Kerala
മദ്യനയ അഴിമതി: സിപിഎമ്മിന് വേണ്ടി സംസ്ഥാന സർക്കാർ നടത്തിയ ഗുണ്ടാ പിരിവ് ; രാഹുൽ മാങ്കൂട്ടത്തിൽ
പാലക്കാട്: മദ്യനയത്തിന്റെ പേരിൽ എക്സൈസ് മന്ത്രി എംബി രാജേഷിന്റെയും ടൂറിസം മന്ത്രി മുഹമ്മദ് റിയാസിന്റെയും നേതൃത്വത്തിൽ സംസ്ഥാന സർക്കാർ ബാർ ഉടമകളോട് നടത്തിയ ഏറ്റവും വലിയ ഗുണ്ടാ പിരിവാണ് മദ്യനയ അഴിമതിയെന്ന് യൂത്ത് കോൺഗ്രസ് സംസ്ഥാന പ്രസിഡന്റ് രാഹുൽ മാങ്കൂട്ടത്തിൽ. മദ്യനയ അഴിമതിയിൽ ആരോപണ വിധേയനായ എക്സൈസ് മന്ത്രി രാജിവെക്കണമെന്ന് ആവശ്യപ്പെട്ട് യൂത്ത് കോൺഗ്രസ് പാലക്കാട് നടത്തിയ കളക്ടറേറ്റ് മാർച്ച് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
ഇല്ലാത്ത ബാർകോഴയുടെ പേരിൽ കെഎം മാണിയെ മരണംവരെ സിപിഎമ്മുകാർ ഏതെല്ലാം രീതിയിലാണ് വേട്ടയാടിയതെന്ന് ജോസ് കെ മാണി മറന്നാലും കേരളത്തിലെ യുഡിഎഫ് പ്രവർത്തകർ മറക്കില്ല. അന്നത്തെ യുഡിഎഫ് സർക്കാരിന്റെ മദ്യനയത്തിന്റെ ഭാഗമായി സംസ്ഥാനത്താകമാനം 29 ബാറുകൾ മാത്രമാണ് പ്രവർത്തിച്ചിരുന്നത് എന്നാൽ തങ്ങൾ തുറക്കുന്നത് ബാറുകൾ അല്ല സ്കൂളുകൾ ആണെന്ന് മുദ്രാവാക്യം ഉയർത്തി അധികാരത്തിലേറിയ പിണറായി സർക്കാർ എട്ടു വർഷത്തിനിപ്പുറം 802 ബാറുകളാണ് തുറന്നത്. സംസ്ഥാനത്ത് വിദ്യാഭ്യാസ സ്ഥാപനങ്ങൾ ഒഴികെ മറ്റെല്ലാ സംവിധാനങ്ങളിലൂടെയും മദ്യം ഒഴുക്കാനാണ് എൽഡിഎഫ് സർക്കാർ ശ്രമിക്കുന്നത്. ഇതിന് പിന്നാലെയാണ് സർക്കാരിന്റെ മദ്യനയത്തിന് പിന്നിലെ അഴിമതി പുറത്തുവരുന്നത്.
സംസ്ഥാനത്തെ ഡ്രൈ ഡേ പിൻവലിക്കുന്നതിനായി ബാർ ഒന്നിന് 2.5 ലക്ഷം രൂപ സംസ്ഥാനം ഭരിക്കുന്ന പാർട്ടിക്ക് കോഴയായി നൽകണമെന്ന് സംബന്ധിച്ച ബാർ അസോസിയേഷൻ ഇടുക്കി ജില്ലാ പ്രസിഡന്റിന്റെ വാട്സ്ആപ്പ് ചാറ്റ് പുറത്തായതോടെയാണ് മദ്യനയ അഴിമതി സംബന്ധിച്ച വിവരങ്ങൾ പുറത്തുവരുന്നത്. ഇത് സംബന്ധിച്ച് യാതൊരു ചർച്ചയും നടത്തിയിട്ടില്ല എന്നാണ് എക്സൈസ് വകുപ്പ് മന്ത്രി എംബി രാജേഷിന്റെ പ്രതികരണം. എന്നാൽ മന്ത്രിയുടെ വാദം പച്ചക്കള്ളം ആണെന്ന് പുറത്തുവരുന്ന സർക്കാർ രേഖകളിലൂടെ വ്യക്തമാകുന്നത്.
