തദ്ദേശ ഉപതിരഞ്ഞെടുപ്പ്: 115 സ്ഥാനാര്‍ത്ഥികള്‍ മത്സരരംഗത്ത്

തിരുവനന്തപുരം: സംസ്ഥാനത്തെ മൂന്ന് ജില്ലാ പഞ്ചായത്ത് വാര്‍ഡുകള്‍ ഉള്‍പ്പെടെ 32 തദ്ദേശ വാര്‍ഡുകളിലേയ്ക്ക് ഡിസംബര്‍ ഏഴിന് നടക്കുന്ന ഉപതിരഞ്ഞെടുപ്പിൽ 115 സ്ഥാനാര്‍ത്ഥികള്‍ മത്സരരംഗത്ത്. ഇതില്‍ 21 പേര്‍ സ്ത്രീകളാണ്. ആലപ്പുഴ ജില്ലാ പഞ്ചായത്തിലെ അരൂര്‍ വാര്‍ഡില്‍ നാലും പാലക്കാട് ജില്ലാ പഞ്ചായത്തിലെ ശ്രീകൃഷ്ണപുരം വാര്‍ഡില്‍ മൂന്നും കോഴിക്കോട് ജില്ലാ പഞ്ചായത്തിലെ നന്മണ്ട വാര്‍ഡില്‍ മൂന്നും തിരുവനന്തപുരം മുനിസിപ്പല്‍ കോര്‍പ്പറേഷനിലെ വെട്ടുകാട് വാര്‍ഡില്‍ ആറും കൊച്ചി മുനിസിപ്പല്‍ കോര്‍പ്പറേഷനിലെ ഗാന്ധിനഗര്‍ വാര്‍ഡില്‍ ആറും സ്ഥാനാര്‍ത്ഥികള്‍ മത്സരരംഗത്തുണ്ട്. നാല് ബ്ലോക്ക് പഞ്ചായത്ത് വാര്‍ഡുകളില്‍ 13 ഉം 20 ഗ്രാമപഞ്ചായത്ത് വാര്‍ഡുകളില്‍ 69 ഉം മൂന്ന് മുനിസിപ്പാലിറ്റി വാര്‍ഡുകളില്‍ 11 സ്ഥാനാര്‍ത്ഥികളുമാണ് മല്‍സരിക്കുന്നത്.

വോട്ടെടുപ്പ് 7ന് രാവിലെ 7 മണി മുതല്‍ വൈകുന്നേരം 6 മണി വരെയാണ്. വോട്ടെണ്ണല്‍   8ന് രാവിലെ 10 മണിക്കാണ്. കോവിഡ് മാനദണ്ഡങ്ങള്‍ പാലിച്ചാണ് തിരഞ്ഞെടുപ്പ് നടത്തുന്നതെന്ന് സംസ്ഥാന തിരഞ്ഞെടുപ്പ് കമ്മീഷണര്‍ എ.ഷാജഹാന്‍ അറിയിച്ചു.

Related posts

Leave a Comment