എ: പ്രഖ്യാപനം നിരാശാജനകമെന്ന് സെക്രട്ടേറിയറ്റ് അസോസിയേഷൻ
-
Kerala1 month agoക്ഷാമബത്ത: കുടിശ്ശിക നിഷേധിച്ചാൽ നിയമപരമായി നേരിടും; ചവറ ജയകുമാർ
-
News3 weeks ago
ജീവനക്കാരെ രണ്ടു തട്ടിലാക്കുന്ന നടപടി സർക്കാർ അവസാനിപ്പിക്കണം
-
Education3 months agoമഹാരാജാസിന് ഓട്ടോണമസ് പദവി നഷ്ടപ്പെട്ടിട്ട് നാലുവര്ഷം: കോളേജ് നടത്തുന്ന പരീക്ഷകള് അസാധുവാകും
-
Education3 months agoഓണപ്പരീക്ഷയ്ക്ക് ഇന്ന് തുടക്കം; യുപി വിഭാഗത്തിന് നാളെ മുതല്
-
Travel2 months agoനീല വസന്തം; ചതുരംഗപാറ മലനിരകളിൽ പൂത്തുലഞ്ഞ് കുറിഞ്ഞി
You must be logged in to post a comment Login