മധ്യനയം മാറ്റം സംബന്ധിച്ച് ടൂറിസം വകുപ്പ് ഡയറക്ടറും എക്സൈസ് വകുപ്പ് സെക്രട്ടറിയും സംബന്ധിച്ച് നടത്തിയ ചർച്ചകൾ വിവരങ്ങൾ ഇതിനോടകം പുറത്തുവന്നിട്ടുണ്ടെന്നും രാഹുൽ വ്യക്തമാക്കി.അതേസമയം എക്സൈസ് വകുപ്പിനെ മറികടന്ന് ടൂറിസം വകുപ്പ് മന്ത്രി മുഹമ്മദ് റിയാസിന്റെ നേതൃത്വത്തിൽ കൊച്ചിയിൽ ചേർന്ന ബാർ ഉടമകളുടെ യോഗത്തിലാണ് മദ്യനയം മാറ്റം സംബന്ധിച്ച് ചർച്ച നടന്നത്. ഇത് സംബന്ധിച്ച് വിവരങ്ങൾ മാധ്യമങ്ങളിലൂടെ പുറത്ത് വരികയും ചെയ്തിട്ടുണ്ട്. എക്സൈസ് വകുപ്പിനെ മറികടന്ന് മദ്യനയത്തിൽ ചർച്ച നടത്താൻ പൊതുമരാമത്ത് വകുപ്പിന് എന്ത് അധികാരമാണുള്ളതെന്ന് രാഹുൽ മാങ്കൂട്ടത്തിൽ ചോദിച്ചു. ഡ്രൈ ഡേയിൽ പണം വാങ്ങി ബാർ തുറന്നു കൊടുക്കുന്ന ഇടത് സർക്കാർ ഗാന്ധിജയന്തി ദിനത്തെ പോലും എണ്ണിച്ചുട്ട അപ്പം പോലെ കച്ചവടം ചെയ്യുമെന്നും രാഹുൽ ആരോപിച്ചു. യൂത്ത് കോൺഗ്രസിന്റെ ഈ സമരം സാമ്പിൾ മാത്രമാണെന്നും ബാർ ഉടമകളിൽ നിന്നും കോഴ വാങ്ങി കുടുംബത്തോടൊപ്പം ഉലകം ചുറ്റുന്ന എക്സൈസ് മന്ത്രി എംബി രാജേഷ് തിരികെ കേരളത്തിൽ എത്തിയാൽ യൂത്ത് കോൺഗ്രസിന്റെ സമരവീര്യം എന്താണെന്ന് കാണേണ്ടി വരുമെന്നും യൂത്ത് കോൺഗ്രസ് സംസ്ഥാന അധ്യക്ഷൻ മുന്നറിയിപ്പ് നൽകി
തിരുവനന്തപുരം: കാഫിര് സ്ക്രീന് ഷോട്ടും ആര്.എസ്.എസ് ബന്ധവും പൂരം കലക്കിയതും പുറത്തു വന്നതോടെ സി.പി.എമ്മിന്റെ കപട മതേതര മുഖംമൂടി അഴിഞ്ഞു വീണുവെന്ന് പ്രതിപക്ഷ നേതാവ് വി.ഡി. സതീശന്. മുഖ്യമന്ത്രിയുടെ ഓഫീസില് ഉപജാപകസംഘം പ്രവര്ത്തിക്കുന്നുവെന്ന ആരോപണവും സി.പി.എമ്മും ബി.ജെ.പിയും തമ്മില് അവിശുദ്ധ ബാന്ധവമുണ്ടെന്നും സി.പി.എമ്മിനെ ജീര്ണത ബാധിച്ചിരിക്കുകയാണെന്നുമുള്ള പ്രതിപക്ഷ ആരോപണങ്ങള് ശരിയാണെന്ന് ഇപ്പോള് തെളിഞ്ഞുവെന്നും ദുബായില് നടത്തിയ വാര്ത്താസമ്മേളനം അദ്ദേഹം പറഞ്ഞു.
ഉപജാപക സംഘത്തില് ഉള്പ്പെട്ടവരുടെ പേരുകള് ഇപ്പോള് പുറത്തുവന്നിട്ടുണ്ട്. ഇനിയും കൂടുതല് പേരുകള് പുറത്തു വരും. കാഫിര് സ്ക്രീന് ഷോട്ട് പ്രചരിപ്പിച്ചതും ആര്.എസ്.എസ് നേതാവിനെ എ.ഡി.ജി.പി സന്ദര്ശിച്ച് മുഖ്യമന്ത്രിയുടെ സന്ദേശം കൈമാറിയതും തൃശൂര് പൂരം കലക്കിയതും പുറത്തു വന്നതോടെ സി.പി.എമ്മിന്റെ കപട മതേതര മുഖംമൂടിയാണ് അഴിഞ്ഞു വീണിരിക്കുന്നത്.
മതപരമായ ഭിന്നിപ്പുണ്ടാക്കി രാഷ്ട്രീയ നേട്ടമുണ്ടാക്കാനാണ് കാഫീര് വിവാദത്തിലൂടെ സി.പി.എം ശ്രമിച്ചത്. ബി.ജെ.പിക്ക് കേരളത്തില് അക്കൗണ്ട് തുറക്കാന് സഹായിക്കാമെന്ന സന്ദേശമാണ് എ.ഡി.ജി.പി വഴി മുഖ്യമന്ത്രി ആര്.എസ്.എസിന് കൈമാറിയത്. ഇതിന്റെ തുടര്ച്ചയായി ബി.ജെ.പിക്ക് കളമൊരുക്കുന്നതിന് വേണ്ടിയാണ് പൂരം കലക്കിയത്. വിശ്വാസത്തെയും ആചാരാനുഷ്ടാനങ്ങളെയും കുറിച്ച് പറഞ്ഞ ബി.ജെ.പിയാണ് ഉത്സവം കലക്കിയത്. സി.പി.എമ്മിന്റെയും ബി.ജെ.പിയുടെയും കപട നിലപാടുകള് ഇപ്പോള് ജനങ്ങള്ക്ക് മുന്നില് തുറന്നു കാട്ടപ്പെട്ടിരിക്കുകയാണ്.
പത്തു ദിവസമായി ഒരു ഭരണകക്ഷി എം.എല്.എ മുഖ്യമന്ത്രിയെയും അദ്ദേഹത്തിന്റെ ഓഫീസിനെയും വെല്ലുവിളിക്കുകയാണ്. എന്നിട്ടും മിണ്ടുന്നില്ല. പഴയ സി.പി.എം ആയിരുന്നെങ്കില് ഇങ്ങനെയാണോ പറയുന്നത് തെറ്റാണെന്നു പറയാന് പോലും പറ്റുന്നില്ല. അതാണ് സി.പി.എമ്മിലെ ജീര്ണതയുടെ ഏറ്റവും വലിയ അടയാളം.സ്വര്ണക്കള്ളക്കടത്തും കൊടകര കുഴല്പ്പണ കേസും ആവിയായതു പോലെ ഇപ്പോഴത്തെ ആരോപണങ്ങളിലെ അന്വേഷണങ്ങളും ആവിയായി പോയാല് പ്രതിപക്ഷ അതിനെ നിയമപരമായി നേരിടും. ആദ്യ പിണറായി സര്ക്കാരിന്റെ കാലത്ത് സ്വര്ണക്കള്ളക്കടത്തു കേസില് മുഖ്യമന്ത്രിയുടെ പ്രിന്സിപ്പല് സെക്രട്ടറി രണ്ടു തവണ ജയിലിലായി.
സ്വര്ണക്കള്ളക്കടത്തിന് പുറമെ സ്വര്ണം പൊട്ടിക്കലും കൊലപാതകങ്ങളും കൈക്കൂലിയും അഴിമതിയും ഉള്പ്പെടെയുള്ള ആരോപണങ്ങളാണ് ഇപ്പോള് മുഖ്യമന്ത്രിയുടെ ഓഫീസിനെതിരെ ഉയര്ന്നിരിക്കുന്നത്. എന്നിട്ടും മുഖ്യമന്ത്രി മിണ്ടുന്നില്ല. മുഖ്യമന്ത്രിയോട് ഒരു ചോദ്യം ചോദിക്കാന് പോലും മാധ്യമ പ്രവര്ത്തകര്ക്ക് സാധിക്കുന്നില്ല. മുഖ്യമന്ത്രി മഹാമൗനത്തിന്റെ മാളങ്ങളില് ഒളിക്കുകയാണെന്നും വി.ഡി സതീശന് പറഞ്ഞു.
തിരുവനന്തപുരം: കേരളം കണ്ട ഏറ്റവും ദാരുണമായ പ്രകൃതിദുരന്തത്തില് വയനാട്ടിലുണ്ടായ വിവരണാതീതമായ നഷ്ടങ്ങളുടെയും ജീവഹാനിയുടെയും പശ്ചാത്തലത്തില് കേരള സെക്രട്ടേറിയറ്റ് അസോസിയേഷന് എല്ലാവര്ഷവും നടത്തിവരാറുള്ള പൂക്കള മത്സരവും കലാപരിപാടികളടക്കമുള്ള ഓണാഘോഷ പരിപാടികള് ഇത്തവണ ഒഴിവാക്കി. എന്നാല് സെക്രട്ടേറിയറ്റ് നോര്ത്ത് ബ്ലോക്കില് സരസ്, സെക്രട്ടേറിയറ്റ് വനിതാവേദി, സമഷ്ടി എന്നിവയുടെ സഹകരണത്തോടെ 11ന് പ്രതീകാത്മകമായി പൂക്കളമൊരുക്കുന്നു.
കൊച്ചി/ ആലപ്പുഴ: കൊച്ചി കടവന്ത്രയില് നിന്ന് കാണാതായ സുഭദ്രയെ കൊന്ന് കുഴിച്ച് മൂടിയതായി സംശയം. സംഭവത്തില് ഒരാളെ പൊലീസ് കസ്റ്റഡിയിലെടുത്തു. കഴിഞ്ഞ മാസം ഏഴാം തിയ്യതിയാണ് 73 വയസുകാരിയായ സുഭദ്രയെ കാണാനില്ലെന്ന് കടവന്ത്ര പൊലീസില് പരാതി ലഭിച്ചത്. തുടര്ന്ന് നടത്തിയ അന്വേഷണത്തില് സുഭദ്ര കലവൂര് എത്തിയതായി കണ്ടെത്തി.
ആലപ്പുഴ കലവൂരില് പൊലീസ് പരിശോധന നടത്തുകയാണ്. കടവന്ത്ര സ്വദേശിനിയായ സുഭദ്രയെ കഴിഞ്ഞ നാലാം തീയതിയാണ് കാണാതായത്. ഏഴാം തീയതിയാണ് സുഭദ്രയുടെ മകന് കടവന്ത്ര പൊലീസില് പരാതി നല്കിയത്. അന്വേഷണത്തില് സുഭദ്ര ആലപ്പുഴ കാട്ടൂര് കോര്ത്തശ്ശേരിയില് എത്തിയ വിവരം ലഭിച്ചു. സുഭദ്രയെ കൊന്ന് കുഴിച്ചുമൂടിയതാണെന്നാണ് സംശയം. സ്ഥലത്ത് കുഴി എടുത്ത് പരിശോധന നടത്തുകയാണ് പൊലീസ്.
-
Featured4 weeks agoപാലിയേക്കര ടോള്: കരാര് കമ്പനിക്ക് 2128.72 കോടി രൂപ പിഴ ചുമത്തി ദേശീയപാത അതോറിറ്റി
-
Kerala3 months agoതസ്തിക നിർണയം, അവധി ദിനങ്ങൾ പ്രവർത്തിക്കാൻ ആവശ്യപ്പെടുന്ന സർക്കുലർ സർക്കാർ
പിന്വലിക്കുക: കെപിഎസ്ടിഎ -
Featured3 months agoപ്ലസ് വൺ സീറ്റ് പ്രതിസന്ധി: സംസ്ഥാനത്ത് നാളെ കെഎസ്യു വിദ്യാഭ്യാസ ബന്ദ്
-
News2 weeks agoജീവനക്കാരുടെ അവകാശങ്ങൾക്ക് തടസ്സം നിൽക്കുമെന്ന് സർക്കാർ
-
Business4 weeks agoസംസ്ഥാനത്ത് കോഴി വില കുത്തനെ കുറഞ്ഞു
-
Business2 months agoജിയോയ്ക്കും എയർടെല്ലിനും പിന്നാലെ വോഡാഫോൺ ഐഡിയയും; മൊബൈൽ റീചാർജ് നിരക്ക് വർധിപ്പിച്ചു
-
News3 weeks agoസംഭാവന എല്ലാവരിൽ നിന്നും സ്വീകരിക്കാനുള്ള ഭേദഗതി ഉത്തരവിൽ വരുത്തണം: സെറ്റോ
-
Ernakulam1 month agoശനിയാഴ്ച പ്രവൃത്തിദിനം ഹൈക്കോടതിവിധി സർക്കാരിന് കനത്ത തിരിച്ചടി: കെ പി എസ് ടി എ
You must be logged in to post a comment Login